Wii

宇宙最強龜包   網上教學跟住整
by / on 29/04/2014 at 1:00 am

宇宙最強龜包 網上教學跟住整

龜包你有無食過?聽講奇華餅家仲有得買,但係點解叫龜包呢?我都好想知。外國網民canida就發明咗一個名副其實嘅龜包,外形激似一隻真烏龜,唔叫佢做龜包都唔知叫乜好。呢個包嘅面層(即係龜殼)有綠色同紅色兩款,最正係有四隻腳加埋個頭同條尾,全部用香腸整成,top shot望落去十足一隻可愛龜仔,網上有教學可以跟住整,有無興趣挑戰吓?

Read more ›

新片速報   48隻水杯演奏孖寶配樂
by / on 17/04/2014 at 7:11 am

新片速報 48隻水杯演奏孖寶配樂

西人真係寧舍得閒,好似呢位Dan Newbie就用咗48隻水杯、兩支鉛筆同埋一個煎pan,敲擊出孖寶兄弟嘅經典配樂,原來呢種方法演釋出嚟嘅孖寶配樂都幾好聽!作為由細打孖寶兄弟打到大嘅我哋,齋聽音樂都好有親切感。可惜入水管嗰吓聲,敲水杯都做唔返出嚟,唯有用返原聲囉。 相關資訊【有片】Google Map又玩嘢 慶祝「Mario之日」大叔導航 (Mar 10, 2018) 新片速報 3DS推出《Mario & Luigi RPG 3DX》 下年先有得玩 (Mar 9, 2018)

Read more ›
新片速報   超級瑪利喵     貓爪玩謝敵人
by / on 06/04/2014 at 2:39 pm

新片速報 超級瑪利喵 貓爪玩謝敵人

瑪利奧大家玩得多,如果主角變咗係隻喵會點?外國YouTuber Mr.TVCow拍咗條片叫Super Mario Cat,有貓有特技,隻曳爆黑貓走到入孖寶世界繼續高竇,有金幣唔食有問號唔頂,一心只係想伸爪玩死幾隻敵人,轉頭踩吓龜殼,出名身手敏捷嘅貓貓點會比彈返轉頭嘅龜殼陰倒?梗係一嘢跳起避開咗,最正係搵啲花嚟玩,好切合貓大哥嘅個性,貓貓呀,啲花唔可以亂食o架,會中毒o架。 相關資訊貓奴要去 日本超正旅館有貓入房陪玩 (May 21, 2018) 【有片】日本表情貓 超慢鏡玩繩好興奮 (Apr 27, 2018)

Read more ›
有片   全家總動員cosplay瑪利奧   公主超索
by / on 30/03/2014 at 4:57 pm

有片 全家總動員cosplay瑪利奧 公主超索

好溫馨!呢家人總動員一齊cosplay瑪利奧家族出席Anime Matsuri 2014,朋友仲幫佢哋拍埋片放上YouTube,有埋化妝過程,好認真。每個造型都相當唔錯,雖然有兩個Mario同埋兩個Luigi,無計啦,孖寶兄弟得兩個,但係Twinzik就係大家族。不過最搶眼都係公主,網友大讚呢位公主超索,入嚟仲有幾張靚相,呢個公主搶得過。 相關資訊本周Coser 日本「ゆぃにゃん」 (May 20, 2018) 起角!《盜墓者羅拉》Cosplay還原多邊形胸 (May 16, 2018)

Read more ›
任天堂2014員工手冊曝光    點樣先攞倒?
by / on 08/03/2014 at 2:28 pm

任天堂2014員工手冊曝光 點樣先攞倒?

入職時人事部通常會派本員工手冊比大家,悶到嘔嘅資料送比你都唔想要。不過任天堂呢本就唔同!日本有網站公開咗2014年嘅任天堂員工手冊,印刷極精美,原來任天堂每年都會製作一本派發比員工,今年主題係日本嘅傳統花札牌,大量任天堂嘅經典嘅產品同遊戲都畫成傳統風格嘅插畫,機迷一定好想要返本。除咗要喺入面返工先拎倒,其實仲有一個方法,就係應徵佢哋嘅職位,因為原來通過第一階段申請都會得倒呢本手冊,網上仲有詳細教學教你點樣應徵任天堂嘅工,如果我住日本都會好想試一試。 相關資訊任記再派貨 MINI紅白機6月28日再發售 (May 14, 2018) 【有片】任記紙皮最大天敵 日本機迷貓最愛玩Switch Labo (Apr 23, 2018)

Read more ›
任天堂聽日「Direct」 情人節晨早播放發佈會
by / on 13/02/2014 at 6:00 pm

任天堂聽日「Direct」 情人節晨早播放發佈會

好耐冇見岩田社長,唔知佢人工被減半之後仲有冇咁好笑容……聽日2月14日情人節,任天堂又會有個「Nintendo Direct 2014.2.14」播放,今次仲好特別,係日本時間朝早7點播,即係香港聽日朝8點。點解要咁早呢?可能估你聽晚有街去,玩到好夜啩……返學嘅返學,返工嘅返工,睇唔到就睇番我哋聽朝嘅報道啦! 相關資訊新片速報 任記紙皮開箱 Nintendo Labo發售前睇清楚點玩 (Feb 15, 2018) 【日本模型友】懷舊主機變機動戰士 紅白機RX-78-2/GameBoy鐵球 (Feb 10, 2018)

Read more ›

歷代主機2014年價格    Neo Geo最貴Gamecube最平
by / on 02/01/2014 at 7:18 am

歷代主機2014年價格 Neo Geo最貴Gamecube最平

有無發現PS4、XboxOne好似賣得比以前嘅遊戲機平?如果計埋通漲,歷年嚟咁多部機邊部最貴邊部最平?外國網友Auir2blaze做咗個圖表,計算出歷來主機如果喺今時今日賣會賣幾錢,經過通漲後,原來Neo Geo依然係最貴,大概港幣8千蚊,最平係Gamecube,2千蚊唔駛有交易,買兩部先等於一部Xbox One嘅價錢。話時話,24部主機入面,你又擁有過邊幾部?駛過幾多錢?

Read more ›
貓貓cosplay Mario圖集     瑪利奧好高竇
by / on 31/12/2013 at 7:27 am

貓貓cosplay Mario圖集 瑪利奧好高竇

Wii U嘅《Super Mario 3D World》堅好玩,聽日放假又可以繼續玩!我最鐘意係今集可以經常扮貓(唔好話我知佢係狐狸,我覺得係貓),網上發現原來好多貓主人都鐘意將自已隻貓cosplay成Mario,雖然大多數貓貓都係一副超唔願意嘅表情,令Mario大叔變得好高竇‥‥‥ 相關資訊【圖集】巨喵襲地球構想圖 大戰哥斯拉突襲日本 (May 3, 2018) 【有片】任記紙皮天敵圖/片補完 懶貓冇興趣 睇見打喊露 (Apr 24, 2018)

Read more ›
今晚10點鐘 任天堂2013年最後一次Direct
by / on 18/12/2013 at 2:48 pm

今晚10點鐘 任天堂2013年最後一次Direct

嚟到年尾,任天堂鋒頭可以話俾PS4/Xbox One搶晒,不過唔驚,仲有3DS,而且有好game一樣有人玩。今晚日本時間11點,香港時間10點就會有2013年最後一個任天堂Direct網上發佈會,星期三都冇街去啦,到時開機睇吓有冇驚喜囉! 相關資訊1889年京都 129年前任天堂總部相片曝光 (Jan 26, 2018) 新片速報 任記玩紙皮 Switch新玩法多變化 (Jan 18, 2018)

Read more ›
史萊姆手機叉電器  今日e-store開賣
by / on 22/11/2013 at 1:00 pm

史萊姆手機叉電器 今日e-store開賣

《勇者鬥惡龍》部特別版3DS我無乜興趣,不過呢款史萊姆手機叉電器我真心覺得幾得意。賣1980円,睇見佢個可愛樣我就想買返屋企,雖然明知佢唔荒多電。除咗立體淚滴型,仲有一款扁口扁面嘅史萊姆,都係藍色,想實用啲,之前都介紹過一歡老實款式黑色火牛咁款嘅史萊姆叉電器,男用家可能會鐘意,入嚟有回帶。 相關資訊【有片】《星之勇者鬥惡龍》新宣傳片 主角竟然係成龍! (May 18, 2018) 集英社推出「漫畫版YouTube」 手機程式免費下載 (May 10, 2018)

Read more ›
瑪利奧真人版短片   加特技手臂著火
by / on 19/11/2013 at 7:12 am

瑪利奧真人版短片 加特技手臂著火

瑪利奧真人版短片鬼佬拍落唔少,點解仲要推介比大家?因為今次上下集兩條片都拍得好認真,有劇情,演員亦交足戲。編劇Evan Daugherty之前拍過Snow White電影,今次呢兩套短片叫The Fixer同埋The Addict,開正佢嗰瓣,講瑪利奧同Luigi救公主前嘅種種經歷同埋恩怨情仇,最正係短片加入特技,例如手臂識著火,蘑菇曉發光等等,瑪利奧死忠要睇。 相關資訊【有片】超可愛雀仔短片 一齊轉超搞笑Twitter熱傳 (May 19, 2018) 【有片】日本喵星人搞笑短片 有紙袋有計劃 (Apr 30, 2018)

Read more ›

日本麥記送瑪利奧精品    任天堂主攻小朋友市場
by / on 18/11/2013 at 7:17 am

日本麥記送瑪利奧精品 任天堂主攻小朋友市場

香港嘅麥當勞開心樂園餐最近送緊Paul Frank精品,馬騮仔我麻麻,反而日本麥當勞嘅瑪利奧精品我有啲興趣。可能任天堂都知PS4同XBoxOne勢如破竹,所以今個月主攻小朋友市場,一式八款玩具11月22日起喺日本麥記買開心樂園套餐就有,主打係瑪利奧,不過都有一款公主同恐龍仔。最正係玩具有埋聲效,例如捐水管,過關拉旗仔嘅聲都有埋,一連三個星期,有無人去開日本幫我換返隻? 相關資訊【新片速報】日本超嗲海豹仔 反肚摟摸捉實飼養員隻手 (May 21, 2018) 【相集】日本攝影師超治癒相集 祖母與柴犬置身花海 (May 21, 2018)

Read more ›
2013年11月出GAME時間表 [PS4 / XBox One / PS3 / Xbox / PC / Wii / 3DS / PS Vita]
by / on 01/11/2013 at 7:56 pm

2013年11月出GAME時間表 [PS4 / XBox One / PS3 / Xbox / PC / Wii / 3DS / PS Vita]

  好咯,今個月大把好嘢,因為兩部主機都喺今個月出,雖然只限美國,但總會有水貨嘛,想早享受嘅都實有計。唔買新機住,都有《Lightning Returns》,結局喎!Wii U機主都可以掃吓部機啲塵喇,有隻Mario,睇過啲片,玩得過o架!

Read more ›
公主營救瑪利奧    巨型雕塑反傳統
by / on 10/10/2013 at 7:11 am

公主營救瑪利奧 巨型雕塑反傳統

平時瑪利奧救公主救得多,估唔倒佢始終都要Game Over,波蘭藝術家Kordian Lewandowski整咗呢尊高過人嘅巨型雕像,今次輪到公主做主角,瑪利奧就係配角,仲要係死咗嘅配角。甫士情景明抄米高安哲羅嘅著名雕塑「哀悼基督」(Pietà)。不過Kordian居然用鋸作為製作雕像嘅主要工具,呢點相信原作者米高安哲羅都做唔倒。 相關資訊【網購】日本網民買錯嘢 獨角獸水泡變巨型浮床 (May 11, 2018) 日本爛賭新人「結婚蛋糕」 巨型牌局坐低即開枱 (Feb 17, 2018)

Read more ›
宮本茂被惡搞 變身孖寶撒爾達
by / on 23/09/2013 at 7:46 am

宮本茂被惡搞 變身孖寶撒爾達

巴西藝術家Butcher Billy我哋之前介紹過幾次,佢好鐘意任天堂嘅作品,試過將瑪利奧變punk友,仲威到係由官方親自邀請設計嘅。最近佢又有新作,就係將任天堂之父宮本茂變成任記經典角色,包括瑪利奧、撒爾達、公主、King Kong、Standfox等等,最搞笑係將佢變成孖寶兄弟入面粒金星同埋鬼鬼,惡搞味極濃。有理由相信今次創作係非官方嘅,因為我諗宮本茂本人應該唔想見到自己呢幾個造型‥‥‥ 相關資訊《Deadpool 2》外國超正電影宣傳 惡搞知名電影封面 (May 18, 2018) 【圖集】惡搞國家領導人 粉紅裝變諧星零違和 (Feb 3, 2018)

Read more ›