軟件資訊

新片速報 C4炸Mac Pro 大爆炸慢鏡睇
by / on 31/05/2014 at 12:28 pm

新片速報 C4炸Mac Pro 大爆炸慢鏡睇

又係「RatedRR」呢個頻度,用強勁嘅軍火對付科技產品,之前射爆過iPhone,炸爆過Xbox One,今次唔好彩嘅就係Mac Pro呢個垃圾桶!佢哋首先將佢掉落地,之後開到機;再嚟落水,乾番都開到機喎!最後,佢用大量C4塞爆個垃圾桶,之後炸爆嗰吓,仲有心思到炸個蘋果花出嚟! 相關資訊有片:老竇夾埋阿仔 玩爆炸嚇阿媽 (Oct 16, 2015) Galaxy S4爆炸 都是你的錯 (Jul 29, 2014)

Read more ›

古怪鞋集  一鞋一棚牙顯個性
by / on 12/02/2014 at 7:03 am

古怪鞋集 一鞋一棚牙顯個性

有人話一個人著乜嘢鞋某程度反映咗佢嘅性格為人,外國專做執相嘅公司POP,Postproduction最近就後期加工,製作咗一輯好有個性嘅鞋集。每集鞋都有一棚牙,想像力好豐富。我最鐘意係白色oxford shoes配土豪金牙,又或者可愛粉紅loafer鞋配鋼牙,好夾!入嚟仲有爆牙、兔仔牙、甩牙睇‥‥‥ 相關資訊Converse乘咸超七星俠 加埋150歲 紅銀色帆布鞋有誠意 (Jun 26, 2017) 【小偷喵】專偷鄰居拖鞋 喵主開IG失物物主專用 (Aug 26, 2015)

Read more ›
有片  男士如廁有嘢玩    邊屙邊幫公仔減磅
by / on 27/12/2013 at 10:37 am

有片 男士如廁有嘢玩 邊屙邊幫公仔減磅

男士如廁係咪真係悶得咁交關?所以經常有古靈精怪嘅廁所設計應運而生。今次呢個尿兜,表面有一粒粒金屬狀嘅探測器,每當有水流動感應到探測器時,上面顯示嘅公仔就會由肥變瘦逐漸減磅,好唔好玩見仁見智啦,不過可以肯定係嚟自印度嘅設計師Mani,應該對如廁呢項活動感覺到好沉悶,或者佢有一個成日唔願去廁所嘅囝囝。 相關資訊日本知名設計師新作 腳趾尾都要戴頭盔 (May 22, 2018) 【有片】韓國直播遊戲Super Bunny Man 爆笑死法網上熱傳 (Mar 23, 2018)

Read more ›
做個高科技媽咪   瞓前講故仔玩AR
by / on 24/12/2013 at 7:09 am

做個高科技媽咪 瞓前講故仔玩AR

睇電視見啲媽咪成日講故事氹小朋友瞓,不過身處喺iPad多過故事書嘅年代,所有嘢都要轉變吓。例如最近推出嘅TexTales企劃,將講故事透過平板電腦同AR擴增實景結合,一邊睇住個芒講故仔,一邊見倒故事人物或者情景出現喺眼前,只需要下載個app就玩倒,怕只怕小朋友睇慣啲高科技嘢,第時要佢坐定定溫書都好難。TexTales喺kickstarter集資中,E世代父母可以去奉獻吓。 相關資訊江記《離騷幻覺》搞眾籌 請課金支持本地創作 (Apr 3, 2018) 【有片】中文版同步《D×2 真・女神転生リベレーション》 現實世界召喚惡魔 (Nov 21, 2017)

Read more ›
狗雀合體   PS大神又出動
by / on 11/12/2013 at 9:17 am

狗雀合體 PS大神又出動

新品種!狗狗加雀仔會變成咩?多得偉大嘅Photoshop,我哋可以見倒呢輯神奇PS圖集!呢堆PS神獸由網民創作,有狗身雀頭,亦有雀頭狗身,難得係無違和感,PS功力好強,新品種網名叫「Dirds」,即係Dog加Bird,如果真係有咁神奇嘅品種出現喺現實世界,相信應該會幾嘈吓,飛住吠喎,你驚唔驚? 相關資訊《Deadpool 2》外國超正電影宣傳 惡搞知名電影封面 (May 18, 2018) 【圖集】巨喵襲地球構想圖 大戰哥斯拉突襲日本 (May 3, 2018)

Read more ›
新片速報  隔空取物靠Kinect
by / on 15/11/2013 at 10:38 am

新片速報 隔空取物靠Kinect

隔空取物唔止係呃神騙鬼嘅橋段,最近有人將佢變成現實。用一個Kinect鏡頭、一個螢光幕加一部電腦,再喺枱面放置一粒粒物體就做到。睇片見倒示範者喺電腦前做出一系列動作,另一邊好多粒狀物體嘅枱面會自動感應做出相應動作,好神。咁呢款科技發展落去有咩用?暫時諗到係可以隔空攬吓你個bb啦,或者嚇吓你最憎嘅仇人,講笑姐,試幻想未來你唔駛存在喺現場都可以遙控操作,感覺其實好爽。

Read more ›

瘋狂!藍牙晶片植入手臂   駁Android裝置測溫度
by / on 03/11/2013 at 5:20 pm

瘋狂!藍牙晶片植入手臂 駁Android裝置測溫度

好變態!呢個鬼佬Tim Cannon,居然將一個叫Circadia 1.0嘅藍牙晶片植入自己手臂內,可以偵察自己嘅身體狀況同埋溫度,再透過藍牙傳送資料去Android裝置。由於唔合法,無醫生肯幫佢做呢項手術,最後佢搵咗同為biohacker老友Steve Haworth幫手,全程無用麻醉藥,好癲!嚟緊佢仲話想整細啲呢個裝置,希望可以測倒脈搏,咁點解測溫度、脈搏要植入晶片? 只可以講佢同玩命無分別,我唯有祝佢好運。 相關資訊【新片速報】一嚿雲藍牙聽歌裝置 懸浮識閃電 (Oct 12, 2016) 【有片】Sony推出LED燈泡連藍牙喇叭 全屋聽歌超方便 (Jun 2, 2015)

Read more ›
巨型Google Maps真實版標記    現身大城市
by / on 30/10/2013 at 9:03 am

巨型Google Maps真實版標記 現身大城市

Google Maps絕對係本世紀最偉大嘅發明之一,雖然佢有時會講大話點條錯路我行,但係實景圖對於搵地方真係好有用。德國裝置藝術家Aram Bartholl自發性喺公共地方整咗啲裝置 ─ 就係大大個嘅Google A字牌,有用開Google Map都知,呢個紅色pin icon就係搜尋地方後嘅標記,望住佢個心定晒,堪稱係治癒系符號。不過就令我分唔倒乜嘢係真實,乜嘢係虛擬‥‥‥ 相關資訊【新片速報】藝術家手繪超靚《龍貓》插畫 紀念初生嬰兒 (Jan 31, 2018) 身形最似 德國Coser變身「Super Sonico」 (Jan 8, 2018)

Read more ›
日本萌版Windows 8.1 萌妹出場侷你Update
by / on 22/10/2013 at 11:50 am

日本萌版Windows 8.1 萌妹出場侷你Update

講起我就想爆粗!我唔係貪新鮮,係因為Windows 8太唔好用,所以一有8.1我就update,諗住佢有所改善。點知,多咗個開始掣但同時都多咗好多無謂問題,而且好多顯示卡未支援,於是我回復番去WIN 8……日本喺早幾日10月18日深夜12點都有首賣活動,佢哋賣嘅特別版,Windows擬人化嘅萌女全部登場!而且仲有真人出場,而且仲有特別主題同Wallpaper……我諗更多人中招。 相關資訊【雕咗幾耐?】日本木工高手 自製紅勇士/魔蟹/強人可動模型 (May 24, 2018) 日本電視節目教影「錯覺相」 地下噴水扮飄起 (May 24, 2018)

Read more ›
新片速報    迪士尼研發新3D     篤芒有feel
by / on 15/10/2013 at 1:27 pm

新片速報 迪士尼研發新3D 篤芒有feel

每日我都篤手機芒超過100次,篤到有時手指都有啲麻痺,如果篤畫面時,可以感受埋畫面上物品嘅質感,會唔會好玩啲?迪士尼嘅研究中心最近開發緊呢項新技術,例如你篤畫面上嘅仙人掌,可能會有吉親痛痛哋嘅感覺,篤粒冰又會覺得凍凍哋,原理係透過自家開發程式,將3D訊號傳送到螢幕,當手指掂到螢幕,就會計算出摩擦力再輸出對應嘅質感。有乜用?我諗去迪士尼嘅小朋友會開心到依嘩鬼叫囉。 相關資訊日本迪士尼落雨天 超靚倒影似天空之鏡 (May 9, 2018) 【有片】呢啲就係專業!網民讚好靚 日本迪士尼「女王」演員超高傲回應 (Feb 25, 2018)

Read more ›
Google街景有新嘢   動物園 / 海底奇觀任睇
by / on 25/08/2013 at 7:35 am

Google街景有新嘢 動物園 / 海底奇觀任睇

上Google街景能知天下事,之前報導過有得睇哈利波特街景,仲有得去巴黎鐵塔內部同埋日本富士山,最近Google街景仲加入埋動物園同海底奇觀,真係喺屋企坐足成日都唔怕悶。先講動物園,中國大陸四川大熊貓基地有得睇,連聖地牙哥、芝加哥、亞特蘭大、墨西哥等等嘅動物園都有;至於海底奇觀,由Googlec同Catlin Seaview Survey共同合作,睇相見倒蛙人潛落水底揸住大燈相機拍攝,再組成全景畫比大家睇,今次合作背後仲有一個目的 ─ 紀錄珊瑚礁生態令大家關注海洋保育,好有意義。 相關資訊日本今日「Kiss之日」 Twitter大量圖/片應節 (May 23, 2018) 日本喵星人影寫真 懷舊甫士超有少女味 (May 23, 2018)

Read more ›

Savage退地Kit 無痛做退地大神
by / on 22/08/2013 at 9:38 am

Savage退地Kit 無痛做退地大神

  退地有幾煩? 退部手機係半分鐘, 退個人頭就要半個鐘! 你話如果撞着係爆炸哥個死人頭(因為佢長期係爆炸裝Mode而得名!), 真心有殺人衝動! 唔想咁樣可以點樣? 治標又治本係等佢瞓着覺綁起佢、剃光佢, 你話如果女神搵嚟退, 你可以買日本剛出呢套Savage退地套裝!

Read more ›
16個人生必去Google街景   嘆住冷氣遊世界
by / on 02/08/2013 at 7:24 am

16個人生必去Google街景 嘆住冷氣遊世界

讀萬卷書不如行萬里路,放暑假去旅行梗係好,但係去唔倒都可以利用Google街景嘆住冷氣遊世界,擴濶眼界。外國網站mental_floss嚴選咗16個Google街景必去地方,當中包括南極、羅馬鬥獸場、美國白宮、瑞士白湖等等,全部靚到震,對於我呢啲無時間無金錢去遊世界嘅人嚟講,未嘗唔係一種心靈慰藉,多謝Google先。 相關資訊日本網民自製芒亨「貓飯」 完全投入獵人世界 (Feb 11, 2018) 【有片】世界上最複雜漢字 共56劃日本Twitter熱傳 (Sep 27, 2017)

Read more ›
新片速報  修復阿嫲舊相     孝順仔完美執相
by / on 23/07/2013 at 7:03 am

新片速報 修復阿嫲舊相 孝順仔完美執相

高科技似乎惠及唔倒我哋嘅爺爺嫲嫲,不過外國網友TheHatersalad好有孝心,將阿嫲一張咸豐年前嘅舊相重新執都好似新嘅一樣,仲拍埋短片放上網分享,仲好有心每個留言回覆講解自己點執相。另外,佢只係用咗兩個半鐘就完成修復相片嘅工序,效果好靚,佢阿嫲都幾靚。 相關資訊【懷舊mode】高橋由美子當年舊相 日本年青網民激讚 (Jun 14, 2015) 【救人一命】崩壞比卡超 神級紋身師傅完美修復 (Jun 13, 2015)

Read more ›
登上巴黎鐵塔     Google實景睇咗當去咗
by / on 21/07/2013 at 2:57 pm

登上巴黎鐵塔 Google實景睇咗當去咗

最近睇《衝上雲霄2》,引到我好想去歐洲遊世界,可惜我無假又無錢,好彩有Google街景陪我,可能Google都知大家放暑假悶,繼新加入倫敦嘅《哈利波特》斜角巷之後,最近仲去埋巴黎鐵塔取景,入去Google實景圖,就可以企喺鐵塔頂飽覽巴黎景色,睇咗當去咗,自我滿足一番。唔夠喉仲可以去埋Google文化學院,入面有齊巴黎鐵塔歷史,有埋文字圖片輔助,記住睇埋巴黎鐵塔內三層建築實景,玩吓玩吓我就消磨咗成個鐘,消時間一流。 相關資訊大量目擊 天空現奇景30分鐘 現實版《哈利波特》催狂魔 (Mar 5, 2017) 【二次創作】Starbucks咖啡套再設計 《哈利波特》石內卜零違和 (Mar 29, 2016)

Read more ›