手機新聞

官方出2018年賀圖 《Evangelion新劇場版》今年有冇得睇?
by / on 06/01/2018 at 5:00 pm

官方出2018年賀圖 《Evangelion新劇場版》今年有冇得睇?

《Evangelion新劇場版》最後一集《シン・エヴァンゲリオン劇場版:||》「Evangelion: 3.0+1.0 」,到底今年會唔會有得睇?睇番個時序先,TV版係1995年,舊劇場版係1997年,新劇場版序係2007年,破2009年,Q 2012年,今年已經2018年喇。官方出咗新年賀圖,講啲嘢都係冇乜特別,多謝上年支持呀,希望下年繼續支持呀咁,有網民就話自2012年Q之後已經支持咗5年幾6年,係,就快支持唔住喇。仲有,今年係狗年,所以明日香都攬住隻柴犬,又所以官方都有新年產品推出,另外電路板電話殼都有新款喇,亦都有iPhone X用嘅,唔駛電識著燈,17,280円。 相關資訊使徒再來襲 大阪環球影城「EVA XR Ride」過山車限定復活 (May 17, 2018) 【有片】再見EVA列車 今日最終運行日 1,200人車站集結 (May 13, 2018)

Read more ›

【有片】同短尾矮袋鼠自拍不是夢 日本出自拍套裝
by / on 03/01/2018 at 5:33 pm

【有片】同短尾矮袋鼠自拍不是夢 日本出自拍套裝

短尾矮袋鼠(Quokka)出名樂意同遊客影相,網上都搵到好多自拍相啦,超可愛,不過要去到西澳海岸嘅小島先見到佢哋……日本就有呢set「一緒に旅に出かけよう クアッカワラビークリップポーチ」推出喇,2,300円,佢個肚入面就有自拍棍,之後夾隻公仔喺上面,張張相都有佢份!留意番,左圖係現實,右圖係理想而真實嘅短尾矮袋鼠。 相關資訊【新片速報】日本喵星人出動 牛仔褲「貓鬚」製造工場 (May 20, 2018) 日本推出 電話座連散熱風扇 睇片好啱 (May 20, 2018)

Read more ›
變電話遊戲!《Devil May Cry》新作中國製造
by / on 26/12/2017 at 8:25 pm

變電話遊戲!《Devil May Cry》新作中國製造

唉,又電話遊戲,而且今次仲係Capcom授權中國Yunchang Game「雲暢遊戲」製作,名為《Devil May Cry: Pinnacle of Combat(鬼泣:巅峰之战)》。遊戲會喺下年推出,除咗保留華麗動作連續技之外,仲可以上網組隊、對戰,唉,今次真係cry。 相關資訊《Devil May Cry》3集高清化合集 3月15日有得玩 (Jan 9, 2018) E3冇影 《Devil May Cry》製作人Twitter:「新作好順利。」 (Jun 19, 2017)

Read more ›
《香港漫畫同盟》第三期 聖誕節見街
by / on 24/12/2017 at 4:14 pm

《香港漫畫同盟》第三期 聖誕節見街

好,介紹番,《香港漫畫同盟》第三期12月25日見街,內容方面,主要分漫畫、輕小說同專欄三部份。漫畫有怨男《香港怨男》、宇紀恆《鐵衛神龍雷馬》、阿豪《樂園のDoor》、慢波《盆菜大作戰》;輕小說有櫻雪同阿威合著嘅《魔女瑪格莉特》,插畫阿豪;專欄有《蘿莉、飛機、宮崎駿》同《機人番告急中?》。望落都幾多嘢睇,呢本書以「百分百港人原創同人漫畫綜合雜誌」定位,聽講「至Goal Club」今日已經有早書返,好希望大家支持。 相關資訊《香港漫畫同盟》網上書店Pena Store有售 (Mar 12, 2018) 曹志豪《死角》圖文小說 聖誕節見街 (Dec 11, 2017)

Read more ›
日本孖仔藝人挑戰iPhone X 面容辨識成功解鎖
by / on 23/12/2017 at 2:49 pm

日本孖仔藝人挑戰iPhone X 面容辨識成功解鎖

iPhone X嘅面部辨識系統越嚟越多人發現問題,之前有小朋友成功解鎖呀媽部機,最近日本著名嘅孖仔藝人ザ・たっち又成功解鎖嘞。號稱可以分辨到雙胞胎,不過睇段片就見到佢哋兩個成功用同一部iPhone X解鎖。咁話時話,佢兩個又真係好似一樣樣咁嘅。 相關資訊日本薄切王 一條方包切47片 (May 20, 2018) 日本網民自創絕技 一秒全變「眼鏡娘」 (May 19, 2018)

Read more ›
【有片】橋本環奈賣電話遊戲《崩壞3rd》 茶色髮型好可愛
by / on 17/12/2017 at 4:32 pm

【有片】橋本環奈賣電話遊戲《崩壞3rd》 茶色髮型好可愛

兩件事嚟嘅,首先,啱啱橋本環奈賣電話遊戲《崩壞3rd》嘅宣傳片出咗,佢仲出咗啲幕後拍攝圖。另一件就係佢喺Twitter出咗一張茶色髮型嘅相,網民就討論緊佢茶髮定黑髮可愛啲…… 相關資訊可愛無罪?橋本環奈Twitter出睇漫畫圖劇透 (Mar 14, 2018) 【腳呀】橋本環奈新圖 其實對腳唔太粗 (Mar 10, 2018)

Read more ›

【Book!】又有新嘢!《Hunter X Hunter》「貪婪大陸」電話套
by / on 15/12/2017 at 10:53 pm

【Book!】又有新嘢!《Hunter X Hunter》「貪婪大陸」電話套

嘩到底咩事,係為咗慶祝佢連載再開,還是搵多啲搵多啲?繼「貪婪大陸」篇嚟緊4月出套裝卡之後,Bandai又有《HUNTER×HUNTER》呢個電話套,有睇佢哋入遊戲世界搵炸彈魔,一定記得呢本「Book」啦?4,082円,今日開始日本收訂,2018年3月出貨。 相關資訊【常識確定】《Hunter X Hunter》宣佈休載 冨樫:「盡快回來。」 (Apr 2, 2018) 新單行本封面公開 提番你《Hunter X Hunter》下周連載再開 (Jan 25, 2018)

Read more ›
【詳情】JOJO奇妙電話 超多嘢玩賣125,712円
by / on 15/12/2017 at 4:16 pm

【詳情】JOJO奇妙電話 超多嘢玩賣125,712円

《JoJo奇妙冒險》今年30周年,頭先報完下年東京都畫展後,啱啱又有第二單料,就早前都報過呢部「JOJO L-02K」電話。早幾年2012年出過一部有第6部空条徐倫,今次呢部就係第5部祖羅祖班納嘅替身「黃金體驗」。以LG V30+為基本,有大量wallpaper、音效、主題等等,仲有AR影相玩,12月20日開始日本接受預訂,下年3月出貨,不過價錢都唔簡單,125,712円,替身攻擊級數。 相關資訊場館設置產品公開 8月「国立美術館」《荒木飛呂彦原画展 JOJO冒険の波紋》 (May 18, 2018) 《JoJo奇妙冒險》x JAM HOME MADE 出「不滅鑽石」戒指 (Apr 29, 2018)

Read more ›
手機版美沙酮 戒毒人士專用每日任掃
by / on 15/12/2017 at 7:17 am

手機版美沙酮 戒毒人士專用每日任掃

有時手機癮吊起上嚟都幾辛苦,患者會好想拎起部手機掃吓碌吓篤吓。外國品牌KLEMENS SCHILLINGER發明咗呢個手機代替品,作用好似美沙酮咁,等上咗癮嘅人可以慢慢戒除毒癮。有五個款式唔同掃法,上下掃又得、Zoom又得,每個操作位都係由好多粒珠組合而成,掃起上嚟手感好好,不過價錢好貴,賣185歐羅起,即係港幣1700左右,快啲叫你中手機毒嘅朋友入去買。 相關資訊集英社推出「漫畫版YouTube」 手機程式免費下載 (May 10, 2018) 日本網民掟手機 攝正天花板隙縫超強身手 (May 1, 2018)

Read more ›
新片速報 晴天雨天捉精靈 《Pokémon GO》更新玩「天氣連動」
by / on 07/12/2017 at 11:41 am

新片速報 晴天雨天捉精靈 《Pokémon GO》更新玩「天氣連動」

你仲有冇玩緊?早前日本鳥取砂丘嘅盛況,都話俾你知日本仲好多人玩啦!我夜晚跑步經過海心公園,都見到門口好多人玩嘅。嚟緊就會有更新喇,《ポケットモンスター ルビー・サファイア》舞台「ホウエン地方」,會有50隻以上新精靈登場,包括「キモリ」、「アチャモ」、「ミズゴロウ」等。另外亦都加入「天気連動機能」,唔同天氣會影響精靈出現嘅機率,亦都會影響招式嘅攻擊力。 相關資訊【估唔到】日本「鳥取砂丘」人逼人 《Pokémon GO》新活動咁吸引 (Nov 24, 2017) 【有片有圖】日本台場警車出動 《Pokémon Go》訓練員進佔馬路 (Sep 21, 2016)

Read more ›
日本藝人iPhone X試男扮女裝 Face ID成功辨識
by / on 28/11/2017 at 7:38 am

日本藝人iPhone X試男扮女裝 Face ID成功辨識

呢位成日男扮女裝嘅日本男藝人「ブルボンヌ」最近又諗到新嘢試,就係iPhone X嘅Face ID嘞!變裝前男兒身嘅佢做咗面部辨識,之後變身女人,畫晒粗眼線貼晒假眼睫毛,仲揸埋脣膏化晒妝,呀媽都未必認到佢,不過iPhone X就成功認到嘞!有網民分析,話因為Face ID認嘅係眼同眼之間嘅距離、鼻嘅形狀、眼鼻口之間嘅位置等等,由於呢啲都無改動過,所以係可以成功認出嘅!諗深一層都好合理,如果唔係好多化妝化妝後嘅靚仔靚女,易容技巧勁過男扮女裝,應該長期解唔到鎖。 相關資訊日本媽媽母親節收「浸浴紅玫瑰」 試用發現超恐怖 (May 19, 2018) 【一張圖變圖集】新奇揹背囊 二次元、三次元同步挑戰 (May 18, 2018)

Read more ›

超可愛《刀劍亂舞》小夜漢堡 極像真仲有可麗餅
by / on 23/11/2017 at 7:08 am

超可愛《刀劍亂舞》小夜漢堡 極像真仲有可麗餅

呢個完成品會唔會太靚?最近有日本網民放咗兩件漢堡上Twitter,吸引好多人RT,主角就係《刀劍亂舞》嘅小夜左文字。唔單止可愛,睇落仲好好食。不過好可惜,其實全部都係用樹脂粘土製作,並唔係真嘅漢堡,唔食得。樓主之前仲整過小夜嘅樹脂粘土可麗餅同Cup Cake,入嚟有回帶。 相關資訊【有片】超可愛雀仔短片 一齊轉超搞笑Twitter熱傳 (May 19, 2018) 【相集】喵星人大得好快 日本熱傳對比照超可愛 (May 18, 2018)

Read more ›
【有片】中文版同步《D×2 真・女神転生リベレーション》 現實世界召喚惡魔
by / on 21/11/2017 at 4:02 pm

【有片】中文版同步《D×2 真・女神転生リベレーション》 現實世界召喚惡魔

SEGA宣佈呢隻電話遊戲《D×2 真・女神轉生 Liberation》會有中文版之餘,台灣、香港、澳門都開放咗事前登錄同封測招募,睇番現場拍嘅影片,可以見到AR機能,喺現實世界召喚惡魔! 相關資訊街霸角色You Lose造型USB 香港品牌官網有得訂 (Apr 27, 2018) 法國攝影師捕捉「香港天台」 密集式港人生活 (Apr 26, 2018)

Read more ›
全員適格者現身 《オルタンシア・サーガ -蒼の騎士団-》x《Evangelion》主角騎士造型
by / on 15/11/2017 at 5:59 pm

全員適格者現身 《オルタンシア・サーガ -蒼の騎士団-》x《Evangelion》主角騎士造型

電話遊戲《オルタンシア・サーガ -蒼の騎士団-》同《Evangelion》合作,啱啱嚟到第4彈。之前見過碇真嗣嘅弱弱騎士造型,仲有渚薰,o依家就有埋最重要嘅綾波麗、明日香同真希波喇! 相關資訊又係咁?日本便利店入多貨 店員美圖促銷意粉 (May 18, 2018) 【有片】京都嵐山竹林大量破壞 竹上寫字有中英韓文 (May 18, 2018)

Read more ›
奇妙的app iPhone X屏熒凸邊消失了
by / on 14/11/2017 at 9:33 pm

奇妙的app iPhone X屏熒凸邊消失了

其實都幾正,不過又真係可以令條邊消失咗嘅,方法就係填黑埋兩邊佢,等佢齊番。呢個叫「Notch Remover」嘅app日本賣120円。係,冇Andriod版嘅……咦? 相關資訊有片:虐待iPhone X!炮仗爆絲毫無損好堅! (Nov 23, 2017) 【有片】Cuson+CaCa賣廣告 痴漢教你借貸攞iPhone X (Nov 8, 2017)

Read more ›