Articles by: 苦茶

福利報價: 三連星渣克到貨 四驅車金屬工具紫黑粉紅斷貨
by / on 14/06/2015 at 5:31 pm

福利報價: 三連星渣克到貨 四驅車金屬工具紫黑粉紅斷貨

今個星期都係HG當道, 黑色三連星版, 有砌過紅渣都知好有誠意, 所以絕對值得買! Reconguista in G都有新嘢返, 哎! 我唔知點形容, 呢個系列喺我心目中, 完全OUT出咗高達之系譜, 喜歡的可以繼續, 同麻煩閣下幫小弟進行再教育; 另外喺收銀櫃對出, 我發現咗一隻砌起非常正嘅坦克, 相信唔太多人留意, 值得望吓。 相關資訊【仲嚟】富野由悠季透露 《Gundam Reconguista in G》新計劃進行中 (Apr 9, 2017) 【圖集】胡迪踩完蕉皮又玩火 玩具攝影師挑戰實時拍攝 (Mar 5, 2017)

Read more ›

一週碟報價:touch mi快斷貨? 皇家特工超熱賣
by / on 14/06/2015 at 3:55 pm

一週碟報價:touch mi快斷貨? 皇家特工超熱賣

上個星期冇乜片到, 大家揀碟都應該幾辛苦, 今周好好多, 西人動作片有兩套, 分別係《皇家特工:間諜密令》同《黑海潛航:追擊20億》,最正係兩套都好夠份量! 《鄭秀文世界巡迴演唱會》都係話題, 話題點有二, 一係去碟非常勁, 全球首張杜比全景聲演唱會藍光, 真心要撐! 聽講好多碟舖都想補貨, 不過發行嗰邊已經冇晒貨, 如果市面上貨量賣晒, 就要等佢印第二批了, 第二點……我知fans們聽了會唔開心, 但sammi啲快歌真係比以前冇咁勁了, 希望係我隻耳仔聽錯啦! 相關資訊一週碟報價: 哈比人五軍之戰多版本 英雄好漢數碼修復 (Apr 19, 2015) 一週碟報價: 翻生侏羅館BOX SET $359/ 鴨王我都想做 (Mar 22, 2015)

Read more ›
超聲波泊車Sensor 專防刮鈴
by / on 23/05/2015 at 9:05 am

超聲波泊車Sensor 專防刮鈴

泊車刮鈴呢家嘢, 真係好頭赤! 可能只係少少花, 不過個心硬係唔舒服; Indiegogo有件泊車利器推出, 佢叫SmartRim,只要將佢裝喺四條軚位, 佢就會透過超聲波訊號, 幫你檢測車軚邊有冇障礙物, 而且仲會即時透過手機App話你知, 同障礙物距離有幾遠; 不過電源幾麻煩, 每個Sensor要用一粒AA電, 使用時間大概泊到1,000次車。 相關資訊【SNOW騙案】日本野獸先輩 男人變可愛狗仔太過份 (Mar 13, 2017) 【又呃人】日本網民試用美圖App 山羊雙眼即時變大 (Mar 3, 2017)

Read more ›
靚仔版Macbook Port位救星 細細件/一開四
by / on 23/05/2015 at 8:39 am

靚仔版Macbook Port位救星 細細件/一開四

其實人生真係好無奈! 新Macbook為咗偷輕偷薄, 所以全機只預留一個USB Type-C Port; 但現實係唔夠用喎! 所以好多人都要買個分線器, 幫佢接駁上唔同嘅邊配件, 但問題又嚟喇! 用新Macbook, 出街用時例必要帶多個仔……咁究竟係真心輕咗細咗, 定真心戇Q咗? 呢個問題, 我都唔識答! 相關資訊任天堂Switch隱藏功能?可以幫MacBook Pro充電 (Mar 6, 2017) 【文青必買】梵高Q版figure 左耳拆得甩附送名畫 (Feb 12, 2017)

Read more ›
【有片】德國KFC新產品 藍牙Keyboard盤墊 食住雞打字
by / on 22/05/2015 at 4:47 pm

【有片】德國KFC新產品 藍牙Keyboard盤墊 食住雞打字

KFC呢期感覺真係好IT, 雞肶手機殼/USB手指/Mouse、炸雞字粒大Keyboard、早幾個月爆炸哥已經話好想要……o依家又多一樣, 佢叫 KFC Tray Typer, 冇錯! 就係成日放喺個食物 Tray上面張廢紙, 依家變咗做藍牙Keyboard。呢個「Tray Typer」係德國KFC嘅推廣活動,可能山打士上校都明白, 啲炸雞咁油, 呢個時候揸部機上手, 即係找自己麻煩啫! 所以德國KFC竟然諗到出藍牙Keyboard盤墊,厚度只有0.4mm、而且行叉電設計, 撳on就可以同電話、平板Bluetooth連接, 有咗佢之後, 大家就可以繼續做鍵盤戰士喇,當然,要實行呢個計劃,首先大家都要自律,唔好諗住拎塊墊返屋企先…… 相關資訊中國KFC推出「皮卡丘」套餐 比卡超玩具識叫識著燈 (Apr 27, 2017) 日本可愛兔仔除塵掃 匿入杯內當擺設 (Apr 22, 2017)

Read more ›
日本海底有麥田圈 唔通真係有哥斯拉
by / on 22/05/2015 at 4:02 pm

日本海底有麥田圈 唔通真係有哥斯拉

麥田圈呢家嘢, 一般都係喺田度發生, 有人話佢係外星人搞出嚟, 亦有人話飲支藍妹都整到出嚟; 不過今次日本嗰邊離奇啲, 竟然喺冇田冇麥嘅海底度發現……似啫,據講係一種生物整出嚟嘅,唔通日本海真係有哥斯拉!?

Read more ›

APPLE WATCH第三廠電池錶帶 加電量125%
by / on 09/05/2015 at 10:00 am

APPLE WATCH第三廠電池錶帶 加電量125%

有冇買或炒APPLE WATCH先? 個人嚟講, 真係非常唔睇好用佢嚟炒, 暫時大陸好多人接, 所以都幾好價, 但如果…… 總之成件事好被動, 小心損手啦! 至於用方面, 老實! 正常用、電量應該足夠, 但你如果鍾意周圍Show畀人睇, 應該玩半日就收工了! 外國有網有都發現呢個問題, 所以推出咗一款叫RESERVE STRAP嘅錶帶, 雖然睇樣比原廠錶帶醜樣好多, 不過佢有一個賣點, 就係錶帶內收藏有電池, 只要喺APPLE WATCH嘅「錶帶插口位」, 打開6-PIN PORT個檢查蓋, 佢就可以為手錶直接供電, 據稱電量可以增加125%, 暫時接受預訂當中, 有興趣可到下面網址昅昅。 相關資訊打怪手錶?Square Enix製作Apple Watch獨佔RPG (Jul 21, 2016) 新片速報:磁石夾爆Apple Watch,肉赤! (Jun 17, 2015)

Read more ›
超惡搞 斬頭滲血頸鍊
by / on 09/05/2015 at 9:00 am

超惡搞 斬頭滲血頸鍊

日本人嘅暴力文化, 個人嚟講……真係好鍾意! 電影、漫畫都畀到我好大嘅發洩, 所現實生活中, 我仲可以做個正常人! 今次呢條頸鍊真係非常爆吓, 係鋸頸滲血頸鍊, 絕對係RPG中紫色稀有物品, 我感覺到佢股氣場非常強大, 戴佢出街, 隨時各項屬性都有+10嘅機率。

Read more ›
福利報價: RE GP04可以一砌 C-3PO日本炒起要等
by / on 05/05/2015 at 9:00 am

福利報價: RE GP04可以一砌 C-3PO日本炒起要等

  呢個星期重點玩具, 都係RE GP04同RG 00 RASIER! RG都係一貫水準, RE GP04係不少人最愛, 不過開模都係RE粗線條嗰隻啦, 未至於全部左右夾, 而且機身分件都算OK合理, 但係刻線位就唔太精線, 如果想完美都有排執!

Read more ›
精品報價: 6000mAh紙箱尿袋曉着燈 妖怪手錶出高仿蛋機
by / on 05/05/2015 at 8:57 am

精品報價: 6000mAh紙箱尿袋曉着燈 妖怪手錶出高仿蛋機

  RE GP04同RG 00 RASIER呢啲熱賣嘢, 今個星期精品呢邊一隻都冇少, 不過比較搶眼係隔籬小朋友舖嗰邊, 佢哋返咗大量妖怪手錶新貨, 公仔、朱古力機、牛咁大嘅手錶……同我最愛嘅微型扭蛋機!!! 同步到貨仲有微縮版扭蛋, 一SET 一SET賣, 而且做得非常仔細, 喜歡呢套卡通嘅, 真係見者即死! 相關資訊日本《妖怪手錶》麵包死士親試 咬開一半似喪屍 (Oct 23, 2016) 日本網民路上發現 《妖怪手錶》地縛貨車 (Jan 27, 2016)

Read more ›
【一週碟報價】 賭神復修版睇Cap圖 清到景深都睇到
by / on 05/05/2015 at 8:27 am

【一週碟報價】 賭神復修版睇Cap圖 清到景深都睇到

  今個星期啲碟, 大部份都係二線片, 熱榜首係《親愛的》、《四非》同《解凍人生》, 不過個人最愛都係《賭神》, 佢都可算係發哥經典作, 裏面嘅經典對白, 可以話喺當年潮語嘅典範, 返印度食蕉、唔好意思大打咗少少、立體顯影眼鏡……最重要係復修版! 畫質唔講得美輪美奐, 不過咁舊嘅戲, 佢都已經做得好盡喇! 需知當年DVD版畫質差到好似VCD, 但今次BD版居然可以睇到畫面景深, 而且仲間唔中發現對焦位, 會走咗去主體側邊, $145我真係非常感恩喇! 相關資訊一週碟報價: 浪客劍心/衛蘭雙冠軍……JANICE加油呀! (Mar 2, 2015) 一週碟報價: BD回魂夜聽日到貨 年假後初五開爐 (Feb 16, 2015)

Read more ›

日版紙紥即影即有相機 真係影到相呀!?
by / on 21/04/2015 at 9:26 pm

日版紙紥即影即有相機 真係影到相呀!?

紙紥嘢係中國傳統藝術, 拜神、祭祖, 簡直居家旅行必備良藥, 代表作如iPhone、iPad、MacBook Air, 甚至一定會到貨嘅Apple Watch, 由此看出「大陸」紙紥廠嘅高工藝、同向錢看能力! 不過日本有位B. B. Korry決定要挑機 ,不過佢真係幾強, 以針孔鏡頭原理, 做出咗呢部高仿DSLR嘅紙紥相機, 全程都有影相做紀錄, 由馬屎紙造底, 到機身包黑紙, 再加膠紙、加補鞋膠防漏光, 睇完我都有股衝動, 想郁手自己整返部! 相關資訊【有片】攝影師自製超巨型相機cosplay 真係影得識閃光 (Nov 2, 2016) 【實驗】攝影師用$1相機影靚相 技術比器材重要 (Oct 23, 2016)

Read more ›
對付喵星人新利器 假Notebook偷呃拐騙大行動
by / on 21/04/2015 at 8:30 pm

對付喵星人新利器 假Notebook偷呃拐騙大行動

  打字上網用電腦時, 你隻貓會跳上keyboard嘛!? 用Desktop機感受未必咁深, 但如果係Notebook, 咁係九死一生, 尤其是冬天! 以我經驗, 我覺得切忌開住文書軟件走入廁所, 因為我試過出嚟之後, 家中喵星人幫我打咗14大板鬼劃符, 相信就算交畀有幾十年經驗嘅校對老先生, 都冇法破解到當中文意! 相關資訊【有片】超巨型喵星人好黐身 經常要抱考臂力 (Apr 30, 2017) 日本白麵包咕臣超像真 喵星人好識嘆霸住瞓 (Apr 29, 2017)

Read more ›
妖怪手錶和菓子 兒童節吞佢落肚
by / on 21/04/2015 at 8:02 pm

妖怪手錶和菓子 兒童節吞佢落肚

妖怪手錶係今年BANDAI重點項目, 玩具、模型、景品、超合金出到唔停手, 今次就特別啲, 玩和菓子–食べマス 妖怪ウォッチ! 睇SAMPLE賣相真係可愛到冇朋友, 分別有ジバニャン、コマさん同ウィスパー, 而味道分別係蛋奶豆、牛奶豆同朱古力豆沙味, 預計會喺4月29至5月5日、好似話係兒童節限定咁話; 真心! 如果出到好似呢堆SAMPLE咁靚仔, 食佢落肚, 真係有種罪惡感, 如果你話好似其它肉包咁, 個樣變成妖怪多過似手錶, 食佢落肚, 我覺得係對自己最惡毒嘅懲罰囉! 不過估計和菓子有機會好樣啲, 起碼整好個樣後, 唔使再過火嘛! 應該會易控制啲。 相關資訊【兵】Bandai出《天空之城》「ロボット兵」 57關節超可動 (Apr 6, 2017) 名古屋400年和菓子店 推出超靚櫻花和菓子 (Apr 3, 2017)

Read more ›
三文治吊床 港式露營享受人生
by / on 21/04/2015 at 8:00 pm

三文治吊床 港式露營享受人生

早幾日睇完新聞透視, 原來香港樓價貴絕全球, 睇住法國回流嗰兩母女, 話為成萬蚊租過豆腐潤咁細單位而流淚……你都住過HOUSE屎、享受過人生吖! 我哋呢啲香港仔, 用流血不止嚟形容都仲得囉! 好喇! 鬼頭露營友好似都想話感受吓港式生活, 所以發明咗呢個TRILLIUM HAMMOCK, 玩三層人肉巨無霸式吊床, 4.4×4.4×4.4米, 閒閒哋可以住到6個人, 上面有六角形防水幕遮風擋兩, 最樓下一層仲可以放背囊雜物, 最正係天熱時可以齋用網, 等佢透風, 天冷時有防風防水墊, 感覺相當OK喎! 價錢都只係要250美金。 相關資訊【新片速報】零私隱喵星人玻璃吊床 Kickstarter集資貓奴要買 (Jan 30, 2017) 有片:高手在民間!從高樓掟三文治入天窗!中! (Sep 28, 2016)

Read more ›