Articles by: Reika

蝙蝠俠變抗癌英雄  巴西醫院X正義聯盟感人企劃
by / on 04/06/2013 at 10:11 am

蝙蝠俠變抗癌英雄 巴西醫院X正義聯盟感人企劃

呢單新聞睇到我眼濕濕,一直覺得患癌嘅小朋友好勇敢,最近巴西一間癌症醫療中心A.C.Camargo Cancer Center同華納Warner Bros.合作,將癌症小朋友常用嘅點滴袋,換成英雄人物寶盒,醫院病房就佈置成正義聯盟房,而且仲專登出咗一本漫畫,將蝙蝠俠、Superman嘅故事改編,將佢哋改寫成抗癌成功嘅英雄,係我見過最有意義嘅合作企劃。 相關資訊【有片】《正義聯盟》版Batmobile 現身聖地牙哥Comic Con (Jul 23, 2017) 【有片】《正義聯盟》日版預告 神奇女俠領軍 (Jun 27, 2017)

Read more ›

日空版Lamp Miku初音公主  12號日本開訂
by / on 04/06/2013 at 8:19 am

日空版Lamp Miku初音公主 12號日本開訂

呢隻日空版VOCALOID Lamp Miku feat.貓魚嘅初音公主,日本10月先有得賣,初音著短裙仔仲拎住盞燈籠,好可愛。日本網站Cultural Japan創辦人兼動漫迷Jimmy Choo,有幸可以去Alphamax總部先睹為快,仲影咗好多靚相,入嚟有得慢慢欣賞!呢個初音公主身高15cm,售價3,800円,今個月12號開始有得預訂,有朋友住喺日本嘅初音迷,係時間WhatsApp搵對方幫手喇。 相關資訊【靚喎】日本任天堂出利是封 用金幣免費換 (Dec 16, 2017) 【圖集】日本超可愛倉鼠仔 自創多款梳化坐姿 (Dec 16, 2017)

Read more ›
大阪運河變泳池    日本居民唔敢游
by / on 04/06/2013 at 7:20 am

大阪運河變泳池 日本居民唔敢游

有去過大阪道頓堀,都會記得嗰條大型運河,之前日本職棒隊阪神虎每次奪冠後都會去運河游水慶功,最新消息係大阪政府將會斥資3千萬美元,將呢條運河中央改建成全球最大嘅室外泳池,預計2015年完工。不過當地報紙做咗個統計,只有大約12%居民話會去游水,58%受訪者仲話堅決唔去,原因係呢條河經常有醉酒漢同埋附近酒吧嘅職員去小便‥‥‥噢! 相關資訊【好想去】大阪《龍珠》主題餐廳 食物超精緻大量精品 (Dec 10, 2017) 日本大阪紀念塔景點 超似動漫「魔鬼塔」 (Nov 17, 2017)

Read more ›
手提保濕器   簡約紙花調節室內濕度
by / on 03/06/2013 at 8:50 am

手提保濕器 簡約紙花調節室內濕度

夏天開冷氣成個人乾爭爭,早兩日介紹嘅水樽蓋噴霧器好多讀者留言話有興趣買,今次介紹呢個就女性化一啲,而且完全唔駛用電,日本出品嘅Chokotto Oasia紙花保濕器,只要倒一杯水,入面嘅紙花就會打開,幫助調節室內濕度,仲可以加兩滴香薰油令室內香噴噴,唔用嘅時候簡單收埋,就可以放入手袋或者櫃筒,售價港幣$150左右。 相關資訊【有片】瘋狂!PS2變手提機 日本天才改裝 (Jan 20, 2017)

Read more ›
超迷你圖書館   圓蓋遮頭唔怕醜
by / on 03/06/2013 at 7:20 am

超迷你圖書館 圓蓋遮頭唔怕醜

香港都有流動圖書車,不過呢個紐約市Nolita嘅迷你圖書館真係好cute。體積細細最多容納倒4個人一齊睇書,加上黃色圓蓋設計同埋幾隻木腳,十足外星人飛船,走入去之後成個頭唔見咗,夠晒私人空間。呢個迷你圖書館由建築公司Stereotank設計,會一直擺放喺St.Patrick’s Old Cathedral School外直至九月,見到一定要去影張相留念。 相關資訊日本網民網購「藍色櫈」中伏 迷你呎吋坐落想喊 (Nov 6, 2017) 日本「迷你狙擊手」扭蛋 藏身食物瞄準目標 (Nov 3, 2017)

Read more ›
簡約有型iPad Mini套    全人手製買得過
by / on 03/06/2013 at 7:20 am

簡約有型iPad Mini套 全人手製買得過

外國網站Etsy出名多handmade手作品,數量唔多唔怕撞款,經常會有驚喜,啱啱見倒呢個addskin嘅iPad Mini套,分淺灰色同埋深灰兩色,全羊毛製,加上皮手帶,簡約有型,除咗返iPad,前面仲可以放埋電話同埋叉機,夠晒實用,港幣$256,真係買得過。除咗iPad Mini套,入面仲有MacBook Pro、MacBook Air 、iPad等等手掣套,誠意推介。 相關資訊廢金屬變超巨型機械人 作品賣港幣20萬連運費 (Dec 11, 2017) 超可愛立體「貓屁屁」電話殼 仲有馬騮/豬/班馬 (Apr 16, 2017)

Read more ›

《Halo》、《Call of Duty》變身8bit紅白機game帶
by / on 03/06/2013 at 6:59 am

《Halo》、《Call of Duty》變身8bit紅白機game帶

你無睇錯,呢幾隻《Halo》、《Call of Duty》、《Assassin’s Creed》真係變咗任天堂紅白機嘅game帶。講到打機,好多人最懷念都係紅白機時代,外國網站72 Pins將近年好hit嘅遊戲改成8bit Logo,再貼上你同我屋企都好難搵倒嘅紅白機game帶上面,再放上網賣,一隻賣成港幣100蚊,不過好多款式都已經賣清光。玩唔玩得?當然唔得啦,旨在懷舊吓開心吓啫。係就係幾無聊,不過有時做人為求開心,輕鬆吓無壞吖。 相關資訊Kali深夜直播回歸 今晚玩《Call of Duty WWII》 (Nov 25, 2017) 新片速報 香港製作又玩童年回憶 《Call of duty WW2》老朋友重聚 (Nov 6, 2017)

Read more ›
【編輯Blog】Reika:遲睇好過無睇  《穿越時空的少女》認識細田守
by / on 02/06/2013 at 5:22 pm

【編輯Blog】Reika:遲睇好過無睇 《穿越時空的少女》認識細田守

上星期六晚無無聊開著Now TV,睇咗動畫《狼的孩子雨和雪》,揀選呢套動畫純粹因為題材特別,點知充滿驚喜。忍唔住今個星期買咗導演細田守另一套作品《穿越時空的少女》,題材依然天馬行空,睇完好有衝動推薦比未睇過嘅朋友。 相關資訊【有片】細田守新作又玩穿越 《未来のミライ》海報有玄機? (Dec 13, 2017) 【有片】日劇版《穿越時空的少女》預告 「黒島結菜」版女主角現身 (Jun 29, 2016)

Read more ›
老夫子台鐵便當     平民價豬扒夠厚
by / on 02/06/2013 at 5:18 pm

老夫子台鐵便當 平民價豬扒夠厚

繼續台灣部落格追踪!台灣博客kazekuma好鍾意食,成日舖大量台灣美食引到我流晒口水,而且仲係一個出色嘅插畫師,好鐘意喺實景相上加入插畫對白,女仔實鐘意。講返正題,早前台鐵局慶祝126歲生日(咁都要慶祝?)推出五款老夫子crossover台鐵便當,博客kazekuma都唔執輸,去咗試高雄嘅便當,據佢形容,豬扒夠厚肉感十足,仲有滷蛋、筍絲同埋雪裡紅做配料,好好味咁款,一盒賣台幣60蚊,去開台灣平平哋試吓啦。 相關資訊日本網都報 台中最美牙醫助護陳甯揎 (Nov 19, 2017) 日本網民發現 台灣TPE48票選可愛美少女 (Nov 14, 2017)

Read more ›
台北「鬼太郎商店」   產品新圖   出發前先溫習
by / on 02/06/2013 at 3:38 pm

台北「鬼太郎商店」 產品新圖 出發前先溫習

打定底,呢單係舊聞新圖,一直好鐘意鬼太郎,除咗鍾意佢嘅故事古靈精怪,鬼太郎遮住半邊面嘅前衞造型我都好冧。啱啱上網見倒台灣部落格紅人奧麗薇去完台北車站嘅「鬼太郎商店」朝聖,仲寫咗篇好詳細嘅遊記同埋上載大量產品新圖,睇咗當去咗。呢間日本海外唯一一間嘅鬼太郎商店,位於台北車站,產品包羅萬有,水杯、相架、情景模型、蠟燭、棒棒糖、燒酒,仲有商店限定tote bag,不過最吸引我都係綠色嘅傘怪枱燈,睇完我都好想去探吓鬼太郎呀! 相關資訊日本京都車站特色「外賣壽司」 超精緻好想試 (Dec 3, 2017) 日本車站職員超強手藝 剪票紙碎15萬粒砌列車畫 (Nov 24, 2017)

Read more ›
懶人洗碗法寶    軟刷水喉刷住洗
by / on 02/06/2013 at 3:01 pm

懶人洗碗法寶 軟刷水喉刷住洗

如果你咁幸運唔需要自己洗碗,恭喜你!但如果你日日要自己洗碗,呢個發明會唔會幫倒你?將水喉位置噴水位直接加插呢個軟刷工具,就可以一邊噴水一邊用刷洗刷污糟嘅碗碟。不過可能外國廚房流行用水喉管,我屋企個固定水喉位置裝咗呢嚿嘢都用唔倒,頂籠可以裝喺浴室,但無理由用佢嚟沖涼啩‥‥‥ 相關資訊【最緊要快】日本懶人煮麵法 網民Twitter分享另類煮食圖 (Jun 13, 2017) 【有片】自動旋轉燒章魚丸工具 唔怕燶懶人必買 (Jun 2, 2017)

Read more ›

個人Facebook相簿超精美     最強生日禮物
by / on 02/06/2013 at 2:44 pm

個人Facebook相簿超精美 最強生日禮物

我已經好耐無曬過相,手機同埋Facebook就係我嘅相簿,不過呢本可以將Facebook timeline入面嘅相片,自動排版變成一本叫Likebook嘅相簿,就令我好有衝動想印返本。除咗相片,佢仲可以將朋友嘅留言一併列印出嚟,由最少25頁以至最多500頁都得,價錢方面,大約港幣一百至一千,豐儉由人,仲可以揀埋軟/硬封面,印返本送比自己或者朋友做生日禮物都唔錯。

Read more ›
高級版改圖     畢加索名畫翻生變真人
by / on 02/06/2013 at 11:34 am

高級版改圖 畢加索名畫翻生變真人

星期日,益智啲,一齊上吓名畫堂!匈牙利藝術家 Flóra Borsi最近將畢加索、莫迪里安尼、Rudolf Hausner等等世界知名畫家嘅油畫真人化,模擬出當日畫中嘅真人,再排放喺幅真畫旁邊作對比。入面有真人亦有數碼繪圖下嘅假人,效果幾可亂真,其實同我哋一般見倒嘅改圖理念上一致,不過藝術程度就差得遠。 相關資訊【撞樣】同名畫主角「撞樣撞髮型」 面部辨識分唔到 (Sep 13, 2017) 日本金沢動物園 超可愛樹熊表情勁似改圖 (Sep 9, 2017)

Read more ›
本週爆Like圖集 動物狂玩Cosplay 「神速黃瓜」的用途
by / on 01/06/2013 at 11:35 pm

本週爆Like圖集 動物狂玩Cosplay 「神速黃瓜」的用途

今晚星期六,又係出GameoverHK本周爆Like圖嘅時候,我知我哋仍需努力希望大家Like多啲,但張張過百Like都係趣味保證。本周最勁係可愛貓貓扮《史加力》入面嘅貓劍士,仲有紅色魔蟹被人拆件吞落肚,再嚟係Evangelion版《ZZ Gundam》,睇吓邊個係綾波麗!最後,大家知唔知《多啦A夢》有件法寶叫「神速黃瓜」?估唔估到有咩用?有讀者搵咗條Link俾我哋睇,原來…… 相關資訊【有片】日本一Coser「えなこ」一日署長 制服比較唱埋歌 (Dec 15, 2017) 創意王 《FGO》「山の翁」Cosplay 用盡全身扮個頭 (Dec 13, 2017)

Read more ›
蝙蝠俠做證婚    莊嚴神聖定爆笑?
by / on 01/06/2013 at 2:45 pm

蝙蝠俠做證婚 莊嚴神聖定爆笑?

婚禮cosplay無乜特別,之前都介紹過有新郎新娘扮史力加公主行婚禮,不過今次唔係玩自己,反而係喺證婚人方面落手。呢個外國婚禮時地人不詳,不過清楚見倒蝙蝠俠好莊嚴神聖咁企喺度做證婚。我好想睇埋全個故事,因為我好想知當蝙蝠俠好認真咁問一對新人願唔願意嫁/娶對方時,佢哋究竟可唔可以忍住笑答:「I Do」? 相關資訊【有片】日本DC動畫 《Batman Ninja》蝙蝠俠變武士 (Dec 2, 2017) 正喎!蝙蝠俠召喚LED燈 300蚊美元屋企變葛咸城 (Nov 11, 2017)

Read more ›