Articles by: Reika

新片速報 iPad聖誕變魔術 識噴雪亮燈
by / on 25/12/2012 at 2:48 pm

新片速報 iPad聖誕變魔術 識噴雪亮燈

Cyril一直係我最鐘意嘅魔術師,不過今個聖誕我變心了。因為呢個外國魔術師iSimon(Simon Pierro)真係好厲害,可以將部iPad噴雪;將入面嘅薑餅人啪隻腳出嚟食;甚至插電幫聖誕樹亮燈‥‥‥學識一兩招聖誕節一定唔會lonely。我都想要部iPad做聖誕禮物呀! 相關資訊【有片】聖誕真好!日本爵士演奏家高木里代子彈鋼琴 (Dec 26, 2017) 【圖集】聖誕大快樂 日本網民浪漫大餐熱鬧實況 (Dec 25, 2017)

Read more ›

鬥膠面  人像攝影玩膠紙綑綁
by / on 22/12/2012 at 7:52 am

鬥膠面 人像攝影玩膠紙綑綁

Share呢單新聞純粹因為佢夠無聊。如果學術啲講,就係行為藝術。外國攝影師Wes Namen最近影咗輯人像相,相中人特色係全部塊面都用透明膠紙綑住,個個面容扭曲、藐咀藐舌,戚眉賊眼,但又好好笑喎,老實,睇完我都想喺屋企玩吓,之後換成facebook張profile pic嚇吓班friend都唔錯。  相關資訊【圖集】Wonder Woman低成本cosplay 膠紙加瑜伽墊50小時完成 (Nov 24, 2017) 日本列車膠紙 自製路線圖最正 (May 11, 2017)

Read more ›
《回到未來》Lego系列官方量產
by / on 22/12/2012 at 7:15 am

《回到未來》Lego系列官方量產

《回到未來》你有無睇?有無睇晒3集?如果有,呢套《回到未來》Lego系列真係唔買都要埋嚟睇吓。有穿梭時空型到爆嗰架DeLorean DMC-12,主角Marty同博士Doc Brown仲有齊三集造型!今次量產成功,全靠放喺Lego嘅搵錢大計Lego Cuuso上,成功得到1萬張選票,呢個計劃真係造福人群呀!雖然價錢同推出日期仲未定,但我已經決定要買返套儲!(因為估計唔平,所以一套儲一套玩嘅願望應該達成唔倒。) 相關資訊村田雄介新作公開 《回到未來》漫畫版 (Feb 2, 2018) 宇宙最崩壞攝影師 全家變LEGO人網上熱傳 (Jan 16, 2018)

Read more ›
海賊寶箱BBQ爐  聖誕約伙伴燒雞翼
by / on 18/12/2012 at 8:16 am

海賊寶箱BBQ爐 聖誕約伙伴燒雞翼

諗好聖誕節去邊到迫未?咁多樣活動我最鍾意就係燒雞翼BBQ嘞!呢個燒烤爐設計到好似海賊寶箱咁,最啱嗌埋一大班伙伴一齊燒嘢食,駛唔駛戴埋草帽、戴埋紅假髮cosplay就悉隨尊便啦。不過要小心寶物比人偷,由其係啲好為食,好鐘意偷果實嘅膠人,唔係,橡膠人先啱。不過呢個寶箱BBQ爐一啲都唔平,賣美金$11,500,唔通真係有寶? 相關資訊日本最難忘動畫場面 插畫師自製電影海報Twitter熱傳 (Feb 8, 2018) 睇漫畫學大道理 「朋友」主題ONE PIECE經典背影 (Jan 30, 2018)

Read more ›
新片速報 自掣香蕉紅蘿蔔手掣打孖寶
by / on 17/12/2012 at 9:56 am

新片速報 自掣香蕉紅蘿蔔手掣打孖寶

呢個發明真係好過癮,你可以自製紅蘿蔔Joystick打孖寶兄弟或者玩食鬼,只需要將塊底板「MaKey MaKey」用USB駁落電腦,就可以發揮無限創意。例如用條蕉變做「Space」掣、玩跳舞機將幾個水桶變成掣跳嚟跳去,甚至可以將條樓梯變做鋼琴琴鍵。信我,click入去睇片你會笑到O格O格聲,下面仲有好多相睇,你會發現世界真係創意無限。價錢?400蚊港紙唔駛。

Read more ›
iPhone風扇  泰國旅行買定啱數
by / on 17/12/2012 at 9:38 am

iPhone風扇 泰國旅行買定啱數

我知我遲咗少少,天氣咁凍,仲要個風扇把鬼咩?但係我真係覺得呢個發明好實用,你可以訂定聖誕去泰國旅行用嘛。呢款風扇專比iPhone用,只要將佢插喺iPhone充電位置,涼風就會源源不絕送上,而且據稱相當輕巧,只係用你少少電,盛惠美金13蚊。好嘞,喺你準備訂前講個壞消息比你知,呢把風扇唔支援iPhone5,唔緊要,我屋企部iPhone4用嚟做士啤電話,而家加多樣功能,啱數喎。 相關資訊【有片】日本貪玩雀仔 跳風扇扇葉超可愛Twitter熱傳 (Feb 20, 2018) 【有片】靚喎!iPhone電話座 扮懷舊電視 (Sep 18, 2017)

Read more ›

易用免費apps!手機整fb封面相
by / on 17/12/2012 at 8:24 am

易用免費apps!手機整fb封面相

呢排facebook自動幫我嘅手機版變咗簡體字介面,嬲到我想掟機。為咗令自己開心啲,我分散注意力,諗住搞靚我個facebook封面照。今日喺App Store搵到一個免費軟件,比你喺相薄入面揀幾張靚相,可以揀唔同嘅版面設計,按幾個掣就可以製作成靚靚facebook封面相,再直接upload上facebook,認真方便,個人心情好返啲。呢個叫「Facebook 封面照製作器」嘅應用程式,慳返唔駛用photoshop,新手初哥最啱用。可惜Andriod用家無份。

Read more ›
肯德基搞任食放題 Twitter留言請你飛大阪
by / on 17/12/2012 at 8:02 am

肯德基搞任食放題 Twitter留言請你飛大阪

如果你準備20號前去大阪旅行,而咁啱又好鐘意食肯德基,咁呢單News絕對關你事嘞。由即日起到12月20日,喺Twitter用#KFC食べ放題ツアーin大阪#呢個hashtag留言,其中三個幸運兒就可以免費飛去大阪食肯德基,仲要係任食嘅!減肥?遲啲先諗啦!不過記住留定少少肚,如果唔係成程大阪之旅齋食肯德基食滯咗,拉麵、大阪燒、壽司刺身全部食唔落,就喊都無謂嘞。 相關資訊【有片】大阪環球影城「Final Fantasy XR Ride」 戴VR遊魔晃爐摸陸行鳥 (Dec 27, 2017) 【揭秘】日本人聖誕點解食KFC?年年排隊圖集 (Dec 23, 2017)

Read more ›
真人VS動漫 100%相似圖大比併
by / on 17/12/2012 at 7:51 am

真人VS動漫 100%相似圖大比併

鄧梓峰好似巴斯光年?我知,但我想睇靚女多啲喎!外國有網站搜羅咗一系列動漫角色VS真人大比併嘅相片,相中真人唔止樣似,大膽程度都同漫畫中人有得揮。全部擺返一式一樣嘅甫士比你Photo Hunt,非常賞心悅目!以下有超過20款對比圖,養眼程度由高至低,有時間可以碌到最低,動物都有! 相關資訊法國球員係日本動漫迷 左腳小岡右腳火影 (Dec 2, 2017) 網圖分享:將真人變做二次元靚女 (Nov 22, 2017)

Read more ›
機迷 VS 普通人 手指多功能
by / on 16/12/2012 at 4:05 pm

機迷 VS 普通人 手指多功能

大家都係有5隻手指,但普通人嘅手同機迷嘅手係唔同嘅。睇吓右面張相,機迷每隻手指都有唔同用途架。不過呢個只係初級版機迷,因為有網友話佢嗰5隻手指有更多功能。手指公除咗「Space」之外,仲負責埋Dpad同埋左邊Analog,無名指除咗A之外,仲要按埋Q、Z同埋Tab,計我話咁打法,隻手指尾應該會比平常人長啲喎。   相關資訊日本Suzuki車廠show girl 手指砌「S」字網上熱傳 (Nov 3, 2017) 【好核突】超像真燒手指蠟燭 流血蠟燒完見白骨 (Oct 5, 2017)

Read more ›
耳筒應該係咩形狀?Hands Free美容器唔駛轆
by / on 16/12/2012 at 10:12 am

耳筒應該係咩形狀?Hands Free美容器唔駛轆

耳筒應該係咩形狀?耳仔唔係圓形,點解耳筒係圓形?講完無聊嘢,無辦法,我見倒呢款產品,第一時間就諗起Apple個新耳機,仲以為係向佢致敬嘅加大版。但其實佢係一個美容機。噓!唔好噓住,你可以送比女朋友仔嘛。呢個Hands Free美容器,據稱可以傳輸適量嘅電子脈衝去塊面度,刺激皮下層達至美容功效,最正係高科技唔駛用手操控轆轆轆,用完就會靚晒(佢話),開價HK$3200左右!補充一句,佢仲出咗男士專用嘅黑色款,邊個話男士唔可以貪靚架?

Read more ›

魔戒有得賣 咕嚕我明白你嘅痛苦嘞!
by / on 16/12/2012 at 9:53 am

魔戒有得賣 咕嚕我明白你嘅痛苦嘞!

呢兩日我心情有啲低落,因為睇完《哈比人》,見倒咕嚕比巴金斯偷咗隻魔戒,大叫:「Thieves!」我個心就隱隱作痛。都話魔戒害人不淺,網上比我見倒呢隻戒指,價錢美金$99,上面印咗同電影魔戒入面一模一樣嘅精靈句字,我好想買隻戴住去冒險呀!但係,點解咁多size都斷碼架?唔通要我買隻加大碼袋落西裝袋?我驚跌喎!所以我登記咗email,等佢有貨時通知我,聽聞2月有貨,我而家同咕嚕一樣,好辛苦呀! 相關資訊結婚都要出動精靈球 打開內藏一對結緍戒指 (Jul 18, 2017) 日本女士求婚專用套裝 自備戒指仲有「回郵信封」 (Feb 23, 2017)

Read more ›
有片   喪屍機械人超像真  日本東京大學新出品
by / on 16/12/2012 at 8:35 am

有片 喪屍機械人超像真 日本東京大學新出品

嘩!喪屍呀!之前介紹過好多款唔同嘅機械人,不過今次介紹呢款,有埋仿人類嘅骨架肌肉,講真,睇落幾嚇人。試幻想你夜媽媽見到佢郁身郁勢做體操唔大叫就奇。呢隻機械人叫Kenshiro,東京大學研究生作品,模仿12歲小童嘅骨架身形製造,佢哋話想透過製作呢個機械人,令大家更加瞭解人體架構。唔,咁下次可唔可以整個女版?我想要Scarlett Johansson,24歲骨架ok嘞。 相關資訊【圖集】爸爸畫作再出動 機械人改圖變神作(4) (Dec 27, 2017) 日本人狂玩Amazon紙箱 變身紙箱機械人Twitter熱傳 (Dec 24, 2017)

Read more ›
末日求生泡泡衫 解悶一流
by / on 16/12/2012 at 7:59 am

末日求生泡泡衫 解悶一流

世界末日你做好準備未?我已經諗好嘞,我會訂呢件泡!泡!衫!首先,佢咁膠應該幾保暖,我甚至懷疑會焗到出汗;另外佢仲有少少防撞力,最重要係得返我一個人時, 我可以慢慢逐粒「啪」解吓悶!唔係講笑,網站ThinkGeek已經有得賣,盛惠美金15蚊,唔算貴喎!件衫劃一呎吋,仲好detail分成上下兩件,可以自己mix and match。好啦,我都覺得自己好無聊,真係有興趣就自己上去訂啦! 相關資訊《Game of Thrones》龍蛋調味料 仲有龍媽背囊(!) (Jul 20, 2017) 【星戰】BB-8變Tea-B-8 星戰茶壺ThinkGeek有得買 (Jul 8, 2016)

Read more ›
星戰咖啡機 日本限量5000台
by / on 15/12/2012 at 6:30 pm

星戰咖啡機 日本限量5000台

愛係盲目嘅,如果你鍾意星戰,無理由唔買埋呢款星戰咖啡機啩?由日本雀巢公司推出嘅限量版咖啡機,有黑武士同埋C3PO兩款,超限量每款只有5000台,開價9800円下星期開賣。跟機仲送多隻特別版咖啡杯比你。唔知黑武士係咪只可以沖黑咖啡expresso?咁C3PO呢?唔通係Cappuccino? 相關資訊【有片】超可愛星戰Porgs飯團 製作過程影片跟住學 (Jan 20, 2018) 【有片】星戰光劍開價16萬 超精細睇咗當買咗 (Jan 18, 2018)

Read more ›