Articles by: 尉遲一

讀者求牛佬放過《古惑仔》小馬 幫小馬求平安包
by / on 19/07/2018 at 10:15 pm

讀者求牛佬放過《古惑仔》小馬 幫小馬求平安包

睇完今期第2149期《古惑仔》,洪興小馬對加藤二之戰已近尾聲,暫時仲勝負未分,但強弱之勢已呈。上期牛佬講過是但一個會「擺橫」,照計就算死,加藤二都會死喺佐維或立花正仁之手,所以咯喎,呢一戰死嗰個99%係小馬。我諗好多讀者都同我一樣,都唔捨得小馬打柴,讀者Andy Wong好搞笑,投入到直頭幫小馬求平安包,影埋相畀牛佬,求牛佬放小馬一馬。希望啦,死吓一個死吓又一個,我有啲心傷。 相關資訊甘尚武打爛仔交贏沙隆 咁先係《古惑仔》 (Jul 7, 2018) 《古惑仔》巨星之戰第二場 李成克打唔贏梁家仁? (Jun 10, 2018)

Read more ›

網圖分享:Rodman Chan的「書展毒男」
by / on 19/07/2018 at 9:40 pm

網圖分享:Rodman Chan的「書展毒男」

很高興認識到Rodman Chan呢位面書朋友仔,睇佢畫作人都開心啲嘅。適逢書展,佢又畫咗視周秀娜為一世女神嘅「書展毒男」。拼一拼真人相,嘩!啲神髓完完全全出晒嚟,尤其兩隻向左走向右走嘅眼睛,真係……Nothing to say,個嘟長咗嘅嘴又係似啫……唔係吹水,笑到我收唔到聲。 相關資訊黃國興砌圖版3cm畫作 唔見咁胯下最重要一忽 (Dec 8, 2017) 網圖分享:Rodman Chan吹雞比拼3cm畫作 一呼百應抵畀Like (Dec 6, 2017)

Read more ›
Kana書展出《打爆真‧三國歷史》 陳某幫手畫封面
by / on 19/07/2018 at 10:00 am

Kana書展出《打爆真‧三國歷史》 陳某幫手畫封面

鍾意睇小說者,睇羅貫中《三國演義》可以睇到通宵達旦;鍾意打機者,亦總玩過以三國為題材嘅Game,但惟有睇小說煲正史兼打機專到一個點,先可以出書寫三國同Game之間嘅真真假假。今個書展,值得留意Kana著作《打爆真‧三國歷史》,三國Game裡面嘅人物角色,有幾多係虛構?有幾多真正符合史實?呢個前Game書編輯就係有本事將之寫成書,都咪話唔厲害。每本$98,唔貴。留意番,連《火鳳燎原》作者陳某都幫佢畫封面,係咪更加要加分先?要撐! 相關資訊書展幫襯創造館攤位$200 送《我們,在創造。》特刊 (Jul 14, 2018) 又係要買 李健良書展推出A3油畫 (Jul 13, 2018)

Read more ›
費蘭度托利斯加盟鳥棲砂岩 高橋陽一送畫
by / on 19/07/2018 at 9:00 am

費蘭度托利斯加盟鳥棲砂岩 高橋陽一送畫

繼送畫畀巴塞隆拿Icon人物恩尼斯達後,高橋陽一又作畫畀剛剛加盟日職鳥棲砂岩嘅西班牙前鋒費蘭度托利斯。贈畫可以直接提升日職形象,兼提高費蘭度托利斯人氣,高橋陽一應記一功,But,或者我挑剔,幅畫唔係唔靚,但硬係覺得唔多似本尊。 相關資訊有片:高橋陽一東京Gas廣告第二輯 一飛衝天彈跳入樽 (May 25, 2016) 有片:高橋陽一畫盲人足球 日本殘奧Be The Hero (Apr 9, 2016)

Read more ›
有片:Man僧書展出Postcard?
by / on 18/07/2018 at 11:00 pm

有片:Man僧書展出Postcard?

瀏覽Man僧面書,發現佢Post咗好多Product出嚟,無價錢等詳細Description,但又話「書展見」,估計嚟緊書展有得賣。其中有條片,見到好多Postcard以Stop motion形式逐張逐張彈出嚟,平時我好鍾意睇佢啲畫畫Timelapse短片,唔知Postcard複印嘅係咪呢堆畫作呢?係咪都好,我都一樣咁Like!好難忍手唔買。 相關資訊李健良書展 出白海豚書籤+古生命Tee (Jul 9, 2018) 利志達結集漫畫 書展推出《Solar Eclipse日食》 (Jul 9, 2018)

Read more ›
動漫節睇《香港漫畫藝術展》 42幅手稿睇啱買返屋企
by / on 18/07/2018 at 10:15 pm

動漫節睇《香港漫畫藝術展》 42幅手稿睇啱買返屋企

又多一個原因撐嚟緊嘅香港動漫電玩節2018,事關同場加映首屆《香港漫畫藝術展》,展覽由「香港動漫畫聯會」扯頭纜,參展香港漫畫家有25人,作品有42件。留意番,展出嘅係手稿,And,最重要係,睇啱係可以即場購買,拎返屋企作獨一無二私人珍藏嘅。有關方面喺面書登咗部份作品,齋睇相都覺得超正,到時睇真跡肯定嘩嘩聲。 相關資訊【動漫節攻略】睇定啲!PlayStation優惠/試玩/台活動全記錄 (Jul 17, 2018) 八達通正喎! Evangelion香港動漫節限定產品公開 (Jul 9, 2018)

Read more ›

葉偉青《Robox Sketchbook》打孖買送畫版
by / on 18/07/2018 at 9:44 pm

葉偉青《Robox Sketchbook》打孖買送畫版

相信今年葉偉青推出《香港重機》後,會吸納更多Fans,其實唔只呢本係好嘢,之前漫道出版嘅機械人作品集《Robox Sketchbook》第一及二期都係極品。講明先,係舊書,不過今年書展「今日出版社」攤位有售,各原價$150,書展價$135;如果第一及二期套裝咁買呢,會送埋畫版,售$260。信我,係值得入手嘅。 相關資訊葉偉青《香港重機》商品化 垃圾蟲+垃圾桶曝光 (Jul 13, 2018) 書展2018李健良精品 購物袋+襟章+郵票 (Jul 7, 2018)

Read more ›
日本模型作品 當高達變成可愛少女
by / on 18/07/2018 at 9:00 am

日本模型作品 當高達變成可愛少女

來自「おおこしたかのぶ」嘅Twitter,呢隻名為「Gundam少女」嘅作品,本來係為咗Wonder Festival而製作嘅。手長腳長仲有纖腰,面罩可以除低露靚樣,如此高想像力與手工,不得不俾佢服字創作者。

Read more ›
輯錄《飛女正傳》 牛佬書展出《洪門女將》
by / on 17/07/2018 at 10:00 pm

輯錄《飛女正傳》 牛佬書展出《洪門女將》

剛剛喺《古惑仔》完結嘅連載小說《飛女正傳》,我追足每一期,感覺都唔錯,起碼有追看性,四個飛女結局有死有著草,我睇嗰陣都幾投入,算幾牽動到情緒。牛佬決定斬多二兩,將之重新輯錄成書,易名《洪門女將》喺2018書展出售,每本$88,大家記得捧場。話時話,個封面幾靚,唔知出自邊個手筆? 相關資訊余兒《今晚打喪屍》桌遊書展首發 (Jul 7, 2018) 馬菲《異人2》鐵定書展見街 (Jul 6, 2018)

Read more ›
銅鑼灣打卡 林祥焜 x SOLO超大Billboard
by / on 17/07/2018 at 9:30 pm

銅鑼灣打卡 林祥焜 x SOLO超大Billboard

大家行開銅鑼灣希慎道嗰頭,不妨專登去SOLO迷你工作坊打個轉,事關有個林祥焜 x SOLO超巨大Billboard展出。齋睇相都覺得好巨型,親臨現場應該更震憾,有必要去朝聖打卡,我話嘅。 相關資訊林祥焜x西九龍中心 出Goodgirl Toy Bus巴士模型 (May 14, 2018) 港漫x電影《悟空傳》 林祥焜創作漫畫版電影海報 (Aug 9, 2017)

Read more ›
【有片】睇馬少飛《黃飛鴻傳奇》版頭插畫
by / on 17/07/2018 at 9:15 pm

【有片】睇馬少飛《黃飛鴻傳奇》版頭插畫

馬雲著、馬少飛繪、李志清題字嘅《黃飛鴻傳奇》,係我書展必買Item之一,係,我認,好大程度係因為封面畫得實在靚,所以好想擁有。為宣傳,馬少飛喺面書發放咗一條短片,內容關於書中章節嘅版頭插畫,睇完,唔知能夠打動你買書? 相關資訊馬少飛操刀 馬雲《黃飛鴻傳奇》封面曝光 (Jul 3, 2018) 李志清贈封面題字四揀一 馬雲呼籲投票幫幫眼 (Jun 15, 2018)

Read more ›

Felix Ip《香港重機》Figure曝光 廢箱重機+垃圾俠登場
by / on 17/07/2018 at 8:57 pm

Felix Ip《香港重機》Figure曝光 廢箱重機+垃圾俠登場

嘩!真係好正呀,之前介紹過嘅Felix Ip《香港重機》系列之垃圾蟲同垃圾桶實體化玩具,依家不但有色辦睇,仲正名為「廢箱重機」同「垃圾俠」。個人認為做得好精細,嗰種殘舊污糟感覺好出,喺燈光下,好似真係生晒鏽磨蝕咗咁。買就買硬,不過唔知真正有幾高呢?希望唔好太大隻喇,呢啲Figure仔,細細隻先好睇。 相關資訊Felix Ip x 人人搬屋 x Tinbot貨車機械人曝光 (Jul 7, 2018) 《龍貓》30週年推出大量精品 18隻跳舞龍貓有排儲 (Jul 7, 2018)

Read more ›
世界盃落幕 甘小文嚴選最佳最差11人
by / on 16/07/2018 at 10:30 pm

世界盃落幕 甘小文嚴選最佳最差11人

世界盃曲終人散,克羅地亞不敵法國屈居亞軍,有人歡喜有人愁。甘小文作一總結,作畫一幅選「最雞11人vs最佳11人」,最雞11人有迪基亞(西班牙)、甘美治(德國)、碧基(西班牙)、卡路士山齊士(哥倫比亞)、奧達文迪(阿根廷)、奧斯爾(德國)、費蘭甸奴(巴西)、美斯(阿根廷)、尼馬(巴西)、加比爾捷西斯(巴西)同史達寧(英格蘭);最佳11人有蘇巴錫(克羅地亞)、查比亞(英格蘭)、華拉尼(法國)、洛夫蘭(克羅地亞)、哈利麥佳亞(英格蘭)、干堤(法國)、摩迪(克羅地亞)、夏薩特(比利時)、麥巴比(法國)、哈利簡尼(英格蘭)同基沙文(法國)。呢個名單,唔知大家同唔同意?我就大致上認同,惟獨史達寧,係就係浪費好多機會,但未致於「雞」,佢喺前面跑呀跑,拉開防線點都應記一功;洛夫蘭我都唔覺得好勁,少咗甩漏啫,稱唔上「佳」,頂盡只係合格。 相關資訊估世界盃冠軍 Tonysart送Poster (Jul 10, 2018) 網圖分享:阮大勇畫夏薩特+麥巴比 (Jul 10, 2018)

Read more ›
一鋒《大災難師》7月27日見街 真心要撐
by / on 16/07/2018 at 10:15 pm

一鋒《大災難師》7月27日見街 真心要撐

雖然真係唔熟識香港新晉漫畫家一鋒,但真心期待佢作品《大災難師》,際此港漫半死不活吊緊鹽水嘅當下,仍然有有心人肯推出實體薄裝港漫,係好應該畀掌聲嘅,尤其鍾意宣傳海報句Slogan──無懼災難,愛上港漫──好熱血呀喂。記住日子,7月27日見街,男主角叫蒼藍風,內容方面,《大災難師》係一個「一班能控制災難的災難師影響地球命運的故事,集結災難,科幻,英雄,格鬥等元素的新一代香港漫畫。」收到,撐硬。 相關資訊2018年新港漫 一鋒x李重豪x鄺世傑《大災難師》 (Jun 13, 2018)

Read more ›
漫道辦「漫畫人物課程」 名額10個
by / on 16/07/2018 at 9:49 pm

漫道辦「漫畫人物課程」 名額10個

無論你係真正有志於從事漫畫業,又或只係得閒畫吓公仔純粹High,漫道舉辦嘅「漫畫人物課程」相信都幫到你一把,助你提升畫技。課程主要教點樣畫靚一個人,骨幹、姿態、衫花、設計、針筆勾畫等各瓣皆有涉獵,名額10個,學費$1800,報名要快。 相關資訊日本漫畫網吧有隔音個室 網民:「係咪即係平價情侶酒店?」 (Jun 18, 2018) 日本成人漫畫網站 引你登記越填越脫 (Jun 1, 2018)

Read more ›