Wii

瑪利奧大叔扮潮童 任天堂Moschino合作出T恤/手袋
by / on 08/12/2015 at 7:17 am

瑪利奧大叔扮潮童 任天堂Moschino合作出T恤/手袋

由Jeremy Scott操刀嘅時裝品牌Moschino一向鐘意玩嘢,之前出過McDonald’s系列,又玩過海棉寶寶,最近趁Super Mario Bros嘅30週年,決定同任天堂合作,殺入遊戲界。佢哋合作設計咗呢個「Super Moschino」系列,有Tee、衞衣、背囊、手袋、皮帶、銀包、高踭鞋等產品,講真嗰幾件tee設計麻麻,用靚女著都補救唔到,反而用星星、金幣、蘑菇設計嘅幾款monogram手袋就幾得意,可惜今次嘅合作似乎只得女士啱買,一班由細打Mario打到大嘅男玩家今次可以慳返。 相關資訊任天堂超靚運動服 復古味道滲出嚟 (Jul 19, 2018) 請記低 任天堂E3 Direct下周直播等睇「大亂鬥」 (Jun 5, 2018)

Read more ›

【有無咁貴?】瑪利奧大叔手錶開價14萬 全球限量85隻
by / on 02/12/2015 at 7:12 am

【有無咁貴?】瑪利奧大叔手錶開價14萬 全球限量85隻

今年係Super Mario嘅30週年,做得fans預咗要駛錢,不過點諗到要駛成10幾萬港紙?瑞士名錶品牌Romain Jerome最近宣佈推出Super Mario bors. 30週年限定版手錶,用咗46毫米直徑嘅鈦金黑錶盤,錶面有8bit風格嘅瑪利奧大叔,仲有一堆草、一嚿雲同一粒蘑菇,全球限量85隻,不過開價要$18,950美金,即係港紙超過14萬,夠買架日本車!其實今次都唔係JR第一次出限量版遊戲主題嘅錶,之前都出過《Space Invaders》同《Pac-Man》,都係開價萬萬聲(美金),入嚟有回帶。 相關資訊《龍貓》30週年推出大量精品 18隻跳舞龍貓有排儲 (Jul 7, 2018) 《幪面超人Black》30周年 Bandai出錶有Black/影月版 (Dec 25, 2017)

Read more ›
【神人出動】30張Mario 30周年慶生圖集 置入30年間世界大事
by / on 15/09/2015 at 7:12 am

【神人出動】30張Mario 30周年慶生圖集 置入30年間世界大事

呢位巴西藝術家Butcher Billy嘅作品好正,之前都介紹過幾次,佢特別鐘意任天堂,之前試過將瑪利奧變punk友,宮本茂變瑪利奧,仲威到由官方親自邀請設計作品,前日撞正Mario誕生30周年,佢當然要露兩手贈慶,呢個「Super Mario Bros: 30 years of Pop Culture系列」將過去30年發生過嘅世界大事「孖寶兄弟化」,例如柏林圍牆倒下、解放者曼德拉以至最新嘅同性戀婚姻合法化彩虹標記嘅時刻,變成好有孖寶兄弟感覺嘅改圖,總共30張,真心講每張都好正,應該係送比Mario最好嘅生日禮物,唯一唔好嘅係啲圖好多雪花,睇到有啲眼花花。 相關資訊外國藝術家「超現實PS圖集」 真人配死物超詭異 (Jul 6, 2018) 【有片】協助盲聾朋友睇世界盃 自製迷你球場「講波」超感人 (Jun 28, 2018)

Read more ›
風神雷神圖主角變Mario/Luigi 30周年藝術遊戲二合一
by / on 10/09/2015 at 7:08 am

風神雷神圖主角變Mario/Luigi 30周年藝術遊戲二合一

今年瑪利奧30週年,撞正日本藝術派系「琳派」400週年,於是決定合作製作咗呢幅以Mario同Luigi做主角嘅「マリオ&ルイージ図屏風」,幅作品嚟緊會喺京都美術館「えき」KYOTO展出,任天堂啱啱就喺YouTube發佈咗條新片,除咗訪問創作者山本太郎之外,仲影低佢嘅創作過程,作品都係以金銀箔作背景,同我哋成日見倒嘅俵屋宗達嘅風神雷神圖好似,不過主角就換咗做Mario同Luigi,唔搞笑好認真,Mario同Luigi仲多咗好多頭髮,遊戲同藝術都可以合二為一,日本果然係日本。 相關資訊【相集】喵星人變電影海報主角 怪獸喵亂入超正 (Jul 6, 2018) 大叔去旅行 任天堂推出「?」行李篋套 (Jul 2, 2018)

Read more ›
新片速報 《薩爾達傳說》城堡LEGO版 超巨型用足兩年時間砌成
by / on 19/08/2015 at 7:14 am

新片速報 《薩爾達傳說》城堡LEGO版 超巨型用足兩年時間砌成

每年美國東部都會舉行BrickFair LEGO展,啱啱嘅BrickFair Virginia就有呢件LEGO作品展出 ─ 經典遊戲《薩爾達傳說》座城堡Hyrule Castle!製作嘅粉絲Joseph Zawada話用咗足足兩年時間先完成呢件巨作,唔止夠巨型嚇得吓人,入面每個細節仲超細緻,唯一美中不足係欠一個好似薩爾達遊戲入面咁靚嘅藍天白雲景。 相關資訊【有片】LEGO影片大劇透 Stop Motion重現《Avengers: Infinity War》爽快一幕 (May 21, 2018) 日本網民製高達LEGO畫 Wing Gundam Zero Custom (May 3, 2018)

Read more ›
新片速報    任天堂紅白機變多士爐    駁電視真係玩得
by / on 23/02/2015 at 7:03 am

新片速報 任天堂紅白機變多士爐 駁電視真係玩得

芬蘭藝術家Jarno Kotavuopio 最近設計咗呢部睇得唔食得嘅任天堂紅白機多士爐,中間兩個放多士嘅位置可以放盒遊戲帶入去,旁邊插頭可以駁輸出線連接電視,將盒帶放入去之後,拉一拉旁嘅掣,就好似平時烘多士咁,就可以開機打!爐入面仲會有紅光,似足真嘅多士爐。機主仲好慷慨,自己畫埋隻手掣跟機送比人,唔知遲啲會唔會量產呢? 相關資訊【有片】紅白機出新遊戲帶 《バトルキッド 危険な罠》9月發售 (Jul 19, 2018) 老鬼好難忍?Jump版紅白機推出兩日賣11.1萬部 (Jul 16, 2018)

Read more ›

新年新文具   瑪利奧大叔水管原子筆   邊玩邊寫
by / on 19/02/2015 at 6:05 pm

新年新文具 瑪利奧大叔水管原子筆 邊玩邊寫

大年初一,先祝各位讀緊書嘅讀者唔駛溫書都可以攞滿分,出嚟做嘢嘅唔駛做都可以加人工。新一年梗係買返一兩件新文具賀一賀啦,呢支孖寶兄弟水管原子筆真心想買,水管頭分別有Mario同埋Luigi嘅公仔,要用嘅時候,兩個角色會sir落筆尖嘅透明位,唔用嘅時候又可以倒轉支筆用磗頭位平放,Taito出品,NCSX網站有得訂,開價美金$19.9,今年6月到貨,一齊團購啦。 相關資訊有片:超強原子筆畫 複製《神魔之塔》不知火舞 (Apr 19, 2018) 【有片】Google Map又玩嘢 慶祝「Mario之日」大叔導航 (Mar 10, 2018)

Read more ›
薩爾達求婚寶箱     寶石似懸浮有閃光
by / on 16/02/2015 at 7:06 am

薩爾達求婚寶箱 寶石似懸浮有閃光

有玩開薩爾達嘅,見倒呢個箱應該會覺得好親切,Etsy網站有得買,由IndyFurniture製作,勁在粒寶石好似懸浮喺半空咁,打開個箱入面有閃光,仲會有熟悉嘅音樂聲效,中間粒寶石可以打開,可以放戒指之類嘅神秘禮物,擺明比人求婚用。不過成功求婚之後,要有心理準備以後無得再玩薩爾達囉。呎吋方面12″ x 9″ x 10″唔算大,賣緊港幣$1592,送香港嘅運費大約$320,都幾貴。 相關資訊【相集】日本超靚「荒廢發電站」 似遊戲Nier/薩爾達場景 (Jul 7, 2018) 熱血煲機真機迷 水木大哥玩《薩爾達》 (Jul 10, 2017)

Read more ›
情人節任天堂出手   瑪利奧大叔咭免費下載
by / on 12/02/2015 at 7:03 am

情人節任天堂出手 瑪利奧大叔咭免費下載

如果你咁好彩有另一半,情人節可以用吓瑪利奧大叔呢張情人節咭。上到去任天堂嘅官網站,會見倒6張不同款式嘅e咭,每張都用喺佢哋最主要嘅角色,再配標語。例如瑪利奧大叔嗰句slogan就係「You’re My Power UP!」,夠晒應景又附合情人節氣氛。其他幾款咭嘅主要角色仲有薩爾達、Donkey Kong、孖寶公主等,唔駛錢算係咁。 相關資訊壞機重生!任天堂舊DS變身GBA (May 21, 2018) 任記再派貨 MINI紅白機6月28日再發售 (May 14, 2018)

Read more ›
2015年任天堂首個發佈會 聽晚10點網上睇
by / on 13/01/2015 at 3:17 pm

2015年任天堂首個發佈會 聽晚10點網上睇

新一年,任天堂梗係希望3DS繼續努力,WiiU唔求翻身都想繼續有啲好Game回饋用家啦……聽晚(14日)晚,香港時間10點就有今年首個「Nintendo Direct」,入嚟有Link,睇吓佢哋春季有咩好嘢! 相關資訊【有片】任記紙皮最大天敵 日本機迷貓最愛玩Switch Labo (Apr 23, 2018) 新片速報 任記紙皮開箱 Nintendo Labo發售前睇清楚點玩 (Feb 15, 2018)

Read more ›
公主裙底黑洞《任天堂明星大亂鬥》日玩家唔見底褲唔安樂
by / on 15/09/2014 at 10:29 pm

公主裙底黑洞《任天堂明星大亂鬥》日玩家唔見底褲唔安樂

其實佢哋唔安樂係無可厚非嘅,因為喺Wii出嗰隻《任天堂明星大亂鬥X》,阿Peach公主係好容易走光,俾大家睇到佢嘅內心世界。但係啱啱出嘅3DS大亂鬥,Peach公主嘅裙底……無論你喺邊個角度睇,都係一個暗黑嘅空間,到底裏面有咩呢?到底佢兩隻大脾中間發生咩事?日本好多玩家都喺2ch上面表示好擔心同不安……可見呢班玩家對公主條底褲嘅執著。 相關資訊【日本模型友】懷舊主機變機動戰士 紅白機RX-78-2/GameBoy鐵球 (Feb 10, 2018) 1889年京都 129年前任天堂總部相片曝光 (Jan 26, 2018)

Read more ›

《刺客教條》火機鐵印   小心辣手
by / on 20/07/2014 at 2:04 pm

《刺客教條》火機鐵印 小心辣手

小朋友唔好亂玩火!不過喺遊戲《刺客教條》入面殺人都得,玩吓火又算得乜?外國Etsy網嘅niquegeek整咗呢個火機專用鐵印,扣上火機之後燒行個火,之後就可以用燒紅咗嘅鐵印,將《刺客教條》個LOGO印上木製品上面,開價港幣$243,不過由於全人手製,訂完要預半個月以上先會收倒貨。溫馨提示,玩嘅時候要小心辣親隻手,除非你想製個烙印比自己。 相關資訊廢金屬變超巨型機械人 作品賣港幣20萬連運費 (Dec 11, 2017) 【新片速報】日本網民收1百萬籌碼手信 原來係火機Twitter熱傳 (Nov 22, 2017)

Read more ›
有片   孖寶1up又有bug   無限加隻數新景點
by / on 22/06/2014 at 1:06 pm

有片 孖寶1up又有bug 無限加隻數新景點

以前打孖寶兄弟,最開心係搵倒1up位,尤其是有Bug可以狂攞1up嗰啲,日本YouTube頻道Games Haya咁多年嚟仲不停搵緊《Super Mario Bros.》入面1up嘅Bug,最近又比佢搵倒一個,喺1-2關卡入面,仲拍埋片親身示範,而家已經有150萬點擊,睇嚟大家都好懷念1up嘅bug,我都好想開機試吓呀! 相關資訊【有片】自然界超驚險影片 蜥蜴遇蛇群大逃走 (Jul 16, 2018) 【新片速報】日本超可愛柴犬仔 矇眼笑影片Twitter熱傳 (Jun 20, 2018)

Read more ›
《薩爾達傳說》電影海報曝光   幾時有得睇?
by / on 15/06/2014 at 10:07 am

《薩爾達傳說》電影海報曝光 幾時有得睇?

唔計無雙,《薩爾達傳說》正統續作將會喺2015年推出,咁電影呢?繼續都係無影。早幾年有fans試圖拍電影,不過最終因為版權問題比任天堂ban咗,官方呢?製作人青沼英二就留返條後路,話同宮本茂傾過,如果拍得成,會係互動電影,大家可以帶埋部3DS入場邊睇邊玩。好喇,一切都係空口講白話,Marinko Milosevski呢位fans最近就自製咗一系列《薩爾達傳說》電影版海報滿足吓個人心願,海報一式八款,水準唔錯,可惜都係得個諗字,等到2046都未必有得睇。 相關資訊【有片】《薩爾達傳說》歷史有幾複雜 由1986年開始圖解 (Jun 25, 2018) 《銀魂2》新海報 三浦春馬演「伊東鴨太郎」 (Jun 22, 2018)

Read more ›
新片速報   現實版瑪利奧   恐龍仔出超必
by / on 16/05/2014 at 12:33 pm

新片速報 現實版瑪利奧 恐龍仔出超必

現實總是殘酷的。呢條真實版瑪利奧fan made短片好正,短短兩日已經有60幾萬人睇過。今次主角係平時好得意嘅恐龍仔Yoshi,打機時撞爛隻蛋有Yoshi騎好過癮,點知今次Yoshi發惡殺人唔眨眼,眼見自己嘅同伴死晒,瑪利奧決定出絕招,點知‥‥‥我唔劇透,入嚟自己慢慢睇結局,好過癮。 相關資訊瑪利奧「食人花」帽 自信大叔戴得好有型 (Dec 9, 2017) 瑪利奧玩性感 Forever 21聯乘男/女/童裝勁多款 (Oct 1, 2017)

Read more ›