Articles by: Reika

中日學生惡搞教科書  偉人變宅男
by / on 23/03/2013 at 4:02 pm

中日學生惡搞教科書 偉人變宅男

你同我都一定試過,上堂好無聊拎起本教科書畫公仔寫無聊嘢,日本同中國嘅學生都有呢個嚐好,網上見倒一大堆惡搞教科書嘅得意圖。佢哋最鐘意向歷史人物落手,好哋哋一幅大頭相,走去幫人哋加手加腳加動作,孫中山都變瑪利奧大叔;再唔係就加個芒喺人哋前面,笑人係宅男。認真,堅好笑,入嚟有大量改圖睇,攪到我都好想拎本教科書出嚟玩吓。 相關資訊日本今日「Kiss之日」 Twitter大量圖/片應節 (May 23, 2018) 日本喵星人影寫真 懷舊甫士超有少女味 (May 23, 2018)

Read more ›

最硬淨瑪利奧大叔   砌罐頭做善事
by / on 23/03/2013 at 2:34 pm

最硬淨瑪利奧大叔 砌罐頭做善事

嘩,瑪利奧大叔呀!仲有佢個招牌勝利動作添,望吓後面,有最鍾意掟嘢嘅雲叔,同埋最狗嘅水管食人花,而且全部都係用罐頭砌成,勁3D。案發現場喺加拿大Calgary某商場,呢個地方每年都會舉行名為「Canstruction」嘅砌罐頭比賽,今年主題係「科技產品」,除咗瑪利奧,仲有Angry Birds、打字機等,最有意義係砌完兼展覽完嘅罐頭,全部會捐晒去當地嘅食物銀行,幫助有需要人士,值得支持! 相關資訊【有片】Google Map又玩嘢 慶祝「Mario之日」大叔導航 (Mar 10, 2018) 新片速報 3DS推出《Mario & Luigi RPG 3DX》 下年先有得玩 (Mar 9, 2018)

Read more ›
有片  最煩鬧鐘  影相解鎖迫醒你
by / on 23/03/2013 at 2:01 pm

有片 最煩鬧鐘 影相解鎖迫醒你

鬧鐘嚟講,呢個「Sleep if you can」鬧鐘app真係達十級煩膠指數,煩過羅家英同阿媽。玩法好簡單,影定一張相,越遠越好,例如廁所嘅洗面盤啦,鬧鐘一響,你就要起身去返個洗手盤影返張一模一樣嘅相先可以解鎖停止鬧鐘再轟,真係好絕。不過我已經諗到破解方法,就係影我自己個樣,咁咪唔駛落床都得囉!不過晨早起身咁醜樣,佢會唔會唔認得我呢? 相關資訊日本廁所品牌超強紙模型 免費下載紙樣網民狂玩 (May 16, 2018) 集英社推出「漫畫版YouTube」 手機程式免費下載 (May 10, 2018)

Read more ›
獵奇新片    大陸喪爸狂fing B
by / on 23/03/2013 at 1:18 pm

獵奇新片 大陸喪爸狂fing B

呢段片真係要睇!睇完唔該「unlike」埋。外國網報導,大陸有個瘋狂爸爸,居然將個仔當搖搖咁舞,fing完左再fing右,跟手打個後空翻,再將bb放喺手掌上面玩‥‥‥片段仲配埋功夫音樂,懶風趣。大佬,你有無聽過乜嘢叫「搖晃症」?bb仲要下身赤裸,既失禮又好易凍親。翻查資料,原來bb由8個月大開始接受「訓練」,片段入面嘅佢已經15個月大,目標係入「少林寺」。痴線!不過都唔及呢個外國網友串,佢留言話:「Awesome! Father of the year.」,又揚威海外嘞。 相關資訊【有片】超可愛雀仔短片 一齊轉超搞笑Twitter熱傳 (May 19, 2018) 有片:木顏色畫娘娘/達哥/陳柏宇/子華神 (May 1, 2018)

Read more ›
特製電腦枱    notebook傾斜唔駛做低頭族
by / on 22/03/2013 at 9:32 am

特製電腦枱 notebook傾斜唔駛做低頭族

打電腦成日腰痠背痛,有可能因為坐姿唔正確,或者電腦嘅擺放角度有問題,導致你長期以不正確姿勢上網。呢張由Marc Tran特別設計嘅電腦枱,擺放notebook嘅位置可以調校角度,令電腦螢幕處於直立式嘅水平位置,加上keyboard位置傾斜,上facebook同人傾計更加方便,唔駛成日做低頭族。 相關資訊廢人煉成陣 日本電腦枱套裝 可以唔郁幾個鐘 (Jun 22, 2017) 【有錢就是型】電腦枱一體化 全部內置可調校枱高度 (Apr 24, 2016)

Read more ›
發聲電筒入選發明獎        天災停電必備
by / on 22/03/2013 at 8:19 am

發聲電筒入選發明獎 天災停電必備

電筒離我哋嘅生活越嚟越遠,因為摸黑時,我哋仲可以用手機光照明,不過如果遇著天災,手機無電時,電筒就變得好重要。呢款Flash Communicator仲厲害,可以將你嘅聲音,轉化成電筒光,令接收者除咗知道你嘅位置,仲可以接收到最重要嘅訊息,對搶救尤其有用。難怪電筒設計入選2012 red dot年度發明,經常發生天災停電嘅國家人民真係要買定個看門口。 相關資訊【要試】日本網民大發現 iPhone超強功能無人知? (Apr 12, 2017) 日本警視廳教「電筒活用術」 放支水樽成屋光晒 (Mar 2, 2017)

Read more ›

講真定講笑?日本自衞隊招募廣告NOW ON SALE?
by / on 22/03/2013 at 7:02 am

講真定講笑?日本自衞隊招募廣告NOW ON SALE?

睇倒呢張海報你會聯想啲乜?《雷鳥拯救隊》?陳舊VCD海報?起碼我係咁諗。最近日本自衞隊(SDF)招募人馬,仲刊登咗呢個廣告,好多日本人睇完都以為係改圖,點知官方證實呢個的確係佢哋嘅最新廣告,咁點解唔刷走最低嘅NOW ON SALE字眼呢?真係有Blu ray出?     來源:IT Media       相關資訊【新片速報】日本超勁固力果廣告 72位女演員演一個女仔一生 (Mar 10, 2018) 【有片】土屋太鳳/松井愛莉/廣瀨鈴賣朱古力 跳舞扮G字 (Oct 31, 2017)

Read more ›
紅遍日本網絡         萌貓瞓住覺頂蘋果
by / on 21/03/2013 at 10:28 pm

紅遍日本網絡 萌貓瞓住覺頂蘋果

貓之中,呢隻紅遍日本嘅貓明星シロ(小白),得意程度真係達極品級。02年出生,今年9歲,體重4.5公斤,由於年紀略大,台灣人稱佢為「貓叔」,好有霸氣。呢個貓叔肥嘟嘟,頭重身輕,最搞笑係超爛瞓,無論主人放乜嘢喺佢頭上,包括竹籃、蘿白、蘋果、花圈、杯麵、飯碗等等,佢都面不改容照瞓可也。主人仲好勤力update佢嘅YouTube同埋相簿。目測估計,佢總共養有三隻貓朋友,物以類眾,全部同佢一樣咁爛瞓,都係任舞級數。睇完唔夠喉仲可以去amazon買齊3本相集,得意到喊。 相關資訊【新片速報】日本超溫馴白文鳥 任摸唔嬲似棉花糖 (May 23, 2018) 日本真實版《龍貓》 喵星人瞓巨型毛公仔Twitter熱傳 (May 23, 2018)

Read more ›
墓碑QR Code   翻睇亡者生前事蹟
by / on 21/03/2013 at 10:48 am

墓碑QR Code 翻睇亡者生前事蹟

大陸真係無奇不有,而且仲學得好快。最近瀋陽盛京寢園推出QR墓碑計劃,可以將親友墓碑加上QR Code,有關方面仲可以幫忙製作網頁,等親友可以用手機追思亡者生前事蹟,據講仲有十幾人試用緊,真係嚇一跳。其實呢個概念唔係大陸發明,喺英國已經有唔少墓碑提供呢項服務,可能我接受能力低,真係覺得非常獵奇。 相關資訊貓奴聖誕咭 掃QR Code睇貓貓影片 (Nov 23, 2013) 雪櫃磁石 提醒你食物到期日 (Nov 20, 2013)

Read more ›
巨型滑鼠手枕        長時間用電腦專用
by / on 21/03/2013 at 8:24 am

巨型滑鼠手枕 長時間用電腦專用

實用嘢通常都唔靚,呢個叫Kidstation就係最佳例子,其貌不揚,不過可以乘托懸浮喺半空,用緊滑鼠嘅手踭,可以調教高度、角度,最啱經常用電腦繪圖嘅朋友,大前題當然係你要有張幾大嘅書枱,同埋小心唔好起身坐底撞倒隻角。amazon有得賣,開價港幣$400左右。 相關資訊【有片】神物!除時reboot你個腦 「Ctrl」「Alt」「Delete」隨身再起動 (Apr 22, 2018) 西非山區教用MS Word無電腦 男教師用粉筆黑板畫出畫面 (Feb 24, 2018)

Read more ›
自製instagram影相機   網上教DIY氹女仔
by / on 21/03/2013 at 7:14 am

自製instagram影相機 網上教DIY氹女仔

細過有無影過貼紙相?今時今日,想影相拎部相機就得,仲可以玩自拍。不過影相機似終有佢嘅好處,起碼可以企多啲人。呢部靈感來自instagram嘅超大型影相機,由19歲外國學生Alexander Morris用咗11個星期完成。配備方面,用上Nikon d3200相機、入門級2400萬像素DSLR、Nikon sb900閃燈,加埋一部電視機仔,網上有教學,如果你屋企好大,無工作,鍾意喺屋企開party,不妨整返個氹吓女仔。 相關資訊【相集】人氣IG攝影師 專影落雨後風景倒影 (Sep 25, 2017) 【謎之犯罪者】日本超古怪疑犯 偷過百張影相機膠簾 (Feb 5, 2017)

Read more ›

獵奇發明        發電足球    踢完波有電叉iPhone
by / on 20/03/2013 at 3:50 pm

獵奇發明 發電足球 踢完波有電叉iPhone

仲踢波?不過今次呢個發明犀利嘞,唔係太陽能、核能或者水電發力,而係將發電機裝入足球內。呢個Soccket發電足球,踢30分鐘波,電力足夠屋企嘅枱燈用3小時以上,仲可以叉埋手機。另外,如果踢波時咁啱落雨都唔駛驚,因為佢有防水功能,足球重17安士,比平時重少少咁多,不過價錢就貴得多,開價美金$89,kickstarter集資中。

Read more ›
Google新增GIF動畫搜尋     高登貢獻良多
by / on 20/03/2013 at 3:33 pm

Google新增GIF動畫搜尋 高登貢獻良多

一向好鍾意Gif,尤其高登改圖嗰啲。Google最近加入搜尋Gif圖功能,只要係搜尋圖片時,揀「搜尋工具」,再揀「動畫圖片」就得,無河蟹,大量粗口圖照出,其中高登圖仲佔大量數目,我試過搵燦神、馬神、梁振英、馬德鐘、萬能key等等,大量gif圖滾滾而來,樂趣無限,睇完記住下載珍藏以備不時之需。可惜facebook唔支援gif圖顯示,如果唔係日日舖圖,諗起都開心。 相關資訊【今日GIF】超正日本景pixelart 便利店外透透氣 (Nov 10, 2017) 日本網民又發現 Google地圖電單車炒車意外 (Oct 20, 2017)

Read more ›
獵奇新片      激光劍 VS 魔戒     世上最強武器大亂鬥
by / on 20/03/2013 at 2:51 pm

獵奇新片 激光劍 VS 魔戒 世上最強武器大亂鬥

有無諗過星戰激光劍VS雷神大槌邊個會嬴?外國網友拍咗條叫「Prop Wars」嘅片,將大量電影見過嘅動漫武器攞出嚟對戰,除咗雷神把大槌,仲有Ironman同埋魔戒,係,你無聽錯,總之溝到亂晒籠,但堅係好笑。3分鐘短片,唯一係西人演技麻麻,尤其肥仔。 相關資訊《Star Wars》光劍變芥末醬 黑武士出手唧醬 (May 22, 2018) 【有片】超強情景 甘道夫決戰炎魔「You shall not pass!」 (May 11, 2018)

Read more ›
哈比人套裝汽水      不日上市
by / on 19/03/2013 at 8:05 am

哈比人套裝汽水 不日上市

唔好開心住,我都好想飲哈比人可樂,不過佢只係LONELY MOUNTAIN COLA CO.嘅概念圖,呢個facebook群組今年2月先成立,估計係哈比人粉絲玩樂之用。google過,呢間唔係飲品製造商,即係純粹改圖氹吓自己同各位哈比粉絲開心啫。佢哋仲好有心機將電影入面嘅場景都key入呢罐嘢,仲出咗全套唔同款式,講真,無聊得嚟都幾有心思。 相關資訊【相集】日本驚青喵星人捐窿捐罅 直昇機經過嚇到匿埋 (May 8, 2017) 【慎入】北海道名物「瓜拿納」 真身好恐怖似眼球 (Feb 8, 2017)

Read more ›