Articles by: 錢無義

新片速報 《Far Cry 5》正式預告 下年2月玩邪教
by / on 27/05/2017 at 3:09 pm

新片速報 《Far Cry 5》正式預告 下年2月玩邪教

有排等,下年2018年2月27日先出,會有PS4/Xbox One/PC版。啱啱呢條正式預告見到遊戲背景係現代,講嘅係神秘宗教入侵,殺人唔眨眼,仲話I am your father。 相關資訊新片速報 《Far Cry 5》四片齊出 預告26日預告 (May 23, 2017) Kali深夜直播 《Far Cry Primal》今晚打爆機 (Mar 5, 2016)

Read more ›

官方網站有玄機 《Hunter X Hunter》連載6月再開?
by / on 27/05/2017 at 2:43 pm

官方網站有玄機 《Hunter X Hunter》連載6月再開?

官方未確認消息。不過有日本網民就搵到一個網止,最後尾係「20170529」,預計5月29日會正式公開。另外亦都有圖睇到,加埋照計新單行本34卷已經宣佈咗6月26日推出,咁種種跡象睇嚟,係似嘅。不過又講番轉頭,最重要嘅問題係唔好又10話之後停好冇?俾個結局嚟睇得唔得?冨樫老師,爭氣啦! 相關資訊【生存未確認】《Hunter X Hunter》最新單行本下月發售 會唔會連載再開? (May 11, 2017) 日本畫師出手 《Hunter X Hunter》搞亂《幽遊白書》 (Feb 26, 2017)

Read more ›
新片速報 Switch版《Monster Hunter XX》8月發售 繼承3DS存檔
by / on 27/05/2017 at 1:38 pm

新片速報 Switch版《Monster Hunter XX》8月發售 繼承3DS存檔

噚日呢個消息搞到一眾芒亨迷同Switch機主好開心,今日直播就公佈埋詳情,機迷最關心係3DS個save用唔用得番先?係用得番先!仲有可以網上共鬥,不過面對面連線就只限同機種。另外亦會有遊戲同梱主機,個Dock同Joy-Con都有特別圖案,36,280円。最後係發售日期,等多兩個幾月,5800円。 相關資訊【傳聞】Sony俾錢買獨佔 PS4《Monster Hunter 5》開放世界下年出? (May 28, 2017) 【比較番】Switch/3DS《Monster Hunter XX》 兩機種比較圖 (May 28, 2017)

Read more ›
【大絕】官方發佈!高清屠龍?Switch出《Monster Hunter XX》
by / on 26/05/2017 at 10:00 am

【大絕】官方發佈!高清屠龍?Switch出《Monster Hunter XX》

終於嚟喇!不過就唔係新作,而係《Monster Hunter XX》嘅Switch版《モンスターハンターダブルクロス Nintendo Switch Ver.》!不過如果佢做靚番個畫面,可以喺屋企個電視玩「芒亨」,我諗好多機迷都樂意重新入坑!發售日同詳細資訊會喺5月27日,即係聽日舉行嘅「モンスターハンター頂上大会2017」札幌大會公佈! 相關資訊日本玩家出圖 《Monster Hunter XX》大岡登場 (May 27, 2017) 【有片】扮《Monster Hunter》燒肉食 衝天大火超猛火力 (May 19, 2017)

Read more ›
【有片】好感人呀!港男單車穿越撒哈拉 救貓女齊歷險
by / on 25/05/2017 at 11:55 am

【有片】好感人呀!港男單車穿越撒哈拉 救貓女齊歷險

呢啲新聞,睇外國人做主角做得多,喺沙漠救狗尋狗都好令人感動,不過今次主角係香港人呀!呢位港男喺4月11日出發去咗摩洛哥,諗住用兩個月時間踩車穿越撒哈拉沙漠,佢話目標係想出書出畫集,傳遞正面訊息俾年輕人,咁賺到啲錢同埋捐款嘅餘款佢都會捐晒去慈善團體嘅。本身都幾有意義,不過啱啱喺佢身上發生咗一件更感人嘅事。佢話因為機緣巧合要逗留喺一個城市多兩日,就喺呢段時間俾佢遇到一隻貓,而且隻貓主動埋身又擦佢又扭摸,到第二日朝早,貓貓離遠見到佢又飛奔埋佢身,今次佢留意到貓貓身上好多蚤同蟲,所以做過動物訓練員嘅佢就去買嘢諗住幫佢,買齊工具之後,搵咗好耐到準備放棄一刻,終於又見到貓貓再出現,捉足6個鐘蟲完成之後,佢決定帶佢返酒店俾佢舒服休息,亦都從街坊口中得知貓貓媽媽已經死咗,就剩番佢一隻嘢流浪……最後,佢梗係唔忍心,決定改裝個袋仔俾貓貓,帶埋佢同行,仲改咗名叫佢做LIFE!不過啱啱佢又拍咗條片,話帶咗貓貓去睇獸醫,但未打得針,所以之後未必即時帶到佢返香港,唔緊要,總有辦法嘅!相信香港好多貓奴都支持,係嘅就去佢專頁俾個like啦!一定要帶佢返嚟呀! 相關資訊【多圖】日本「喵星人瞓胸部」寫真 青山裕企貓創作第二彈 (May 26, 2017) 【相集】高炒香港樓宇風景 超寫實相集「圍城」 (May 24, 2017)

Read more ›
《Far Cry 5》主視覺圖發佈 現代背景Montana
by / on 25/05/2017 at 12:37 am

《Far Cry 5》主視覺圖發佈 現代背景Montana

之前已經睇過四條風景片,背景係Hope County,Montana。喺26日詳情公開之前,Ubisoft仲公開咗視覺圖,見到背景有教堂有飛機有車,前面有槍有火箭砲有女有西裝,唔係之前傳過嘅西部。遊戲會有PS4/Xbox One/PC版,會喺下年3月31日前,即今個財政年度內推出。

Read more ›

真人版《足球小將》新cast公開 立花兄弟出場 健威唔係長頭髮?
by / on 24/05/2017 at 11:48 pm

真人版《足球小將》新cast公開 立花兄弟出場 健威唔係長頭髮?

真人版,係舞台劇啫。之前公開咗嘅《足球小將》舞台劇,有呢張戴翅偉笑住射波嘅新圖,唔係踢得鬼馬,係踢得詭異至真。另外仲有新cast公佈,若島津健(健威)會唔會戴番個長髮假髮?另外亦睇到演立花兄弟嘅演員,唔係孖生嘅。 相關資訊【10幾頭身】不可能的還原 網民幫真人版《足球小將》拉長 (May 14, 2017) 【有片】舞台變球場 日本真人版《足球小將》繼續跑全場 (May 9, 2017)

Read more ›
本周電影觀後感: 《圓美圈套》科技太快電影太遲主角太浪費
by / on 24/05/2017 at 11:35 pm

本周電影觀後感: 《圓美圈套》科技太快電影太遲主角太浪費

《圓美圈套》( The Circle)由Tom Hanks湯漢斯、Emma Waston愛瑪屈臣主演,難免會讓人有期待,結果當然是失望,這是一套令人很驚訝,何以會如此差勁的作品。 (內含劇透內含劇透內含劇透內含劇透內含劇透內含劇透內含劇透內含劇透內含劇透內含劇透)

Read more ›
【有片】超迫力!日網民自製紙板 電話拍《龍珠》出波動畫
by / on 24/05/2017 at 11:14 pm

【有片】超迫力!日網民自製紙板 電話拍《龍珠》出波動畫

呢位「しんらしんげ」,就係之前用紙杯拍動畫嗰位,今次都係紙,但個人覺得勁好多,好有氣勢好有迫力,最重要係好有動感!咁點拍呢?佢之後出番圖,一張張紙板,逐塊撞低,用電話拍都可以咁好玩,想學! 相關資訊【有片】不要玩比達!日本麥當勞玩具 hea出拳有喜感 (May 19, 2017) 【有片】80歲野沢雅子功力深厚 《龍珠 超》悟空 VS 悟飯 (May 18, 2017)

Read more ›
鋼製超重手 香港「武器屋」製高達盾
by / on 24/05/2017 at 10:46 pm

鋼製超重手 香港「武器屋」製高達盾

有網民報料,香港「武器屋」又有好嘢!嘩,試諗吓,用18gauge鋼製作,高過半個人,應該可以拎嚟做健身。呢間旺角「武器屋」,就係之前製作過聖鬥士青銅聖衣嗰間,今次佢哋話有客人訂製呢個Gundam RX-78-2嘅盾,雖然有網民話比例唔多啱,但勝在夠細美又夠重手,「武器屋」話呢個體積同厚度約$7,000製作費。經過一個月時間,上埋色,咁又有人留言話等睇Unicorn個盾,「武器屋」就話不如整GP-02嗰個……有核彈喎!咁到底幾多個人先舉得起? 相關資訊《機動戰士Gundam》魔蟹腕枕 插爆吉姆瞓晏覺 (May 26, 2017) 【有片】下個月有得睇 《機動戰士Gundam Twilight AXIS》第2彈預告 (May 14, 2017)

Read more ›
【有片】嚇鬼!廁所惡作劇 打開馬桶見鬼仔
by / on 24/05/2017 at 6:46 pm

【有片】嚇鬼!廁所惡作劇 打開馬桶見鬼仔

講真,如果係夜麻麻瞓醒去廁所,揭開個馬桶見到咁嘅情況,真係會嚇到爆開。有日本網民出圖之餘,亦都有條外國片見到佢哋之前已經咁玩……何必呢? 相關資訊網圖分享:連體活死人,嚇鬼! (Mar 19, 2014)

Read more ›

【有片】現實中還原 《Slam Dunk》櫻木、宮城突襲山王
by / on 23/05/2017 at 10:16 pm

【有片】現實中還原 《Slam Dunk》櫻木、宮城突襲山王

《Slam Dunk》嘅高校生,無論身高同技術都係似外國多啲,所以漫畫入面嘅場面,都可能要交俾外國學生嚟完成……有日本網民放咗呢條片上Twitter,話好似湘北對山王,櫻木同宮城兩大天才合作嘅突襲一擊Alley-oop! 相關資訊《Slam Dunk》 X molten出籃球 個盒超靚點捨得打? (Apr 14, 2017) 港版木盒曝光 《Slam Dunk》完全版再臨 台版好定港版好? (Jun 22, 2016)

Read more ›
我都有得玩?Amazon流出PS4《雷電V》即將推出
by / on 23/05/2017 at 10:05 pm

我都有得玩?Amazon流出PS4《雷電V》即將推出

又係啲流出嘅消息,不過據以往經驗,推出日期就未必靠得住,但係隻遊戲就好可能真係有。只有PS4冇Xbox One嘅飛機迷,又或者喺街機打第一代雙打兩蚊爆機嘅老鬼,應該都好想玩呢隻Xbox One獨佔嘅《雷電V(Raiden V)》,啱啱喺Amazon就見到有隻PS4「《雷電V(Raiden V): Director’s Cut Limited Edition》 with Original Soundtrack CD」,係就好喎!我好掛住條轉彎激光呀! 相關資訊新片速報 官方確認PS4版《雷電V Director’s Cut》 超多新元素 (May 26, 2017) 【有片】自動開關面罩 雷電Coser再現身TGS 影埋《MGS V》封面超爽皮 (Sep 22, 2015)

Read more ›
林克變新安州 揸Neo Zeong有劍有盾
by / on 23/05/2017 at 12:05 am

林克變新安州 揸Neo Zeong有劍有盾

呢位外國模型友Khris Ramirez,之前已經整過《寵物小精靈》版高達,今次再玩大結合就輪到《薩爾達傳說》嘅黏土人林克,加埋SD Neo Zeong! 相關資訊紅色有角!自護公國萬歲!ZEONICTOYOTA新安州戰車曝光! (May 10, 2014) 又有神作!郁得識著燈 新安州紙模型高過人 (May 8, 2013)

Read more ›
喪屍打不完 《生化危機》電影6部曲Reboot
by / on 22/05/2017 at 10:50 pm

喪屍打不完 《生化危機》電影6部曲Reboot

當《The Walking Dead》都喪極唔完嘅時候,啱啱完咗6集嘅電影《Resident Evil》Reboot又有幾奇吖?況且佢仍然都係最收得嘅遊戲改篇電影系列。Constantin Film嘅chairman Martin Moszkowicz喺Cannes Film Festival度講已經有reboot計劃,不過暫時就冇任何資料公佈,只係預計Paul W.S. Anderson同女主角Milla Jovovich都會out。機迷梗係希望可以係阿Chris同Leon做番主角,跟番遊戲劇情,咦咁仲可以拍外傳添。 相關資訊【香港6月上】《生化危機》CG動畫新作 香港戲院有得睇! (May 8, 2017) 【10大】日本女仔心目中「最浪漫邂逅」 勁似電影橋段 (Apr 5, 2017)

Read more ›