潮玩新聞

讀者熱烈討論 《古惑仔》牛姑使唔使死?
by / on 23/01/2018 at 7:45 pm

讀者熱烈討論 《古惑仔》牛姑使唔使死?

今期第2098期《古惑仔》書名真係何其浪漫與悲壯,叫〈我死也為了她!〉,「她」指潘少枝,為佢死嘅係牛姑。故事講到三聯九尾狐同建興擺局,搞到洪興李志高同牛姑無端端打餐死,牛姑寡不敵眾,攬住自己個女人瘋狂捱斬。畫到呢段,網民熱烈討論牛姑使唔使死,我呢,就認為唔會,一,每逄一個重要角色死,牛佬都或多或少會喺自己專欄事先張揚,今次唔覺;二,牛姑應該仲有大把戲可以寫,佢應該係激起三聯同洪興鬥個你死我活嘅催化劑,呢個催化劑暫時好明顯未用盡;三,都未見牛姑嘅「往事回憶」,所以應該未死得住。執筆至此,我反而有個不祥預兆,唔知點解,我覺得李志高反而會打柴,仲要死得好無厘頭嗰隻,希望估錯喇。 相關資訊神奇膠唱《古惑仔》主題曲 《同擔日月天》又唱又Rap (Jan 1, 2018) 《古惑仔》大飛識飛? 由香港仔跑到荔枝角? (Dec 28, 2017)

Read more ›

上官小強Fans留意 Kent Chu眾籌《壽星仔封面大全集》
by / on 23/01/2018 at 6:37 pm

上官小強Fans留意 Kent Chu眾籌《壽星仔封面大全集》

Kent Chu扯頭纜搞眾籌,打算推出《壽星仔封面大全集》其之三,收錄第201至300期封面,全書100頁,尺寸為148mm x 210mm,想擁有要先成為「壽星俱樂部」會員,一成為會員即送一套3張紀念膠卡,詳情可以留意面書提供嘅資料。時間過得好快,不知不覺上官小強已經離開咗我哋一年有多,係強哥Fans嘅,記得捧場,眾籌截止日期為2月28日。 相關資訊Kent Chu做到嘢 非Dark Club會員都攞到貼紙 (Sep 21, 2017) 《山海逆戰》印錯期數 Kent Chu送免費貼紙彌補缺陷 (Sep 18, 2017)

Read more ›
貞子突襲大阪電器店 宣傳電影B都唔驚
by / on 23/01/2018 at 12:12 pm

貞子突襲大阪電器店 宣傳電影B都唔驚

近年嘅貞子,自從VS伽椰子同俊雄囝囝之後,好似笑佢多過驚佢咁。嚟緊1月26日喺日本就有套貞子Rebirth《ザ・リング/リバース》上映,咁呢位主角就去咗大阪「ヨドバシ梅田」宣傳,咁既然去得,就梗係去賣電視嘅部門啦。不過可惜嘅係,抱住B嘅媽媽都搵佢合照,阿B仲對住佢笑…… 相關資訊【有片】真正死亡遊戲 日本機迷玩自虐Game (Jan 23, 2018) 日本喵星人被控「威力業務妨害」 無奈樣Twitter熱傳 (Jan 22, 2018)

Read more ›
【有片】東京大雪翌日 多摩川超美景
by / on 23/01/2018 at 11:23 am

【有片】東京大雪翌日 多摩川超美景

噚日東京大雪,今日就好似見番啲陽光,於是就營造咗呢個靚景。今朝好多日本網民都影咗多摩川嘅景色,有圖有片,有啲靚到好似新海誠動畫一樣呀! 相關資訊東京銀座隱世甜品店 超正雪條Twitter熱傳 (Jan 12, 2018) 日本網民推介「飯盒布甸」 新穎裝法Twitter熱傳 (Jan 5, 2018)

Read more ›
東京大雪 住宅門外現Baymax雪人
by / on 23/01/2018 at 11:03 am

東京大雪 住宅門外現Baymax雪人

  有啲咩角色好適合整雪人?《Big Hero 6》嘅Baymax就好適合啦,隻色根本都一樣。噚日東京大雪,喺住宅走廊就見到呢隻Baymax,不過都好似爭少少先實物原大。 相關資訊日本JR朝早全車爆滿 無公德心被暴力對待 (Jan 22, 2018) 【有片】日本柴犬出名唔肯返屋企 散步期間瞓咗 (Jan 22, 2018)

Read more ›
【相集】日本狗狗遇大雪超興奮 超靚相集Twitter熱傳
by / on 23/01/2018 at 7:57 am

【相集】日本狗狗遇大雪超興奮 超靚相集Twitter熱傳

相比起怕凍嘅喵星人,日本狗狗面對落雪就表現得興奮好多嘞。日本呢兩日有大量主人放咗狗狗喺大雪下好開心嘅一幕上Twitter,有隻松鼠狗仲開心到失去常性‥‥‥入嚟有多啲相睇。 相關資訊日本戲院「暖桌」座椅 超貼心Twitter熱傳 (Jan 22, 2018) 日本真正車站上蓋住宅 0分鐘徒步到月台 (Jan 21, 2018)

Read more ›

日本超巨型牛仔褲睡袋 雙人設計一人一條褲管
by / on 23/01/2018 at 7:44 am

日本超巨型牛仔褲睡袋 雙人設計一人一條褲管

日本生活雜貨Felissimo又有古怪產品推出嘞!呢款超巨型牛仔褲其實係個雙人睡袋,每條褲管可以瞓一個人,前面有個窿可以伸個頭出嚟。底層用咗超暖絨毛,瞓瞓吓覺得熱又可以拉開拉鍊露返上半身出嚟;另外褲腳位可以拉埋拉鍊,咁就唔怕走咗啲風入去凍親腳板,好貼心。每條牛仔褲賣42,120円,即係接近3千蚊港幣,差唔多夠買張床嘞。 相關資訊日本流浪貓好聰明 書店關門後入內取暖 (Jan 21, 2018) 日本超奇妙產品 手機專用剪鼻毛機 (Jan 21, 2018)

Read more ›
【新片速報】日本喵星人狂叫要睇雪      1秒極速折返Twitter熱傳
by / on 23/01/2018 at 7:39 am

【新片速報】日本喵星人狂叫要睇雪 1秒極速折返Twitter熱傳

日本東京落大雪,有網民隻喵不停喵喵叫好想出去玩,樓主於是開咗度玻璃門俾佢,隻喵馬上衝出去,不過唔夠1秒感覺到好凍,於是好樣衰咁行返入屋,個樣仲有啲尷尬。段片喺Twitter好快已經過咗2百萬瀏覽,好多網民仲放咗自己隻喵遇到落雪嘅反應做回覆,有啲喵不停食雪,超好笑,入嚟有得睇。 相關資訊日本神人超強手藝 石頭變貓頭鷹極像真 (Jan 21, 2018) 日本紙皮模型高手 率先挑戰Nintendo Labo (Jan 20, 2018)

Read more ›
【新片速報】日本「明星柴」雪地狂奔 鑽入雪堆超開心
by / on 23/01/2018 at 7:30 am

【新片速報】日本「明星柴」雪地狂奔 鑽入雪堆超開心

日本明星柴「柴犬ハナ」‏出名唔肯返屋企,條繩次次都越拉越長。趁住落大雪佢大有新片嘞!今次佢喺大雪入面狂奔,啲積雪好厚,佢越跑越開心,之後跑跑吓仲鑽咗入雪堆入面,似乎想匿埋,好唔想返屋企。BTW,佢玩到成個鼻都係雪,但係一啲都唔怕凍,超可愛呀! 相關資訊超可愛雪地「攝石鹿」 Twitter熱傳 同路牌合照網民key圖回應 (Jan 21, 2018) 【非法改裝】日本喵司機坐改裝「宅急便貓車」 眼望望超可愛Twitter熱傳 (Jan 20, 2018)

Read more ›
再繼續睇雪 東京白色迪士尼
by / on 22/01/2018 at 11:17 pm

再繼續睇雪 東京白色迪士尼

唔好意思,今晚真係洗咗版,不過東京大雪除咗令交通出大問題外,亦都出現咗好多罕見嘅靚景,呢幾位網民影嘅就係迪士尼老鼠。 相關資訊日本喵星人最愛白毛巾 捲埋墊頭超識嘆 (Jan 20, 2018) 日本喵星人冬天瞓覺新位置 電腦前攬到實取暖 (Jan 20, 2018)

Read more ›
繼續睇雪 秋葉原變白色聖地
by / on 22/01/2018 at 11:09 pm

繼續睇雪 秋葉原變白色聖地

東京咁大雪,對上一次都4年前,所以今日Twitter都好多落雪圖。睇完新宿嗰啲,再睇埋台場高達,o依家再睇我哋都好熟嘅秋葉原!不過就算幾熟,呢啲場面都真係有啲陌生! 相關資訊超靚日本Asahi櫻花啤酒 1月30日酒鬼要買 (Jan 20, 2018) 【想買】日本網民設計「紙門日曆」 每過一日篤穿一格 (Jan 20, 2018)

Read more ›

【保持隊形】雪中東京站太靚 日本人都要排住影
by / on 22/01/2018 at 10:34 pm

【保持隊形】雪中東京站太靚 日本人都要排住影

  今日東京落大雪,都唔常見嘅,咁平時未必係影相景點嘅「東京駅」,喺雪中就靚到好似歐洲咁款,於是好多人就想影相啦。但唔係爭住影,而係一字排開咁影,冇話你行前啲我又行前啲咁…… 相關資訊【有片】日本網民拍片比較 露營動畫《ゆるキャン△》理想與現實 (Jan 19, 2018) 日本黑喵慘遇小朋友 全身變玩具枱坐定定任玩 (Jan 19, 2018)

Read more ›
【台場大雪】真正白色獨角獸 雪中爆甲超有型
by / on 22/01/2018 at 6:39 pm

【台場大雪】真正白色獨角獸 雪中爆甲超有型

你可能睇過落雪,台場都有落過雪,但上年先開幕嘅台場1比1獨角獸高達Unicorn Gundam就一定係第一次見雪!又係呢位日本網民分享出嚟,見到未爆甲嘅同雪景好襯,爆甲著燈又真係好型!如果喺東京,真係要去影吓呢個難得嘅雪景! 相關資訊【可以換模型】一日全65站制覇 日本傳媒試玩JR東日本Gundam活動 (Jan 11, 2018) 乜咁搞呀? 高達大爆炸? (Jan 9, 2018)

Read more ›
【夢遊?】日本高校生發夢食牛角包 瞓覺真係訂咗400個
by / on 22/01/2018 at 6:10 pm

【夢遊?】日本高校生發夢食牛角包 瞓覺真係訂咗400個

其實如果係咁都幾危險,今次就訂400個牛角包可以用2萬円解決,下次如果訂其他嘢或者打電話唔知去邊……呢位日本高校生喺Twitter出文,話自己發夢狂食牛角包,點知瞓醒之後就接到麵包店電話,話佢訂咗400個牛角包要去攞貨喇,佢再三確定之後,唯有去博多站呢間麵包店攞貨。但其實佢幾點瞓覺幾點起身?點都好啦,值得欣賞係佢冇賴皮唔去拎,不過應該真係有排食喇。講真,我好鍾意食牛角包,睇到有啲肚餓。 相關資訊日本Felissimo超強創意聯乘 「千手觀音」耳環 / 佛手枕 (Jan 19, 2018) 日本「國民媽媽」年齡大公開 小丸子媽媽報細數? (Jan 19, 2018)

Read more ›
【有片】東京大雪警報 澀谷/新宿/池袋白色一片
by / on 22/01/2018 at 5:27 pm

【有片】東京大雪警報 澀谷/新宿/池袋白色一片

今日(22日)東京23區同多摩地區都有大雪警報,要數已經係4年前2月14日以嚟最大雪!睇吓澀谷、新宿同池袋,都唔係我哋熟悉嘅景況,好靚!另外仲有直播可以睇到實況,一早天黑喇。 相關資訊【新片速報】日本喵星人玩鱷魚 鑽入口「玩命」Twitter熱傳 (Jan 19, 2018) 【有片】日本大學生自製 認色調色一條龍 (Jan 18, 2018)

Read more ›