專題熱話

【有片】自製聖誕禮物盒    print完跟住摺超簡單
by / on 19/12/2014 at 7:09 am

【有片】自製聖誕禮物盒 print完跟住摺超簡單

仲有幾日又到聖誕,男女朋友公司party,乜都要聖誕禮物,網上見倒好多自製包裝禮物盒嘅教學,幾實用,袋起佢年年都有用。跟住網上紙樣列印出嚟,之後照住摺就搞掂,慳返買包裝盒嘅錢,而且自製夠心思,仲可以順手用埋公司個printer,物盡其用。(我建議你哋唧,我唔會咁做嘅) 相關資訊媽媽自製超正壽司蛋糕 日本網民放閃相Twitter熱傳 (Jul 14, 2018) 日本超強網民DIY 蟹殼最終形態機械人 (Jul 13, 2018)

Read more ›

有片   YouTube勁片《PIXELS》拍電影    明年8月上畫
by / on 19/12/2014 at 7:01 am

有片 YouTube勁片《PIXELS》拍電影 明年8月上畫

之前有套YouTube短片《PIXELS》好勁,講紐約比班8-Bits生物入侵,好刺激,仲有超過140萬點擊,之後話會拍成電影,沉寂咗4年,最近終於有電影海報曝光,仲公佈埋電影會喺下年8月5日上畫,由Chris Columbus做導演。睇海報見倒巨型食鬼、太空侵略者,有啲期待,入嚟有得回帶睇返當年套短片,而家睇返都覺得正。 相關資訊揭露日本大企業OT問題 YouTube頻道專拍大廈外牆片 (Jul 12, 2018) 【相集】喵星人變電影海報主角 怪獸喵亂入超正 (Jul 6, 2018)

Read more ›
嚴寒佳節必備 人形攬枕男女裝 換衫「壁ドン」冇問題
by / on 18/12/2014 at 10:05 pm

嚴寒佳節必備 人形攬枕男女裝 換衫「壁ドン」冇問題

嚟緊聖誕節,之後新年,之後情人節,之後新年,之後復活節、端午、清明,咁多節日,冇番個伴點得?尤其係冬天呀,天寒地凍又放假,打機睇波都想有人攬吓吖?日本推出呢個人形攬枕就係你嘅及時雨,女裝版「綿嫁 WY1-26」,高148cm,賣8,400円;男裝版「綿旦那 WD1-27」,高162cm(做男嘅會唔會矮咗啲?),賣10,800円,你可以幫佢著唔同嘅衫,佢仲可以擺唔同姿勢,可以搭住你膞頭同你睇碟打機,又可以俾你瞓大脾,官網仲話你可以帶佢出街坐喺司機位隔籬,仲可以同你玩「壁ドン」,用途多到你估唔到,嘩我真係唔明點解仲要識男/女朋友呀! 相關資訊【有片】地震前有咩反應 日本貓Cafe閉路電視足本睇 (Jul 16, 2018) 【有片】日本網民咩玩法?買齊設備冇買倉鼠 (Jul 16, 2018)

Read more ›
新劇場版第2彈《頭文字D Legend2-闘走-》5月上映
by / on 18/12/2014 at 9:47 pm

新劇場版第2彈《頭文字D Legend2-闘走-》5月上映

1995年開始連載嘅漫畫,曾經令到香港連貨Van都貼住「藤原豆腐店」貼紙。繼8月嗰陣喺日本上映咗嘅《頭文字D Legend1-覚醒-》之後(12月26日日本推出藍光碟),第2套新劇場版《頭文字D Legend2-闘走-》都公佈咗會喺2015年5月23日公開!張海報係GTR車尾,知對手係邊個啦? 相關資訊日本車迷設計 超勁《頭文字D》風格模型車 (Mar 13, 2018) 【有片】日本路上遇見「高橋啓介」 長大後揸拖車? (Aug 14, 2017)

Read more ›
聽日Toy Soul  會場預覽《街霸II》影相位 懷舊展區率先睇
by / on 18/12/2014 at 9:01 pm

聽日Toy Soul 會場預覽《街霸II》影相位 懷舊展區率先睇

聽日Toy Soul開幕,有冇人會去睇吓嘢買吓嘢?如果想去PS個懷舊展區,入嚟有得預覽吓,而今日嘅傳媒預覽都有現場相睇吓,呢個《街霸2》背景,一定係重點影相位啦!仲有睇吓啲Show Girls,我真係好想入去瘋狂打機呀!另外上星期傳媒預覽會我哋都影咗啲珍貴展品,當中個人覺得PS2《太空侵略者》嘅特別版控制器最正,以陳年枱機為造型,放個控制器入去就可以玩得!仲有就係當年《FF X-2》嘅雙槍控制器,當年唔知有邊個真係會拎嚟玩!最後,想玩番拳王、Metal Slug呢啲經典遊戲,都可以入去懷舊區玩吓。  

Read more ›
新片速報 亂入遊戲 Blanka又搞事
by / on 18/12/2014 at 5:37 pm

新片速報 亂入遊戲 Blanka又搞事

之前睇過Blanka去咗現實世界,被key入啲現實世界片段入面,夾啱時間撞跌人都幾好笑。今次佢就入去唔同遊戲入面喇,有FIFA啦、DIABLO啦、真人快打啦…… 相關資訊【圖集】法國街頭藝術家 斑馬線變《街霸》戰場 (Jun 27, 2018) 【有片】《Street Fighter II》Cosplay 聲音似過畫面 (May 13, 2018)

Read more ›

瘋癲!1面169粒扭計骰 密集核突玩死人
by / on 18/12/2014 at 4:47 pm

瘋癲!1面169粒扭計骰 密集核突玩死人

密集恐懼嘅,睇見都毛管楝啦,仲玩?除咗基本3X3,其實都見過有10X10,不過呢個「IQ Cube」再玩大啲,13X13,每面有169粒,仲要唔係四四方方有啲凸起咁,講真,莫講話玩,睇到都已經覺得有啲核突……而且價錢仲唔平,賣320美元。 相關資訊【有片】日本高手900扭計骰砌小精靈 開櫃門唔小心…… (Jun 11, 2018) 【新片速報】日本神級LEGO機械 識解扭計骰Twitter熱傳 (Jan 3, 2018)

Read more ›
【有片】Glico新宣傳片 食Pocky奏聖誕歌
by / on 18/12/2014 at 3:45 pm

【有片】Glico新宣傳片 食Pocky奏聖誕歌

之前睇過超市收銀櫃位o都出聖誕,今次輪到食Pocky嘅聲。雖然我覺得佢應該加工咗唔少,但出嚟效果都幾得意。睇完呢條「Crisp Concert」,我成日都好似聽到有人喺我耳邊唱:Single bell Single bell……係咪我問題? 相關資訊融入海邊 日本魚形拖鞋夏天玩水必備 (Jul 16, 2018) 【新片速報】日本黑喵遇見白喵時鐘 最遙遠的距離 (Jul 16, 2018)

Read more ›
西安站神翻譯 「Please wait outside a noodle」嚇親留學生
by / on 18/12/2014 at 3:12 pm

西安站神翻譯 「Please wait outside a noodle」嚇親留學生

大陸嘅翻譯咩都大,「干」等於「Fxxking」係最常見嘅笑點。不過有留學生就有新發現,佢喺西安北客站提款機前見到呢個告示,中文係叫你喺「一米線」外等候,英文就應該係譯咗做「一」「米線」,於是:「Please wait outside a noodle.」留學生搵咗好耐都搵唔到條麵喺邊……另外,到底「Social Vehicle」係…… 相關資訊【有片】網上熱傳 日本人試深圳「完全無人食堂」 (Jun 25, 2018) 【有片】中國婚禮掟炮仗似戰場 煙霧迷漫外國網熱傳 (May 11, 2018)

Read more ›
日本無重力座椅 其實自己一個更開心
by / on 18/12/2014 at 2:47 pm

日本無重力座椅 其實自己一個更開心

呢張座椅,聲稱可以俾你坐到好似零重力咁,即係全身放鬆晒唔駛用力……之後,佢有埋個架可以俾你放電話、Tablet或者手提遊戲機,而且仲有充電插口,除咗去廁所之外,唔會再諗到其他理由起身。如果我有呢張座椅,聖誕節一連4日假期應該好開心。39,900円,真係唔貴啦。 相關資訊日本war game場婆婆「暴力教會」新造型 (Jul 16, 2018) 本周Coser 日本「かりん」 (Jul 15, 2018)

Read more ›
男主角同速龍做朋友《Jurassic World》新圖發佈
by / on 18/12/2014 at 12:23 pm

男主角同速龍做朋友《Jurassic World》新圖發佈

其實喺之前條預告中,都見到駕駛電單車嘅男主角Chris Pratt唔知俾班速龍追定同班速龍一齊跑……啱啱喺導演Colin Trevorrow嘅Twitter,又睇到多張圖,係男主角同速龍影嘅合照!唔係friend成咁嘛?電影會喺2015年6月12日上映。 相關資訊【訓練化骨龍】《Jurassic World》Chris Pratt招牌動作 又探兒童醫院 (Jun 23, 2015) 新片速報 《Jurassic World》新電視預告 新大佬惡過暴龍 (Mar 31, 2015)

Read more ›

日本網民記念 麥記停售大/中薯條前夕
by / on 18/12/2014 at 11:47 am

日本網民記念 麥記停售大/中薯條前夕

早兩日報咗,因為美國西岸勞工合約糾紛導致貨源短缺,所以日本麥記由噚日(17日)開始就會停售大/中薯條,只會得番細薯條,直至另行通知。於是,日本就好多人趁最後一日去食番個大薯條,仲放咗啲相上Twitter……大中細薯都係嗰啲薯條啫?我諗,係因為個包裝,同嗰份情懷啩…… 相關資訊【新片速報】日本麥記「開心樂園餐」 比卡超主題個盒超靚 (Jul 4, 2018) 日本麥當勞推出「蛋黃哥麥旋風」 開心樂園餐玩具超正 (Jun 7, 2018)

Read more ›
新片速報   貓狗用刀叉食聖誕大餐   邊食邊玩手機
by / on 18/12/2014 at 7:20 am

新片速報 貓狗用刀叉食聖誕大餐 邊食邊玩手機

聖誕節就到,上網睇乜都同聖誕有關,不過呢條片好快就吸引倒我注意力,因為13隻狗同埋貓坐定定食聖誕大餐,咦,點解佢哋識用刀叉食嘢嘅?睇真啲,所有貓仔貓仔都係著住套靚衫坐喺度,隻手就係由真人扮嘅,佢哋有啲仲好似人類咁,一邊食一邊玩手機。咁班臨時演員係齋睇無得食,定還是可以食殘癈餐呢?睇到尾就知。

Read more ›
新片速報    超精緻哈比人貓屋    魔眼貓抓板喵星人大愛
by / on 18/12/2014 at 7:19 am

新片速報 超精緻哈比人貓屋 魔眼貓抓板喵星人大愛

《哈比人:五軍之戰》噚日香港正式上映,外國有人居然整咗間哈比人貓屋同埋Tower of Sauron貓抓板比魔戒fans,唔係一般hea製作,而係由專門整道具嘅Tim Baker同佢嘅團隊合力完成,再喺節目《Super-Fans Builds》入面送比貓奴嘅魔戒fans。睇見貓抓板上隻索倫之眼比喵星人狂抓,一世英明,比佢搞到一面口水! 相關資訊【有片】超強情景 甘道夫決戰炎魔「You shall not pass!」 (May 11, 2018) 日本人用貓屋 貓女係宮本彩希 (Apr 25, 2018)

Read more ›
新片速報   韓國學生自製彈珠機     原子筆擦膠當彈牆
by / on 18/12/2014 at 7:12 am

新片速報 韓國學生自製彈珠機 原子筆擦膠當彈牆

以前讀書時有無玩過彈珠機?唔止士多門口有得玩,好多筆盒都出埋迷你彈珠,雖然簡單但係好襟玩。估唔倒韓國學生都咁有興緻,居然用擦膠同原子筆自製彈珠機,幾個同學仔圍喺枱面合作玩,睇落幾過癮,好過成日撳手機喎。 相關資訊又空間扭曲?韓星執相疑惑其實冇 (Jul 5, 2018) 【有片】超強勁「手機airbag」 德國天才學生發明即將集資 (Jun 29, 2018)

Read more ›