Articles by: 尉遲一

戊戌迎新賀年市集 漫畫家駐場寫揮春
by / on 24/01/2018 at 3:45 pm

戊戌迎新賀年市集 漫畫家駐場寫揮春

想率先感受新年氣氛的話,2月10日可以去觀塘走一趟喎,處身工廈嘅「SAAL」會舉辦「戊戌迎新賀年市集」,到時阿柱@OIC親子丼、阿塗、肥佬、Yoda Factory、周小某、大Y、細Y等漫畫家會駐場,賣自家精品兼幫手寫揮春同畫畫,聽講屆時仲有專人煮嘢食,提供埋食物,正宗有得食有得玩有得買,開心喇喂。 相關資訊戊戌迎新賀年市集 鵝王Cliffy出迷你揮春好老利 (Feb 7, 2018)

Read more ›

丟那星賀年揮春+利是封+貼紙 我真係恭喜你呀!
by / on 24/01/2018 at 1:59 pm

丟那星賀年揮春+利是封+貼紙 我真係恭喜你呀!

倒數中喇,仲有唔夠一個月就農曆新年喇,我好期待呀,「丟那星」呢堆賀年精品,唔知啱唔啱大家心水呢?依家逐樣同你數,主要分以下三大類別──「小人退散+人人有腦用」揮春一套兩款$38、「我真係恭喜你呀」利是封一包10個$38、「小人退散+人人有腦用」貼紙一套兩款$20,散買可以,唔同類別Mixed埋嘅套餐亦有。啲口號咁啜核,點只恭喜你,直頭笑死你呀。 相關資訊《古惑仔》送財神揮春 陳浩南重遇采妮好有Mood (Feb 14, 2018) 阿塗好創意 年宵出摺紙小攢盒+畫揮春 (Feb 12, 2018)

Read more ›
《綁靈》1月出版 謝森龍異封面x潘紹聰監製
by / on 23/01/2018 at 9:13 pm

《綁靈》1月出版 謝森龍異封面x潘紹聰監製

創造館出書都好密吓,本《異人》仲擺咗喺背囊未睇晒,話咁快1用尾又話出新書《綁靈》,咁出多啲書,又絕對係好事嚟嘅。新書叫《綁靈》,由《恐怖在線》鬼王潘紹聰監製,一樹著,內容圍繞香港都市傳說,以地綁靈即係死咗都唔肯離開一個地方、非常執著嘅怨魂野鬼為中心。暫時未知賣幾錢,一月下旬見街,最重要係由謝森龍異畫封面,我Like謝森龍異手畫,好難唔撐。 相關資訊喪屍圍西貢 創造館小說《異人》不日推出 (Nov 2, 2017) 跟進番:謝森龍異唔願送劣作 睇咗當擁有咗 (Sep 6, 2017)

Read more ›
香港反虐日 張君豪作畫為貓狗發聲
by / on 23/01/2018 at 8:45 pm

香港反虐日 張君豪作畫為貓狗發聲

原來今日係「香港反虐日」,從來覺得虐畜係弱者最下賤所為,所以縱使我唔係貓奴狗奴,都覺得應該支持。響應方法好簡單,Copy一段文字加張貓狗相,貼喺自己面書,就等同替貓狗發聲,希望香港真正能夠成立到「動物警察」同制定到「動物保護法」。而為此,張君豪亦作畫一張以作呼籲,呢個蛋散咁有愛心,抵讚。係,或者你會話係個意貼個Post無乜實際作用,但姿態嘅嘢,啱就要擺;立場嘅嘢,最緊要明確,呢個響應活動,係值得大家參與嘅。 相關資訊【相集】超可愛雙色喵星人 半灰半黑網上熱傳 (Feb 23, 2018) 日本「貓之日」Twitter洗版 大量可愛喵星人任睇 (Feb 22, 2018)

Read more ›
讀者熱烈討論 《古惑仔》牛姑使唔使死?
by / on 23/01/2018 at 7:45 pm

讀者熱烈討論 《古惑仔》牛姑使唔使死?

今期第2098期《古惑仔》書名真係何其浪漫與悲壯,叫〈我死也為了她!〉,「她」指潘少枝,為佢死嘅係牛姑。故事講到三聯九尾狐同建興擺局,搞到洪興李志高同牛姑無端端打餐死,牛姑寡不敵眾,攬住自己個女人瘋狂捱斬。畫到呢段,網民熱烈討論牛姑使唔使死,我呢,就認為唔會,一,每逄一個重要角色死,牛佬都或多或少會喺自己專欄事先張揚,今次唔覺;二,牛姑應該仲有大把戲可以寫,佢應該係激起三聯同洪興鬥個你死我活嘅催化劑,呢個催化劑暫時好明顯未用盡;三,都未見牛姑嘅「往事回憶」,所以應該未死得住。執筆至此,我反而有個不祥預兆,唔知點解,我覺得李志高反而會打柴,仲要死得好無厘頭嗰隻,希望估錯喇。 相關資訊《古惑仔》送超靚素描年曆卡 伊文華過唔到狗年? (Feb 15, 2018) 《古惑仔》送Q版迷你揮春 (Feb 8, 2018)

Read more ›
上官小強Fans留意 Kent Chu眾籌《壽星仔封面大全集》
by / on 23/01/2018 at 6:37 pm

上官小強Fans留意 Kent Chu眾籌《壽星仔封面大全集》

Kent Chu扯頭纜搞眾籌,打算推出《壽星仔封面大全集》其之三,收錄第201至300期封面,全書100頁,尺寸為148mm x 210mm,想擁有要先成為「壽星俱樂部」會員,一成為會員即送一套3張紀念膠卡,詳情可以留意面書提供嘅資料。時間過得好快,不知不覺上官小強已經離開咗我哋一年有多,係強哥Fans嘅,記得捧場,眾籌截止日期為2月28日。 相關資訊Kent Chu做到嘢 非Dark Club會員都攞到貼紙 (Sep 21, 2017) 《山海逆戰》印錯期數 Kent Chu送免費貼紙彌補缺陷 (Sep 18, 2017)

Read more ›

《漫畫Buddy》第四期2月見街
by / on 18/01/2018 at 9:45 pm

《漫畫Buddy》第四期2月見街

即係受歡迎喇,如果唔係邊有第四期啫。嚟緊2月,《漫畫Buddy》會出第四期,內容暫時所見有陳明《星空之旅》、蕭海安《魔幻月夜天》、陸志明《金寶劍》、金城《行星觀察者》、Penny Wong《使命》,有啲係連載,有啲係新稿。口口聲聲話支持本地創作者,唔該實際啲,課金捧場喇喂。

Read more ›
BB-8+R2D2陪過情人節 送《Star Wars》公仔花束畀女友
by / on 18/01/2018 at 9:30 pm

BB-8+R2D2陪過情人節 送《Star Wars》公仔花束畀女友

提醒番,今年西洋情人節係早過農曆大年初一架,千祈唔好忘記買禮物畀女友呀。如果女友鍾意花而你又覺得買束人有我有嘅花唔環保,兼唔想俾人鋸到一頸血的話,咁呢紮《Star Wars》花應該啱你心水,都紮都成束花咁架,不過裡面擺嘅BB-8、Chewbacca、Darth Vader、Han Solo、Leia、R2-D2等毛公仔,拆咗張花紙就可以擺梳化床頭或飾櫃,係咪化算先?每束79.99美金,諗諗佢喇。 相關資訊【年年都有今日】情人節落人面 《網球王子》角色又收過10萬盒朱古力 (Feb 20, 2018) 【太像真】日本男生收「工具箱朱古力」 搭飛機被截查 (Feb 20, 2018)

Read more ›
聽歌:MastaMic x 鄭欣宜《Not Afraid》 心灰意未冷
by / on 18/01/2018 at 9:15 pm

聽歌:MastaMic x 鄭欣宜《Not Afraid》 心灰意未冷

MastaMic每年都有首總結香港大中小事嘅《HK RapUp》,今年《17HK RapUp》暫時未見影,卻新鮮滾熱辣有首同鄭欣宜合作嘅《Not Afraid》,會收錄喺嚟緊3月推出的嘅個人專輯《MASTAPIECE》咁話喎。個MV係拍得好有心機好型嘅,不過灰,好心灰,係呢首Rap歌初頭俾我嘅感覺,「一而再迷失係對未知未來嘅恐懼,沒法面對迷茫同失落引致嘅空虛」呢兩句,聽到我個心有啲酸,仲以為佢萌生引退念頭添;好彩去到尾歌詞一轉,變番「無人能夠再將我同Hip Hop分開,同樣無嘢可以阻礙你哋為我喝彩」,證明佢心灰但意未冷。Good吖,支持你呀馬米,為你喝彩呀!

Read more ›
有片:一樣型!當李小龍舞雙節棍光劍……
by / on 17/01/2018 at 10:27 pm

有片:一樣型!當李小龍舞雙節棍光劍……

製作呢條短片位仁兄叫Patrick Man,肯肯定佢係李小龍迷,亦係《Star Wars》迷,否則唔會諗到將兩者Crossover埋一齊。後期加工,李小龍手上雙節棍變成黃色光劍,同敵人支木棍變成紅色光劍,互劈互隊,劍影棍影舞來舞去,加埋啲嗡嗡聲,好有Feel。 相關資訊【有片】星戰光劍開價16萬 超精細睇咗當買咗 (Jan 18, 2018) 睇比賽+「十二神將」展覽 雙節棍點只兩碌木咁簡單 (Dec 13, 2017)

Read more ›
真係打到機嘅Gameboy手機殼 $89抵玩
by / on 17/01/2018 at 10:09 pm

真係打到機嘅Gameboy手機殼 $89抵玩

好盞鬼,手機殼做到Gameboy咁款,唔只睇得,仲真係玩得。手機殼有十字掣有AB掣有Mon,內含《俄羅斯方塊》、《坦克大戰》、《賽車》同各類射擊等等遊戲,悶悶哋反轉部手機打番兩局,過吓手癮都唔錯。係,我都知有Apps下載到呢啲Game,但機殼著實係型,仲要每個$89包電磁,諗得過喎,唯一缺點係只適用於iPhone。 相關資訊【有片】破健力氏紀錄 全球最大GameBoy出現 (Sep 26, 2017) 【有片】正式開賣 電話變GameBoy 「SmartBoy」背後可插帶 (Aug 13, 2017)

Read more ›

馬榮成推出風雲紅酒 $1680送水墨畫集
by / on 17/01/2018 at 7:45 pm

馬榮成推出風雲紅酒 $1680送水墨畫集

之前提過馬榮成會推出紅酒,依家有最新資料,分兩個版本,一,銀版單支裝,有風雲紅酒各一,每支$1100,早訂每支平$300;二,風雲‧金裝紀念禮盒套裝,包風雲紅酒各一,兼送多本水墨畫集《以酒論英雄》,盛惠$1680,限量380套。嗯……我唔識飲酒,唔知酒價,但係本畫集,我是十萬個想要的。 相關資訊馬榮成製作單車衫 聶風+步驚雲教你安全知識 (Dec 24, 2017) 上官小威出抱枕/水晶畫板套裝 各限量40套要搶 (Dec 7, 2017)

Read more ›
《金漫畫》四至六期$98 幫襯「收藏家港漫專區」送紀念卡
by / on 17/01/2018 at 7:17 pm

《金漫畫》四至六期$98 幫襯「收藏家港漫專區」送紀念卡

首先問一句,你做咗「收藏家港漫專區」會員未?已入會?Good!未入會?唔該快!事關一做會員,再幫襯買《金漫畫》第四至六期($98),即送馬榮成《五兄弟》珍珠紀念卡一大張,物唔輕情義好好好重。限量推出,要買快手。 相關資訊買《山海逆戰》送2018年曆卡 (Jan 25, 2018) 馬榮成私人珍藏畫集 漫畫家賜畫幅幅精品 (Dec 7, 2017)

Read more ›
門小雷新書《#ME》2月推出
by / on 16/01/2018 at 10:30 pm

門小雷新書《#ME》2月推出

暫時資料唔多,但對於門小雷迷嚟講絕對係好消息,事關佢2月將會有新大作《#ME》出版,仲將會喺東京做新書發佈會。不過放心,佢透露遲啲會喺香港舉行番展覽同簽名活動,依家睇住靚畫先,拭目以待啦老友。 相關資訊船頭尺同茶煲 門小雷手繪經典電影《秋天的童話》 (Jan 12, 2018) 門小雷手繪《胭脂扣》經典一幕 靚到犯規 (Dec 29, 2017)

Read more ›
貓奴必備 帶貓出街用Cat-in-the-bag
by / on 16/01/2018 at 9:45 pm

貓奴必備 帶貓出街用Cat-in-the-bag

呢個Cat-in-the-bag堪稱貓奴必備,話說貓普遍有幽閉恐懼症,所以唔鍾意捐入四邊密封嘅貓袋,呢個Cat-in-the-bag就唔同嘞,前面有個位露出貓頭,中間有手挽位方便貓奴拎住周圍去,你可以想像佢係一個專為貓而設嘅睡袋或吊床,上車扣實座位安全帶,非常安全,每個$36.95美金,諗得過。 相關資訊日本貓零食變「投藥用」 超聰明設計呃喵星人 (Feb 21, 2018) 日本貓睇冬奧 最愛冰壼玩埋一份 (Feb 20, 2018)

Read more ›