潮玩新聞

門小雷玩嘢?出三本以上作品集?
by / on 29/09/2013 at 2:23 pm

門小雷玩嘢?出三本以上作品集?

唔係「初到香港」嘅門小虎,唔係甘小文,而係門小雷,係非常有性格嘅門小雷,佢話會出一本10N週年作品集,打算印「三本以上」,非賣品乎? 相關資訊【有片】門小雷手繪電影系列 古天樂《尋秦記》+《殺破狼‧貪狼》 (Apr 17, 2018) 門小雷《#Me》展覽 搶畫集+襟章+Tote Bag (Mar 19, 2018)

Read more ›

《石黑龍傳III》鬼祟登場?
by / on 29/09/2013 at 1:55 pm

《石黑龍傳III》鬼祟登場?

《石黑龍傳II》無乜高潮位,淡淡然話完就完,而弔詭在《石黑龍傳II》喺第六十四期完,《石黑龍傳III》會喺第六十五期開始,咁即係新書定舊書呢?有無人可以答到我? 相關資訊恭喜晒!《新著龍虎門》金神魔君+極樂魔僧死得好! (Apr 16, 2018) 《新著龍虎門》讀者提出「龍虎十大主將表」 王小鷹做老一? (Mar 12, 2018)

Read more ›
12月發售 《進擊之巨人》「ぴくたむ!」平面換表情
by / on 29/09/2013 at 1:25 pm

12月發售 《進擊之巨人》「ぴくたむ!」平面換表情

《進擊之巨人》第1季完喇,先行上映會未宣佈會製作第2季,即係有排等。不過Good Smile又有新嘢玩,今次「ぴくたむ! 進撃の巨人 Part1」雖然係2D,但一樣可以換表情!全7種有1款隱藏版,650円一隻,12月發售。 相關資訊有前途!日本1歲唔夠人仔 睇《進擊之巨人》深情一吻 (Sep 6, 2017) 【有片】「AWE me」精製真實版片劍 唔斬巨人斬西瓜 (Aug 29, 2017)

Read more ›
像真八哥狗面具     星期日蹓狗一流
by / on 29/09/2013 at 1:17 pm

像真八哥狗面具 星期日蹓狗一流

cosplay睇得多,扮動物真係比較少見,外國網Archie McPhee好鐘意出動物面具,最新作品就係呢款狗仔八哥嘅面具(係咪八哥?其實我唔係好識分八哥同沙皮),用乳膠製成,聲稱味道好聞過真狗,我諗戴住佢星期日去公園蹓狗都幾有型。分分鐘平時見親你都狂吠嘅嘅隔籬屋狗女,會對你忽然熱情咗。除咗狗狗,仲有豬呀、雞呀、鸚鵡呀等數之不盡嘅動物面具,總之務求你同屋企嘅籠物有得襯到絕出街威威。 相關資訊戴口罩進化版扮潮 美漫風/寫實風/動物風 (Mar 7, 2018) 鱷魚品牌Lacoste推出限定版 變身10款瀕臨絕種動物 (Mar 2, 2018)

Read more ›
復仇者 x 汽車品牌    Hulk變Honda勁夾
by / on 29/09/2013 at 1:00 pm

復仇者 x 汽車品牌 Hulk變Honda勁夾

有得諗喎!Hulk變形俠醫原來同汽車品牌Honda嘅logo又幾夾!外國網Etsy有賣家Geekerie設計咗一系列復仇者車系,玩盡Iron Man、雷神、Loki、黑寡婦、美國隊長等等,食返每個車牌嘅logo,睇落幾有心思。呢套設計仲有得賣,各個汽車品牌唔知有無興趣贊助返套《復仇者車王聯盟》呢? 相關資訊用雷神槌裝咖啡 係咪型先? (Mar 6, 2018) 日本新年利是封 揭開Iron Man頭盔知幾錢 (Dec 31, 2017)

Read more ›
熊本縣Kumamon出蛋 你捨得落刀嗎?
by / on 29/09/2013 at 12:47 pm

熊本縣Kumamon出蛋 你捨得落刀嗎?

我其實唔明,日本咁多好嘢食,啲甜品又整得靚,又通街都有冬甩賣,點解啲後生仔女咁瘦?熊本縣隻吉祥物Kumamon人氣梗係高,「第一屋製パン」就推出咗呢個熊本熊朱古力栗子蛋糕,採用阿蘇山牛乳,2,980円,10月1日開始接受預訂,12月20日至25日發貨,限定9,000個。但係,落刀嗰吓,會唔會太殘忍? 相關資訊【圖集】熊本超靚日出風景相 零合成純天然 (Sep 28, 2017) 【有片】超恐怖場面 熊本縣停車場飛蛾來襲 (Sep 9, 2017)

Read more ›

新片速報   為食貓偷食Pizza斷正    網民狂插
by / on 29/09/2013 at 12:43 pm

新片速報 為食貓偷食Pizza斷正 網民狂插

星期日睇動物已經成為我嘅嚐好!今日喺YouTube發現咗隻為食貓,佢偷食嘅唔係魚而係Pizza,又幾識食喎!不過貓仔嘅偷食惡行就「斷正」,仲比主人捉起佢拍片示眾,但佢堅持咬住唔放,超得意。不過網民就狂插話主人唔應該捉住貓嘅後頸的起佢,不過亦有人反駁貓嘅後頸厚肉係唔會痛,仲幾舒服o忝!貓奴點睇? 相關資訊【新片速報】日本喵星人擊掌短片 超可愛Twitter熱傳 (Apr 10, 2018) 【新片速報】日本小妹妹偷食斷正 獨食薯片全程被偷拍 (Mar 28, 2018)

Read more ›
換《海賊王》公仔 又係時候幫襯七仔
by / on 29/09/2013 at 12:34 pm

換《海賊王》公仔 又係時候幫襯七仔

「快啲捉晒佢哋上船啦!」捉邊個?《海賊王》一眾主角是也,一套公仔連迷你地台總共十款,儲齊放飾櫃幾靚仔吓,睇嚟呢期都要侷住多啲幫襯七仔咯。

Read more ›
奇妙的扭蛋 扭完鼻扭嘴唇 手機Home掣日日嘴手指
by / on 29/09/2013 at 12:34 pm

奇妙的扭蛋 扭完鼻扭嘴唇 手機Home掣日日嘴手指

雖然我哋成日睇日本動漫,玩日本遊戲,買日本玩具,睇日本A……但有時真係估唔到佢哋諗咩。繼今個月推出嘅扭蛋「鼻」之後,今次輪到嘴唇扭蛋,全8種,係俾你黐喺智能電話個Home掣度,仲話用3層物料構造,營造出嘴唇嘅柔軟觸感,咁你次次撳落去都軟綿綿……10月中旬推出,200円扭一次。對唔住,我淨係諗到衰嘢。 相關資訊【要買】「拒否犬」扭蛋推出 全6種各300円 (Apr 20, 2018) 喵星人變晴天公仔 日本扭蛋超可愛 (Apr 17, 2018)

Read more ›
日本各縣《龍貓》巴士站 草壁姊妹陪等車
by / on 29/09/2013 at 11:03 am

日本各縣《龍貓》巴士站 草壁姊妹陪等車

睇完《龍貓》,我真係好想遠離繁囂,搬去郊區地方住,咁樣對我寫作方面應該會有幫助,唔會講嚟講去都係爛Gag……但係我要返工喎,我要俾家用喎,我物慾窮喎,買完《MH4》玩緊《GTA V》又等《Pokemon》,仲諗住第一時間入手PS4……所以,我哋咪鍾意睇動畫囉,可以投入動畫嘅世界,就算係一兩個鐘都好。日本好多縣市都有《龍貓》車站,京都嘅就純裝飾;大分縣就係真嘅巴士站,仲有草壁姊妹同你等車,仲有紙版貓巴士俾你影相!仲有長崎市、石川縣都有!至於香港嘅巴士站都有特色o架,一定有個橙色嘅垃圾桶。 相關資訊【羨慕】超正可乘坐《龍貓》貓巴士 小朋友專用 (Apr 21, 2018) 【新片速報】藝術家手繪超靚《龍貓》插畫 紀念初生嬰兒 (Jan 31, 2018)

Read more ›
《Iron Man 3》免費新App iPhone變身JARVIS
by / on 29/09/2013 at 10:35 am

《Iron Man 3》免費新App iPhone變身JARVIS

想唔想好似Tony Stark咁,有JARVIS同你互動,做你私人助理?Marvel Entertainment推出呢個免費app就可以俾你試吓呢種感覺。可以聲控之餘,有時間有溫度有天氣,仲有鬧鐘、約會提示同post to facebook功能,最緊要係免費,可惜嘅係,我唔係用iPhone…… 相關資訊【有片】靚喎!iPhone電話座 扮懷舊電視 (Sep 18, 2017) 【相集】日本京都懷舊小店 過200張iPhone拍攝全紀錄 (Sep 16, 2017)

Read more ›

本週爆like圖 《GTA V》成女友宿敵 細蚊女都要100倍奉還
by / on 28/09/2013 at 9:17 pm

本週爆like圖 《GTA V》成女友宿敵 細蚊女都要100倍奉還

今個星期你哋有冇生活?睇Kali個facebook都知好多人同我哋一樣,就係生活喺Los Santos入面,喺呢個城市裏面,啲警察望多眼都唔得,好大嘅官威,不過第二人生真係好精彩……今個星期爆Like圖中有被啪斷嘅遊戲碟,女友們如果夠薑可以試吓呢個男朋友奪回大作戰,不過分手機率可能相當高……仲有就係台場瞓晏覺的高達、用iOS 7嘅Nokia等等。最後,呢兩個星期仲有一件大事,就係《半沢直樹》結局破晒紀錄,就連小朋友都要學佢咪住個嘴低炒啤嘅表情…… 相關資訊本週爆Like新聞 台北麥當勞制服威晒 情侶入店禁止得民心 (Dec 28, 2013) 本週爆like圖 獻出心臟大事回顧 (Dec 7, 2013)

Read more ›
新片速報 日本女大學生 閨房曝光玩Touch
by / on 28/09/2013 at 6:34 pm

新片速報 日本女大學生 閨房曝光玩Touch

我先講重點,日本女大學生,而條片仲係喺佢哋間睡房度拍,啲女大學生係嚟自慶應義塾大學、實踐女子大學同青山學院大學。冇咁重要嘅就係佢哋宣傳緊Sony嘅新產品,即係Touch & Listen,只要將你部手機、相機觸碰特定同品牌產品,佢就可以即時可以傳送音樂或者相片。 相關資訊【有片】日本嚇鬼恐龍表演 超像真嚇爆好孩子 (Apr 23, 2018) 大量發生 夏天降臨 各地貓貓液體化 (Apr 23, 2018)

Read more ›
英國厭食少女 10年變肌肉人
by / on 28/09/2013 at 5:58 pm

英國厭食少女 10年變肌肉人

呢位現年35歲嘅肌肉人Lisa Cross,喺少女時期患上厭食症,當年佢身高168cm,91磅,每日只食500 calories嘅食物,要著童裝出街。但自從佢識咗個日本健身教練,開始健身之後,慢慢就越食越多嘢,醫好咗厭食症,仲話覺得自己健康咗同性感咗:「我健身之後,其實都唔想食嘢,食物對我嚟講就係燃料,令我有能量去健身。」o依家佢一日食10餐,每日攝取5,000卡路里……但對於香港嘅女仔嚟講,我諗佢哋情願厭食都唔想擁有龍珠級嘅肌肉…… 相關資訊【多圖】英國人遇雪「淪陷」 網民瘋狂出圖恥笑 (Mar 3, 2018) 蜘蛛俠姞婚相Twitter熱傳 健身教練倒吊勁過壁咚 (Oct 27, 2017)

Read more ›
新片速報 日本吉祥物 教你做體操
by / on 28/09/2013 at 4:50 pm

新片速報 日本吉祥物 教你做體操

日本人鍾意做早操,而呢個「MAEMUKI體操」就話係啱晒做運動之前做嘅熱身運動。日本啱啱就拍咗段吉祥物教你做體操嘅影片,超可愛,同女朋友睇佢一定睇到依嘩鬼叫,咁做完熱身,咪可以做運動囉。至於想問我女朋友係咩嚟嘅讀者,入嚟都有一條係囡囡教你做體操嘅片睇,我哋真係好體貼讀者需要o架。 相關資訊日本超肥美北極熊 水中攝影低抄奇妙角度 (Apr 23, 2018) 【有片】日本微型玩具達人 搭車玩玩具超速度感 (Apr 21, 2018)

Read more ›