專題熱話

跟進報道 日本台場獨角獸有埋隻右手
by / on 17/08/2017 at 8:42 pm

跟進報道 日本台場獨角獸有埋隻右手

今朝先組裝上半身,最新臨收工有日本網民就影到台場呢隻1比1獨角獸Unicorn Gundam已經裝埋隻右手,喂,照咁睇,真係好似得喎。同埋真係好型! 相關資訊【相集】日本喵星人跳到咁高 企起身攝位超搞笑 (Aug 18, 2017) 日本銀座高級壽司放題 每位3990円Twitter熱傳 (Aug 18, 2017)

Read more ›

【有片】Switch專用手提投影機 隨時隨時大屏幕
by / on 17/08/2017 at 5:07 pm

【有片】Switch專用手提投影機 隨時隨時大屏幕

拎Switch出街玩,又想一大班人玩,嚟緊直情唔駛用電視。因為將會有呢部「OJO Projector」推出,可以唔駁電用4小時,畫面可以設定30吋至120吋,最重要係插埋部Switch入去好似加大碼Dock咁,都幾靚仔。官方發佈咗試機影片,不過價錢同發售日未公開,可以留意我哋跟進報道。 相關資訊【有片】Switch《ARMS》極秘影像曝光 新女角色即將登場? (Aug 16, 2017) 新片速報 Joy-Con騎馬 Switch版《Winning Post 8 2017》《Champion Jockey Special》9月發售 (Aug 8, 2017)

Read more ›
官方公開 PS4《勇者鬥惡龍11》繁體中文版11月11日發售
by / on 17/08/2017 at 4:06 pm

官方公開 PS4《勇者鬥惡龍11》繁體中文版11月11日發售

如果等緊中文版嘅,有好消息喇,就係《勇者鬥惡龍XI 尋覓逝去的時光》將會喺11月11日發售,今日(17日)喺台灣舉行嘅「PlayStation®4(PS4™)遊戲勇者鬥惡龍系列繁體中文版媒體發表會」中,除咗公佈發售日期外,仲講埋實體版會有附贈產品代碼早期購入特典,12月11日前買下載版嘅都可以有,包括戰鬥後獲得經驗值增加嘅美妙背心「幸福背心」,以及戰鬥後獲得金幣增加嘅金光閃閃背心「暴發戶背心」,預約特典就會遲啲公開,喺PS Store上嘅預購期間為2017年8月17日(星期四)至11月10日(星期五)。另外,《骰動人生好運道DRAGON QUEST & FINAL FANTASY 30th ANNIVERSARY》亦會喺2017年10月19日推出中文版。 相關資訊【有片】廣告話兩分鐘解構 史萊姆大歷史 (Aug 17, 2017) 新片速報 《勇者鬥惡龍》第1/2/3集PS4/3DS有得玩 Switch第10集11月推出 (Aug 6, 2017)

Read more ›
【後日開幕】台場「THE GUNDAM BASE TOKYO」率先睇 2,000款模型全球最齊
by / on 17/08/2017 at 1:29 pm

【後日開幕】台場「THE GUNDAM BASE TOKYO」率先睇 2,000款模型全球最齊

今朝先報完隻1比1獨角獸組裝緊上半身喇,咁又點會得個睇字冇得消費?之前Gundam Front Tokyo結業,o依家7樓就有呢間「THE GUNDAM BASE TOKYO」開番,後日8月19日正式開幕,朝早10點開到晚上9點,今日(17日)就俾日本傳媒入去影相,當中會有超過2,000款高達模型,堪稱全球最齊,嚟緊當然仲有限量版啦,另外亦都有1980年至o依家、超過1,500隻模型展出,加埋有以前淨係去靜岡「BANDAI HOBBY CENTER」先睇到嘅模型製作過程睇,最後即場可以試用唔同工具砌模型,高達迷又係時候準備出發喇,不過如果係專程去,都係等埋隻獨角獸搞掂先啦? 相關資訊《機動戰士Gundam》「一年戰爭」即將重製 40周年有得睇 (Aug 14, 2017) 溫度計就是激光槍 日本網民高溫還原Gundam名場面 (Aug 9, 2017)

Read more ›
完全爆甲有可能 日本台場獨角獸上半身組裝
by / on 17/08/2017 at 10:09 am

完全爆甲有可能 日本台場獨角獸上半身組裝

終於見到成形喇,啱啱日本網民又出圖,就係見到台場呢隻1比1獨角獸Unicorn Gundam已經裝緊上半身上去,睇個勢,似乎真係可以完全爆甲喎,但到時爆甲前後高度都有一定差距,到底做唔做到呢? 相關資訊【新片速報】日本水瀨仔超識嘆 四腳朝天鍛鍊指力 (Aug 18, 2017) 【新片速報】觸感似棉花糖可搣臉 日本喵星人化妝袋超可愛 (Aug 18, 2017)

Read more ›
日本異次元之喵 超動感相片形態突變
by / on 17/08/2017 at 7:48 am

日本異次元之喵 超動感相片形態突變

要捕捉喵星人嘅動感一刻唔算難,因為佢哋經常都好動感嘅,好似最近日本一位貓奴放咗呢幾張相上Twitter,佢同隻喵玩緊時,喵嘅動作太快,竟然變成圖中呢個狀態,由於形態實在太奇妙,好多網民RT同埋出圖回應,有人話佢係異次元之貓,入嚟有回帶。 相關資訊夏天真係好 日本水手校水著再推新款 (Aug 17, 2017) 【有片】大雨過後好好聽 日本金屬名牌變樂器 (Aug 16, 2017)

Read more ›

【悲劇】日本曳狗咬爛主人銀紙 網民出圖救亡
by / on 17/08/2017 at 7:35 am

【悲劇】日本曳狗咬爛主人銀紙 網民出圖救亡

有日本網民最近出咗糧,但係轉個頭竟然發現啲錢變咗做碎片!兇手仲懶無辜咁坐喺旁邊‥‥‥張相放上網後好多人RT,原來有唔少網民都試過,仲話日本銀行只要銀紙完整度有2/3已經可以全數換返。然後有網民喺啲撕碎晒嘅銀紙堆入面見到樋口一葉(即係好似郭藹明嗰位)嘅半個頭,話俾佢嚇親!仲有其他狗主嘅遇害圖,好豐富,入嚟有回帶。 相關資訊日本靈長類最強吉田沙保里 變身好大隻神奇女俠 (Aug 16, 2017) 【今日GIF】夏季甲子園最可愛?明櫻高校啦啦隊 (Aug 16, 2017)

Read more ›
超靚Pokémon透明精靈球 內附場景卡比獸好可愛
by / on 17/08/2017 at 7:17 am

超靚Pokémon透明精靈球 內附場景卡比獸好可愛

作為Pokemon嘅fans應該超想要呢幾粒精靈球。由日本RE-MENT推出,每個精靈球都係透明可以睇到入面嘅精靈,除咗唔同角色之外仲配埋場景,超靚!一共有6款,啱啱開始發售,除咗比卡超之外我最想要卡比獸,好可愛,好想儲齊一套呀。 相關資訊【多圖】日本人氣貓軍團 超可愛生活照Twitter熱傳 (Aug 13, 2017) 【有片】橫濱摩天輪變精靈球 巨型比卡超現身 (Aug 10, 2017)

Read more ›
【相集】爸爸畫作又出動     露兩手改圖變神作
by / on 17/08/2017 at 7:06 am

【相集】爸爸畫作又出動 露兩手改圖變神作

仲記唔記得呢位超勁爸爸?住喺日本嘅外國插畫家Thomas Romain最鍾意幫仔仔嘅畫作加工,之前都介紹過佢,最近又有大量新作,而且嘗試將仔仔嘅幾張畫作合而為一再加埋場景,效果超正。無見一排,仔仔嘅畫功有明顯進步,而且對古怪機械人情有獨鍾,好多款設計都睇得出佢極有創意,睇嚟大個咗好有潛質同爸爸一樣做插畫家。 相關資訊【相集】網上最劣貓畫作 Twitter帳戶專畫經典貓圖 (Jul 21, 2017) 【改圖】刺蝟仔變名畫主角 高質改圖刺蝟很忙 (Jul 19, 2017)

Read more ›
【1月推出】《SD Gundam》外傳「機甲神傳說」合體復活
by / on 16/08/2017 at 9:53 pm

【1月推出】《SD Gundam》外傳「機甲神傳說」合體復活

《SDガンダム》系列嘅《SDガンダム外伝 機甲神伝説》中,有呢個「元祖SDガンダムワールド 機甲神5体セット」,Bandai宣佈會喺2018年1月推出,即係包括有「機甲神ギガンティス」、「機甲神オルフェリス」、「機甲神ジュピタリアス」、「機甲神アクアリウス」、「機甲神マーキュリアス」,合體之後全高約27.5cm。官網已經開訂,23,760円。 相關資訊參戰作品更新 PS4/PS Vita《SD Gundam G Gen Genesis》11月發售 (Jul 22, 2016) 精品報價: AT-ST/TIE FIGHTER/STAR WINNING GUNDAM齊齊到貨 (Mar 2, 2015)

Read more ›
《權力遊戲》Jon Snow毛毛披肩來自IKEA 官方教學DIY
by / on 16/08/2017 at 7:44 am

《權力遊戲》Jon Snow毛毛披肩來自IKEA 官方教學DIY

美劇《Game of Throne》入面Jon Snow成日披住件毛毛披肩好有型,原來呢件披肩來自IKEA。之前劇入面嘅服裝師Michele Clapton喺訪問度透露咗,而IKEA最近就教埋大家點樣自製。本身係一塊毛毯,名稱係SKOLD,香港賣緊$359,要變做披肩就要先剪個圈,基本上唔駛點教都識,Winter is coming!大家買定塊返屋企準備吓嘞。 資料來源:http://www.ikea.com/hk/zh/catalog/products/80318938/?query=SKOLD 相關資訊【圖集】迪士尼變《Game of Thrones》 Elsa變龍媽 (Jul 25, 2017) 《Game of Thrones》龍蛋調味料 仲有龍媽背囊(!) (Jul 20, 2017)

Read more ›

【圖集】地獄版麥當勞叔叔 超高質插畫    童年回憶變惡夢
by / on 16/08/2017 at 7:19 am

【圖集】地獄版麥當勞叔叔 超高質插畫 童年回憶變惡夢

外國插畫師Wil Hughes嘅作品好高質,佢將小朋友最鐘意嘅角色全部變魔鬼級數,例如麥當勞叔叔、海棉寶寶、Waldo以至Homer Simpson,全部變晒恐怖樣,睇完實會發惡夢。而且佢超多產,佢仲有出手機殼或者咕臣之類嘅產品,買嚟送俾成日怪叫嗰位隔離屋嘅小朋友啦。

Read more ›
台灣迷你實景神人作品 高達被打太慘唔入圍GBWC?
by / on 15/08/2017 at 6:47 pm

台灣迷你實景神人作品 高達被打太慘唔入圍GBWC?

呢位Hank Cheng我哋之前都介紹過,就係製作咗好多迷你街景、實景嗰位,手工超好,作品超真實。啱啱佢就出咗圖,係佢嘅高達模型作品「寂滅之都」,極戰損嘅RX-78-2坐喺市街度,無論機動戰士本身或街景大樓都繼續超強真實感,可惜,竟然未能入圍GUNPLA BUILDERS WORLD CUP 2017!佢喺facebook寫咗,話可能因為高達被打得太慘,所以未能入圍……應該失望之餘講吓笑啫,加油呀。     想即時睇到更多日本文化、ACG、網絡最新資訊,請即加入facebook! https://www.facebook.com/GameoverHK 相關資訊【圖集】超型8bit木刻雕塑 木頭人起晒格 (Aug 12, 2017) 【相集】辦公室偷時間影相自娛 超正場景相勁到出相集 (Aug 10, 2017)

Read more ›
LEGO版戰神現身 自製Nismo GT-R
by / on 15/08/2017 at 4:38 pm

LEGO版戰神現身 自製Nismo GT-R

之前未見過嘅日產Nismo版GT-R,啱啱由外國LEGO高手砌咗出嚟。除咗外觀似外,頭冚仲要開得,仲要見到副3.8公升twin-turbo VR38 V6引擎! 相關資訊有片:李小龍Figure+Lego人仔+高達模型 Stop-motion動作片 (Aug 8, 2017) 【有片】射積木LEGO槍 有彈匣可上膛 (Jul 25, 2017)

Read more ›
裸體雕塑着返衫 法國攝影師神級PS技術
by / on 15/08/2017 at 7:10 am

裸體雕塑着返衫 法國攝影師神級PS技術

係過份嘅,法國攝影師Leo Caillard之前出過呢個系列,將經典雕塑加返件衫,最近推出第二彈,全部雕塑戴晒名錶著晒靚衫,睇落好富貴,仲充滿違和感。BTW要造到呢個效果全靠PS,攝影師邀請咗佢嘅朋友擺返同雕塑一樣嘅甫士然後影相,最後用Photoshop加工合成,技術相當唔錯。 相關資訊【時空操作】日本網民分享減肥傳單 度門點解變窄咗? (Aug 16, 2017) 【侷住】香港攝影師劏房相集 《National Geographic》深入採訪 (Jul 31, 2017)

Read more ›