Articles by: Reika

醒晨早餐系列    藍天白雲煎蛋無難度
by / on 01/02/2013 at 7:15 am

醒晨早餐系列 藍天白雲煎蛋無難度

有咩好得過一早起身有早餐煎蛋食?呢個煎蛋器由Avihai Shurin設計,將蛋黃打入太陽位置,蛋白會自動流去旁邊變成一嚿白雲。呢份早餐睇見都開心,煎蛋器賣美金$12,可以令人會心微笑,一啲都唔貴吖。如果嗰日起得早,仲可以好似其他示範圖咁砌埋雀仔、單車、樹林,不過最重要梗係有人煮比自己食啦。 相關資訊【連環圖】日本超曳倉鼠仔 偷食人類早餐兼賣萌 (May 19, 2017) 【療癒系】8款蛋黃哥醒神早餐 納豆屁股好健美 (Jan 5, 2016)

Read more ›

慎入!PS3手掣插爆眼  化妝師炮製超血腥喪屍
by / on 31/01/2013 at 2:15 pm

慎入!PS3手掣插爆眼 化妝師炮製超血腥喪屍

先旨聲明,如果張相令你不安、食慾不振,我真係好抱歉。鬼叫我食晏時唔小心睇倒,為咗同大家分享一下嗰種痛苦嘅感覺,我決定share出嚟一齊欣賞!呢個咁血腥嘅喪屍造型,最恐佈係個PS3手掣插咗入model隻眼入面,由外國化妝師(特技?)OXBLOODRAYNE 1989XO製作,好哋哋一個手掣就咁化為烏有。model我都唔知叫咩名,相信你都唔會想知,係咪? 相關資訊【新片速報】唔准打PS4 日本超嗲白文雀要主人摸 (Jul 15, 2017) 【多圖】神級玩具化妝師 重畫頭雕極像真 (Jun 23, 2017)

Read more ›
Canon D60朱古力  索價4千唔包電池SD咭
by / on 31/01/2013 at 11:30 am

Canon D60朱古力 索價4千唔包電池SD咭

呢個唔係Canon D60啡皮套,而係朱古力造成嘅D60!手工精細,真係有得賣,仲好貴o忝,大約港幣$4000左右,點解咁貴?因為要用真相機真鏡頭做倒模,咁搞法部機仲點用得返。製作人話,佢咁耐以嚟只係整咗三部送比人,其中一部仲好豪氣食咗落肚。如果你真係有興趣要快手,因為佢表明最多只會生產多5部。要注意嘅係,網站標明朱古力SD咭、電池、鏡頭蓋同相機帶都唔包,幾風趣。 相關資訊【有片】夏天嚟到?日本機迷遇任天堂Switch電池脹大 10秒減5%電 (Jun 29, 2017) 【奇蹟之溶化】日本網民無限幻想 朱古力餅溶化變偶像團 (Jun 6, 2017)

Read more ›
40萬超豪打機床  打機食瞓日與夜
by / on 31/01/2013 at 9:05 am

40萬超豪打機床 打機食瞓日與夜

先唔講錢,呢張叫HiCan嘅打機專用床,唔,正確啲講,應該連埋床嘅私家打機房,真係機迷夢寐以求嘅打機勝地。有巨型HD投射機、King size床、最頂級嘅音響設備,所有遊戲主機、影音設備‥‥‥以後可以打機食瞓一條龍,除咗去廁所同埋淥杯麵,基本上24小時匿喺呢個安樂窩都無問題,如果你屋企夠大擺放呢台巨型裝置嘅話。可惜,40萬港幣實在唔係我等普通機迷可以想像,計計數,夠買過百部PS3、Xbox或者過千隻game,葡萄吓算啦。 相關資訊Xbox發佈會 全場最興奮 竟然係支援玩Xbox舊Game? (Jun 12, 2017) 【有片】Xbox最強主機Scorpio規格曝光 PS4 Pro都比唔上? (Apr 6, 2017)

Read more ›
貓貓天生八字眉  instagram晒無辜樣
by / on 31/01/2013 at 7:30 am

貓貓天生八字眉 instagram晒無辜樣

其實我都覺得Gameover成日講貓新聞,但呢個真係唔講唔得。呢隻貓叫阿Sam,個名係普通啲,但個樣就好有特色,一條八字眉喺白色毛身上好搶眼,霎眼睇我仲以為係貼上去。呢隻貓貓有自己嘅instagram戶口,上年12月中開始上載相片,至今已經有7千幾個fans,我睇好佢,因為佢個樣夠晒可憐無辜,女仔實冧。 相關資訊【有片】日本狗狗被迫加粗眉 超無奈Twitter熱傳 (Feb 22, 2017) 【有片】超可愛豹貓網上爆紅 外表霸氣內裡賣萌 (Aug 23, 2016)

Read more ›
有片  初音女僕機械人  大跳AKB48「I want you~ ♬♪ ~」
by / on 31/01/2013 at 7:17 am

有片 初音女僕機械人 大跳AKB48「I want you~ ♬♪ ~」

「I want you~ ♬♪ ~ I Need You~ ♬♪ ~」 一聽倒AKB48好紅嗰首〈ヘビーローテーション〉,亦即係國產SNH48嗰首《無盡旋轉》,我就忍唔住想喺巴士上面企起身跟住跳!可能呢個外國嘅YouTuber Dr. GIY都有同感,拍咗段跳舞片,主角就係同初音一樣紥孖辮,著重型女僕裝嘅機械人。機械人跳舞唔係第一次見,但係識跳咁複雜嘅舞步真係幾厲害。主人上年仲幫佢拍過另一條跳舞片,我見到背面有隻初音公仔,有理由相信佢呢個機械人係向初音致敬嘅。 相關資訊【有片】日本技術宅又出手 初音未來公仔識叫起身send短訊 (Jun 26, 2017) 【有片】自動開封投票 日本fans自製「AKB48総選挙」投票裝置 (Jun 1, 2017)

Read more ›

情人節送禮勤   8-Bit玫瑰饋贈Player 2
by / on 30/01/2013 at 7:40 am

情人節送禮勤 8-Bit玫瑰饋贈Player 2

邊個話情人節一定要送花?放得一兩日就變壞,幾舊水化為烏有,又唔環保又老土。係囉,作為機迷,你可以跳脫啲,試吓送呢朵8-Bit玫瑰比你嘅Player 2,測試一下你哋段關係嘅穩定程度。呢朵紅玫瑰唔駛淋水、長期開得咁燦爛,仲有個盆仔裝住,ThinkGeek網有得賣,開價港幣$150。溫馨提示,建議你搵速遞送去佢嘅辦公室,唔好留署名,萬一對方發脾氣你都可以唔認數。 相關資訊《Game of Thrones》龍蛋調味料 仲有龍媽背囊(!) (Jul 20, 2017) 【葡萄精】閃光情人節 日本人妻整咖哩飯蛋糕 (Feb 15, 2017)

Read more ›
踢死兔單車cosplay服   爬頭話咁易
by / on 30/01/2013 at 7:27 am

踢死兔單車cosplay服 爬頭話咁易

上次報導過東京有跑友cosplay成上班族參加馬拉松,見倒呢件衫,我都想送比準備參加單車比賽嘅朋友。唔係講笑,呢件Pee-wee真係專為單車友設計,用polyester fabric製造,彈性充足,比賽時著住佢唔單止型,仲可以分散其他比賽者注意力,爬頭都易啲!賣美金$149.99,不過下身真係唔知點襯好,有無好提議? 相關資訊【相集】最強Cosplay婆婆勁玩得 扮《千與千尋》湯婆婆 (Jul 19, 2017) 本周Coser 日本「椎名煌」超強體形 (Jul 16, 2017)

Read more ›
有片  自製「皮禮士糖」頭像  Xbox Kinect幫倒手
by / on 30/01/2013 at 7:15 am

有片 自製「皮禮士糖」頭像 Xbox Kinect幫倒手

細個有無食過皮禮士糖?好老實,味道麻麻,不過勝在裝糖嘅長條型盒夠靚,而且不時會同卡通人物crossover,買嚟儲都開心。外國有間公司Hot Pop Factory,最近整咗份禮物送比全體32位員工 ─ 用個人頭像整成嘅皮禮士糖盒!先用Xbox Kinect掃描各位同事嘅頭型面貌,再透過3D列印機整成皮禮士架嘅頭像,由於皮禮士糖暫時未有呢個服務提供,所以佢哋將原來嘅卡通頭拆落嚟,再套同事個頭上去DIY整成,都算係物輕情意重。 相關資訊新片速報 Skittles彩虹糖分色機 3D印刷唔駛用手 (Sep 14, 2015) 【中國獵奇】「3D印刷」3小時興建兩層別墅 日本網民:「唔敢住!」 (Jul 22, 2015)

Read more ›
韓國型爆插畫   英雄人物小童版
by / on 29/01/2013 at 4:33 pm

韓國型爆插畫 英雄人物小童版

韓國插畫師Jang Suk-Woo嘅英雄人物圖集,堅靚。全部都係英雄大頭,風格統一,我最欣賞係所有英雄個口入面都有個小童版,型得嚟仲好得意。入面有齊美國隊長、蝙蝠俠、蜘蛛俠、再生俠、Hancock,最有型係佢所有作品都非牟利,純為興趣,亦因為咁,所以唔駛怕版權問題?佢嘅專頁1000Day入面仲有好多作品,值得一睇。 相關資訊韓國醫院食呢啲 日本網民出圖仲有派飯妹妹 (Jul 11, 2017) 韓國美女Pion Kim 史上最強不知火舞Coser (Jul 7, 2017)

Read more ›
教堂獵奇  驚現小魔怪/異形/鐵甲萬能俠雕塑
by / on 29/01/2013 at 12:35 pm

教堂獵奇 驚現小魔怪/異形/鐵甲萬能俠雕塑

外國人真係特別大膽,我以為教堂係神聖不可侵犯嘅地方,但係外國雕塑家Jean-Louis Boistel居然喺法國教堂Chapelle de Bethléem in Nantes整咗小魔怪、異形甚至鐵甲萬能俠嘅雕像,而教堂居然無詐型!我真係以為自己眼花,有機會真係要親身去開吓眼界,但Jean-Louis Boistel,神會寬恕你嗎? 相關資訊日本下年1月上映 新劇場版《鐵甲萬能俠》新海報見朋友號 (Jul 11, 2017) 【有片】官方發新片 《鐵甲萬能俠》新劇場版 機械獸來襲! (Jun 16, 2017)

Read more ›

煲呔貓識閃燈   怕醜貓專用
by / on 29/01/2013 at 12:11 pm

煲呔貓識閃燈 怕醜貓專用

嚟緊過新年屋企隻貓要見人,駛少少錢裝吓身少不免。呢款貓專用煲呔,簡約得嚟幾實用,賣港幣$64。背面有扣比你扣實貓頸圈,而且中間識著燈,可以調校閃燈或者長著。唔想佢新年匿埋床下底搵唔倒,又或者你屋企嗰隻係黑貓‥‥‥都可以買返個。除咗貓之外,其實狗仔都用得,不過我就覺得唔係幾襯。 相關資訊坐箱望窗好文青 日本人貓爭紙箱圖集 (Jul 20, 2017) 日本超可愛「黑面喵」 不滿表情Twitter熱傳 (Jul 20, 2017)

Read more ›
我的機械人男友   自畫機械像   網上有得賣
by / on 29/01/2013 at 11:57 am

我的機械人男友 自畫機械像 網上有得賣

情人節仲未諗到送咩比另一半?如果佢好鐘意機械人,搵人畫幅機械人畫像送比佢,我覺得都幾驚喜!外國藝術家Ben Rollman,可以幫你將相中人變成機械人,幾日時間就可以將作品寄去你屋企,有5”x7”同埋8”x10”兩款呎吋任揀,價錢港幣$200(細)/$320(大),豐儉由人,老實,我覺得畫得相當唔錯,你仲可以寄張狗仔相過去,佢畫機械狗都好迫真。 相關資訊【有片】勇於嘗試 日本網民製作調味粉機械人 (May 31, 2017) 【有片】俄羅斯雙槍雄 機械人識自動瞄準 (Apr 23, 2017)

Read more ›
外國肥媽搵食  教小朋友整星戰S’mores零食
by / on 28/01/2013 at 7:50 am

外國肥媽搵食 教小朋友整星戰S’mores零食

S’mores係美國小朋友好鐘意食嘅零食,類似棉花糖夾心餅,外國有個相信係Star Wars迷嘅媽咪,專登整咗佢三個小朋友最鐘意食嘅S’mores嘅Star Wars系列,每個小朋友可以自選一個最鐘意嘅Star Wars角色,有黑武士、尤達、白兵同埋C3PO,連冷門嘅Luke Skywalker同埋公主Leia都有份,雖然好多都面目模糊,但愛心搭夠,入面仲有埋食譜教你跟住做。

Read more ›
iPad懷舊電視木架 全handmade無遙控
by / on 28/01/2013 at 7:25 am

iPad懷舊電視木架 全handmade無遙控

的而且確,有啲發明、設計,實用度近乎零,純粹好玩過癮。好似呢款iPad木架,睇落好似舊式電視,即係無遙控,要你自己行埋部電視機轉台校大細聲嗰款,咁又啱喎,iPad都係要touchscreen無遙控,呢個木架由一個住喺歐洲東南部共和國Croatia嘅Mario親手製造,用上當地嘅樹木,不過佢喺森林長大,所有工程都唔係砍伐活生生嘅樹木,亦都無用童工,無超時,無欺壓。網站Valliswood入面仲有好多款木造嘅i系產品托,非常raw,亦好有heart。 相關資訊日本網民手指「畫十字」變畫筆 iPad畫圓形不是夢 (May 23, 2017) 【今日GIF】「夏目花実」上電視節目 除裙好奔放 (Mar 15, 2017)

Read more ›