Articles by: 尉遲一

很想要吧?型爆黑武士茶壺套裝!
by / on 04/11/2017 at 6:00 pm

很想要吧?型爆黑武士茶壺套裝!

正呀喂,一茶壺、兩隻有耳杯、兩隻杯碟加多個糖樽,全部都係黑武士造型,閃閃令勁搶眼,又係買咗都未必捨得用嗰隻,59.99美金,抵玩。雖然我唔係好飲茠,但有無人送畀我呀?真係好想要呀。 相關資訊官方黑武士毛毯睡袋 瞓覺不失殺氣 (Aug 26, 2017) 【小休】日本河邊驚見黑武士/白兵 悠閒傾計Twitter熱傳 (May 22, 2017)

Read more ›

課金支持!《Comic O》第三期11月5日見街!
by / on 04/11/2017 at 5:15 pm

課金支持!《Comic O》第三期11月5日見街!

《Comic O》第三期將於聽日推出,香港原創誌交流展有售。都係嗰句,撐開一二期嘅,無理由唔買埋第三期;未睇過嘅,當新書睇亦無妨。Fine,講埋第三期有乜陣容,由剛剛憑一張太子地鐵站菲利神P圖呃晒傳媒嘅江記畫封面,其他畫手有LUN X 林中鳥、Jackson Ng、Adam Pun、白水、卓翹、Lemon Po、歐海邪、麥少峰、Felix Ip、周小某、陳光管、小棠、蚊張同Knifeson。係,當中有識有唔識,但咁多古仔,斷估都總有一個啱你口味啩?記住,支持本地創作唔係用口講,真正課金喇老友。 相關資訊《Comic O》第三期 暫定11月5日見街 (Oct 19, 2017) 支持本地創作 《Comic O》第二期5月3日首賣 (Apr 28, 2017)

Read more ›
崔成安雙節棍連環圖譜Poster 一套四張$200開賣
by / on 04/11/2017 at 4:41 pm

崔成安雙節棍連環圖譜Poster 一套四張$200開賣

終於有詳細資料,之前報導過嘅崔成安雙節棍連環圖譜Poster,一套四張畫齊晒25招,正式售價為$200,A3 Size。試幻想吓,將25個舞住雙節棍嘅劉萬梁師傅掛上牆,肯肯定係威係勢喇,必買之選也。 資料來源: https://www.facebook.com/nunchaku.hk/photos/a.425899590785879.93898.425743624134809/2040328296009659/?type=3&theater 相關資訊劉萬梁x崔成安 出紅酒招紙有舞棍Pose (Nov 15, 2017) 好消息!《雙節棍連環圖譜》搞多次簽名會! (Oct 5, 2017)

Read more ›
很想要吧?《山海逆戰》山海卡第二彈開訂!
by / on 03/11/2017 at 10:15 pm

很想要吧?《山海逆戰》山海卡第二彈開訂!

時間過得好快,《山海逆戰》原來出版已經一年,為慶祝《山海逆戰》一周年,邱福龍出第二彈山海卡賀一賀佢。老例有唔同價錢嘅版本畀大家選擇,分別係至尊組合套裝$1280、基本卡套裝$388同組合卡套裝$88,豐儉由人嗰隻喇,值得人提係今次有利志達、咳神、許景琛同甘小文助陣,很想要吧?想就快向「收藏家港漫專區」落訂喇,老土都係呢句,手快有手慢無呀老友。 相關資訊《山海逆戰》54期出特別版 3D立體海報+專刊$68超抵 (Nov 9, 2017) 藏王同滅絕王突入《山海逆戰》 于清化名「伍泳媚」? (Oct 21, 2017)

Read more ›
奉Rodman Chan諭 請踴躍參加《天若有情之恐怖吳倩蓮大賽》
by / on 03/11/2017 at 9:45 pm

奉Rodman Chan諭 請踴躍參加《天若有情之恐怖吳倩蓮大賽》

哈哈,平時追睇Rodman Chan啲大作已經有啖笑,繼賤婆婆後,見佢今日吹雞搞《天若有情之恐怖吳倩蓮大賽》,我直頭笑咗出嚟,哈哈。好事吖,Call多啲人一齊畫《天若有情》吳倩蓮加劉德華電單車流鼻血一幕,以畫會友就係呢種嘞,諗吓都開心。佢仲好搞笑咁喺面書留言曰:「費事俾人話獨裁,今次一人一票,夠晒公開公平公正,不過係鬥恐怖,嘿嘿嘿嘿……」鬥恐怖喎,即係手畫唔靚都可以落場一鬥喇,搞到我都有啲手痕,想畫番幅贈慶,大家快啲投稿呀喂。

Read more ›
有片:有驚無險!水淹地窿沒頂!狗媽救仔死而復生
by / on 03/11/2017 at 9:24 pm

有片:有驚無險!水淹地窿沒頂!狗媽救仔死而復生

我唔係狗奴,但呢條片一樣睇到我心驚膽跳。內容係講暴雨令水位上升,洪水灌入地窿,地窿裡面一竇狗仔沒頂,狗媽媽空著急,不斷挖泥嘗試拯救,好彩有有心人發現,幫手舀水,最後狗媽媽唔理咁多,一頭捐入窿叼番啲狗仔出嚟。可惜,其中一隻已經僵咗,而又好彩,有心人不斷幫僵硬狗做心肺復甦,最後得以母子團圓。大團圓結局,雖未至於眼濕濕,但我心底裡都著實有份感動。

Read more ›

喪屍圍西貢 創造館小說《異人》不日推出
by / on 02/11/2017 at 9:15 pm

喪屍圍西貢 創造館小說《異人》不日推出

余兒打骰嘅出版社「創造館」又新作品《異人》推出喇,作者係馬菲。今次主角係救護員,地點喺西貢,講佢哋執勤完發現西貢變天,一街喪屍,惟有建立偏安社區苟且生存,點樣喺「異常環境」下堅守「正常人格」,就係呢本小說要講嘅嘢。係呀又係喪屍呀,悶?應該唔會,因為我實在太Like喪屍題材,真心好期待。 相關資訊【有片】超有氣氛 山梨縣「小菅村」變喪屍村落 (Oct 23, 2017) 余兒《今晚打喪屍》作品展 推出畫板每張$1200 (Oct 16, 2017)

Read more ›
另類漫畫 x Tissot 送親筆繪畫籃球
by / on 02/11/2017 at 8:20 pm

另類漫畫 x Tissot 送親筆繪畫籃球

一向有追開面書專頁「另類漫畫」,公仔固然畫得靚,文字亦觸動到我等有氣無力或有力無氣但依然享受穿針感覺嘅籃球撚,一句到尾好有共鳴。家陣有好消息,「另類漫畫」作者聯乘Tissot,任何買NBA系列腕表者,即獲贈作者親筆繪畫嘅籃球一大個,可以畫你個嘜頭,加你個大名同球衣號碼,名額20個,想要的話要搶,報告完畢。

Read more ›
大好人Eric Ng開火鍋店 港漫主筆親臨/賀圖撐場
by / on 02/11/2017 at 9:00 am

大好人Eric Ng開火鍋店 港漫主筆親臨/賀圖撐場

大半年前幫襯過「兩合特色餐廳」,偷望過大好人老闆Eric Ng一眼,係,Just偷望,因為怕醜,我唔敢上前搭訕,只敢默默欣賞餐廳裡面嘅港漫主筆親筆畫,影完相打完卡走人。透過面書,如無推測錯誤,佢應該孖埋Pen So同曹志豪,啱啱喺上水開咗間新食肆「辛鮮藥膳火鍋」,睇相,見袁家寶同司徒劍僑等人都有捧場。新舖有無掛主筆親筆畫就未知,但賀圖就蜂擁而至,睇怕不難成為主筆們第二個打躉之處。下次去開上水,我一定幫襯,因為我都係邊爐控,祝新店大展鴻圖,賺個開巷咯喂。 相關資訊網圖分享:港漫人&港漫迷的萬聖節賀圖 (Oct 31, 2017) 網圖分享:港漫人的《存在的瞬間》畫展賀圖 (Oct 8, 2017)

Read more ›
崔成安雙節棍連環圖譜Postcard 先睹為快
by / on 01/11/2017 at 10:45 pm

崔成安雙節棍連環圖譜Postcard 先睹為快

真係靚到啪啪聲,公仔主角劉萬梁師傅畫得固然靚,連啲毛筆字體都足堪回味,呢套由崔成安繪畫嘅雙節棍連環圖譜Poster,一套四張,會畫齊總共25式雙節棍招式,甚麼鐵打三角、翻山越嶺、虎口換手、先斬後奏、射棍勢,嘩,好型呀,點可能唔買? 相關資訊司徒劍僑送Postcard 獨一無二親筆頭像 (Nov 14, 2017) 周少康「畫出彩龍」展覽 送Postcard同畫報 (Oct 26, 2017)

Read more ›
網圖分享:男人的浪漫 Exam Sum一年一幅萬聖節魔女
by / on 01/11/2017 at 10:20 pm

網圖分享:男人的浪漫 Exam Sum一年一幅萬聖節魔女

男人的浪漫,又豈只豆腐火腩飯,一個人可以堅持每一年嘅萬聖節,都畫一幅魔女自娛,一畫就二十年,真係筆筆青蔥歲月,線線百味紛陳。呢個人,就係創作動漫廚娘小橋嘅Exam Sum,從呢二十幅畫作裡面,見到佢繪畫技術有明顯進步,而透過個Mon,我深深感受到呢份堅持,真係好值得欽敬。雖然大家睇唔到,但我真係有對住個Mon拍咗一下手掌嘅。 相關資訊【有片】日本網民大發現 電視萬聖節特集現真Saber (Nov 2, 2017) 【圖集】澀谷變裝集合 有女有Gantz有建築 (Nov 1, 2017)

Read more ›

聽歌:100億負能量戰士 二創《龍珠94》聲討腦細
by / on 01/11/2017 at 10:00 am

聽歌:100億負能量戰士 二創《龍珠94》聲討腦細

「撒亞人生於這個地方,稱呼叫悟空……」呢首由張崇基同張崇德兩兄弟主唱嘅《龍珠94》,大家無理由唔識啩?Fine,咁我哋跟住唱咯喎……「百萬人,朝朝要去扮工,鳩up要成功……」我無唱錯呀,因為呢首係二次創作嚟架,出自面書專頁「100億負能量戰士」,負能量戰士者,廣大為五斗米低聲下氣嘅打工仔是也。二創歌詞由妁小汀所改,唱嗰個叫犬崎祐也;係,我都唔識佢兩個,但對於二創歌詞卻非常有共鳴,而唱又唱得異常肉緊,簡直句句直達我心底。我都係打工仔,一樣咁憎老細,一樣咁討厭OT,期望大家可以跟住唱,唱完一齊「拍檯,快收工」。

Read more ›
零違和!太子地鐵站菲利塗鴉!原來係江記P圖!
by / on 01/11/2017 at 9:00 am

零違和!太子地鐵站菲利塗鴉!原來係江記P圖!

好老實,初頭見到呢張太子地鐵站坐椅塗鴉相,我即時心諗:「咁都得?」又幾零違和喎,面相固然似菲利啦,襯色尤其一絕呢下先好嘢,而又老實,直至我放大張相望真之前,我係有少少俾佢Fake到嘅。邊個佢?咪就係江記囉,原來呢張P圖係出自佢之手,乜得佢咁好創意,而又P圖咁天衣無縫,要讚!不過我諗連江記本尊都諗唔到有咁多回響,連傳媒都信而為真搵佢報料,搞到佢要即刻出Post澄清以正視聽,出圖話:「Sorry呀!呢張PS嚟架……我真係玩吓無諗過咁多人以為係真架,頭先仲有記者msg我……我好淆呀依家!」淆乜吖,為大家帶來歡樂,為沉悶嘅生活帶來笑聲,誠一大好事也,有乜好淆?畀啲掌聲江記唔該,啪啪啪啪啪。 相關資訊《古惑仔》送武神太子海報 有埋洪興+三聯權力排行榜好抵睇 (Sep 8, 2017) 【P圖大戰】喵星人「臉大樣細」好古怪 網民瘋狂改圖 (Jul 19, 2017)

Read more ›
網圖分享:港漫人&港漫迷的萬聖節賀圖(二)
by / on 31/10/2017 at 10:50 pm

網圖分享:港漫人&港漫迷的萬聖節賀圖(二)

萬聖節快樂,聽講依家老蘭一街都係小丑,啲人唔係扮《it》小丑就係扮上年大熱嘅《自殺特攻》小丑女喎,大家又喺邊度Happy緊呀?有好畫就唔好俾佢停,繼續欣賞靚畫啦。 相關資訊澀谷萬聖節過後 無私義工團5點半開工 (Nov 1, 2017) 日本山口組萬聖節派糖 夠膽攞夠膽食 (Nov 1, 2017)

Read more ›
Pariz Wong出月曆+年曆卡 大頭靜陪你減肥
by / on 31/10/2017 at 6:36 pm

Pariz Wong出月曆+年曆卡 大頭靜陪你減肥

不嬲有追開朋友仔Pariz Wong面書,知道佢推出2018年座檯月曆同年曆卡,梗係要Hardsell吓,價錢屬經濟實惠嗰隻,月曆每個$78,年曆卡每張$12,二合一套餐$85。點解要撐?一為支持本地創作,二來主角大頭靜畫得著實Cutie,三來句Slogan我非常Like──「減肥是重要的」。嗯嗯……2018年,我目標係減10磅,10磅啫,唔算好妄想吖呵? 相關資訊「另類漫畫」專頁出2018年月曆 課金實際支持 (Nov 20, 2017) 廖光祖2018月曆 最後20個每個$160 (Oct 30, 2017)

Read more ›