Articles by: 尉遲一

阿諾舒華辛力加Figure 搵塊布都無包兩個「丁丁」配件
by / on 16/02/2018 at 10:00 am

阿諾舒華辛力加Figure 搵塊布都無包兩個「丁丁」配件

我唔係女,但都想買呢個由「TBLeague」推出嘅「無縫鋼骨包膠男素體」,因為呢個Figure係阿諾舒華辛力加(Arnold Alois Schwarzenegger)。粗頸、橫向鎖骨、起展手瓜、起筋大髀、壯闊胸肌、誇張腹肌、深刻人魚線等等等等,塊塊肌理都係力的表現。最重現係,成隻Figure搵塊布都無嘅,睇相,雖然胯下之物打咗個「禁」字遮住,但又同時寫明「含兩個丁丁」配件,咁即係點?即係有兩個狀態囉,點樣兩個狀態法?唔使畫公仔畫出腸嘞啩。講明呀,只准18歲或以上人士購買。 相關資訊超像真包青天Figure 眼睥睥好鬼惡 (Dec 27, 2017) 甘小文陳皮女俠吹氣公仔+Figure 動漫節必入 (Jul 30, 2017)

Read more ›

有片:頭枕大髀四人聯浮 唔郁唔笑唔散
by / on 16/02/2018 at 9:00 am

有片:頭枕大髀四人聯浮 唔郁唔笑唔散

大年初一,祝賀語又同長輩們講完,利是又收完,飯又無咁快開,麻雀又無份打,咁有乜好做呢?如果連Board game都嫌玩到悶的話,不如試試擺呢個四人聯浮陣。拉開張凳都唔會跌,都係啲頭枕喺大髀互相緊扣嘅力學嘢,唔關甚麼奇妙的人體事。秘訣係要絕對信任隊友,唔好忍唔住笑,唔好亂咁郁,唔郁一定四平八穩。係無聊架,不過玩吓啫,有啖笑吖嘛。 相關資訊日本單車高手前座載女伴 大髀變拉麵叉燒五花大縛 (Jun 5, 2017)

Read more ›
網圖分享:開心睇2018狗年賀圖
by / on 16/02/2018 at 12:01 am

網圖分享:開心睇2018狗年賀圖

瞓咗未?家陣係大年初一喇,本網站謹祝大家新年進步,萬事勝意,最重要係健健康康,玩得食得瞓得。睇完以下賀圖就早啲休息,瞓醒快啲去拜年,逗多啲利是呀喂。 相關資訊羽生結弦出賽冬奧 Winnie The Pooh繼續成焦點 (Feb 17, 2018) 【羽田都有】日本網民推介必買手信 焗棉花糖朱古力撻 (Feb 11, 2018)

Read more ›
《古惑仔》送超靚素描年曆卡 伊文華過唔到狗年?
by / on 15/02/2018 at 7:50 pm

《古惑仔》送超靚素描年曆卡 伊文華過唔到狗年?

今期第2015及2016期孖寶號《古惑仔》送素描賀年卡,一如上期有陳浩南版同大飛版兩款選擇,又一如早幾日咁樓下報紙檔只得大飛版賣,奇怪。張大飛賀年卡真係畫得好靚,倫裕國手畫真係無得頂,不得不寫個服字!今期孖寶號,一次過睇兩期,感覺一氣呵成好多,尤其采妮趕南哥出門口又跪南哥嗰幾格,究竟求南哥啲乜呢?係咪已經Sure咗豹子健已經係游子健?之後又整多格南哥疑似功高蓋主唔放洪興龍頭韓賓在眼內,啲衝突位開始慢慢浮出嚟嘞,估計呢Part故事應該幾正!不過我驚嘅係,為咗製造高潮兼煲勁小海武值同頭腦,牛佬好似想整死伊文華咁款喎。唉,最好唔好喇,二代死吓一個死吓又一個,斷估好多讀者都會同我一樣,好傷心架。 相關資訊韓國Starbucks推出狗狗cupcake 兩款味道超可愛 (Feb 21, 2018) 讀者熱烈討論 《古惑仔》牛姑使唔使死? (Jan 23, 2018)

Read more ›
參考迪嘉《覆長輩圖》 年初一無懼姨媽姑姐拜年
by / on 15/02/2018 at 6:45 pm

參考迪嘉《覆長輩圖》 年初一無懼姨媽姑姐拜年

聽日就係大年初一,一年先見一次半次嘅大姨媽二姑姐三叔公四舅父五叔六嬸七表哥八表姐,又一年一次地闖入你屋企拜年。通常,正常,你都想快快收完利是就閃人,因為怕咗呢班親戚問長問短──幾時結婚呀?買咗樓未呀?拍拖拍咁耐嘅?唔正正經經搵份工?諸餘此類嘅問題,對無車無樓無仔/女嘅我你他她嚟講,確實非常難堪。為此,迪嘉製作咗四幅《覆長輩圖》,大家大可以參考吓,之後一句彈埋去:「你大我呀?」又或反寸:「食翅啦你!」嘩,真係多麼的有氣勢,委實型到核爆。 相關資訊烏蠅+夢遺大師+強雄+阿星 撐迪嘉「港產映画」角色頭像 (Jul 26, 2017) 網圖分享:香港插畫家發聲 一人一畫擁抱孩子 (Mar 28, 2016)

Read more ›
真‧男人的浪漫 Yas Cheng自資出版《回憶那天-YAS全仕事集》送朋友
by / on 15/02/2018 at 6:21 pm

真‧男人的浪漫 Yas Cheng自資出版《回憶那天-YAS全仕事集》送朋友

男人的浪漫,又豈只豆腐火腩飯,應該包括埋自資出版畫集,仲要免費送畀朋友,仲要租埋場地免費送畀朋友。《回憶那天-YAS全仕事集》屬Yes Cheng個人畫作結集,將會喺動漫基地免費派發,送完即止,屆時仲有限量明信片添。嗯,或者大家會諗,三唔識七攞人嘢好唔係咁好喎,我就咁諗,是次贈書活動誠真正以畫會友也,上到去,就算唔攞書又或攞唔到書,但可以同Yas Cheng影張相,交個朋友都唔錯。 相關資訊睇淡彩靚畫 陳順康《拇指姑娘失蹤探案繪本插畫展》 (Nov 14, 2017) 李健良動漫基地搞《古生命》工作坊 教小朋友畫公仔 (Nov 8, 2017)

Read more ›

網圖分享:情人節無拖拍睇靚畫
by / on 15/02/2018 at 12:25 am

網圖分享:情人節無拖拍睇靚畫

今晚情人節,大家有無拖埋另一半去邊度威呀?有無食燭光晚餐呀?OK,Fine,明白,I totally understand,其實自己一個更開心吖嘛。好喇,為免俾周遭閃光彈射盲,不如睇以情人節為主題嘅靚畫喇。 相關資訊【年年都有今日】情人節落人面 《網球王子》角色又收過10萬盒朱古力 (Feb 20, 2018) 【太像真】日本男生收「工具箱朱古力」 搭飛機被截查 (Feb 20, 2018)

Read more ›
DDED揮春貼紙賣晒 MK公仔好Cute值得入手
by / on 14/02/2018 at 12:31 am

DDED揮春貼紙賣晒 MK公仔好Cute值得入手

話說我上個禮拜日去咗花墟,因拎住大大盆吉,好重好攰兼現場多人到雙腳離地,所以無心機搵DDED檔「旺國冒牌樂園」,諗住年三十晚再捧佢場,買番筒迷你揮春膠紙過癮吓,點知……DDED喺面書留言曰:「揮春膠紙以為無人買,印勁少,結果賣晒!MK公仔以為好好賣,整勁多,結果無人買!」吓?揮春膠紙斷市?有無搞錯?DDED營銷策略真真有待改進。咁喇,如果大家支持佢嘅,幫襯買番隻MK公仔喇,睇相都幾Cute,擺入飾櫃唔失禮,係咪咁講先? 相關資訊DDED年宵搞「旺國冒牌樂園」 即畫獨一無二唔似顏繪 (Feb 7, 2018) DDED出MK公仔+MK閃卡簿 ToySoul有售 (Dec 15, 2017)

Read more ›
食屎啦你+你大我呀 敢唔敢Print迪嘉揮春貼屋企?
by / on 14/02/2018 at 12:28 am

食屎啦你+你大我呀 敢唔敢Print迪嘉揮春貼屋企?

插畫家迪嘉製作咗兩款唔知大家敢唔敢貼出嚟嘅揮春,歡迎大家Colour print咁話喎。講明先,揮春內容並非大路祝福語,而係張學友「食屎啦你」同秦沛「你大我呀」,仲學人玩埋「招財進寶」式合體字添。Print出嚟貼喺公司都幾過癮,係,只限公司,我唔敢貼喺屋企,驚老母鬧呀。

Read more ›
《古惑仔》送財神揮春 陳浩南重遇采妮好有Mood
by / on 14/02/2018 at 12:22 am

《古惑仔》送財神揮春 陳浩南重遇采妮好有Mood

講得出做得到,牛佬繼續送禮,今期第2104期《古惑仔》送賀年財神揮春,開心。本身揮春係有兩款嘅,但唔知點解我樓下公仔書檔只見陳浩南版本,上網見有師兄Post咗大飛版本,搞到我想買兩本公仔書撐一撐牛佬都唔得,或者咁啱俾人買晒喇。另,今期封面陳浩南同采妮對望個構圖好有Mood,食啱情人節氛圍,尤其內文「男女感情,就是一件這麼奇妙的事。不管你是甚麼年紀,不管你智慧有多少,不管你是貧窮或富有……只要你一旦在意,而又即將面對時……心裡還是忐忑不安,卜卜亂跳,控制不來,也驅之不散」呢幾段旁白,睇到我都有少少諗番起以前啲Ex,牛佬起字係幾能夠惹起人共鳴嘅。字好,但有少少嘢想插一插,又係老問題,畫到好大格呀,第九頁隻小腿加高跟鞋、第三十一頁嘅陳浩南倒抽一口涼氣,真係大格到過份咗少少喎,希望可以正視吓喇,《古惑仔》死忠Fans敬上。 相關資訊英雄所見樂瞳 至Goal Club免費派揮春 (Feb 6, 2018) 台灣高手毛筆揮春 紅色渣古「福運三倍」 (Jan 29, 2018)

Read more ›
謝曬皮 x Thermos OT母寶水保溫樽打工仔要有
by / on 13/02/2018 at 8:37 pm

謝曬皮 x Thermos OT母寶水保溫樽打工仔要有

不嬲鍾意謝曬皮畫風,今次扮到甚麼驅風油呀、跌打酒商標,印喺同Thermos聯乘推出嘅保溫樽樽身,仲有埋「All work and no play make pei a dull boy」、「謝曬皮大葯廠」、「OT母寶水」等字眼,真係齋望相已經笑到Gap Gap聲。中看中用,忙到癲嘅打工仔們,包括你與我,確實有必要買番個傍吓身,得閒,吖,唔係,係做嘢唔得閒嗰陣攞出嚟自我安慰吓,希望學佢話齋:「有佢陪你OT,就算無補水,這個冬天都不太冷」喇。 相關資訊網圖分享:謝曬皮零交流舊同學請飲 唔去實屬明智 (Aug 4, 2017) 謝曬皮少女吊飾 維園年宵Must入Item (Jan 24, 2017)

Read more ›

阿塗好創意 年宵出摺紙小攢盒+畫揮春
by / on 12/02/2018 at 3:43 pm

阿塗好創意 年宵出摺紙小攢盒+畫揮春

創意呀,我見到創意呀,阿塗將會喺維園年宵,出售中看中用兼中玩嘅摺紙小攢盒,外形四四方方,顏色大紅大橙,非常應節。係,係要摺嘅,吓?唔識摺紙,後面印埋說明書喎,咁都唔識的話,我都幫你唔到。另,當日阿塗會駐場畫揮春,無錯係畫,有字有畫嗰隻,有辦你睇,啲揮春祝賀語一樣咁有創意架。 相關資訊丟那星賀年揮春+利是封+貼紙 我真係恭喜你呀! (Jan 24, 2018) 努力!奮鬥!阿塗出2018年曆Postcard! (Dec 16, 2017)

Read more ›
《古惑仔》送Q版迷你揮春
by / on 08/02/2018 at 6:45 pm

《古惑仔》送Q版迷你揮春

就嚟過年,牛佬好識做,喺今期第2103期《古惑仔》隨書附送Q版迷你揮春兩大張,分別係Q版梁家仁嘅「家宅平安」同Q版李志高嘅「吉星高招」,仲講到明嚟緊幾期會繼續送添。雖屬小小禮物,但都開心嘅,好意頭吖嘛。最重要係,《古惑仔》係唯一初一嗰個禮拜依然會出書嘅港漫,你知喇,成個禮拜無公仔書睇,好籮籮攣架嘛。 相關資訊神奇膠唱《古惑仔》主題曲 《同擔日月天》又唱又Rap (Jan 1, 2018) 《古惑仔》大飛識飛? 由香港仔跑到荔枝角? (Dec 28, 2017)

Read more ›
六星報喜特別版《山海逆戰》開訂 限量200每套$280
by / on 08/02/2018 at 10:00 am

六星報喜特別版《山海逆戰》開訂 限量200每套$280

我不嬲都唔多買特別版,因為屋企地方有限,好難收藏,但今次為慶祝Dark成立六週年而推出嘅六星報喜特別版《山海逆戰》,我承認好想好想擁有,因為除包一幅巨型海報、兩本65期新繪封面《山海逆戰》、兩張2018年曆卡之外,仲有一幅超勁3D畫報,構圖係迄今我認為最靚到痴線嘅第48期《山海逆戰》封面〈神魔鬥〉,380mm x 520mm超巨型,可以想像Show出嚟係如何震撼。限量200套,每套$280,依家開訂,有買趁手。

Read more ›
曹志豪x柏原太賀《死角》分享會
by / on 08/02/2018 at 9:00 am

曹志豪x柏原太賀《死角》分享會

如果你未買又心大心細想買曹志豪本圖文小說《死角》,咁大可以參加本周日舉辦嘅《死角》分享會,屆時曹志豪會同跨媒體創作人柏原太賀一齊出席。聽完佢哋點講,或者你會即刻課金都未定。利申,我覺得呢本小說係好正嘅,亦覺得角色發揮未去到最盡,所以有心的話,係絕對可以寫第二部嘅。 相關資訊三聯書店x曹志豪《死角》 即場繪畫分享會 (Jan 25, 2018) 撐《PLAY!香港漫畫巡迴展覽》 曹志豪+何志文+山羯出手 (Jan 15, 2018)

Read more ›