潮玩新聞

新片速報 日本「明治安田生命」廣告 肌肉兔賣保險變摔角手
by / on 23/06/2013 at 3:35 pm

新片速報 日本「明治安田生命」廣告 肌肉兔賣保險變摔角手

我睇見香港啲電視廣告就真係眼火爆,無啦啦借錢關陳百強咩事?叫人唔好浪費食物又Rap乜春?食唔晒嘥嘥嘥……我堅想打爆個電視!日本嘅廣告就好睇得多,女靚就梗,冇女都一樣可以好搞笑,好似呢個「明治安田生命」廣告係賣醫療保險,都係住院有得賠嗰啲,但公司嘅祥物兔仔就突然變成肌肉兔玩摔角,仲唔留手,好殘暴…… 相關資訊【日本投選】最想重製的80年代動畫 第1位《山T女福星》 (May 21, 2018) 貓奴要去 日本超正旅館有貓入房陪玩 (May 21, 2018)

Read more ›

有片 假扮四格圖 你信唔信來自一個場景?
by / on 23/06/2013 at 3:32 pm

有片 假扮四格圖 你信唔信來自一個場景?

打定底,唔係新圖,不過我啱啱先睇倒。呢張四格相驟眼睇無乜特別,但如果話你知,其實佢係一個場景一幅相,唔係四格相,你又點睇?基本上我都比佢呃咗,有邊個會諗到有人會做一件咁行為藝術嘅事,目的就係為咗呃你?外國攝影師Bela Borsodi將屋企嘅物品重新排列,刻意做埋四條邊,令場景好似四格圖一樣,唔信?有片睇,我睇完都唔係好信,太神奇了。 相關資訊狐狸仔扮喵星人 偷闖入屋瞓貓床被發現 (Dec 12, 2017) 日本喵星人性感坐姿 假扮人類原形畢露 (Aug 21, 2017)

Read more ›
西人百無禁忌    崩口餐具點飲湯?
by / on 23/06/2013 at 3:19 pm

西人百無禁忌 崩口餐具點飲湯?

崩口人忌崩口碗,外國人呢?梗係百無禁忌啦!呢套比人咬咗一啖嘅餐具,個牙齒印令我諗起Simpsons嘅冬甩,由專出餐具嘅外國品牌James Stoklund打造,我最想知係飲湯時用邊隻湯匙好呢?除咗爛身爛勢嘅餐具之外,仲有好多腳嘅食物盤,古怪水壺等等,真係大開眼界。 相關資訊日本酒店超創意 「三文魚主題房」食玩瞓都係魚 (Apr 19, 2018) 廁所牆身穿咗窿 日本職員超創意補窿法 (Apr 6, 2018)

Read more ›
BB任揀任食   墨西哥捲餅BB上餐牌
by / on 23/06/2013 at 3:02 pm

BB任揀任食 墨西哥捲餅BB上餐牌

食bb咁殘忍?第一見倒張相我都嚇一跳,原來係西雅圖一間專賣墨西哥捲餅嘅餐廳嘅特別版Menu!為咗等大家知道佢哋嘅捲餅呎吋夠大,十足一個bb呎吋一樣,佢哋將食物放喺不同嘅bb身邊做對比,共同點我諗係兩者都係捲埋一嚿啩。咁邊度搵嚟咁多bb呢?原來佢哋全部都係熟客仔嘅仔女,難怪連舖頭招牌GORDITOS都用埋小朋友做logo。講真,呢個Menu幾有創意,不過點解我硬係覺得有啲唔開胃‥‥‥ 相關資訊【撞樣】日本BB手臂超似麵包 一截截米芝蓮人超可愛 (May 1, 2018) 日本超驚嚇動物園告示牌 松鼠張牙舞爪咬BB (Mar 26, 2018)

Read more ›
日本JR山手線婚禮 池袋一個圈禮成
by / on 23/06/2013 at 2:55 pm

日本JR山手線婚禮 池袋一個圈禮成

日本JR為咗慶祝山手線綠色車卡50周年,推出咗一個活動,就係選出一對新婚男女俾佢哋喺平日超繁忙嘅山手線車卡中搞個婚禮,可以邀請80至120位賓客參加,池袋嚟池袋去,之後仲包埋喺附近酒店切JR結婚蛋糕同飲香檳。7月9日前可以參加,不過抽中嘅新人就冇得揀咩日子舉行婚禮,只可以指定喺10月14日星期一。唔知港鐵有冇得諗呢?有冇雙程優惠? 相關資訊【新片速報】日本超嗲海豹仔 反肚摟摸捉實飼養員隻手 (May 21, 2018) 【相集】日本攝影師超治癒相集 祖母與柴犬置身花海 (May 21, 2018)

Read more ›
【有片】日本馬騮撳機買嘢飲 入錢找錢開蓋狂隊
by / on 23/06/2013 at 2:42 pm

【有片】日本馬騮撳機買嘢飲 入錢找錢開蓋狂隊

星期日睇動物。大家都知道馬騮聰明,不過每次見到佢哋好似人咁都會覺得好得意。呢隻喺日本福島縣Tohoku Safari Park表演嘅卷尾猴馬騮女「アキちゃん」,喺呢條片度就表演自己買嘢飲。佢由入錢到揀飲品(其實好似亂撳……)到開蓋都自己嚟,之後豪情壯飲。不過講到最勁,都係佢買完嘢飲識得找番錢俾請佢飲嘢嗰個人!係,條片係4月post o架喇,不過我未睇過,都想分享吓。 相關資訊日本渋谷任食炸雞 100円放題Twitter熱傳 (May 21, 2018) 【有片】日本鴨仔亂過馬路 司機超自律停車放行 (May 21, 2018)

Read more ›

日本紋身絲 唐老鴨Hello Kitty著上腳
by / on 23/06/2013 at 2:25 pm

日本紋身絲 唐老鴨Hello Kitty著上腳

黑絲肉絲好多人都鍾意,過膝襪加短裙產生嘅絕對領域更加係無敵……日本最近就興緊呢啲紋身絲,即係著咗就有啲圖案喺對腳度咁,當中仲有Hello Kitty同唐老鴨,不過我份人比較保守,睇落都係覺得怪怪哋,快啲同我除咗佢! 相關資訊【女貓奴最痛】日本漫畫家寫實作品 貓爪勾絲襪有共鳴 (Dec 2, 2017) 今日絲襪之日 二三次元之間圖集 (May 15, 2017)

Read more ›
OREO製冰大法     消暑透心涼
by / on 23/06/2013 at 2:22 pm

OREO製冰大法 消暑透心涼

颱風打唔成,天氣繼續酷熱。星期日唔想出街,見倒呢個OREO官方建議嘅OREO製冰大法,即刻同大家分享吓。造法好簡單,將OREO餅壓碎加落製冰格入面,再加少少奶,雪到變冰就搞掂。官方建議用嚟配咖啡或者牛奶飲品,我呢,就肯定會原粒食,咁先夠消暑嘛! 相關資訊日本超邪惡士多啤梨甜品 食一杯飽晒 (Apr 13, 2018) 東京銀座隱世甜品店 超正雪條Twitter熱傳 (Jan 12, 2018)

Read more ›
日本Baskin Robbins 推出蜜瓜味《怪獸大學》大眼仔蛋糕
by / on 23/06/2013 at 2:07 pm

日本Baskin Robbins 推出蜜瓜味《怪獸大學》大眼仔蛋糕

香港7月11日上映嘅《怪獸大學(Monsters University)》先上,fans們都應該好期待見番毛毛同大眼仔米高啦。日本方面7月6日就上喇,而啱啱Baskin Robbins Japan仲推出埋大眼仔米高(Mike Wazowski)蛋糕,綠色嘅位置係蜜瓜味,而白色嘅地方仲有雲呢拿雪糕同白朱古力,個樣超好食!仲有精品post card送! 相關資訊中國隱形俠 毛澤東都玩勁過變色龍 (Dec 28, 2013) 萬聖節BANDAI吸血王 搶錢三連發 (Oct 8, 2013)

Read more ›
新片速報《進擊之巨人》阿媽fans幫5月大BB變調查兵
by / on 23/06/2013 at 12:47 pm

新片速報《進擊之巨人》阿媽fans幫5月大BB變調查兵

唔好意思,又係佢。《進擊之巨人》13集睇咗未?啱啱又見到條片,今次唔係做立體機動裝置,而係一個阿媽級嘅進擊fans,幫佢5個月大嘅BB整咗一件調查兵制服,一針一線自己搞掂!然後佢仲整咗個巨人口罩俾自己,仲有屋企嘅圍牆、自己用嘅尿片袋,通通都係巨人主題!細細個就要面對巨人嘅恐懼,不過又啱喎,喺呢個可愛BB面前,個個都係巨人嚟…… 相關資訊有前途!日本1歲唔夠人仔 睇《進擊之巨人》深情一吻 (Sep 6, 2017) 【有片】「AWE me」精製真實版片劍 唔斬巨人斬西瓜 (Aug 29, 2017)

Read more ›
新片速報 日本富士山列為世界文化遺產
by / on 23/06/2013 at 12:36 pm

新片速報 日本富士山列為世界文化遺產

日本噚日各大傳媒都報導,靜岡縣山梨嘅富士山,喺噚日(22日)正式列為世界文化遺產,稱為「富士山―信仰の対象と芸術の源泉」。喺柬埔寨金邊舉行嘅聯合國教科文組織世界遺產委員會上,主席Mr. Sok敲槌確定,宣佈高度3,776公尺、每年7、8月間有超過30萬旅客前往嘅全日本最高聖山 — 富士山,登記多年之後,終於成功。呢個會議會喺6月27日結束,今次全球有32個地方被列入審查名單,入嚟有得睇靜岡現場嘅慶祝情況新聞片。講起上嚟真係有啲遺憾,筆者去過日本好多次,但最近都係喺富士急遠眺富士山……下次真係要的起心肝去一鑊! 相關資訊【新片速報】日本喵星人出動 牛仔褲「貓鬚」製造工場 (May 20, 2018) 日本推出 電話座連散熱風扇 睇片好啱 (May 20, 2018)

Read more ›

新片速報 自製《進擊》立體機動裝置 發射噴煙換刀片!
by / on 23/06/2013 at 11:56 am

新片速報 自製《進擊》立體機動裝置 發射噴煙換刀片!

星期日,我又諗起《進擊之巨人》,自從人氣爆發後,好多Cosplayer都鍾意做調查兵,為國王獻出心臟,但都唔夠呢個日本人勁!佢製作咗一個立體機動裝置,唔只個樣似,仲有齊晒功能,包括發射兩個勾出去,仲示範發射插入幅牆,好似有啲危險;最勁之處係射出去嘅勾可以撳個掣索返番嚟!另外佢裝嗰兩罐gas真係gas嚟,後方仲可以噴煙!而兩把刀呢亦可以換刀片,呢條片有晒詳細製作過程,抵讚! 相關資訊新片速報 ω-Force推出《進擊之巨人2》 2018年發售 (Aug 21, 2017) 【當兵好榜樣】兵長個嘴有唇印 富士急《進擊之巨人》宣傳板 (Aug 14, 2017)

Read more ›
facebook又出奸招 專業讚「Like」全新設定
by / on 23/06/2013 at 11:35 am

facebook又出奸招 專業讚「Like」全新設定

近排有冇發覺自己讚好Like咗嘅專頁好似少咗出post?係咪全世界嘅專頁管理員齊齊懶咗?唔係,只係facebook又想我哋呢啲專頁俾錢佢賣廣告呀!其實之前facebook出post已經唔係所有讚好咗嘅人都睇到,但o依家情況更嚴重,不過只要簡單設定,去你自己鍾意嘅專頁,將箭咀移向「已讚好」「Like」,再按「設定」,設定番係「所有更新」,就係咁簡單,就可以睇到晒你想睇嘅所有新Post!原本facebook會自設為顯示「大多數的更新動態」,唔好信呀,呃人o架!唔信?快啲用我哋個page試吓吖…… GameoverHK專頁: http://www.facebook.com/GameoverHK 相關資訊UPS狗狗Facebook專頁 速遞員分享熱情狗狗相 (Oct 20, 2017) 外國警隊Facebook專頁網民激讚 有動物睇幽默感爆棚 (May 24, 2017)

Read more ›
比卡超
by / on 23/06/2013 at 10:00 am

嘴唇上的圖畫 比卡超俾你嘴

  有無諗過,你嘅嘴巴都可以係一幅另類畫紙?講緊嘅係美國德薩斯州一個女仔Paige Thompson,話說佢好鍾意扮靚,尤其鍾意搽唇膏。有日佢依舊同自己搽唇膏,卻忽發奇想,決定當唇膏係畫筆,當嘴唇係畫紙,對住塊鏡創作出第一幅3D立體畫,圖案係隻展翅大黃蜂,之後越畫越起勁,畫吓一幅畫吓又一幅,一隻二隻可愛小動物,就漸漸由佢把嘴孕育出嚟。佢將自己作品名命為「Anmial-ipstick」,直譯「動物唇膏畫」,都畫得幾精緻架,加上顏色又夠鮮艷,令人發出會心微笑。 相關資訊嘴唇版《神奈川沖浪裡》!捨不得吻下去! (Mar 23, 2016) 嘴唇塗彩 下爬當畫布 (Aug 21, 2014)

Read more ›
本週爆Like圖集 變態超人來港 進擊之熊仔餅
by / on 22/06/2013 at 11:50 pm

本週爆Like圖集 變態超人來港 進擊之熊仔餅

今個星期,雖然遲過日本台灣,但《變態超人》喺香港上咗幾場優先場一樣夠爆,仲請埋男主角鈴木亮平嚟香港制裁香港觀眾,勁多人Like!其他爆Like圖中,《進擊之巨人》被惡搞嘅頻率依然好高,長期勁有人氣!仲有就係冇熊仔樣嘅樂天熊仔餅喺日本推出火速完賣,香港嘅就得個睇字,或者再將熊仔變成60米巨人囉…… 相關資訊新片速報 《進擊之巨人2》實機影片曝光 發售日確定 (Dec 4, 2017) 【有片】《進擊之巨人》第3季動畫7月開播 第2季劇場版1月上映 (Oct 29, 2017)

Read more ›