其他

日本大師級「夜櫻」靚相 超高質Twitter熱傳
by / on 16/04/2017 at 11:56 am

日本大師級「夜櫻」靚相 超高質Twitter熱傳

呢位日本攝影師KAGAYA專影風景相,張張都靚到仙境一樣。最近櫻花盛開,佢分別去咗東京、京都同奈良影櫻花。之前嘅櫻花玻璃球喺網上勁多人RT。最近佢去咗奈良縣嘅吉野山,影咗呢張超靚嘅千本櫻之夜。城市嘅燈光加上月光,令到每朵櫻花都勁靚。之後仲去埋奈良縣嘅宇陀市影夜櫻,仲有之前嘅京都靚相,全部都超高質,入嚟有得睇。 相關資訊【有片】日本公司任喵行 吸引愛喵人才見工 (Apr 25, 2017) 【有片】肌迷有福了!日本「茨城温泉」宣傳片温泉x筋肉x4K (Apr 25, 2017)

Read more ›

日本攝影師超靚街景相     涉谷街頭VS香港高樓
by / on 26/03/2017 at 1:15 pm

日本攝影師超靚街景相 涉谷街頭VS香港高樓

呢位日本攝影師鏡頭下嘅東京,同我哋平時見到嘅有啲唔同,但係效果好正。輯相喺Twitter好受歡迎,好多人留言同佢交流攝影心得。眼利嘅讀者可能會發現第四張相好熟口面,其實取景地點就係香港。另外第一張係渋谷,第二張係新宿西口,第三張係秋葉原。個人好鍾意秋葉原嗰張,好似人中之龍。 相關資訊【有片】日本婆婆電車內爆氣 叫聲激似《龍珠Z》悟空 (Apr 25, 2017) 【相集】日本喵星人夏天換新床 超開心Twitter熱傳 (Apr 25, 2017)

Read more ›
【圓臉喵】日本網民影喵新方法    紙筒偷影效果超正
by / on 04/02/2017 at 12:43 pm

【圓臉喵】日本網民影喵新方法 紙筒偷影效果超正

各位貓奴可以試吓呢種創新嘅攝影方法。有日本網民搵咗個紙筒,之後引啲喵星人裝裝吓,然後就喺另一邊偷影佢,出嚟嘅效果好特別,喵星人個樣仲好得意。有網民仲幫佢將隻貓頭變成月亮,key咗喺日本夜景嘅天空度,效果超正! 相關資訊日本超巨大腐皮包烏冬 奈良車站附近有得食 (Apr 25, 2017) 勁到癲!日本模型高手二次元塗裝新作「ガンダム・バルバトスルプスレクス」 (Apr 24, 2017)

Read more ›
日本喵星人狂抓單車轆 「野良貓散步」街貓相集
by / on 25/12/2016 at 11:33 am

日本喵星人狂抓單車轆 「野良貓散步」街貓相集

究竟個單車轆有啲乜嘢令隻喵星人咁瘋狂呢?呢幾張相喺日本Twitter好多人分享,有人話隻貓可能想磨爪,亦有人話可能架單車違例停泊,搞到喵星人好嬲豬。BTW,呢個「野良猫散歩 」嘅Twitter戶口好多喵睇,佢哋專影當地嘅流浪貓,仲會間中喺日本做相展,入嚟有精選相集睇,睇得出當地嘅流浪貓好食好住,肥美之餘仲經常碌嚟碌去,生活得幾開心。 相關資訊原來貓頭鷹對腳好長 日本網民狂出圖 (Apr 24, 2017) 【新片速報】日本貓奴想彈琴 3隻喵星人聯手攻擊 (Apr 24, 2017)

Read more ›
韓國喵星人識企起身「請請」 求神拜佛有魚食?
by / on 06/12/2016 at 7:26 am

韓國喵星人識企起身「請請」 求神拜佛有魚食?

喵星人喺韓國都好受歡迎,呢位喵主人就開咗個專頁分享屋企兩隻喵嘅生活照,仲吸引到日本傳媒報導。主要原因係佢其中一隻黑白毛色嘅喵居然識企起身「請請」!睇片就知有幾神奇。而且佢好聽話,嗌佢就會表演,側邊睇就好似拜緊神咁,唔知係咪求神拜佛今晚有魚食呢?雖然屋企另外嗰隻喵唔識「請請」,但都一樣好得寵,睇佢哋屋企開晒暖爐又有老鼠屋瞓就知,好嘆呀!入嚟仲有佢哋嘅生活照,又舔毛又盛,超治癒。 相關資訊【新片速報】日本喵星人刁鑽飲水法 其實飲唔倒Twitter熱傳 (Apr 24, 2017) 日本喵星人「謎之寫真」 擘大口搞笑表情Twitter熱傳 (Apr 20, 2017)

Read more ›
日本「喵星人瞓大脾」寫真展 青山裕企又有新題材
by / on 06/12/2016 at 7:12 am

日本「喵星人瞓大脾」寫真展 青山裕企又有新題材

「喵星人」加「腳」,真係無得輸。東京嚟緊會搞咗呢個「ネコとフトモモ」(貓和大腿) 攝影展,大量喵星人瞓喺靚女(我估係咋)嘅大脾上面影寫真,睇相都感受到嗰浸母愛。有無一刻好想做喵?至於攝影師就係青山裕企,即係之前出過寫真《絕對領域》、《女子高校生妄攝》,連男男同居、揭起女學生校服裙呢啲題材都拍過,似乎呢個世界無嘢可以再難倒佢嘞。展覽喺12月9日開始,地點係東京早稻田嘅YUKAI HANDS Gallery,鍾意喵嘅梗係要去支持吓啦! 相關資訊日本網民發現孖蕉 打開蕉皮暗藏兩條蕉 (Apr 24, 2017) 日本超實用「封印」膠紙 封iPhone封老闆 (Apr 24, 2017)

Read more ›

日本奈良「神聖的鹿仔」相片熱傳    網民質疑:「係咪偷圖?」
by / on 03/12/2016 at 10:57 am

日本奈良「神聖的鹿仔」相片熱傳 網民質疑:「係咪偷圖?」

有無開始掛住日本奈良嗰班進擊的鹿仔?最近有日本網民放咗張圖上2ch,話自己今朝喺奈良公園影到張相,隻鹿睇落好神聖,張相靚到可以做wallpaper,不過好快有網民留言話:「樓主肯定係偷圖啦!」之後又有人質疑:「奈良嘅鹿應該切晒角喎!」不過樓主好快放咗張高解像嘅圖上網,而網民喺網上以圖搜尋都搵唔到一樣嘅圖,大家繼而開始問樓主用啲咩攝影器材。係囉,人與人之間要有信任嘛。仲有錯咗就要認,之前質疑佢嗰位都話:「好啦同你道歉!」 相關資訊【新片】超好睇!俄羅斯溜冰美少女 變身月野兔交足戲 (Apr 23, 2017) 【有片】拆彈專家出動 日本秋葉原站發現不明物 (Apr 23, 2017)

Read more ›
【貓奴必買】屬於香港人嘅貓相集 影盡傳統老舖唐貓
by / on 23/10/2016 at 11:35 am

【貓奴必買】屬於香港人嘅貓相集 影盡傳統老舖唐貓

作為一個土生土長嘅香港貓奴,睇呢輯相應該會好有共鳴。長住喺香港嘅荷蘭攝影師Marcel Heijnen,發現香港好多傳統老店例如藥材舖、五金舖、海味舖等等都有養貓,佢覺得好有趣,於是多年嚟走訪好多店舖影落大量喵相,鏡頭下嘅唐貓全部都好可愛,勾起好多香港人嘅回憶,記唔記得你細個落士多或者街口嗰隻貓仔?鍾意佢嘅作品可以follow佢嘅Instagram,或者親身去12月喺Blue Lotus Gallery舉行嘅展覽,再買本佢嘅相集《香港舖頭貓》支持吓! 相關資訊超靚日本玻璃球櫻花景 大師級隨便影過萬人分享 (Apr 7, 2017) 【相集】神級汽車攝影師自製場景 大風雪靠灑糖霜 (Apr 4, 2017)

Read more ›
【相集】大量飛機同時起飛 超震憾相集Twitter熱傳
by / on 21/10/2016 at 7:12 am

【相集】大量飛機同時起飛 超震憾相集Twitter熱傳

今日打8號波好多航班延誤,見到呢輯相特別應景。輯相呢兩日喺Twitter好多人分享,平時絕對無機會睇到咁多架飛機一齊起飛,不過攝影師Mike Kelley就用合成方法,將同一個機場起飛嘅飛機合成為一張相,效果好震憾。概念要追溯至兩年前,佢喺洛杉磯機場8小時,影咗370張飛機起飛相,然後合成為一張,吸引好多人報導,之後佢用咗兩年時間,喺唔同嘅機場拍攝同一概念嘅相,最新有啱啱發佈嘅東京羽田機場,好有親切感。 相關資訊【有片】唔係廁所板 搭飛機必備恰陣神器 (Mar 30, 2017) 【相集】日本京都「春夏秋冬」超靚夜景相 日本攝影師Twitter要follow (Feb 25, 2017)

Read more ›
【回帶】東京地鐵實況相集 日本網民:「好似奴隸船!」
by / on 18/10/2016 at 7:11 am

【回帶】東京地鐵實況相集 日本網民:「好似奴隸船!」

【回帶】東京地鐵實況相集 日本網民:「好似奴隸船!」 德國攝影師Michael Wolf嘅作品好正,作為住喺香港日日迫港鐵返工放工嘅,應該特別有同感。佢嘅攝影集「Tokyo Compression」紀錄咗15年嚟喺東京地鐵朝早見到嘅實況,車廂入面嘅人迫到塊臉要貼實玻璃,有啲皺晒眉,有啲無眼睇,亦有啲瞓晒覺好真實。呢輯相喺2012年發佈,最近有日本網民放返上2ch討論區,網民嘅反應好熱烈,有人留言話:「點睇都似奴隸船」、「坐喺度同迫埋一邊嘅人俾同樣票價,公平咩?」、「唔好亂咁拍人啦!」 相關資訊【有片】浪漫!日本樂器攤位試彈琴 引嚟德國樂手突發合奏 (Apr 21, 2017) 醫神Baymax扮樽蓋肥得滯 日本東京迪士尼有得買 (Apr 15, 2017)

Read more ›
神級攝影師影Audi    唔用真車用玩具車零PS
by / on 17/10/2016 at 7:12 am

神級攝影師影Audi 唔用真車用玩具車零PS

  呢位來自墨西哥嘅攝影師Felix Hernandez Rodriguez之前都介紹過,佢影玩具超勁,加啲麵粉吹吓煙就影出超迫真雪景。咁最近Audi就搵佢幫手影架新車R8,大師即係大師,過百萬嘅真車唔影,改為用架港幣300蚊左右嘅玩具車嚟拍攝,仲要完成圖零PS,出嚟嘅效果勁正,十足喺沙地馳騁咁。入嚟有佢之前嘅作品回帶,推介! 相關資訊【神級】南韓畫家超真實人像畫 皺紋毛孔細緻呈現 (Apr 25, 2017) 【圖集】日本神級動漫刺繡師 繡漫畫圖仲有對白 (Mar 9, 2017)

Read more ›

【高質相集】日本喵星人夕陽跳躍 超高質Twitter熱傳
by / on 21/08/2016 at 1:02 pm

【高質相集】日本喵星人夕陽跳躍 超高質Twitter熱傳

呢輯喵星人寫真好高質,難怪喺Twitter勁多人熱傳。輯相拍攝喺夕陽下跳躍嘅喵星人,動感倒影配埋絕靚背景,唔係貓奴都會真心讚。其實輯相係由之前介紹過嘅[email protected]_77操刀,佢最擅長就係影跳躍嘅街貓,入嚟有回帶。 相關資訊【有片】運氣話嚟就嚟 魚仔出水 日本Wakeboard友被啄要害 (Apr 23, 2017) 【有片】日本熊本城紙模型 籌款重建香港都買到 (Apr 23, 2017)

Read more ›
日本攝影師「青山裕企」新寫真 男男題材「同性同居一星期」
by / on 16/08/2016 at 7:13 am

日本攝影師「青山裕企」新寫真 男男題材「同性同居一星期」

之前出過《絕對領域》同埋《女子高校生妄攝》寫真集,日本攝影師青山 裕企好多產,而且每次出寫真都會成為話題,最新宣傳嘅有呢本《DOUSEI-ドウセイ-》,主角係兩個男人中田敦彦同藤森慎吾(オリラジ),玩法係影兩個男人共同生活一星期嘅片段,互相餵食、一齊瞓覺、打機(不過係PS3)、打呔,好Sweet,宣傳照一出喺Twitter好多人RT,想睇嘅要等9月2日正式推出嘞。 相關資訊【寂寞】日本爸爸沉迷打機致離婚 升呢為網上重遇女兒 (Apr 22, 2017) 【有片】日本Sony Interactive Entertainment總部 玩巨型DualShock 4 (Apr 22, 2017)

Read more ›
【相集】結婚相另類玩法 情侶變迷你人仔
by / on 18/07/2016 at 7:13 am

【相集】結婚相另類玩法 情侶變迷你人仔

影結婚相仲有咩玩法?泰國攝影師Ekkachai Saelow就諗到將男女主角變成小人國嘅人仔,利用後期Photoshop加工整成好特別嘅相。間中仲有佢嘅私伙玩具出場,即係可以大條道理買「道具」,正。除咗結婚相之外,似乎好多情侶都鍾意搵佢影吓生活照,屋企擺滿玩具嘅,可以諗吓自己出動私伙影返輯,不過當然,首先你要有‥‥‥ 相關資訊【新片速報】日本迷你喵星人 玩謎之遊戲超可愛 (Mar 28, 2017) 【圖集】超迷你首飾Etsy有得買 小王子/Iron Man極細緻 (Mar 21, 2017)

Read more ›
【相集】日本停車場「喵星人家族」超可愛    一家四口好食好住
by / on 08/07/2016 at 7:13 am

【相集】日本停車場「喵星人家族」超可愛 一家四口好食好住

香港唔少屋邨停車場都會發現流浪貓,日本有網民最近發現附近一間飲食店嘅停車場都有大量貓蹤影喎!佢好認真咁追踪班喵星人,仲影晒寫真放上網,吸引好多人睇。輯相見到主要有1隻白色大貓同3隻小貓,個個都肥肥哋,相信平時應該好食好住。3隻小貓之中有隻同大貓一樣係白色嘅,另外兩隻就係三色喵仔,不過白色大喵一視同仁,照樣幫佢哋舔毛兼一齊瞓,白色貓仔仲瞓到踢晒腳,好搞笑! 相關資訊【新片速報】日本水豚溫馨進食片 一條草兩份食超sweet (Apr 22, 2017) 日本Cosplay闖入動物園影相 角色太似動物職員勸阻 (Apr 22, 2017)

Read more ›