Articles by: 尉遲一

真‧男人的浪漫 Yas Cheng自資出版《回憶那天-YAS全仕事集》送朋友
by / on 15/02/2018 at 6:21 pm

真‧男人的浪漫 Yas Cheng自資出版《回憶那天-YAS全仕事集》送朋友

男人的浪漫,又豈只豆腐火腩飯,應該包括埋自資出版畫集,仲要免費送畀朋友,仲要租埋場地免費送畀朋友。《回憶那天-YAS全仕事集》屬Yes Cheng個人畫作結集,將會喺動漫基地免費派發,送完即止,屆時仲有限量明信片添。嗯,或者大家會諗,三唔識七攞人嘢好唔係咁好喎,我就咁諗,是次贈書活動誠真正以畫會友也,上到去,就算唔攞書又或攞唔到書,但可以同Yas Cheng影張相,交個朋友都唔錯。 相關資訊睇淡彩靚畫 陳順康《拇指姑娘失蹤探案繪本插畫展》 (Nov 14, 2017) 李健良動漫基地搞《古生命》工作坊 教小朋友畫公仔 (Nov 8, 2017)

Read more ›

網圖分享:情人節無拖拍睇靚畫
by / on 15/02/2018 at 12:25 am

網圖分享:情人節無拖拍睇靚畫

今晚情人節,大家有無拖埋另一半去邊度威呀?有無食燭光晚餐呀?OK,Fine,明白,I totally understand,其實自己一個更開心吖嘛。好喇,為免俾周遭閃光彈射盲,不如睇以情人節為主題嘅靚畫喇。 相關資訊【年年都有今日】情人節落人面 《網球王子》角色又收過10萬盒朱古力 (Feb 20, 2018) 【太像真】日本男生收「工具箱朱古力」 搭飛機被截查 (Feb 20, 2018)

Read more ›
DDED揮春貼紙賣晒 MK公仔好Cute值得入手
by / on 14/02/2018 at 12:31 am

DDED揮春貼紙賣晒 MK公仔好Cute值得入手

話說我上個禮拜日去咗花墟,因拎住大大盆吉,好重好攰兼現場多人到雙腳離地,所以無心機搵DDED檔「旺國冒牌樂園」,諗住年三十晚再捧佢場,買番筒迷你揮春膠紙過癮吓,點知……DDED喺面書留言曰:「揮春膠紙以為無人買,印勁少,結果賣晒!MK公仔以為好好賣,整勁多,結果無人買!」吓?揮春膠紙斷市?有無搞錯?DDED營銷策略真真有待改進。咁喇,如果大家支持佢嘅,幫襯買番隻MK公仔喇,睇相都幾Cute,擺入飾櫃唔失禮,係咪咁講先? 相關資訊DDED出MK公仔+MK閃卡簿 ToySoul有售 (Dec 15, 2017) 有片:DDED x Loreal men expert抽水廣告 驚現方角版水原希子 (Oct 2, 2015)

Read more ›
食屎啦你+你大我呀 敢唔敢Print迪嘉揮春貼屋企?
by / on 14/02/2018 at 12:28 am

食屎啦你+你大我呀 敢唔敢Print迪嘉揮春貼屋企?

插畫家迪嘉製作咗兩款唔知大家敢唔敢貼出嚟嘅揮春,歡迎大家Colour print咁話喎。講明先,揮春內容並非大路祝福語,而係張學友「食屎啦你」同秦沛「你大我呀」,仲學人玩埋「招財進寶」式合體字添。Print出嚟貼喺公司都幾過癮,係,只限公司,我唔敢貼喺屋企,驚老母鬧呀。

Read more ›
《古惑仔》送財神揮春 陳浩南重遇采妮好有Mood
by / on 14/02/2018 at 12:22 am

《古惑仔》送財神揮春 陳浩南重遇采妮好有Mood

講得出做得到,牛佬繼續送禮,今期第2104期《古惑仔》送賀年財神揮春,開心。本身揮春係有兩款嘅,但唔知點解我樓下公仔書檔只見陳浩南版本,上網見有師兄Post咗大飛版本,搞到我想買兩本公仔書撐一撐牛佬都唔得,或者咁啱俾人買晒喇。另,今期封面陳浩南同采妮對望個構圖好有Mood,食啱情人節氛圍,尤其內文「男女感情,就是一件這麼奇妙的事。不管你是甚麼年紀,不管你智慧有多少,不管你是貧窮或富有……只要你一旦在意,而又即將面對時……心裡還是忐忑不安,卜卜亂跳,控制不來,也驅之不散」呢幾段旁白,睇到我都有少少諗番起以前啲Ex,牛佬起字係幾能夠惹起人共鳴嘅。字好,但有少少嘢想插一插,又係老問題,畫到好大格呀,第九頁隻小腿加高跟鞋、第三十一頁嘅陳浩南倒抽一口涼氣,真係大格到過份咗少少喎,希望可以正視吓喇,《古惑仔》死忠Fans敬上。 相關資訊牛佬《金蒙空》唔出實體書 科月費$65有得睇 (May 23, 2018) 《古惑仔》巨星之戰競猜遊戲 估洪興同三聯五比五平手收場 (May 21, 2018)

Read more ›
謝曬皮 x Thermos OT母寶水保溫樽打工仔要有
by / on 13/02/2018 at 8:37 pm

謝曬皮 x Thermos OT母寶水保溫樽打工仔要有

不嬲鍾意謝曬皮畫風,今次扮到甚麼驅風油呀、跌打酒商標,印喺同Thermos聯乘推出嘅保溫樽樽身,仲有埋「All work and no play make pei a dull boy」、「謝曬皮大葯廠」、「OT母寶水」等字眼,真係齋望相已經笑到Gap Gap聲。中看中用,忙到癲嘅打工仔們,包括你與我,確實有必要買番個傍吓身,得閒,吖,唔係,係做嘢唔得閒嗰陣攞出嚟自我安慰吓,希望學佢話齋:「有佢陪你OT,就算無補水,這個冬天都不太冷」喇。 相關資訊網圖分享:謝曬皮零交流舊同學請飲 唔去實屬明智 (Aug 4, 2017) 謝曬皮少女吊飾 維園年宵Must入Item (Jan 24, 2017)

Read more ›

阿塗好創意 年宵出摺紙小攢盒+畫揮春
by / on 12/02/2018 at 3:43 pm

阿塗好創意 年宵出摺紙小攢盒+畫揮春

創意呀,我見到創意呀,阿塗將會喺維園年宵,出售中看中用兼中玩嘅摺紙小攢盒,外形四四方方,顏色大紅大橙,非常應節。係,係要摺嘅,吓?唔識摺紙,後面印埋說明書喎,咁都唔識的話,我都幫你唔到。另,當日阿塗會駐場畫揮春,無錯係畫,有字有畫嗰隻,有辦你睇,啲揮春祝賀語一樣咁有創意架。 相關資訊英雄所見樂瞳 至Goal Club免費派揮春 (Feb 6, 2018) 台灣高手毛筆揮春 紅色渣古「福運三倍」 (Jan 29, 2018)

Read more ›
《古惑仔》送Q版迷你揮春
by / on 08/02/2018 at 6:45 pm

《古惑仔》送Q版迷你揮春

就嚟過年,牛佬好識做,喺今期第2103期《古惑仔》隨書附送Q版迷你揮春兩大張,分別係Q版梁家仁嘅「家宅平安」同Q版李志高嘅「吉星高招」,仲講到明嚟緊幾期會繼續送添。雖屬小小禮物,但都開心嘅,好意頭吖嘛。最重要係,《古惑仔》係唯一初一嗰個禮拜依然會出書嘅港漫,你知喇,成個禮拜無公仔書睇,好籮籮攣架嘛。 相關資訊網圖分享:白冰的超萌Q版Super Heros (May 22, 2018) 《古惑仔》新專欄「百戰話當年」 當海報儲 (May 7, 2018)

Read more ›
六星報喜特別版《山海逆戰》開訂 限量200每套$280
by / on 08/02/2018 at 10:00 am

六星報喜特別版《山海逆戰》開訂 限量200每套$280

我不嬲都唔多買特別版,因為屋企地方有限,好難收藏,但今次為慶祝Dark成立六週年而推出嘅六星報喜特別版《山海逆戰》,我承認好想好想擁有,因為除包一幅巨型海報、兩本65期新繪封面《山海逆戰》、兩張2018年曆卡之外,仲有一幅超勁3D畫報,構圖係迄今我認為最靚到痴線嘅第48期《山海逆戰》封面〈神魔鬥〉,380mm x 520mm超巨型,可以想像Show出嚟係如何震撼。限量200套,每套$280,依家開訂,有買趁手。

Read more ›
曹志豪x柏原太賀《死角》分享會
by / on 08/02/2018 at 9:00 am

曹志豪x柏原太賀《死角》分享會

如果你未買又心大心細想買曹志豪本圖文小說《死角》,咁大可以參加本周日舉辦嘅《死角》分享會,屆時曹志豪會同跨媒體創作人柏原太賀一齊出席。聽完佢哋點講,或者你會即刻課金都未定。利申,我覺得呢本小說係好正嘅,亦覺得角色發揮未去到最盡,所以有心的話,係絕對可以寫第二部嘅。 相關資訊記得打卡 《Project 72》畫展作品現身中環街市 (Feb 27, 2018) 三聯書店x曹志豪《死角》 即場繪畫分享會 (Jan 25, 2018)

Read more ›
戊戌迎新賀年市集 鵝王Cliffy出迷你揮春好老利
by / on 07/02/2018 at 10:15 pm

戊戌迎新賀年市集 鵝王Cliffy出迷你揮春好老利

之前介紹過嘅「戊戌迎新賀年市集」有好多畫手同插畫家擺Booth,鵝王Cliffy係其一。佢今年推出咗利是封同迷你揮春,個人就鍾意後者多啲,祝賀語句有「抱抱摸頭」、「身心安好」同「食得瞓得」,非常啱聽。A6 size,細細張擺檯頭認真唔錯,紅噹噹好老利,真係擺完波都中多幾場呀。大家有時間的話,2月10日捧吓場喇。 相關資訊戊戌迎新賀年市集 漫畫家駐場寫揮春 (Jan 24, 2018)

Read more ›

睇片:《江湖,再見!》 你仲撐唔撐港產片?
by / on 07/02/2018 at 9:45 pm

睇片:《江湖,再見!》 你仲撐唔撐港產片?

面書專頁「電影公社」出咗條片《再見,江湖!》,將歷代經典港產江湖片、英雄片混剪埋一齊,有時裝有古裝,左Cut一幕右Cut一句對白,成條片係有層次有頭有尾有Message嘅,之所以片長7分25秒,會唔覺唔覺睇晒,我仲睇得好投入添。陳浩南、陳永仁、韓琛、Mark哥、葉問、燕赤霞……邊睇,唔知可唔可以勾番起大家嘅美好回憶?仲記唔記得邊套戲打邊套戲?專頁有留言曰:「今日無咩講,剩係想講撐香港電影嘅,俾個Like,等香港電影工作者知道,仲有好多人撐香港電影!」港產片,你仲撐唔撐? 相關資訊Rex Koo《七孔流血》畫展 重現港產片經典血腥畫面 (Oct 30, 2017) 網圖分享:Hello Wong的惡搞港產片Poster (Sep 6, 2015)

Read more ›
DDED年宵搞「旺國冒牌樂園」 即畫獨一無二唔似顏繪
by / on 07/02/2018 at 8:58 pm

DDED年宵搞「旺國冒牌樂園」 即畫獨一無二唔似顏繪

呢壇嘢真係笑到我Gap Gap聲,隆重宣傳全球獨一無二限定別注「Draw住晒貼紙相機」登場。地點,花墟年宵1號檔;時間,梗係行花市期間啦;有乜玩呢?畀$88.8,入代幣,唔知堅定流地聲稱可以自行設定膚色、面形、眼睛、鼻哥同肌肉,之後係等,等坐喺機入面嘅人唔似顏繪貼紙一大張。說穿了即係畫人像畫喇,畫師有Plastic Thing、東尼電機、Nothing Serious同淨係識畫四方頭嘅DDED,而個攤檔名都零舍啜核,叫「旺國冒牌樂園」,問你服未?咁有趣嘅玩意,大家記得捧場。 相關資訊Plastic Thing x 曼秀雷敦 通鼻塞聞臭屁 (Dec 25, 2017) 港女老婆CaCa維園擺年宵 搵Cuson畫親筆畫 (Feb 5, 2016)

Read more ›
張君豪送賀年Postcard 蛋散變英雄
by / on 07/02/2018 at 11:49 am

張君豪送賀年Postcard 蛋散變英雄

哎,遲咗收風,唔知派晒未呢?話說張君豪兄製作咗批賀年Postcard,準備免費送畀大家,PM佢留低地址就OK,送完即止。佢喺面書留言話:「希望新一年個個做英雄!」Very啱聽,我都望個個收完精美賀卡,齊齊蛋散變英雄。 相關資訊Eric Ng又送年糕畀老人家 畫手繪畫盒面抵讚(二) (Jan 26, 2018) 丟那星賀年揮春+利是封+貼紙 我真係恭喜你呀! (Jan 24, 2018)

Read more ›
「漫事勝意」戊戌年賀卡活動 鬥快搶13畫師賀卡
by / on 06/02/2018 at 12:40 am

「漫事勝意」戊戌年賀卡活動 鬥快搶13畫師賀卡

喂,有遊戲玩呀,是次「漫事勝意」戊戌年賀卡活動,有13個畫師參與,包括……為免遺漏,Copy and paste穩陣,包括Felix Ip、米路沙、Jackson Ng、Adam Pun、姜智傑、謝森龍異、周小某、Wah Kee、卓翹、柳廣成、Tweety包川田、余遠鍠同Pen So,佢哋會喺2月7日到13日送新年賀卡,每人送20幅,當然先留言先得喇。提供埋13位畫師面書資料畀你,大家記得鬥快搶喇。 相關資訊遊戲過關圖賀B仔1歲生日 機迷爹哋乜機都打 (Jan 12, 2014) 黑武士父親節賀卡 「I’m your father!」 (Jun 7, 2013)

Read more ›