Articles by: 錢無義

繼續孤寒 Wii U試玩版遊戲玩得10次
by / on 02/12/2012 at 1:35 pm

繼續孤寒 Wii U試玩版遊戲玩得10次

有玩家喺網上面出post,話Wii U嘅上網功能雖然完善咗好多,但孤寒不變。同3DS嘅下載試玩版遊戲一樣,只容許玩家玩10次。不過又咁講啦,試玩版遊戲一向都唔長,玩10次咩都夠皮,想長玩長有,都係俾錢啦。 相關資訊今個周五停產 Wii U埋單差過GameCube (Nov 2, 2016) 新片速報 Wii U新手掣流出? 歐洲版廣告有可疑 (Dec 15, 2014)

Read more ›

潮毒系列 馬沙專用Porter 12月22日發售
by / on 02/12/2012 at 11:03 am

潮毒系列 馬沙專用Porter 12月22日發售

點樣可以毒在骨子裏?呢個「STRICT-G」×「PORTER」嘅新系列,就可以俾你暗地裏三倍速。12月22日推出,「STRICT-G」係Gundam專用服飾品牌,而「PORTER」就唔使多介紹啦,兩個品牌合作出咗啲咩呢?冇,都係基本款式,不過就用上馬沙專用紅色,都幾有聖誕氣氛。 相關資訊【$1050開訂】冧豬妙品 4月發售 Porter X 紙箱人Tote Bag (Mar 18, 2015) Porter X STRICT-G連邦特別版 今日開訂 (Mar 5, 2014)

Read more ›
2/23日推出 《BioShock Infinite》封面曝光
by / on 02/12/2012 at 10:45 am

2/23日推出 《BioShock Infinite》封面曝光

由Irrational Games開發,2K Games發行嘅《BioShock Infinite》,係PS3/Xbox360/PC嘅第一身射擊遊戲系列最新作,先前宣佈將會延期至2月26日推出。啱啱就有官方封面亮相,咦?唔見阿妹又唔見Daddy,而且仲一啲都唔驚嚇添喎! 相關資訊新片速報 PS4/Xbox One/PC《BioShock Collection》3集齊料9月出 (Jun 30, 2016) 【新片速報】紋身師傅專用義肢 改裝後似BioShock (Jun 12, 2016)

Read more ›
本周Coser 台灣Hiko金髮最靚
by / on 01/12/2012 at 8:54 pm

本周Coser 台灣Hiko金髮最靚

幾個星期冇介紹過西洋Cosplayer,今個星期繼續停留喺亞洲,不過,呢個嚟自台灣嘅HIKO(ひこ)就平時一般靚,但戴咗金色假髮扮西方人就更加係靚爆,例如《Lollipop Chainsaw》嘅Juliet,又例如《Catherine》個Catherine,但係扮女帝、《Love Plus》寧寧都幾OK喎!資料方面唔多,淨係知佢生日係2月4日,至於係邊年出世,佢喺自己Facebook page(入面有link)話係2008,咦?原來得4歲,咁算高大喇。 相關資訊本周Coser 日本しらほし (Apr 22, 2018) 台灣Coser落落Raku Cos《金瓶梅》李瓶兒 (Apr 20, 2018)

Read more ›
獵奇新片 動漫節變Deadpool射擊遊戲
by / on 01/12/2012 at 1:41 pm

獵奇新片 動漫節變Deadpool射擊遊戲

外國拍片單位Lumberjack Films真係幾有創意,佢將上個月舉行嘅紐約Comic-Con片段變成好似主觀射擊遊戲咁,仲有美國英雄Deadpool模式,見到佢又槍又埋身肉博,真係令人好肉緊,啱喇,打多幾拳啦,入我數。 相關資訊【紐約Comic Con】大量Coser圖集 女版Bowser洛克人 / 大量Marvel角色 (Oct 11, 2015) 新片速報 黑武士週街玩原力 性感囡囡交戲好嘆 (Jul 12, 2015)

Read more ›
新圖發佈《人中之龍 5》品田熱血打擊技
by / on 01/12/2012 at 1:08 pm

新圖發佈《人中之龍 5》品田熱血打擊技

試玩過桐生一馬之後,好期待另外四位主角嘅戲份,五大主角之一品田辰雄,就係其中之一,因為佢曾經都係以甲子園為目標嘅男人,好熱血呀!有關於佢嘅遊戲關卡唔少得打棒球,遊戲系統比起棒球遊戲一啲都唔輸蝕,而且仲可以透過搵五十嵐教練修練令瞄準框架變大,亦可用必殺熱血技令球速睇嚟蟻咁慢,兩隻眼都著火呀!遊戲下星期12月6日就推出喇! 相關資訊【圖集】超靚日本廣島櫻花圖 春天版《人中之龍》 (Mar 31, 2018) 【有直播】《人中之龍 極2》製作人名越監督到港 仲有大食女優桃乃木香奈 (Dec 1, 2017)

Read more ›

新品速報《Love Plus》虛擬女友過聖誕
by / on 01/12/2012 at 12:38 pm

新品速報《Love Plus》虛擬女友過聖誕

作為一個長情嘅機迷,唔會咁快唔記得寧寧佢哋啩?聖誕佳節當前,梗係要俾啲錢女朋友駛,Konami就俾呢個機會你喇。由12月15日至25日聖誕節,東京Midtown專門店就會推出一系列聖誕產品,有插畫有file有杯碟有海報,你睇佢哋著到幾靚! 相關資訊【東京遊戲展】《Love Plus》VR試玩 日本網民話個室似風俗店 (Sep 21, 2017) 女朋友回來了!《Love Plus》新作始動! (Aug 25, 2017)

Read more ›
新片速報《魔戒》Lego重現聖盔谷一役
by / on 01/12/2012 at 10:27 am

新片速報《魔戒》Lego重現聖盔谷一役

呢條片係外國Brotherhood Workshop製作嘅,有睇開佢啲片都知佢堅堅哋,今次就搵嚟大堆頭Lego陣容,用Stop Motion技術重拍《魔戒》入面「Helm’s Deep」聖盔谷一役!除咗有爆炸場面、攻城緊張片段外,驚喜所在係精靈射箭仔竟然出嚟搞笑,睇到嗰度真係嘻一聲笑咗出嚟! 相關資訊【有片】《魔戒》15周年 哈比人去旅行 記念網站遊紐西蘭 (Dec 19, 2016) 【不是夢】建築師網上集資興建《魔戒》城堡 目標價224億 (Aug 15, 2015)

Read more ›
本地最新報價 日版Wii U開訂 黑機$3,500
by / on 01/12/2012 at 10:05 am

本地最新報價 日版Wii U開訂 黑機$3,500

日版機嚟喇!之前美版個價睇見都唔安樂,加上芒亨同未來日式遊戲美版可能遲出呢個隱憂,應該都好多機迷決定買日版機。12月8日推出,葵涌廣場G Point就啱啱有最新報價。白機,即係8GB主機訂價$3,080;黑機32GB機,訂價$3,500,至於《Monster Hunter 3G HD ver.》同梱版主機就$4,500,想知日本價位、邊部抵、點買法先啱數,入嚟同你比拼吓!仲有,老闆細細聲講我知,隨時7號就有機,即係可能仲早過日本1日開到機!呢兩日放假,訂咗下個周末就有得玩,安心囉。 相關資訊新片速報 《Mario Kart 8》真人駕駛 YouTube紅人再出擊 (May 19, 2014) 美國Sears減價 唔使$800買32GB Wii U (Apr 21, 2014)

Read more ›
新圖發佈《真‧三國無雙 7》吳國猛將登場
by / on 30/11/2012 at 9:55 pm

新圖發佈《真‧三國無雙 7》吳國猛將登場

Tecmo Koei推出、ω-Force製作嘅PS3無限三國遊戲《真‧三國無雙 7》,啱啱又有新畫面睇,就係吳國嘅甘寧、凌統、黃蓋資料同武器,廢話唔講喇,有興趣就埋嚟睇啦。 相關資訊【有片】玩具Stop Motion 三國大戰 呂布vs趙雲 (Mar 31, 2017) 【有片】《真‧三國無雙8》公佈 玩開放世界全中國地圖? (Dec 18, 2016)

Read more ›
新片速報 《Dead Island Riptide》喪屍之歌
by / on 30/11/2012 at 9:43 pm

新片速報 《Dead Island Riptide》喪屍之歌

Deep Silver推出、Techland開發嘅《Dead Island》雖然好多人話中咗伏,不過可能係喪屍題材,下年4月23日推出嘅續作就一樣有捧場客,備受注目。《Dead Island Riptide》官方今日發佈咗幾張新圖,故事就講上集四個主角俾風暴搞到去咗另一個Palanai島,繼續大把喪屍等佢,仲有今集遊戲嘅新城市Henderson,都係好多觀光客嘅渡假天堂啦。至於影片方面,唔係遊戲畫面,而係一首由Sam B Feat. Chamillionaire,名為〈No Room In Hell〉嘅rap歌冇刪剪MV,有歌手有泳衣靚女,係冇喪屍啫。 相關資訊新片速報 新世代主機限定《Dead Island 2》Gameplay曝光 (Aug 14, 2014) 新片速報 PS4《Dead Island 2》搞笑預告 越跑越喪 (Jun 10, 2014)

Read more ›

行貨確定!《真‧北斗無雙》同梱PS3主機$2,580
by / on 30/11/2012 at 9:19 pm

行貨確定!《真‧北斗無雙》同梱PS3主機$2,580

嚟緊隻《人中之龍 5》部金色同梱主機型到爆,但冇行貨,搞到訂都要接近4千銀,點買呀?唔緊要,鍾意得咁man嘅人龍,更man嘅北斗一定有愛,12月20日推出嘅Tecmo Koei遊戲《真‧北斗無雙》,一樣有同梱主機,黑色趟蓋250GB主機,印咗北斗一眾主角健次郎同雷奧,手掣一樣正嘢,有北斗七星!仲有主角修羅之國嘅服裝下載碼,加埋個手機袋仔,你!已!經!死!了!連遊戲$2,580,有行貨,真係好,不過都要快訂喇。 相關資訊【有片】《北斗之拳》真人版?伊藤英明做主角?「你已經洗了!」 (Apr 24, 2018) 【本尊發現了?】演員Dolph Lundgren出圖 《北斗之拳》「ファルコ」似自己 (Apr 12, 2018)

Read more ›
新片速報 紐西蘭繼續哈比人 精靈語報告天氣
by / on 30/11/2012 at 4:42 pm

新片速報 紐西蘭繼續哈比人 精靈語報告天氣

可能《魔戒》系列同嚟緊12月上映嘅《哈比人:不思議之旅(The Hobbit An Unexpected Journey)》真係好幫到紐西蘭嘅旅遊業,所以,佢哋好鬼樂意同哈比人玩。繼之前紐西蘭機場同航空搞嘅魔戒搞鬼crossover(入面又有得睇)之後,啱啱仲有電視台新聞報導入面嘅天氣報導cosplay成精靈(Elvish)咁報天氣!而且唔只得個樣,佢仲講埋精靈語,天氣圖界面都轉埋「中土世界」風!有邊個識聽?所以要出英文字幕囉。 相關資訊【有片】死神來了再來了 紐西蘭超玩嘢宣傳落水安全 (Nov 9, 2017) 日本Twitter熱傳古怪雕像 人型手掌網民話似《寄生獸》 (Sep 3, 2016)

Read more ›
出街都懶 日本推出遙控夾公仔Game
by / on 30/11/2012 at 4:26 pm

出街都懶 日本推出遙控夾公仔Game

突然,我好懷念街機畫面靚過家用主機好多嘅日子,嗰陣啲遊戲多數出完街機,之後先移植家用機,大家會討論移植度幾高呀,少咗幾多重捲軸呀咁……你唔明?代表你好後生,大把青春。感性完,講正經,去日本唔少得玩過吓夾公仔機吖?啲獎品放喺邊沿引你夾,仲鬼死咁大份,仲冇得賣,啲舖頭咁早收,夾公仔真係食完飯最佳節目。不過o依家唔使出街,可以喺屋企上網夾,日本Netch推出網上夾公仔遊戲,24個鐘都可以玩,100円一次,中咗嘅獎品會寄番俾你,而且唔係虛擬o架!係影住架公仔機實況o架! 相關資訊【有片】終於成功了!夾公仔機 + 汽球被成功破解! (Sep 4, 2017) 【有片】又玩人!日本夾獎品機彈力啱啱好 (Jul 30, 2017)

Read more ›
日本大學宇宙航空研究室 瘋狂解構《Evangelion》
by / on 30/11/2012 at 4:16 pm

日本大學宇宙航空研究室 瘋狂解構《Evangelion》

日本人做嘢真係好認真,包括睇動漫畫。《Evangelion新劇場版:Q》之前發佈咗一段6分鐘片頭(入面有得睇),係講明日香喺太空作戰嘅呢,咁日本「[首都大学東京システムデザイン学部航空宇宙システム工学コース・宇宙システム研究室」呢,就走去研究太空船、2號機做嘅噴射、飛身動作嘅物理學,睇吓可唔可行,詳細我唔講,亦都唔識講,不過睇呢幾張圖,真係堅! 相關資訊真嗣唔錯喎?《Evangelion》賽車女郎攝影會 (Apr 20, 2018) 《Evangelion》鷺巣詩郎浴室現神秘石紋 庵野監督確認:「真的是EVA。」 (Apr 12, 2018)

Read more ›