其他

日本喵星人狂抓單車轆 「野良貓散步」街貓相集
by / on 25/12/2016 at 11:33 am

日本喵星人狂抓單車轆 「野良貓散步」街貓相集

究竟個單車轆有啲乜嘢令隻喵星人咁瘋狂呢?呢幾張相喺日本Twitter好多人分享,有人話隻貓可能想磨爪,亦有人話可能架單車違例停泊,搞到喵星人好嬲豬。BTW,呢個「野良猫散歩 」嘅Twitter戶口好多喵睇,佢哋專影當地嘅流浪貓,仲會間中喺日本做相展,入嚟有精選相集睇,睇得出當地嘅流浪貓好食好住,肥美之餘仲經常碌嚟碌去,生活得幾開心。 相關資訊【有片】兒時夢想呀!Bandai出筋斗雲攬枕 (Sep 22, 2017) 【有片】強壯Body唔好嘥 日本消防員拍50套AV被發現 (Sep 22, 2017)

Read more ›

韓國喵星人識企起身「請請」 求神拜佛有魚食?
by / on 06/12/2016 at 7:26 am

韓國喵星人識企起身「請請」 求神拜佛有魚食?

喵星人喺韓國都好受歡迎,呢位喵主人就開咗個專頁分享屋企兩隻喵嘅生活照,仲吸引到日本傳媒報導。主要原因係佢其中一隻黑白毛色嘅喵居然識企起身「請請」!睇片就知有幾神奇。而且佢好聽話,嗌佢就會表演,側邊睇就好似拜緊神咁,唔知係咪求神拜佛今晚有魚食呢?雖然屋企另外嗰隻喵唔識「請請」,但都一樣好得寵,睇佢哋屋企開晒暖爐又有老鼠屋瞓就知,好嘆呀!入嚟仲有佢哋嘅生活照,又舔毛又盛,超治癒。 相關資訊【新片速報】喵星人表演高空雜技 拉長全身腳揈揈 (Sep 22, 2017) 【新片速報】日本喵星人被玩尾 突然發惡影片Twitter熱傳 (Sep 21, 2017)

Read more ›
日本「喵星人瞓大脾」寫真展 青山裕企又有新題材
by / on 06/12/2016 at 7:12 am

日本「喵星人瞓大脾」寫真展 青山裕企又有新題材

「喵星人」加「腳」,真係無得輸。東京嚟緊會搞咗呢個「ネコとフトモモ」(貓和大腿) 攝影展,大量喵星人瞓喺靚女(我估係咋)嘅大脾上面影寫真,睇相都感受到嗰浸母愛。有無一刻好想做喵?至於攝影師就係青山裕企,即係之前出過寫真《絕對領域》、《女子高校生妄攝》,連男男同居、揭起女學生校服裙呢啲題材都拍過,似乎呢個世界無嘢可以再難倒佢嘞。展覽喺12月9日開始,地點係東京早稻田嘅YUKAI HANDS Gallery,鍾意喵嘅梗係要去支持吓啦! 相關資訊【有片】日本屋中屋帳篷 自製私人空間唔駛1千蚊 (Sep 22, 2017) 日本雨傘防失踪方法 扮警局財物網上熱傳 (Sep 22, 2017)

Read more ›
日本奈良「神聖的鹿仔」相片熱傳    網民質疑:「係咪偷圖?」
by / on 03/12/2016 at 10:57 am

日本奈良「神聖的鹿仔」相片熱傳 網民質疑:「係咪偷圖?」

有無開始掛住日本奈良嗰班進擊的鹿仔?最近有日本網民放咗張圖上2ch,話自己今朝喺奈良公園影到張相,隻鹿睇落好神聖,張相靚到可以做wallpaper,不過好快有網民留言話:「樓主肯定係偷圖啦!」之後又有人質疑:「奈良嘅鹿應該切晒角喎!」不過樓主好快放咗張高解像嘅圖上網,而網民喺網上以圖搜尋都搵唔到一樣嘅圖,大家繼而開始問樓主用啲咩攝影器材。係囉,人與人之間要有信任嘛。仲有錯咗就要認,之前質疑佢嗰位都話:「好啦同你道歉!」 相關資訊日本Twitter熱爆青梅竹馬漫畫 泰國致敬版超爆笑 (Sep 21, 2017) 1月東京開展 《Final Fantasy》30周年大型回顧展 (Sep 21, 2017)

Read more ›
【貓奴必買】屬於香港人嘅貓相集 影盡傳統老舖唐貓
by / on 23/10/2016 at 11:35 am

【貓奴必買】屬於香港人嘅貓相集 影盡傳統老舖唐貓

作為一個土生土長嘅香港貓奴,睇呢輯相應該會好有共鳴。長住喺香港嘅荷蘭攝影師Marcel Heijnen,發現香港好多傳統老店例如藥材舖、五金舖、海味舖等等都有養貓,佢覺得好有趣,於是多年嚟走訪好多店舖影落大量喵相,鏡頭下嘅唐貓全部都好可愛,勾起好多香港人嘅回憶,記唔記得你細個落士多或者街口嗰隻貓仔?鍾意佢嘅作品可以follow佢嘅Instagram,或者親身去12月喺Blue Lotus Gallery舉行嘅展覽,再買本佢嘅相集《香港舖頭貓》支持吓! 相關資訊日本傳統貓奴怪 奇譚新扭蛋夠古怪夠特別 (Sep 20, 2017) 日本喵星人四季瞓覺圖 貓奴睇完有共鳴 (Sep 6, 2017)

Read more ›
【相集】大量飛機同時起飛 超震憾相集Twitter熱傳
by / on 21/10/2016 at 7:12 am

【相集】大量飛機同時起飛 超震憾相集Twitter熱傳

今日打8號波好多航班延誤,見到呢輯相特別應景。輯相呢兩日喺Twitter好多人分享,平時絕對無機會睇到咁多架飛機一齊起飛,不過攝影師Mike Kelley就用合成方法,將同一個機場起飛嘅飛機合成為一張相,效果好震憾。概念要追溯至兩年前,佢喺洛杉磯機場8小時,影咗370張飛機起飛相,然後合成為一張,吸引好多人報導,之後佢用咗兩年時間,喺唔同嘅機場拍攝同一概念嘅相,最新有啱啱發佈嘅東京羽田機場,好有親切感。 相關資訊【大師級】麥當勞盒加iPhone影人像 超強攝影技網上熱傳 (Aug 31, 2017) 【相集】日本「貓貓拳」攝影師新作 肥貓跳躍姿勢優雅 (Aug 24, 2017)

Read more ›

【回帶】東京地鐵實況相集 日本網民:「好似奴隸船!」
by / on 18/10/2016 at 7:11 am

【回帶】東京地鐵實況相集 日本網民:「好似奴隸船!」

【回帶】東京地鐵實況相集 日本網民:「好似奴隸船!」 德國攝影師Michael Wolf嘅作品好正,作為住喺香港日日迫港鐵返工放工嘅,應該特別有同感。佢嘅攝影集「Tokyo Compression」紀錄咗15年嚟喺東京地鐵朝早見到嘅實況,車廂入面嘅人迫到塊臉要貼實玻璃,有啲皺晒眉,有啲無眼睇,亦有啲瞓晒覺好真實。呢輯相喺2012年發佈,最近有日本網民放返上2ch討論區,網民嘅反應好熱烈,有人留言話:「點睇都似奴隸船」、「坐喺度同迫埋一邊嘅人俾同樣票價,公平咩?」、「唔好亂咁拍人啦!」 相關資訊【今次要試】東京藍色拉麵挑戰底線 日本網民話幾好味 (Sep 21, 2017) 新好過舊?2020年東京奧運義工制服 (Sep 16, 2017)

Read more ›
神級攝影師影Audi    唔用真車用玩具車零PS
by / on 17/10/2016 at 7:12 am

神級攝影師影Audi 唔用真車用玩具車零PS

  呢位來自墨西哥嘅攝影師Felix Hernandez Rodriguez之前都介紹過,佢影玩具超勁,加啲麵粉吹吓煙就影出超迫真雪景。咁最近Audi就搵佢幫手影架新車R8,大師即係大師,過百萬嘅真車唔影,改為用架港幣300蚊左右嘅玩具車嚟拍攝,仲要完成圖零PS,出嚟嘅效果勁正,十足喺沙地馳騁咁。入嚟有佢之前嘅作品回帶,推介! 相關資訊Pen So x Audi畫車 Showroom有得睇 (Aug 31, 2017) 裸體雕塑着返衫 法國攝影師神級PS技術 (Aug 15, 2017)

Read more ›
【高質相集】日本喵星人夕陽跳躍 超高質Twitter熱傳
by / on 21/08/2016 at 1:02 pm

【高質相集】日本喵星人夕陽跳躍 超高質Twitter熱傳

呢輯喵星人寫真好高質,難怪喺Twitter勁多人熱傳。輯相拍攝喺夕陽下跳躍嘅喵星人,動感倒影配埋絕靚背景,唔係貓奴都會真心讚。其實輯相係由之前介紹過嘅日本影貓達人@sakata_77操刀,佢最擅長就係影跳躍嘅街貓,入嚟有回帶。 相關資訊日本白色鬚鬍喵 超搞笑外型Twitter熱傳 (Sep 21, 2017) 八哥變四方狗 日本扭蛋一式6款層層叠 (Sep 20, 2017)

Read more ›
日本攝影師「青山裕企」新寫真 男男題材「同性同居一星期」
by / on 16/08/2016 at 7:13 am

日本攝影師「青山裕企」新寫真 男男題材「同性同居一星期」

之前出過《絕對領域》同埋《女子高校生妄攝》寫真集,日本攝影師青山 裕企好多產,而且每次出寫真都會成為話題,最新宣傳嘅有呢本《DOUSEI-ドウセイ-》,主角係兩個男人中田敦彦同藤森慎吾(オリラジ),玩法係影兩個男人共同生活一星期嘅片段,互相餵食、一齊瞓覺、打機(不過係PS3)、打呔,好Sweet,宣傳照一出喺Twitter好多人RT,想睇嘅要等9月2日正式推出嘞。 相關資訊【相集】日本超強顏藝值狗狗 惡樣萌樣Twitter熱傳 (Sep 20, 2017) 【有片】釣魚的人有福了 博多灣河口大量魚聚集浮面 (Sep 19, 2017)

Read more ›
【相集】結婚相另類玩法 情侶變迷你人仔
by / on 18/07/2016 at 7:13 am

【相集】結婚相另類玩法 情侶變迷你人仔

影結婚相仲有咩玩法?泰國攝影師Ekkachai Saelow就諗到將男女主角變成小人國嘅人仔,利用後期Photoshop加工整成好特別嘅相。間中仲有佢嘅私伙玩具出場,即係可以大條道理買「道具」,正。除咗結婚相之外,似乎好多情侶都鍾意搵佢影吓生活照,屋企擺滿玩具嘅,可以諗吓自己出動私伙影返輯,不過當然,首先你要有‥‥‥ 相關資訊【惡意滿滿】日本超不雅人仔筆座 直插屁屁或肚皮 (Aug 3, 2017) 【新片速報】日本貓奴打機新玩法 狂掃喵星人 (Jul 22, 2017)

Read more ›

【相集】日本停車場「喵星人家族」超可愛    一家四口好食好住
by / on 08/07/2016 at 7:13 am

【相集】日本停車場「喵星人家族」超可愛 一家四口好食好住

香港唔少屋邨停車場都會發現流浪貓,日本有網民最近發現附近一間飲食店嘅停車場都有大量貓蹤影喎!佢好認真咁追踪班喵星人,仲影晒寫真放上網,吸引好多人睇。輯相見到主要有1隻白色大貓同3隻小貓,個個都肥肥哋,相信平時應該好食好住。3隻小貓之中有隻同大貓一樣係白色嘅,另外兩隻就係三色喵仔,不過白色大喵一視同仁,照樣幫佢哋舔毛兼一齊瞓,白色貓仔仲瞓到踢晒腳,好搞笑! 相關資訊遲早冇店員?日本便利店變自動售賣機 (Sep 19, 2017) 【有片】日本喵兄弟 日日一齊瞓超sweet (Sep 19, 2017)

Read more ›
【動感喵】日本影喵達人Twitter新作 跳躍的喵星人相集
by / on 07/07/2016 at 7:14 am

【動感喵】日本影喵達人Twitter新作 跳躍的喵星人相集

呢位日本影貓達人@sakata_77我哋之前都介紹過,佢影嘅喵星人充滿動感,最近又有好多新作品喺Twitter熱傳。今次嘅主題係「跳躍的喵星人」,雖然班喵星人姿勢好美妙,跳得好有動感,但睇睇吓又會忍唔住笑,感覺好奇妙。BTW,要捕捉到喵星人跳起嘅一刻真係唔容易,仲要佢拍嘅全部都係街貓,好考攝影師嘅耐性同功力。 相關資訊【有片】中計啦你!日本貓奴拘捕主子計劃成功 (Sep 19, 2017) 【有片】忍唔住全記錄 藝人「りゅうちぇる」節目中瀨咗 (Sep 18, 2017)

Read more ›
【鏡頭後真相】靚相背後靠PS靠創意 真實相集揭露鏡頭後花絮
by / on 07/07/2016 at 7:13 am

【鏡頭後真相】靚相背後靠PS靠創意 真實相集揭露鏡頭後花絮

好鍾意睇behind the scene呢類拍攝花絮,外國網站製作咗個相集,將一張張靚相背後嘅功夫展現出嚟。原來小妹妹玩水相片背後,係由一班人落力倒水;老爺車喺街度行好型?原來只係喺張枱度放咗幾架模型車喳。仲有大量令人大開眼界嘅相,勁考創意同PS技巧,入嚟有得睇。不過火山嗰張就俾網民留言話勁假;仲有,估唔到影攀石係咁恐怖。 相關資訊【圖集】創意Barcode融入產品設計 鬚刨/意粉/魚骨有心思 (Aug 31, 2017) 【今日GIF】到底係咩嚟?PS官方預告新機? (Aug 21, 2017)

Read more ›
【為食喵】超人氣IG喵星人 有得影無得食靠加工
by / on 04/06/2016 at 7:15 am

【為食喵】超人氣IG喵星人 有得影無得食靠加工

作為資深貓奴,呢個IG一定要follow呀!呢隻黑白喵星人叫公主Cheeto,佢嘅主人經常幫佢影靚相,仲會搞到佢一頭都係,例如成頭公仔麵啦、芝士條啦、蕉皮啦,總之就好唔得閒,但全部都係有得睇無得食,因為所有相為咗Cheeto嘅安全著想,全部都經過後期加工,即係全部都係假架,無得食架,真係陰功豬。BTW,入去佢IG戶口仲有大量靚相,好好睇。 相關資訊【相集】喵星人「特色花紋」合集 回帶睇搞笑造型 (Sep 16, 2017) 【新片速報】喵星人進行邪教儀式 咬實轉圈超搞笑 (Sep 15, 2017)

Read more ›