Wii

【新片速報】日本Lawson送史萊姆杯蓋   網民自製啫喱變硬膠
by / on 10/05/2017 at 7:00 am

【新片速報】日本Lawson送史萊姆杯蓋 網民自製啫喱變硬膠

呢段片好有動感,雖然震震吓睇得唔清楚,但中間左邊藍色嗰嚿其實係史萊姆啫喱嚟嘅。最近喺Lawson買炸雞有右圖嘅特別版包裝,好多人用個史萊姆蓋嚟整啫喱,據聞仲有人用嚟整巨乳布甸(!)。講返段片,由日本網民製作,不過佢話落得太多魚膠粉,所以完成品膠得滯,佢仲即場用個鐵匙羹搖佢,不過好明顯無水動樂嘅效果。 相關資訊日本投選 「不老不死」唔變樣名人 荒木飛呂彥唯一入選漫畫家 (May 25, 2017) 日本苦瓜又露樣 擘大口搞笑表情Twitter熱傳 (May 25, 2017)

Read more ›

【有片】瑪利奧酒吧靚裝修   店員勁似瑪利奧大叔
by / on 02/04/2017 at 11:41 am

【有片】瑪利奧酒吧靚裝修 店員勁似瑪利奧大叔

美國華盛頓最近開咗呢間Pop-Up Bar,以日本文化做靈感,一邊係櫻花盛開嘅佈置,另一邊係Mario瑪利奧大叔,仲裝飾得好認真。呢間瑪利奧主題酒吧天花板全部都係問號同磗頭,水管入面支食人花仲會彈出彈入,現場亦有瑪利奧特飲,不過最正都係店員會cosplay埋,其中一個大叔仲好似瑪利奧,不過點解佢去咗櫻花主題嗰邊? 相關資訊【拳頭硬了】超樣衰日本扭蛋 猩猩賣顏藝太過份 (May 25, 2017) 【又係你呀!】日本喵星人終極賣萌 匿入恤衫袖碌嚟碌去 (May 25, 2017)

Read more ›
超壯觀!外國機迷儲齊1262隻Wii遊戲 加埋四色機12色手掣
by / on 30/01/2017 at 3:28 pm

超壯觀!外國機迷儲齊1262隻Wii遊戲 加埋四色機12色手掣

係美版,加埋上年10月推出嘅《Just Dance 2017》,全部合共1,262隻喺北美地區推出嘅Wii遊戲,呢位機迷都儲齊晒!另外,仲有全4種顏色嘅Wii同12種顏色嘅Wii remote。 相關資訊LG露營投影機 細細部似Wii仔 (Jul 19, 2013) 進撃の連射 專幫Wii/Wii U打飛機 (Jul 11, 2013)

Read more ›
日本無人街道出現「神遮」    網民話似「聖劍」狂改圖
by / on 26/09/2016 at 7:13 am

日本無人街道出現「神遮」 網民話似「聖劍」狂改圖

夜晚喺一條無人嘅街,行行吓見到有把遮喺路中心楝咗喺度,如果係你會唔會有啲驚?日本網民唔驚不特止,仲覺得好特別,因為咁啱背後有啲燈光,睇落把遮就好似一把聖劍咁‥‥‥張相放上網後好多人留言同RT,仲有大量改圖,連薩爾達嘅林克都出埋。 相關資訊古典名畫二次創作 變龍貓變薩爾達零違和 (May 25, 2017) 防推門撞到人 日本推出簡易安裝警告燈 (May 24, 2017)

Read more ›
【學術題】點解Mario大叔一掂Goomba就死?    日本網民理性討論
by / on 19/09/2016 at 7:12 am

【學術題】點解Mario大叔一掂Goomba就死? 日本網民理性討論

喺遊戲《孖寶兄弟》入面,Mario大叔成日都會遇到經典敵人Goomba,有日本網民突然好理性,問大家其實點解Mario一掂到Goomba就會死,但踩上去又無事喎。好嘞,大家都發揮學術精神,有人話:「Mario俾Goomba以睇唔到嘅速度咬咗」、「就咁用手摸有劇毒」、「側面應該有好多毒針」、「鞋底塗咗防御層」、「過敏」。不過當中最精警嘅係呢個:「就好似對鞋踩屎同個身掂到屎咁,對精神嘅打擊唔同,Mario係受打擊死嘅」。唔,好似明明哋。咁點解食菇會變大?食花會射火球?過關要扯旗?一定要救公主?啲龜識飛?潛水唔駛透氣? 相關資訊【有片】被隔籬屋喘氣聲嘈醒如何報復?派出「Mario公主」鬥嗌! (May 22, 2017) 【有片】二階堂ふみ係公主 Mario大叔賣飲品做運動 (Apr 9, 2017)

Read more ›
日本Twitter熱傳德國小鎮圖 激似《勇者鬥惡龍》場景
by / on 31/08/2016 at 7:14 am

日本Twitter熱傳德國小鎮圖 激似《勇者鬥惡龍》場景

原來《勇者鬥惡龍》嘅世界真係存在!日本網民放咗幾張相上Twitter,話原來德國Hemeln呢個小市鎮好靚,入面嘅居民會著晒中世紀嘅服裝,店舖又好有特色,走入去就好似去咗《勇者鬥惡龍》嘅世界。輯相好多網民RT,仲有人問係咪可以行埋去裝備道具,有機會去開德國記住去參觀吓嘞。 相關資訊告票黐得有心思?日本痛車違泊被抄牌 (May 24, 2017) 日本網民創作力 單車seat位變狗狗 (May 24, 2017)

Read more ›

【五星級的家】瑪利奧喵竇有頂磗有水管 仲有屈機子彈
by / on 07/02/2016 at 5:49 pm

【五星級的家】瑪利奧喵竇有頂磗有水管 仲有屈機子彈

今日係大掃除嘅日子,屋企嘅喵唔止無幫手,應該仲會搞破壞。新年換新屋,人梗係無可能啦,不過喵星人可能得,外國就有人整咗呢套喵星人層架獎勵主子,用瑪利奧做靈感,有磗有水管仲有好屈機嘅子彈,睇班喵星人似乎玩得好開心,條水管仲可以鑽入去。呢位貓奴之前仲整過巨人炸彈球慰勞主子,做佢嘅喵都幾幸福。 相關資訊【有片】好感人呀!港男單車穿越撒哈拉 救貓女齊歷險 (May 25, 2017) 【勵志】貓兵仔痴戀娘娘 兩年時間成功感動對方 (May 22, 2017)

Read more ›
瑪利奧大叔扮潮童 任天堂Moschino合作出T恤/手袋
by / on 08/12/2015 at 7:17 am

瑪利奧大叔扮潮童 任天堂Moschino合作出T恤/手袋

由Jeremy Scott操刀嘅時裝品牌Moschino一向鐘意玩嘢,之前出過McDonald’s系列,又玩過海棉寶寶,最近趁Super Mario Bros嘅30週年,決定同任天堂合作,殺入遊戲界。佢哋合作設計咗呢個「Super Moschino」系列,有Tee、衞衣、背囊、手袋、皮帶、銀包、高踭鞋等產品,講真嗰幾件tee設計麻麻,用靚女著都補救唔到,反而用星星、金幣、蘑菇設計嘅幾款monogram手袋就幾得意,可惜今次嘅合作似乎只得女士啱買,一班由細打Mario打到大嘅男玩家今次可以慳返。 相關資訊【開心到飛起】紙皮Switch變真機 趁阿囝沖涼俾驚喜 (May 22, 2017) 【任記超體貼】日本失明小機迷想要《節奏天國》新作 任天堂用凸字回信 (May 21, 2017)

Read more ›
【有無咁貴?】瑪利奧大叔手錶開價14萬 全球限量85隻
by / on 02/12/2015 at 7:12 am

【有無咁貴?】瑪利奧大叔手錶開價14萬 全球限量85隻

今年係Super Mario嘅30週年,做得fans預咗要駛錢,不過點諗到要駛成10幾萬港紙?瑞士名錶品牌Romain Jerome最近宣佈推出Super Mario bors. 30週年限定版手錶,用咗46毫米直徑嘅鈦金黑錶盤,錶面有8bit風格嘅瑪利奧大叔,仲有一堆草、一嚿雲同一粒蘑菇,全球限量85隻,不過開價要$18,950美金,即係港紙超過14萬,夠買架日本車!其實今次都唔係JR第一次出限量版遊戲主題嘅錶,之前都出過《Space Invaders》同《Pac-Man》,都係開價萬萬聲(美金),入嚟有回帶。 相關資訊【有片】電車迷必戴 日本小田急電鐵電子顯示皮手錶 (Nov 12, 2016) $15萬港幣一隻 Romain Jerome出「比卡超」錶限量20隻 (Oct 25, 2016)

Read more ›
【神人出動】30張Mario 30周年慶生圖集 置入30年間世界大事
by / on 15/09/2015 at 7:12 am

【神人出動】30張Mario 30周年慶生圖集 置入30年間世界大事

呢位巴西藝術家Butcher Billy嘅作品好正,之前都介紹過幾次,佢特別鐘意任天堂,之前試過將瑪利奧變punk友,宮本茂變瑪利奧,仲威到由官方親自邀請設計作品,前日撞正Mario誕生30周年,佢當然要露兩手贈慶,呢個「Super Mario Bros: 30 years of Pop Culture系列」將過去30年發生過嘅世界大事「孖寶兄弟化」,例如柏林圍牆倒下、解放者曼德拉以至最新嘅同性戀婚姻合法化彩虹標記嘅時刻,變成好有孖寶兄弟感覺嘅改圖,總共30張,真心講每張都好正,應該係送比Mario最好嘅生日禮物,唯一唔好嘅係啲圖好多雪花,睇到有啲眼花花。 相關資訊【相集】神級3D畫超立體 意大利藝術家靠雙手做道具 (May 10, 2017) 【圖集】超可愛「正方動物」系列 四四方方似《塊魂》 (Feb 10, 2017)

Read more ›
風神雷神圖主角變Mario/Luigi 30周年藝術遊戲二合一
by / on 10/09/2015 at 7:08 am

風神雷神圖主角變Mario/Luigi 30周年藝術遊戲二合一

今年瑪利奧30週年,撞正日本藝術派系「琳派」400週年,於是決定合作製作咗呢幅以Mario同Luigi做主角嘅「マリオ&ルイージ図屏風」,幅作品嚟緊會喺京都美術館「えき」KYOTO展出,任天堂啱啱就喺YouTube發佈咗條新片,除咗訪問創作者山本太郎之外,仲影低佢嘅創作過程,作品都係以金銀箔作背景,同我哋成日見倒嘅俵屋宗達嘅風神雷神圖好似,不過主角就換咗做Mario同Luigi,唔搞笑好認真,Mario同Luigi仲多咗好多頭髮,遊戲同藝術都可以合二為一,日本果然係日本。 相關資訊【你出世未?】最佳日本動漫男女角 33年嚟每年頭5位 (May 10, 2017) 【有片】《Final Fantasy》 30周年記念活動 東京鐵塔變藍色水晶塔 (Apr 29, 2017)

Read more ›

新片速報 《薩爾達傳說》城堡LEGO版 超巨型用足兩年時間砌成
by / on 19/08/2015 at 7:14 am

新片速報 《薩爾達傳說》城堡LEGO版 超巨型用足兩年時間砌成

每年美國東部都會舉行BrickFair LEGO展,啱啱嘅BrickFair Virginia就有呢件LEGO作品展出 ─ 經典遊戲《薩爾達傳說》座城堡Hyrule Castle!製作嘅粉絲Joseph Zawada話用咗足足兩年時間先完成呢件巨作,唔止夠巨型嚇得吓人,入面每個細節仲超細緻,唯一美中不足係欠一個好似薩爾達遊戲入面咁靚嘅藍天白雲景。 相關資訊有片:Lego遙控飛機飛上天!成功降落跑道! (May 17, 2017) 【有片】超強大!2000塊LEGO砌《FF VII》Cloud把Buster Sword (May 15, 2017)

Read more ›
新片速報    任天堂紅白機變多士爐    駁電視真係玩得
by / on 23/02/2015 at 7:03 am

新片速報 任天堂紅白機變多士爐 駁電視真係玩得

芬蘭藝術家Jarno Kotavuopio 最近設計咗呢部睇得唔食得嘅任天堂紅白機多士爐,中間兩個放多士嘅位置可以放盒遊戲帶入去,旁邊插頭可以駁輸出線連接電視,將盒帶放入去之後,拉一拉旁嘅掣,就好似平時烘多士咁,就可以開機打!爐入面仲會有紅光,似足真嘅多士爐。機主仲好慷慨,自己畫埋隻手掣跟機送比人,唔知遲啲會唔會量產呢? 相關資訊睇啱就要訂 Switch拎出街 官方新袋新護罩 (May 17, 2017) Switch後日有Direct 《ARMS》《Splatoon 2》有新料 (May 16, 2017)

Read more ›
新年新文具   瑪利奧大叔水管原子筆   邊玩邊寫
by / on 19/02/2015 at 6:05 pm

新年新文具 瑪利奧大叔水管原子筆 邊玩邊寫

大年初一,先祝各位讀緊書嘅讀者唔駛溫書都可以攞滿分,出嚟做嘢嘅唔駛做都可以加人工。新一年梗係買返一兩件新文具賀一賀啦,呢支孖寶兄弟水管原子筆真心想買,水管頭分別有Mario同埋Luigi嘅公仔,要用嘅時候,兩個角色會sir落筆尖嘅透明位,唔用嘅時候又可以倒轉支筆用磗頭位平放,Taito出品,NCSX網站有得訂,開價美金$19.9,今年6月到貨,一齊團購啦。 相關資訊新片速報 Switch《孖寶賽車8 Deluxe》4月推出 兩個軚盤1,480円 (Mar 10, 2017) 【有片】Parkour唔識停 電話遊戲《Super Mario Run》變真人 (Dec 29, 2016)

Read more ›
薩爾達求婚寶箱     寶石似懸浮有閃光
by / on 16/02/2015 at 7:06 am

薩爾達求婚寶箱 寶石似懸浮有閃光

有玩開薩爾達嘅,見倒呢個箱應該會覺得好親切,Etsy網站有得買,由IndyFurniture製作,勁在粒寶石好似懸浮喺半空咁,打開個箱入面有閃光,仲會有熟悉嘅音樂聲效,中間粒寶石可以打開,可以放戒指之類嘅神秘禮物,擺明比人求婚用。不過成功求婚之後,要有心理準備以後無得再玩薩爾達囉。呎吋方面12″ x 9″ x 10″唔算大,賣緊港幣$1592,送香港嘅運費大約$320,都幾貴。 相關資訊【有片】技術神人製「薩爾達」時之笛 靠吹操控全屋電器 (Mar 18, 2017) 【有片】道具高手又出手 製作《薩爾達傳說》遊戲道具 (Mar 16, 2017)

Read more ›