Articles by: 爆炸哥

上周主機/遊戲銷量 PS Vita減價第2周 後勁不繼
by / on 21/03/2013 at 10:30 am

上周主機/遊戲銷量 PS Vita減價第2周 後勁不繼

PS Vita上月底減價發售,上上周銷量終於過咗3DS頭,可惜今個星期最好賣嗰隻遊戲叫《刀劍神域》,係PSP唔係PS Vita嘅,加上3DS隻《機戰UX》上周又賣出超過11萬排第三,此消彼長,未計3DS,淨係計3DS LL嘅銷量都高過PS Vita嘅36,028部1萬部……詳細遊戲、主機銷量排名可以入嚟睇,今個星期《One Piece海賊無雙2》推出,幫唔幫到PS Vita手呢? 相關資訊【短期成績表】勁過當年PS2?任記Switch日本國內銷量325萬 (Dec 30, 2017) 全球銷量突破1,000萬部 任天堂Switch個勢keep到 (Dec 13, 2017)

Read more ›

新賽車女郎登場《Evangelion》賽車隊3/20現身原宿
by / on 20/03/2013 at 10:35 pm

新賽車女郎登場《Evangelion》賽車隊3/20現身原宿

其實我真係好鍾意水谷望愛,即係之前Cos綾波麗嗰個官方賽車女郎,可惜,上年佢已經畢業,今年新賽季會有新女登場。呢五個呢,名叫佐々木華奈、和泉テルミ、森園れん、福滝りり、北山奈都美,見過之後,我更更加懷念水谷望愛,不過我知道人係應該向前看,所以3月20日我都會昅實,因為佢哋五個女仔同埋鈴鹿8耐參戰嘅RT初號機戰車都會去到原宿「EVANGELION STORE TOKYO-01」,如果去開日本旅行真係要去趁吓。又如果你好似我咁好掛住水谷望愛嘅話,可以入嚟回帶,有佢嘅影片同相集,堅係得!臨瞓睇真係一流! 相關資訊東京遊戲展名物消失 「Xperia風呂」回帶睇片 (Sep 23, 2017) 買綾波麗內衣 水谷望愛又Cos阿琳 (Mar 31, 2017)

Read more ›
瞓住玩Tablet 床上睇書打機專用
by / on 20/03/2013 at 6:08 pm

瞓住玩Tablet 床上睇書打機專用

我諗大家都試過,瞓咗上床但又未捨得瞓,咪拎住個電話或者Tablet睇書上Facebook或者打《Candy Crush》、《Dragon & Puzzle》,咁之後會點?拎住手機隻手會痺,輾轉反側唔舒服囉。呢個Tablet架就勁喇,床上又用得,坐梳化都得,仲可以調校唔同角度,睇書打機就更方便,4,980円。不過,如果你買埋呢個架,我諗啲近視會越嚟越深,好快盲。 相關資訊日本喵星人企正「集中線」 現聖光Twitter熱傳 (Jul 25, 2017) 自製Switch屏幕架 日本網民發現迷你畫架啱啱好 (Mar 4, 2017)

Read more ›
宮本茂到美國 扮Luigi宣傳新遊戲
by / on 20/03/2013 at 5:59 pm

宮本茂到美國 扮Luigi宣傳新遊戲

有傳話宮本茂已經為退休做準備,但眼見佢仲有心有力四圍去玩,似乎仲創意無限好貪玩。啱啱佢就去咗美國,為啱啱喺日本推出嘅3DS《Luigi’s Mansion 2》(即歐美版《Luigi’s Mansion: Dark Moon》)宣傳,見佢又戴綠帽又同Luigi公仔影相,真係唔似會輕易言休。 相關資訊風神雷神圖主角變Mario/Luigi 30周年藝術遊戲二合一 (Sep 10, 2015) 有片 孖寶兄弟Transformer 唔係山寨有根據 (May 10, 2014)

Read more ›
愛藏心底裏系列 上班族有福了!痛西裝登場!
by / on 20/03/2013 at 3:53 pm

愛藏心底裏系列 上班族有福了!痛西裝登場!

大家會唔會好羡慕啲人公司可以擺好多玩具,咁就可以日對夜對,做嘢都特別醒神。如果唔得,都有辦法帶自己嘅最愛返工嘅,好似之前就有領呔裏面有動漫人物啦。今次再勁啲,就係西裝褸嘅裏面縫上動漫萌女!同佢哋貼住身咁迫港鐵返工,應該全日都好溫馨。至於日本網民有咩評語留低,分別就係:「太美妙喇!」「一個新時代嘅開始!」「會唔會出女裝啊?」「你應該放啲o依家Hit嘅角色入去。」 相關資訊日本動漫迷媽媽「育成計劃」 自細培養動漫興趣 (Jun 9, 2018) 日本超立體動漫角色繪畫 效果超正Twitter熱傳 (Mar 13, 2018)

Read more ›
Lego神人又出手 蝙蝠車 蝙蝠機精細登場
by / on 20/03/2013 at 3:25 pm

Lego神人又出手 蝙蝠車 蝙蝠機精細登場

蝙蝠俠,喺香港嘅受歡迎程度應該同Iron Man差唔多。Hot Toys出嘅蝙蝠車又著燈又大件,未必人人買得起,買得起都未必間間屋放得到,咁就啱喇,玩Lego啦,啱啱又有Lego神人砌咗蝙蝠車,最正係架Mobile真係拆得出嚟,另外仲有第三集先登場嘅蝙蝠機,駕駛艙可以開,可以放得入Lego蝙蝠俠,正! 相關資訊【有片】LEGO影片大劇透 Stop Motion重現《Avengers: Infinity War》爽快一幕 (May 21, 2018) 日本網民製高達LEGO畫 Wing Gundam Zero Custom (May 3, 2018)

Read more ›

今日報價 《One Piece海賊無雙 2》行貨到!
by / on 20/03/2013 at 3:04 pm

今日報價 《One Piece海賊無雙 2》行貨到!

我知,日版早幾日已經出咗喇嘛?但個價咁高,如果唔求早買早享受,都應該會等行貨先出手。今日行貨就到齊晒喇,深水埗G Point報價PS3普通版$538,限定版有機貼$890;PS Vita版就開$428,不過貨源緊張,想買嘅打個電話落去確認有冇貨先穩陣。 相關資訊《One Piece》第89卷 尾田栄一郎畫40歲、60歲「路飛」、「艾斯」 (Jun 1, 2018) 新片速報 PS4《One Piece World Seeker》伸縮自在的手臂 (May 30, 2018)

Read more ›
新片速報 英國BBC發佈災難求生影片 遇到喪屍點樣做?
by / on 20/03/2013 at 1:38 pm

新片速報 英國BBC發佈災難求生影片 遇到喪屍點樣做?

有咩好得過食住飯睇YouTube片?厲害,2012年12月21日過咗,但我o依然有睇The Walking Dead,o依家咁多古怪病毒咁多化學o野,喪屍出現真係好似似早問題。不過估唔到嘅係,就連英國放送協會BBC都整咗三段短片,教人遇到喪屍應該點辦,分別係「substantial」、「severe」、「critical」,咦?乜俾喪屍咬到唔會變喪屍咩?乜佢哋真係唔識跑唔識跳?隻隻Game唔同o架喎! 相關資訊Felix Ip聯乘余兒 D2 Place講喪屍 (Apr 11, 2018) 喪屍圍西貢 創造館小說《異人》不日推出 (Nov 2, 2017)

Read more ›
陳年神物 岩田聰Twitter晒珍藏《Mother 2》外套
by / on 20/03/2013 at 12:52 pm

陳年神物 岩田聰Twitter晒珍藏《Mother 2》外套

自從任天堂成日搞網上發佈會之後,我哋成日都見到社長岩田聰,久而久之,見到佢就好有親切感,證明老任呢一著係好成功嘅。啱啱岩田社長就喺佢個Twitter上面發佈咗呢張相,係陳年RPG《Mother 2》嘅外套,岩田社長話呢件褸係當時送俾開發團隊嘅,o依家就係佢嘅珍藏,晒命。 相關資訊【新片速報】日本超可愛柴犬仔 矇眼笑影片Twitter熱傳 (Jun 20, 2018) 三上悠亞著日本波衫 晒長腿撐日本隊 (Jun 19, 2018)

Read more ›
西人眼中的RPG 日本車站地圖集合
by / on 20/03/2013 at 12:47 pm

西人眼中的RPG 日本車站地圖集合

有去過日本搭過JR、地鐵嘅,都知道佢哋嘅路線圖有幾清楚,只要有恒心,一定可以喺當中搵到自己要去嘅地方……咁喺西人眼中呢?原來佢哋仲覺得日本鐵道站嘅地圖好得意,仲話好似RPG地圖,佢哋仲集合咗大量車站地圖,俾大家睇吓有幾打機feel。 相關資訊日本流傳「百力滋復活術」 網民氹女兒偷偷調包 (Jun 22, 2018) 【有片慎入】日本貓玩醒曱甴 衝去貓奴一聲慘叫 (Jun 21, 2018)

Read more ›
雜誌情報 PS3《Final Fantasy X》高清版有齊1、2集
by / on 20/03/2013 at 12:08 pm

雜誌情報 PS3《Final Fantasy X》高清版有齊1、2集

之前有傳《FF Fantasy Versus XIII》變成《FF XV》,呢個傳聞已經證實咗唔係真。咁幾時出?我諗呢隻《FF X HD》會早啲玩得到。呢隻會喺PS3/PS Vita高清化嘅經典,最新消息係PS3版本會包埋第2集,即係一隻遊戲玩齊《FF X》同《FF X-2》,不過壞消息係最有興趣嘅PS Vita就冇,要分開買。之前PS網上發佈會公開咗影片,入嚟可以回帶。 相關資訊【有片】外國機迷出擊!《Final Fantasy XV》新patch新MOD (Jun 9, 2018) 【圖集】日本超靚風景相似海報 網民出手改圖 (May 27, 2018)

Read more ›

送埋Wallpaper 趙雲/王元姬《真‧三國無雙 7》iPhone殼4月推出
by / on 20/03/2013 at 11:53 am

送埋Wallpaper 趙雲/王元姬《真‧三國無雙 7》iPhone殼4月推出

唔知點解,《真‧三國無雙 7》好多人買,但又好似唔多聽見身邊朋友有玩。不過三國fans多,呢個係不爭事實,隨住遊戲喺早幾個星期出咗之後,嚟緊4月26日專出痛貼嘅Dezaegg就會為iPhone4/4S/5推出手機殼連Wallpaper,角色有趙雲、曹丕、陸遜同王元姫,雖然款款都幾靚,但我只對王元姬有興趣,3,980円,咦?係喎,我唔係用iPhone。 相關資訊【有片】玩具Stop Motion 三國大戰 呂布vs趙雲 (Mar 31, 2017) 【有片】《真‧三國無雙8》公佈 玩開放世界全中國地圖? (Dec 18, 2016)

Read more ›
新片速報 《One Piece 海賊無雙 2》PS Vita版試玩片
by / on 20/03/2013 at 11:25 am

新片速報 《One Piece 海賊無雙 2》PS Vita版試玩片

之前日本版都已經偷跑咗喇,不過就好似仲未見好神秘嘅PS Vita版本,就算之前嘅宣傳片都唔多,到底呢個手提機版無雙係點呢?係咪同PS3版一樣呢?有冇用到輕觸功能呢?日本就有網友放咗呢段實機試玩片上網,眼見畫面好似麻麻,但係留意右下角,係有用到簡單嘅輕觸功能,我本來諗住買PS Vita版試吓,睇完段片,我都係買番PS3版穩陣。 相關資訊日本婚禮現場 《One Piece》「山治」蛋糕感人名句好啱用 (Apr 22, 2018) 特別版?劍士恥辱?《One Piece》索隆「背部受傷版」 (Apr 15, 2018)

Read more ›
GameoverHK x BlogDB送「西野加奈 KANA NISHINO Kanayan Tour 2013 ~Asia~ In Hong Kong」門票
by / on 19/03/2013 at 8:52 pm

GameoverHK x BlogDB送「西野加奈 KANA NISHINO Kanayan Tour 2013 ~Asia~ In Hong Kong」門票

喺2005年參加日本SONY唱片搞嘅音樂選拔賽,從40,000名參賽者中脫穎而出嘅西野加奈 (Nishino Kana),將會喺4月6日首次嚟香港開演唱會!今次GameoverHK得到主辦單位送出4張($980/張)演唱會門票,詳情入嚟睇!

Read more ›
獵奇強國 二次創作品牌 食買玩山寨王
by / on 19/03/2013 at 8:00 pm

獵奇強國 二次創作品牌 食買玩山寨王

其實強國人係幾有幽默感嘅,除咗有啲山寨跟足照抄做A貨外,仲有啲抄啲唔抄啲,改吓又改唔晒嘅品牌產品。雖然見怪不怪,但見到呢啲新嘢大集合真係忍唔住會心微笑。最有型係扮Mastercard嘅MasterBeef,買肉嘅!仲巾OLAY洗頭水變OKAY洗頭水!KFC變KFG,連上校啲鬚都立即變黑,後生咗! 相關資訊有片:獵奇!倒轉跑再倒轉播!原來好詭異! (Oct 28, 2015) 獵奇廁所系列 鬧市奔放如廁你敢唔敢? (Nov 11, 2013)

Read more ›