潮玩新聞

新片速報 村上隆首次監督《Jellyfish Eyes》電影預告
by / on 18/12/2012 at 6:10 pm

新片速報 村上隆首次監督《Jellyfish Eyes》電影預告

各位潮人,識村上隆啦?之前同LV搞過合作嗰位日本殿級插畫設計師呀。由下年開始,仲可以叫埋佢做導演,因為下年4月26日,日本就會上映佢第一次做監督嘅CG加真人電影!電影名叫《Jellyfish Eyes》,呢隻嘢就係主角喇。而且,套戲嘅主題曲仲係Livetune feat. 初音未來嘅〈Last Night, Good Night〉!儲定錢啦,睇戲之餘,到時大把嘢買呀! 相關資訊村上隆首次執導《大眼水母》 日本展覽谷宣傳 (Feb 11, 2013)

Read more ›

美國富豪 建造真實版哈比屋
by / on 18/12/2012 at 3:23 pm

美國富豪 建造真實版哈比屋

睇完《哈比人》,好明白巴金斯點解咁掛住屋企,佢間屋又靚又warm,得閒坐喺花園煲吓煙不知幾寫意。美國Pennsylvania就有個富豪喺自己間大屋附近空地起咗間哈比人屋,雖然唔係跟到足,不過由門口到書房都有有哈比人feel,由建築師Peter Archer設計,加上大量工匠製作,其實喺2004年已經完工,今次俾傳媒入去參觀,條件係唔可以公佈詳細地址,因為唔想有遊客當佢屋企係名勝喎。 相關資訊【有水有WiFi】有片 現代人自建山洞屋 似足哈比人間屋 (Jan 20, 2016) 超大製作 55,000粒LEGO 砌5呎高《哈比人》「Lonely Mountain」 (Apr 10, 2015)

Read more ›
日本Billboard音樂大獎 AKB48奪4獎 水樹奈奈冧莊動畫歌手
by / on 18/12/2012 at 1:14 pm

日本Billboard音樂大獎 AKB48奪4獎 水樹奈奈冧莊動畫歌手

有留意日本藝能界消息嘅都應該知,前兩日(15日)「Billboard Japan Music Awards」已經頒晒獎,AKB48除咗係「Artist of 2012」,仲有「Top Pop Artist 2012」、「Hot Single Sales of the Year 2012」同「Hot 100 of the Year 2012」4個獎項;至於動畫界別嘅「Animation Aritist of the Year 2012」,就由上年得到同樣獎項嘅水樹奈奈冧莊,第二位就係為《多啦A夢》新劇場版唱主題曲嘅福山雅治。其他獎項結果就入嚟睇啦! 相關資訊【有片】自動開封投票 日本fans自製「AKB48総選挙」投票裝置 (Jun 1, 2017) 【有片】落場鬥車 AKB48 Team8初代最速女王是誰? (Nov 23, 2016)

Read more ›
限量3000隻 《One Piece》G-SHOCK香港開訂
by / on 18/12/2012 at 10:29 am

限量3000隻 《One Piece》G-SHOCK香港開訂

年頭都出過,但o依家出新版喎。Casio G-Shock興極都仲興緊,大把人戴,易襯衫吖嘛,啱啱就公佈下年3月會同《One Piece》合作推出全球限量3,000隻嘅「Strawhat Crew」G-SHOCK,發光之後背景有骷髏就基本嘢,仲有條表帶有各主角同千陽號圖案,不過個人嚟講,覺得最正係個金屬盒,買返嚟唔裝表裝其他嘢都得。日本定價18,500円,葵涌廣場G Point開訂$2,200,收訂$1,000,額滿即止,有愛就唔好諗咁耐。 相關資訊【有片】全地都係!《One Piece》「巨大石絵」現身京都「大覚寺」 (Oct 5, 2017) 燒烤爐都大過人 《One Piece》作者尾田栄一郎豪宅BBQ (Sep 20, 2017)

Read more ›
海賊寶箱BBQ爐  聖誕約伙伴燒雞翼
by / on 18/12/2012 at 8:16 am

海賊寶箱BBQ爐 聖誕約伙伴燒雞翼

諗好聖誕節去邊到迫未?咁多樣活動我最鍾意就係燒雞翼BBQ嘞!呢個燒烤爐設計到好似海賊寶箱咁,最啱嗌埋一大班伙伴一齊燒嘢食,駛唔駛戴埋草帽、戴埋紅假髮cosplay就悉隨尊便啦。不過要小心寶物比人偷,由其係啲好為食,好鐘意偷果實嘅膠人,唔係,橡膠人先啱。不過呢個寶箱BBQ爐一啲都唔平,賣美金$11,500,唔通真係有寶? 相關資訊Steiff出手 《One Piece》CHOPPER變啤啤 (Sep 7, 2017) 【有片】《One Piece》1小時動畫特別篇 「路飛 VS 山治」有PV (Sep 5, 2017)

Read more ›
今日開始儲印花 多啦A夢精品登陸吉野家
by / on 17/12/2012 at 3:57 pm

今日開始儲印花 多啦A夢精品登陸吉野家

唔係去食飯都唔知,原來多啦A夢精品由今日開始就有得喺吉野家儲印花換!老實講,如果我有得揀,我絕對唔介意麥當當、家鄉支同吉野家三間無限輪迴咁食,儲用大富翁就換多啦A夢……講真呢4款精品係整得唔差嘅,有暖水壼、厚質帆布袋、手機充電器同手錶,全部儲齊8個印花加幾條嘢就換到。最實用就梗係個充電器啦,2000mAh都算係咁。呀係,食滿$30一個印花,食8餐就夠換一樣喇。   相關資訊【季節性表演】落葉掃畫第一擊係「多啦美」 日本藤子・F・不二雄博物館 (Nov 14, 2017) 【有片】福田雄一監督 吉野家新片有佐藤二朗 + 早見あかり (Nov 2, 2017)

Read more ›

新片速報 自掣香蕉紅蘿蔔手掣打孖寶
by / on 17/12/2012 at 9:56 am

新片速報 自掣香蕉紅蘿蔔手掣打孖寶

呢個發明真係好過癮,你可以自製紅蘿蔔Joystick打孖寶兄弟或者玩食鬼,只需要將塊底板「MaKey MaKey」用USB駁落電腦,就可以發揮無限創意。例如用條蕉變做「Space」掣、玩跳舞機將幾個水桶變成掣跳嚟跳去,甚至可以將條樓梯變做鋼琴琴鍵。信我,click入去睇片你會笑到O格O格聲,下面仲有好多相睇,你會發現世界真係創意無限。價錢?400蚊港紙唔駛。

Read more ›
iPhone風扇  泰國旅行買定啱數
by / on 17/12/2012 at 9:38 am

iPhone風扇 泰國旅行買定啱數

我知我遲咗少少,天氣咁凍,仲要個風扇把鬼咩?但係我真係覺得呢個發明好實用,你可以訂定聖誕去泰國旅行用嘛。呢款風扇專比iPhone用,只要將佢插喺iPhone充電位置,涼風就會源源不絕送上,而且據稱相當輕巧,只係用你少少電,盛惠美金13蚊。好嘞,喺你準備訂前講個壞消息比你知,呢把風扇唔支援iPhone5,唔緊要,我屋企部iPhone4用嚟做士啤電話,而家加多樣功能,啱數喎。 相關資訊【有片】靚喎!iPhone電話座 扮懷舊電視 (Sep 18, 2017) 【相集】日本京都懷舊小店 過200張iPhone拍攝全紀錄 (Sep 16, 2017)

Read more ›
肯德基搞任食放題 Twitter留言請你飛大阪
by / on 17/12/2012 at 8:02 am

肯德基搞任食放題 Twitter留言請你飛大阪

如果你準備20號前去大阪旅行,而咁啱又好鐘意食肯德基,咁呢單News絕對關你事嘞。由即日起到12月20日,喺Twitter用#KFC食べ放題ツアーin大阪#呢個hashtag留言,其中三個幸運兒就可以免費飛去大阪食肯德基,仲要係任食嘅!減肥?遲啲先諗啦!不過記住留定少少肚,如果唔係成程大阪之旅齋食肯德基食滯咗,拉麵、大阪燒、壽司刺身全部食唔落,就喊都無謂嘞。 相關資訊日本大阪紀念塔景點 超似動漫「魔鬼塔」 (Nov 17, 2017) 【有片】有冇咁勁?投資70億円 大阪環球影城新晚間巡遊 (Nov 4, 2017)

Read more ›
真人VS動漫 100%相似圖大比併
by / on 17/12/2012 at 7:51 am

真人VS動漫 100%相似圖大比併

鄧梓峰好似巴斯光年?我知,但我想睇靚女多啲喎!外國有網站搜羅咗一系列動漫角色VS真人大比併嘅相片,相中真人唔止樣似,大膽程度都同漫畫中人有得揮。全部擺返一式一樣嘅甫士比你Photo Hunt,非常賞心悅目!以下有超過20款對比圖,養眼程度由高至低,有時間可以碌到最低,動物都有! 相關資訊【出現了!】真人版《電影少女》女角確定 「乃木坂46」西野七瀬造型公開 (Nov 14, 2017) 【有片】《你的名字。》拍荷里活真人電影 新海誠咁講:「好似自己個仔離家長大。」 (Nov 11, 2017)

Read more ›
12/16影碟排行磅 鷹眼做間碟 小學雞睇少女時代
by / on 16/12/2012 at 9:22 pm

12/16影碟排行磅 鷹眼做間碟 小學雞睇少女時代

今個星期影碟榜遲咗到,因為編輯苦茶病咗!由我頂上。好喇,咁數榜喇, 復仇者鷹眼做嘅<叛諜追擊4:機密逃殺>今個星期好多人追捧,始終呢啲動作間諜片難睇極有譜,穩。之後就係動畫《怪誕小學雞》,就快放聖誕假梗係培充吓童心,而且個中文戲名改得幾搞笑,睇過都知,又真係幾搞鬼。最後藍光排行榜出現咗隻《GIRLS GENERATION – GIRLS GENERATION COMPLETE VIDEO COLLECTION》,鍾意少女時代嘅,買隻返去長播,真係賞心樂事嚟o架!唔信你試吓! 相關資訊12/8 影碟排行榜 《低俗喜劇》送爆炸糖 (Dec 9, 2012)

Read more ›

新片速報 《哈比人》拖鞋 鎖匙 袋底洞大屋 通通有得買
by / on 16/12/2012 at 4:07 pm

新片速報 《哈比人》拖鞋 鎖匙 袋底洞大屋 通通有得買

好多人都彈《哈比人:不可思議之旅》麻麻,其實我又唔係覺得好差,只係有啲拖長咁解,你睇小說都知,《哈比人》就一本,《魔戒》就三本又鬼咁厚,但一樣都要拍三部曲,咁你自己諗喇。以前睇完每一集《魔戒》電影,即時想再入場翻睇,但今次睇完《哈比人》,我都係想即刻返屋企翻煲《魔戒》三部曲……好啦,外國有哈比人拖鞋、地圖,有今集串現嘅關鍵之匙,仲有劍,最勁係巴金斯間大屋都有得買,$20,000美元。 相關資訊其實好似 古怪人樣喵星人 勁似《哈比人》啡袍法師 (Jan 18, 2015) 新片速報 超精緻哈比人貓屋 魔眼貓抓板喵星人大愛 (Dec 18, 2014)

Read more ›
本周Coser特別篇 黑喵士 Batcat 撒雅喵?
by / on 16/12/2012 at 12:05 pm

本周Coser特別篇 黑喵士 Batcat 撒雅喵?

人玩Cosplay,自願o格,冇人迫佢o格,鍾意咩動漫就扮咩角色囉。喵呢?佢哋冇得揀,主人鍾意咩電影咩動漫,佢哋咪要扮咩角色囉。所以,你會見到所有喵Coser都係苦口苦面呆呆滯滯嘅,冇一隻係識笑嘅,不過我又覺得好得意,但係,初音呢? 相關資訊日本熱賣和式「家居服」 人氣cosplayer親身示範 (Nov 18, 2017) 本周Coser 日本「さづき」骨感可愛 (Nov 12, 2017)

Read more ›
耳筒應該係咩形狀?Hands Free美容器唔駛轆
by / on 16/12/2012 at 10:12 am

耳筒應該係咩形狀?Hands Free美容器唔駛轆

耳筒應該係咩形狀?耳仔唔係圓形,點解耳筒係圓形?講完無聊嘢,無辦法,我見倒呢款產品,第一時間就諗起Apple個新耳機,仲以為係向佢致敬嘅加大版。但其實佢係一個美容機。噓!唔好噓住,你可以送比女朋友仔嘛。呢個Hands Free美容器,據稱可以傳輸適量嘅電子脈衝去塊面度,刺激皮下層達至美容功效,最正係高科技唔駛用手操控轆轆轆,用完就會靚晒(佢話),開價HK$3200左右!補充一句,佢仲出咗男士專用嘅黑色款,邊個話男士唔可以貪靚架?

Read more ›
魔戒有得賣 咕嚕我明白你嘅痛苦嘞!
by / on 16/12/2012 at 9:53 am

魔戒有得賣 咕嚕我明白你嘅痛苦嘞!

呢兩日我心情有啲低落,因為睇完《哈比人》,見倒咕嚕比巴金斯偷咗隻魔戒,大叫:「Thieves!」我個心就隱隱作痛。都話魔戒害人不淺,網上比我見倒呢隻戒指,價錢美金$99,上面印咗同電影魔戒入面一模一樣嘅精靈句字,我好想買隻戴住去冒險呀!但係,點解咁多size都斷碼架?唔通要我買隻加大碼袋落西裝袋?我驚跌喎!所以我登記咗email,等佢有貨時通知我,聽聞2月有貨,我而家同咕嚕一樣,好辛苦呀! 相關資訊結婚都要出動精靈球 打開內藏一對結緍戒指 (Jul 18, 2017) 日本女士求婚專用套裝 自備戒指仲有「回郵信封」 (Feb 23, 2017)

Read more ›