Articles by: 尉遲一

有片:擔正咯喂!《大黃蜂》首個電影廣告釋出!
by / on 06/06/2018 at 9:11 pm

有片:擔正咯喂!《大黃蜂》首個電影廣告釋出!

《變形金剛》最受歡迎角色毫無懸念係柯柏文,數第二,應該係大黃蜂。大黃蜂今次擔正做主角喇,《大黃蜂》釋出首個電影廣告,打鬥畫面幾討好吓,黑暗中雙眼亮燈眼仔睩睩再變身機械人形體嗰幕幾型仔,Wow!「這是人類和機械間的神秘友誼。」呢句對白正呀喂。 相關資訊《Deadpool 2》外國超正電影宣傳 惡搞知名電影封面 (May 18, 2018) 短篇電影《江湖夢裡人》首播 尹光唱腔一絕 (Dec 22, 2017)

Read more ›

馬學偉x葉偉青加開一班 教特撮手繪畫
by / on 05/06/2018 at 10:45 pm

馬學偉x葉偉青加開一班 教特撮手繪畫

因為踴躍,所以添食,馬學偉聯乘葉偉青嘅特撮畫風班,決定加推一班,Total八堂,每堂兩粒鐘,逢周六上堂。大家都睇過葉偉青嘅「香港重機」系列畫喇,係咪睇到嘩嘩聲先,想學番三兩下散手,拜師學藝喇喂。

Read more ›
上官小威復刻《蟋蟀仔》 黃國興加推「123店」版送贈品
by / on 05/06/2018 at 10:00 pm

上官小威復刻《蟋蟀仔》 黃國興加推「123店」版送贈品

唔講大話,我何只未睇過黃國興《蟋蟀仔》,就連有呢本漫畫都未知,但如今上官小威話將之復刻,我有興趣入手喎,一來,豬老闆好好人,點都要撐撐;二來,因為家陣港漫已經買少見少,於我《蟋蟀仔》直頭可以當新書咁睇,何樂而不睇?為谷一谷氣勢,黃國興決定推出「123店」版,佢係「123漫畫精品專門店」老闆,即係獨家喇,賣幾錢未知,但贈品有自由豬卡同復刻紀念海報各一,咁當然唔少得親筆簽名喇。 相關資訊Like唔Like古祖港漫? 上官小威復刻漫畫四寶 (Jun 7, 2018) 邱福龍復刻元祖版《鐵將縱橫》 港漫迷開心到癲 (Apr 18, 2018)

Read more ›
《戇男筆記‧港漫200人》玩味十足 封面「$200」價錢牌Fake晒
by / on 05/06/2018 at 9:32 pm

《戇男筆記‧港漫200人》玩味十足 封面「$200」價錢牌Fake晒

上個禮拜日去信和「至Goal Club」買《戇男筆記‧港漫200人》,發生咗一件低能事。話說同老闆新哥講拜拜後,我轉身企圖搣甩透明封袋上面嗰個「$200」價錢牌,卻搣唔甩,原來價錢牌係封面構圖一部份,咁樣被Fake,我自己都笑咗一笑。其實唔只咁,我覺得成本書設計都好Funny,封底嗰幾句乜乜物物「沒輯錄」同埋尾一句「本刊只收錄戇男2018全新作品《戇男筆記‧港漫200人》」,都玩味十足,睇到我唧一聲笑咗出嚟。揭書,睇內文,老實講唔算好好好好好精彩,但裡面介紹嘅人物好多都係我面書朋友仔,彼此素未謀面,平時只透過鍵盤交流互相畀吓Like,家陣有呢本書,我對佢哋有多啲了解,個感覺係幾過癮嘅。如無意外,呢八萬字,我係會睇晒嘅。 相關資訊超強!Edward Yu的暴走《黑膠人》泥塑曝光 (Jun 12, 2018) 《戇男筆記‧港漫200人》寒酸海報登場 請支持戇男 (Mar 30, 2018)

Read more ›
動漫基地換新裝 換邱福龍Q版海報返屋企
by / on 05/06/2018 at 8:03 pm

動漫基地換新裝 換邱福龍Q版海報返屋企

死喇,好驚派晒呀,呢個禮拜尾一定要去灣仔走一趟。事關動漫基地換新裝,中庭打卡位多咗張由邱福龍繪畫嘅巨型海報,裡面有15個Q版本地武俠漫畫角色,好鬼死正斗。影完相,只要答中問題,仲可以攞埋同大海報一模一樣嘅紀念海報返屋企。講明數量有限,送完即止,所以我好驚派晒呀喂。 相關資訊Marvel Studios十週年 33角色海報晒冷 (Jun 11, 2018) 動漫基地《笑聲滿載──上官小強漫畫精選》展覽 向強哥致敬 (Jun 6, 2018)

Read more ›
「香港似顏繪」世界盃海報 免費下載
by / on 04/06/2018 at 10:30 pm

「香港似顏繪」世界盃海報 免費下載

好緊張呀,仲有個零禮拜就2018世界盃開皮喇,你睇好邊隊奪冠呀?我就英格蘭死忠,希望今年領隊修夫基打春青班,可以攞到好成績喇。咁高興,面書專頁「香港似顏繪」都出咗幾張過癮圖片畀大家下載,好靚架,直頭可以colour print出嚟當海報,就算唔print,Save as wallpaper都唔錯。左上角嘅哈利簡尼,加油呀。 相關資訊有片:三上悠亞做世界盃宣傳大使 露腰波衫搭短裙 (Jun 15, 2018) 有片:adidas世界盃廣告 陳奕迅做MC碧咸話想落場踢 (Jun 13, 2018)

Read more ›

Mike Leavitt木製人偶超Cult 你認得幾多個導演頭?
by / on 04/06/2018 at 9:30 pm

Mike Leavitt木製人偶超Cult 你認得幾多個導演頭?

如果你係電影迷,咁有必要留意吓西雅圖雕塑家Mike Leavitt嘅「King Cuts」電影系列人偶,人偶屬木製雕塑,由紅雪松木做,分30cm同60cm高兩個Size,頭顱係導演,身體卻屬導演創作出嚟嘅電影角色,造型非常Cult,每隻都係人手雕製,獨一無二。另有迷你印製版,高10cm同12cm,唔係雕,係Print,以木製雕塑為藍本立體掃描,各限量100隻。望吓相,嗯,宮崎駿、史提芬史匹堡、昆倫塔倫天奴等等等等,你又認得幾多個?訂番個返屋企擺飾櫃,自我感覺品味都高啲。

Read more ›
馬遜《蘇生戰銃》單行本 預計7月推出
by / on 04/06/2018 at 8:38 pm

馬遜《蘇生戰銃》單行本 預計7月推出

關於《蘇生戰銃》推出單行本嘅情報,馬遜喺面書作出更新,一,七月尾應該見到街,仲大有機會出到兩期;二,預計呢一個兩星期可以開訂,佢透露早訂係着數嘅,不過暫時未知有乜着數;三,打算開個簽名會,同讀者交流吓影吓相咁喇;四,打算推出幾本手繪版,打算賣幾舊水,超超超限量。熱切期待,報告完畢。 相關資訊馬遜《蘇生戰銃》單行本開訂 訂兩期送畫卡 (Jun 8, 2018) 馬遜宣佈《蘇生戰銃》出實體書 (May 28, 2018)

Read more ›
悼!《古惑仔》牛姑之死!
by / on 04/06/2018 at 6:09 pm

悼!《古惑仔》牛姑之死!

忙到甩轆,今日係周一,我先有時間睇番上周四出版嘅第2135期《古惑仔》,睇完悲悲戚戚。牛姑,細細粒拜門大佬,一拳,就因陳浩南扯盡吃力之力嘅一拳,呢個橫跨二千幾期嘅角色就咁死咗,一心尋死嘅佢埋尾選擇跣佐敦一鑊,為三聯先輸一仗,求仁得仁。其實有無必要整死佢呢?牛佬想為「巨星之戰」掀起高潮,死啲重要角色無可厚非,但硬係覺得牛姑死得有啲兒戲咗。而更心驚嘅係,仲有幾多主要角色會喺未來十期八期消失?梁家仁?迪文?佐維?唔想左右牛佬度橋,但我真係越諗越驚…… 相關資訊《古惑仔》巨星之戰第二場 李成克打唔贏梁家仁? (Jun 10, 2018) 牛佬《金蒙空》唔出實體書 科月費$65有得睇 (May 23, 2018)

Read more ›
《戇男筆記‧港漫200人》大賣 戇男至Goal Club搞簽名會
by / on 01/06/2018 at 3:27 pm

《戇男筆記‧港漫200人》大賣 戇男至Goal Club搞簽名會

突發!鑑於《戇男筆記‧港漫200人》實在太過好賣,戇男決定今晚7:30pm到「至Goal Club」搞番個小型簽名會。想同偶像合影,想攞親筆簽名,想同其他港漫迷交流,唔該準時到達。留意番,「至Goal Club」依家有現貨賣,256頁,每本$200,有買趁手,我都未買,睇怕呢個禮拜六都要去信和走番轉。 相關資訊買嚟儲 《第37屆香港電影金像獎特刊》$98 (Apr 17, 2018) 《暗黑指紋》第二期不日出版 搞簽名會同首賣日 (Apr 16, 2018)

Read more ›
有片:互摑比賽兜巴星 腫到豬頭爆晒缸
by / on 30/05/2018 at 10:45 pm

有片:互摑比賽兜巴星 腫到豬頭爆晒缸

《Slapping Championship》,直譯係「互摑比賽」,絕對屬於格鬥遊戲一種,參加者需要莫大勇氣,打不還手兜巴星,唔係人人頂得住。從影片所見,大隻佬始終有著數,不但手掌大啲可以摑得大力啲,塊面肥啲闊啲厚肉啲都好似受力啲兼硬淨啲,無咁易俾人摑暈。有人被摑到企唔穩,塊面紅晒腫到豬頭咁,最誇張嗰個仲爆埋缸,唔知有無俾人摑甩大牙。留意番,睇呢條片記得聽埋聲,啪啪啪啪啪,保證聽到你起雞皮,好痛呀。 相關資訊有片:啪啪啪啪!你一巴我一巴!互摑比賽摑到訓低! (Aug 9, 2016)

Read more ›

玩高達插眼圖 激光劍變古法頭抽
by / on 30/05/2018 at 10:15 pm

玩高達插眼圖 激光劍變古法頭抽

美味棧古法頭抽係乜?美味棧係品牌,頭抽係豉油一種呀。係呀,家陣做宣傳真係要與時並進,之前美味棧抽佛系乜乜佛系物物幅圖水,我覺得尚可以,但人咁抽佢又咁抽,略嫌有啲睇到膩。今次唔同,抽喺網絡Hit足咁多年嘅高達自插雙眼圖水,原本嘅激光劍變成頭抽兩大支,一樣係插眼,而效果竟出奇地好,我笑咗。 相關資訊有片:日本工程師係高達迷 自製8.5米高機械人曉行曉開槍 (Jun 7, 2018) 台灣高手毛筆揮春 紅色渣古「福運三倍」 (Jan 29, 2018)

Read more ›
有片:小朋友版《變形金剛》變身 跪低變柯柏文
by / on 30/05/2018 at 9:45 pm

有片:小朋友版《變形金剛》變身 跪低變柯柏文

真人版《變形金剛》唔係未睇過,不過睇小朋友扮柯柏文同大黃蜂,仲要跪低變身,感覺硬係開心啲嘅,天真,果然無價。 相關資訊【羨慕】超正可乘坐《龍貓》貓巴士 小朋友專用 (Apr 21, 2018) 日本殘暴小朋友 原隻「ファービ」放入煎pan烹調 (Feb 11, 2018)

Read more ›
有片:超像真Chewbacca泥塑 用直髮器梳靚毛髮
by / on 30/05/2018 at 8:58 pm

有片:超像真Chewbacca泥塑 用直髮器梳靚毛髮

又一Steven Richter傑作,呢位仁兄之前已經由零到有用泥模製作過Hulk同Thanos,今次嘅《Star Wars》Chewbacca一樣超像真,個哨出嚟嘅大嘴巴同鼻比例尤其正,毛髮顏色簡直同電影裡面睇到嘅一模一樣。Steven Richter好細心,用直髮器幫Chewbacca梳毛,難怪成品如此有血有肉,夜晚見到應該會嚇一嚇。 相關資訊【有片】齊來奪寶石 《Fortnite》內的Thanos是舞者 (May 11, 2018) BB-8+R2D2陪過情人節 送《Star Wars》公仔花束畀女友 (Jan 18, 2018)

Read more ›
李健良科大開《漫畫彩稿世界的紅樹林》分享會
by / on 29/05/2018 at 11:15 pm

李健良科大開《漫畫彩稿世界的紅樹林》分享會

係,港漫彩稿大師李健良係擺過好多Booth、出過好多畫集、開過好多展覽、搞過好多工作坊,但但但但但……好嘢又何需停?嚟緊6月16日,佢又舉行《漫畫彩稿世界的紅樹林》分享會,聽Talk又唔知係咪你杯茶?屆時仲會有佢今年書展新書內容簡介,有興趣記得捧場。 相關資訊李健良開畫展+辦講座 《從古生命到紅樹林》分享心得 (Jan 11, 2018) 1油畫+2畫板+1聖誕卡 李健良2017聖誕禮品套裝$350超抵 (Nov 28, 2017)

Read more ›