Articles by: 尉遲一

玉皇朝動漫節紀念簽名版啱Feel Tee圖案太大著上身會變形?
by / on 11/06/2018 at 9:45 pm

玉皇朝動漫節紀念簽名版啱Feel Tee圖案太大著上身會變形?

書展未到,2018動漫節已經有聲氣,講嘅係玉皇朝,剛剛喺面書Post咗精品相片出嚟。六款紀念簽名版各限量100塊,每塊$100,儲晒都不過$600,感覺幾抵玩,死忠Fans應該會乖乖科水;至於Tee咯喎,有兩款,唔係話龍神同火雲邪神個構圖唔靚,但使唔使咁大個呀,著上身,個構圖斷估應該會變晒形,著出街,又會唔會太過招搖隔九條街都望到呢?希望呢個只不過係參考圖,實物可以靚番多少喇。 相關資訊《新著龍虎門》2200期特別版 一書六板$740 (Dec 14, 2017) 香港版《鋼之煉金術師》完全版開訂 $1288送八張明信片 (Nov 28, 2017)

Read more ›

Marvel Studios十週年 33角色海報晒冷
by / on 11/06/2018 at 9:04 pm

Marvel Studios十週年 33角色海報晒冷

Marvel Studios十週年,官網整咗33個角色紀念海報,大橙做主調色,每張海報都有句Slogan「More than乜乜More than物物」,例如蜘蛛就係「More than a kid」、奇異博士就係「More than a doctor」、Ironman就係「More than a suit」,好配合番角色造型同性格設定,好明顯花過心思,有必要Save低佢。 相關資訊動漫基地換新裝 換邱福龍Q版海報返屋企 (Jun 5, 2018) 「香港似顏繪」世界盃海報 免費下載 (Jun 4, 2018)

Read more ›
面書專頁「Tonysart」送家駒海報
by / on 10/06/2018 at 7:45 pm

面書專頁「Tonysart」送家駒海報

踏入6月,總會讓人懷念起黃家駒,面書專頁「Tonysart」拋出一句「願你喺另一國度永遠快樂」,相信亦係一眾歌迷願望。Now,專頁製作咗幅家駒作品,並將之印成海報,免費送畀大家。想要,PM佢喇。

Read more ›
網圖分享:崔成安翻新十幅舊畫 大師級傑作
by / on 10/06/2018 at 7:00 pm

網圖分享:崔成安翻新十幅舊畫 大師級傑作

真係靚到犯規,崔成安最近整理咗十幅舊畫,重新喺面書發佈,字靚,畫靚,構圖靚,幅幅都堪稱Masterpiece,何只做Wallpaper唔失禮,印製成海報甚至做書封面都咁賞心閱目。好強,服到五體投地,一拜。 相關資訊合一雙節棍真身曝光 棍身有15個崔成安墨寶 (Mar 24, 2018) 崔成安《俠義龍情》畫集開訂 每本$250 (Mar 20, 2018)

Read more ›
有片:劈到九彩 超強真人版遊戲角色微電影
by / on 10/06/2018 at 6:18 pm

有片:劈到九彩 超強真人版遊戲角色微電影

確係勁有心機之作,真人版《Assassin’s Creed》、《Metal Gear》、《Witcher》、《Uncharted》同《God of War》,仲要串燒埋一齊一次過出,動作設計好精彩,打鬥燦爛,加埋慢鏡、Close up同噴血特效,YouTube頻道「Legend of Micah」呢條片直頭可以當微電影咁睇,我忍唔住Loop咗兩次。

Read more ›
《古惑仔》巨星之戰第二場 李成克打唔贏梁家仁?
by / on 10/06/2018 at 1:30 am

《古惑仔》巨星之戰第二場 李成克打唔贏梁家仁?

俾今期第2137期《古惑仔》封面Fake一Fake,書名叫〈前路難行〉,黑白Tone,構圖係李成克耷晒頭咁,仲以為呢個脫北者打輸咗添。睇完內文,李成克未輸,但感覺武值低咗好多,好似得鋪牛力咁,而梁家仁就醒咗好多,有智慧有耐力識得忍。勝負下周一揭盅,純個人預測,呢場應該雙雙墮海,打成平手Super!萬望牛佬唔好為咗煲起第二代,夾硬要李成克輸or慘輸,話晒喺武值排行榜,李成克有6星,梁家仁得4星半,太過夾硬嚟,著實講唔通。 相關資訊悼!《古惑仔》牛姑之死! (Jun 4, 2018) 《古惑仔》巨星之戰競猜遊戲 估洪興同三聯五比五平手收場 (May 21, 2018)

Read more ›

雷公子送《漫人訪談錄》+Postcard
by / on 09/06/2018 at 7:30 pm

雷公子送《漫人訪談錄》+Postcard

正呀喂!有禮送呀喂!雷公子送出5本《漫人訪談錄》同5張Postcard,唔知大家有無興趣?截止日期6月11日3:00pm,想要就去佢面書專頁畀個Like喇。 相關資訊《九龍城寨》第二期 雷公子的暴虐 (Jan 3, 2014) 《九龍城寨2》送懷舊海報 (Apr 20, 2013)

Read more ›
網圖分享:出圖撐《笑聲滿載──上官小強漫畫精選》展覽
by / on 09/06/2018 at 6:56 pm

網圖分享:出圖撐《笑聲滿載──上官小強漫畫精選》展覽

我見到何謂江湖地位,上官小強離世,但飲港漫奶水大嘅港漫人同讀者無忘記佢。動漫基地舉辦《笑聲滿載──上官小強漫畫精選》展覽,好多面書朋友仔都出圖懷念。昔日睇《壽星仔》嘅日子真係好Happy,誠然係一份美好回憶,有無時間都好,真係要捧一捧場。 相關資訊動漫基地《笑聲滿載──上官小強漫畫精選》展覽 向強哥致敬 (Jun 6, 2018) 上官小威復刻元祖版《壽星仔》 限100套$98 (Mar 7, 2018)

Read more ›
馬遜《蘇生戰銃》單行本開訂 訂兩期送畫卡
by / on 08/06/2018 at 10:30 pm

馬遜《蘇生戰銃》單行本開訂 訂兩期送畫卡

馬遜《蘇生戰銃》單行本正式開訂,仲一次過推出第一及第二期添,有興趣嘅可以向「至Goal Club」、「收藏家港漫專區」或「尋回‧漫畫檔」落訂,各$48。咁早訂梗係有著數喇,一次過訂晒兩期,即送小貝雙面畫卡一張,限量架,手快有手慢無呀。 相關資訊馬遜《蘇生戰銃》單行本 預計7月推出 (Jun 4, 2018) 馬遜宣佈《蘇生戰銃》出實體書 (May 28, 2018)

Read more ›
甘小文x Goal DX 推世界盃四格漫畫
by / on 08/06/2018 at 10:00 pm

甘小文x Goal DX 推世界盃四格漫畫

唔夠一個禮拜就2018世界盃開鑼,餓睇波嘅我等到喉嚨都痕埋,咁,惟有睇住面書專頁「GOAL DX」同甘小文合作嘅四格漫畫止住咳先。逢周三更新,剛剛有第一話睇,出場嘅係一眼就認得出嘅蛋治奧!唔係講笑,真係笑得出架! 相關資訊有片:三上悠亞做世界盃宣傳大使 露腰波衫搭短裙 (Jun 15, 2018) 有片:adidas世界盃廣告 陳奕迅做MC碧咸話想落場踢 (Jun 13, 2018)

Read more ›
Ladybeard+才木玲佳Cos春麗 大髀好粗壯
by / on 08/06/2018 at 3:30 pm

Ladybeard+才木玲佳Cos春麗 大髀好粗壯

鬍鬚女Ladybeard個twitter有新相睇,今次孖埋健身美少女才木玲佳玩Cosplay。Cos春麗呀,兩對反晒光嘅大髀,好粗壯呀。 相關資訊春麗就是有肌肉 才木玲佳Cos最似對腳 (Apr 21, 2018) 智利Coser Cynthia 索到犯規 (Mar 15, 2018)

Read more ›

Fools Paradise出佐敦人偶 有埋牛角好有型
by / on 08/06/2018 at 2:54 pm

Fools Paradise出佐敦人偶 有埋牛角好有型

玩具品牌Fools Paradise出Michael Jordan人偶,名為「XL TWOTHREE」,可換添多對牛角嘅頭顱,50cm高,過癮在「起角」但又起唔晒,衫褲起角,手腳線條起角,眉起角,鬚起角,背脊同蘿柚彎彎哋,對波鞋做得超細緻,膚色做得好自然。限量398隻,358美金加30美金運費,我幾Like,唔知大家點睇? 相關資訊《古惑仔》牛姑唔追究李建興 點解嘅? (Mar 30, 2018) 張君豪友情價 出水晶蛋散人偶+畫Set (Dec 11, 2017)

Read more ›
Like唔Like古祖港漫? 上官小威復刻漫畫四寶
by / on 07/06/2018 at 10:45 pm

Like唔Like古祖港漫? 上官小威復刻漫畫四寶

復刻復刻又復刻,有人話一味睇復刻作品於港漫係退步,我唔係咁睇,事關總有人真係無睇過,無睇過就可以當新書咁睇。對於無睇過古祖時期港漫嘅我,上官小威復刻漫畫四寶《降頭》、《蟋蜶仔》、《瘋狂漫畫》同《歡樂漫畫》係好事。漫畫四寶分甚麼專貴版、贈品版、123專間店獨家版同普通版,最貴都不過係$208,最平$108,又杯墊又海報又乜卡物卡,真係好難唔捧場。 相關資訊上官小威復刻《蟋蟀仔》 黃國興加推「123店」版送贈品 (Jun 5, 2018) 上官小威《金漫畫》第七至九期開訂 (Mar 12, 2018)

Read more ›
馬雲《黃飛鴻大鬧丁家莊》重新出版 馬少飛畫新插圖
by / on 07/06/2018 at 10:15 pm

馬雲《黃飛鴻大鬧丁家莊》重新出版 馬少飛畫新插圖

嚟緊書展,馬雲將有新作……吖,唔係,應該係舊作先啱!青雲工作室決定重新出版馬雲舊作《黃飛鴻大鬧丁家莊》,咁當然唔會就咁搬字過紙喇。重新包裝係指定動作,請嚟馬少飛畫番廿幾幅新插圖,啲畫畫成點?有相你睇,有石堅、張晉、李連杰,都好高質架,鍾意睇文字書嘅你,唔知又有無興趣呢? 相關資訊李志清贈封面題字四揀一 馬雲呼籲投票幫幫眼 (Jun 15, 2018) 牛佬搞Gag有啖笑 金正恩+馬雲突入《古惑仔》 (Apr 24, 2018)

Read more ›
畀啲意見吖唔該! 《漫畫Buddy》第五期想睇乜?
by / on 07/06/2018 at 9:45 pm

畀啲意見吖唔該! 《漫畫Buddy》第五期想睇乜?

大家有無撐《漫畫Buddy》?到依家已經出版咗四期,嚟緊第五期有乜新搞作、方向如何、增刪邊Part內容、邀請乜嘢客席主筆供稿、想睇乜人物訪問等等等等,家陣你全部有Say,事關相關面書專頁公開詢問大家意見,大家可以暢所欲言。港漫不死,請支持本地創作,講明先,無禮物架,唔係有獎遊戲,請大家踴躍發言。 相關資訊《漫畫Buddy》第四期釋出封面 小甜健畫埋一份 (Jan 26, 2018) 《漫畫Buddy》第二期今日見街 送貼紙每本$72 (Jan 10, 2017)

Read more ›