潮玩新聞

車屋唔識郁     內籠一目了然
by / on 28/05/2013 at 7:59 am

車屋唔識郁 內籠一目了然

唔知你見過呢間屋未?對於居住喺石屎森林入面,打開窗淨係見倒對面師奶做緊瑜伽嘅香港地,呢間屋真係令我好羨慕。位於奧地利薩爾斯堡(Salzburg),由Markus Voglreiter設計嘅車屋,外形似足卡通車,內籠一目了然,望住佢,唔知點解我諗起龍貓入面嘅貓巴士,好想得閒入去坐吓。 相關資訊【男人的浪漫】世界鬍鬚大賽 300個鬍鬚佬瘋狂亂玩 (Oct 10, 2015) 巨型喵星人襲地球 城市變遊樂場 (Feb 7, 2014)

Read more ›

喪屍不求人    好痕呀好痕呀
by / on 28/05/2013 at 7:44 am

喪屍不求人 好痕呀好痕呀

對於天生手短嘅我嚟講,不求人簡直係我嘅救星,呢個偉大發明,主治背部痕癢,好用過男朋友或者媽咪。不過,呢個喪屍不求人你又敢唔敢用?手指甲潰爛抓起上嚟會唔會爆甲o架?計我話,買嚟R吓隔籬位好入神做緊嘢嘅同事都唔錯。amazon有得賣,開價港幣3百蚊唔駛。 相關資訊【新片速報】日本喵星人勁似喪屍 攝入門隙片Twitter熱傳 (May 26, 2017) 有片:Parkour+喪屍圍攻 跳出生天 (May 17, 2017)

Read more ›
新片速報 汽車虛擬女友 嗌你入油報天氣
by / on 27/05/2013 at 10:23 pm

新片速報 汽車虛擬女友 嗌你入油報天氣

年過30歲仲用交通工具唔係罪,有車冇女嘅感覺可能仲寂寞,呢間製造汽車配件嘅公司ZMP Inc就係咁諗。於是就製造咗電子女朋友app俾你裝喺智能手機度,咁你就有女朋友陪你遊車河,至少有把聲。因為阿女朋友佢會連接汽車感應同埋GPS導航系統,所以經過高山流水佢就會大叫:「嘩山呀!(當然係日文高8度)」到你架車就快冇油佢又會提你,得閒仲會同你報吓天氣添!其實咁,佢哋話呢個裝置仲有好處,因為載住人嘅交通意外發生率係遠俾自己一個人揸車低喎。咁日本網友又點睇呢?「如果我冇車咁點?」「可唔可以孭喺背脊踩單車?」「好嘈喎!」「見到山啫,使唔使嗌得咁誇張呀?」「快啲整女僕版啦!」好中肯。   相關資訊【有片】日本廣告有爭議 兩男請ク・ハラ食蘋果 (Sep 25, 2017) 又有得揀 日本畫師出圖 四個體型愛邊種? (Sep 25, 2017)

Read more ›
日本拉麵崩壞! 人腦雪糕批   睇見唔開胃
by / on 27/05/2013 at 10:16 pm

日本拉麵崩壞! 人腦雪糕批 睇見唔開胃

日本人食嘢出名講究,就以一碗拉麵嚟計,湯底、麵質、叉燒以至食物擺位都一絲不苟,所以當我見倒呢幾碗拉麵時,我真係有晴天霹靂嘅感覺!唔係啩?呢幾碗真係日本拉麵?介紹一下,有食肉獸都嫌太多肉,湯底滿到就嚟瀉,筷子完全插針不入嘅肉麵,仲有成堆人腦質喺面嘅湯麵,最過份都係呢碗,居然夠膽喺麵上放一餅格仔雪糕Monaka,睇完我真係要飲啖水抖抖。

Read more ›
新片3連發 MMORPG《三国志を抱く》中村獅童做呂布!
by / on 27/05/2013 at 8:00 pm

新片3連發 MMORPG《三国志を抱く》中村獅童做呂布!

NEXON呢隻手機電腦都玩到嘅MMORPG《三国志を抱く》,啱啱喺日本搞發佈活動,仲推出咗一連串電視廣告,喺電視廣告入面,戰神呂布好威猛,又飛又劈。但睇真啲,佢咪葉問入面個日本軍官中村獅童?本來都冇乜特別,但睇完廣告最後見到佢呢個表情,我堅係想摑佢一巴。 相關資訊SEGA神秘網站「我們回來了」 一致估係《三國志大戰4》 (Feb 4, 2016) 新片速報 3DS《妖怪手錶》X《三國志》 4月2日推出 (Jan 15, 2016)

Read more ›
鬼故一樣 成龍想做下一代《Iron Man》!?
by / on 27/05/2013 at 6:53 pm

鬼故一樣 成龍想做下一代《Iron Man》!?

呢條新聞係喺台灣Yahoo!電影fb睇到,原來係來自網站IGN前幾日出嘅一個訪問……好多人都知Robert Donwey Jr.拍埋《復仇者聯盟2》就完成合約,即係《Iron Man》如果有第4集,一係俾好高片酬佢,一係易角。Iron Man咁好睇,其實全靠Robert Donwey Jr.做得好,基本之後真係冇人可以取代到佢,就喺呢個時候,我哋嘅成龍大哥出場喇!佢話:「我真係好想做Iron Man,但我諗觀眾未必想睇……」「點都好,冇人會俾咁多錢投資搵我去拍科幻片,因為大家都想睇我真功夫……」英文原文訪問入嚟睇,大家想唔想像到成龍嚟個招牌「雙V」手勢同大家講:「I am Iron Man!」嗚!亂講嘢,大哥,你咪嚇我呀!到時我一定入場呀! 相關資訊【圖集】超迷你首飾Etsy有得買 小王子/Iron Man極細緻 (Mar 21, 2017) 【_ 出國際】大陸30米版Hulkbuster 蟻俠變大唔使怕 (Feb 24, 2017)

Read more ›

新片速報 3DS《One Piece Unlimited World R》首段影片 4人協力大圍攻
by / on 27/05/2013 at 6:34 pm

新片速報 3DS《One Piece Unlimited World R》首段影片 4人協力大圍攻

  呢頭先話8月8日有隻PSP舊作《One Piece Romance Dawn》移植去3DS,嗰頭Bandai就有3DS新作《One Piece Unlimited World R》嘅第1段影片!呢隻遊戲喺上期《少年Jump》已經出咗報導,而今日就官方發佈新片,片中賣點似乎係4人協力打龍!咦?會唔會變《One Piece》版《Monster Hunter》? 相關資訊燒烤爐都大過人 《One Piece》作者尾田栄一郎豪宅BBQ (Sep 20, 2017) Steiff出手 《One Piece》CHOPPER變啤啤 (Sep 7, 2017)

Read more ›
杜拜24K包金iPad   七星酒店免費任用
by / on 27/05/2013 at 5:49 pm

杜拜24K包金iPad 七星酒店免費任用

除咗強國,杜拜都係另一個有錢到嚇死你嘅地方,所以經常會出現窮奢極侈嘅情況,例如全球唯一一間七星酒店,位於杜拜嘅帆船酒店(Buj AI Arab),最近就推出24k包金iPad任借服務,每個房客check-in時都會收倒一部包金iPad,包金上印埋酒店Logo,功能都係一般check吓酒店服務、餐廳位置之類可有可無嘅資訊同埋最主要嘅上網解悶。換句話講,即係隨租房跟一個24K包金虛擬服務員比你,不過呢個服務員就出名無品味嘅。 相關資訊【新片速報】喵星人由細訓練玩iPad 太投入玩到企起身 (Jul 26, 2017) 日本網民手指「畫十字」變畫筆 iPad畫圓形不是夢 (May 23, 2017)

Read more ›
超像真!真人版《JoJo奇妙冒險》 資生堂大師打造
by / on 27/05/2013 at 4:49 pm

超像真!真人版《JoJo奇妙冒險》 資生堂大師打造

荒木飛呂彥嘅《JoJo奇妙冒險》今年25周年,又出畫集又出遊戲,超多搞作。不過呢個就型喇,同「資生堂ビューティートップスペシャリスト」嘅設計師原田忠合作,將《JoJo》內嘅人物全部真人化,無論髮型同服裝以至身型同「JoJo立」嘅動作都勁有原著神髓!東方丈助、空条徐倫、布差拉特都尤其正!當時去唔到現場睇,o依家官網就有齊咁多張相可以睇到,但係點解冇承太郎? 相關資訊超正《動物朋友》藪貓變身 高質設計圖Twitter熱傳 (Aug 23, 2017) 【有片】真人版《JoJo奇妙冒險》再有新片 冒頭13分鐘引你睇 (Aug 18, 2017)

Read more ›
進擊之便當  99%神似!
by / on 27/05/2013 at 1:15 pm

進擊之便當 99%神似!

呢排心情麻麻! 卡布好耐冇更新喇! 好彩見到呢個進擊之便當……係由日本一名叫笑子的網友設計、有教程, 主要材料係蟹柳、腸仔、白飯、蛋卷同卡夫芝士; 其實真心唔難做, 不過牙齒位要一粒粒飯黏上去, 係心機囉, 同埋啲飯要煮得好靚, 先有咁健康嘅牙齒。

Read more ›
新片速報 《Iron Man》版《Rockman》 分幾鐘玩晒第1集
by / on 27/05/2013 at 10:49 am

新片速報 《Iron Man》版《Rockman》 分幾鐘玩晒第1集

其實,《Iron Man》同《Rockman(Megaman)》真係有啲似……呢段片係CineFix製作嘅,佢將Iron Man變成一隻極有Rockman風格嘅8 bit遊戲,跟足第1集劇情玩4關再嚟最後波士大戰!我最鍾意都係打開面罩後嘅Tony,真係做得幾似,可惜嘅係,得個睇字,冇得玩。 相關資訊Iron Man頭就是型 40磅重壺鈴 (Feb 8, 2017) 羅莽化身Wolverine 賣廣告鋼片刀變牙刷 (Jan 25, 2017)

Read more ›

手塚治虫 x Lacoste L!VE Polo恤曝光
by / on 27/05/2013 at 10:00 am

手塚治虫 x Lacoste L!VE Polo恤曝光

我等七八十後睇日漫大,漫畫家手塚治虫更加係唔少人偶像,如果你都係佢Fans,咁呢係列手塚治虫 x Lacoste L!VE Polo衫,一定要買。 相關資訊新片速報 神秘「手塚治虫」作品公佈 超豪華陣容玩Card Game (Aug 24, 2016) 謎之遊戲計劃兩日後公佈 「手塚治虫」作品配超豪華製作陣容 (Aug 22, 2016)

Read more ›
彈得嘅結他T恤   隨時隨地Rock’n roll
by / on 27/05/2013 at 7:48 am

彈得嘅結他T恤 隨時隨地Rock’n roll

通常你最想表現搖滾或深情一面嘅時候,往往會發現個結他放咗喺屋企或者band房,呢件真正彈得嘅結他T恤,令你唔駛長期揹住個結他出門口咁大陣仗。T恤上有結他print,而且連埋主要嘅chords比你任彈,隨T恤再跟多一個可以夾喺褲袋嘅amp speaker比你將音量擴大,啱晒即興表演。最重要係件衫可以機洗,汗大嘅band友都唔駛怕。

Read more ›
單車車輪轉GIF圖像   6千蚊型絕車壇
by / on 27/05/2013 at 7:36 am

單車車輪轉GIF圖像 6千蚊型絕車壇

真心欣賞呢個設計,外國Kickstarter網站集資中,12月量產,呢款叫「Monkey Light Pro」嘅單車車輪顯示器,可以透過藍牙,將你想要喺車輪上顯示嘅圖案傳送到裝備上,之前日本都有單車族玩緊,不過今次真係可以買到手。要型一啲都唔平,美金$495嘅計劃已經額滿,想買呢個發明,而家價位係$695美金,仲剩9個名額,單車友有買趁手。 相關資訊【文青必買】梵高Q版figure 左耳拆得甩附送名畫 (Feb 12, 2017) 【新片速報】零私隱喵星人玻璃吊床 Kickstarter集資貓奴要買 (Jan 30, 2017)

Read more ›
新片速報 Kali爆頭劇場 喪屍遊戲「傭」入家中
by / on 26/05/2013 at 9:05 pm

新片速報 Kali爆頭劇場 喪屍遊戲「傭」入家中

前排有隻《Dead Island》,啱啱又玩緊《Biohazard Revelations Unveiled Edition》,嚟緊仲有隻《The Last of Us》,喪屍病毒感染者求生遊戲越出越有……喺呢個末世喪屍熱潮當中,有冇諗過萬一喪屍出現,其實係可以同人類共存,仲可以用乾糧飼養做喪傭……雖然今次Kali仲充當埋喪屍嘅化妝師露兩手,但啲戲份真係俾啲喪屍搶晒,唯一人類角色可以同喪屍們平分秋色嘅,又係繼續老本行扮女人嘅Martin囉……最後想講講,借用咗一首近期勁hit嘅萬能key配樂…… 相關資訊Kali深夜直播 高手帶打《Destiny 2》「Raid」 (Sep 23, 2017) Kali深夜直播 玩《Destiny 2》送8隻Hunter公仔 (Sep 16, 2017)

Read more ›