Articles by: 尉遲一

書屋訂購《漫畫Buddy 3》 送Folder+Postcard
by / on 11/07/2017 at 10:15 pm

書屋訂購《漫畫Buddy 3》 送Folder+Postcard

為照顧去唔到書展嘅讀者,但凡喺書屋訂購《漫畫Buddy 3》者,都有禮物仔收,向「至Goal Club」訂購的話,首200讀者即送海武膠Folder一個,向「熊館」訂購的話,首200讀者除Folder外再加送志筆在此《Delete?》Postcard一張。咁親臨書展有無著數呢?無都講唔通啦,去1C-A27攤位購買指定產品,即送金城《霸王達加度》同蕭海安《魔幻月夜天》A4 Poster,開心喇! 相關資訊馮志明《大漠蒼狼》 早訂送Folder (Jul 21, 2017) 《漫畫Buddy 3》Folder套裝限量200套 (Jul 12, 2017)

Read more ›

靚女Rachel做Model 想要Fruit Punch Tee唔該PM黃水斌
by / on 11/07/2017 at 9:28 pm

靚女Rachel做Model 想要Fruit Punch Tee唔該PM黃水斌

今年書展,黃水斌搵咗個靚女坐鎮,靚女叫Rachel,負責宣傳水斌產品。有幾靚?嗯,講到天花龍鳳無意思,自己睇相Please。Rachel仲著住書展攤位工作Tee做Model影咗張靚相。人靚,件Tee都靚,如果有興趣入手的話唔該PM佢……我指件Tee呀,PM水斌呀,水斌會積極考慮做番三五七件咁話喎。 相關資訊黃水斌開新專頁 推出鋼筆手繪漫畫《英雄本色》 (Jul 13, 2017) 日本GU網站賣恤衫 Model「拎」住唔著上身 (Jul 12, 2017)

Read more ›
復刻《龍虎門》有缺失 怪碼出唔到個「嫩」字?
by / on 11/07/2017 at 9:00 am

復刻《龍虎門》有缺失 怪碼出唔到個「嫩」字?

忙,今日先得閒啲睇今期第192期復刻《龍虎門》,封面王小虎單挑醉魔,Nike眉、大眼睛、朱古力式腹肌、靚到爆肢體動作,Everything is OK,But,睇到尾有瑕疵,就喺封底「下集預告」一欄,寫住:「一個老,一個『__』,沙灘上一場生死決鬥,唔睇點得?」呢個位出事嘞,「__」個位無咗隻字喎,估計係個「嫩」字,不過變咗怪碼出唔到。嗯,雖然只屬小小缺點,但望余兒都要正視吓,唔好再出錯。 相關資訊買《九龍城寨──場景故事畫集:浪漫大逃亡》 送主題曲錄音帶 (Jul 17, 2017) 漫畫版《今晚打喪屍》封面曝光 6月23日見街 (Jun 15, 2017)

Read more ›
曹志豪《方新俠》第二期 書展開賣
by / on 10/07/2017 at 9:30 pm

曹志豪《方新俠》第二期 書展開賣

記得4月尾《方新俠》創刊,好刁鑽咁限量賣1023本,每本$388,既係漫畫,亦係名家投資心得云云。以為就咁完,No喇,曹志豪報料,《方新俠》第二期將於書展開賣,價錢幾多限量賣幾多本,暫時資料欠奉,不過就有封面相睇住先,曹志豪Fans記得捧場。 相關資訊網圖分享:Cuson親筆畫相贈 讀者感動喊出嚟 (Jul 25, 2017) 阿塗書展出《圖解廣東話Cantonese.jpg》 留意簽名會 (Jul 21, 2017)

Read more ›
葉明發《嗱喳俠》實體書化 暫定動漫節推出
by / on 10/07/2017 at 8:40 pm

葉明發《嗱喳俠》實體書化 暫定動漫節推出

有無捧喺「野士創工」連載嘅《嗱喳俠》場?有?Good!好消息係葉明發決定喺今年動漫節將之實體書化,佢剛剛喺面書留低幾隻字曰:「今年動漫電玩節,不正常人類英雄──《嗱喳俠》漫畫重裝一拳出擊。」詳細資料暫時欠奉,如此高質漫畫,如果出實體書,可唔可以出番彩色?強烈建議野士創工諗諗佢。 相關資訊葉明發《嗱喳俠》變實體書 動漫節開賣 (Jul 24, 2017) 【動漫節】PS4/VR出機優惠公開 《Monster Hunter World》製作人到港 現場試玩《Dragon Ball FighterZ》 (Jul 13, 2017)

Read more ›
珠江橋牌搵動漫廚娘Sell豉油 賣埋電車車身廣告
by / on 10/07/2017 at 11:00 am

珠江橋牌搵動漫廚娘Sell豉油 賣埋電車車身廣告

乜嘢都要變,唔變就一池死水,呢個道理人人都明,但未必人人敢做,而敢做嘅,估唔到係60年老字號珠江橋牌。為宣傳旗下生抽王,品牌搵設計師Exam設計動漫廚娘,仲賣埋大大個電車車身廣告。豉油同動漫少女本質上唔Match?聽落係,但成功搶到收視即係證明成功喇。可惜呢個廣告只出現喺一部電車車身,好難撞得啱,想影相呃Like有難度,Anyway,係值得畀啲掌聲Exam嘅,加油呀。 相關資訊日本電車駕駛室K房 投影車窗扮行車 (Jul 24, 2017) 【有片】新垣結衣淥麵新廣告 去咗球場做訪問? (Jul 24, 2017)

Read more ›

李健良《紅樹林‧香港濕地生態》 書展入貨必然之選
by / on 10/07/2017 at 10:00 am

李健良《紅樹林‧香港濕地生態》 書展入貨必然之選

人心地好,望落都靚仔啲嘅,講緊嘅係李健良,今年書展佢會推出《紅樹林‧香港濕地生態》,「野士創工」仲幫佢拍咗條宣傳片添。出書為乜?資本主義社會梗係為賺錢,但賺錢以外,佢更想喚醒香港人保育意識,希望大家多啲關注香港濕地公園同米埔自然保護區,所以透過連環圖介紹香港呢啲珍貴生態環境。另,呢條片仲有個亮點,就係李健良即席表演畫恐龍,好勁,構圖固然誇啦啦,仲要落色奇準,工多藝熟就係呢亭嘞。熱烈推介入貨,啱睇嘅,買埋之前嘅《古生命》一至三都唔過份。 相關資訊利志達書展出《刻毒》 收錄11個短篇故事 (Jul 20, 2017) 書展撐牛佬!撐《赤軀隨遇》! (Jul 20, 2017)

Read more ›
余兒xPen So書展出《九龍城寨──場景故事畫集:浪漫大逃亡》!要撐!
by / on 10/07/2017 at 9:00 am

余兒xPen So書展出《九龍城寨──場景故事畫集:浪漫大逃亡》!要撐!

出多啲!書越出越多越好!余兒今年書展除《九龍城寨》小說完結篇外,仲有同Pen So聯乘嘅呢本《九龍城寨──場景故事畫集:浪漫大逃亡》。係,初頭睇書名,真係唔明定位係乜,繪本?配圖加小說?漫畫?答案由Pen So親自解釋,驚理解錯誤,所以一字不改Copy and paste佢面書留言:「內容以小說第一部為基礎的外傳故事,在畫集中,我們將跟著藍男,重遊每一處她曾與火兒到過的土地,把她目光所及的九龍城寨各式場景,逐一描摹:櫛比鱗次的奇特建築群、富有特色的店舖、故事中虛構的環境……觸景,見情。」睇Description又OK型,有啲期待。另,有一樣嘢要讚余兒,事緣第一批封面印刷失誤,雖然微不足道到唔講讀者都未必知道,但佢都係過唔到自己嗰關,決定重印一次,仲將錯誤同正確版面掟上網,叫大家玩吓Photo Hunt咁話喎。我好認真睇過,真係搵唔到錯喺邊。

Read more ›
書展必搶《七十二行》實體書
by / on 09/07/2017 at 1:00 pm

書展必搶《七十二行》實體書

今年書展,有一本書我係必買嘅,就係Eric Ng、Pen So同曹志豪擔頭嘅《七十二行》,唔使多介紹,淨係掟一咋參與畫手個大名出嚟,我諗都好難唔買。負責插圖嘅畫手有009、Alan Wan、Cha Cha Chan、Cody Chow、Cuson、Man Tsang、Noel Mok、Pariz Wong、Pen So、Peter Ng、Tony Yim、Yeung Siu、甘小文、白水、米奇、亞傑多、夏偉義、袁家寶、張君豪、曹志豪、梁光明、梁偉安、梁偉家、梁瑋豪、畢亦樂、陳科琳、葉明發、塵阿力、鄧達軒、蕭世順、戇男,主題當然係香港老行業,仲有文字介紹作補完,估計應該好襟睇吓。家陣封面曝光,型到一個點,唔買係你損失,我話嘅。 相關資訊梁偉家《滅絕遊戲》紀念明信片 一套十二張 (Jul 25, 2017) 集體回憶九龍城 撐009《龍城雲集》 (Jul 14, 2017)

Read more ›
《九龍城寨》完結篇書展推出 加推連書盒Boxset版
by / on 09/07/2017 at 12:00 pm

《九龍城寨》完結篇書展推出 加推連書盒Boxset版

有始有終,《九龍城寨》小說終於畫上完美句號,第四期完結篇將會喺書展推出,售$70兼送海報,屆時大可以搵余兒簽名兼影相。後知後覺依家先知係好嘢?Fine,唔怕,有一至四期連書盒Boxset版,售$300,有買開頭三期嘅,齋買盒方便收藏都得,每個$80,限量100個。 相關資訊余兒設立「創造會」 年費$100送漫畫+戲飛+Tote bag (Jun 12, 2017) 最本土!最癲喪!漫畫版《今晚打喪屍》四款海報出齊! (May 22, 2017)

Read more ›
2714出黑底白字Tee 蛋散著上身
by / on 09/07/2017 at 11:00 am

2714出黑底白字Tee 蛋散著上身

睇咗《暗黑指紋》,係幾精采嘅,而四個故事中,或者因為故事名夠型,我係比較鍾意2714嘅〈英雄是從蛋散開始煉成的〉。出得書又豈會無精品,2714喺面書話打算出Tee喎,望過相,暫時見有兩個款式,真係唔使多,黑底白字已經好搶眼,大大隻字「蛋散」著出街,都咪話唔型,搶硬收視呀。 相關資訊《暗黑指紋》Postcard套裝$100 上網有得訂 (Jul 12, 2017) 《Fruit Punch 3.0》+Tee套裝 限量30份要搶 (Jun 30, 2017)

Read more ›

甘小文水晶畫板開訂 哨牙珍/肥婆四各$120
by / on 09/07/2017 at 10:00 am

甘小文水晶畫板開訂 哨牙珍/肥婆四各$120

甘員外今年好多搞作,繼《奔走行》同陳皮女俠Figure外,再推出埋水晶畫板,分肥婆四同哨牙珍兩款,各限量100塊,附獨立編號,各$120。依家「至Goal Club」開訂,書展收貨。鍾意嘅,梗係兩塊都買晒,若硬要二揀一,我揀哨牙珍,無得解,我就係鍾意哨牙珍! 相關資訊複製油畫/油畫集Folder/水晶畫板+N 李健良精品必屬佳品 (Jul 14, 2017) 甘小文《奔走行》7月7日見街 (Jul 6, 2017)

Read more ›
網圖分享:李健良搞《恐龍彩稿漫畫插圖香港首展》 港漫人出賀圖
by / on 09/07/2017 at 9:00 am

網圖分享:李健良搞《恐龍彩稿漫畫插圖香港首展》 港漫人出賀圖

嘩,好多恐龍呀!睇咗李健良《恐龍彩稿漫畫插圖香港首展》未?我未睇,打算寫完呢條News之後即刻去睇,而睇之前,我瀏覽過李健良面書,發覺好多港漫人都送賀圖祝畫展大成功。芸芸賀圖,個人認為梁偉家嗰幅最正斗,天師企喺暴龍背脊,個Pose型到裂。

Read more ›
韓國美女Pion Kim 史上最強不知火舞Coser
by / on 07/07/2017 at 9:00 am

韓國美女Pion Kim 史上最強不知火舞Coser

我諗用「史上最強不知火舞」Coser嚟形容韓國靚女Pion Kim,大家都應該無異議啩。樣靚,身材正,服飾似,道具跟足,連擺Pose都直頭有九成似原著。或者你會話P圖啫,Of course,話無P我都唔信,但我更加相信,如果人唔靚身材唔正,輯相點P都唔慌靚得去邊。而呢輯相,我就真心Mode覺得好正嘞。 相關資訊韓國醫院食呢啲 日本網民出圖仲有派飯妹妹 (Jul 11, 2017) 【有片】超強蜘蛛俠Cosplay 玩轉紐約睇埋幕後製作 (Jul 6, 2017)

Read more ›
九港漫人力作《童年同學》 7月15日動漫基地首賣
by / on 06/07/2017 at 1:00 pm

九港漫人力作《童年同學》 7月15日動漫基地首賣

好得很,繼《同年同閱》同《同年同樂》後,今年呢班港漫有心人繼續推出《童年同學》,我哋好應該畀啲掌聲何同學、卓翹、Gary Chan、神奈未來、肥佬W號、Adam Pun、周小某、方新俠同多利,啪啪啪啪啪……顧名思義,此書主題圍繞你我生命中必曾擁有過嘅同學仔Or同學女,依家出社會打滾,爾虞我詐,搵食艱難,有幾多同學仔至今仍然係你老死?有幾多同學女成為你女友Or老婆?情懷呀,呢本書應該畀到你……我估。另,《童年同學》7月15日喺動漫基地首賣,屆時有埋懷舊遊戲同簽名會,買書多一個節目,又係好事啫。 相關資訊動漫基地《較‧量──香港漫畫力量》 Pen So+謝森龍異Art Jam (Jul 11, 2017) 港漫畫家「神奈未來」腐女新連載 過千作品中排28位 (Feb 26, 2017)

Read more ›