宮崎駿喺早兩日(1日)宣佈喺長篇動畫範疇引退，之後日本就有網民話其實佢已經第5次以唔同型式宣佈退休。其實宮崎駿老師已經72歲，佢復出係令動畫迷高興嘅事，但如果佢需要休息過悠閒生活，fans們都要支持佢啦！對上一次佢離開吉卜力，就係1998年1月，當時佢就喺離工作室唔遠嘅地方開咗間新工作室，名為「豚屋」，之後仲有日本傳媒去過訪問佢拍咗片，呢座叫「Atelier Nibariki」嘅建築極有歷史價值，而泊喺門前嘅係當時佢嘅座駕Citroën 2CV，超經典有型！唔知宮崎駿老師今次引退之後，係咪會返去呢間屋當工作室？如果退休後有咁嘅居住環境，都真係幾爽！ 相關資訊【彈出彈入】宮崎駿監督長片主題確定 80年前《君たちはどう生きるか》改編 (Oct 29, 2017) 【你認得幾多？】「三鷹の森ジブリ美術館」新活動 吉卜力動畫「食物」展 (Jun 4, 2017)

Kali第一次喺GameoverHK足本玩一隻遊戲，拍晒片放上網，收到嘅意見係想聽埋佢旁述，我哋收到晒，會傳達呢個訊息俾佢，下次實有把女聲陪大家睇片……講番正題，今次香港Ubisoft贊助咗一隻《Splinter Cell Blacklist》限量手表同3件Tee送俾GameoverHK讀者，有興趣想攞嘅就都係老規矩，去我哋facebook like我哋page同share呢個post，不過今次玩大啲，要答條問題，最後一條片爆機出字幕前Kali會問！其實唔係好煩啫，因為第二個答就可以開始抄答案喇，所以，今次第一個(以facebook顯示為準)留言答啱者，即送手表 + Tee一件，之後兩件Tee就留俾之後答中嘅人讀者(截至9月8日，結果同日公佈)，公平啦！ 相關資訊Kali深夜直播 《The Evil Within 2》鐵定爆機 (Dec 23, 2017) Kali深夜直播玩《The Evil Within 2》 「我就嚟爆喇！」 (Dec 16, 2017)

今日9月1日，我明，我真係明，放咗咁耐假，突然之間你同我講要返學？要交暑期作業？聽朝又要晨早起身？的確係好難接受，所以我哋今次post嘅南韓Coser Rua有超多圖，而且早啲出，等各位同學可以慢慢欣賞，慢慢唔記得聽日返學呢件事，睇完之後先返番三次元現實世界，早啲瞓。 相關資訊台灣Coser落落Raku Cos《金瓶梅》李瓶兒 (Apr 20, 2018) 【有片】10分鐘影片 美國活動Cosplay有哥斯拉有Tony Stark (Apr 17, 2018)

  冇乜得揀啦吓話!? Iron Man 3都唔買? 真係唔知睇碟嚟做乜? 畫面特技精彩, 成個故仔經過精心計算, 係! 都係大片格局啦! 不過聲畫去得幾盡, 好多碟評人都話係三集中, 做得最靚嘅一隻! 值得俾錢嘅; 有鐵盒同普通版, $328、$268, 大家內容都係一樣, 有3D同2D版本, $60買個「月餅盒」抵唔抵就自己諗喇! 個人就唔太喜歡, 因為個Blu-ray櫃無端端凸咗嚿嘢出嚟, 唔係太好睇, 平口買碟主力會揀平裝版, 成個櫃感覺會統一啲同靚啲。 相關資訊【有片】第一身鞭鞭有力 《惡魔城》fan made遊戲免費玩 (Nov 6, 2017) 【有片】冰島3D立體斑馬線 懸浮設計提醒司機減速 (Oct 26, 2017)

打波先嚟落雨，開學先嚟出勁game，I know that feel bro…9月開學，暑期作業未做過，返學預咗比人鬧，返屋企梗係要打機發洩吓！今個月無得傾，有3DS嘅，約齊人屠龍玩芒亨4！家用機嘅，全世界都煲《GTA V》，9月17日出，殺人放火金腰帶！想做運動健將有兩大足球遊戲《FIFA 14》同《WINNING 2014》，兩隻都係9月底出，玩邊隻好？都係跟大隊睇班friend頭啦！至於WiiU，都有隻《薩爾達傳說：風のタクト》咁大把，多謝晒喎。 相關資訊【2018出GAME表】 3月至4月 [PS4 /XBox One/Switch /PC/PS Vita] (Mar 3, 2018) 新片速報 3DS變釣魚竿 《爆釣バーロッド》玩AR掃Barcode (Jan 17, 2018)

勁！真係估佢唔到！任天堂宣佈會喺10月12日《寵物小精靈X‧Y》喺美國發售同日推出一部2DS！130美元，廢除咗3D功能同埋冇得摺，可以話係3DS嘅廉價版！參考吓，3DS北美賣緊170美元。部機同樣有兩個鏡頭可以拍3D相同片，但就睇唔到3D，要插番入3DS先睇到3D效果。 相關資訊【2018出GAME表】 1月至2月 [PS4 / XBox One / Switch / PC / 3DS / PS Vita] (Jan 7, 2018) 【2017出GAME表】 11月至12月 [PS4 / XBox One / Switch / PC / 3DS / PS Vita] (Nov 5, 2017)

今日日版已經返咗貨！我只能夠講一句，如果係《JoJo》迷，又有閒錢，呢套《JoJo奇妙冒險 All Star Battle》黃金體驗箱係入收之物！篇輯錢無義開緊箱拍緊片，點知讀者Rinko Yu仲快一步，分享咗開箱文俾我哋，咁感動嘅時刻，點能夠唔搶先出？啊啦啊啦！快入嚟撐吓！夜啲再出片睇埋隻遊戲！ 相關資訊【有片】這是替身攻擊！任記紙皮變吉良吉影替身 (Apr 22, 2018) 第5部動畫來了！《JoJo奇妙冒險 黄金の風》商標登陸 (Jan 12, 2018)

暑假尾, 模型真係冇乜! 驚大家冇時間砌嘛! 細細哋有隻HG ASTRAY, 不過買嗰時記得買埋本HOBBY, 因為有把槍連劍嘅CUSTOM KIT跟送! 另外壽屋嗰邊, 亦有三隻鍍金特別版模型, 分別係紙箱人、超級羅白頭同勇者王嘅超龍神, 老實! 真係好金! 電鍍非常重手吓, 如果見唔到夾口位, 真係以為係攞咗去金舖打嘅一樣! 相關資訊日本紙箱人無處不在 超可愛插畫Twitter熱傳 (Oct 20, 2017) 2月頭必扭 日本郵局紙箱人扭蛋 (Jan 28, 2017)

      冇計o格，買咗櫻木、宮城，又等緊三井壽，就算佢出隻有尾嘅狐狸我都會買。今日呢隻「The spirit collection of Inoue Takehiko」第4彈(第1彈係宮本武藏，第2彈櫻木花道，第3彈宮城良田)皇牌流川楓到貨，即時去攞，個盒厚過前兩隻，開箱，老實，有少少失望，但拼埋個球場木地板，又有番少少感動……把你擊敗，我就去美國。 相關資訊【有片】男兒當入樽 美國高中生咁樣打波 (Apr 11, 2018) 6月出新版 《Slam Dunk》20期分章節 井上雄彥率先畫櫻木新圖 (Apr 2, 2018)

今日出Game，爆頭女王Kali其實已經率先上Ubisoft玩爆咗機，不過為免劇透，所以將會每日出兩個Chapter嘅實機遊玩影片。當攻略睇又好，冇諗住買但又想睇吓劇情都好，可以入嚟支持吓。最後提一提，遊戲會有PS3/Xbox360/Wii U/PC版本，而繁體中文版就9月5日推出。仲有，影片爆機一集將會有Ubisoft送出嘅《Splinter Cell》限定版手表送俾GameoverHK讀者，記得留意！ 相關資訊Kali深夜直播 今晚玩《Hidden Agenda》 (Dec 2, 2017) Kali深夜直播回歸 今晚玩《Call of Duty WWII》 (Nov 25, 2017)

  今個星期一反常態! 竟然月尾都冇甩新玩具出, 精品老闆見大家口啖啖, 所以搵啲嘢嚟劈吓! 聽講好多玩具行家都叫晒救命! 當中精選係兩隻超合金, 價位全部做「高位零頭價」! 好似隻Macross F戰艦, 開$790呀! 呢隻嘢見高位時, 你要加多$1,000先買到 相關資訊Ric Tse《樂高迷你劇場x香港美食》 Lego人仔訓餅乾擔架床 (Apr 18, 2018) 名古屋Legoland積木泳池 網民：「睇見都痛。」 (Apr 14, 2018)

今日好高興，因為聽日星期一喇，又可以返公司見到班同事，又要一早起身返工，個人真係充滿咗希望，好有衝勁呀，唉……今個星期Coser係日本嘅神禰 麟(Rin_kamine)，今年23歲(1月2日生日)，163cm高，三圍同職業唔肯講，佢話佢嘅興超係影相、跳舞、繪畫，同埋睡覺，咦咁啱嘅，我都係喎。 相關資訊本周Coser 日本「桃月なしこ」護士Cosplayer‏ (Apr 15, 2018) 神級還原 西班牙Coser變身《挑戰者1號》Parzival (Apr 11, 2018)

今日電腦節PlayStation舉行咗個《Killer is Dead 殺手已死》派對，咦唔係出咗喇咩？仲有中文版9月1日先出嘛。所以今日先有製作人須田剛一同Jessica C.嚟呢個活動囉。須田剛一嘅訪問遲啲有得睇，不過Jessica C.嘅相就o依家有喇！佢上次Cos同一製作人嘅《Lollipop Chainsaw》啦啦女同《刺客教條》個女刺客造型我仲歷歷在目，今次扮女殺手Vivienne，製作人都話佢似，令佢心跳加速喎……嗚呀！佢仲話著咗push up bra升咗cup：「件衫好窄好貼身，原形畢露。」佢講英文嘅。另外仲有其他3個Cosplay女仔，入嚟可以睇埋，爽皮。 相關資訊神還原24個表情 日本Coser變《ゴールデンカムイ》「アシリパ」 (Apr 11, 2018) 日本Coser貓好威 《Monster Hunter: World》「カガチネコ装備」 (Apr 10, 2018)

  今個星期新碟出得幾平均! 新BD大部份都係較二線戲, 《天煞逆緣》挾着《吸血新世紀》作者史提芬妮梅爾Stephenie Meyer之勢, 今次唔玩吸血鬼, 改行科幻浪漫; 老實! 我對呢條友冇乜好感, 講故仔超慢版, 喜歡嘅繼續Enjoy啦! 相關資訊【有片】《你的名字》日本今晚播 新海誠證實《言葉之庭》角色出過鏡 (Jan 3, 2018) 16/9一週碟報價： 星空奇遇贏九條街 餓港產必買盲探 (Sep 16, 2013)

今個星期好熱鬧，首先爆Like圖都係女行先，到底真人春麗多人鍾意啲定係2次元版？竟然有讀者話右邊先係真人……仲有就係西人BB玩Cosplay《Cast Away》嘅排球Wilson！當然唔少得係Gundam組別，自護戰隊三人組，唔睇得都打得。最後仲有我最愛嘅上野樹里同幪面超人賣廣告，同埋靜香老豆現身……不過！有讀者又搵到另一張靜香老豆嘅相，到底佢有幾多個老豆呢？ 相關資訊菅原芳人插畫 Bandai出《幪面超人Black RX》放送30周年Tee (Apr 22, 2018) 【有片】台場獨角獸新投影表演 今晚開始到5月6日 (Apr 21, 2018)