Articles by: Reika

廣告牌大人小童兩面睇    防虐高科技廣告
by / on 07/05/2013 at 7:56 am

廣告牌大人小童兩面睇 防虐高科技廣告

一個廣告牌可以同時間顯示兩個不同嘅畫面?聽落匪夷所思,原來係靠廣告牌偵測倒看者嘅高度再投射出不同畫面。西班牙一個防止虐待兒童機構,最近使用咗呢種高科技廣告牌,令受虐兒童就算同虐待佢嘅成人一齊,都可以睇倒機構發出嘅訊息:「如果有人傷害你,我哋會幫助你。」只要身高低於1.3米(約10歲以下)就會睇倒,而成人只會睇倒另一個不同嘅訊息。何謂善用科技?我覺得呢個係最佳例子。 相關資訊日本小童超高質CG作品 網民:「睇見日本未來嘅希望!」 (Nov 6, 2017) 【係愛呀】日本網民愛的表現 廣告牌發現性感紅唇印 (Apr 8, 2017)

Read more ›

咪記新招谷Office 365   買《福布斯》送WiFi
by / on 06/05/2013 at 8:59 am

咪記新招谷Office 365 買《福布斯》送WiFi

雜誌越嚟越少人買,跟書送嘅贈品變成誘餌,不過禮物通常離不開送袋仔、拖鞋呢啲行嘢,邊有好似Microsoft咁揼本跟書送Wi-Fi Router?今次係外國咪記同財經雜誌《福布斯》嘅合作企劃,送足15日電訊商T-Mobile嘅免費WiFi服務,目的係宣傳Office 365,外國部份傳媒率先收到,大讚咪記大手筆有驚喜,本書今日開始有得賣,可惜香港用唔著吖。 相關資訊【有片】收到PS4做禮物好開心?內裏原來係Switch咩反應? (Dec 31, 2017) 日本雜誌發現「紫菜碎頸鍊」 網民:「我有紫菜呔!」 (Sep 10, 2017)

Read more ›
高科技iPhone5殼   自訂屏幕隨時轉款
by / on 06/05/2013 at 8:18 am

高科技iPhone5殼 自訂屏幕隨時轉款

終於有人推出呢個iPhone殼,可以自訂圖案隨時改款。號稱iPhone 5 第二屏幕嘅iPhone殼popSLATE,實用度好高,用嘅係e-ink屏幕,即係類似Amazon部Kindle嘅ebook屏幕,可以將屏幕上嘅相片轉去背面屏幕顯示,亦可以用背面嚟顯示地圖、食譜以至筆記等等,個性化之餘又唔怕悶。用電方面,由電話直接取電,耗電量低,而且可以長著。而家喺indiegogo集資中,開價美金$119,好彩我唔係用iPhone,否則又要駛錢。 相關資訊日本Epson出《Star Wars》手錶 用e-ink技術自動轉角色 (Nov 10, 2015) 比利時朱古力iPhone殼 食得唔買得 (Feb 18, 2014)

Read more ›
日本太空人電話座   氧氣筒變iPhone
by / on 06/05/2013 at 8:15 am

日本太空人電話座 氧氣筒變iPhone

電話配件越玩越大,好似之前介紹個嘅龍蝦iPhone,大過部電話,拎出街好似拍緊《玩嘢王》咁。而今次呢個太空人電話座,來自日本公司Cibone嘅設計,太空人唔拎氧氣筒改拎電話,仲好認真計算緊你部iPhone仲有幾多電,夠晒無聊。售價1995円,200蚊港紙唔駛,仲有綠色士兵、酒店bellboy同埋北極熊任君選擇,放喺枱頭都幾得意吖。 相關資訊【有片】靚喎!iPhone電話座 扮懷舊電視 (Sep 18, 2017) 【相集】日本京都懷舊小店 過200張iPhone拍攝全紀錄 (Sep 16, 2017)

Read more ›
巨型文件夾手袋   工作狂首選
by / on 06/05/2013 at 7:14 am

巨型文件夾手袋 工作狂首選

星期一,又係惡夢嘅開始,偏偏有人好鍾意公司嘅文具,仲整咗個辦公室文件夾放大版嘅手袋‥‥‥ 呢個叫Clip Bag嘅手袋由Peter Bristol設計,只可以手挽,07年已經設計好,不過今年先正式推出市面,我好黑心咁諗,梗係啦,邊有打工仔想日日對住啲文具架,同埋唔好問我邊度有得買幾多錢,我唔會買架!  相關資訊超可愛鯉魚王手袋 1月27日開始日本有得抽 (Dec 22, 2017) 【母愛氾濫】日本BB頭手袋Twitter熱傳 其實好恐怖 (Feb 24, 2017)

Read more ›
【編輯Blog】Reika:本週洗版之鴨仔 + Iron Man
by / on 05/05/2013 at 5:30 pm

【編輯Blog】Reika:本週洗版之鴨仔 + Iron Man

作為網站工作者,每日都花大量時間上Facebook,好耐無見過咁瘋狂嘅洗版程度,無錯,又係隻鴨仔,佢嘅洗版程度直達恐佈級,令我有啲想遠離facebook。老實,我到而家都未親身去睇鴨,因為喺facebook已經睇到飽晒,而且睇報紙見到迫到插針都唔入,就算隻鴨幾得意我都投降。不過,見到咁多人湧住去睇鴨迫爆尖沙咀、香港旅行社仲搞一日遊鴨團,我覺得真係嘆為觀止,亦引證香港人真係好鍾意一窩鋒去做同一件事,只希望今次唔係幾日貨仔,因為展覽好似仲有一個月有排玩。 相關資訊【有片】日本鴨仔唔知池水結冰 凍到大叫火速上岸 (Jan 7, 2018) 【新片速報】日本3隻肥鴨搖搖跑 超可愛Twitter熱傳 (Jul 3, 2017)

Read more ›

星球大戰中國版   突擊隊/ 尤達變古代武將
by / on 05/05/2013 at 4:00 pm

星球大戰中國版 突擊隊/ 尤達變古代武將

《Iron Man 3》有中國植入式廣告,好彩《星球大戰》都唔執輸。今日唔覺意見到白兵、尤達換咗套中國古代武將服飾,激光劍仲變埋丫叉長劍,突兀得嚟又幾前衞喎。輯相由長居新加坡嘅Joseph Chiang設計,差啲講錯,白兵嘅中文名應該係「突擊隊」先啱‥‥‥Joseph仲幫「達斯摩爾」同埋「波巴費特」設計咗新造型,邊個嚟?係囉,中文併音名真係好難估‥‥‥ 相關資訊【有片】超可愛星戰Porgs飯團 製作過程影片跟住學 (Jan 20, 2018) 【有片】星戰光劍開價16萬 超精細睇咗當買咗 (Jan 18, 2018)

Read more ›
太陽能電源插座   21世紀環保叉機
by / on 05/05/2013 at 3:41 pm

太陽能電源插座 21世紀環保叉機

呢個發明我真心欣賞,太陽能?環保?講就講得多,但點樣具體實行?呢個由Kyuho Snog & Boa Oh設計嘅太陽能叉座,可以吸啜喺玻璃表面,接收足夠嘅太陽後,會轉化成電器可以使用嘅電源,叉滿電後亦可以當流動電插座用,拎出街當尿袋用都得。暫時只係概念品,希望佢快啲量產,以後叉電都可以環保。 相關資訊崔成安「俠義龍情」環保Tote Bag 每個$120開訂 (Jan 16, 2018) 【環保先鋒圖集】LEGO補牆超實用 忍者龜變裝飾品 (Dec 11, 2016)

Read more ›
有片   蘋果新食法    由頂咬到底原來無芯!
by / on 05/05/2013 at 3:03 pm

有片 蘋果新食法 由頂咬到底原來無芯!

其實我掙扎咗兩日寫唔寫呢段新聞,因為真係幾無聊,但我居然連續兩日翻睇,好啦,就算你哋笑我,我都決定將呢段片分享比大家。事綠Food Beast網站搵咗個男仔拍咗條短片,全程影佢食蘋果,不過食嘅方法唔係我同你咁圍住邊咬入去,而係由頭頂一路以圓周方式咬落去,咁你問,個芯呢?原來用呢個方法食,個芯會唔見咗,而網站亦提醒我哋傳統嘅食法,係會浪費蘋果嘅30%,好嘞,講完,如果你都一樣無聊就搵個蘋果試吓啦,嘻。 相關資訊日本火鍋湯底另類食法 加入電飯煲煮飯超美味 (Nov 15, 2017) 【測試】憑記憶畫Logo 蘋果變色Starbucks變毛蟲 (Oct 3, 2017)

Read more ›
本周爆Like圖集 巨鴨狂share
by / on 04/05/2013 at 9:00 pm

本周爆Like圖集 巨鴨狂share

新欄目!由本周開始,我哋每逢周六晚都會出「本周爆Like圖集」,回顧一周間喺facebook最多人Like嘅圖片,等日理萬機嘅你可以喺星期六晚撥冗睇番好多只係喺GameoverHK facebook出過而網站冇出嘅爆Like圖。今個星期最勁就梗係尖沙咀海港城巨型鴨,我哋影到嗰張「大鴨在我腳下」小朋友踩鴨圖被網絡瘋傳,連蘋果動新聞都用咗,可惜冇加水印,冇得乘機宣傳,飲恨! 相關資訊UPS狗狗Facebook專頁 速遞員分享熱情狗狗相 (Oct 20, 2017) 外國警隊Facebook專頁網民激讚 有動物睇幽默感爆棚 (May 24, 2017)

Read more ›
新片速報  Iron Man跟住rap   混音MV超正
by / on 04/05/2013 at 5:51 pm

新片速報 Iron Man跟住rap 混音MV超正

網上專做remix嘅音樂人Mike Relm最近都湊Iron Man熱,整咗段remix版嘅Iron Man music video放上Youtube,入面有齊Iron Man三集嘅片段,剪接好用心,首歌仲幾好聽。呢位remix artiste嘅影片Youtube有超過1千萬點擊,好威水。講返條片,最搞笑係將主角「I’m Iron Man」、女主角「oh my god」等等對白配埋畫面、混埋音夾雜其中,又好笑又好睇。真心推介比睇完《Iron Man 3》意猶未盡,或者睇《Iron Man 3》前想重溫返頭兩集嘅Iron Man粉絲團。 相關資訊日本新年利是封 揭開Iron Man頭盔知幾錢 (Dec 31, 2017) 【有片】MONDO GROSSO新曲 「満島ひかり」香港取景拍MV (Jun 6, 2017)

Read more ›

14歲天才攝影師    超現實相集玩微距
by / on 04/05/2013 at 5:21 pm

14歲天才攝影師 超現實相集玩微距

14歲我仲發緊夢,但呢個網名fiddle oak嘅美國小朋友已經成為連大人都嘖嘖稱奇嘅攝影師,以下相片全部由佢拍攝、設計及後期製作。先講意念,相片概念超現實,主角經常變成超迷你嘅呎吋喺現實環境中出現,例如雙手變成羽毛喺空中飛翔、坐喺紙張上面拎支鉛筆畫自己雙腳,而且用上自拍加埋微攝效果,睇得出佢嘅後期photoshop功力好強,14歲已經做到呢個效果,真係天才。 相關資訊日本玩具攝影師新作 星際勇者救藪貓連環圖 (Feb 17, 2018) 【除咗恭喜之外】美國阿爸集100萬Like 太太同意囝囝叫「悟空」 (Jan 28, 2018)

Read more ›
Youtube熱播   主人索吻柴犬5連拒
by / on 04/05/2013 at 4:38 pm

Youtube熱播 主人索吻柴犬5連拒

星期六放假心情真係寧舍好,尤其睇完呢段日本超得意柴犬片之後。呢隻柴犬喺日本好紅好聰明,主人成日放片上Youtube,之前嗌醒主人溫功課都報導過,今次呢段片仲厲害,放上Youtube一個月已經有過百萬人睇過,故事講述主人經常向佢嘅柴犬索吻,但每次都被拒絕,可愛狗狗除咗識出手禁住主人個嘴,仲識開機關檔駕,加上人同狗都演出生鬼,實不相暪,我都翻睇咗5次。 相關資訊日本「貓之日」Twitter洗版 大量可愛喵星人任睇 (Feb 22, 2018) 日本便利店新款「便當」 單手拎住食超方便 (Feb 22, 2018)

Read more ›
北韓正義聯盟   惡搞金日成銀紙
by / on 04/05/2013 at 2:32 pm

北韓正義聯盟 惡搞金日成銀紙

大膽!居然連偉大北韓領袖金日成都敢畫,而且仲要係畫成正義聯盟,諷刺到極。呢位外國藝術家Aslan Malik之前畫過美金,將美國總統變超人,網站有回帶,今次玩埋呢期大熱嘅北韓,金日成嗰款5千蚊面紗仲要係紀念鈔,市面好少見。玩到咁大,擺明唔驚佢粒導彈啦。 相關資訊【有片】13分鐘北韓天空 360度高空睇平壤 (Oct 21, 2017) 北韓新聞報道背景似《你的名字。》「糸守湖」?網民推出圖變金仔版《你的核試。》 (Sep 8, 2017)

Read more ›
新片速報   雷神狂迷自製8萬volt發電巨槌
by / on 04/05/2013 at 1:01 pm

新片速報 雷神狂迷自製8萬volt發電巨槌

《THOR 2》仲未上,不過狂迷Celeb Kraft已經成功自製Thor巨槌,仲可以發放8萬volt電力,唔係流。今次呢個大project要搵埋科學家老友Staci Elaan合作,8萬volt電可以令旁邊嘅燈膽發光,著完後仲會有燒焦嘅臭氧味,入嚟有片睇,佢仲開心share教埋大家點樣自製。BTW,其實佢個造型真係幾似THOR,尤其個鬈曲髮型,果然die hard。 相關資訊雷神鐵槌變工具箱 大隻男扮嘢必備 (Nov 16, 2017) 【有片】中文字幕版 Civil War時「雷神」「Hulk」去咗邊? (Aug 30, 2016)

Read more ›