PSP

《塊魂》出figure粉絲必儲 11吋王子推巨型塊魂
by / on 18/11/2016 at 7:21 am

《塊魂》出figure粉絲必儲 11吋王子推巨型塊魂

呢度有無《塊魂》嘅fans?其實我都幾鍾意玩,不過已經好耐無新作嘞,最近外國玩具公司FIRST4FIGURES就宣佈推出塊魂王子嘅figure,高11吋,除咗王子本人之外,當然唔少得巨大嘅塊魂波。另外仲推出限定版,王子變咗黑色星星造型嘅Dipp,粒巨型塊魂波都變咗另一隻色,個人都係鍾意普通版多啲,仲有啲想買,不過價錢就有啲貴,分別係美金$234.99(普通版)同$249.99(限定版),預計下年第二季發貨。 相關資訊使唔使咁似?景甜人偶似十足《長城》林梅 (Feb 23, 2017) 【相集】日本網民自創動感畫面 識得玩可以好好玩 (Feb 13, 2017)

Read more ›

PSP正式退役 2016年3月31日PS Store所有內容停售
by / on 27/11/2015 at 8:50 pm

PSP正式退役 2016年3月31日PS Store所有內容停售

新一集Monster Hunter啱啱出咗,但講到懷念,一定係PSP年代,一人拎住一部機去cafe去餐廳去朋友屋企圍埋一齊屠龍嘅年代啦?係,當年就係拎住部PSP喇,仲有高達,仲有邪道玩法,都係回憶嚟。終於,都係時候退役喇,當然你屋企嗰部可能仲玩到,但日本官方宣佈,下年2016年3月31日,所有喺PS Store發售嘅遊戲軟件、內容、視頻都「販売終了」,而「UMD®Passport」服務都會完結。臨別再講啲歷史,PSP全名PlayStation Portable,喺2004年12月12日發售,2007年9月推出輕薄版PSP-2000,2008年10月有PSP-3000機。而2009年仲有部PSPgo,可以話係家族中嘅黑歷史…… 相關資訊日本都玩舊機回收 PSP換PS Vita當5,000円駛 (Aug 1, 2014) 一個時代的終結 PSP日本6月終止出貨 (Jun 3, 2014)

Read more ›
新片速報 《絕體絕命都市3》後日推出下載版 第4集有望見光?
by / on 27/07/2015 at 5:08 pm

新片速報 《絕體絕命都市3》後日推出下載版 第4集有望見光?

呢個系列一向都有好多機迷鍾意,但自從因為2011年3月11日大地震,IREM SOFTWARE決定唔推出開發緊嘅《絶体絶命都市4 -Summer Memories-》(此舉好有型)之後,就一直沉寂。直到版權轉售之後,今年推出咗PS3下載版《絶体絶命都市(PS2:ゲームアーカイブス)》、《絶体絶命都市2 -凍てついた記憶たち-(PS2:ゲームアーカイブス)》,而2009年4月喺PSP推出嘅第3集《絶体絶命都市3 -壊れゆく街と彼女の歌》亦都公佈咗會喺後日7月29日有得下載,都係1000円,PSP版,PS Vita互換對應!不過呢個日期係日本PSN,香港未收到風。話時話,傳聞下年有新作,照咁睇,第4集都有望見光喎? 相關資訊VR體驗版延期 《絶体絶命都市4 Plus Summer Memories》2月先有得玩 (Jan 31, 2017) 嘩正!《絕體絕命都市4 Plus》體驗版 下個月有得玩! (Dec 22, 2016)

Read more ›
【PS遊樂園】FF零式HD / Battlefield Hardline聽日推出    製作人訪港
by / on 16/03/2015 at 11:20 am

【PS遊樂園】FF零式HD / Battlefield Hardline聽日推出 製作人訪港

《Final Fantasy 零式HD》歐美版偷跑咗,不過想玩中文就要乖乖哋等到今個星期二先啦,除咗呢隻,17號當日仲有隻等咗好耐嘅《Battlefield Hardline》同日推出,玩邊隻好?我就一定係玩咗《FFXV》隻試玩版先。如果係標準FF迷,可以去埋PlayStation喺奧海城搞嘅《Final Fantasy 零式HD》慶典,由17號至22號,製作人田畑端會喺20號晚嚟香港參加見面會,現場有個影相活動,影完放上IG有機會得到遊戲一隻, 不勞而獲我最鍾意。 相關資訊【有片】北海道《FF VII》大雪像 夜晚玩投影變動畫 (Feb 7, 2017) 《Final Fantasy VII》大雪像 札幌雪祭變魔晃爐 (Feb 6, 2017)

Read more ›
情人節任天堂出手   瑪利奧大叔咭免費下載
by / on 12/02/2015 at 7:03 am

情人節任天堂出手 瑪利奧大叔咭免費下載

如果你咁好彩有另一半,情人節可以用吓瑪利奧大叔呢張情人節咭。上到去任天堂嘅官網站,會見倒6張不同款式嘅e咭,每張都用喺佢哋最主要嘅角色,再配標語。例如瑪利奧大叔嗰句slogan就係「You’re My Power UP!」,夠晒應景又附合情人節氣氛。其他幾款咭嘅主要角色仲有薩爾達、Donkey Kong、孖寶公主等,唔駛錢算係咁。 相關資訊新片速報 任天堂官方開箱 為攞機做好準備 (Feb 23, 2017) 又有流出圖 任天堂Switch拆開睇 (Feb 20, 2017)

Read more ›
「C3日本動玩博覽2015」PlayStation攤位有咩睇
by / on 06/02/2015 at 9:22 pm

「C3日本動玩博覽2015」PlayStation攤位有咩睇

今日有冇人去咗?準備聽日後日去嘅,可以先睇吓PlayStation攤位先。繼續有買機優惠,最搶手就係「全球限定PS4賀年版TORO主機殼」,首50個名額喺30分鐘內就賣晒喇,不過聽日都繼續會限量推出。試玩方面,就係中文版本PS4《人中之龍 0 誓言的場所》同《One Piece海賊無雙3》喇。不過,其實我都係想了解多啲Show Girls佢哋…… 相關資訊【睇直播】日本PlayStation展前發佈會 有咩新嘢即時睇 (Sep 13, 2016) 【真係同一個人?】日本網民公開cosplayer真身 PS技術太高 (Sep 4, 2016)

Read more ›

日本網民網購二手PSP      打開塞滿爆谷?
by / on 06/02/2015 at 7:18 am

日本網民網購二手PSP 打開塞滿爆谷?

PS Vita出咗幾年,大部份人屋企部PSP都封晒塵,不過依然有人想買,好似呢位日本網民コーパス3000,最近網購咗部二手PSP,送到嚟打開紙箱,居然發現入面有大量爆谷!仲以為遇到騙案,好彩撥開啲爆谷,見到入面袋住咗部PSP,估計寄件者驚部機運送途中會撞壞,咁啱屋企無發泡膠碎或者Bubble紙,於是諗到用爆谷頂替。張相放上twitter之後吸引好多人轉發同留言,仲有好多人叫佢留起啲爆谷下次用。我想講係好彩佢住喺日本,同埋好彩佢唔係上淘寶買二手PSP,否則,撥開啲爆谷後應該會發現乜都無。 相關資訊【有片】日本網民示範 爆谷機最佳拍檔原來係三眼仔 (Jan 28, 2017) 外國19宗網購中伏案例 婚紗/花/鼓棍乜都有 (Oct 12, 2015)

Read more ›
PSP隔3年幾再更新 Firmware 6.61更穩定
by / on 15/01/2015 at 10:47 pm

PSP隔3年幾再更新 Firmware 6.61更穩定

你冇睇錯,係PSP!SONY啱啱喺日本提供6.61 firmware俾PSP用戶更新,據講係會令軟件運行更穩定。有機迷睇番記錄,原來上次更新已經係2011年8月!話時話,PSP仲有隻遊戲王新Game o架。唔知香港有冇人試吓?入嚟有回帶影片,有幾十條PSP廣告俾大家回味! 相關資訊邊打機邊叉電 吊命尿袋戴上手 (Feb 1, 2013) 新片速報《Ultraman 星編年史》TVCM發佈 (Jan 25, 2013)

Read more ›
新片速報 3個人搞死PSN/Xbox Live 黑客「Lizard Squad」露面受訪
by / on 29/12/2014 at 12:38 pm

新片速報 3個人搞死PSN/Xbox Live 黑客「Lizard Squad」露面受訪

呢個聖誕假期,如果你都係受害者,好嬲冇得上網打機嘅話,o依家就可以睇到呢班罪魁禍首喇。黑客組織多數都係神神秘秘啦,但呢個「Lizard Squad」就大搖大攞好似攞正牌咁,啱啱仲接受英國「Sky News」訪問,有位住喺芬蘭嘅成員「Ryan」仲大膽到出埋個樣。佢話佢哋只係靠3個人就整死咗PSN/Xbox Live,而要整佢哋就係因為要證明佢哋嘅保安技術太差,話佢哋賺咁多錢都唔肯整好啲保安……至於問到佢覺唔覺得搞到大家冇機打唔好,佢話其實佢哋係令到好多小朋友冇機打而陪多咗屋企人,好似做咗一件好事咁……不過,正如先前嘅報道所講,佢哋因為「MEGA」嘅利誘,o依家已經停止咗攻擊。 相關資訊【憤怒了】黑客組織Anonymous向弒貓者宣戰 弓箭殺貓網民聲討 (Mar 9, 2016) 新片速報 日本PSN新推 遊戲發售日0時即玩! (Feb 10, 2015)

Read more ›
PSN終於全面復活 可以吹雞打機
by / on 28/12/2014 at 3:54 pm

PSN終於全面復活 可以吹雞打機

噚晚諗住好番可以上網瘋狂打啦,點知都係又壞過……嚟到聖誕節假期嚟到最後一日,日本同歐美官方都終於公佈PSN全面復活,喺日本時間兩點半開始提供番正常服務。我啱啱開機試過,真係入到喇,好啦,好過冇啦,真係唔好再搞啲咁嘅嘢喇,學生好啲仲未放完假,但係我聽日要返工喇! 相關資訊【PS遊樂園】PS4出機優惠送手掣 PSN活動送HK$20 (Dec 29, 2014) 網絡英雄!MegaUpload創辦人 成功利誘Lizard Squad 勿再攻擊PSN/XBLIVE (Dec 27, 2014)

Read more ›
日本公報 PSN好完又再壞
by / on 27/12/2014 at 11:15 pm

日本公報 PSN好完又再壞

嗰頭話好番,黑客組織都話唔會再攻擊喇,但係日本PS官方網站又再發佈咗消息,係今日日本時間下午8時開始,PSN又出現故障……香港方面,啱啱我都入去試過,都係入唔到,睇嚟今晚都係凍過水…… 相關資訊聖誕流流!PSN遭駭客組織攻擊 服務受影響 (Dec 25, 2014) 【PS遊樂園】PS參展TOY SOUL賣特別版PS4 羅拉星期二去冒險 (Dec 8, 2014)

Read more ›

【PS遊樂園】PS4新作三連發    殺人/合家歡任君選擇
by / on 18/11/2014 at 11:17 am

【PS遊樂園】PS4新作三連發 殺人/合家歡任君選擇

今日PS4玩家好忙,一次過有3隻新game同日出,《Far Cry 4》、《GTA V》加埋《小小大星球3》,殺人或者合家歡任君選擇。聽日仲有隻PS Vita版本嘅《LittleBigPlanet™ 小小大星球 Marvel Super Hero Edition》。不過如果想趁GTA V順手出機嘅,就要等多兩個星期到12月3日先有同綑版出,好古怪。最後想唔駛錢有game玩,可以留意今日開始至12月1日有架「《Far Cry 4》極地戰車」喺港九新界出現,上車玩完影張相,有機會拎走《Far Cry 4》遊戲一隻,暴君Pagan Min唔好行咁快,等埋!  相關資訊【PS遊樂園】勇者鬥惡龍怪物襲港 玩FB遊戲贏神秘禮物 (Jun 8, 2015) 新片速報 疑似《GTA V》Trevor 露底街頭喪跳舞 (May 25, 2015)

Read more ›
PSP仲有Game玩!《遊戲王》新作今冬推出!
by / on 17/10/2014 at 5:32 pm

PSP仲有Game玩!《遊戲王》新作今冬推出!

估唔到係PSP仲有新遊戲公佈,而且仲係《遊戯王アーク・ファイブ タッグフォース スペシャル》。今次遊戲登場主角夠齊全,有「武藤遊戯」、「遊城十代」、「不動遊星」、「九十九遊馬」、「榊遊矢」,收錄嘅上片超過7,000張,係歷代最多,而最重要係PS Vita都有下載版可以玩到。遊戲今年冬天發售。 相關資訊【有片】睇人拆袋最開心 日本2,000円《遊戲王》福袋有咩卡? (Jan 4, 2017) 《遊☆戯☆王》新動畫玩VR 主角叫「藤木遊作」 (Dec 17, 2016)

Read more ›
多個地區PSN出事 今晚唔打機
by / on 02/10/2014 at 7:53 pm

多個地區PSN出事 今晚唔打機

自今日(2日)大約兩個鐘前開始,香港PSN都已經出現入唔到嘅問題。而喺日本都一樣,今日日本時間下午5時40分開始就進入唔到。日本方面就已經逐步回復喇,香港就暫時未得。不過,大家今晚就算冇出街支持,都應該網上支援,冇乜心情打機……最後,唔知關唔關黑客事,但佢哋唔係忙緊第二樣嘢咩? 相關資訊好番喇!PSN服務復活 可以上網玩 (Aug 25, 2014) 全球PSN被攻擊癱瘓 黑客Twitter玩嘢 (Aug 25, 2014)

Read more ›
裱起你的回憶 PSP拆散做立體畫
by / on 29/09/2014 at 3:16 pm

裱起你的回憶 PSP拆散做立體畫

有啲嘢,我哋一定會記住,就算成為回憶,都係足以令我哋自豪嘅回憶。至於遊戲迷嘅回憶,就一定係遊戲主機,呢位「tommyboy601」部PSP電池爆開咗,宣佈要退落嚟,不過佢就好有心思咁將佢拆散裱起,懷念呢位老朋友。 相關資訊新片速報 即聽初音《7th Dragon 2020 II》主題曲 (Jan 18, 2013) 照抄PSP 強國Andriod遊戲機$800有交易 (Dec 14, 2012)

Read more ›