Articles by: Reika

獵奇發明 韓國廁所speaker特別立體聲?
by / on 14/04/2013 at 11:19 am

獵奇發明 韓國廁所speaker特別立體聲?

日本電子產品出名天馬行空,不過韓國唔弱,啱啱喺網上見到呢個韓國出品嘅USB廁所speaker,幾有創意,不過美觀度就有待改進。至於點解要用廁所形狀做speaker?我估係因為可以營造到環迴立體聲效果,唔用嗰時仲可以閂埋個廁所蓋,本週獵奇發明呀! 相關資訊【多圖】韓國超可愛扭蛋 狗雀合體夠奇妙 (Sep 5, 2017) 韓國醫院食呢啲 日本網民出圖仲有派飯妹妹 (Jul 11, 2017)

Read more ›

官方《ONE PIECE》Facebook程式 /「Facebook Home」補償品?
by / on 13/04/2013 at 8:29 pm

官方《ONE PIECE》Facebook程式 /「Facebook Home」補償品?

噚日開始Facebook Home正式上架,可惜暫時只限HTC同埋Samsung嘅Android特別機種,自私!好彩仲搵到呢款ONE PIECE專用嘅Facebook程式, 由Bandai出品,最重要係免費下載!玩法同平時用開個facebook 手機app無乜分別,照舊可以睇news feed、post 相、update狀態,不過有用家話check-in功能壞壞哋,啱吖,海賊點會隨便曝露行蹤?可惜暫時只有Android用戶有得玩。iPhone用家今舖變雙失,慘。 相關資訊UPS狗狗Facebook專頁 速遞員分享熱情狗狗相 (Oct 20, 2017) 【有片】全地都係!《One Piece》「巨大石絵」現身京都「大覚寺」 (Oct 5, 2017)

Read more ›
日本潮興扭扭「飯筒」 叮噹Hello Kitty都出特別版
by / on 13/04/2013 at 4:31 pm

日本潮興扭扭「飯筒」 叮噹Hello Kitty都出特別版

今時今日仲帶便當飯盒?日本人而家潮興帶「飯筒」,將飯盒變做圓筒狀,扭吓底部就可以「唧」啲飯出嚟食!同以前嘅夾薯片手有得揮,筷子匙羹都慳返。仲推出埋叮噹同Hello Kitty特別版。可能有人投訴唔夠飽,官方最近出埋「POWERFUL MEN」系列,加大2倍容量。網上仲搞咗個比賽,由參賽者自由創作適合飯筒料理,睇落好好味!下次lunch時間人人拎飯盒出嚟叮,你就喺褲袋拎呢支暖暖哋嘅「飯筒」出嚟食,型到呢! 相關資訊日本網民又出手 麵包超人崩壞版「東南西北」Twitter熱傳 (Oct 22, 2017) 【圖集】日本「貓貓拳」親子篇 武功自細鍛鍊 (Oct 22, 2017)

Read more ›
獵奇「耳」環 人體器官當飾物
by / on 11/04/2013 at 2:57 pm

獵奇「耳」環 人體器官當飾物

雖然唔靚,但呢個設計真係好得意,成隻迷你耳仔 掛上耳,細心啲先睇倒隻「耳」環,低調得嚟夠嚇 人。除咗耳仔,仲有嘴仔、鼻哥同埋‥‥‥性器官! 唔駛驚,係迷你版,而且唔猥褻,由長居英國嘅華 人Percy Lau設計,最啱成日比人話「唔帶隻耳仔 出街」嘅人士購買。 相關資訊【藥箱都變】電子零件變首飾 底板/電線插頭循環再用 (May 28, 2017) 【圖集】超迷你首飾Etsy有得買 小王子/Iron Man極細緻 (Mar 21, 2017)

Read more ›
單車專用雨褸       靚女唔怕淋濕手
by / on 11/04/2013 at 12:05 pm

單車專用雨褸 靚女唔怕淋濕手

呢幾日經常落雨,鍾意用單車代步嘅女士,可以買埋呢件單車專手雨褸呀!你話,超,我都唔踩單車嘅!我都係呀,不過見呢個Model幾靚女,我諗大家唔介意睇多兩眼嘅。講返件雨褸,重點在於預留位置比你伸直雙手,唔怕大雨淋濕雙手,雙手下面仲有透明位置,等你睇到單車扶手位,唔實用,但睇落幾細心,amazon有得賣,仲做緊特價,大約港幣$240。 相關資訊【有片】火箭加速法!?1000支煙花放單車大爆發 (Aug 29, 2017) 有片:雨褸雨遮二合一 全方位覆蓋好霸氣 (Aug 22, 2017)

Read more ›
虐待馬騮     手機叉座撓埋電線當背囊
by / on 11/04/2013 at 10:38 am

虐待馬騮 手機叉座撓埋電線當背囊

呢隻馬騮真係又得意又幫到手。手機叉電每日都要經歷,最煩就係嗰一大抽電線,呢個馬騮叉電插,比你張條線繞喺馬騮背脊,等佢好似揹住背囊咁,叉電USB位就改為馬騮嘴,塞住佢把口等佢無得呱呱叫。唔叉電時,隻馬騮仲可以當手機座用,有黑白兩色任揀,Kickstarter募集資金中,入場費美金$15,集資成功的話,七月就可以帶隻馬騮返屋企。 相關資訊有片:超搞笑!馬騮仔強吻!汪星人反面起擒怒睥! (May 8, 2017) 超可愛立體「貓屁屁」電話殼 仲有馬騮/豬/班馬 (Apr 16, 2017)

Read more ›

LEGO單車超繽紛    踩出小品驚喜
by / on 11/04/2013 at 9:36 am

LEGO單車超繽紛 踩出小品驚喜

睇得多LEGO大製作,有時欣賞吓LEGO小品都一樣驚喜。呢架LEGO概念單車,由莫斯科設計師兼攝影師Silva Vasil製作,聰明嘅你,已經留意到佢嘅車輪位置係一塊圓形膠,無錯,佢只係一架好似手掌咁大嘅袖珍單車,不過設計簡約兼顏色繽紛,如果量產的話,我都會考慮買返部。 相關資訊香港LEGO高手製作 《Macross F》VF-25可變三型態 (Oct 21, 2017) 有片:萬聖節用紙皮DIY Lego Minifigure 睇到嘢唞到氣咩? (Oct 19, 2017)

Read more ›
英雄淪落    變型俠醫/白雪公主變煙民
by / on 11/04/2013 at 8:21 am

英雄淪落 變型俠醫/白雪公主變煙民

Ironman出第三隻,插畫家Gregoire Guillemin嘅「英雄的秘密生活」都贈慶推出下集比大家免費觀賞。今次DC同埋Marvel嘅英雄都有份出場,絕無大細超。精彩場面包括變形俠醫捲煙、白雪公主食煙,學壞晒!其他秘密生活仲有神奇女俠食蕉、超人舉中指,最正常算係蜘蛛俠,疑似打緊PS3。不過點解無Iroman嘅? 相關資訊情色版 超級英雄的秘密生活 Batman食蕉重口味 (Apr 27, 2014) 動漫人物私生活曝光 米奇煲煙 / 瑪利奧剃鬚 (Sep 11, 2013)

Read more ›
獵奇發明     32GB開瓶器真係有用?
by / on 11/04/2013 at 7:48 am

獵奇發明 32GB開瓶器真係有用?

開瓶器加USB,唔算特別吖,但諗落幾實用。嗱,例如夜晚去旅行開完啤酒汽水,再將隻USB插入電腦慢慢執旅行相,寫意!呢隻PNY 32GB手指,睇落好似一條鎖匙,amazon賣美金$24.99,不過我又諗到幾個問題,隻USB防唔防水?可唔可以帶上飛機?係咪所有電腦都插得入呢隻手指?插咗佢,分分鐘擋住晒其他USB插頭‥‥‥ 相關資訊日本5歲小朋友 第一次見卡式帶想插USB (Sep 6, 2017) 野外工作必備 日本蛇仔USB分插 (Aug 23, 2017)

Read more ›
獵奇影片   自製Iroman發光電子手 肌肉感應DIY
by / on 10/04/2013 at 10:17 pm

獵奇影片 自製Iroman發光電子手 肌肉感應DIY

仲有兩星期先有得睇《Iroman 3》,呢排特別多相關新聞。外國網Advancer Technologies啱啱就教用家自製識著燈嘅Ironman手,唔好睇呢張圖個model咁流就跳過,其實呢個手套可以透過肌肉控制,例如握拳時會進行叉電,一鬆開拳頭,手套中間嘅位置就識自動發光,戴住佢可以幻想自己係Robert Downey Jr.。手套感應夠快,快速握拳都識跟住閃燈,好好玩。網上有教學片,整完帶去戲院玩啦! 相關資訊如果Tim Burton畫超級英雄 超強插畫暗黑魅力 (Sep 22, 2016) 網圖分享:英雄投影,誰是你心目中的Hero? (Nov 25, 2015)

Read more ›
潮伯Look Book網     每日一街拍型絕耆英界
by / on 28/03/2013 at 8:13 am

潮伯Look Book網 每日一街拍型絕耆英界

邊個話阿伯唔潮得?型人最愛嘅Look Book,即係每日影張自己嘅造型照,然後留為紀念或者舖上fb晒一晒嗰啲,外國阿伯Ali都玩埋一份。佢鍾意著尖頭鞋,形象百變,chok樣,無論拎橙定拎手袋都潮味十足。不過呢堆街拍唔係佢自己影,而係有位攝影師見每朝早呢位老伯都悉心打扮經過,於是幫佢每日一拍,仲開埋個網定期更新。如果喺香港,我諗四哥謝賢,或者老咗嘅Wyman都可以一試。 相關資訊西人版犀利哥 55歲流浪潮伯爆紅 (Nov 23, 2014) 每週一拍 人像GIF瘋狂自摑無限loop (Jan 12, 2014)

Read more ›

獵奇紋身   機械臂爛肉超像真
by / on 27/03/2013 at 2:39 pm

獵奇紋身 機械臂爛肉超像真

從來無諗過紋身可以咁激,呢位委內瑞拉紋身師傅Yomico Moreno,擅長紋機械臂、爛肉,立體感十足,睇落就好似手臂肉真係爆開,露出入面嘅機械真身一樣。老實,我唔敢想像紋咗身之後,如果老咗或肥咗幅圖會變成點。除咗機械臂,佢仲擅長紋立體感十足嘅曱甴、甲蟲等1:1嘅小動物,真嘅一樣,勁! 相關資訊Zara模特兒Jane Mosley 綾波麗、草薙素子紋身好吸引 (Jun 3, 2017) 【圖集】貓奴狗奴韓國紋身大人氣 可愛動物網民勁Like (Mar 7, 2017)

Read more ›
獵奇發明   自私無極限   偷朋友手機電
by / on 27/03/2013 at 8:42 am

獵奇發明 自私無極限 偷朋友手機電

由細到大我哋都知偷嘢係唔啱嘅,但係關乎到手機無電喎!你無得send WhatsApp、無得上facebook,即係等同於無晒朋友。於是,你可以買呢個叉座ChargerBite,只要有朋友嘅手機喺旁邊,插上叉座,你就可以偷走佢哋啲電應急,呢個發明Indiegogo集資中,不過究竟買咗之後你會唔會無晒朋友?我唔敢答你,手機電喎!真係會殺人架! 相關資訊【有片】靚喎!iPhone電話座 扮懷舊電視 (Sep 18, 2017) 【相集】日本京都懷舊小店 過200張iPhone拍攝全紀錄 (Sep 16, 2017)

Read more ›
自製動漫復活蛋  復活假倒數倒數!
by / on 27/03/2013 at 8:15 am

自製動漫復活蛋 復活假倒數倒數!

倒數倒數!返多兩日就放復活節假,我部遊戲機都正式復活,正!講返正題先,呢堆色彩繽紛嘅復活蛋,全部都係由外國網友Lesley A. Jenson製作,靈感來自電影、動漫同埋遊戲,手功好精美,睇見都開心,快啲數吓有幾多隻你嗡得出名啦。不過我諗Lesley日日都係復活節,日日都有假放,如果唔係邊有咁得閒整咁多隻復活蛋喎。 相關資訊【有片】日本屋中屋帳篷 自製私人空間唔駛1千蚊 (Sep 22, 2017) 自製LEGO求職公仔搵工 超正設計不計成本 (Sep 22, 2017)

Read more ›
「台北一碗」  飯碗上的台北攝影集
by / on 27/03/2013 at 7:26 am

「台北一碗」 飯碗上的台北攝影集

台北,你會諗起誠品、阿宗麵線定《那些年》?呢輯名為「台北一碗」嘅攝影作品,將台北放置喺一個個碗盤上,遠睇好似傳統中國山水畫,睇真啲,會發現入面有現代化嘅建築同埋城市縮影。由上海藝術家楊泳梁創作,佢擅長將傳統水墨加入攝影及錄影元素,諷刺城市化嘅災害。如果睇到呢度你都仲睇緊,信我,入去睇埋佢嘅成名作《蜃市山水》,好高水準,真心推介。

Read more ›