潮玩新聞

新片速報 末日自拍救星 太陽能手動數碼相機推出
by / on 14/03/2013 at 7:31 am

新片速報 末日自拍救星 太陽能手動數碼相機推出

雖然上年12月21日安然渡過咗,但係又地球暖化又有核危機又盛,加埋大量喪屍、未日電影陸續上映,搞到我成日諗定未來嘅地球會有咩災難。咁如果冇水冇電,最大鑊係咩?冇得上facebook啦,冇得Whatsapp啦,冇得玩Puzzle & Dragons啦,不過最災難性嘅事係食罐頭前冇得自拍,遇到喪屍冇得拍段片做記念,或者殞石撞地球一刻嘩好靚呀但係冇得影相……呢部好似細個用嗰啲鉛筆刨嘅相機就幫到手喇,除咗一般USB充電外,仲可以太陽能同埋手動充電,1分鐘攪100下,電力就足夠可以拍1分鐘短片或4至8張相片!仲有幾種拍攝模式同埋ISO100、800有得揀,賣18,000円,好嘢嚟! 相關資訊【新片速報】影相靠天份+技術 真人實證「相機平貴」唔重要 (Jun 14, 2017) 【有片】攝影師自製超巨型相機cosplay 真係影得識閃光 (Nov 2, 2016)

Read more ›

外國神人自製3合1主機 PS3 + Xbox360 + Wii U
by / on 14/03/2013 at 7:09 am

外國神人自製3合1主機 PS3 + Xbox360 + Wii U

買樓呢啲就唔好講喇,香港地租樓都夠晒貴,想住大啲地方?我買多幾隻遊戲買多幾件玩具好過……但係,有位擺咩?外國Revision呢個神人又出手,今次就將三大主機PS3/Xbox360/Wii U組合成一部主機,慳位之餘啲線又唔駛亂過蜘蛛網,爽喎! 相關資訊Xbox發佈會 全場最興奮 竟然係支援玩Xbox舊Game? (Jun 12, 2017) 【有片】Xbox最強主機Scorpio規格曝光 PS4 Pro都比唔上? (Apr 6, 2017)

Read more ›
新片速報《Kick-Ass 2》勁揪俠第2集 Jim Carrey做Colonel超正!
by / on 14/03/2013 at 6:01 am

新片速報《Kick-Ass 2》勁揪俠第2集 Jim Carrey做Colonel超正!

今年6月上映嘅《Kick-Ass 2》勁揪俠第2集啱啱有新Trailer睇!今集繼續有導演Jeff Wadlow,另外Aaron Taylor-Johnson、Chloë Moretz、Christopher Mintz-Plasse同Nicolas Cage(唔係死咗喇咩?)等主要角色都會繼續參演。最正係今集有Jim Carrey占基利演嘅Colonel Stars加入!原著中佢就俾奸角殺死咗,呢集唔知佢可唔可以逃過大難,不過我最留意嘅始終都係「Hit Girl」,睇完第一集,我曾經懷疑自己係唔係蘿莉控…… 相關資訊新片速報 Homemade版《勁揪俠》低科技Kick-Ass (Aug 9, 2013) 新片速報 《Kick Ass》8 Bit遊戲片 兩分鐘重溫第一集 (Aug 4, 2013)

Read more ›
獵奇影片 白喵扮多啦A夢 西人覺得好搞笑?
by / on 13/03/2013 at 8:50 pm

獵奇影片 白喵扮多啦A夢 西人覺得好搞笑?

嗱,日本有尚連奴扮多啦A夢,係唔似,但好搞笑。西方國家呢?呢個西班牙朱古力醬廣告就搵嚟一隻真貓著咗件藍色Tee載咗個竹蜻蜓扮多啦A夢!佢又彈琴又拎住個杯,動作生硬當然係被迫,有時神情仲又無辜又呆滯到好似假貓一樣,我覺得佢虐貓,我要投訴佢!不過,啲西人似乎睇得好開心,28萬幾Views之餘,仲製作remix版,呢個好笑好多……

Read more ›
《One Piece》G-Shock (2013 Ver.) 現貨賣$2380
by / on 13/03/2013 at 8:38 pm

《One Piece》G-Shock (2013 Ver.) 現貨賣$2380

到貨!《One Piece》同G-Shock合作推出、全球限量3,000隻嘅「Strawhat Crew」G-Shock有得賣,發光之後背景有骷髏頭,表帶有各主角同千陽號剪影,仲有個金屬盒先至靚得交關。之前冇訂到,o依家嚟後悔?仲有最後一個機會,寫呢篇稿時G Point仲有一隻現貨,賣$2,380,日本原價18,500円,但限量3,000隻,我諗o依家冇可能原價買到,所以,價啱就要手快。 相關資訊賀《One Piece》連載20周年 仿妝女王「ざわちん」變女帝 (Jul 26, 2017) 連載20周年 記念日協會定聽日為「ONE PIECEの日」 (Jul 21, 2017)

Read more ›
日本櫻花初開! 福岡60年來最早開花日!
by / on 13/03/2013 at 5:55 pm

日本櫻花初開! 福岡60年來最早開花日!

今日(13日),福岡成為今年日本全國最早有櫻花開嘅地方!係10年嚟日本第2最早開櫻花嘅日期(第1係2010年高知市,3月10日),而且更加係福岡1953年以嚟最早開花嘅一年!準備去日本賞櫻嘅定咗日期出發未?入嚟睇吓最新櫻花時間表,東京會喺3月17日開始開呀 相關資訊【多圖】超靚日本櫻花透明遮 啱晒香港落雨天 (May 12, 2017) 【相集】超靚日本櫻花相集 莫斯科攝影師走遍東京/奈良/京都 (May 9, 2017)

Read more ›

獵奇新聞 只要有愛 JR站趴地也沒問題吧?
by / on 13/03/2013 at 5:31 pm

獵奇新聞 只要有愛 JR站趴地也沒問題吧?

玩具玩外拍唔係咩大件事,但唔介意別人目光,喺秋葉原JR站趴街低炒影靚相,就肯定有愛!不過你影初音時,就有大把人影緊你,呢位內心活著初音嘅玩具迷,佢就喺繁忙嘅JR站列車到站一刻趴地影相,就係為咗影初音變大企喺車頭一幕,我好感動,所以要share。 相關資訊日本JR出現熟口熟面「怪男」 超似人氣動畫角色 (Jul 7, 2017) 【有片】日本技術宅又出手 初音未來公仔識叫起身send短訊 (Jun 26, 2017)

Read more ›
首次活用Wii U機能《Pokemon Scramble U》現實世界買公仔玩連動
by / on 13/03/2013 at 5:16 pm

首次活用Wii U機能《Pokemon Scramble U》現實世界買公仔玩連動

先前話春天配信,o依家終於有發售日,就係4月24日!2009年Wii嘅《乱戦!ポケモンスクランブル》、2011年3DS嘅《スーパーポケモンスクランブル》,進化嚟到Wii U第一隻Pokemon寵物小精靈遊戲《Pokemon Scramble U(ポケモンスクランブル U)》,下載遊戲1,800円,咁平?因為仲有嘢買,佢首次活用Wii U Gamepad嘅NFC reader機能,即係你擺隻比卡超公仔上去,佢就感應到玩連動!遊戲會支援4人協力,649種類小精靈登場,而啲公仔呢,就同日喺日本專門店有得賣,200円一隻,暫時預定會推出6款+1款特別版。 相關資訊新片速報 條片超好睇!《Pokémon GO》集體打大佬 (Jul 20, 2017) 結婚都要出動精靈球 打開內藏一對結緍戒指 (Jul 18, 2017)

Read more ›
雜誌情報 《銀魂》劇場版完結篇7月6日公映 尾田急病《One Piece》停刊一期
by / on 13/03/2013 at 4:22 pm

雜誌情報 《銀魂》劇場版完結篇7月6日公映 尾田急病《One Piece》停刊一期

香港動畫迷要睇劇場版真係好難,不過知幾時上都好,留意吓幾時出碟囉。《銀魂》嘅劇場版第二部《劇場版 銀魂 完結篇》將會喺7月6日日本全國上映。另外,《少年Jump》亦發佈咗因為《One Piece》作者尾田榮一郎患上急病,無法完成今期稿件,3月18日發售嘅一期Jump將會暫停連載一期,夥伴們祝福佢啦!佢又唔係富樫,冇嘢嘅! 相關資訊【問你怕未?】官方公佈《One Piece》真人版劇集 《Prison Break》班底製作 (Jul 21, 2017) 【中文字幕影片】PS4/PS Vita《銀魂 PROJECT Last Game》推出中文版 (Jul 17, 2017)

Read more ›
新片速報《Pacific Rim》Homemade預告 低成本特技打紙皮怪獸
by / on 13/03/2013 at 3:34 pm

新片速報《Pacific Rim》Homemade預告 低成本特技打紙皮怪獸

頂你,有隻R2D2嘅? 呢排真係好興Homemade嘅電影預告片,之前都睇過《Iron Man 3》嗰條啦,紙皮人真係笑死人。今次機械人打怪獸嘅《Pacific Rim(悍戰太平洋)》,開頭睇以為差唔多嘢,但係佢嘅剪接好得喎,人扮嘅巨型機械人又幾似電影嗰隻,最抵死係兩條主角拎部上樓梯機嚟扮操控機械人,我一路睇一路期待,預告最後一幕機械人被人打到飛起點拍呢?佢哋做到!佢哋好簡單就做到,仲要好似!頂你,有隻R2D2嘅? 相關資訊《Pacific Rim 2》上映日期確定 2018年2月打怪獸 (Jul 1, 2016) Guillermo del Toro證實 《Pacific Rim 2》由《Daredevil》監製執導 (Feb 24, 2016)

Read more ›
自製頭像Latte咖啡  Starbucks要入手
by / on 13/03/2013 at 2:59 pm

自製頭像Latte咖啡 Starbucks要入手

又係咖啡,今次犀利,呢部叫「Brista Bot」嘅儀器,可以製作出個人頭像嘅Latte咖啡。只要經儀器scan過嘅樣貌,就可以喺Latte面層勾劃出像真度極高嘅圖像,睇片見倒速度仲幾快添!Starbucks可以考慮入返部,以後唔駛寫名喺杯上面,直接打開個蓋,自己認領就得,而且我相信又會牽起另一股post facebook風潮,Starbucks喎、自己個樣喎,肯定要share啦係咪? 相關資訊【睇見都驚】倒瀉咖啡落電腦 原來被整蠱 (Jul 16, 2017) 6月30日開業 京都Starbucks進駐百年建築 (Jun 23, 2017)

Read more ›

Starbucks打字機 = 破壞寧靜?
by / on 13/03/2013 at 2:28 pm

Starbucks打字機 = 破壞寧靜?

咩叫品味?咩叫生活態度?我覺得呢位喺Starbucks入面拎部打字機出嚟做嘢嘅先生,直情完美演釋咗咩叫「生活態度」。唔係用notebook唔係用手機,而係已經好難見倒嘅打字機!外國網友鬧佢破壞Starbucks寧靜relax嘅氣氛,不過我諗香港應該無乜問題,因為我每次入去都好嘈,有時仲聽倒有人開聲玩Candy Crush。 相關資訊【有片】史上最多Bug奧運遊戲 變態級跑手凌空喪跑 (Jul 27, 2017) 【新片速報】日本《芝麻街》角色好入戲 唔識上石壆 Twitter熱傳 (Jul 26, 2017)

Read more ›
第二代貓貓耳機插   iPhone 5都用得
by / on 13/03/2013 at 1:57 pm

第二代貓貓耳機插 iPhone 5都用得

呢款日本貓貓耳機插,上年推出紅到開巷,唔止信和有得賣,連翻版都出埋。可惜iPhone 5用家用唔返,因為耳機位去咗機底。好彩最近佢哋推出專為iPhone 5而設嘅新版,不過就由趴住部機,變為吊吊fing,依然得意,仲有另一款狗仔版,所有手機都啱用。4月27至28喺日本幕張嘅ニコニコ超会議有得賣,可惜暫時未見有網購,唯有寄望香港快啲有水貨返啦。 相關資訊Kumamon熊本熊iPhone 5殼 可愛到暈賣斷市 (Jul 23, 2013) iPhone真正靜音 黑三角耳插一扭即靜 (May 31, 2013)

Read more ›
Facebook賣仔被補   美婦4千蚊出售親生骨肉
by / on 13/03/2013 at 10:35 am

Facebook賣仔被補 美婦4千蚊出售親生骨肉

我以為賣仔呢啲事件,只會發生喺咸豐年代或者電視劇。估唔到2013年,美國,居然仲有呢類事件發生,而且犯人仲喺facebook兜售,痴線!呢位美國阿肯色州22歲女士Misty VanHorn,以美金$1000賣走自己兩歲嘅親生骨肉,後來仲加碼到美金4千,同梱式包埋10個月大嘅初生嬰兒,原因係佢要籌錢救佢喺監獄嘅男朋友出嚟!仲搵倒買家!當然,佢好快被當地警方拉咗,而家保釋金要4萬蚊美金,兩個字:抵死! 相關資訊外國警隊Facebook專頁網民激讚 有動物睇幽默感爆棚 (May 24, 2017) 【為呃Like】Facebook扮多朋友 日本新興出租朋友服務 (Mar 15, 2017)

Read more ›
全球最細最輕手機     1吋彩芒通話2小時
by / on 13/03/2013 at 10:14 am

全球最細最輕手機 1吋彩芒通話2小時

當全世界都追求緊大芒手機時,呢部日本廠推出嘅Willcom Phone Strap 2,居然標榜「全球最細最輕」。好,我明有人鍾意細,但係呢部機居然夠膽開價港幣約$3000,但係通話時間只有2小時,哈,彩色屏幕得1吋。佢支援日本人最鍾意嘅email功能,但係咁細個芒,啲字粒咁細,我好懷疑究竟打唔打倒字。至於相機,你唔係諗住有啩。顏色有黑、白、粉紅三色,建議千祈唔好買黑色,放落袋想搵返都難。3月21日推出。 相關資訊【議員很忙】日本國會議員各有各忙 整理咭片/匿埋玩手機 (May 20, 2017) 【有片】日本自動販賣機有新嘢 手機買飲品送俾朋友 (Mar 24, 2017)

Read more ›