Articles by: Reika

【有片】日本貓仔攬實公仔唔放 主人想拎起腳踢開
by / on 23/07/2018 at 7:55 am

【有片】日本貓仔攬實公仔唔放 主人想拎起腳踢開

日本呢隻喵超搞笑,喵仔細細但好執著,攬實隻公仔當係寶。當主人伸手想攞隻毛公仔時,隻喵嘅反應超大,即時起腳踢開主人!仲要瞪大對眼兇佢。之後有網民分享咗另一段片,今次隻喵都係唔俾人搞佢啲嘢,不過嗰叠係錢嚟嘅,好貪錢呀,入嚟有得睇埋。 相關資訊日本WF有得賣 半2D半3D「手機少女」 (Jul 22, 2018) 【有片】日本喵超可愛 準備叫但忍唔住打喊露 (Jul 22, 2018)

Read more ›

日本酷熱天氣Figure都變形       大量網民創意回覆
by / on 23/07/2018 at 7:49 am

日本酷熱天氣Figure都變形 大量網民創意回覆

日本天氣持續酷熱,有網民發現佢隻figure變成咁‥‥‥90度傾斜就快跌。佢放上網提醒大家要注意,由於個姿勢太奇妙,好快有網民聯想起Michael Jackson嘅經典舞姿,之後有大量網民貼圖回應,好好玩,入嚟有回帶。

Read more ›
【新片速報】日本喵星人沉迷睇報紙    責實唔走Twitter熱傳
by / on 23/07/2018 at 7:26 am

【新片速報】日本喵星人沉迷睇報紙 責實唔走Twitter熱傳

有無發現喵星人對紙類嘅產品特別有興趣?日本有網民分享咗呢段片,佢隻貓好鍾意地下份報紙,攤喺上面唔肯走,無論主人點樣搬開佢,佢都會行返埋去再一嘢撻低,而主人搬開佢嗰陣,佢仲會喵喵叫反抗,超搞笑。至於句對白應該係:「報紙唔係用嚟睇架,睇我啦!」

Read more ›
西日本豪雨後「道路修復」 完美重建網民激讚
by / on 23/07/2018 at 7:04 am

西日本豪雨後「道路修復」 完美重建網民激讚

早前西日本豪雨,好多道路斷裂、水浸。啱啱有網民分享咗幾張圖,廣島縣嘅國道2號線已經重新通車,之前陷沒嘅道路完全修復好,佢仲放埋對比圖,相隔兩星期,而家睇落就好似咩事都無發生過一樣,絕對要佩服日本人嘅復原能力。樓主仲話好感謝一班工作人員,因為最近日本天氣咁熱,要喺高溫下重修道路真係一啲都唔容易。 相關資訊【超慘】西日本豪雨淹沒「模型店」 10萬件貨品被毁店長痛心 (Jul 18, 2018) 【改圖】搭車瞓覺被惡搞 外國網民高質改圖 (Jul 15, 2018)

Read more ›
日本超可愛兔仔坐車 企直睇風景超似人仔
by / on 22/07/2018 at 1:41 pm

日本超可愛兔仔坐車 企直睇風景超似人仔

以為貓仔同狗仔先會好似人類咁坐?原來兔仔都會架!日本有網民分享咗佢隻兔仔嘅生活照,喺車上面等開車嘅佢,會企起身望窗外風景,又會好似人仔咁坐喺度,超可愛!不過佢生得比較矮,似乎企起身都望唔到啲乜,慘慘。 相關資訊日本超可愛倉鼠 扮雪米滋四腳朝天好啱位 (Jul 20, 2018) 生日賀一賀 日本fans用962,120円預訂718隻新碟 (Jul 19, 2018)

Read more ›
日本新口味Haagen-dazs雪糕        「雪葩」加「雪糕」兩種口感
by / on 22/07/2018 at 1:40 pm

日本新口味Haagen-dazs雪糕 「雪葩」加「雪糕」兩種口感

去親日本都會去便利店睇吓有咩期間限定嘅Haagen-dazs雪糕,嚟緊7月24號就有呢款「黒みつ & きなこ」,即係黑蜜配大豆,特別之處係首次結合「雪葩」同「雪糕」,黑蜜即係啡糖嗰部份會係「雪葩」,而大豆粉嗰部份就會係「雪糕」,兩種味道唔同口感,諗起都想試!特別係而家日本熱成咁,經過開便利店記住買杯消吓暑。 相關資訊【新片速報】日本街貓完全唔怕人 直行直撞超嗲Twitter熱傳 (Jul 19, 2018) 日本小妹妹天才發明 消暑西瓜特飲Twitter熱傳 (Jul 19, 2018)

Read more ›

日本大阪王將出「餃子熱狗」 6款任揀超想試
by / on 22/07/2018 at 1:38 pm

日本大阪王將出「餃子熱狗」 6款任揀超想試

雖然睇落有少少奇怪,不過又真心好想試!日本嘅「大阪王將」最近推出呢款「餃子熱狗」,一共有六款味道,熱狗入面裝住8隻餃子,睇落怪怪哋又好似好好味!令人諗起日本好受歡迎嘅拉面熱狗。可惜只限大阪道頓堀嗰間「大阪王將」有得食,去開附近旅行記住試吓嘞。嫌太大份可以揀半份3隻餸子嗰款,賣600円,其餘賣1000円,亦有一款KING賣2000円,睇完好肚餓好想去日本呀。 相關資訊【有片】日本喵星人迫爆紙箱 超痴纏攬實唔放 (Jul 19, 2018) 【今日GIF】日本高手製懷舊遊戲GIF 幻想中的遊戲世界 (Jul 18, 2018)

Read more ›
【奇妙設計】日本女士夏天「打底內衣」    外形超似T-back
by / on 22/07/2018 at 1:37 pm

【奇妙設計】日本女士夏天「打底內衣」 外形超似T-back

夏天熱到真係想有咁少著咁少,日本Twitter最近熱傳呢位產品,表面睇以為係一條T-back內褲,其實係一件特別設計嘅內衣,專為著V領上衣嘅女仔而設。平時要著件背心打底,但而家就可以套呢個三角形上身,唔會走光,又比起著多件背心底衫更加涼爽,好特別!唔少女網民都留言話想試吓,入嚟有詳細講解點樣用。 相關資訊超正!打破敵對關係 日本連鎖快餐Twitter編輯玩聯手 (Jul 18, 2018) 【有片】廁紙變子彈 日本高火力水槍月尾發售 (Jul 18, 2018)

Read more ›
Burger King員工每日送漢堡包俾患癌狗狗    網民感動熱傳
by / on 21/07/2018 at 3:54 pm

Burger King員工每日送漢堡包俾患癌狗狗 網民感動熱傳

最近有個網民分享咗佢嘅故事,話說佢隻10歲嘅狗狗Cody最近被診斷出有癌症,只係剩返1-3個月命,為咗令佢剩低嘅日子過得開心啲,佢哋每日都會去附近嘅Burger King買個plain cheeseburger俾狗狗送藥食。有日其中一位店員就好奇問佢哋點解會點無任何醬料嘅plain cheeseburger,狗主就講咗Cody嘅事比店員知,而店員轉身同經理傾咗幾句之後,就問咗狗主人嘅姓名,然後同佢講,嚟緊佢再買俾Cody嘅plain cheeseburger都會係免費嘅。呢位狗主人好感動,將件事放咗上Twitter,吸引好多人留言。大家都讚Burger King做得好好,而Burger King嘅官方帳號亦喺個帖下面留言話:「呢個世界需要多啲仁慈及同情,多謝你俾機會我哋為Cody做少少嘢。」回應大方得體又恰到好處,下次都買返個Burger King包食吓先。 相關資訊日本狗狗瞓晏覺 地下遺留狗印超可愛 (Jul 17, 2018) 日本喵星人「下巴貼地」睡姿熱傳 一人一張分享圖 (Jul 15, 2018)

Read more ›
【有片】外國學生集體掟筆記 淹沒樓梯超好玩
by / on 21/07/2018 at 3:24 pm

【有片】外國學生集體掟筆記 淹沒樓梯超好玩

香港學生最怕考試,外國都係,所以難得考完試畢業梗係要玩放啲!外國有段好正嘅片,成班學生喺校園樓梯一齊掟晒啲試卷同筆記,啲紙多到淹沒成條樓梯,多到可以坐上去玩瀡滑梯!睇返留言,原來呢種玩法係呢間學校嘅傳統,每年嘅畢業生都會瘋狂玩返次,而玩完之後大家同埋啲新生呀admin同事呀都會幫手一齊執返乾淨,點解我畢業嘅時候無呢啲嘢玩架? 相關資訊日本喵仔學行樓梯 前輩示範片Twitter熱傳 (Jul 12, 2018) 外國藝術家「超現實PS圖集」 真人配死物超詭異 (Jul 6, 2018)

Read more ›
【相集】日本「顏藝王」雪橇 超強表情Twitter熱傳
by / on 21/07/2018 at 10:44 am

【相集】日本「顏藝王」雪橇 超強表情Twitter熱傳

呢隻住喺日本嘅雪橇狗狗堪稱係「顏藝王」!最近佢嘅主人分享咗幾張相上Twitter,又單眼又伸脷,可愛到暈。入嚟仲有多啲佢嘅表情睇,好豐富。另外佢哋屋企仲有養貓,就係之前成日同隻蜘蛛俠公仔影相嗰隻,入嚟有回帶。 相關資訊日本熱到癲 名古屋39度/ 沖繩變避暑地 (Jul 18, 2018) 日本經典朱古力變棋子 實物原大繼續鬥 (Jul 18, 2018)

Read more ›

日本神人畫「3D串燒」 超像真睇到流口水
by / on 21/07/2018 at 10:37 am

日本神人畫「3D串燒」 超像真睇到流口水

星期六又係放假食好西嘅時候,日本呢位網民展現佢嘅超強畫功,5條串燒由起稿到完成嘅過程都有得睇,完成品真到令人流口水,留意返紙上仲有倒影,同埋專登留咗幾滴汁喺紙上面,勁立體,加埋杯啤酒就完美嘞! 相關資訊日本「藍色食物醬汁」量產 沙律飯團全部變藍 (Jul 18, 2018) 【有片】日本傳媒報道 大量中國人入侵埼玉縣 仲有狗肉賣? (Jul 17, 2018)

Read more ›
日本小妹妹IG熱傳 超濃密頭髮大爆發
by / on 20/07/2018 at 7:59 am

日本小妹妹IG熱傳 超濃密頭髮大爆發

有頭髮有辦法,日本呢個7個月大嘅細路女Chanco最近喺IG好有辦法,因為佢嘅頭髮超濃密,濃密到好似爆發出嚟一樣,吸引咗好多網民follow佢。佢嘅髮量超誇張,根據佢媽媽所講,小妹妹一出世已好多頭髮(入嚟有回帶),之後越生越多,簡直一發不可收拾,睇佢每張相都感覺到佢嘅頭髮有幾澎湃,而佢嘅IG仲索性叫做「Hair Diary髮記錄」,唔知幾時媽咪捨得同佢剪頭髮呢? 相關資訊日本動物醫院「心寒」宣傳板 貓貓震晒好驚青 (Jul 17, 2018) 農夫的浪漫2018 日本超靚稻田畫Twitter熱傳 (Jul 17, 2018)

Read more ›
【有片】狗狗自創消暑大法 瞓水澗順水流漂走
by / on 20/07/2018 at 7:51 am

【有片】狗狗自創消暑大法 瞓水澗順水流漂走

日本天氣咁熱,唔止人類要避暑,狗狗都要諗方法消暑。日本有網民分享咗呢段片,隻狗狗超識嘆,坐喺水澗度仲要放鬆晒順住水流漂走,睇見都覺得透心涼,難怪樓主話想學佢啦。 相關資訊【有片】日本狗狗想出街 極速飛奔跳入頸圈 (Jul 14, 2018) 【民間智慧】日本網民自創釣魚孖寶 撈烏冬超方便 (Jul 10, 2018)

Read more ›
日本熱到癲 太陽伯伯「變樣」網民大改圖
by / on 20/07/2018 at 7:44 am

日本熱到癲 太陽伯伯「變樣」網民大改圖

面對住酷熱天氣,日本人開始變得瘋狂嘞。最近電視台嘅酷暑警告,個太陽伯伯公仔變咗樣,噴晒汗個樣好慘,網民見到忍唔住改圖,整咗好多個版本出嚟‥‥‥入嚟有回帶,睇得出佢哋真係熱到癲嘞! 相關資訊【有片】地震前有咩反應 日本貓Cafe閉路電視足本睇 (Jul 16, 2018) 【有片】日本網民咩玩法?買齊設備冇買倉鼠 (Jul 16, 2018)

Read more ›