Articles by: Reika

獵奇飾品   日本薯條頭巾/pizza頸巾登陸
by / on 15/03/2013 at 10:13 am

獵奇飾品 日本薯條頭巾/pizza頸巾登陸

話咗大家幾多次咖喱漢堡唔係用嚟玩架,衰仔!咁薯條呢?班戟呢?Pizza飽呢?啱啱喺網上見倒呢堆食物飾品,由日本人製作,好勁好想買!不嬲去日本都好佩服餐廳門口啲膠製食物嘅像真程度,估唔倒喺網站Nari Nari見倒有公司咁大膽攞嚟做飾物,條熱狗腸頸鍊同埋Salami腸耳環堪稱無敵,入嚟仲有大把相睇,女士們有無興趣一齊團購吧? 相關資訊日本Felissimo超強創意聯乘 「千手觀音」耳環 / 佛手枕 (Jan 19, 2018) 日本網民食物現「奸笑BB樣」 心都寒埋Twitter熱傳 (Jan 12, 2018)

Read more ›

Danboard紙箱人賞櫻   日本網靚絕圖輯
by / on 15/03/2013 at 9:50 am

Danboard紙箱人賞櫻 日本網靚絕圖輯

你鍾唔鍾意呢隻Danboard紙箱人阿愣?呢隻治療系玩具出自日本漫畫《四葉草》,之前好流行,近排似乎靜咗少少。不過日本依然好多人對佢有愛。噚日喺日本網站就發現呢輯紙箱人遊世界嘅圖輯,紙箱人唔止登山遠足,仲走去賞櫻,又去薰衣草園同埋雪地等等,一年四季都見倒佢,睇完好想呢個週末飛去日本玩餐飽。 相關資訊【相集】超創意爹地PS作品網上熱傳 可愛囡囡變主角 (Feb 18, 2018) 日本玩具攝影師新作 星際勇者救藪貓連環圖 (Feb 17, 2018)

Read more ›
獵奇座地櫃   無PS睇到頭暈
by / on 15/03/2013 at 9:21 am

獵奇座地櫃 無PS睇到頭暈

首先望住呢幅圖5秒,有無覺得眼花頭暈?我有,仲有啲想嘔o忝!呢幅睇落以為係電視或者電腦失靈接收不良嘅畫面,係真真正正嘅一個座地櫃,無Photoshop,由設計師Ferruccio Laviani製作,如果放喺屋企,我會覺得好大壓力、心跳加速,好暈‥‥‥ 相關資訊8bit遊戲高清化 魂斗羅/雙截龍靚晒全靠Photoshop (Jun 30, 2017) 【圖集】超可愛「正方動物」系列 四四方方似《塊魂》 (Feb 10, 2017)

Read more ›
案發現場棺材   你敢唔敢瞓?
by / on 14/03/2013 at 4:05 pm

案發現場棺材 你敢唔敢瞓?

前兩晚明珠台翻播《神探福爾摩斯》,有《Ironman》嘅Robert Downey Jr.同埋靚仔Jude Law,有一幕講邪教教主死而復生,棺材入面變咗另一個人,嚇到我夜晚發惡夢。不過都唔夠呢副棺材夠創意,美國設計師Faustine Gau模仿謀殺案死者嘅經典姿勢造咗副特別版棺材,啱啱好肥啲都瞓唔倒,不過長期保持別個姿勢都幾攰,吖,唔記得咗,住喺入面嘅人唔會攰嘅。 相關資訊網圖分享:人頭/BB屍體/心臟/腦漿賀壽!恐怖蛋糕點食入口? (Apr 25, 2016) 【重色輕友】拍拖後人間蒸發18個月 老友搞葬禮整棺材悼念 (Oct 23, 2015)

Read more ›
日本「假面摔跤」議員開會被拒
by / on 14/03/2013 at 12:11 pm

日本「假面摔跤」議員開會被拒

呢單日本新聞好好笑,令我諗起香港嘅長毛。話說日本好流行「假面摔跤」,即係戴住面具比賽摔跤。今年2月其中一個選手Skull Reaper A-ji當選議員,仲戴住面具出席日本大分市議會3月11日舉行嘅定期會議,可惜被拒入場。佢好有堅持呀,話如果除低面具佢就變咗另一個人,所以堅拒除面具開會咁話。議會就話,因為有規定唔可以戴帽、手杖等物品進入議會會場。或者佢可以扮除,之後入面都係戴住呢個面具,好似「朋友」咁。話時話,之前岩手縣議員Great Sasuke同埋大阪府和泉市議員Super Delfin都係「假面摔跤」選手,兩個都可以戴面具開會。今次似乎有啲大細超喎。 相關資訊【議員很忙】日本國會議員各有各忙 整理咭片/匿埋玩手機 (May 20, 2017) 日本議員開會狂瞓 網民:「去咗醫院嘅候症室?」 (May 5, 2015)

Read more ›
白色情人節   日本倒模橡皮糖冧女
by / on 14/03/2013 at 10:26 am

白色情人節 日本倒模橡皮糖冧女

今日係白色情人節,日本傳統男士會送禮物比情人或老婆或情婦作為回禮。日本涉谷FabCafe推出「情人橡皮糖」,可以將男士外貌同埋身型,透過特定程式掃描後,倒模出人型橡皮糖,價錢6000円,唔算平,但收倒嘅女士一定好冧,仲可以邊等攞貨,邊喺café談心。如果我係肥仔一定去,因為倒模出嚟嘅橡皮糖大舊啲,抵啲。 相關資訊日本柴犬變黑人問號 估錯接受唔倒影片Twitter熱傳 (Feb 18, 2018) 日本神級寶石畫作 木顏色畫出超強立體感 (Feb 18, 2018)

Read more ›

自製頭像Latte咖啡  Starbucks要入手
by / on 13/03/2013 at 2:59 pm

自製頭像Latte咖啡 Starbucks要入手

又係咖啡,今次犀利,呢部叫「Brista Bot」嘅儀器,可以製作出個人頭像嘅Latte咖啡。只要經儀器scan過嘅樣貌,就可以喺Latte面層勾劃出像真度極高嘅圖像,睇片見倒速度仲幾快添!Starbucks可以考慮入返部,以後唔駛寫名喺杯上面,直接打開個蓋,自己認領就得,而且我相信又會牽起另一股post facebook風潮,Starbucks喎、自己個樣喎,肯定要share啦係咪? 相關資訊日本網民錯手跌頭像落地 塊臉扁晒網民出圖回應 (Jan 2, 2018) 12月開幕 日本道後溫泉站Starbucks (Nov 8, 2017)

Read more ›
Starbucks打字機 = 破壞寧靜?
by / on 13/03/2013 at 2:28 pm

Starbucks打字機 = 破壞寧靜?

咩叫品味?咩叫生活態度?我覺得呢位喺Starbucks入面拎部打字機出嚟做嘢嘅先生,直情完美演釋咗咩叫「生活態度」。唔係用notebook唔係用手機,而係已經好難見倒嘅打字機!外國網友鬧佢破壞Starbucks寧靜relax嘅氣氛,不過我諗香港應該無乜問題,因為我每次入去都好嘈,有時仲聽倒有人開聲玩Candy Crush。 相關資訊【大集合】「羽生結弦」Twitter洗版 大量影片/靚相/改圖/回帶 (Feb 18, 2018) 【新片速報】日本超為食喵星人 狂舔空氣回味無窮 (Feb 16, 2018)

Read more ›
第二代貓貓耳機插   iPhone 5都用得
by / on 13/03/2013 at 1:57 pm

第二代貓貓耳機插 iPhone 5都用得

呢款日本貓貓耳機插,上年推出紅到開巷,唔止信和有得賣,連翻版都出埋。可惜iPhone 5用家用唔返,因為耳機位去咗機底。好彩最近佢哋推出專為iPhone 5而設嘅新版,不過就由趴住部機,變為吊吊fing,依然得意,仲有另一款狗仔版,所有手機都啱用。4月27至28喺日本幕張嘅ニコニコ超会議有得賣,可惜暫時未見有網購,唯有寄望香港快啲有水貨返啦。 相關資訊Kumamon熊本熊iPhone 5殼 可愛到暈賣斷市 (Jul 23, 2013) iPhone真正靜音 黑三角耳插一扭即靜 (May 31, 2013)

Read more ›
Dislike 版facebook    新App「Hater」分享最憎
by / on 13/03/2013 at 11:53 am

Dislike 版facebook 新App「Hater」分享最憎

最近有個iPhone應用程式叫「Hater App」,睇準facebook一直未推出嘅「Dislike」功能,程式開宗明義比你分享你最憎/dislike嘅相片,例如名人政客、塞車,甚至討厭嘅facebook「朋友」。玩法近似instagram,影完相可以落filter,再喺朋友圈分享,仲可以share去facebook同Twitter,博你啲朋友「like」返張相,係咪好吊詭? 相關資訊【有片】靚喎!iPhone電話座 扮懷舊電視 (Sep 18, 2017) 【相集】日本京都懷舊小店 過200張iPhone拍攝全紀錄 (Sep 16, 2017)

Read more ›
Facebook賣仔被補   美婦4千蚊出售親生骨肉
by / on 13/03/2013 at 10:35 am

Facebook賣仔被補 美婦4千蚊出售親生骨肉

我以為賣仔呢啲事件,只會發生喺咸豐年代或者電視劇。估唔到2013年,美國,居然仲有呢類事件發生,而且犯人仲喺facebook兜售,痴線!呢位美國阿肯色州22歲女士Misty VanHorn,以美金$1000賣走自己兩歲嘅親生骨肉,後來仲加碼到美金4千,同梱式包埋10個月大嘅初生嬰兒,原因係佢要籌錢救佢喺監獄嘅男朋友出嚟!仲搵倒買家!當然,佢好快被當地警方拉咗,而家保釋金要4萬蚊美金,兩個字:抵死! 相關資訊UPS狗狗Facebook專頁 速遞員分享熱情狗狗相 (Oct 20, 2017) 外國警隊Facebook專頁網民激讚 有動物睇幽默感爆棚 (May 24, 2017)

Read more ›

全球最細最輕手機     1吋彩芒通話2小時
by / on 13/03/2013 at 10:14 am

全球最細最輕手機 1吋彩芒通話2小時

當全世界都追求緊大芒手機時,呢部日本廠推出嘅Willcom Phone Strap 2,居然標榜「全球最細最輕」。好,我明有人鍾意細,但係呢部機居然夠膽開價港幣約$3000,但係通話時間只有2小時,哈,彩色屏幕得1吋。佢支援日本人最鍾意嘅email功能,但係咁細個芒,啲字粒咁細,我好懷疑究竟打唔打倒字。至於相機,你唔係諗住有啩。顏色有黑、白、粉紅三色,建議千祈唔好買黑色,放落袋想搵返都難。3月21日推出。 相關資訊日本超奇妙產品 手機專用剪鼻毛機 (Jan 21, 2018) 手機版美沙酮 戒毒人士專用每日任掃 (Dec 15, 2017)

Read more ›
女僕上門煮飯打機兼打掃 內地遊戲公司新服務!
by / on 12/03/2013 at 10:33 pm

女僕上門煮飯打機兼打掃 內地遊戲公司新服務!

平時去女僕café有人斟吓茶捧吓餐嗌吓主人已經好冧,今次強國走到好前呀,居然有女僕上門服務,個女僕質素仲相當之高!你睇佢對腳,你睇佢個樣!你睇佢對……眼!我都想做佢同鄉喎!此情此境……唔好諗邪嘢住,呢位「女僕」據講係某遊戲公司為激勵員工而僱用,又有傳話係網絡遊戲嘅宣傳技倆,不過點都好,佢真係鐘點一樣做齊全套,煮飯、打掃、陪打機、舖床,仲陪你同世伯伯母一齊視像會議……我唔想聽落去!唔好講!我唔想知之後會點喇‥‥‥同我搵幾隻國寶嚟!可惡! 相關資訊【有片】隨時嘟錯俾錯錢 中國租單車有假QR Code (Jan 17, 2018) 【圖集】核戰後的中國 日本網民熱傳重型面罩圖 (Dec 26, 2017)

Read more ›
獵奇新片    狼狗上司  擔任P&G市場董事
by / on 12/03/2013 at 11:42 am

獵奇新片 狼狗上司 擔任P&G市場董事

P&G旗下品牌Old Spice,專出男士身體噴霧同埋清潔用品,宣傳策略一向了得,而且玩得夠盡。啱啱就宣佈任命Mr Wolfdog狼狗先生擔任市場部總裁,呢隻狼狗有Twitter有website有Tumblr,仲識拍片宣傳自己。喉嚨位裝咗變聲翻譯器,將狼話變英文,片入面狼生識計數識蓋印,仲識得熄燈食埋啲同事,越睇越似我上司。唔知佢出糧係咪出一噸鮮肉?今個星期仲會推出「適者生存」新片兼接受訪問,忙到呢。 相關資訊有片:番梘開窿放銀紙?日本網民教旅遊藏錢秘技! (Jan 10, 2018) 比卡超Hello Kitty做大使 獲委任宣傳「2025萬國博覽會」 (Dec 4, 2017)

Read more ›
英雄撲水搵贊助    美國隊長UPS速遞 / Ironman食老麥
by / on 12/03/2013 at 10:53 am

英雄撲水搵贊助 美國隊長UPS速遞 / Ironman食老麥

唔係個個英雄都好似Ironman咁有錢,唔夠錢駛但又好似Hulk咁嘅身形食量,唯有搵贊助囉!外國設計師Roberto Vergati Santos唔知係咪受咗Tiger & Bunny啟發,改咗輯名為「Sponsored Heroes」嘅圖,美國隊長變長UPS速遞專員、Batman心口多個剔,不過都唔夠Ironman張經典梳化圖,上面擺晒麥當勞咁爆笑。入嚟仲有Microsoft、adidas廣告圖,正! 相關資訊張君豪送賀年Postcard 蛋散變英雄 (Feb 7, 2018) 《龍珠》聯乘Nike超強FF系列 12款波鞋款款都靚 (Feb 5, 2018)

Read more ›