Articles by: 尉遲一

崔成安《俠義龍情》畫集開訂 每本$250
by / on 20/03/2018 at 8:31 pm

崔成安《俠義龍情》畫集開訂 每本$250

合理吖,開得畫展又豈會無畫集?崔成安同畫展名《俠義龍情》畫集依家正式開訂。黃興豬報料,畫集會分「武俠世界」同「李小龍」兩部份,即係亦古亦今兩種風格,全書接近100頁,售$250,仲話係「崔成安老師目前最滿意的畫作」喎。家陣「123漫畫精品專門店」有得落訂,4月1日愚人節出書,唔知係咪限量,有買趁手穩陣。 相關資訊網圖分享:崔成安翻新十幅舊畫 大師級傑作 (Jun 10, 2018) 合一雙節棍真身曝光 棍身有15個崔成安墨寶 (Mar 24, 2018)

Read more ›

呈現異形四個生長狀態 藝術品級數啤酒瓷杯
by / on 19/03/2018 at 10:30 pm

呈現異形四個生長狀態 藝術品級數啤酒瓷杯

堪稱直達藝術品級數!無得輸!呢隻啤酒杯由杯蓋、杯身到底座,完美呈現異形由蛋到成蟲嘅四個生長形態,咪睇黑黝黝以為係金屬,查實係瓷製,估計拎上手無想像中咁重。如果香港有酒吧肯用呢隻杯Sell生啤,我諗一定大把人去朝聖。每個$129.99美金,未計運費。 相關資訊有片:鐵血戰士揸異形電單車 公路飛馳型爆 (Jun 25, 2018) 異形撻上面 超型面罩連呼吸管 (Apr 3, 2018)

Read more ›
Bo Law x 姜智傑Jam畫 灣仔塗鴉
by / on 19/03/2018 at 9:45 pm

Bo Law x 姜智傑Jam畫 灣仔塗鴉

唔知大家鍾意唔鍾意睇Jam畫呢?我就幾Like嘞,睇住兩個唔同畫風嘅人為同一主題作同一幅畫,好有趣味。如果你都有興趣的話,3月尾可以去香港藝術中心參加「塗遊Floor Battle」,屆時插畫家Bo Law同姜智傑,會即席喺香港藝術中心正門前空地塗鴉。主題係灣仔點滴,唔知出嚟效果如何呢? 相關資訊香港藝術中心搞Event 曹志豪+文地貓繪畫灣仔 (Jun 6, 2018) 梁偉家以畫會友 要求同胡家寶Jam畫 (Oct 5, 2017)

Read more ›
門小雷《#Me》展覽 搶畫集+襟章+Tote Bag
by / on 19/03/2018 at 9:05 pm

門小雷《#Me》展覽 搶畫集+襟章+Tote Bag

門小雷新畫冊《#Me》搞新書發佈會兼展覽,屆時仲會有其他產品發售,Fans又要荷包乾硬化嘞。詳細價錢如下──《#Me》$220、《#Me》襟章$80、《#Me》襟章限量套裝連手寫編號$240,最多人搶應該係Tote Bag,超限量得20個,每個$280。 相關資訊書展2018李健良精品 購物袋+襟章+郵票 (Jul 7, 2018) 【圖集】街頭藝術大師新作 中央公園變人臉展覽 (Jun 14, 2018)

Read more ›
有片:日本舞團用手指跳舞 型到核爆
by / on 18/03/2018 at 4:00 pm

有片:日本舞團用手指跳舞 型到核爆

玩手指好無聊?係,但玩得出類拔粹則作別論,XTRAP係日本著名手指舞團,團員有三人,分別係Nari、Ryoga同Zange,唔算靚仔,但好型佬,型到Fans者眾,型到去拉斯維加斯表演。用手指扭呀、轉呀、拗呀,發光指頭喺暗黑背景下閃閃發光,配合節奏強勁嘅音樂同肢體動作,係好有追看性嘅。 相關資訊日本超可愛兔仔坐車 企直睇風景超似人仔 (Jul 22, 2018) 【有片】日本喵超可愛 準備叫但忍唔住打喊露 (Jul 22, 2018)

Read more ›
梁偉家《滅絕遊戲》改編電影 徐錦江做男一
by / on 18/03/2018 at 3:08 pm

梁偉家《滅絕遊戲》改編電影 徐錦江做男一

真心恭喜梁偉家,其筆下嘅《滅絕遊戲》將會改編成電影,英文戲名叫《Demon Hunter》,暫時詳細資料未有,但主角天師將會由Elvis Tsui飾演。Elvis Tsui是誰?咪眾望所歸嘅徐錦江囉,唔知點解,依家我腦海已經有徐錦江扮天師嘅造型,好入型入格…… 相關資訊梁偉家出手 幫牛B仔清湯腩餐廳Menu畫漫畫 (Mar 30, 2018) 梁偉家《滅絕遊戲》紀念明信片 每套$100抵撐 (Mar 26, 2018)

Read more ›

白蓮聖上突入《山海逆戰》? 跪求唔好整死于若蘭!
by / on 16/03/2018 at 9:11 pm

白蓮聖上突入《山海逆戰》? 跪求唔好整死于若蘭!

今期第68期《山海逆戰》有新角色登場,新角色係海底鑄兵秘窟主人,無論服飾同面相都九成似《龍虎門》白蓮聖上,係多咗啲鬚咁解啫,唔知仲以為東方無敵突入《山海逆戰》添。另,書末「下期預告」有我最唔想見到嘅封面,構圖係炎帝仰後出劍,于若蘭胸前中劍,前入後出,書名仲要叫〈若蘭花落〉。福龍諗住賜呢個行道會幫主一死?唔好啩?求神拜佛只屬製造高潮,千其唔好嚟真……其實可唔可以咁諗?大我唔到嘅,勾徹都未正式嗒于若蘭隻豬,斷估呢個第一女主角無咁易死嘅……嗯,希望喇。 相關資訊DJ Soda鍾意邱福龍……嘅龍神 (Jul 14, 2018) 邱福龍復刻元祖版《鐵將縱橫》創刊 送封面貼紙 (Jul 13, 2018)

Read more ›
有片:有無咁驚呀?超市玩《驅魔人》Exorcist walk!
by / on 16/03/2018 at 9:00 pm

有片:有無咁驚呀?超市玩《驅魔人》Exorcist walk!

要扮《驅魔人》入面個撞邪女童玩Exorcist walk,首先要有好腰力,要人一向後仰就擺到拱橋姿勢;第二要有好腳骨力,你估同時用手腳蜘蛛咁款行路唔使力架。兩者兼備,就可以去超級市場嚇人嘞,如片中所見,有人嚇到即刻向後跑,幾乎跌低。真係咁驚嚇?畢竟都係人一個啫,不過呢個Prank確實係好笑嘅,唔知喺香港玩情況又如何呢? 相關資訊異形追殺白雪公主 PixelFaker角色大兜亂 (Apr 3, 2015) 新片速報:現實版《驅魔人》 扮鬼上身倒轉爬嚇人 (Oct 23, 2014)

Read more ›
《西遊》敖嬌之死 遺言若有所指?
by / on 15/03/2018 at 9:50 pm

《西遊》敖嬌之死 遺言若有所指?

今期第142期《西遊》書名叫〈敖嬌之死〉,初頭估製造高潮啫,都叫做花過幾多篇幅講呢個角色,和仔大人無理由咁快整死佢啩,點知睇完內文再睇埋「和仔專欄」寫「今期故事主要圍繞敖嬌敖雪兩兄弟發生,最後敖嬌慘死於天罡星手上」,噢,敖嬌真係拜拜咯。係咁意揸住把劍舞咗三兩下,老實打都無乜點打,一格,一格就俾邪神像咬甩個頭,死無全屍都真係幾慘吓。和仔大人不嬲愛透過漫畫做隱喻,敖嬌臨死教訓細佬嘅幾段話──「現實一點吧!能救自己的只有我們自己!」、「你不把精神放在尋找敵人的破綻之上,卻浪費於祈求奇蹟,這樣只會死得更快。」、「我只是要你相信自己,認真地應戰,只有這樣才是唯一的活路。」睇落硬係覺得若有所指,影射啲乜?望番現今社會種種荒謬怪誕、是非顛倒、黑白不分,我覺得……嗯,或者我諗多咗…… 相關資訊鄭健和《西遊》教人等運到 乜都係假最緊要好運 (Mar 31, 2018) 葉明發幫拖《西遊》!美術主筆負責乜? (Aug 25, 2017)

Read more ›
智利Coser Cynthia 索到犯規
by / on 15/03/2018 at 9:30 pm

智利Coser Cynthia 索到犯規

睇靚女時間到,呢個Coser叫Cynthia Cos,索呀可?佢來自智利,三圍……無資料,不過大家可以睇相自己估,都應該唔難估。佢Cos過好多動漫人物,不過我呢,就最鍾意佢Cos不知火舞同春麗,夠Sexy吖嘛。 相關資訊清水泰地Cos蘇聯佬 新相集連個樣都似 (Jul 10, 2018) 有片:Ladybeard扮春麗跳起V手 (Jul 5, 2018)

Read more ›
裸體畫家海諾 開《生於黑鐵》展覽為性小眾吶喊
by / on 15/03/2018 at 8:41 pm

裸體畫家海諾 開《生於黑鐵》展覽為性小眾吶喊

睇完某傳媒報導,方知海諾是何許人也,傳媒將佢標榜為「裸體畫家」,全因佢鍾意畫人體。身邊口痕友話:「條女譁眾取寵啫。」我即時一句寸佢:「你同人哋好熟?你睇過人哋啲畫?睇都未睇咁快下結論?」我心底裡其實幾討厭呢類乜都未知但又好發惡言專戴有色眼鏡睇人嘅人,是否譁眾取寵,睇咗佢個《生於黑鐵》畫展先講喇。海諾喺面書有展覽簡介曰:「……香港人比3000年前的希臘人更落後、迂腐,我們自命於道德高地,恥笑乳房,指責性侵受害者,恐嚇不同性傾向人士。海諾透過超現實的繪畫作品幻想希臘眾神和英雄來到現代的情景,表達性小眾的吶喊,希望香港人能夠聽到。」畫作表達嘅訊息是否一如簡介咁講,親身落場睇完咪知囉。

Read more ›

網圖分享:霍金離世悼圖
by / on 15/03/2018 at 5:06 pm

網圖分享:霍金離世悼圖

雖然睇唔明霍金(Stephen Hawking)嘅宇宙理論,但人殘志與智不殘嘅佢3月14日離世(1942年-2018年),誠人類一大損失也。天下哀慟,睇悼圖喇。 相關資訊網圖分享:漫畫大師鄭問離世 港漫人出悼圖懷念 (Mar 29, 2017)

Read more ›
麥芽原酒 阮大勇電影海報做樽身標籤紙
by / on 14/03/2018 at 11:45 pm

麥芽原酒 阮大勇電影海報做樽身標籤紙

我唔好飲酒,但我鍾意阮大勇手畫,所以呢幾支由阮大勇經典電影海報做樽身標籤紙、木刻同紅色蠟封印有埋個「阮」字嘅KaVaLan噶瑪蘭砵桶單一麥芽原酒,我好有興趣擁有。係,買完係唔會飲嘅,我只會擺喺飾櫃,不過唔知價錢如何呢? 相關資訊網圖分享:阮大勇畫夏薩特+麥巴比 (Jul 10, 2018) 網圖分享:阮大勇病榻畫碧福特+哈利簡尼 (Jul 9, 2018)

Read more ›
MastaMic x How2work x 井上三太出Figure 灰模曝光
by / on 14/03/2018 at 11:30 pm

MastaMic x How2work x 井上三太出Figure 灰模曝光

MastaMic呢期好多Noise,推出新碟《Mastapiece》喇、舉辦《Mastapiece Tour 2018香港站》演唱會喇,擒晚喺網上直播節目《Hiphop剝殼》教押韻,我都睇咗一陣。最新仲有呢個聯乘How2work再聯乘《東京暴族》井上三太嘅MastaMic Figure,灰模剛剛曝光,望落幾有型。佢仲喺面書留言曰:「你哋話係咪都幾似我呢?」你哋話呢? 相關資訊Felix Ip《香港重機》Figure曝光 廢箱重機+垃圾俠登場 (Jul 17, 2018) 《龍貓》30週年推出大量精品 18隻跳舞龍貓有排儲 (Jul 7, 2018)

Read more ›
文地貓 x Ginger Store出醉貓Tee 值得入手
by / on 14/03/2018 at 10:45 pm

文地貓 x Ginger Store出醉貓Tee 值得入手

文地貓有新Product出,今次聯乘Ginger Store推出「醉貓」主題Tee,佢話自小已經醉慣,所以創作呢個主題屬「酒不醉人人自醉」。暫時睇相,見有黑白灰三色選擇,圖案無話大大個Hardsell到死,設計簡約,估計著出街都幾型吓。佢話啲Print有夜光、拔印等等花臣,仲有情侶裝添。個人認為,如果定價唔太貴的話,絕對值得入手。 相關資訊文地貓出利是封 畀到人開心感覺 (Jan 3, 2018) 叮叮!有漫畫睇!動漫電車啟航! (Aug 5, 2015)

Read more ›