專題熱話

新片速報 日本PS遊戲宣傳片 5噸鐵球打拳擊街機
by / on 14/02/2015 at 2:22 pm

新片速報 日本PS遊戲宣傳片 5噸鐵球打拳擊街機

到底呢條片係宣傳咩遊戲呢?唔係拳擊遊戲,而係3月26日喺PS4推出嘅《魔界戦記ディスガイア5》。講番條片,我記得我都喺美國寶玩過類似嘅拳擊街機,就係入錢後會有個軟墊升起,之後一搥打埋去睇吓有你一拳有幾多磅,都市傳說話有人打呢部機打斷手呀……好喇,今次佢哋就用一個拆樓用嘅5噸鐵球起重機,拉高8米撞埋去,結果會係點呢,呢一個會心一擊有幾多kg重呢……   相關資訊【新片速報】日本超勁固力果廣告 72位女演員演一個女仔一生 (Mar 10, 2018) 【有片】土屋太鳳/松井愛莉/廣瀨鈴賣朱古力 跳舞扮G字 (Oct 31, 2017)

Read more ›

新片速報 情人節自彈自唱大包圍 122首歌唔同人名
by / on 14/02/2015 at 1:06 pm

新片速報 情人節自彈自唱大包圍 122首歌唔同人名

首先我唔肯定呢位Jonathan Katz有無女朋友,不過佢肯定有一顆佛心,因為佢話知道唔係個個人都好似佢咁識寫歌,為咗令多啲女仔可以喺情人節收到一首冧歌,佢一口氣彈咗122首情歌比122個唔同名嘅人,上佢嘅YouTube就會見倒,可以試搵吓有無自己個名,然後對號入座。我就揀咗首「Mary」送畀大家。但係呢,老實,有無男仔會想share另一個男人唱嘅情歌比女朋友?似乎佢想主攻單身女性多啲。佢仲話嚟緊諗住將呢個服務擴充到男性市場,有興趣嘅可以掉個名比佢幫幫手。

Read more ›
新片速報 美國San Diego真蝙蝠俠自改蝙蝠車
by / on 14/02/2015 at 12:49 pm

新片速報 美國San Diego真蝙蝠俠自改蝙蝠車

又有真嘅蝙蝠俠,其實唔只美國之前有人Cos Batman做善事,台灣周董又有架蝙蝠車,日本千葉縣之前都有一位有架Batpod。不過呢一位喺San Diego嘅Chris Banner都勁,佢自己搵人整咗架蝙蝠車,而且仲會成日全副武裝揸埋架蝙蝠車出街!連屋企部拖拉機都有Batman標誌,佢話佢7歲開始就成為Batman狂迷,亦都係當年得到佢第一套羅賓衫(佢老豆做Batman嘛),而佢嘅職業就係房地產……我發現咗一樣嘢,喺現實生活中,似乎最多人會扮Batman,我諗係同有錢人嘅身份有關。 相關資訊【有片】日本DC動畫 《Batman Ninja》蝙蝠俠變武士 (Dec 2, 2017) 正喎!蝙蝠俠召喚LED燈 300蚊美元屋企變葛咸城 (Nov 11, 2017)

Read more ›
天生串樣喵星人網絡爆紅     有望成為下一個Grumpy Cat
by / on 14/02/2015 at 12:35 pm

天生串樣喵星人網絡爆紅 有望成為下一個Grumpy Cat

記唔記得美國好紅嗰隻Grumpy Cat?乸口乸面串串貢嗰隻呢,最近佢有勁敵喇,呢隻叫Sauerkraut嘅肥喵,天生都係一副串樣,喺Instagram開咗個戶口@thesauerkrautkitty,眨吓眼已經有29萬個貓奴做fans,佢仲喺個人簡介表明:「我個樣很不爽,但我很溫柔。」但係睇完主人摸佢條片,我唔信!入嚟評吓理。 相關資訊【笑臉喵】喵星人都有親善大使 笑面迎人皇恩浩蕩 (Dec 13, 2015) 《The Walking Dead》Rick捕獲Grumpy Cat 網友:「起碼殺幾隻喪屍!」 (Oct 12, 2015)

Read more ›
新片速報 雙馬尾囡囡 教你日本搭的士
by / on 14/02/2015 at 12:22 pm

新片速報 雙馬尾囡囡 教你日本搭的士

其實日本搭的士真係幾貴,所以冇乜嘢都唔會點搭,但有時攰起上嚟又懶得轉車……好喇,到底日本搭的士有啲咩要注意呢?呢個YouTube頻道「LearnTokyo」就拍咗段片教大家,仲示範埋如果發現漏咗嘢喺車咁點算呀?其實佢講嘅可能大家都知,不過位外國囡囡又講日文又雙馬尾又盛,咪睇吓。 相關資訊超方便!日本麻辣婆婆「單手食」版 唔駛整污糟隻手 (May 26, 2018) 【有片】日本痴漢出沒注意 偷拍影片Twitter熱傳 (May 26, 2018)

Read more ›
幪面超人新作!「仮面ライダー4号」揸飛機!?
by / on 14/02/2015 at 11:26 am

幪面超人新作!「仮面ライダー4号」揸飛機!?

3月21日有劇場版《スーパーヒーロー大戦GP 仮面ライダー3号》,之後3月28日就會有新特撮《dビデオスペシャル 仮面ライダー4号》第1、2話喺「dビデオ」獨家配信(第3話4月4日)!全3話,係劇場版世界之後嘅作品,演出嘅包括「竹内涼真」、「半田健人」、「中村優一」、「稲葉友」、「内田理央」!而且仲係拉打史上第一次揸飛機!佢個造型,都令人聯想到軍隊嘅飛行員…… 相關資訊著出街要勇氣 《幪面超人Amazons》出新Tee (May 22, 2018) 菅原芳人插畫 Bandai出《幪面超人Black RX》放送30周年Tee (Apr 22, 2018)

Read more ›

大阪誘人廣告 真短裙假美腿 引人抬頭望裙底
by / on 13/02/2015 at 11:59 pm

大阪誘人廣告 真短裙假美腿 引人抬頭望裙底

日本廣告不斷都有新嘢玩,最新喺Twitter見到網民分享出嚟嘅就係呢個喺大阪出現嘅健身美腿廣告,一對黑絲美腿著住短裙,本來都已經引人睇,再望真啲,嘩條裙真係圍住條柱,咁即係裙底…… 相關資訊【有片】日本網上熱傳 名古屋「痴漢無雙」 街頭放題級狂摸 (May 25, 2018) 日本女士專用「瞓覺的士」 有得按摩兼卸妝 (May 25, 2018)

Read more ›
日本網民好驚喜 原條方包去Party 原來內藏三文治
by / on 13/02/2015 at 10:55 pm

日本網民好驚喜 原條方包去Party 原來內藏三文治

日本人,心思同玩嘢方面真係冇得講。呢位Twitter用家「Near 13」佢最新就放咗兩張相上網,話有朋友帶原條方包去開Party!有冇搞錯呀,個個都花心機整嘢食帶去,你帶條方包去咁Hea?點知,原來條方包內有乾坤,打開個面,入面係細細件三文治!而且仲有好多款式!用方包嚟做餐盒實在係幾威,不過記得食埋個盒喎,不要玩食物呀! 相關資訊【圖集】日本超強爹哋 用囡囡畫作設計便當 (May 25, 2018) 日本網民神級地毯畫 《龍珠》阿樂被爆死 (May 25, 2018)

Read more ›
新片速報 PS4《Dragon Quest Heroes》7分鐘新預告加廣告 怪物同伴登場
by / on 13/02/2015 at 9:52 pm

新片速報 PS4《Dragon Quest Heroes》7分鐘新預告加廣告 怪物同伴登場

日文版就仲有兩個星期,2月26日推出,中文版就要等到夏天,唔等啦!呢隻PS3/PS4類無雙嘅ARPG《ドラゴンクエストヒーローズ 闇竜と世界樹の城》啱啱又有新片,新PV見到遊戲角色加聲優介紹,仲有遊戲系統,當中仲見到勇者鬥惡龍育成怪物召喚嚟用嘅玩法!另外,仲有聲優桐谷美玲、松坂桃李嘅電視廣告! 相關資訊【有片】《星之勇者鬥惡龍》新宣傳片 主角竟然係成龍! (May 18, 2018) 【有片】行住玩!新宿VR ZONE玩《勇者鬥惡龍》 4人合作雙手揸武器 (Apr 21, 2018)

Read more ›
新片速報 超強「Cosplay」變身全程睇 神人彩繪變《龍珠Z》菲利
by / on 13/02/2015 at 7:05 pm

新片速報 超強「Cosplay」變身全程睇 神人彩繪變《龍珠Z》菲利

好強嘅氣!我哋見過好多人玩菲利Cosplay,著件緊身衣油白塊臉就搞掂,但呢位「Pinkstylist」就唔同喇,直情達到特技化妝級數,佢拍咗條新片俾大家睇佢成個化妝過程,仲要油埋個身先至係勁!如果我係悟空,喺街見到佢一定出元氣玉掉埋佢度。 相關資訊日本Cospa出《ポプテピピック》制服 雙人Cosplay好適合 (May 26, 2018) 【圖集】時裝界災難 網上cosplay專門惡搞名牌衫 (May 26, 2018)

Read more ›
跟進報道 日本Animate訂錯「うまい棒」事件 各分店玩嘢贈慶
by / on 13/02/2015 at 5:52 pm

跟進報道 日本Animate訂錯「うまい棒」事件 各分店玩嘢贈慶

噚日(12日)報道咗呢單嘢,就係Animate大宮店嘅店長本來想訂「魔法のステッキ」,點知訂錯「うまい棒」,之後決定喺2月14日同15日放出嚟請客人食,嗰張相真心令人心酸又想偷笑。不過殘忍嘅唔只有份笑嘅我哋,仲有佢啲同事!日本各地Animate分店嘅Twitter都紛紛出post玩嘢,學佢入錯貨派街坊……果然,呢個已經成為一個宣傳活動,仲好成功添。 相關資訊【雕咗幾耐?】日本木工高手 自製紅勇士/魔蟹/強人可動模型 (May 24, 2018) 日本電視節目教影「錯覺相」 地下噴水扮飄起 (May 24, 2018)

Read more ›

日本跳跳貓寫真 喵星人Chok樣飛起
by / on 13/02/2015 at 5:22 pm

日本跳跳貓寫真 喵星人Chok樣飛起

日本寫真,除咗水著之外,萌爆嘅動物寫真都好好睇。呢本今個月20日發售嘅《飛び猫》,集合攝影師五十嵐健太喺4年間拍攝嘅寫真,合共130張,全部都係捕捉貓貓凌空跳起一刻。入嚟有幾超可愛嘅相預覽吓,見到佢哋飛起仲有個Chok樣,真係萌到死!1296円,唔知誠品會唔會有呢? 相關資訊日本今日「Kiss之日」 Twitter大量圖/片應節 (May 23, 2018) 日本喵星人影寫真 懷舊甫士超有少女味 (May 23, 2018)

Read more ›
日本神奈川現龍捲風 有片有相大量目擊
by / on 13/02/2015 at 4:42 pm

日本神奈川現龍捲風 有片有相大量目擊

橫濱地方氣象台喺今日(13日)日本時間下午3時42分,錄到神奈川縣西部出現龍捲風。咁喺Twitter就有好多網民放相同埋短片目擊,天朗氣清嘅藍天下見到有龍捲風,好彩唔係好勁。 相關資訊【新片速報】日本超溫馴白文鳥 任摸唔嬲似棉花糖 (May 23, 2018) 日本真實版《龍貓》 喵星人瞓巨型毛公仔Twitter熱傳 (May 23, 2018)

Read more ›
日本情人節 朱古力沾麵登場
by / on 13/02/2015 at 4:00 pm

日本情人節 朱古力沾麵登場

就算女朋友平時肯同你捱麥記,情人節都要食好啲聊表心意啦,如果喺日本,你就可以試吓去食拉麵喇。「麺屋武蔵」已經係第七年供應朱古力拉麵,不過今年就標榜加入最大量嘅朱古力嚟整,唔只啲麵上面放粒朱古力,而係直情用嚟做沾麵嘅醬汁。好唔好味好難講,不過我就諗起欣欣杯……呢個拉麵會供應到2月15日,新宿本店同蒲田店都食到,每日限量20碗,880円。 相關資訊日本知名設計師新作 腳趾尾都要戴頭盔 (May 22, 2018) 日本名模「平子理莎」47歲 外貌與真實年齡不符 (May 22, 2018)

Read more ›
新片速報 《One Piece海賊無雙3》山治/烏索普影片發佈
by / on 13/02/2015 at 1:31 pm

新片速報 《One Piece海賊無雙3》山治/烏索普影片發佈

呢隻《One Piece海賊無雙3》,可以話貫徹無雙傳統,就係隨時分唔清係第幾集……嚟緊3月26日會推出嘅PS3/PS4/PS Vita《One Piece海賊無雙3》,啱啱有山治、烏索普、古贊等人嘅戰鬥影片發佈。最後又想問吓喇,中文版要等到5月,等唔等? 相關資訊日本婚禮現場 《One Piece》「山治」蛋糕感人名句好啱用 (Apr 22, 2018) 特別版?劍士恥辱?《One Piece》索隆「背部受傷版」 (Apr 15, 2018)

Read more ›