Articles by: 尉遲一

009 8月19日現身apm 開《龍城雲集》分享會
by / on 18/08/2017 at 10:00 pm

009 8月19日現身apm 開《龍城雲集》分享會

好多人Buy集體回憶,我都Like,之前介紹過009《龍城雲集》,唔知大家有無捧場?如果心郁郁想買又的唔起心肝的話,不妨聽日去apm參加「香港達人夜書市」,屆時009會駐場搞分享會,話唔明講多兩講,你會即刻買書同作者簽名影相都唔定。 相關資訊集體回憶九龍城 撐009《龍城雲集》 (Jul 14, 2017) 書展必搶《七十二行》實體書 (Jul 9, 2017)

Read more ›

馬學偉x阿傑多開班 傳承港漫技藝
by / on 18/08/2017 at 9:51 pm

馬學偉x阿傑多開班 傳承港漫技藝

開宗明義寫明「技藝‧傳承」,馬學偉聯乘阿傑多開班授徒,務求為港漫出培育新血,值得欣賞。馬學偉係《超神Z》彩稿大師,有豐富港漫製作經驗,阿傑多曾經幫過《天下》畫嘢,依家你哋睇到嘅《山海逆戰》同《西遊》封面,都係出自佢手筆,夠厲害未?課程共八堂,主要教封面及彩技技巧、畫面同背景氣氛、立體感構成同構圖技巧,有心投身港漫行列嘅,不妨留意吓,報告完畢。 相關資訊重現美好兒時回憶 撐《童時播放十六童人畫展》 (Dec 27, 2016) 撐《Project 72》畫展 港漫人的老香港情懷 (Nov 30, 2016)

Read more ›
牛佬!《古惑仔》大格咗啲喎!韓賓一味耷低頭捱揪!
by / on 18/08/2017 at 9:21 pm

牛佬!《古惑仔》大格咗啲喎!韓賓一味耷低頭捱揪!

拿,牛佬唔好嬲呀,我係你死忠Fans,純粹愛之深,所以責之切……今期第2053期《古惑仔》,真係……畫得大格咗少少。數過,除咗尾二嗰頁畫咗七格之外,其餘頁數全部都係坐三望四,仲有好多頁直頭畫Full Page添,我一個地鐵站唔夠已經睇完。畫得疏,仲要畫得似,唔係話無敵影印道,而係構圖基本上一模一樣,韓賓俾天收撳住揪,幾乎幅幅都係畫韓賓側面耷低頭雙手護前咬緊牙關嘴角帶血再加拳風兩點嘭嘭聲,嗯……咁樣好似唔多好喎,希望牛佬可以正視吓,不喜勿插。 相關資訊牛佬《Bloody Girl》網絡劇開播 呂英紅年紀大咗少少 (Jul 24, 2017) 書展撐牛佬!撐《赤軀隨遇》! (Jul 20, 2017)

Read more ›
馮志明出Post有辦你睇 《大漠蒼狼》手繪封面
by / on 15/08/2017 at 3:15 pm

馮志明出Post有辦你睇 《大漠蒼狼》手繪封面

Fine,擺明係引誘,馮志明喺面書Post咗兩張《大漠蒼狼》手繪封面相,簡簡單單留言曰:「手繪版ing,有霸刀又點會沒有飛驚?」有辦你睇,委實靚到一個點,豪邁沙筆版同精美彩筆版各限量40本,睇怕都要搶埋一份。 相關資訊馮志明《大漠蒼狼》簽名會 睇埋《刀劍江湖上河圖》 (Aug 9, 2017) 馮志明N呎長《刀劍江湖上海圖》曝光! (Aug 6, 2017)

Read more ›
跟進:自嘲窮鬼+鹹濕鬼+爛賭鬼 福龍唔係撞鬼
by / on 15/08/2017 at 9:00 am

跟進:自嘲窮鬼+鹹濕鬼+爛賭鬼 福龍唔係撞鬼

有睇今期《山海逆戰》「福龍週記」都知,福龍咁唔好彩喺工廈電梯撞鬼,但篇幅所限,鬼古講到一半就下期待續,相信唔少讀者都同我一樣,好鬼想知成件事來龍去脈。豈料,邱福龍剛剛喺面書話:「早兩日才知!原來撞鬼事件只是一個九星連珠的巧合!我寫左一期先知道真相!但也要完成寫下去!這是事實!也不想欺騙讀者!我一再強調世界上只有三種鬼鹹濕鬼、窮鬼、同爛賭鬼!有些人只有其中一種力量!有些人三種力量集於一身!當然!跟住會有人留言擁有這三種力量的就是我!」哈哈,咁反高潮?我真係想知點九星連珠法,Anyway,搞番清楚唔係撞鬼始終係好事,係咪咁講先? 相關資訊《山海逆戰》超級Fans Edward Yu!添食創作異獸狸力泥塑! (Aug 9, 2017) 堅料!邱福龍撞鬼實錄! (Aug 6, 2017)

Read more ›
葉明發x阿傑多《爆煉RX》 高水準之作
by / on 14/08/2017 at 10:00 pm

葉明發x阿傑多《爆煉RX》 高水準之作

葉明發喺面書發表咗新作《爆煉RX》,此故事仍係同阿傑多合作,總共十頁,零對白Bubble,零旁述,畫功細膩固然要讚,齋用畫面都講到如此充滿溫情嘅古仔,足見功力所在。最尾一頁有「My Hero」字眼,唔知有無諗多咗,關唔關嗱喳俠事?出新書?出新漫畫連載?出乜都好,拭目以待。 相關資訊有獎問答遊戲 葉明發送《嗱喳俠》親筆畫 (Aug 6, 2017) 葉明發《嗱喳俠》變實體書 動漫節開賣 (Jul 24, 2017)

Read more ›

網圖分享:Yuen Q Portrait的球星
by / on 14/08/2017 at 9:36 pm

網圖分享:Yuen Q Portrait的球星

似顏繪?Q版?乜都好喇,總之好畫就要開心Share喇。是日推介面書專頁「Yuen Q Portrait」嘅畫作,個個球星都一眼睇得出畫緊邊個,芸芸球星中,我最鍾意盧卡古,畫得最似?畫得似固然係原因,最重要係因為盧卡古擒晚梅開二度,幫曼聯全取三分上榜首,我係紅魔鬼Fans呀,強烈要求Yuen畫晒曼聯今屆所有球星,咁我就開心咯。 相關資訊巴西國腳「尼馬」玩胡迪 坐膊頭手指指 (Jul 3, 2014) 世界盃球員今昔比 洛賓原來有頭毛 (May 23, 2014)

Read more ›
馮志明《大漠蒼狼》添食 親筆手繪版開訂
by / on 13/08/2017 at 2:05 pm

馮志明《大漠蒼狼》添食 親筆手繪版開訂

馮志明簽名會有無捧場?入咗《大漠蒼狼》未?最新消息,老馮決定加碼推出手繪封面《大漠蒼狼》,分兩個版本,一,豪邁沙筆版,售$1500;二,精美彩筆,售$1800,各限量40本,依家「收藏家港漫專家」開始接受訂購。貴?親筆手繪喎!都係嗰句喇,無話貴唔貴,只有值唔值,係咪咁講先?

Read more ›
報告!今日2:00pm信和派馬遜《蘇生戰銃》宣傳卡
by / on 13/08/2017 at 1:47 pm

報告!今日2:00pm信和派馬遜《蘇生戰銃》宣傳卡

今日行經旺角嘅朋友們,有時間不妨去信和掟個Round,事關有得派馬遜《蘇生戰銃》宣傳卡,時間係下午兩點鐘,到時會有兩位妹妹負責派卡,鍾意儲嘢嘅你我他唔好Miss,報告完畢。 相關資訊免費攞馬遜《蘇生戰銃》宣傳單張 (Jun 26, 2017) 網圖分享:2016港漫人的聖誕賀圖 (Dec 25, 2016)

Read more ›
Felix Ip x Pen So開繪本大師班 一堂過分享創作心得
by / on 11/08/2017 at 8:15 pm

Felix Ip x Pen So開繪本大師班 一堂過分享創作心得

計筆風其實好兩極,Pen So《九龍城寨──場景故事畫集:浪漫大逃亡》何其精雕細琢,Felix Ip嘅《Robox Sketchbook》又何其豪邁奔放,兩個人加埋一齊會有乜化學效果?參加佢兩位聯合舉辦嘅繪本大師班,唔知可唔可以略窺一二?一堂過,到時佢哋會分享創作點滴、入行經歷同指導同學仔創作漫畫或繪本技巧,唔知大家有無興趣呢又? 相關資訊《Robox Sketchbook 2》九折有交易 特攝Sketchbook將連載《漫道月刊》 (Aug 6, 2017) 動漫基地《較‧量──香港漫畫力量》 Pen So+謝森龍異Art Jam (Jul 11, 2017)

Read more ›
係愛呀!Fans自製精品送畀謝森龍異!
by / on 11/08/2017 at 7:45 pm

係愛呀!Fans自製精品送畀謝森龍異!

很想要吧?Sorry,呢三件精品係謝森龍異私人獨享嘅,係由三位熱情Fans親自製作畀佢嘅,Tote bag、水印同飾物,全皆出自佢簽繪嘅其中一個簡單自畫像。佢喺面相好搞笑咁留言:「好彩我個人有啲冷漠,如果唔係已經滾動到喊咗出嚟嘞……謝謝你哋呀!蝦?如果再接落去嘅話,下一個會唔會係……女讀者DlY謝森蛋糕呢?」女讀者收唔收到呀? 相關資訊係愛呀!Fans自製手錶+紙鎮畀雪睛! (Aug 2, 2017) 謝森龍異x九把刀《報告老師!怪怪怪怪物!》 Art Jam拍片怕怕醜醜 (Jul 24, 2017)

Read more ›

有片:不要玩動物 餵龜食辣椒辣到調頭走
by / on 11/08/2017 at 7:00 pm

有片:不要玩動物 餵龜食辣椒辣到調頭走

「辣到喊出來!」呢句對白係我代呢隻可憐的龜講嘅,何苦要整蠱隻龜餵佢食辣椒呢,辣到佢吐都吐唔切,調轉頭就走,仲差啲跌落地添,慘慘龜!睇怕佢以後隔九里遠見到辣椒都即閃。 相關資訊【有片】當隻龜仔係恐龍 主人自製「侏羅龜公園」 (May 4, 2016) 【仲影?】日本網民寵物龜結冰 急救融雪生命力強 (Jan 24, 2016)

Read more ›
Exam Sum動漫廚娘 搭完電車上貨車
by / on 11/08/2017 at 9:00 am

Exam Sum動漫廚娘 搭完電車上貨車

電車無緣碰見,貨車更加難求,之前本網站介紹過嘅珠江橋牌豉油宣傳廣告,破格地用動漫廚娘喺電車車身賣廣告,你哋見過未?我未,Very可惜。據創作人Exam Sum報料,動漫廚娘會出現喺三部唔同大細嘅貨車上面,如果見到,我一定會閃番張靚相。 相關資訊【有片】日本車站電纜事故爆火花 網民話似放煙花 (Jul 27, 2017) 日本電車駕駛室K房 投影車窗扮行車 (Jul 24, 2017)

Read more ›
有片:65000幅油畫創作《Loving Vincent》 盡覽梵高傳奇一生
by / on 10/08/2017 at 10:00 pm

有片:65000幅油畫創作《Loving Vincent》 盡覽梵高傳奇一生

藝術嘅嘢我識條鐵,但梵高大名點都聽過吓嘅,所以對呢套《Loving Vincent》真係OK有興趣,佢係全球首套全用油畫製作嘅動畫電影,參與畫家達125人,Total畫咗65000幅油畫,仲逐格逐格播番出嚟,將梵高傳奇人生呈現觀眾眼前咁話。油畫喎,用油畫製作動畫,淨係呢個賣點夠照,真係要入場見識吓。 相關資訊龍貓/比卡超/史諾比/加菲貓 突入梵高畫世界 (Apr 26, 2017) 李健良2017油畫開售 有埋Folder方便收藏 (Feb 21, 2017)

Read more ›
蛋散襟章出籠 一套十個$88抵撐
by / on 10/08/2017 at 9:30 pm

蛋散襟章出籠 一套十個$88抵撐

之前報導張君豪兄會推出蛋散襟章,依家終於有實物睇嘞,一套十個,兩大(58mm)八小(44mm),售$88。噓!即係平均每個$8.8,會唔會平咗啲?講明限量出品,有興趣唔該快快PM佢。 相關資訊網圖分享:Eric Ng的面書版「七十二大圖集」 (Jun 29, 2017) 網圖分享:《暗黑指紋》多人撐 未出書睇住賀圖先(二) (May 30, 2017)

Read more ›