其他

【相集】日本停車場「喵星人家族」超可愛    一家四口好食好住
by / on 08/07/2016 at 7:13 am

【相集】日本停車場「喵星人家族」超可愛 一家四口好食好住

香港唔少屋邨停車場都會發現流浪貓,日本有網民最近發現附近一間飲食店嘅停車場都有大量貓蹤影喎!佢好認真咁追踪班喵星人,仲影晒寫真放上網,吸引好多人睇。輯相見到主要有1隻白色大貓同3隻小貓,個個都肥肥哋,相信平時應該好食好住。3隻小貓之中有隻同大貓一樣係白色嘅,另外兩隻就係三色喵仔,不過白色大喵一視同仁,照樣幫佢哋舔毛兼一齊瞓,白色貓仔仲瞓到踢晒腳,好搞笑! 相關資訊【有片】日本微型玩具達人 搭車玩玩具超速度感 (Apr 21, 2018) 超可愛日本柴犬廁紙套 陪辧大事好輕鬆 (Apr 21, 2018)

Read more ›

【動感喵】日本影喵達人Twitter新作 跳躍的喵星人相集
by / on 07/07/2016 at 7:14 am

【動感喵】日本影喵達人Twitter新作 跳躍的喵星人相集

呢位日本影貓達人@sakata_77我哋之前都介紹過,佢影嘅喵星人充滿動感,最近又有好多新作品喺Twitter熱傳。今次嘅主題係「跳躍的喵星人」,雖然班喵星人姿勢好美妙,跳得好有動感,但睇睇吓又會忍唔住笑,感覺好奇妙。BTW,要捕捉到喵星人跳起嘅一刻真係唔容易,仲要佢拍嘅全部都係街貓,好考攝影師嘅耐性同功力。 相關資訊日本網民自製《星之卡比》麵包 擘大口超搞笑Twitter熱傳 (Apr 21, 2018) 【新片速報】日本兔仔妨礙工作 keyboard前反肚超可愛 (Apr 21, 2018)

Read more ›
【鏡頭後真相】靚相背後靠PS靠創意 真實相集揭露鏡頭後花絮
by / on 07/07/2016 at 7:13 am

【鏡頭後真相】靚相背後靠PS靠創意 真實相集揭露鏡頭後花絮

好鍾意睇behind the scene呢類拍攝花絮,外國網站製作咗個相集,將一張張靚相背後嘅功夫展現出嚟。原來小妹妹玩水相片背後,係由一班人落力倒水;老爺車喺街度行好型?原來只係喺張枱度放咗幾架模型車喳。仲有大量令人大開眼界嘅相,勁考創意同PS技巧,入嚟有得睇。不過火山嗰張就俾網民留言話勁假;仲有,估唔到影攀石係咁恐怖。 相關資訊日本酒店超創意 「三文魚主題房」食玩瞓都係魚 (Apr 19, 2018) 廁所牆身穿咗窿 日本職員超創意補窿法 (Apr 6, 2018)

Read more ›
【為食喵】超人氣IG喵星人 有得影無得食靠加工
by / on 04/06/2016 at 7:15 am

【為食喵】超人氣IG喵星人 有得影無得食靠加工

作為資深貓奴,呢個IG一定要follow呀!呢隻黑白喵星人叫公主Cheeto,佢嘅主人經常幫佢影靚相,仲會搞到佢一頭都係,例如成頭公仔麵啦、芝士條啦、蕉皮啦,總之就好唔得閒,但全部都係有得睇無得食,因為所有相為咗Cheeto嘅安全著想,全部都經過後期加工,即係全部都係假架,無得食架,真係陰功豬。BTW,入去佢IG戶口仲有大量靚相,好好睇。 相關資訊喵星人變晴天公仔 日本扭蛋超可愛 (Apr 17, 2018) 【新片速報】日本喵星人與倉鼠 超好朋友零防備 (Apr 17, 2018)

Read more ›
【有片】九龍城寨超高質相集 日本/外國網民重溫舊香港
by / on 24/05/2016 at 7:14 am

【有片】九龍城寨超高質相集 日本/外國網民重溫舊香港

當年嘅九龍城,仲有九龍城寨,飛機會喺天台飛過、士多老闆會養7隻貓、郵差會跨過滿地垃圾去派信。無機會經歷嗰個年代,好彩有兩位外國攝影師Greg Girard同Ian Lambot,花咗5年時間紀錄低入面嘅生活。1994年九龍城寨清拆,眨吓眼22年,當年呢個地方係全球人口最密集嘅地方,地方細細住咗3萬3千人,入面龍蛇混雜。外國媒體Daily Mail最近刊登咗呢輯相,仲有片睇。日本2ch好快有人轉載談論,啲留言都好精警,例如:「比起興建迪士尼,將九龍城寨變成主題公園仲吸引」、「咁樣先似香港喎!」係,我都同意。 相關資訊【相集】日本人氣攝影師「夜櫻」新作 回帶睇雪櫻靚相 (Apr 2, 2018) 【命中註定】外國小童天生兔唇及雙色瞳 被收養流浪貓竟然一樣 (Mar 29, 2018)

Read more ›
【有片】手機賞花必用   顯微鏡式貼紙Kickstarter熱賣
by / on 24/05/2016 at 7:11 am

【有片】手機賞花必用 顯微鏡式貼紙Kickstarter熱賣

手機影相已經做到好多功能,但係想影超近鏡嘢都係對焦唔倒。呢個叫BLIPS嘅鏡頭貼針對呢個問題而推出,而家喺Kickstarter集緊資。佢可以將物件放大8-15倍,就算近到花瓣上嘅水珠都影到,唔覺意捉到隻蚊都可以當部手機係顯微境咁用。U型貼幾薄身,貼喺鏡頭上面就用得,唔用時可以貼機背或者咭片上放入銀包備用。8月出貨嗰批已經訂晒,而家想訂開價$20美金,預計9月到貨。 相關資訊睇手機扮睇書 日本超強電話套扮文青 (Apr 17, 2018) 江記《離騷幻覺》搞眾籌 請課金支持本地創作 (Apr 3, 2018)

Read more ›

【真係驚】另類怪獸家長 搵囡囡影恐怖相集
by / on 15/05/2016 at 2:59 pm

【真係驚】另類怪獸家長 搵囡囡影恐怖相集

美國攝影師Joshua Hoffine可以話係怪獸家長,不過唔係一般迫個仔女上十幾個補習班嗰種,而係「迫」佢哋一齊影恐怖相。呢輯名為「After Dark My Sweet」嘅相集,將小朋友最驚嘅場面重現,例如打開雪櫃有個人頭、床下底有怪手、樓梯底有鬼鬼,不過唔駛擔心,攝影師個囡囡影得好開心,有得玩又有得嚇人,呢種另類嘅親子活動,好過去上幾十個補習班吖。佢哋仲計劃連埋其他恐怖相一齊出本相集,而家喺Kickstarter集緊資,有無家長想買返本? 相關資訊【開花嘞】日本茨城超靚藍花海 攝影師相集Twitter熱傳 (Apr 20, 2018) 【相集】日本早熟小妹妹 識擺甫超強破壞力 (Apr 18, 2018)

Read more ›
《National Geographic》年度攝影大賽     香港作品都入圍
by / on 10/05/2016 at 7:12 am

《National Geographic》年度攝影大賽 香港作品都入圍

雖然自己影相無天份,都希望靠睇吓啲高水準嘅相提高自己嘅水平。講到高水準,National Geographic唔睇得都嚇得,最近又到一年一度嘅旅遊攝影師年度大賽,今次嘅作品依然好高質,其中仲有香港攝影師Jimmy Ho嘅作品入圍,截止日期到今個月27日,仲有機會參加喎。 相關資訊日本玩具攝影師新作 星際勇者救藪貓連環圖 (Feb 17, 2018) 香港3月有得睇!《鐵甲萬能俠/ INFINITY》再見朋友! (Jan 27, 2018)

Read more ›
【大腿將我包圍】日本「大腿寫真展」現場圖   入場網民無私分享
by / on 01/05/2016 at 1:35 pm

【大腿將我包圍】日本「大腿寫真展」現場圖 入場網民無私分享

日本文化博大精深,連專影大腿寫真嘅展覽都有,而且已經係第二年主辦,我哋之前都介紹過,用嘅係官方圖,但有網民最近就親身去咗探險,仲影咗好多相返嚟同大家無私分享,等去唔到嘅網友都可以感受吓俾大腿包圍嘅感覺。另外入場可以得到一張名信片,而張門票都好精美,會場入面仲有好多嘢買,包括膠file、襟章、明信片或者貴啲嘅畫板。女士仲可以入埋去女士專用嘅浸大腿溫泉‥‥‥ 相關資訊【要買】「拒否犬」扭蛋推出 全6種各300円 (Apr 20, 2018) 貓奴要去 日本吉祥寺「貓Cafe」超靚建築 (Apr 20, 2018)

Read more ›
【日本回帶】100年前日本街道對比相集 網民熱烈討論勁懷念
by / on 14/04/2016 at 7:13 am

【日本回帶】100年前日本街道對比相集 網民熱烈討論勁懷念

100年前嘅日本究竟係點?最近有日本網民回帶,放返好多100年前日本嘅環境相上網,仲有埋新舊對照,引起好多網民熱烈討論,地點包括好多人都去過嘅日本橋、丸の内、京都四条通り、大阪市役所等等,古舊建築變成一楝楝嘅高樓大廈同百貨公司,好多人話好懷念當年嘅風景,仲感慨要犧牲咗當年嘅建築物換成而家嘅繁榮,香港人睇應該特別有同感。 相關資訊日本超嗲企鵝仔 貼實飼養員唔願走開 (Apr 20, 2018) 日本超可愛小貓熊 hea爆睡姿Twitter熱傳 (Apr 20, 2018)

Read more ›
【PS騙案】風景圖加重味精 PS前後對比圖一覽
by / on 07/04/2016 at 7:10 am

【PS騙案】風景圖加重味精 PS前後對比圖一覽

通常睇新聞都係叫我哋小心網友傳嚟嘅相,通常都會重手PS過,點估到原來風景圖都有詐騙案,而且PS力度仲勁。外國著名攝影師Peter Stewart好鍾意旅遊兼影相,而且好叻PS。最近佢將自己PS過嘅風景相Before and After舖晒出嚟比大家對比吓,唔怪得之喺網上見到好靚嘅風景,到你親身去到時,永遠都係差咁啲,原來就係差咁啲PS技巧。 相關資訊【相集】83歲婆婆「Windows小畫家」創作風景圖 IG超人氣 (Mar 21, 2018) 【相集】超創意爹地PS作品網上熱傳 可愛囡囡變主角 (Feb 18, 2018)

Read more ›

【相集】玩具人仔攝影大法 最難解決景深問題
by / on 05/04/2016 at 7:13 am

【相集】玩具人仔攝影大法 最難解決景深問題

如果你屋企儲埋儲埋好多細細隻嘅人型公仔,不妨學吓Little World呢個Facebook專頁嘅版主咁,將啲人仔放入現實世界影啲得意相。佢嘅作品全部都好靚,好似走咗入大人國一樣,佢自爆用嘅係Nikon D800相機,要影呢啲相最難係處理景深問題,因為物件太細,要前清後清嘅話,佢會用疊相(Stacking)呢個技巧,入嚟有佢嘅相集可以慢慢欣賞,放假有時間可以試玩吓。 相關資訊日本喵星人攬實玩具唔放 三文魚超像真 (Apr 11, 2018) 日本Pokémon保護電話線玩具 8款一齊用超正 (Mar 17, 2018)

Read more ›
【賞櫻】日本櫻花超高質相集 National Geographic最靚櫻花有得睇
by / on 25/03/2016 at 12:03 pm

【賞櫻】日本櫻花超高質相集 National Geographic最靚櫻花有得睇

日本開始有櫻花睇嘞,無得飛過去親身睇嘅,可以好似我哋咁,睇吓相。今次係National Geographic嘅Your Shot專題,邀請網民上載自己影過最靚嘅櫻花相,全部都超高質嘅櫻花相,真係好想去睇嘅,最遲嘅櫻花預計喺5月中喺日本北部開花,而家計劃定仲趕得切!入嚟可以睇埋日本全國櫻花開花圖。 相關資訊又係時候洗牙 現役「齒科衛生士」西原愛夏初出DVD (Apr 19, 2018) 日本Kit Kat「壽司朱古力」 海膽軍艦大阪機場限定 (Apr 19, 2018)

Read more ›
【相集】日本福島被撤離者重臨舊地   法國攝影師相集足本睇
by / on 24/03/2016 at 7:14 am

【相集】日本福島被撤離者重臨舊地 法國攝影師相集足本睇

唔經唔覺,日本福島核災已經發生咗5年,時間過得好快,但對於當日被迫撤離家園嘅人嚟講,呢幾年過得好漫長。法國攝影師Carlos Ayesta及Guillaume Bression呢輯相集「Retrace our steps …」好有意思,佢哋搵嚟當日撤離嘅居民重返福島災區,做返日常嘅動作表情,就好似所有事從未發生過一樣,出嚟嘅效果好震憾,重返嘅現場包括超級市場、洗衣場、辦公室、彈珠遊樂場,睇完令人好感慨,可惜唔係所有嘢都可以重頭嚟過‥‥‥ 相關資訊日本貓奴爛瞓唔知醒 4隻喵星人怒啤超不滿 (Apr 19, 2018) 日本玩具連環圖攝影高手 幪面超人飛沙走石 (Apr 18, 2018)

Read more ›
【神級】玩具攝影師拍攝過程曝光 特效靠煙靠麵粉
by / on 23/03/2016 at 7:13 am

【神級】玩具攝影師拍攝過程曝光 特效靠煙靠麵粉

鍾意影玩具嘅,應該會好鍾意呢位來自墨西哥嘅攝影師Felix Hernandez Rodriguez,佢拍攝出嚟嘅玩具加埋後期效果勁正。佢仲大方分享埋自己嘅製作過程,原來遍地雪景全靠麵粉造成;一陣陣輕煙就係靠食煙吹啲煙出嚟,而且佢好鍾意用「疊焦」(Focus Stacking)呢種拍攝技巧,再加埋PS技巧,就可以做到前清後清嘅效果,唔算複雜,不過就好考想像力同執行力,各位玩具迷下次可以自己試吓呀! 相關資訊【圖集】日本飛沙攝影新作 《動物朋友》決戰星戰白兵 (Jan 1, 2018) 【新片速報】日本「火車玩具」高手新玩法 脫軌都玩到Twitter熱傳 (Dec 29, 2017)

Read more ›