周邊產品

日本超像真食物iPhone殼 咖喱飯真到唔敢拎上手
by / on 22/10/2016 at 12:32 pm

日本超像真食物iPhone殼 咖喱飯真到唔敢拎上手

日本啲食物模型有幾靚大家都見識過,前排介紹過將啲食物放上頭嘅新玩法,最近又有呢堆iPhone殼喺日本熱賣,唔止有經典嘅牛肉餅、魚生飯,連好多汁嘅咖喱飯、麻婆豆腐飯都有,個咖喱飯真到唔敢拎上手拍整污糟自己。價錢每個6458円,不過只限iPhone6/6s,暫時未有iPhone7。 相關資訊日本「J-WORLD TOKYO」有新嘢 坐筋斗雲吹風噴水 (Jun 23, 2017) 日本喵星人「企」街截車 可疑照片Twitter熱傳 (Jun 23, 2017)

Read more ›

【肉全部都係肉】肉肉LINE貼圖睇見都飽 超像真款式特多
by / on 13/10/2016 at 7:14 am

【肉全部都係肉】肉肉LINE貼圖睇見都飽 超像真款式特多

肉全部都係肉!LINE嘅貼紙一向都好正,今次呢個「肉くん」喺Twitter都好多人談論,首先啲肉超像真,面層有反光效果,睇見都飽。其次肉嘅種類極多,梗有一款啱你心水。但問題又嚟嘞,究竟乜嘢時候會想send呢嚿肉比人呢,如果send,你又會想send俾邊個? 相關資訊【多圖】神級玩具化妝師 重畫頭雕極像真 (Jun 23, 2017) 【新片速報】橋本環奈剪短髮 LINE全程直播超人氣 (Jun 7, 2017)

Read more ›
【有片】Google出布製VR眼罩 好多電話都啱用
by / on 05/10/2016 at 2:25 pm

【有片】Google出布製VR眼罩 好多電話都啱用

VR未必一定要玩到電腦、家用機級數,用電話都可以體驗到。咁網上好多好平嘅電話用VR眼罩啦,但講到靚同輕,呢個Google啱啱宣佈推出嘅「Daydream View」就好唔錯喇,有3隻色,用布質物料製造,透氣之餘只重220g,價錢就係$79美元,11月喺歐美等地發售,香港都有官網介紹喇,不過就未有得賣。 相關資訊【有片】7月14日開幕!新宿「VR ZONE SHINJUKU」玩《Evangelion》VR (Jun 13, 2017) 【E3】新片速報 VR打怪 PS VR/VIVE《Doom VFR》公開 (Jun 12, 2017)

Read more ›
【天才級產品】驚跌AirPod?加條線就得……
by / on 12/09/2016 at 9:59 pm

【天才級產品】驚跌AirPod?加條線就得……

我終於知AirPod嗰兩支棍仔有咩用喇,原來係俾你套條線呀……AirPod好有型,但好多人都驚好易會唔見,於是有人就發明咗呢條線「AirPod Strap」,俾你套住兩邊,咁就唔會跌啦,$24.9美元買個蠢字,抵呀!其實計我話,條線如果插埋入部電話度就更加穩陣喇…..聞西! 相關資訊真心佩服!新設計籃形耳環 載住AirPods唔怕唔見 (Oct 27, 2016)

Read more ›
【真正補給】外國玩家製「Pokécenter」同時幫12部機充電
by / on 11/08/2016 at 6:08 pm

【真正補給】外國玩家製「Pokécenter」同時幫12部機充電

玩《Pokémon Go》好需要補給,不過未必係精靈球,而係部電話嘅電呀!呢位造福人群嘅人就係Spencer Kern,佢用木板加3D Printer再油上唔同顏色,製作咗呢個「Pokécenter」補給站!而且佢唔係放喺屋企自己玩,真係拎出街去幫各精靈訓練員補給!佢話內藏嘅solar generator同時可以為10至12部電話充電,入嚟仲有製作過程睇,真係要比個卡佢。 相關資訊新片速報 《ポッ拳》出Switch版 《Pokémon》11月出新作Ultra Sun/Ultra Moon (Jun 6, 2017) 【有片】《Pokémon》又有新歌聽 今次主角小磁怪 (Jun 1, 2017)

Read more ›
【有片】商品化!玩《Pokémon Go》必備 精靈圖鑑電話殼超精美
by / on 10/08/2016 at 6:12 pm

【有片】商品化!玩《Pokémon Go》必備 精靈圖鑑電話殼超精美

之前都有網民自己用3D Printer製作咗精靈圖鑑Pokédex電話殼,不過如果屋企冇3D Printer就冇計啦。今次就輪到美國3d Central喎,而且佢話有商品化計劃,對應iPhone 6、iPhone 6 PLUS、Galaxy Note 5、Galaxy S7,之後仲會對應唔同電話型號,仲送海外,詳情下周公開!呢個精靈圖鑑Pokédex(ポケモンずかん)雖然唔似之前網民嗰個可以當埋尿袋用,但係就加裝埋個瞄準器,睇完片就知,玩起嚟就專業好多啦。有得買再通知大家。 相關資訊下月開車 《Pokémon》列車大變新 (May 30, 2017) 【超爽】貓奴狗奴去旅行有辦法 免費住屋兼有寵物玩 (May 17, 2017)

Read more ›

【電話出魔法?】日本「ペルソナ全書」電話套 加埋「契約者の鍵」
by / on 05/08/2016 at 9:08 pm

【電話出魔法?】日本「ペルソナ全書」電話套 加埋「契約者の鍵」

呢個電話套,一睇覺得好似魔法書,其實係SuperGroupies限定、劇場版《ペルソナ3》入面嘅「ペルソナ全書」電話套,而且仲要掛住條「契約者の鍵」,真係型到爆!電話套有iPhone5/5s/SE/6/6S版本,5200円,10月尾出貨。點解呢個時候出呢,可能因為劇場版《ペルソナ3》第4章啱啱出咗藍光碟…… 相關資訊《Persona 5》 X PASELA RESORTS推出限定餐點 玩到11月尾 (Oct 11, 2016) 「四軒茶屋」聖地現身 《Persona 5》遊戲與現實 (Sep 27, 2016)

Read more ›
【身份象徵】精靈球叉電器 為《Pokémon Go》做足準備
by / on 24/07/2016 at 11:22 am

【身份象徵】精靈球叉電器 為《Pokémon Go》做足準備

玩得《Pokémon Go》最驚應該係電話無電,外國網Etsy嘅商舖MagicalSuperStore就設計咗呢個精靈球尿袋「Pokédex charger」,可以掛喺背囊、勾喺褲頭,簡直係身份嘅象徵。有5300mAH,夠叉兩次左右,$40美金唔算貴。既然未有得玩住,買住配備先囉。 相關資訊精靈球食玩套裝 扣喺腰中二病發 (Apr 20, 2017) 超可愛立體「貓屁屁」電話殼 仲有馬騮/豬/班馬 (Apr 16, 2017)

Read more ›
精靈球一定中?《Pokémon GO》專用電話殼免費下載
by / on 23/07/2016 at 9:00 pm

精靈球一定中?《Pokémon GO》專用電話殼免費下載

玩《Pokémon GO》除咗要搵小精靈外,搵到仲要拋出精靈球去捉……為咗令命中率提高,呢個電話殼就幫到手!睇圖就明點解喇,咁邊度買到?冇得買,但有得免費下載再用3D Printer自己整出嚟,暫時只係得iPhone 6版本。 相關資訊《Pokémon》「リーリエ」個袋 6月發售賣4,320円 (Mar 14, 2017) 【圖集】又嚟日本平價cosplay 瑞士卷扮毀容版Pokemon (Mar 9, 2017)

Read more ›
玩《Pokémon Go》絕配 自製精靈圖鑑Pokédex殼連尿袋
by / on 19/07/2016 at 2:50 pm

玩《Pokémon Go》絕配 自製精靈圖鑑Pokédex殼連尿袋

外國好多人玩緊《Pokémon Go》,佢哋都出現一個問題,就係部電話好快冇電啦,又要開GPS又盛。咁用普通嘅尿袋似乎唔夠投入喇,呢位外國fans NPOOLE就用3D Printer自製咗一個精靈圖鑑Pokédex(ポケモンずかん)電話殼連充電器喇。雖然只係得2,600mAh,但見到小精靈都可以頂多一陣,最重要係呢個殼拎出嚟玩真係太威。佢部電話係Galaxy S4,除咗有製作過程外,佢仲有file俾大家下載,如果有3D Printer又係用S4,咁就可以整喇。 相關資訊適合任何環境 《Pokémon》地鼠公仔自然生出 (Mar 3, 2017) 【抵買】比卡超學人戴眼鏡 日本Zoff推岀5款Pokemon眼鏡 (Feb 13, 2017)

Read more ›
【有片】桌球emoji影片超搞笑 唔覺意入窿旁邊恥笑
by / on 02/07/2016 at 1:27 pm

【有片】桌球emoji影片超搞笑 唔覺意入窿旁邊恥笑

如果要揀一樣最適合Emoji出嘅產品,我會投桌球一票。呢段片叫PoolMoji,15粒桌球全部有唔同嘅emoji表情,拍片嘅Le Divelec Jean-Baptiste仲專登度過晒啲擺位,一粒粒emoji個樣好驚青,當有粒波唔覺意入咗窿,旁邊就有個笑佢嘅桌球放喺度,好正。美中不足係無得分顏色,好難計分。 相關資訊有片:Que棍搭橋檯過檯 一Que射程150米入窿 (Jan 17, 2017) 【有片】奇妙洋人好危險 開槍打桌球 (Oct 9, 2016)

Read more ›

【有片】電話用散熱風扇 又係尿袋又係機座
by / on 01/07/2016 at 10:15 am

【有片】電話用散熱風扇 又係尿袋又係機座

講番先,其實佢只係1000mAh,即係真係好緊急時先當尿袋頂一陣。因為佢嘅主要功能係幫電話散熱,充電個半鐘就可以用5個鐘,而且仲可以當埋機座,至於點解會用Sony電話嚟做示範呢,我諗用緊Sony機嘅包括我都知咩事,真係冬暖夏熱o架。另外佢都有講到部機熱,就係會辣手、令電量突然下降同埋機能變慢喎。「スマホ用冷却クーラー(型番400-CLN023)」,3,685円,其實可唔可以當埋風扇用? 相關資訊日本低成本燈箱廣告 只有QR Code引人嘟 (Jun 22, 2017) 廢人煉成陣 日本電腦枱套裝 可以唔郁幾個鐘 (Jun 22, 2017)

Read more ›
【堅想要】日本《Star Wars》IC咭套/電話殼 唔駛用電自動發光
by / on 20/06/2016 at 7:13 am

【堅想要】日本《Star Wars》IC咭套/電話殼 唔駛用電自動發光

型到震!星戰迷睇完應該會流晒口水。日本公司Denshi Gihan最近推出嘅《Star Wars》IC咭套同埋iPhone 6/6s電話殼,勁在唔駛用電都識發光。其實呢個直情係塊電路版,個IC咭套可以做到當你過閘嘟咭時會自動著燈,另外個電話殼就會喺接收情況良好時自動著燈,有黑、白、綠三種顏色,唯一最大問題係價錢,IC咭套賣11000円、iPhone 6/6s殼賣15000円起,幾貴。不過當我考慮緊時,就發現最想買嘅白色電話殻已經賣晒,so sad!最後要提吓大家,IC咭暫時測試過日本本地用到識著燈,至於帶到嚟香港仲得唔得?就要博一博嘞。 相關資訊【有片】伯伯打保齡 奇妙起手式太有型 (Jun 22, 2017) 【新片速報】日本水獺仔超貪玩 飼育員用毛巾瘋狂旋轉 (Jun 22, 2017)

Read more ›
12月推出 電話扮GameoBoy 套個殼有掣撳
by / on 17/06/2016 at 8:39 pm

12月推出 電話扮GameoBoy 套個殼有掣撳

喺電話玩懷舊遊戲係幾正嘅,不過冇實體掣始終爭啲,如果可以做到十字掣加AB掣,外型仲要似番舊任記出品……呢個喺E3展出嘅「Smart Boy」電話殼,本身係一個愚人節玩笑,o依家決定正式喺12月推出,除咗模擬器外,背後仲真係可以插帶!會有Android同iPhone版,不過價錢未定。 相關資訊日本新出電話袋 掃電話 = 掃柴仔個肚 (Jun 8, 2017) 【有片】日本列車到站超真實 自製電話動態wallpaper (Jun 3, 2017)

Read more ›
《貓咪收集》推出杯邊玩具 黑喵杯邊照玩毛球
by / on 16/06/2016 at 7:15 am

《貓咪收集》推出杯邊玩具 黑喵杯邊照玩毛球

手機遊戲《貓咪收集(ねこあつめ)》入面啲喵超可愛,唔係貓奴都會鍾意佢哋。最近佢哋終於向杯緣子進發,推出一式六件嘅貓咪杯邊玩具。6款貓6個造型,我最鍾意都係黑喵嗰款,吊住喺杯邊仲要玩毛球,襯晒佢哋貪玩唔怕死嘅性格呀!預計9月頭發售,貓奴點都要儲齊一套! 相關資訊日本攝影高手玩砂 超有氣勢玩具圖集 (Jun 20, 2017) 【新片速報】日本鸚鵡仔有新玩具 教對方講嘢超可愛 (Jun 5, 2017)

Read more ›