Articles by: 爆炸哥

新片速報 SEGA「2 X 5」計劃揭盅 90年代遊戲放送
by / on 18/10/2012 at 11:49 am

新片速報 SEGA「2 X 5」計劃揭盅 90年代遊戲放送

唓!賣晒告白懶神秘咁,SEGA喺噚日發佈咗一個「2 X 5」計劃,今日終於有新消息,原來就係會喺今年秋至冬推出陳年底板Model「2」嘅「5」隻遊戲,會喺PS3/Xbox360度有得下載,各800日元/800MSP,包括94年嘅《Virtua Fighter 2》、95年嘅《Fighting Vipers》、96年嘅《Sonic the Fighters》、94年嘅《Virtua Striker》同95年嘅《Virtual On Cyber Troopers》,我要初戀呀。 相關資訊SEGA秋葉原VR模擬「結婚」遊戲 3個男角任揀仲有結婚證書 (Apr 19, 2018) 今年有得玩!世嘉宣佈推出Mega Drive Mini (Apr 14, 2018)

Read more ›

《AKB1/149 恋愛総選挙》 特典機套現身 前田敦子打俾你
by / on 18/10/2012 at 10:48 am

《AKB1/149 恋愛総選挙》 特典機套現身 前田敦子打俾你

佢哋唔係虛擬嘅,佢哋都係真實咁活喺我個心入面!咁12月20日可以由0變成有149個戀愛對象,PS Vita/PSP隻《AKB1/149 恋愛総選挙》又點可能唔敗?爭在買咩版本啫?仲未訂?你同我入嚟睇多次啲PV!入嚟呀!嗱,我個人最想買就係超豪華特典,附送嘅大量DVD將會超過1000分鐘內容,仲有10張隨機泳裝相!嗚呀!入番正題,今次呢段news嘅主角係呢個PS Vita機套,隨主機同梱版附送,喺日本送完即止。另外,日本《Fami通》亦都有新圖新情報公開,佢哋會同你傾電話,前田敦子會打比你!仲有梗係可以約會增加好感度啦! 相關資訊【有片】自動開封投票 日本fans自製「AKB48総選挙」投票裝置 (Jun 1, 2017) 【有片】落場鬥車 AKB48 Team8初代最速女王是誰? (Nov 23, 2016)

Read more ›
行貨《刺客教條 3》同梱內容發佈 $528有Figure
by / on 18/10/2012 at 10:32 am

行貨《刺客教條 3》同梱內容發佈 $528有Figure

歐美10月30日出,咁有時差嘛,所以香港10月31日先係正式發售日,講緊係正式發售日呀吓。好啦,仲有唔夠兩個星期就出喇,訂咗未?PS3都未買?咁會唔會諗住買PS Vita嚟連動?行貨遊戲、同梱主機啱啱公開咗售價,PS3/PS Vita都係$2,280,有機有game有機貼有DLC仲有限量刺客風褸(信我,你唔會著出街嘅。)!如果兩部機都有嘅機主,我就推介$528嗰隻連Figure版,計落百四隻公仔。 相關資訊【新片速報】日本「刺客喵」挑戰高難度 玩命片Twitter熱傳 (Jan 9, 2018) Kali深夜直播 Level 23玩《刺客教條》 (Nov 4, 2017)

Read more ›
5分鐘開機試玩片《紙箱戰機 W》大量靚片
by / on 18/10/2012 at 10:05 am

5分鐘開機試玩片《紙箱戰機 W》大量靚片

找數時間,之前話會拍遊戲開機片,搞吓搞吓遲咗成日先搞掂。呢隻LEVEL 5開發嘅PS Vita/PSP動作RPG遊戲《紙箱戰機 W(ダンボール戦機 W)》今日正式推出,一開機首主題曲同動畫OP超靚超熱血,係睇完一次就想再睇嗰隻,戰鬥場面就剩係拍咗開頭一場,可以揀嘅嘢唔多,不過操控簡單得嚟都幾靈活就手,玩咗一陣,整體感覺係勁多靚仔動畫片,可以飛,放心。 相關資訊《ダンボール戦機ウォーズ》動畫預告 玩法全曝光 (Oct 17, 2013) 福利模型 04/11一週新貨/特價 (Nov 4, 2012)

Read more ›
這就是愛! 初音痛麵登場
by / on 17/10/2012 at 5:00 pm

這就是愛! 初音痛麵登場

你有幾愛初音?買飛去睇演唱會?大叫佢唔係虛擬嘅?大叫佢活喺我哋心中?唔夠!你啪得落呢碗麵,我就真係叫聲你契哥。呢個痛麵張相前兩日見過,但到底佢係咩來歷呢?終於搵到大量相片同源頭!係啱啱上個星期、六日喺日本秋葉原出現嘅物體,係居酒屋「Moe1 グランプリ」宣傳嘅技倆……每盒賣700日元,熒光綠色嘅麵條,甩色甩到去塊豬肉上面……我食緊初音啲頭髮呀!不過大家唔駛驚,唔會好多人出咗事,因為每日限量30盒。 相關資訊韓國初音迷秋葉原唔見袋 日本網民出力協助 (Jun 5, 2018) 日本「初音之日」+「渣古之日」 大量賀圖賀片 (Mar 9, 2018)

Read more ›
新圖發佈 PSP《數碼暴龍》下年推出
by / on 17/10/2012 at 4:52 pm

新圖發佈 PSP《數碼暴龍》下年推出

下年推出?仲出喺PSP?係喎,你吹佢唔脹,最多唔玩。Namco Bandai之前宣佈會喺下年推出嘅角色扮演遊戲《數碼暴龍(デジモンアドベンチャー)》啱啱有新圖發佈,遊戲會以初代故事為基礎,幫你搵番個童年。另外,今次亦都公佈咗參與製作嘅聲優同登場角色。 相關資訊羽生結弦最愛《數碼暴龍》片頭曲 團隊畫賀圖答謝 (Mar 5, 2018) 【有片】發售20周年 《數碼暴龍》機復刻版發售 (Jan 9, 2018)

Read more ›

世紀合作 卡樂B X KFC薯片登場
by / on 17/10/2012 at 1:38 pm

世紀合作 卡樂B X KFC薯片登場

你有冇諗過,你最鍾意嘅兩樣嘢溝埋會係點?我夠膽講句,如果我屋企樓下有KFC,我晚晚兩件原味雞加巴辣香雞翼實在係走唔甩,不過講起我就嬲,點解o依家全港KFC都好似冇賣雞胸咁?我試過好多次都食唔到,耿耿於懷……入番正題,KFC喺日本就同卡樂B合作,推出家鄉雞味薯片,放心,我呢排會巡多啲吉之島同阿信屋,有得賣我會第一時間通知大家,friend嚟嘛! 相關資訊有片:明寸尼馬 詐死碌碌碌碌入KFC叫雞 (Jul 4, 2018) 日本卡樂B推出「納豆味薯片」 期間限定Lawson有售 (Jun 26, 2018)

Read more ›
新片速報 紐約Cosplyers獵奇影片
by / on 17/10/2012 at 1:13 pm

新片速報 紐約Cosplyers獵奇影片

紐約Comic-Con冇得親身去,其實好可惜,尤其係當你見到佢哋啲Cosplayers嘅扮相。你睇,街霸個Blanka孭住個背囊,仲有《逆轉裁判》成步堂龍一肥仔版,叫做睇得吓嘅就係未推出遊戲《Remember Me》嗰個宣傳女郎,不過我講緊都係佢套衫咋喎……咦?點解個個角色都係嚟自Capcom遊戲?因為呢條片係Capcom官方拍嘛。 相關資訊【有片】奇妙的互動 Deadpool誘導Tifa彈跳水動 (Jul 21, 2018) 日本一Coser「えなこ」 去秋葉原出活動 (Jul 17, 2018)

Read more ›
新片速報《刺客教條 3》多人模式強化再臨(中文字幕)
by / on 17/10/2012 at 12:57 pm

新片速報《刺客教條 3》多人模式強化再臨(中文字幕)

都係嗰句,故事模式幾襟玩都玩唔得耐,任你要爆四次攞齊成就獎盃,頂籠咪一個月?咁一隻遊戲點為之抵呢?始終都係要靠網上多人模式,殺緊嗰個係活生生有反應嘅人……操作緊嘅角色,特別有快感。新一集《刺客教條 3(Assassin’s Creed III)》10月30日就推出PS3/Xbox360版,今集多人模式都強化咗,齊齊睇吓先啦! 相關資訊【E3】新片速報 刺客新作《Assassin’s Creed: Origins》玩埃及 (Jun 12, 2017) Ubisoft E3有咩玩?《刺客教條》新作 《FARCRY 5》等公佈 (May 17, 2017)

Read more ›
新片速報 《Call of Duty:Black Ops 2》未來兵器現身
by / on 17/10/2012 at 12:36 pm

新片速報 《Call of Duty:Black Ops 2》未來兵器現身

Activision喺11月13日推出嘅PS3/Xbox360/PC/Wii U(歐版跟機出)《Call of Duty:Black Ops 2》,喪屍mode就梗係射得爽啦,不過遊戲正傳內容其實都好吸引。呢段新影片就睇到COD點樣喺今集玩未來世界同未來兵器,槍game友好難唔買。 相關資訊【有片】戰場靚聲王 直播《Call of Duty》變浪漫合唱 (Apr 21, 2018) 新片速報 《Call of Duty: Black Ops 4》10月12日發售 (Mar 9, 2018)

Read more ›
打機打入房 Wii U Gamepad拎埋入廁所
by / on 17/10/2012 at 12:11 pm

打機打入房 Wii U Gamepad拎埋入廁所

見到Wii U個Gamepad,有屏幕有遊戲畫面,咁有啲時候係咪可以獨立運作呢?如果打打吓機急住去廁所,係咪可以拎埋入去?又或者我諗住拎入房同女朋友雙打又得唔得?Wii U官方網站嘅問答專頁就話你知:「要睇你間屋係咩結構喎,又要睇有幾多幅牆隔住,仲要睇吓有冇其他裝置影響佢嘅接收……」當中最實際嘅係距離太概24呎,咁掂啦!香港啲屋咁細,隨時同埋隔籬屋個靚女share都得呀! 相關資訊今個周五停產 Wii U埋單差過GameCube (Nov 2, 2016) 新片速報 Wii U新手掣流出? 歐洲版廣告有可疑 (Dec 15, 2014)

Read more ›

新片速報 《Need for Speed Most Wanted》遙控車扮真車
by / on 17/10/2012 at 12:02 pm

新片速報 《Need for Speed Most Wanted》遙控車扮真車

呢隻EA喺10月30日推出、Criterion Games開發嘅《Need for Speed Most Wanted》,挑戰警車嘅開放式世界玩法都應該幾令賽車迷期待。預告睇得多,遊戲片段都大把喺度,咁呢段由Freddie Wong拍嘅影片有咩特別呢?特別在冇真車冇遊戲畫面,用嘅全部都係遙控車,但就一樣有跳台、炒車等激烈場面! 相關資訊新片速報《Need for Speed:Most Wanted》16分鐘介紹特輯 (Jul 13, 2012)

Read more ›
Robot魂 ZZ Gundam 下年1月推出
by / on 17/10/2012 at 11:37 am

Robot魂 ZZ Gundam 下年1月推出

我記得小學啱啱開始砌模型,第一隻係Mk. II,之後就輪到呢隻ZZ Gundam,嘩梗係啦!識分體變型再合體再變型,抵玩吖嘛!不過,多嘢玩咪甩手甩腳囉。嚟緊Robot魂就會再出86年首播動漫嘅呢隻ZZガンダム,今次冇得玩分體變型,所以造型可以有型啲,活動能力可以高啲。睇相好似太膠喎?買番嚟滲線噴多層消光咪搞掂囉,不過5,040日元,得嗰12.5cm高,一味鍾意夠大嘅我就麻麻喇。 相關資訊【今日GIF】Ka版MG ZZ Gundam變形過程 日本Sample已砌好 (Sep 17, 2017)

Read more ›
賽車版綾波 11月推出
by / on 16/10/2012 at 4:46 pm

賽車版綾波 11月推出

呢隻PMフィギュア系列綾波麗係我最愛嘅賽車女郎版本,全高22cm,係今年11月推出嘅プライズ商品……好啦,我認喇,其實,我出呢段news嘅主要目的,又係為咗分享呢個真人版賽車女郎綾波麗,慢用。 相關資訊《Evangelion新劇場版》終章新情報 「8号機初期検討用モデル」現身 (Jul 20, 2018) 【終於來了】特報解禁!Evangelion新劇場版最新一集 2020年上映! (Jul 20, 2018)

Read more ›
12月中推出 36cm紙箱人 唔使3百蚊
by / on 16/10/2012 at 4:32 pm

12月中推出 36cm紙箱人 唔使3百蚊

鍾唔鍾意《四葉妹妹》呀?呢隻紙箱人之前都出過山口,造型可愛對眼又識著燈,勁多人買。嚟緊又有好嘢,今次紙箱人真係用紙皮做!自己摺仲好玩,摺起之後有成36cm高,裏頭PVC有支架同金屬部件,而且對眼一樣識著燈,價錢係2,940日元!有人話兩嚿幾買幾塊紙皮唔抵,我就唔係咁睇,紙箱人用紙皮做是常識吧!12月中旬推出,另外亦配合番個比例,有大隻四葉妹妹推出。 相關資訊【有片】日本喵星人迫爆紙箱 超痴纏攬實唔放 (Jul 19, 2018) 【新片速報】日本超曳喵星人 紙箱突圍而出嚇親人 (May 28, 2018)

Read more ›