Tablet

iPhone無線Card Reader 手指/SD拉住播片
by / on 22/11/2013 at 9:43 am

iPhone無線Card Reader 手指/SD拉住播片

做人真係好頭痛! 好好一個Card Reader, 點解咁大鑊玩到要行Wi-Fi! 就係因為大家嘅智能手機同平板囉! 日本Elecom剛宣佈推出MR-WI01BK, 佢最強之處係可以通過IEEE802.11b/g/n同iPhone、iPad等作無線聯繫, 從此手指、SD、microSD、TransFlash、MMC上資料, 你都可以隨時隨街讀到; 據知佢嘅頻寛行2.4GHz/150Mbps, 生產商仲好自信咁話, 可以做到「兩邊拉住」播片同睇相 相關資訊【有片】靚喎!iPhone電話座 扮懷舊電視 (Sep 18, 2017) 【相集】日本京都懷舊小店 過200張iPhone拍攝全紀錄 (Sep 16, 2017)

Read more ›

露營水力發電 USB萬能插供電
by / on 21/11/2013 at 7:34 pm

露營水力發電 USB萬能插供電

  行山、露營呢兩年大熱! 不過大家都係IT人, 手機平板呢啲生活補品, 冇得話唔帶埋去囉! 所以, 早前有人用燒柴爐、Gas爐, 玩熱力發電! Kickstater都有人以類似概念諗出部發電機–Hydrobee, 不過今次係水力發電, 一個浮喺水面飛船物體, 內藏一組可以發電嘅螺旋槳組件, 只要將叉電式電池, 放入一個汽水罐大小嘅防水殼裏面, 再放入船體充電, 發明者話一般情況下, 可以在2-3小時內叉爆電!之後你只需要將個汽水罐拆返出嚟, 再利用罐身的USB插位, 就可以幫你嘅手機、iPad等IT產品叉電喇!       http://www.kickstarter.com/projects/burthamner/harvest-natures-energy-for-usb-power-to-go?ref=category 相關資訊【文青必買】梵高Q版figure 左耳拆得甩附送名畫 (Feb 12, 2017) 【新片速報】零私隱喵星人玻璃吊床 Kickstarter集資貓奴要買 (Jan 30, 2017)

Read more ›
Lenovo手機4連發 5″四核/$3,398 6″半TAB插SIM/$2,398
by / on 19/11/2013 at 2:44 pm

Lenovo手機4連發 5″四核/$3,398 6″半TAB插SIM/$2,398

  Lenovo出手機! 一次係4部, 重點之處有兩樣, 一係芒夠大, 平均都係5-6吋!第二係價錢平, 由頂級$3,398去到$1,798價位, 感覺係貼近大陸手機價位, 不過硬件同操作會隱陣好多, 頂級嗰部叫Vibe X($3,398/11月22號推出), 6.9mm超薄, 配最新款5″全高清「弧面」大芒, 配上一粒1.5GHz四核處理器, 1,300萬像素鏡頭, 以性價比嚟講, 真係好抵玩! 相關資訊Lenovo新Tablet三連發 $1,199-$2,699強玩7″/10.1″ (Aug 7, 2013) Lenovo平板Q2三連發 靚聽Dolby音效 (Mar 1, 2013)

Read more ›
有片   北韓自家製Tablet 預載Angry Bird練眼界
by / on 08/11/2013 at 1:07 pm

有片 北韓自家製Tablet 預載Angry Bird練眼界

北韓嘅新聞我特別鐘意睇,無計,估佢唔倒嘛。大家都知北韓人無得玩iPad Air,不過佢哋都有自家製嘅平板電腦Samjiyon!賣港幣2000蚊唔駛,預載咗141本關於北韓偉大事績嘅e-book呢啲預咗,最估唔倒係居然皇恩浩蕩有隻game預載埋,仲要係韓文版嘅《Angry Birds Rio》,唔通佢想訓練吓國民瞄準發射嘅技能?至於上網,梗係唔駛諗啦,淨係可以上北韓內聯網Kwangmyong,BTW,單新聞係喺我中學畢業後已經好耐無睇嘅South China Morning Post睇倒,仲比外國網轉載,威威。

Read more ›
新片速報   iPad  360度全景睇故事   點轉都得
by / on 03/11/2013 at 4:19 pm

新片速報 iPad 360度全景睇故事 點轉都得

iPad Air炒唔起,一班真正用家最開心,睇埋呢單新聞iPad用家仲開心。瑞士公司apelab最近開發咗一個嶄新嘅睇片模式,當你拎住部iPad時,可以左轉右轉,睇倒360度全景,唔再局限於一個指定框框入面。當然,影片內容要先透過360度全景拍攝先可以做得倒,睇落幾過癮,不過隻手長期舉起轉嚟轉去就有少少攰嘞。 相關資訊【新片速報】喵星人由細訓練玩iPad 太投入玩到企起身 (Jul 26, 2017) 日本網民手指「畫十字」變畫筆 iPad畫圓形不是夢 (May 23, 2017)

Read more ›
Lenovo新機Win 8.1護航 我想要黑衫……嗰部!
by / on 24/10/2013 at 4:31 pm

Lenovo新機Win 8.1護航 我想要黑衫……嗰部!

Win 8.1啱啱出, 雖然我哋錢老總用到炒蝦拆蟹, 兼要Down返落嚟, 不過機總要買架! 新機亦總要出架! 電腦嘅嘢佢識乜吖!? 所以大家可以俾啲膽! Lenovo剛發佈了三部新Ultrabook, 一部Win 8.1、兩部行Win8, 愛冒險定愛跟旅行團, 完全悉隨尊便! 留意嗰部IdeaPad Yoga 2 Pro Ultrabook, 玩13.3″ / 3200 x 1800兼用Corning Gorilla 防刮花玻璃面, 絕對係富貴級, 但價錢又真心唔高喎…… 相關資訊Lenovo IdeaCentre Horizon 瞓低任摸 「人際電腦」 (Jan 9, 2013)

Read more ›

新片速報   東京迴轉壽司   零職員全自動
by / on 18/10/2013 at 10:39 pm

新片速報 東京迴轉壽司 零職員全自動

迴轉壽司興咗好耐,仲有咩新嘢玩?東京一間壽司店最近實行全自動化零服務員計劃,英國媒體BBC親自去試過仲拍埋片,首先落柯打只需要篤吓旁邊部Tablet就得,好快手碟壽司就會經迴轉帶直接送到面前。食完之後將隻空碟放入旁邊嘅回收筒,就會自動計算價格,兼且經輸送帶送埋去清洗,每食夠五碟仲有一次抽獎機會,當然都係按tablet上面嘅幸運輪盤啦。好彩,食完埋單終於見到職員,收銀姐姐係真人嚟嘅,都啱嘅,錢銀方面都係當面點算好啲,唔通同部電腦拗收錯錢咩? 相關資訊東京獨特藝術展 全國餐廳筷子套拼湊而成 (Dec 9, 2017) 日本超靚聖誕樹 半透明菱形寶石內藏燈飾 (Dec 8, 2017)

Read more ›
新片速報   玩Win 8遇《Walking Dead》喪屍
by / on 16/10/2013 at 12:50 pm

新片速報 玩Win 8遇《Walking Dead》喪屍

Window 8同喪屍美劇《Walking Dead》有咩關係?原來佢哋係合作伙伴,3月份時拍過YouTube片宣傳第3季,最近又有新片宣傳《Walking Dead》第4季,片首見倒有個男人篤篤吓部Window 8 Tablet,點知轉頭居然見倒喪屍!入嚟有得慢慢睇,質素自己評價啦。除咗廣告片,官方仲出咗個叫AMC Story Sync嘅app比Window 8用家下載,有得睇吓獨家片段投吓票,叫做有啲誠意咁啦。 相關資訊喪屍圍西貢 創造館小說《異人》不日推出 (Nov 2, 2017) 【有片】超有氣氛 山梨縣「小菅村」變喪屍村落 (Oct 23, 2017)

Read more ›
新片速報    迪士尼研發新3D     篤芒有feel
by / on 15/10/2013 at 1:27 pm

新片速報 迪士尼研發新3D 篤芒有feel

每日我都篤手機芒超過100次,篤到有時手指都有啲麻痺,如果篤畫面時,可以感受埋畫面上物品嘅質感,會唔會好玩啲?迪士尼嘅研究中心最近開發緊呢項新技術,例如你篤畫面上嘅仙人掌,可能會有吉親痛痛哋嘅感覺,篤粒冰又會覺得凍凍哋,原理係透過自家開發程式,將3D訊號傳送到螢幕,當手指掂到螢幕,就會計算出摩擦力再輸出對應嘅質感。有乜用?我諗去迪士尼嘅小朋友會開心到依嘩鬼叫囉。 相關資訊【理想與現實】迪士尼煙花相崩壞版 日本網民分享失敗作 (Nov 20, 2017) 【有片】第一身鞭鞭有力 《惡魔城》fan made遊戲免費玩 (Nov 6, 2017)

Read more ›
死得轟烈  蘋果產品災難性毁滅
by / on 12/10/2013 at 7:46 am

死得轟烈 蘋果產品災難性毁滅

憎人富貴厭人窮,我諗蘋果積落好多仇口,經常比人放入攪拌機不特止,德國有位藝術家Michael Tompert甚至將佢哋煎皮拆骨,由於爛得幾有美感,所以呢堆產品全部成為高評價嘅藝術品。入面包括有iPhone、iMac、iPod同iPad,全部唔係比火燒就係比槍掃射,極盡殘暴,不過又真係幾靚。入嚟有得睇呢套死得好轟烈嘅i系產品,蘋果迷唔好入嚟喇,我驚你睇完個心拿住拿住。 相關資訊日本TOP 3家用產品選舉 大量好物慢慢研究 (Oct 14, 2017) 【測試】憑記憶畫Logo 蘋果變色Starbucks變毛蟲 (Oct 3, 2017)

Read more ›
Samsung出HomeSync $2,698玩1TB私人雲端+Android電視
by / on 10/10/2013 at 11:55 am

Samsung出HomeSync $2,698玩1TB私人雲端+Android電視

  手機入屋呢個問題, Samsung新推出咗個HomeSync嘅1TB雲端儲存空間幫大家解決! 簡單講佢係行Android底嘅雲端儲存裝置, 好玩之處, 係你可以放片、放相、放多媒體檔案, 隨時喺街拉佢落嚟睇; 另外你所影嘅相、片或任何智能裝置檔案, 亦可以用佢做雲端Backup! 而且HomeSync仲有HDMI插口駁電視作輸出, 所以從此手機、TAB的相,片, 唔再規限喺小小屏幕上觀賞! 相關資訊【實用發明】 Samsung大車車尾裝顯示屏 爬頭零意外 (Jun 20, 2015) 新片速報 Samsung感人小發明 「認知障礙症」患者專用App (Apr 5, 2015)

Read more ›

蘋果迷必入! 粉絲自製網站經典晒冷
by / on 09/10/2013 at 9:32 am

蘋果迷必入! 粉絲自製網站經典晒冷

我對蘋果嘅支持,頂籠都係買咗幾部iPhone、一部iPad同埋一部MacBook,不過現年42歲嘅外國粉絲Jonathan Zufi就勁得多,佢最近開咗個網站Shrine Of Apple,將所有蘋果產品放晒上網展示,大部份相片都係自己親手影,暫時已經影咗15萬張相,網站入面好多經典嘢,QuickTake 200相機以至1979年嘅Apple II Plus都有得睇。而且相片質素高,仲有文字解說,相當有心。每件產品旁邊仲可以投票,話比人知你有無呢件產品或者想唔想要,蘋果粉絲入到去應該唔捨得走。佢仲出埋書將珍藏晒冷,犀利。 相關資訊【圖集】《權力遊戲》fan遊遍歐洲 經典場景神還原 (Dec 5, 2017) 日本水瀨仔握手會 只限20名粉絲參加 (Aug 21, 2017)

Read more ›
UltraStick好波! 將SD卡變3G卡!
by / on 06/10/2013 at 9:13 am

UltraStick好波! 將SD卡變3G卡!

  老實! 國產IT、影音、手機、遊戲機技術, 近幾年真係每每令人刮目相看! 尤其是將一啲不可能變成有可能、Hack Hack哋嘅事! 例如將T-FLASH插落NDS、將兩張SD插落CF已經係十九年前嘅事, 依家最新玩法, 就係將Nano SIM插入SD卡度! 即係點!? 即係從此世界上所有平板, 再冇Wi-Fi版平一千、3G板貴一千呢樣嘢, 只要機身有SD卡槽, 插呢張嘢落去就可以3G上網, 連舊平板都可能因佢而起死回生呢樣勁吖嘛! 相關資訊【有片】SD Gundam演繹名場面 電動部件鑽爆吉姆 (Nov 10, 2017) 日本喵星人企正「集中線」 現聖光Twitter熱傳 (Jul 25, 2017)

Read more ›
日本出品   螢幕指紋油污一轆即走
by / on 30/09/2013 at 8:08 am

日本出品 螢幕指紋油污一轆即走

初頭睇呢個轆,以為同我屋企用嚟轆貓毛嗰個,原來今次呢個係日本廠出品,用嚟轆走平板電腦螢幕面嘅污垢。名為iKoroKoro,10月4日發售,聲稱用咗特別科技,可以令螢幕表面嘅指模同埋油污一轆即走,睇片見倒效果都幾明顯,不過廣告嘅嘢,信兩成啦。售價$1260円,黑、白、粉紅三色任揀。 相關資訊日本超強清潔Keyboard技術 網民發現Window鍵唔同咗 (Nov 30, 2016) 【好Dirty】日本女生集體清潔男廁 網民:「點解唔戴手套?」 (May 24, 2016)

Read more ›
全球首間    電子圖書館開幕無書揭
by / on 25/09/2013 at 7:09 am

全球首間 電子圖書館開幕無書揭

我認我守舊,睇書都係鐘意拎住印刷本喺手,不過外國電子書太普及,最近美國更開設咗全球首間嘅電子公共圖書館「Bible Tech」,入到去唔會再見倒紙張印刷嘅書,取而代之係近千部e-book閱讀器、57台電腦同埋40部iPad。我諗起上次新聞報導香港公共圖書館嘅電子書使用量極低,只可以話,就算開喺香港,都唔會令閱讀氣氛增加,不過實有大量貪得意嘅人走去影咗相放上facebook扮文青。

Read more ›