潮玩新聞

福龍週記出處境題 兩皮嘢借畀碧咸好定李X和好?
by / on 25/07/2017 at 10:45 pm

福龍週記出處境題 兩皮嘢借畀碧咸好定李X和好?

邱福龍不嬲都興喺自己面書買定下一期廣告,除封面久唔久都會預告埋「福龍週記」,今次出Post仲帶出咗一個問題──「如果碧咸同李X和同時問你借二萬,只准借畀是但一個,你會借畀邊個?」仲煞有介事咁話:「記住兩位球員踢波也十分出色,不准答兩個都借或兩個都不借。」就呢個問題,讀者熱烈討論──葉永昌:「李x和,溝通到。」、NeIson Wong:「借比李X和,唔借比碧咸因為我英語唔好點追債。」、Alaw Law:「Big鹹……佢會比返20000 USD/ 歐羅。」、Xian Chui:「梗系碧咸啦,照返張合照,幾能型呀,同人講佢問我借2皮。」圖片未有對白,唔知點解福龍會咁問,但佢已經得出結論──無論借畀邊個,都會俾人話大細超。大細超?福龍好似有啲隱晦嘢想講咁喎。至於我呢,就傾向借畀李健和,話晒大家香港人,同聲同氣吖嘛,唔知大家又點睇? 相關資訊《山海逆戰》珍藏卡特別版三封面 賣萌雪晴版售罄 (May 24, 2017) Henry Lau黏土異形好細緻 福龍評《異形:聖約》70分 (May 22, 2017)

Read more ›

【有片】老竇出手 製作《Overwatch》「D.Va mecha.」俾阿女Cosplay
by / on 25/07/2017 at 10:17 pm

【有片】老竇出手 製作《Overwatch》「D.Va mecha.」俾阿女Cosplay

如果同阿爸有共同嗜好,咁關係一定會好啲嘅。呢位美國老竇Mike Carambat,本身都係Cosplayer,佢由今年1月開始就著手設計,製作咗呢套「D.Va mecha.」出嚟,之後佢就會俾佢個女Amanda著去玩。如果想現場睇,嚟緊New Orleans周末嘅MechaCon會見到佢哋,之後9月喺Atlanta嘅Dragoncon都會到場。 相關資訊本周Coser 日本「石子」最愛《銀魂》《JoJo》《聖鬥士》 (Jul 23, 2017) 【有片】路上遇到「川崎来夢」 日本網民遇Cosplay車手 (Jul 22, 2017)

Read more ›
網圖分享:Cuson親筆畫相贈 讀者感動喊出嚟
by / on 25/07/2017 at 10:15 pm

網圖分享:Cuson親筆畫相贈 讀者感動喊出嚟

書展曲終人散,成績如何都好,好多有份出書嘅港漫人,都喺面書登同讀者嘅合照或寫感謝文,識睇梗係睇留言,勉勵之言彼彼皆是,令人相當開心鼓舞,惟獨Cuson面書卻滲出淡淡哀愁。事緣Cuson作四格漫畫一幅,交代有讀者買書要求親筆畫,將自己同娘親畫埋入書,因為娘親喺醫院長唞,唔可以出嚟行書展,講講吓該讀者仲感動到喊埋出嚟添,搞到Cuson都好Sad,只好邊安慰邊用心畫。呢啲咪人間有情囉,Cuson心地好,抵佢娶個靚靚老婆,所話千其唔好睇小一幅畫,簡單一幅畫足以帶畀人好多正能量,相信該讀者之娘親見到親筆畫會好開心,祝佢早日康復。 相關資訊阿塗書展出《圖解廣東話Cantonese.jpg》 留意簽名會 (Jul 21, 2017) 利志達書展出《刻毒》 收錄11個短篇故事 (Jul 20, 2017)

Read more ›
【有片】打機上網做運動 靜音「運動電腦枱」要呃人先要呃自己
by / on 25/07/2017 at 9:39 pm

【有片】打機上網做運動 靜音「運動電腦枱」要呃人先要呃自己

做運動有好多理由,不過唔做運動就有更多藉口,不過如果買咗呢張枱,你就唔可以再話打埋呢舖機先、做埋少少嘢先或者睇多少少嘢先做運動,因為你可以一路玩、睇、做,一邊踩車做運動。呢張「エクササイズデスクBGD-780」Exercise Desk賣38,016円,唔貴,而且仲示範俾你睇有幾靜音,一定唔會嘈到人!咁……不如買張呃吓自己先啦! 相關資訊【睇見都驚】倒瀉咖啡落電腦 原來被整蠱 (Jul 16, 2017) 日本網民新玩法 海鮮發泡膠箱 變電腦機箱 (Jun 4, 2017)

Read more ›
步驚雲不敵風吹雨打 絕世好劍斷開兩截
by / on 25/07/2017 at 9:30 pm

步驚雲不敵風吹雨打 絕世好劍斷開兩截

幾鋒利嘅刀都有生銹嘅一日,絕世好劍也不例外。瀏覽馬榮成面書,得悉擺喺九龍公園香港漫畫星光大道嘅步驚雲塑像,因抵受唔住日曬雨淋And風吹雨打,插喺地下嘅絕世好劍斷成兩截,劍身仲出現爆邊情況。唉,此一斷劍,令我諗番起N年前訪問過有嗰句講嗰句嘅林祥焜,佢大鬧政府唔尊重港漫,將啲塑像置放露天地方,無瓦遮頭,不出三兩年一定又殘又爛又污糟,好應該認認真真起個永久性港漫博物館,落力宣傳發展成為旅遊點云云。唏噓呀,真係俾林祥焜不幸言中喇,希望有關方面做多啲保養工夫喇。 相關資訊網圖分享:馬榮成教仔 做嘢唔好怕蝕底 (Jul 20, 2017) 網圖分享:《迷離世界》出雙特別版 港漫人贈畫 (Jun 13, 2017)

Read more ›
無頭髮係咩玩法?波多野結衣光頭新造型
by / on 25/07/2017 at 9:07 pm

無頭髮係咩玩法?波多野結衣光頭新造型

到底玩咩呢?波多野結衣今日(25日)早前就喺Twitter出咗大量圖,當中佢有個新造型,地球很危險喎,到底玩咩呢?另外,原來佢都要玩Switch嘅《Splatoon 2》,好想同佢一齊射到成地都係呀! 相關資訊【有片】波多野結衣伴達哥打機12分鐘:「最愛肌肉男,達哥個髮型最似木村。」 (Jan 24, 2016) 【機會嚟喇】衝呀!「波多野結衣」月尾來港 《人中之龍》製作人見面會 (Jan 8, 2016)

Read more ›

梁偉家《滅絕遊戲》紀念明信片 一套十二張
by / on 25/07/2017 at 8:36 pm

梁偉家《滅絕遊戲》紀念明信片 一套十二張

久未有搞作嘅梁偉家有作品推出喇,開心!為紀念四年前同戴慶賢合作出版《滅絕遊戲》,家陣佢決定出番套《滅絕遊戲》紀念明信片。望過相,明信片一套十二張,用紅黑二色做主調,希望Size可以大番少少喇,太細張驚欣賞唔到家家功架,價錢暫時未知,不過如無意外都會入手。另,強烈要求出完明信片之後,家家可以推出新作品,加油呀。 相關資訊書展必搶《七十二行》實體書 (Jul 9, 2017) 網圖分享:Eric Ng的面書版「七十二大圖集」 (Jun 29, 2017)

Read more ›
【有片】東京奧運官方宣傳 《亞基拉》金田現身!
by / on 25/07/2017 at 5:58 pm

【有片】東京奧運官方宣傳 《亞基拉》金田現身!

2013年公佈2020年東京會舉行奧運時,已經有人話1982年嘅《Akira亞基拉》動畫一早預言咗,的確係咁啱喎!不過今次,就係官方正式同《亞基拉》2020 Neo-Tokyo Olympics有合作!噚晚喺「都庁広場」就有呢條3D投影上牆嘅宣傳片首播,當中見到《亞基拉》嘅未來都市之外,當然唔少得金田同佢部電單車出場!其實日本動漫全球風行,唔用嚟宣傳就嘥晒!仲有3年!希望到時去到現場啦! 相關資訊荷蘭攝影師「東京寫真」 捕捉渋谷街頭靚景 (Jul 17, 2017) 【天荒地老流連在】東京巨蛋摩天輪 8月新增唱K功能 (Jul 11, 2017)

Read more ›
【有片】本田翼《勇者鬥惡龍 XI》廣告 幕後製作曝光
by / on 25/07/2017 at 4:19 pm

【有片】本田翼《勇者鬥惡龍 XI》廣告 幕後製作曝光

仲有幾日就有得玩啦!7月29日發售嘅PS3/3DS《勇者鬥惡龍 XI(Dragon Quest 11)》。記唔記得之前本田翼拍咗個史來姆指甲廣告?原來仲有幕後製作影片喎。 相關資訊新片速報 童年回憶變童年陰影 山田孝之賣《DQ XI》瞓地扭買Game (Jul 19, 2017) 新片速報 本田翼/唐澤壽明/藤原龍也出場 《勇者鬥惡龍 XI》大量宣傳片 (Jul 17, 2017)

Read more ›
奧浩哉《犬屋敷》連載完結 等睇動畫、真人版
by / on 25/07/2017 at 4:08 pm

奧浩哉《犬屋敷》連載完結 等睇動畫、真人版

《Gantz》作者奧浩哉嘅《いぬやしき》,即係中譯《犬屋敷》,之前已經話倒數5話,而喺今日(25日)發售嘅《イブニング》16號就正式結束約3年嘅連載喇。不過未完嘅,嚟緊10月有電影版,之後下年仲有真人版,佐藤信介監督,木梨憲武演「犬屋敷壱郎」,佐藤健演「獅子神皓」。喂係喎,咁下一套作品,會唔會諗吓畫《Gantz》續作先? 相關資訊奧浩哉《犬屋敷》漫畫倒數5話完結 動畫新圖公開 (May 23, 2017) 【有片】奧浩哉《犬屋敷》動畫化 + 真人電影 下年正邪機械對決 (Dec 16, 2016)

Read more ›
【有片】射積木LEGO槍 有彈匣可上膛
by / on 25/07/2017 at 3:31 pm

【有片】射積木LEGO槍 有彈匣可上膛

LEGO冇乜殺傷力?你一定未試冇著鞋踩到地下嘅LEGO……大殺傷力積木仲可以砌把槍,之後彈匣可以退出嚟,仲可以入LEGO當子彈,之後上膛就發射啦! 相關資訊【即日觀塘開倉】LEGO蝙蝠車$2700/披頭四黃色潛水艇$378/保時捷911 $1888 (Jul 2, 2017) 【相集】超正LEGO攝影師上山下海 唔靠PS挑戰高難度 (Jun 17, 2017)

Read more ›

《你的名字。》黏土人 「立花瀧」「宮水三葉」畫花塊臉
by / on 25/07/2017 at 3:14 pm

《你的名字。》黏土人 「立花瀧」「宮水三葉」畫花塊臉

《君の名は。》雖然好受歡迎,但玩具真係唔多,嚟緊12月有喇,係ねんどろいど(Nendoroid),「宮水三葉」同「立花瀧」著住校服好可愛,而且仲可以重現畫花你塊臉嗰幕,各3,241円。 相關資訊新海誠3年前《你的名字。》原型公開 男主角阿瀧揸槍! (Jul 15, 2017) 好想摸吓啲質地 Bandai出《你的名字。》「三葉」睡衣、「瀧」登山褸 (Jun 14, 2017)

Read more ›
日本草皮內衣 目標客戶係咩人?
by / on 25/07/2017 at 12:21 pm

日本草皮內衣 目標客戶係咩人?

內衣嚟講,用草皮質地真係好有型,即係如果喺草地上面,絕對做到迷彩效果……同埋我諗摸落去嘅觸感都幾特別,應該會嚇怕唔少人,但係……平喎! 相關資訊終極結盟?日本Minions踩場見大量史萊姆 (Jul 25, 2017) 【毁容】日本網民餐廳中伏 吉祥物甜品咁嘅樣 (Jul 25, 2017)

Read more ›
咸蛋超人出跑車 M78星雲跑86
by / on 25/07/2017 at 8:52 am

咸蛋超人出跑車 M78星雲跑86

除咗拓海之外,仲有邊個揸86?超人Ultraman囉,今次係官方合作呀,円谷加豐田有呢個「A MAN of ULTRA」計劃,將會推出特別版86「86 GTリミテッド(86 GT Limited)」,車身有紅色部件,車廂又有超人配色,尾喉、車頭都有M78元素,唔識嘅未必知咩事,但超人、動漫迷見到就知你識嘢。車價3,373,800円,即日收訂。 相關資訊【有片】冇版權狂偷片?大陸版咸超10月上映唔怕醜 (Jul 15, 2017) 潮流星人?咸蛋超人「宇宙恐竜ゼットン」出衛衣 (Jun 14, 2017)

Read more ›
【圖集】迪士尼變《Game of Thrones》 Elsa變龍媽
by / on 25/07/2017 at 7:58 am

【圖集】迪士尼變《Game of Thrones》 Elsa變龍媽

《Game of Thrones》終於返嚟嘞!呢排睇親外國網都見到佢嘅消息,最新有呢一輯高質改圖,設計師Gregory Masouras將迪士尼嘅角色放入《Game of Thrones》,Elsa變咗龍媽Daenerys Targaryen都幾似;不過我最鍾意係紅髮公主梅莉達(Merida)變咗Jon Snow女朋友,完全捉到個神髓呀!仲有花木蘭反白眼變Arya Stark嗰張都好正,有睇開就會忍唔住笑。入嚟有得慢慢睇。 相關資訊《Game of Thrones》龍蛋調味料 仲有龍媽背囊(!) (Jul 20, 2017) 《Game of Thrones》主角變造型 幫《TIME》影超華麗封面 (Jul 14, 2017)

Read more ›