Articles by: 尉遲一

文地貓 x Ginger Store出醉貓Tee 值得入手
by / on 14/03/2018 at 10:45 pm

文地貓 x Ginger Store出醉貓Tee 值得入手

文地貓有新Product出,今次聯乘Ginger Store推出「醉貓」主題Tee,佢話自小已經醉慣,所以創作呢個主題屬「酒不醉人人自醉」。暫時睇相,見有黑白灰三色選擇,圖案無話大大個Hardsell到死,設計簡約,估計著出街都幾型吓。佢話啲Print有夜光、拔印等等花臣,仲有情侶裝添。個人認為,如果定價唔太貴的話,絕對值得入手。 相關資訊香港藝術中心搞Event 曹志豪+文地貓繪畫灣仔 (Jun 6, 2018) 文地貓出利是封 畀到人開心感覺 (Jan 3, 2018)

Read more ›

點解嘅?大男人著Hello Kitty波衫比賽!
by / on 14/03/2018 at 10:21 pm

點解嘅?大男人著Hello Kitty波衫比賽!

我唔識泰文,雖然有時手痕會賭吓亞洲聯賽冠軍盃,但對泰國足球聯賽真係零認識,所以唔知喺面書專頁「Thai Futbol」登出嚟嘅呢張相屬何球隊,但成班球員唔知點解著Hello Kitty圖案波衫比賽,仲要係極度Eye-catching嘅粉紅色,成個畫面都好詭異吓。而望番球員們表情,零笑容就梗,仲隱隱然有啲唔想望鏡頭嘅味道。梗係喇,女仔閨房睡衣咁樣樣,著上身又真係好難笑得出嘅。 相關資訊【有片】機會來了!嚇爆Hello Kitty!日本Sanrio Puroland今年玩喪屍 (Apr 25, 2018) 比卡超Hello Kitty做大使 獲委任宣傳「2025萬國博覽會」 (Dec 4, 2017)

Read more ›
網圖分享:忠Sir/方怡/司馬至全/八爺 梁偉家《詭探》漫畫版角色出場
by / on 13/03/2018 at 10:45 pm

網圖分享:忠Sir/方怡/司馬至全/八爺 梁偉家《詭探》漫畫版角色出場

梁偉家剛剛喺面書掟咗四幅圖出嚟,一望,喂?乜咁熟口面嘅?有追網劇《詭探》嘅我無睇錯的話,應該係畫緊戲中飾演忠Sir嘅尹揚明、飾演方怡嘅蔣祖曼、飾演司馬至全嘅邵仲衡同飾演八爺嘅車保羅,構圖同用色都好有「天師」Feel,係好正嘅。不過話時話,點解唔畫埋梳打、Father White、神婆同Joe等主要角色?

Read more ›
好浪漫!Garnet Chu《偶然碰上的溫度》畫展!
by / on 13/03/2018 at 10:00 pm

好浪漫!Garnet Chu《偶然碰上的溫度》畫展!

拿,真係與香港插畫師協會委員Garnet Chu素未謀面,不過無聊瀏覽面書見到佢啲畫幾靚,又咁啱見佢開咗個《偶然碰上的溫度》畫展,又咁啱見到呢段浪漫到不得了嘅簡介:「給予一個溫度,我願是38.5°C,如果對自己愛的事情有一丁點發燒,是一件美好事。」嗯……再見到佢以老婆作畫,而阿老婆又捧住幅畫自己嘅畫,成作事真係好浪漫,所以想去睇吓咁解啫,有興趣咪一齊囉。 相關資訊李健良開畫展+辦講座 《從古生命到紅樹林》分享心得 (Jan 11, 2018) Rex Koo《七孔流血》畫展 重現港產片經典血腥畫面 (Oct 30, 2017)

Read more ›
崔成安四月開《俠義龍情》畫展 同場發售合一雙節棍
by / on 13/03/2018 at 9:30 pm

崔成安四月開《俠義龍情》畫展 同場發售合一雙節棍

好消息,崔成安又開畫展喇,《俠義龍情》畫展將展出8幅「俠義」作同17幅「李小龍作」,有排你影相呀。另外,同場仲會限量推出舊作《雙節棍連環圖譜》同合一雙節棍,所謂合一者,原來棍身有磁鐵,可以極速合埋一齊,齊聽幾型,舞起嚟一定更型,期待見到真身。 相關資訊網圖分享:崔成安翻新十幅舊畫 大師級傑作 (Jun 10, 2018) 合一雙節棍真身曝光 棍身有15個崔成安墨寶 (Mar 24, 2018)

Read more ›
《火鳳燎原》第五百回徵稿 文章賀圖不拘
by / on 13/03/2018 at 8:53 pm

《火鳳燎原》第五百回徵稿 文章賀圖不拘

陳某《火鳳燎原》就快出到第五百回,官方決定賀一賀佢,玩徵稿呀喂。所謂稿,可以係文章,亦可以係畫,題材不拘,畫就黑白彩色賀圖皆可,尺寸亦不限。一經選用,有機會刊登喺《火鳳燎原》單行本,係咪威先?機會嚟喇飛雲,鍾意撩兩筆嘅朋友,快啲投稿喇,截止日期4月30日。報告完畢。 相關資訊如果《火鳳燎原》出廁紙 你撐唔撐? (May 18, 2018) 《火鳳燎原》舞台劇《亂世英雄》 動漫節開始訂飛 (Jul 29, 2017)

Read more ›

網圖分享:超強!Felix Ip可變形機械人系列!
by / on 12/03/2018 at 10:00 pm

網圖分享:超強!Felix Ip可變形機械人系列!

Felix Ip畫風有強烈個人風格,唔玩精雕細琢喜用粗線條,予人一種好Raw感覺,無論黑白同彩色我都咁鍾意。最新創作有含香港元素嘅可變形機械人系列,渡海小輪、中巴九巴、小巴的士、人人搬屋運輸車、貨車、嘉頓麵包車、街邊水龍頭、垃圾桶、石油氣罐等等,全部都可以變身成機械人。齋畫已經如此,如果能夠變成真正立體玩具,就更加不得了咯。 相關資訊Felix Ip勁呀喂!《香港重機》系列出實體Figure! (Jun 15, 2018) Felix Ip《香港重機》 7月書展推出 (May 23, 2018)

Read more ›
《香港漫畫同盟》網上書店Pena Store有售
by / on 12/03/2018 at 9:00 pm

《香港漫畫同盟》網上書店Pena Store有售

大家有無撐《香港漫畫同盟》?無又想買番嚟睇的話,可以直接上網訂喎。家陣除各大書局同漫畫店外,仲可以喺網上書店Pena Store購買,第一至三期都係賣$50。 相關資訊《香港漫畫同盟》第三期 聖誕節見街 (Dec 24, 2017) 《香港漫畫同盟》第二期 4月6日見街 (Apr 5, 2017)

Read more ›
上官小威《金漫畫》第七至九期開訂
by / on 12/03/2018 at 8:57 pm

上官小威《金漫畫》第七至九期開訂

由上官小威扯頭纜,馬榮成、馮志明同謝志榮編繪嘅《金漫畫》出到第七至九期出版,今次玩贈品版,限100套,送第一、二、三、八期貼紙同《馬榮成漫畫作品回顧》小冊子,售$98。「收藏家港漫專區」開訂,要搶。 相關資訊Like唔Like古祖港漫? 上官小威復刻漫畫四寶 (Jun 7, 2018) 上官小威復刻《蟋蟀仔》 黃國興加推「123店」版送贈品 (Jun 5, 2018)

Read more ›
李香蘭《邂逅!山川人》展 睇靚畫兼遊山玩水
by / on 09/03/2018 at 9:45 pm

李香蘭《邂逅!山川人》展 睇靚畫兼遊山玩水

本周日有無嘢做?有無興趣睇吓畫展兼行吓山?連插畫家李香蘭在內嘅13畫藝術家,舉辦咗個「邂逅!山川人」藝術展。臨場有靚畫睇,仲可以攞到本《大帽山川龍百態地圖》,跟主地圖遊山玩水。睇畫展兼舒展筋骨,呢劑都算創先河囉。 相關資訊李香蘭出天下無雙生命棋 免費索取 (Feb 25, 2017) 有片:《海報師:阮大勇的插畫藝術》加推70分鐘加長版 (Nov 2, 2016)

Read more ›
有片:超慢鏡睇水果互撞 青紅蘋果互撞似開花
by / on 09/03/2018 at 8:30 pm

有片:超慢鏡睇水果互撞 青紅蘋果互撞似開花

好耐無睇過YouTube頻道「The Slow Mo Guys」影片,今次有慢鏡睇水果撞水果,畫面一樣咁治癒。先嚟試支發射大砲先,就咁向天射,水果係可以射到141咁遠嘅。之後到互撞環節,橙撞橙,橙汁四射;青蘋果撞紅蘋果,撞到好似朵花咁;最勁係青蘋果撞西瓜,爆晒!如果係人頭的話,我諗一樣會爆。 相關資訊集英社推出「漫畫版YouTube」 手機程式免費下載 (May 10, 2018) 有片:木顏色畫娘娘/達哥/陳柏宇/子華神 (May 1, 2018)

Read more ›

上官小威復刻元祖版《壽星仔》 限100套$98
by / on 07/03/2018 at 9:28 pm

上官小威復刻元祖版《壽星仔》 限100套$98

一條紅衫魚唔使,就可以擁有元祖版《壽星仔》一至四期、4張A5膠貼紙同紀念海報一張,真係抵到爛。元祖版《壽星仔》喺1973年面世,老實,嗰時我得幾歲人仔,未知連環圖為何物,所以未睇過呢套經典作品,上官小威肯復刻,誠港漫迷之福。限量100套,「收藏家港漫專區」開訂,要撐。 相關資訊網圖分享:出圖撐《笑聲滿載──上官小強漫畫精選》展覽 (Jun 9, 2018) 上官小強Fans留意 Kent Chu眾籌《壽星仔封面大全集》 (Jan 23, 2018)

Read more ›
用雷神槌裝咖啡 係咪型先?
by / on 06/03/2018 at 9:00 pm

用雷神槌裝咖啡 係咪型先?

Mjolnir,即係連其他英雄都拎唔起嘅Thor雷神槌呀,擺喺公司係咪好型?係!肯肯定係!雖然係陶製,有番一定重量,但肯肯定人人都拎得起。不過只裝到20安士咖啡,容量好似少咗啲,同埋都好訝詐吓,每個19.99美金,又係抵玩之選。 相關資訊雷神鐵槌變工具箱 大隻男扮嘢必備 (Nov 16, 2017) 【有片】中文字幕版 Civil War時「雷神」「Hulk」去咗邊? (Aug 30, 2016)

Read more ›
漫道有禮送 送高地仁親筆畫板
by / on 06/03/2018 at 6:44 pm

漫道有禮送 送高地仁親筆畫板

有禮送!出版社漫道剛剛同漫畫家高地仁做咗個專訪,順便搞多個「漫道Like Like」有獎遊戲,都係Like完專頁送親筆畫板一類小遊戲喇,截址日期3月12日6:00pm。咪睇幅畫板構圖好似好簡單咁,高地仁手畫好勁架,唔信可以睇埋佢面書專頁「Codyan高地仁」。

Read more ›
《山海逆戰》3D立體特別版開訂 限量200套
by / on 06/03/2018 at 5:18 pm

《山海逆戰》3D立體特別版開訂 限量200套

好正,好難唔撐,嚟緊第68期《山海逆戰》出3D立體特別版,包一書一「一線天結界/黃帝晶體」立體海報,有林業慶同夏偉義兩個封面版任擇,各限量200套,各售$68。呢次煩嘞,兩個封面都好靚,點揀好?代福龍答:「買晒兩個咪得囉。」 相關資訊《山海逆戰》玩「鞭」 火將被兜鞭摑+傲嵐:「給我含吧!」 (Jun 15, 2018) 動漫基地換新裝 換邱福龍Q版海報返屋企 (Jun 5, 2018)

Read more ›