Articles by: Reika

3D復仇者燈飾  營造爆牆立體感
by / on 16/04/2013 at 10:19 am

3D復仇者燈飾 營造爆牆立體感

仲復仇者?雖然今個月話題只得Ironman 3,不過呢套3D復仇者燈真係唔介紹唔得。有齊三大兵器 ─ 奱形俠醫拳頭、美國隊長盾同埋雷神大槌,最開心係跟埋營造破裂牆嘅貼紙比你貼喺底部,幾可亂真。 相關資訊《復仇者聯盟》打到東京 日本網民話係謎之日文 (Aug 21, 2017) 【有片】Marvel X Square Enix 《復仇者聯盟》系列遊戲公開 (Jan 27, 2017)

Read more ›

獵奇網站改貓圖      打波變打貓
by / on 16/04/2013 at 9:22 am

獵奇網站改貓圖 打波變打貓

外國人改圖好有主旨,記得之前有網友將大量電影拎搶嘅相片改為舉V字手勢,今次呢輯改圖,就將所有球類運動入面嘅「球」狀物體改成貓咪,仲成立咗一個名為「Sport ball replaced with cats」嘅網站,啲貓好得意,改圖技巧就一般水準啦,但勝在夠無聊,愛貓之人入嚟欣賞吓啦。 相關資訊【R.I.P.】再見喵喵 中川翔子愛貓「マミタス」離世 (Sep 24, 2017) 【有片】日本喵兄弟 日日一齊瞓超sweet (Sep 19, 2017)

Read more ›
靚女自掣咕臣手掣      打機枕頭雙用途
by / on 16/04/2013 at 8:52 am

靚女自掣咕臣手掣 打機枕頭雙用途

用呢個手掣咕臣打機係咪好串?唔好笑佢個設計小學雞,起碼真係感應倒,可以駁電腦打機,打打吓眼瞓仲可以當枕頭瞓。網上有短片分享整個製作過程,而且由靚女機迷Risa Rose親自操刀,一手一腳一針一線縫製而成,只可惜無analog掣,打唔倒射擊遊戲。 相關資訊【有片】日本屋中屋帳篷 自製私人空間唔駛1千蚊 (Sep 22, 2017) 自製LEGO求職公仔搵工 超正設計不計成本 (Sep 22, 2017)

Read more ›
遙控iPhone套    「cut唔到有線潮文」救星
by / on 16/04/2013 at 8:47 am

遙控iPhone套 「cut唔到有線潮文」救星

有無睇「cut唔到有線潮文」?入面最爆笑一段,講主角日日袋住部解碼器返工,諗住趁得閒攞返去有線,點知有日同同事飲茶諗住拎銀包時唔覺意拎錯咗個remote出嚟‥‥‥嗱,如果下次再拎錯,可以大返對方,同佢講:「咩呀?新款iPhone套,你唔係未見過啩?」由瑞士設計公司Twin-Design設計,最欣賞佢張設計圖旁邊有兩粒爆谷,夠細心。 相關資訊【有片】靚喎!iPhone電話座 扮懷舊電視 (Sep 18, 2017) 【相集】日本京都懷舊小店 過200張iPhone拍攝全紀錄 (Sep 16, 2017)

Read more ›
2013年4月出GAME時間表 [PS3 / Xbox / PC / Wii / 3DS / PS Vita]
by / on 16/04/2013 at 1:48 am

2013年4月出GAME時間表 [PS3 / Xbox / PC / Wii / 3DS / PS Vita]

網站維護,4月份出GAME表責數責足半個月,連一向出名遲交稿嘅我都覺得好內疚。好彩剩底嘅半個月仲有大量正game!Naruto火影忍者美版一早賣緊,日版即將見街,鍾意睇日文貪佢有親切感嘅要留意。另外集合Marvel角色嘅格鬥遊戲《INJUSTICE》今個月19號見街,不過預計早幾日會偷跑,美式玩法,招式夠多‥‥‥四月份你搵唔搵到心水?

Read more ›
獵奇相機    機身變屏幕日日轉款
by / on 15/04/2013 at 6:23 pm

獵奇相機 機身變屏幕日日轉款

呢部相機只係概念機,出自設計師Byeong Soo Kim手,亮點在於鏡頭旁邊嘅機身其實係顯示屏,等你可以隨時轉款,睇厭木紋,可以轉豹紋、波點甚至班馬紋。聽落無乜特別?咁如果話你知下一代iPhone會加入呢個功能呢?以後你除咗換屏幕wallpaper,仲可以換埋手機機背甚至機身圖案,日日轉款,係咪幾吸引先? 相關資訊【新片速報】影相靠天份+技術 真人實證「相機平貴」唔重要 (Jun 14, 2017) 【有片】攝影師自製超巨型相機cosplay 真係影得識閃光 (Nov 2, 2016)

Read more ›

iPhone「人生銀行」貯金箱 10萬円成家立室
by / on 14/04/2013 at 4:16 pm

iPhone「人生銀行」貯金箱 10萬円成家立室

唔知以為玩緊「恒生銀行」食字,呢間人生銀行,專為日本iPhone用家而設,其實係一個連動iPhone嘅貯金箱,可以入500円銀仔儲錢,積少成多,最多可以儲10萬円,解說目標話可以助你成家立室,好天真!最得意係每次入完錢, iPhone會顯示熱血青年舉晒手嘅動畫鼓勵你,期間仲可以檢查儲錢進度表,網站話2013年春天推出,但而家仲未有聲氣。不過想儲錢要先比3,990円買呢個箱,小財唔出大財唔入呀! 相關資訊比較番 日本網民出圖 iPhone X / 2003年產物比拼 (Sep 13, 2017) 【新片速報】iPhone計時器神奇測試 遮住最尾數字會變慢? (Sep 2, 2017)

Read more ›
光脫脫Miffy公仔燈 感覺特別warm
by / on 14/04/2013 at 3:55 pm

光脫脫Miffy公仔燈 感覺特別warm

成日打機都係見到隻賤兔,反而好耐無見呢隻純情Miffy白兔仔,今次呢盞燈,一啲都唔特別,不過唔知點解,我好想買返隻,身高50cm,擺佢喺房,好似多咗個朋友仔,感覺好warm。唔著衫嘅Miffy唔會賣得平咗,售價港幣$1,300左右,由親生阿爸Dick Bruna親自設計,當然貴啲。 相關資訊可愛Miffy圖案慘變恐怖圖 倒轉睇唔同晒 (Jun 28, 2017) 日本Miffy蛋糕切開變使徒 崩壞版Twitter熱傳 (May 18, 2017)

Read more ›
古惑書枱 枱底有床鬼祟瞓
by / on 14/04/2013 at 1:59 pm

古惑書枱 枱底有床鬼祟瞓

除咗自己屋企張床外,有兩個地方我一坐上去就想 瞓,第一個係梳化,第二個就係書枱,尤其公司嗰 張。而呢張書枱,絕對係上班族夢寐以求!試幻想 食完晏check完email睡魔急call,即刻可以捐落枱 底快叉一下,認真爽!最特別係枱面可以拍落嚟閂埋,神不知鬼不覺,無人知你鼠咗入去瞓晏覺,古 惑!

Read more ›
獵奇發明 韓國廁所speaker特別立體聲?
by / on 14/04/2013 at 11:19 am

獵奇發明 韓國廁所speaker特別立體聲?

日本電子產品出名天馬行空,不過韓國唔弱,啱啱喺網上見到呢個韓國出品嘅USB廁所speaker,幾有創意,不過美觀度就有待改進。至於點解要用廁所形狀做speaker?我估係因為可以營造到環迴立體聲效果,唔用嗰時仲可以閂埋個廁所蓋,本週獵奇發明呀! 相關資訊【多圖】韓國超可愛扭蛋 狗雀合體夠奇妙 (Sep 5, 2017) 韓國醫院食呢啲 日本網民出圖仲有派飯妹妹 (Jul 11, 2017)

Read more ›
官方《ONE PIECE》Facebook程式 /「Facebook Home」補償品?
by / on 13/04/2013 at 8:29 pm

官方《ONE PIECE》Facebook程式 /「Facebook Home」補償品?

噚日開始Facebook Home正式上架,可惜暫時只限HTC同埋Samsung嘅Android特別機種,自私!好彩仲搵到呢款ONE PIECE專用嘅Facebook程式, 由Bandai出品,最重要係免費下載!玩法同平時用開個facebook 手機app無乜分別,照舊可以睇news feed、post 相、update狀態,不過有用家話check-in功能壞壞哋,啱吖,海賊點會隨便曝露行蹤?可惜暫時只有Android用戶有得玩。iPhone用家今舖變雙失,慘。 相關資訊燒烤爐都大過人 《One Piece》作者尾田栄一郎豪宅BBQ (Sep 20, 2017) Steiff出手 《One Piece》CHOPPER變啤啤 (Sep 7, 2017)

Read more ›

日本潮興扭扭「飯筒」 叮噹Hello Kitty都出特別版
by / on 13/04/2013 at 4:31 pm

日本潮興扭扭「飯筒」 叮噹Hello Kitty都出特別版

今時今日仲帶便當飯盒?日本人而家潮興帶「飯筒」,將飯盒變做圓筒狀,扭吓底部就可以「唧」啲飯出嚟食!同以前嘅夾薯片手有得揮,筷子匙羹都慳返。仲推出埋叮噹同Hello Kitty特別版。可能有人投訴唔夠飽,官方最近出埋「POWERFUL MEN」系列,加大2倍容量。網上仲搞咗個比賽,由參賽者自由創作適合飯筒料理,睇落好好味!下次lunch時間人人拎飯盒出嚟叮,你就喺褲袋拎呢支暖暖哋嘅「飯筒」出嚟食,型到呢! 相關資訊【有片】日本廣告有爭議 兩男請ク・ハラ食蘋果 (Sep 25, 2017) 又有得揀 日本畫師出圖 四個體型愛邊種? (Sep 25, 2017)

Read more ›
獵奇「耳」環 人體器官當飾物
by / on 11/04/2013 at 2:57 pm

獵奇「耳」環 人體器官當飾物

雖然唔靚,但呢個設計真係好得意,成隻迷你耳仔 掛上耳,細心啲先睇倒隻「耳」環,低調得嚟夠嚇 人。除咗耳仔,仲有嘴仔、鼻哥同埋‥‥‥性器官! 唔駛驚,係迷你版,而且唔猥褻,由長居英國嘅華 人Percy Lau設計,最啱成日比人話「唔帶隻耳仔 出街」嘅人士購買。 相關資訊【藥箱都變】電子零件變首飾 底板/電線插頭循環再用 (May 28, 2017) 【圖集】超迷你首飾Etsy有得買 小王子/Iron Man極細緻 (Mar 21, 2017)

Read more ›
單車專用雨褸       靚女唔怕淋濕手
by / on 11/04/2013 at 12:05 pm

單車專用雨褸 靚女唔怕淋濕手

呢幾日經常落雨,鍾意用單車代步嘅女士,可以買埋呢件單車專手雨褸呀!你話,超,我都唔踩單車嘅!我都係呀,不過見呢個Model幾靚女,我諗大家唔介意睇多兩眼嘅。講返件雨褸,重點在於預留位置比你伸直雙手,唔怕大雨淋濕雙手,雙手下面仲有透明位置,等你睇到單車扶手位,唔實用,但睇落幾細心,amazon有得賣,仲做緊特價,大約港幣$240。 相關資訊【有片】火箭加速法!?1000支煙花放單車大爆發 (Aug 29, 2017) 有片:雨褸雨遮二合一 全方位覆蓋好霸氣 (Aug 22, 2017)

Read more ›
虐待馬騮     手機叉座撓埋電線當背囊
by / on 11/04/2013 at 10:38 am

虐待馬騮 手機叉座撓埋電線當背囊

呢隻馬騮真係又得意又幫到手。手機叉電每日都要經歷,最煩就係嗰一大抽電線,呢個馬騮叉電插,比你張條線繞喺馬騮背脊,等佢好似揹住背囊咁,叉電USB位就改為馬騮嘴,塞住佢把口等佢無得呱呱叫。唔叉電時,隻馬騮仲可以當手機座用,有黑白兩色任揀,Kickstarter募集資金中,入場費美金$15,集資成功的話,七月就可以帶隻馬騮返屋企。 相關資訊有片:超搞笑!馬騮仔強吻!汪星人反面起擒怒睥! (May 8, 2017) 超可愛立體「貓屁屁」電話殼 仲有馬騮/豬/班馬 (Apr 16, 2017)

Read more ›