專題熱話

【有片】日本天才發明 約會必備 頭盔表達你的愛
by / on 27/08/2014 at 2:51 pm

【有片】日本天才發明 約會必備 頭盔表達你的愛

o依家呢個年代,越嚟越多人成日匿喺屋企對住部電腦,喺網上回覆留言又快又神,但到真係面對面嘅時候……無錯!如果你同異性約會嘅時候,唔識得表達自己就大鑊喇!不過唔緊要,因為呢位之前發明咗「Oculus Rift虛擬女友share飲品」裝置嘅天才,又有新發明喇!只要戴咗呢個頭盔,你眨眼時,頭盔上面兩隻青蛙眼又會跟住眨;你心跳加速時,佢個心形LED就會閃!就算你吞口水,佢都會幫你表達出嚟!Amazing!唔好問我點解眨眼要用青蛙眼,亦都唔好問點解吞口水要話俾人知,總之,你戴呢個頭盔出去溝女,我夠膽講斷蟹嗰句:「三隻手指捉田螺!」 相關資訊日本柴犬變黑人問號 估錯接受唔倒影片Twitter熱傳 (Feb 18, 2018) 日本神級寶石畫作 木顏色畫出超強立體感 (Feb 18, 2018)

Read more ›

70年代《The Avengers》 復仇者前傳超正gif
by / on 27/08/2014 at 12:03 am

70年代《The Avengers》 復仇者前傳超正gif

如果《The Avengers》故事發生喺70年代會點?我相信Iron Man最難搞,套甲應該要插電線,而且顯示器應該最多係單色,反而其他角色應該影響不大……係估唔到鷹眼個頭有型成咁啫……呢套唔係前傳,只係阿Hulk「Mark Ruffalo」喺Tumblr放咗呢啲懷舊gif開心吓,有Robert Downey, Jr.、Scarlett Johansson、Chris Hemsworth、Chris Evans、Jeremy Renner同佢自己喺其他電影入面嘅演出。最後又提多次,《The Avengers 2》會喺2015年5月1日上映,仲有8個月倒。 相關資訊【X-Men參戰復仇者?】Marvel電影大團聚?傳迪士尼收購Fox電影業務 (Dec 6, 2017) 【有片】兩分半鐘預告曝光 《Avengers: Infinity War》下年5月上映 (Nov 30, 2017)

Read more ›
新片速報 小精靈 x 鐵拳 《Pokkén Tournament》2015大格鬥
by / on 26/08/2014 at 10:33 pm

新片速報 小精靈 x 鐵拳 《Pokkén Tournament》2015大格鬥

出格鬥遊戲都唔算太出奇,最正係同《鐵拳》嘅Tekken Team合作,製作人原田勝弘喺啱啱嘅直播宣佈,2015年會推出《Pokkén Tournament (ポッ拳トーナメント)》呢款街機格鬥作品,好明顯就係《鐵拳》嘅玩法,配上《寵物小精靈》嘅角色!喂!正喎!我想用小智呀! 相關資訊【有片】《Pokémon》火箭隊集結 千人砌比卡超破世界紀錄 (Dec 24, 2017) 【有片】比卡超玩Hip Hop 《Ultra Sun/Ultra Moon》Battle聽咗啲咩? (Dec 12, 2017)

Read more ›
大阪Glico廣告板 奔走男變綾瀨遙
by / on 25/08/2014 at 2:04 pm

大阪Glico廣告板 奔走男變綾瀨遙

個幾星期前道頓堀呢個Glico第5代奔走男廣告板就圍咗板喇,第6代要到10月先見得人。咁大個、咁多人經過嘅廣告位,梗係唔會俾佢嘥啦!最新就係有綾瀨遙嘅廣告,而且佢仲做埋奔走男個奔走姿勢,好可愛,不如第6代就咁啦,我都OK呀! 相關資訊【有片】大阪環球影城「Final Fantasy XR Ride」 戴VR遊魔晃爐摸陸行鳥 (Dec 27, 2017) 【好想去】大阪《龍珠》主題餐廳 食物超精緻大量精品 (Dec 10, 2017)

Read more ›
【有片】大量日本Twitter目擊情報 追蹤千葉蝙蝠俠
by / on 25/08/2014 at 12:23 pm

【有片】大量日本Twitter目擊情報 追蹤千葉蝙蝠俠

噚晚我哋都報道過,日本Twitter有人放咗喺千葉高速公路遇到蝙蝠俠嘅相片。好快,就有更多目擊情報出現,入嚟有大量新圖,而且仲有片睇!呢位蝙蝠俠佢真係好有型,不過讀者都係擔心佢件斗篷會攝入車轆……最後講多次,據知呢位日本Coser成日都會咁出動,而佢嘅座駕,要成900萬円…… 相關資訊日本玩具攝影師新作 星際勇者救藪貓連環圖 (Feb 17, 2018) 日本爛賭新人「結婚蛋糕」 巨型牌局坐低即開枱 (Feb 17, 2018)

Read more ›
本周Coser 南韓Luno愛外拍少味精
by / on 24/08/2014 at 9:10 pm

本周Coser 南韓Luno愛外拍少味精

仲有一個星期,完喇,暑假完喇,呢種心情我都經歷過,所以我好明白。趁住仲有時間,夜啲瞓之餘,都出去玩吓啦。南韓Coser有個特點,就係好鍾意影室內佈景,而且執相執得好勁,好少好似Luno咁鍾意外拍,而且相片嘅味精唔多,冇咁口渴。 相關資訊【有片】香港C3 Cosplay 蜘蛛俠識大細啤 (Feb 11, 2018) 搵多上年10倍!日本Coser「えなこ」月入1000萬円! (Feb 10, 2018)

Read more ›

一週碟報價: Z風暴可以一撐 突擊死亡塔2激打照例三級
by / on 24/08/2014 at 8:04 am

一週碟報價: Z風暴可以一撐 突擊死亡塔2激打照例三級

今個期港產片有《Z風暴》, 古仔、林家楝同林靜, 都係港產片近年最在行嘅反貪片, 戲碼、選角都算係咁, 可以一撐; 《突擊死亡塔2》我覺得仲正啲, 第一集嘅血腥暴力困獸鬥, 完全俾佢嚇親, 今集多咗啲故事性同玩花式, 雖然好似冇咁RAW, 不過都比好多同類電影來得血腥, 50GB 150分鐘, 照樣係三級; 個人心水仲有中國電影《白日焰火》, 女主角索就固然吸引我, 中國式警賊故事+離奇碎屍案, 仲攞埋柏林影展金熊獎, 不過可惜只有DVD。 相關資訊一週碟報價:touch mi快斷貨? 皇家特工超熱賣 (Jun 14, 2015) 【一週碟報價】 賭神復修版睇Cap圖 清到景深都睇到 (May 5, 2015)

Read more ›
精品報價: BEARBRICK英格倫ACTION FIGURE炒味濃
by / on 24/08/2014 at 7:59 am

精品報價: BEARBRICK英格倫ACTION FIGURE炒味濃

今個星期一定要留意三隻小熊同英格倫, 聽講兩者來貨唔多, 相當有炒味! BEARBRICK有透明、夜光同光面黑三種顏色, 英格倫ACTION FIGURE個人覺得造工一般般啦, 不過Sales話佢嘅貨品一向相對少, 所以幾有收藏同升值能力。 相關資訊【有生之年】連載再開 《五星物語》2月回歸《NewType》 (Nov 11, 2015) 【今次堅】個孫燒俾我系列 《五星物語》最新13卷8月10日發售! (Jul 7, 2015)

Read more ›
新片速報 第2季激戰再開!《Gundam Build Fighters Try》最新3分鐘預告(中文字幕)
by / on 23/08/2014 at 1:41 pm

新片速報 第2季激戰再開!《Gundam Build Fighters Try》最新3分鐘預告(中文字幕)

《Gundam Build Fighters》第2季10月8日6點開播,官方喺今日(23日)就發佈咗新嘅宣傳片,長3分鐘,有埋中文字幕版!今次故事舞台會係前作7年後,主線係講「聖鳳学園ガンプラバトル部」嘅部員「カミキ・セカイ」、「コウサカ・ユウマ」、「ホシノ・フミナ」3人組成「トライ・ファイターズ」爭奪選手權嘅故事,新角色新機體,同埋我好期待係更多舊有角色以路人甲身份登場呀! 相關資訊Bandai水陸兩用吹氣蟹 最正係Haro沙灘波 (Feb 17, 2018) 《機動戰士Gundam 00》10周年 日本玩LINE貼圖 (Feb 16, 2018)

Read more ›
又來了!求PS大神系列 技高創意高
by / on 22/08/2014 at 4:18 pm

又來了!求PS大神系列 技高創意高

其實經過咁多次之後,都知求PS大神冇乜好結果,不過既然咁多人想借刀又想尋自己開心,PS大神都好樂意滿足大家,好似呢幅圖咁,黑超男話想要多啲肌肉,PS大神即時實現佢願望……講真,有好多圖真係忍唔住笑出聲,求PS大神幫我呢個Post多啲Like…… 相關資訊【圖集】人類總要睇唔厭 PS大神都有窩心時刻 (Mar 20, 2017) 網圖分享:跪求PS大神 James Fridman笑爆惡搞 (Mar 16, 2016)

Read more ›
惡搞《哥斯拉》S.H.MonsterArts 變身美少女長腿索K
by / on 22/08/2014 at 12:01 pm

惡搞《哥斯拉》S.H.MonsterArts 變身美少女長腿索K

哥斯拉其實唔算好壞,有時仲唔小心救番人類添。喺呢位Blogger「Gigabeetle」手中,哥斯拉都充滿童真,佢拎咗隻S.H.MonsterArts嚟惡搞,影咗好多相,除咗變身美少女戰士,仲露出長腿,更加發現原來Batman先係真身!不過……吸毒就唔係好啱喇,打到你凌空飛起5米o架! 相關資訊【玩具咁樣玩】個樣有啲老 哥斯拉變橫綱相撲手 (Dec 7, 2017) 新宿哥斯拉專門店 日本網上睇圖 (Nov 21, 2017)

Read more ›

熱潮正式回歸!原作20年後世界!今年秋季《四驅兄弟》新作漫畫登場!
by / on 20/08/2014 at 8:25 pm

熱潮正式回歸!原作20年後世界!今年秋季《四驅兄弟》新作漫畫登場!

日本,之後香港,四驅車熱潮已經越炒越熱,就係爭一套新作!有喇!今年秋天,正正係四驅兄弟《爆走兄弟レッツ&ゴー!!》20周年,將會喺「小学館」嘅《コロコロ増刊号》有新作登場!而且仲係原作20年後嘅世界,即係星馬豪兄弟會變咗大人!同我哋一樣,以前細細個,o依家變咗大人都想玩!原作漫畫當年喺1994年6月號至1999年10月號嘅《コロコロコミック》連載,今次帶埋新麥林號正式回歸! 相關資訊《四驅兄弟》「一番賞」 模型盒吊飾/四驅Cushion最吸引 (Jul 4, 2016) 日本囡囡玩四驅 「デコ四駆」裝飾有樂趣 (Jun 1, 2016)

Read more ›
【有片】超強Cosplay Metal Gear REX識行識走識著燈
by / on 20/08/2014 at 5:54 pm

【有片】超強Cosplay Metal Gear REX識行識走識著燈

勁!真心好勁!YouTuber Mike Hecxz喺美國「Otakon 2014」拍咗條片,就係Cosplay團隊「Pro Voltage」組裝呢個Metal Gear REX時候嘅影片,夾埋Cosplay嗰位,組裝需要最少兩個人,揹住巨型上半身嘅佢仲要企高加埋對腳,我覺得未裝腳前,識行識走個樣有爆炸性好多…… 相關資訊新片速報 《Metal Gear Survive》似咩Game?下個月有Beta玩 (Dec 14, 2017) 到底有冇人買?《Metal Gear Survive》發售日公開 (Oct 25, 2017)

Read more ›
新片速報 《多啦A夢》法寶現實化 神奇「望遠擴音器」
by / on 19/08/2014 at 8:49 pm

新片速報 《多啦A夢》法寶現實化 神奇「望遠擴音器」

《多啦A夢》嘅法寶,如果用現代科學嚟整,到底有幾多件可以成真?日本呢個「四次元ポケットPROJECT」,第1彈整咗個「セルフ将棋」,講真悶悶哋,不過啱啱呢個「望遠擴音器(望遠メガフォン)」就幾正!入嚟有得睇番呢個道具嗰集動畫,即係可以離遠對住目標人物講嘢而只有佢聽到。成功研發仲拍埋片,但效能有幾勁,都係得佢哋講……戥凳鄧凳! 相關資訊【有片】星野源唱《多啦A夢》主題曲 新劇場版3月上 (Jan 16, 2018) 【新片速報】日本女藝人扮多啦A夢 超神似贏走1千萬円獎金 (Dec 12, 2017)

Read more ›
懷舊毒_ 90年代秋葉原時裝特集
by / on 19/08/2014 at 4:44 pm

懷舊毒_ 90年代秋葉原時裝特集

90年代,網絡冇咁發達,冇得話上日本網就睇到o依家秋葉原興啲咩,當年更加未有錢飛去朝聖啦……到底當年嘅秋葉原係點?當年秋葉原班動漫迷又咩裝扮?見到呢個圖集,我覺得好有觀賞價值。集合咗好多唔同Style嘅90年代宅男相片,裝扮各有特色,尤其係著背心戴手套嗰位,o依家著成咁殺落旺角,都唔會覺得out呀! 相關資訊【新片速報】日本喵星人陪玩芒亨 等Load Game可以摸喵 (Feb 17, 2018) 日本曳貓偷飲麵豉湯 診所驗血好彩無事 (Feb 16, 2018)

Read more ›