專題熱話

斗膽!北韓金正恩官方照    驚現《多啦A夢》露骨動作
by / on 06/11/2014 at 7:08 am

斗膽!北韓金正恩官方照 驚現《多啦A夢》露骨動作

之前誤傳北韓領袖金正恩病危,原來只係虛驚一場,可惜。北韓官方早前發咗張官方相,金正恩又去出巡,今次去咗孤兒院院探訪,不過亮點唔係佢手上面揸住嗰支煙,而係喺佢身後面嘅多啦A夢公仔同埋騎喺佢背上嘅灰狼!呢個咁露骨嘅場面自從早兩日有外國媒體報導後,引起網民熱烈討論,有人話呢隻可憐嘅多啦A夢代表住北韓受欺壓嘅人民,今次擺明係人民暗暗起革命。不過講返轉頭,點解喺孤兒院要煲煙? 相關資訊【新片速報】Low Cost神還原第二彈 惡搞《冰雪奇緣》Twitter熱傳 (Jul 15, 2018) 【改圖】搭車瞓覺被惡搞 外國網民高質改圖 (Jul 15, 2018)

Read more ›

得意貓網絡大熱    無鼻樑外貌奇特
by / on 06/11/2014 at 7:05 am

得意貓網絡大熱 無鼻樑外貌奇特

繼O嘴貓後,網絡又有新貓走紅!呢隻超可愛嘅貓貓叫Monty,上年比人收養,佢個樣好特別,兩隻眼分得好開,傻氣十足,難怪好快吸引到網民注意。睇真啲會發現佢鼻扁扁,原來佢因為染色體異常導致無鼻樑,亦因為咁令佢比平常嘅貓打多咗乞嚏,不過唔緊要吖,有個錫到佢燶嘅主人就夠晒啦! 相關資訊【有片】地震前有咩反應 日本貓Cafe閉路電視足本睇 (Jul 16, 2018) 【有片】高速公路救貓仔 沖涼梳毛變靚樣 (Jul 15, 2018)

Read more ›
下年逼爆大阪環球影城 《EVA》《進擊之巨人》《生化危機》《MH》4大名作一拳登場!
by / on 06/11/2014 at 12:00 am

下年逼爆大阪環球影城 《EVA》《進擊之巨人》《生化危機》《MH》4大名作一拳登場!

啱啱先喺大阪返嚟,諗住有排都未會再去,但我諗,下年1月23日至5月10日都要再去多鑊!因為!因為官方宣佈會喺呢段時間同超人氣嘅4大名作合作,包括《Evangelion》、《進擊之巨人》、《Biohazard》、《Monster Hunter》!已知嘅情報係《EVA》會有4D電影!詳細情報12月公開!睇完啲圖,癲o架,其他我可以唔理(其實巨人都好正),EVA,冇得傾,游水都要去。 相關資訊新片速報 PC版《Monster Hunter: World》8月9日發售 規格公開 (Jul 10, 2018) 主角真身曝光 《Biohazard 2》重製版主角唔似之謎 (Jul 8, 2018)

Read more ›
出現了!《Naruto》新編漫畫 2015年春季連載決定!
by / on 05/11/2014 at 10:36 pm

出現了!《Naruto》新編漫畫 2015年春季連載決定!

大家啱啱先喺度講緊,嚟緊11月10日出嘅最終話《Naruto》火影忍者,嘩好唔捨得呀!另一邊又嘩終於完喇!網上啱啱有圖文流出咗,唔劇透,可以講嘅係新篇喺2015年春季短期集中連載,仲有就係最終話將會解開到今日早前流出嘅劇場版造型圖之謎,包括邊個邊個火影,邊個邊個個仔。唔介意劇透可以入嚟拉到最底有得睇,介意嘅,都可以放心入嚟,好低先睇得到。 相關資訊Switch出《NARUTO-ナルト- 疾風伝》合集 4月26日發售6800円 (Feb 26, 2018) Megahouse再出手 《Naruto》「日向ヒナタ」長大了 (Nov 9, 2017)

Read more ›
901隻懷舊遊戲Browser即玩 寫字樓打工仔Bookmark首選
by / on 05/11/2014 at 6:35 pm

901隻懷舊遊戲Browser即玩 寫字樓打工仔Bookmark首選

愛是全奉獻就係呢啲喇。如果你係成日坐喺電腦前面、老細又唔會成日經過你後面,咁呢個「InternetArchive」網站,你一定要bookmark!佢裏面有901隻由1970年至1990年代嘅遊戲,包括食鬼《PAC-MAN PLUS》、街霸II《STREET FIGHTERS II》等正嘢。如果你同我一樣,入到去之後搵唔到咩掣開始,留意畫面左上方,有「INSERT COIN」「PLAYER1」「PLAYER2」3粒掣,慢用。 相關資訊【今日GIF】日本高手製懷舊遊戲GIF 幻想中的遊戲世界 (Jul 18, 2018) 【相集】日本超靚「荒廢發電站」 似遊戲Nier/薩爾達場景 (Jul 7, 2018)

Read more ›
《The Last Naruto劇場版》新角造型圖流出 鳴人仔女登場!?
by / on 05/11/2014 at 1:02 pm

《The Last Naruto劇場版》新角造型圖流出 鳴人仔女登場!?

好喇,唔捨得都準備要完喇,唔知會唔會有第2部呢?(仲嚟!?)而12月6日喺日本上映嘅劇場版,早前出咗預告就見到好似又唔知係咪卡卡西嘅謎之火影,好似真係係。仲有,啱啱有設定圖流出咗,見到擬似鳴人嘅仔女,名叫「ボルト」同「ひまわり」,入嚟有埋其他角色造型。 相關資訊其實啱數 50歲叶美香Cos《Naruto》鋼手 (Sep 24, 2017) Bandai出《NARUTO》「カカシ」 有寫輪眼有「親熱天堂」 (Sep 17, 2017)

Read more ›

窪塚洋介情侶Cosplay 《JoJo奇妙冒險》第6/7部主角
by / on 05/11/2014 at 12:12 pm

窪塚洋介情侶Cosplay 《JoJo奇妙冒險》第6/7部主角

窪塚洋介離咗婚之後,就同Dancer女友PINKY成日曬甜蜜。啱啱過咗嘅萬聖節,佢哋兩位就出席咗「HALLOWEEN DANCEHALL」呢個活動,而且仲Cosplay上陣。窪塚洋介就Cos《JoJo奇妙冒險》第7部 Steel Ball Run嘅「ジャイロ・ツェペリ」,而女友就Cos第6部嘅空条徐倫,即係承太郎個女。講真,係Cos得幾好,尤其PINKY個JOJO立。 相關資訊日本一Coser「えなこ」 去秋葉原出活動 (Jul 17, 2018) 【有片】慢鏡睇Coser大集合 美國Anime Expo (Jul 17, 2018)

Read more ›
新片速報 超正!官方確認 PS4/XBox One/PC《Grand Theft Auto V》可以第1身玩!
by / on 05/11/2014 at 8:26 am

新片速報 超正!官方確認 PS4/XBox One/PC《Grand Theft Auto V》可以第1身玩!

仲有兩個星期倒,11月18日就推出嘅PS4/Xbox One版本(PC版1月推出)《GTA V》唔只畫面靚咗,原來仲有新嘢!就係之前傳聞嘅可以第1身視點玩!官方噚晚深夜發佈咗一條影片,就係俾你睇到你揸車、射擊、飛行時嘅第1身體驗!咁又多個理由買呢隻遊戲返屋企再煲過啦!入嚟睇片! 相關資訊【有片】LEGO版《Grand Theft Auto》 撞散晒啲人仔 (Sep 8, 2017) 新片速報 摷番隻Game出嚟 《GTA Online》又Update (Jun 8, 2017)

Read more ›
真假企鵝好難分   混入卧底探測心跳
by / on 05/11/2014 at 7:03 am

真假企鵝好難分 混入卧底探測心跳

睇唔睇倒呢張圖嘅亮點?無錯,就係入面有隻假企鵝!之所以咁做唔係為咗整蠱班企鵝,而係為咗唔好嚇親佢哋。話說Yvon Le Maho要研究企鵝嘅心跳,於是幫其中34隻裝咗探測器,要收集數據就要每日混入企鵝群內,為咗唔影響企鵝情緒,佢哋整咗隻有四個轆嘅假企鵝做卧底混入其中,估唔倒真企鵝又真係放低咗戒心,心跳無顯著加速,比起人類直接介入好得多。嚟緊佢哋仲想研究埋用動物聲做聲控,小心狼來了喎! 相關資訊超可愛「無臉男」玩具 一式六款有隱藏版本 (Jul 19, 2018) 日本麥當勞推出「蛋黃哥麥旋風」 開心樂園餐玩具超正 (Jun 7, 2018)

Read more ›
日本食家創意食法 《魔法少女》肉包立下契約
by / on 04/11/2014 at 9:22 pm

日本食家創意食法 《魔法少女》肉包立下契約

今日(4日),LAWSON就推出咗「魔法少女まどか☆マギカ」中華肉包「キュゥべえまん」,咁呢個包好易搞,好難整得醜,所以就冇理想與現實嘅對比圖喇,但係!日本Twitter就好多人買咗返屋企玩,玩完先食……齊齊立下契約。 相關資訊日本卡樂B推出「納豆味薯片」 期間限定Lawson有售 (Jun 26, 2018) 咁就7年 《魔法少女まどか☆マギカ》2011年今日完結 (Apr 21, 2018)

Read more ›
新片速報 野村哲也 X 初音未來 高清60fps短片有得睇
by / on 04/11/2014 at 5:28 pm

新片速報 野村哲也 X 初音未來 高清60fps短片有得睇

之前Square Enix專門搞《FF》嘅野村晢也,同初音未來玩合作,上月頭喺紐約Wallplay舉行嘅「Hatsune Miku Art Exhibition Universal Positivity」已經出過短片同街頭廣告。而呢條由SE子公司visualworks製作嘅短片,官方亦終於發佈咗,而且仲有1080p、60fps,本來太CG太立體嘅初音我麻麻,但呢條片真係靚。 相關資訊韓國初音迷秋葉原唔見袋 日本網民出力協助 (Jun 5, 2018) 日本「初音之日」+「渣古之日」 大量賀圖賀片 (Mar 9, 2018)

Read more ›

最強《The Avengers》Cosplay 局長拖到實
by / on 04/11/2014 at 3:13 pm

最強《The Avengers》Cosplay 局長拖到實

集合復仇者嘅Cosplayer影相,仲要加埋局長,都幾難得,而且最難得係5位復仇者聯盟成員都好合作,冇四圍走,應該有零食恭候。講緊係呢幾隻嚟自南加州嘅哥基,大相由左至右叫Omelette、Bebop、Barley、Twinkie、Lucy,係唔知將佢哋完全操控嘅局長叫咩名啫。 相關資訊本周Coser 日本「かりん」 (Jul 15, 2018) 【有片】自製「幪面超人555」Cosplay服 變身識著燈 (Jul 13, 2018)

Read more ›
Google咖啡出肌肉美女圖 6嚿腹肌O唔OK?
by / on 04/11/2014 at 1:39 pm

Google咖啡出肌肉美女圖 6嚿腹肌O唔OK?

呢單嘢都幾好笑,話說有人想喺Google搜尋「Strong Colombian Coffee」,點知出咗嚟嘅圖,大部份都係屬於呢位南美肌肉靚女Anella Sangra,佢係一位健身Model,個肚嗰幾嚿腹肌絕對係Mikasa級數,而最最最難得係個樣靚嘛,仲有眼鏡娘同嘟嘴造型,入嚟有相有片,我OK呀,你呢? 相關資訊大隻版「小雲」 25歲才木玲佳童顏巨肌 (Nov 6, 2017) 【手瓜起】日本囡囡苦練肌肉 幫摔角手應援順便練埋 (Jan 27, 2016)

Read more ›
官方合作!《進擊之巨人》X《蜘蛛俠》艾倫殺入Marvel世界
by / on 04/11/2014 at 12:14 pm

官方合作!《進擊之巨人》X《蜘蛛俠》艾倫殺入Marvel世界

嘩唔同時代喎!但真係喎,仲出埋張圖添。今日喺Mavel嘅C.B. Cebulski個Twitter就出咗圖,證實呢個《進擊之巨人》同日本Marvel Universe嘅官方合作,講真又係喎,Spider-Man對巨人,阿蜘蛛俠啲蜘蛛絲都有立體機動裝置嘅功效吖。 相關資訊【新片速報】日本喵星人超進擊 衝力撞「自動餵食器」自助出糧 (Jun 27, 2018) 【圖集】Marvel超級英雄「變性」 Loki超靚女Iron Man整容失敗 (Jun 8, 2018)

Read more ›
西方宅刺激日本經濟 受訪者買同人誌冇尷尬
by / on 03/11/2014 at 9:13 pm

西方宅刺激日本經濟 受訪者買同人誌冇尷尬

你點解去日本旅行呢?如果你呢一刻問我,我會答你因為円平咗,我好想食嘢買嘢睇嘢,一邊喺居酒屋又飲又食又可以食煙呀呀呀呀!而圖中呢位喺電視節目《Youは何しに日本へ》中嘅受訪者,佢仲坦白,連自己買咗咩都俾人睇!唔知佢係唔記得定唔介意,當中就有啲同人誌,而且仲係好開心嗰啲,到電視節目出街,個封面要打格嗰啲,仲應該係《艦これ》……被問到點解買呢啲,佢仲話買同人誌可以刺激日本經濟,死仔識嘢呀吓!不過你個樣有少少尷尬喎,點解呀? 相關資訊【有片】日本「同人誌」收納架 擺檔啱晒 (Dec 5, 2016) 漫畫迷留意!撐香港原創同人誌即賣會! (Sep 29, 2016)

Read more ›