電腦新聞

有計超慳位 自製Batmobile蝙蝠車PC機箱
by / on 15/03/2016 at 4:13 pm

有計超慳位 自製Batmobile蝙蝠車PC機箱

睇完呢個設計,我忽然喺度諗,屋企部冇位放出嚟嘅HT《回到未來》DMC-12,如果可以改成電腦機箱,咁咪妥晒?又慳位又可以放出嚟當Display……不過當然,我冇呢份功力。呢位Thechoozen就製作咗嚟緊套《Batman v Superman》登場嘅蝙蝠車,底板、CPU咩都塞晒入去,仲有水冷仲識著燈,超型! 相關資訊【2018出GAME表】 3月至4月 [PS4 /XBox One/Switch /PC/PS Vita] (Mar 3, 2018) 【2018出GAME表】 1月至2月 [PS4 / XBox One / Switch / PC / 3DS / PS Vita] (Jan 7, 2018)

Read more ›

超有型兩個Mon 日本網民電腦枱變「駕駛艙」
by / on 10/03/2016 at 10:12 pm

超有型兩個Mon 日本網民電腦枱變「駕駛艙」

o依家好多人都用兩個Mon,不過有冇諗過將你間房改成一個駕駛艙?呢位日本網民就搞到咁有型喇,加埋部Tablet,再加埋啲電腦畫面,見到,腦入面即時響起Gundam駕駛艙啲聲效。 相關資訊【相集】日本黑喵有朋友 毛公仔狗狗擔住周圍走 (Jun 21, 2018) 【有片】日本熱傳《黑洞》手機遊戲 玩法似《塊魂》 (Jun 21, 2018)

Read more ›
【有片】超型投影Keyboard 字母飛出嚟
by / on 05/03/2016 at 6:26 pm

【有片】超型投影Keyboard 字母飛出嚟

我哋做呢行,用Keyboard打字嘅時間多過拎手掣打機。如果有個咁有型嘅Keyboard,我諗眼都花埋都未打完一篇稿……呢個Keyboard,一邊撳,啲字母就一邊飛出嚟,超有型! 相關資訊【有片】哥倫比亞球迷侮辱日女球迷 小學雞教講「我是妓女」 (Jun 20, 2018) 【有片】日本球迷讚有氣度 哥倫比亞球迷恭賀日球迷再幫手執垃圾 (Jun 20, 2018)

Read more ›
【贏晒】MacBook配自拍棍2016最強 唔駛再用iPad影相
by / on 27/02/2016 at 3:22 pm

【贏晒】MacBook配自拍棍2016最強 唔駛再用iPad影相

乜嘢叫型?拎大大部iPad出嚟影相已經過晒氣,而家識影嘅一定係拎部MacBook出街,再配埋支自拍棍嚟影。不過唔好開心得太早,因為其實呢支棍無得賣,佢只係一班年青人嘅一個Art Project。Moises (Art404)、John Yuyi同埋Tom Galle拎支呢個裝置,走勻最熱鬧嘅紐約Time Square同Washington Square Park,途人都睇到笑晒,不過抬住成嚿嘢自拍應該都幾重吓。我最驚係淘寶好快會有‥‥‥ 相關資訊【人類總是】日本網民買飯團 3日後發現變成咁 (May 27, 2018) 【奇景】日本龍友新目標 瞓身低炒影喵星人 (May 8, 2018)

Read more ›
【網民創意】Mac機變垃圾桶 推開芒位掉垃圾
by / on 09/02/2016 at 12:31 pm

【網民創意】Mac機變垃圾桶 推開芒位掉垃圾

攞部Mac機嚟做垃圾桶,聽到都覺得型。不過唔係新機而係舊款嘅Mac Plus,Redditor HaHaBird最近放咗呢輯圖上網,示範點樣將部舊嘅Mac Plus變成垃圾桶,佢將中間個芒改裝成亞加力膠,幾可亂真,之後一推開個芒就可以掉垃圾,幾型,入嚟仲有教學,有無興趣DIY返個? 相關資訊【新片速報】日本聰明喵好勤力 幫手推紙杯入垃圾桶 (Sep 10, 2017) 【新片速報】天才發明家有新片 自製遙控垃圾桶 (Feb 21, 2016)

Read more ›
日本貓手Mouse 有肉球軟綿綿
by / on 07/02/2016 at 6:40 pm

日本貓手Mouse 有肉球軟綿綿

正所謂粉紅色肉球,可遇不可求,呢隻Mouse就話重現返貓仔出世3個月時嘅肉球……其實佢係一隻老鼠,即係滑鼠。成隻貓掌嘅造型,已經好正,而且夜晚仲可以發光,我諗咁嘅外觀,應該可以彌補到佢有線呢個缺陷……「ヒーリング型マウス」日本網站集資緊,有興趣可以睇睇。

Read more ›

【有片】瘋狂機能!3萬美元砌PC 1部機同時玩7隻遊戲?
by / on 06/01/2016 at 9:34 pm

【有片】瘋狂機能!3萬美元砌PC 1部機同時玩7隻遊戲?

3萬蚊美元!實在太誇張。呢個「LinusTechTips」頻道將贊助得番嚟嘅大量配件砌埋成為一部超級電腦,當中包括256GB RAM (8x 32GB)、7x AMD R9 Nano graphics cards、8x 1TB SSDs……簡單講,就係1部機可以當7部用,呢個示範就係其中「1部」運行《Crysis 3》嘅3440x、最強設定(60-100fps),之後其他6部就loop緊啲demo。 相關資訊【有片】神物!除時reboot你個腦 「Ctrl」「Alt」「Delete」隨身再起動 (Apr 22, 2018) 西非山區教用MS Word無電腦 男教師用粉筆黑板畫出畫面 (Feb 24, 2018)

Read more ›
【超強】電腦機殼!自製《Star Wars》Star Destroyer仲識發光
by / on 31/12/2015 at 8:05 pm

【超強】電腦機殼!自製《Star Wars》Star Destroyer仲識發光

有冇試過有啲好大架嘅模型玩具你唔知點擺喺屋企Display?例如啱啱到貨嗰架《回到未來》「DeLorean DMC-12」咁啦……咁可以諗吓將佢變成電腦機殼喎,咁咪慳番啲位囉!不過呢位Sander van der Velden佢就唔係因為屋企冇位,而係純粹整隻Star Destroyer做機殼啫,用鋁片之餘,再用3D printer印部件,仲識得著燈,型到飛。入嚟仲有佢嘅製作過程睇! 相關資訊《Star Wars》光劍變芥末醬 黑武士出手唧醬 (May 22, 2018) 【有片】超可愛星戰Porgs飯團 製作過程影片跟住學 (Jan 20, 2018)

Read more ›
【劇透必須死】Chorme推出擴張機能 自動Block《Star Wars》劇透網站
by / on 19/12/2015 at 1:43 pm

【劇透必須死】Chorme推出擴張機能 自動Block《Star Wars》劇透網站

我噚晚睇咗《Star Wars: The Force Awakens》,其實唔駛講咁多,隔咗咁多年見番佢哋,嗰份感動都夠抵銷其他不足。如果你未睇,咁呢幾日最驚就係俾人劇透啦,最慘唔小心入到去發現睇咗啲唔應該睇嘅嘢,真係冇仇報o架。Chorme啱啱就推出咗「Force Block」呢個擴張機能,裝咗之後,你入有劇透嘅網址就會出警告!當然,你身邊朋友嘅facebook都係block唔到嘅,所以,請帶眼識人。BTW,噚日見到有網站寫《Star Wars》,劇透與唔劇透之間,又唔做功課又好似冇睇過套戲咁,張圖大大隻字寫邊個係邊個個女,錯漏百出,作為星戰迷睇到,真係火都嚟,不_知所謂。 相關資訊超正Star Wars巨型薑餅 全部都係星戰主題 (Dec 23, 2017) 【有片】聽歌時間賀上映 《Star Wars》口風琴Medley (Dec 16, 2017)

Read more ›
【有片】Angry Grandpa又來了 怒爆iPad Pro噴晒煙
by / on 23/11/2015 at 3:30 pm

【有片】Angry Grandpa又來了 怒爆iPad Pro噴晒煙

又係呢個忿怒的Grandpa,今次肥仔買返屋企嘅新科技產品就係「iPad pro」喇,咁條片名叫「ANGRY GRANDPA DESTROYS IPAD PRO!!」都講晒要發生嘅係咩事,但阿進擊Grandpa爆iPad Pro爆到出晒煙呢個效果,應該係Bonus。

Read more ›
【生命力】一個月唔開電腦 顯示卡生出菇
by / on 09/11/2015 at 2:49 pm

【生命力】一個月唔開電腦 顯示卡生出菇

你想唔想像到一個月唔開電腦會點?做網站、facebook嘅我真係諗唔到……不過睇完呢個個案,我諗好大機會部機會先出事先。呢位俄羅斯網民就有一個月冇開機,之後發覺部電腦壞壞哋喎,於是就拆開部機嚟睇,到拆出張顯示卡時,發現生咗好多菇,仲幾大隻,打邊爐一流! 相關資訊【貓奴共鳴】日本貓扭蛋 喵星人瞓電腦超寫實 (Feb 20, 2018) 日本教師天才級發明 電熱水壺「電腦」Twitter熱傳 (Feb 7, 2018)

Read more ›

【有片】畫師「津路参汰」盡情測試 Super Pochaco「等尻大」滑鼠墊
by / on 07/11/2015 at 2:49 pm

【有片】畫師「津路参汰」盡情測試 Super Pochaco「等尻大」滑鼠墊

Mouse Pad呢啲嘢,自己喺屋企用,最緊要都係用得開心啫,不過大前題係屋企冇人入你間房……如果喺房放一個咁嘅滑鼠墊……日本「Nitro+」畫師「津路参汰」就率先試用呢個「等尻大」Super Pochaco滑鼠墊,而且佢試得好徹底,好肉緊,明喇,我隔住個mon都感覺到嗰份彈性…… 相關資訊淥杯麵顯品味 Super Sonico胸壓杯蓋生活態度 (Nov 15, 2014) 新片速報 Super Sonico PS3《モット! ソニコミ》換衫影相談戀愛 (Nov 28, 2013)

Read more ›
日本MacBook用家新發現 10円硬幣散熱大法
by / on 04/11/2015 at 4:13 pm

日本MacBook用家新發現 10円硬幣散熱大法

如果你用緊Notebook,部機會唔會成日好熱?有日本嘅MacBook用家就發明咗一個散熱大法,用嘅工具隨手可得,就係10円喇!佢排晒一楝楝10円喺機面,話因為10円硬幣嘅銅散熱好好,所以部機真係冇咁熱,咁其他網民都即時試吓,Work喎!原來Desktop主機都得添,仲幾型。等我返屋企摷吓有幾多個10円,放上部Lenovo度試吓先。 相關資訊日本秋葉原神奇特飲 凍結奇異果屹立不倒 (Jun 20, 2018) 【新片速報】日本超可愛柴犬仔 矇眼笑影片Twitter熱傳 (Jun 20, 2018)

Read more ›
爆裂級型棍 fans製《Gundam UC》新安州PC
by / on 24/10/2015 at 11:43 am

爆裂級型棍 fans製《Gundam UC》新安州PC

外國fans自製PC機箱一向都好神,不過呢個就真係靚到核爆級。由機殼、散熱風扇甚至係機身入面都全面「自護化」,入嚟仲有規格睇埋。如果有部咁靚嘅PC,放喺枱底就太浪費喇…… 相關資訊【有片】18分鐘「Gundam RX-78 Prototype」外傳 Fan Made影片超用心 (Jun 10, 2018) 新一期《Animedia》「新機動戰記ガンダムW」封面 日網民:「今年係2018年?」 (Jun 6, 2018)

Read more ›
【十大武器】有片 奪命發電USB手指 一插燒壞你部機
by / on 16/10/2015 at 7:43 pm

【十大武器】有片 奪命發電USB手指 一插燒壞你部機

現今年代,咩係最痛苦?唔係斷水斷糧呀,係電話電腦壞咗冇得上網呀!呢個發明就提醒我哋,唔好咩都插,尤其係來歷不明嘅。例如USB手指。俄羅斯hackers最近就製作咗呢隻手指,據講可以瞬間發出220 Volts嘅電力去燒壞你部機,而且仲拍埋片證實你睇,插完之後無論點都開唔到機喇。不過「好消息」係硬碟入面嘅資料冇破壞到……好彩我一向平易近人待人真誠處事認真冇乜仇家啫。 相關資訊超可愛《死侍》多士爐USB 彈出彈入手痕專用 (May 26, 2018) 街霸角色You Lose造型USB 香港品牌官網有得訂 (Apr 27, 2018)

Read more ›