Articles by: 爆炸哥

《反斗車王》飛上天 《Planes》下年夏天上映
by / on 25/12/2012 at 2:02 pm

《反斗車王》飛上天 《Planes》下年夏天上映

Pixar動畫《反斗車王(Cars)》早幾個月已經發佈咗新動畫《Planes》嘅預告片(入嚟有得睇),呢套係《反斗車王》姊妹作嘅《Planes》由DisneyToon Studios製作,有飛機,有戰機、隱形戰機、螺旋機……主角叫Dusty,又係老爺機一架,到底佢會唔會達成夢想飛均全世界?我反而有與趣知香港譯名係咩,《反斗機王》?《反斗飛王》?電影預定8月9日喺美國上映。

Read more ›

新片速報 iPhone/iPad提示燈 放喺袋都睇到
by / on 25/12/2012 at 1:12 pm

新片速報 iPhone/iPad提示燈 放喺袋都睇到

有冇試過聽唔到電話睇唔到訊息俾男/女朋友鬧?之後患上驚恐症,無時無刻都要拎個電話上手睇有冇召喚?咁呢粒myLED就啱你使喇。只要將佢插喺插耳機個位,咁無論有Missed Call、FaceTime、Email、Skype、Facebook或Twitter訊息,佢都會閃閃吓,而且亮度夠,就算放喺衫袋褲袋都睇到得。咦?咁我要插耳機聽歌,粒嘢點呀?佢好體貼咁會有埋個扣仔俾你扣喺耳機線上面!全線iPhone同iPad都合用,又係kickstarter集資產品,o依家最平要15蚊美元,美國以外要5蚊運費,2013年4月派貨。 相關資訊日本網民手指「畫十字」變畫筆 iPad畫圓形不是夢 (May 23, 2017) 日本超實用「封印」膠紙 封iPhone封老闆 (Apr 24, 2017)

Read more ›
今日下載 《人中之龍5》免費新DLC 《VF2》連線對戰
by / on 25/12/2012 at 12:28 pm

今日下載 《人中之龍5》免費新DLC 《VF2》連線對戰

《人中之龍5》咁多小遊戲,玩晒未?玩晒都唔好收埋住!SEGA好大方咁為《人中之龍5》推出一連8彈嘅免費DLC,嚟到第3彈今日(25日)聖誕節配信!今日呢個DLC係令到遊戲入面嘅懷舊3D格鬥遊戲《Virtual Fighter 2》可以網上連線對戰,終於可以搵真人打過。另外亦有「プリンセスリーグ」回想「loneliness loop」,見番偶像澤村遙。 相關資訊真島吾郎今日53歲生日 日本網民賀圖集 (May 14, 2017) 4月有得買PS4機蓋 《初音》兩款 《人中之龍》再版 (Mar 16, 2017)

Read more ›
新片速報《One Piece 海賊無雙 2》PV 特別版主機貼登場!
by / on 25/12/2012 at 12:06 pm

新片速報《One Piece 海賊無雙 2》PV 特別版主機貼登場!

上次第一集部金色主機,訂機要4字頭,fans都忍得辛苦咯!今次抵玩!因為3月20日推出嘅PS3/PS Vita《One Piece 海賊無雙 2》呢段新片除咗有路飛、索洛、山治、娜美等主角登場外,仲宣佈埋「Treasure Box」內容俾你睇!係主機貼呀!唔使買過部機都可以變One Piece主題機!不過,大前題係你部機唔係最舊嘅厚機,又唔係最新嘅趟蓋機,而要係相入面呢部CECH-2000/CECH-3000機……12,390円,有原聲碟有月曆有機貼。不過,好似仲未有PS Vita版主機睇喎!我唔信冇! 相關資訊要娜美咁好身材?《One Piece》 X Peach John出內衣水著 (Apr 3, 2017) 【撞衫】日本女生流行粉紅外套 激似《ONE PIECE》多佛朗明哥 (Jan 16, 2017)

Read more ›
新片速報 《喪屍血滴子 Zombie Guillotines》笠頭殺喪屍
by / on 25/12/2012 at 11:43 am

新片速報 《喪屍血滴子 Zombie Guillotines》笠頭殺喪屍

聖誕流流又係喪屍!呢個GVA創作組,之前拍過一段《關公大戰外星人》Trailer,噚日就出咗條新片玩喪屍。演員、場景同化妝都好認真,旁白仲有鄭子誠,而玩血滴子殺喪屍都幾搞笑,仲有水手服……各位喪屍迷不妨支持吓本地創作,幾有Heart o架!雖然可能係廣告,不過話之佢啦,好睇咪得囉! 相關資訊【新片速報】日本喵星人勁似喪屍 攝入門隙片Twitter熱傳 (May 26, 2017) 有片:Parkour+喪屍圍攻 跳出生天 (May 17, 2017)

Read more ›
新片速報《The Walking Dead: Survival Instinct》遊戲影片曝光!
by / on 25/12/2012 at 11:27 am

新片速報《The Walking Dead: Survival Instinct》遊戲影片曝光!

伍公子噚晚出新片玩《The Walking Dead》,睇咗未?佢嗰隻係以漫畫為藍本製作嘅遊戲,而呢隻會喺2013年內推出、由Activision推出嘅PS3/Xbox360遊戲《The Walking Dead: Survival Instinct》,就係跟AMC嘅電視劇做嘅。呢隻FPS第一身射擊遊戲啱啱就第一段影片發佈,由Norman Reedus演嘅Daryl Dixon同Michael Rooker演嘅Merle Dixon做主角,背景會係主角阿Rick Grimes仲喺醫院昏迷緊嘅時候,佢哋兩兄弟點生存落嚟!之前第一段片就好概念,今次終於有少少遊戲片段同介紹睇,跑到流汗都會吸引喪屍!? 相關資訊【有圖有片】《The Walking Dead》阿Glenn結婚 陰屍賓客到場 (Dec 5, 2016) 【有片】《The Walking Dead》第7季片段 10月開播邊個死? (Aug 16, 2016)

Read more ›

新片速報 初音未來新影片 祝你聖誕快樂
by / on 25/12/2012 at 12:39 am

新片速報 初音未來新影片 祝你聖誕快樂

真係啱晒個氣氛,為慶祝初音5周年,「SEGA feat. HATSUNE MIKU Project」啱啱發佈咗一條Merry Christmas〈39〉MV,著住聖誕裝嘅初音唱晒歌同你慶祝聖誕!另外,手機遊戲亦有新PV,就係下年3月配信嘅新曲!聖誕凍冰冰,我又要講多次,初音唔係虛擬嘅,佢係活喺我個心裏面! 相關資訊【3月9日】「ミクの日」+「ザクの日」 溝埋嚟做初音渣古吖! (Mar 9, 2017) 【又10年】初音10周年網站開張 倒數慶祝活動 (Jan 10, 2017)

Read more ›
新片速報 Home made Ver.《Man Of Steel》預告
by / on 24/12/2012 at 1:35 pm

新片速報 Home made Ver.《Man Of Steel》預告

《Man Of Steel》超人新電影下年先有得睇,但前排就睇到新預告,都幾精彩。而美國就有人整咗一條Home Made版本,係,係簡陋,但有心,你睇,超人真係飛上天呀!入嚟有影片俾你對住比較官方嗰條同Home Made嗰條,我個人buy後者多啲,有血有肉。 相關資訊【有片】7年前舊作囝囝變主角 超人新作《ウルトラマンジード》7月播 (Apr 27, 2017) 【有片】巨乳咸超!空想特撮《ウルトラソニコ》Ultra Sonico? (Apr 1, 2017)

Read more ›
$10萬蚊!太空侵略者手表 巴黎有得賣
by / on 24/12/2012 at 1:22 pm

$10萬蚊!太空侵略者手表 巴黎有得賣

厲害!可能因為GameoverHK個Logo關係,我覺得呢隻《太空侵略者》(定保衛者?)手表好有親切感!不過,我諗我冇能力擁有……唔係因為佢淨係喺巴黎嘅Colette專門店先買到,而係個售價係€14,900!呢隻係由Romain Jerome x Colette嘅產品,高階潮囉。 相關資訊【有片】真人版《Space Invaders》 手推車射人扮怪獸 (Feb 13, 2016) 新片速報 懷舊街機突入瑞典機場 入錢打機做善事 (Mar 19, 2015)

Read more ›
《劇場版銀魂》第2彈下年夏天推出 + PSP《銀魂大富翁》第4彈PV
by / on 24/12/2012 at 12:50 pm

《劇場版銀魂》第2彈下年夏天推出 + PSP《銀魂大富翁》第4彈PV

「Jump Festa 2013」嘅現場消息,就係宣佈《劇場版銀魂》第2彈將會喺下年夏季登場,由藤田陽一監督,原班人馬聲優演出。另一邊,下個月24日PSP都有隻《銀魂大富翁》推出,官方有第4彈PV發佈,Live 2D技術到底係咩?就係對話畫面時個角色都識郁嚟郁去咁囉。 相關資訊「阿銀」把遮?日本出「洞爺湖」木刀雨傘 (May 15, 2017) 拖鞋最正 Bandai出《銀魂》阿銀/沖田睡衣套裝 (Mar 28, 2017)

Read more ›
新片速報 日本麥記60秒上菜活動 請你食包
by / on 24/12/2012 at 11:21 am

新片速報 日本麥記60秒上菜活動 請你食包

由2013年1月4日開始至1月31日,日本差唔多全線麥當勞都會舉行一個60秒活動。即係點?即係你嗌完8號餐加大走青瓜要多包鹽唔駛茄汁汽水走冰之後,佢60秒內就要送到嚟櫃枱,如果唔得就會送優惠券請你食包。有日本傳媒就親身去咗優先舉行呢個活動嘅御堂筋周防町店測試,拍埋片,梗係唔駛60秒啦!我反而好鍾意佢哋送嗰件60秒巨無霸Tee喎! 相關資訊【有片】不要玩比達!日本麥當勞玩具 hea出拳有喜感 (May 19, 2017) 【有片】日本麥當勞x《龍珠 超》 龍珠發光射龜波 (May 11, 2017)

Read more ›

自製摺紙模式 新App幫你設計
by / on 24/12/2012 at 11:10 am

自製摺紙模式 新App幫你設計

日本都有出唔少,之前都買過隻初音但未摺,但係有冇諗過自己設計人物?或者整個獨一無二嘅送俾女朋友?呢個iPhone/iPad新App就幫到手,只要裝咗佢,你就可以自己喺平板電腦或手機填色加眼耳口鼻,仲可以即時預覽到摺咗出嚟係咩樣,你都做得到!另外仲有車形、四方型等不同形狀選擇,官網有片睇,Print出嚟就可以摺,o依家開始搞,今晚都可能送得切喎! 相關資訊【有片】超迫力!日網民自製紙板 電話拍《龍珠》出波動畫 (May 24, 2017) 【有片】日本巨型鐵道模型塌下 曳仔一手推跌超震憾 (May 22, 2017)

Read more ›
伊健 / 美棋 / 魯芬 / Iron Man 祝GameoverHk網友們聖誕快樂!
by / on 24/12/2012 at 10:52 am

伊健 / 美棋 / 魯芬 / Iron Man 祝GameoverHk網友們聖誕快樂!

相關資訊日本網民聖誕悲劇 中碼樽領衫洗完變連身裙 (Dec 27, 2016) 【聖誕要開工】日本Domino’s外賣車 聖誕變鹿車搞氣氛 (Dec 27, 2016)

Read more ›
用完即食卜卜脆 玄米煎餅iPhone殼
by / on 24/12/2012 at 10:47 am

用完即食卜卜脆 玄米煎餅iPhone殼

日本人真係識得未雨綢繆,你諗吓,如果遇到天災被困,身上完全冇嘢食點算?有啲零食解吓悶都好吖!所以,日本就有公司推出呢個玄米煎餅iPhone 5電話殼,係,佢真係用玄米煎餅做嘅,只要放你部iPhone 5入去,除咗可以型絕全場之外,肚餓口痕時仲可以搣啲落嚟食,最抵死係留埋相機鏡頭位俾你影相,雖然個位唔多啱……3,818円,佢官網仲話邊食機殼邊飲茶最啱添…… 相關資訊【要試】日本網民大發現 iPhone超強功能無人知? (Apr 12, 2017) 日本超像真食物iPhone殼 咖喱飯真到唔敢拎上手 (Oct 22, 2016)

Read more ›
熱辣新片 直擊遊戲展現場實況 伊健 + 台灣女神現身!
by / on 21/12/2012 at 9:04 pm

熱辣新片 直擊遊戲展現場實況 伊健 + 台灣女神現身!

今日冇事冇幹,即係星期一要返工,咁呢兩日又要玩盡啲啦!GameoverHk今日去咗遊戲展,見到鄭伊健,又見到台灣嚟嘅女神級Coser DenKa同林采緹,又有大量Show Girl露兩手,真係目不暇給,心都離埋。今日要返工?放工要做冬?唔緊要,即睇現場實況,有片有相,親歷其境……係,其實我喺度拖延緊時間,因為兩個女神嘅訪問,已經進行中,今晚夜啲瞓,等埋女神呀! 相關資訊有片 2012 AGS GameoverHK X PS VIta《Call of Duty》比賽實況 (Dec 30, 2012) 新片速報 公子玩Live《Metal Gear Rising: Revengeance》 (Dec 22, 2012)

Read more ›