潮玩新聞

貓眼看世界 蚊張《喵樣人生》開賣
by / on 20/01/2017 at 9:00 am

貓眼看世界 蚊張《喵樣人生》開賣

愛貓嘅你,唔知對蚊張《喵樣人生》有無興趣?全書主旨係「以83隻喵代入人生」,透過喵星人眼睛睇呢個世界咁話喎。我唔係貓奴,難以領略「幸好,我們的生活有喵」,不過就幾鍾意個封面,十雙八隻貓仔排排企,眼仔睩睩視線一致,畀到人一種好治癒嘅感覺。有心捧場,可以去維園年宵走一趟,「亮光文化」攤位有售。 相關資訊幕後製作影片公開 《Gravity Rush 2》重力貓好難搞 (Jan 19, 2017) 日本貓奴見主人浴室呆望 原來浴缸見到喵 (Jan 19, 2017)

Read more ›

日本扭蛋「屋頂上的喵星人」 跟屋頂/麻雀/天線超細緻
by / on 20/01/2017 at 7:29 am

日本扭蛋「屋頂上的喵星人」 跟屋頂/麻雀/天線超細緻

香港周圍都係高樓大廈,應該好難感受到,日本就唔同嘞,好多屋頂經常都會瞓滿喵星人,好悠閒。日本扭蛋公司EPOCH最近推出呢款屋頂喵星人扭蛋系列,4款喵星人,每款喵都會跟一個屋頂,買得越多,屋頂就可以無限延伸嘞。另外有兩款會跟麻雀同碟形天線,擺埋喺旁邊就更像真。 相關資訊【劇力萬鈞】日本喵星人偷襲連環圖 表情超有戲身手敏捷 (Jan 19, 2017) 日本落雪街邊露兩手 吉卜力作品最多 (Jan 18, 2017)

Read more ›
日本肥柴犬的周界線     33個柑先圍得晒Twitter熱傳
by / on 20/01/2017 at 7:22 am

日本肥柴犬的周界線 33個柑先圍得晒Twitter熱傳

一隻日本肥柴犬嘅周界有幾長?日本有網民量度咗,原來佢隻柴犬外圍要33個柑先可以圍得晒,咁算係大定細呢?張相喺Twitter好多人熱傳,最難得係隻狗狗居然唔走,個樣仲好乖咁款。更難得嘅係屋企竟然會有咁多個柑。其實佢係喺Twitter紅到出書出產品嘅柴犬Maru,做慣model唔怪得之坐得咁定啦。入嚟仲有多啲佢嘅近照同埋萌爆影片,好治癒! 相關資訊【好爽】日本人點睇打尖人士? 連環圖有共鳴Twitter熱傳 (Jan 19, 2017) 【咁癲】日本便利店出新包 原個布甸喺裏面 (Jan 18, 2017)

Read more ›
日本超可愛比卡超cushion粉底 粉撲變精靈球
by / on 20/01/2017 at 7:20 am

日本超可愛比卡超cushion粉底 粉撲變精靈球

女仔嘅化妝品通常男仔都唔識欣賞,不過今次有世界共通語言「比卡超」,難怪盒cushion粉底可以喺Twitter被熱傳。有日本網民買咗佢返屋企,盒面嘅比卡超瞇晒眼超可愛,打開仲有驚喜,個粉撲居然係精靈球,好可愛。由TONY MOLY出品,想買嘅可以去日本Amazon睇睇,1190円,買嚟收藏都好。 相關資訊日本旅行去廁所留意番 操控圖案規範化 (Jan 18, 2017) 【新片速報】日本喵星人為上樓博到盡 撞腳爬大脾求收養 (Jan 18, 2017)

Read more ›
【日本劣食】日本人評論400円沖繩便當        網民:「其實越平越好味!」
by / on 20/01/2017 at 7:14 am

【日本劣食】日本人評論400円沖繩便當 網民:「其實越平越好味!」

樣靚唔等於好味道,日本網民就有呢種覺悟嘞。最近有人放咗幾張喺沖繩買到嘅日本便當上2ch討論,話沖繩便當只賣400円,但個樣就好似好污糟咁。不過網民唔係咁睇,好多人都撐,話個便當睇落好美味,而且份量夠大,雖然感覺上全部都好濃味。之後有網民放啲價值1600円嘅靚靚東京便當上嚟,有晒間隔睇落幾靚,但網民話睇真啲啲餸都唔好味嘅,而且賣得太貴,仲話通常越平嘅便當越好味。睇完佢哋嘅對話,下次去日本記住試吓呢啲個樣劣劣哋,但夠晒地道嘅便當嘞,我諗就好似我哋嘅豆腐火腩飯咁,樣貌普通,但夠晒正宗。 相關資訊指原莉乃放相上IG被網民抨擊 「7500円嘅裙好平好可愛」? (Jan 12, 2017) 【新片速報】「日本人會唔會喺公眾地方kiss?」 街頭訪問年輕男女 (Jan 8, 2017)

Read more ›
【緊急掣】會暴走?「ペッパー君」頸後隱藏停止掣
by / on 19/01/2017 at 8:29 pm

【緊急掣】會暴走?「ペッパー君」頸後隱藏停止掣

呢隻「ペッパー君」機械人好紅,之前睇日劇都見到佢啦。啱啱有人發現原來佢頸後面有個要穴,係一個緊急停止掣。唔知好地地,知道之後大家就有嘢諗喇,唔通佢會暴走?又有人諗起《進擊之巨人》,仲有人覺得佢同EVA一樣可以插啲嘢入去佢頸後……

Read more ›

自己屋企拍寫真 I Cup「青山ひかる」住長崎
by / on 19/01/2017 at 7:31 pm

自己屋企拍寫真 I Cup「青山ひかる」住長崎

有時都會想睇吓佢哋真正嘅屋企係點嘅,今期《週刊プレイボーイ》5號就有得睇「青山ひかる」屋企喇,因為佢影咗輯「青山ひかる 実家に帰る。」寫真,真係返咗長崎縣佐世保嘅家鄉影相。網民睇到之後,又出咗啲回帶圖,真係留得青山在…… 相關資訊久松郁実、都丸紗也華、岩崎名美 今期《週刊ヤングマガジン》20歲3人娘 (Jan 7, 2017) 日本《週刊Playboy》 今期有「馬場ふみか」卷頭 (Jan 5, 2017)

Read more ›
《龍珠 超》突入新章 鳥山明新畫人造人曝光
by / on 19/01/2017 at 4:18 pm

《龍珠 超》突入新章 鳥山明新畫人造人曝光

2月5日,動畫《ドラゴンボール超》就會有新章「宇宙サバイバル編」,又玩武林大會喎,講10名各宇宙嘅代表參加「力の大会」,輸咗嗰個宇宙就會被消滅……咁今次人造人17、18號都會參戰,原作者鳥山明老師就新畫咗兩位嘅設定……呢位人妻真係可愛,無閑冇頭髮但係有辦法。 相關資訊日本《龍珠》JR蓋印活動 幾十本印足65站大生意? (Jan 18, 2017) 東京JR站《龍珠》主題活動 蓋印仔食主題食物 (Jan 10, 2017)

Read more ›
【有片】日本倉鼠對無臉人 自己送入口
by / on 19/01/2017 at 4:05 pm

【有片】日本倉鼠對無臉人 自己送入口

呢隻係短尾侏儒倉鼠(ジャンガリアンハムスター),叫「ハムム」,佢今次面對嘅係一隻心口擘大咗個口嘅無臉人,佢先係自己送自己入個口度,之後見到都冇乜事幹再開始反擊…… 相關資訊【有片】動畫公司製作酒類廣告 被投訴要停播 (Jan 17, 2017) 日本軍艦島保留原始面貌 網民發現原來有wifi (Jan 17, 2017)

Read more ›
又死人!《名偵探柯南》出APTX4869毒藥咖哩
by / on 19/01/2017 at 3:57 pm

又死人!《名偵探柯南》出APTX4869毒藥咖哩

日本之前都出過好多唔同顏色咖哩,不過今次就毒啲,係以《名探偵コナン》入面嘅毒薬「APTX4869(アポトキシン)」嚟做主題。喂關咩事先?佢話一邊白色嘅白飯,另一邊係紅色,同粒藥丸一樣色喎,係牽強咗啲,不過包裝上面有「灰原哀」,又令人好想儲。648円一盒。 相關資訊你睇我唔到 「柯南」再發動隱身能力 (Oct 27, 2016) 《名偵探柯南》「毛利蘭」水著現身 繼續死人網民好興奮 (Aug 13, 2016)

Read more ›
【你肯定拆咗?】日本網民洗空氣清新機 原來2年嚟冇拆膠袋
by / on 19/01/2017 at 2:24 pm

【你肯定拆咗?】日本網民洗空氣清新機 原來2年嚟冇拆膠袋

如果你屋企或間房有用,會唔會第一時間睇吓拆咗未?呢位日本網民話諗住拆呢部買咗約兩年嘅空氣清新機隔塵網出嚟洗,但當拆開嘅時候,發現竟然個隔塵網係唔需要洗嘅,因為由買番嚟嗰刻開始,包住隔塵網個膠袋都冇拆過……最好笑係之後陸續有其他網民出圖,話原來自己嗰部都係咁……咁,呢兩年,唔知佢有冇覺得屋企嘅空氣清新咗? 相關資訊【實物原大】日本出棋 你鍾意食「きのこの山」定「たけのこの里」? (Jan 17, 2017) 【這些機會】日本搞笑藝人「小島義雄」娶靚老婆 網民:「我哋都唔好放棄!」 (Jan 17, 2017)

Read more ›

《P72七十二行》展覽上網有得睇 18張畫作晒冷
by / on 19/01/2017 at 12:00 pm

《P72七十二行》展覽上網有得睇 18張畫作晒冷

時間不等人,錯過咗就係錯過咗,抽唔到時間睇之前嘅《P72七十二行》畫展,我至今都心有戚戚然。好彩,有關方面喺面書一次過登番晒18幅畫出嚟,兼有埋作者簡介,等大家可以加深認識18位作者同展覽主題,隔住個Mon睇畫當然無咁震撼,但總好過無。加油呀,期待Project 72第二次Event快快出現。 相關資訊話買又唔買激嬲梁瑋豪 請珍惜港漫人心血 (Jan 18, 2017) 《漫畫Buddy》第二期今日見街 送貼紙每本$72 (Jan 10, 2017)

Read more ›
漫畫星光大道週年同樂日 主筆親筆畫板曝光
by / on 19/01/2017 at 11:00 am

漫畫星光大道週年同樂日 主筆親筆畫板曝光

之前介紹過「香港漫畫星光大道週年同樂日」喺呢個禮拜六舉行,大家有無興趣?個心仲係十五十六?依家黄玉郎、馬榮成、邱福龍、阮大勇、李志清、鄺彬強、馬星原、Cuson、陳某、黃國興、鄧達軒等主筆親筆畫曝光,會唔會吸引力大增?唔只我你他等港漫迷,就連雪晴都話:「粒粒巨星……阮生嗰張我都好想抽中…想要」,我呢,就最鍾意邱福龍嗰張嘞。 相關資訊幫襯收藏家港漫專區 即送邱福龍/夏偉義揮春 (Jan 19, 2017) 馬榮成生日作畫 霸氣戰狂重現 (Jan 18, 2017)

Read more ›
急!大家幫幫手!謝森龍異回購《不是人間》!
by / on 19/01/2017 at 10:00 am

急!大家幫幫手!謝森龍異回購《不是人間》!

又幾搞笑喎,我都係第一次見作者公開呼籲回購番自己作品,講緊嘅係謝森龍異,因為「突然之event,有啲緊急」,加上佢本身 藏量唔夠,所以喺面書開Post,希望有讀者可以賣番任何期數嘅《不是人間》單行本畀佢,不但之前受千夫所指嘅撞網版照收,如果唔想以原價回賣,價錢仲可以另議添。急急急急急!謝森龍異希望1月24日前搞掂,如果大家幫到手嘅,PM佢喇。 相關資訊謝森龍異幫徒弟妮蘿打打氣 寵物+喪屍〈不在人間〉 (Jan 12, 2017) 謝森龍異加盟野士創工 《香港感染》第二期趕製中 (Dec 30, 2016)

Read more ›
【有片】日本柴犬發射 雪中奔走圖
by / on 19/01/2017 at 9:21 am

【有片】日本柴犬發射 雪中奔走圖

喺香港,啲狗狗冬天特別開心,可能夏天太熱啦。日本似乎都係,見到啲狗狗喺雪地狂奔好奔放,完全唔覺得凍咁。呢隻8歲柴犬「テツ」就影咗好多雪地奔走圖,好靚好可愛!入去佢Twitter仲多嘢睇,仲有佢個friend「小雪」添。 相關資訊日本網民熱烈討論 舉V字手勢影相會令指紋被盜 (Jan 17, 2017) 【有片】日本超可愛喵星人姐妹 狂玩噴濕器/攬住瞓超治癒 (Jan 17, 2017)

Read more ›