專題熱話

賽車初音舉傘!「レーシングミク 2015ver」現身!
by / on 23/12/2014 at 11:21 pm

賽車初音舉傘!「レーシングミク 2015ver」現身!

  初音同Good Smile Racing形象一向分唔開,年年都有新嘅Racing Queen造形出場!官方啱啱公開咗2015年嘅初音造可喇,最正係騎士手上把槍其實就係賽車女郎必備嘅雨傘,香港人睇到真係別有感覺!話時話,咁水谷望愛下年仲係唔係呢個車隊先?有冇新制服先? 相關資訊韓國初音迷秋葉原唔見袋 日本網民出力協助 (Jun 5, 2018) 日本「初音之日」+「渣古之日」 大量賀圖賀片 (Mar 9, 2018)

Read more ›

日本模型展 最多外國人識的日本泳池 /EVA 2號機舉戰艦
by / on 23/12/2014 at 10:46 pm

日本模型展 最多外國人識的日本泳池 /EVA 2號機舉戰艦

早兩日分享過一張相,就係呢個應該最多外國人認識嘅日本泳池,我好熱愛運動,所以我都覺得好熟口面,唔知邊度見過,又好似記得又唔記得邊個喺度玩過水……原來!呢個「例のプール」模型係出自一個模型展,「TENGUmodelers」第3回作品展「船モケイ」,「主角」係泳池入面嘅1/35德國突擊工兵同突擊船艇。唔只呢個現場勁多人影相,仲有就係《Evangelion》2號機舉起戰艦一幕嘅情景模型「Love is destructive.」,兩對眼仲識發光!勁想要!唔只,仲有好耐冇見嘅《高立的未來世界》,原來船嘅模型都可以加入咁多動漫情景,入嚟多圖,堅正! 相關資訊日本國民美少女高橋ひかる Cos魔法少女/美少女探偵 (Jun 23, 2018) 【相集】日本超可愛鸚鵡 捐入襪仔勁得意 (Jun 23, 2018)

Read more ›
新片速報 你不知道N64的七件事
by / on 23/12/2014 at 4:15 pm

新片速報 你不知道N64的七件事

講起N64,我最記得一件事,就係我係為咗佢隻超級機械人大戰而出機,之後玩隻首次立體化嘅惡魔城玩到爆粗,仲有隻007金眼睛真係好好玩……好喇,又嚟「你不知道」系列,依然係Stop Motion拍,呢條片就講多七件機迷未必會知嘅事俾大家聽,例如呢部係最後一部用盒帶嘅家用主機,N64遊戲比PS1遊戲定價仲要貴$10美元,因為生產盒帶比碟貴,又再例如,自從1983年以嚟第一個手掣擁有Analogue…… 相關資訊請記低 任天堂E3 Direct下周直播等睇「大亂鬥」 (Jun 5, 2018) 壞機重生!任天堂舊DS變身GBA (May 21, 2018)

Read more ›
新片速報 夢之對決《Marvel vs. DC》Fan Made預告片
by / on 23/12/2014 at 12:15 pm

新片速報 夢之對決《Marvel vs. DC》Fan Made預告片

唔好話Marvel vs. DC,要蜘蛛俠加盟復仇者聯盟嘅電影都仲傾緊。電影版《Marvel vs. DC》,我諗暫時都可以列作「有生之年」系列。呢位YouTuber Alex Luthor可能知道大家都好希望有生之年睇到,於是佢就將過去大量超級英雄片剪接埋一齊成為呢條預告。有啲位係剪得幾好嘅,不過可能你會發現超人、蝙蝠俠會成日轉人…… 相關資訊【圖集】Marvel超級英雄「變性」 Loki超靚女Iron Man整容失敗 (Jun 8, 2018) 【圖集】還原Marvel超級英雄真面目 網民貪新棄舊 (May 11, 2018)

Read more ›
日本網民「偽娘圖」爆人氣 聖誕約會女裝版自己
by / on 23/12/2014 at 11:59 am

日本網民「偽娘圖」爆人氣 聖誕約會女裝版自己

呢個思維方法實在係好另類好衝擊,好星際啟示錄。呢位日本Twitter用戶「凪@偽娘」放咗幾張相,著住超性感女裝自拍嘅……咁睇佢個名都知佢係一名偽娘,佢之前都有影好多「性感相」,所以重點唔係呢樣,重點係佢句留言,話因為我冇女朋友同我過聖誕節,所以我會成為自己嘅女朋友。嘩!佢個骨架真係好少女,成件事相當咁奇幻!日本網民瘋傳佢嘅相再留言話:「太可愛啦!」「好性感!」「如果我飲醉酒,可能會帶錯咗佢返屋企。」「我唔覺得佢真係想要一個女朋友。」我就建議,有樣睇埋先下定論。 相關資訊日本網民夜媽媽嚇爆 爛面肯德基叔叔街頭奸笑 (Jun 23, 2018) 超強痛車日本Twitter熱傳 迷你模型塞爆全車 (Jun 23, 2018)

Read more ›
「GBWC 2014」世界大會 「The O」破格奪冠
by / on 23/12/2014 at 11:42 am

「GBWC 2014」世界大會 「The O」破格奪冠

早兩日,「GUNPLA BUILDERS WORLD CUP 2014」嘅世界大會就喺台場舉行,今年嘅冠軍唔係砌Gundam,而係用一隻MG「The O」改裝而成嘅「Invaders Found」作品!作者係40歲嘅馬來西亞代表Andy Wong,用咗6個月時間完成;亞軍就係日本代表、45歲嘅三木義久,作品係「天翔ける麒麟 ~バイアラン・カスタム試作2号機~」。至於少年組,日本嘅11歲「畑めい」妹妹今年只得亞軍,冠軍係韓國嘅Ji Hoon An,入嚟睇作品。 相關資訊【有片】18分鐘「Gundam RX-78 Prototype」外傳 Fan Made影片超用心 (Jun 10, 2018) 新一期《Animedia》「新機動戰記ガンダムW」封面 日網民:「今年係2018年?」 (Jun 6, 2018)

Read more ›

《街霸II》Nanoblock第二彈    軍佬印度佬出擊
by / on 23/12/2014 at 7:21 am

《街霸II》Nanoblock第二彈 軍佬印度佬出擊

香港好多人鍾意砌嘅細細粒nanoblock,之前公佈今個月出嘅《街霸II》阿龍同埋春麗,我都好買返套。可能見反應好,官方最新公佈會喺15年4月出多兩個角色 ─ 軍佬同埋印度佬!同阿龍、春麗一樣都係出緊招,軍佬就出手刀,印度佬就出下重拳伸長對手,可惜唔係玩yoga fire噴火吖。軍佬賣1296円,印度佬1188円。可能軍佬大隻啲用多啲料,所以賣貴啲。 相關資訊日本迷你喵星人亂瞓 攝入軟墊隙縫位超可愛 (Jun 12, 2018) 有片:韓國電視版《街頭霸王》 印度佬變和尚/蘇聯佬變肥仔 (May 21, 2018)

Read more ›
日本第5屆美魔女選舉   43歲家庭主婦奪冠
by / on 23/12/2014 at 7:19 am

日本第5屆美魔女選舉 43歲家庭主婦奪冠

日本嘅美魔女選舉之前都介紹過,眨吓眼又一年,啱啱日本就公佈咗第5屆美魔女嘅結果,結果由今年43歲嘅家庭主婦箕輪玖美攞冠軍!睇相見佢面尖尖眼大大,點睇都唔似43歲,而且夠天然唔似人造人。再睇埋其他亞季軍得獎者,難怪佢可以捧走冠軍,抵俾。 相關資訊世界盃日本贏波 大阪えびす橋震埋一份 (Jun 22, 2018) 日本流傳「百力滋復活術」 網民氹女兒偷偷調包 (Jun 22, 2018)

Read more ›
可愛豬仔相集     4磅跳升到500磅
by / on 23/12/2014 at 7:06 am

可愛豬仔相集 4磅跳升到500磅

做人真係好矛盾,我好鍾意食豚肉,但係又覺得豬仔都幾得意,尤其是有人養,又乾淨又可愛嘅豬仔。好似呢隻由加拿大夫婦收養嘅豬仔Esther,短短兩年間由4磅跳升到超過500磅嘅大肥豬,分明係太過好食好住!由於佢太可愛,仲令到佢哋兩夫婦決定戒肉變為素食者。佢哋亦好識做生意,網站入面有豬仔Esther嘅產品賣,例如2015年年曆、明信片、T恤等等,睇完我決定今日都係唔食豬肉住喇。 相關資訊【命中註定】外國小童天生兔唇及雙色瞳 被收養流浪貓竟然一樣 (Mar 29, 2018) 日本超奇妙產品 手機專用剪鼻毛機 (Jan 21, 2018)

Read more ›
日本LEGO高手 自製幪面超人Black RX擺到舖
by / on 22/12/2014 at 10:58 pm

日本LEGO高手 自製幪面超人Black RX擺到舖

我一向都好佩服啲自製LEGO嘅高手,要砌到神似仲要有活動能力,應該都要砌砌拆拆好多次。好似呢位「MoKo(@LEGOdouMoko)」咁,佢一向都有自製好多唔同角色,最新完成就係呢隻幪面超人Black RX!3字頭對Black嘅情意結可能最深,南光太郎!當年我真心覺得亞視好偉大o架…… 相關資訊【有片慎入】日本貓玩醒曱甴 衝去貓奴一聲慘叫 (Jun 21, 2018) 【相集】日本黑喵有朋友 毛公仔狗狗擔住周圍走 (Jun 21, 2018)

Read more ›
新片速報 PS Vita《數碼暴龍》新作新影片 3月12日推出
by / on 22/12/2014 at 10:26 pm

新片速報 PS Vita《數碼暴龍》新作新影片 3月12日推出

好懷念呀!但係新嗰套動畫版啲長大咗嘅人物造型,我真係唔太認得……唔只動畫,遊戲都再臨喇,之前都報道咗平台會係PS Vita,發售日係2015年,啱啱有埋確實日期,3月12日,仲有條5分半鐘預告片,涉谷喎!新角色喎!想唔想買嚟懷舊吓吖? 相關資訊羽生結弦最愛《數碼暴龍》片頭曲 團隊畫賀圖答謝 (Mar 5, 2018) 【有片】發售20周年 《數碼暴龍》機復刻版發售 (Jan 9, 2018)

Read more ›

新片速報 冬季動畫《夜ノヤッターマン》小雙俠多龍芝變9歲萌妹
by / on 22/12/2014 at 5:30 pm

新片速報 冬季動畫《夜ノヤッターマン》小雙俠多龍芝變9歲萌妹

《小雙俠》真係3字尾嘅珍貴童年回憶,不過真人版我唯一欣賞都係性感嘅深田恭子演多龍芝……嚟緊1月11日,就有呢套新動畫《夜ノヤッターマン》開播,主角係杜倫布賊黨(Dorombo Gang)三人眾,不過唔係講佢哋大過咗之後做壞事,而係多龍芝小時候,得9歲咋!

Read more ›
新片速報《One Piece海賊無雙3》全新預告片 「サボ」登場超爽快
by / on 22/12/2014 at 4:13 pm

新片速報《One Piece海賊無雙3》全新預告片 「サボ」登場超爽快

  3月26日,係,咁快又到《One Piece海賊無雙3》喇。睇吓到時玩完隻《Dragon Quest Heroes》未啦,不過應該都會入嘅,因為個人嚟講幾鍾意呢隻動畫風,而且無雙真係唔駛用腦,永遠都係發洩妙品。遊戲有PS3/PS4/PS Vita版,啱啱出咗第2彈PV,2分幾鐘,片中見到幾多Gameplay,另外當然唔少得早排雜誌情報講過會登場嘅角色「サボ」啦!初回特典俾你一開始就有得用! 相關資訊《One Piece》第89卷 尾田栄一郎畫40歲、60歲「路飛」、「艾斯」 (Jun 1, 2018) 新片速報 PS4《One Piece World Seeker》伸縮自在的手臂 (May 30, 2018)

Read more ›
有冇香港人份?日本網民回應對中國人反感調查
by / on 22/12/2014 at 3:28 pm

有冇香港人份?日本網民回應對中國人反感調查

早幾日有報道,話日本內閣府向3000名20歲以上嘅國民做咗個調查,就係對中國、南韓反感度,分別係83%同66%。咁我哋梗係希望日本人識得分中國人同香港人啦,日本Yahoo!新聞今日都有講,話蘋果日報報道之後,香港網民最擔心係唔知自己包唔包括喺無好感嘅中國人入面……而日本網民嘅反應都偏向覺得香港人好啲,當中最多人讚嘅留言包括係話o依家都唔覺得香港=中國,不過將來變成咁嘅可能性幾高;仲有就係叫香港人唔想咁就要努力啲;仲有人提到雨傘運動,睇嚟,我哋可以稍微放心之餘,將心比己,去日本旅行記得要顧多啲當地人嘅感受,自律啲,做個受歡迎嘅旅客呀! 相關資訊【有片】日本熱傳《黑洞》手機遊戲 玩法似《塊魂》 (Jun 21, 2018) 【有片】哥倫比亞球迷侮辱日女球迷 小學雞教講「我是妓女」 (Jun 20, 2018)

Read more ›
新片速報《Dragon Ball Xenoverse》改變歷史  故事模式超正
by / on 22/12/2014 at 3:05 pm

新片速報《Dragon Ball Xenoverse》改變歷史 故事模式超正

2月5日推出嘅PS4/PS3//Xbox 360/Xbox One嘅龍珠遊戲《Dragon Ball Xenoverse》,之前喺試玩會試過,雖然得對戰模式,但都已經覺得幾正!睇埋呢條片,我決定要入手!今次故事模式玩到好癲,玩回到未來改變歷史,自設主角可以參與原著經典戰役其中!影片最後,亦都公開咗遊戲嘅特典,一樣吸引喎!加埋之前報道過嘅超級撒雅人4悟空……龍珠迷今次走唔甩。 相關資訊日本網民神級地毯畫 《龍珠》阿樂被爆死 (May 25, 2018) 自改《龍珠》神龍波鞋 著上腳許願 (May 23, 2018)

Read more ›