潮玩新聞

eBay有得賣 1,950隻Star Wars Figure
by / on 09/12/2012 at 2:49 pm

eBay有得賣 1,950隻Star Wars Figure

噚日介紹咗有星戰迷變賣家當,啱啱又多一個。呢個再集中啲,冇啲咩1比1無謂嘢,而係全線1,950隻星戰可動Figure,o依家喺eBay俾人bid緊,bid到11,100美元,即係差唔多10皮嘢港幣,仲有12個鐘,錢多想駛減啲就快!計番條數,除番開100蚊一隻,o依家你見到呢張相都只係5張相其中1張(其餘入面有),抵唔抵? 相關資訊【有片】超現實戰場 星戰迷由細到大恩怨情仇 (Dec 13, 2017) 【相集】黑武士遇上經濟危機 搵工返乜都要做 (Dec 8, 2017)

Read more ›

(有片) shake shake觸鬚USB 零實用純玩樂
by / on 09/12/2012 at 2:00 pm

(有片) shake shake觸鬚USB 零實用純玩樂

其實我未見過一個USB實用程度好似佢咁係「零」,就係因為咁,令我更加欣賞佢嘅大膽創意,純粹玩樂。呢隻八爪魚(?) 觸鬚USB,插咗之後佢條尾會自動識郁 (facebook讀者可以click入下面連結有GIF同埋影片睇),扭扭吓好過癮,只係用你少少電,但睇住佢,上網打字都開心過人。你仲可以發揮創意,買個USB萬用插,一次過插10隻觸鬚舞動全城。無聊?都幾架,而且仲唔平,要美金$24.99一隻,所以好多網友留言鬧佢點解唔加返8GB入去當手指用。我就話:認真你就輸了。

Read more ›
女高中生月曆 揭裙底睇日期
by / on 09/12/2012 at 1:23 pm

女高中生月曆 揭裙底睇日期

仲有唔夠一個月就到2013,買咗月曆未?呢個月曆嘅設計師本身係女性,所以對我哋有誤解,佢以為男人對揭裙底同高中女生有渴求,其實我哋唔係,不過既然佢番好意,我哋又唯有領情揭吓啦!有相你睇,用呢個月曆睇日子,你唯有唔好意思咁揭起裙底,至於揭到12月之後會係咩光景呢?入嚟睇睇!不過,如果香港有得賣,你夠唔夠薑將佢擺喺公司枱頭? 相關資訊行「暖暖漫展。冬日市集」買2018月曆 (Nov 28, 2017) 「另類漫畫」專頁出2018年月曆 課金實際支持 (Nov 20, 2017)

Read more ›
成身汗味 《黑子的籃球》五子出香水
by / on 09/12/2012 at 12:09 pm

成身汗味 《黑子的籃球》五子出香水

唔,睇嚟Bandai又搵到條搵錢新line,繼《One Piece》之後,近年都推出極多唔同香水,係幫一班動漫角色出香水。最新作品就係《少年Jump》連載嘅籃球漫畫《黑子的籃球(黒子のバスケ)》分別有黒子テツヤ、火神大我、黄瀬涼太、緑間真太郎、青峰大輝五種類,25mL,3,675円一支,下年2月見街,唔知係佢哋打完波浸汗味定一話係你拿起本Jump索一索嗰隻書卷味呢? 相關資訊玩嘢玩出面 本週《銀魂》「黒子野太助」真係「小野賢章」聲演 (May 13, 2015) 傳聞!漫畫《黒子のバスケ》下回完結! (Aug 27, 2014)

Read more ›
日本傳統工藝 七彩紙巾推出 一盒1,050円
by / on 09/12/2012 at 11:55 am

日本傳統工藝 七彩紙巾推出 一盒1,050円

「七宝焼き」係日本嘅傳統工藝,多用嚟製作飾物等物件,有赤、黄、橙、緑、水色、青、紫7隻色,色彩可以媲美寶石咁靚喎。但係我估唔到,呢種技術竟然會用喺紙巾上面……香港啲紙巾最多有少少印花咁啫,但呢盒日本出嘅大盒紙巾,就有齊7種唔同顏色嘅紙巾喺裏頭,佢哋仲話係因為呢個係傷風感覺嘅季節,所以限量推出,而且最重要係唔會甩色喎……但我想話,如果用紅色,我咪咳血都唔知? 相關資訊生活智慧 密實袋袋紙巾 帶出街好方便 (Mar 27, 2017) 【回不去了】日本肛門紙巾袋造型奇特 呀爸返屋企見到嚇親  (Feb 2, 2017)

Read more ›
你當我是浮誇吧 Jeremy Scott出槍型超
by / on 09/12/2012 at 8:35 am

你當我是浮誇吧 Jeremy Scott出槍型超

係,我知呢副眼鏡好浮誇,但係幾千蚊買副眼鏡返嚟,唔浮唔誇,潮人點會冧?呢副新鮮出爐嘅太陽眼鏡,由著名時裝設計師Jeremy Scott同Linda Farrow聯乘,眼鏡柄係把手槍,仲有金同銀兩隻色,賣港幣4000蚊左右。雖然我諗唔倒點樣勾住隻耳仔承托,亦都感覺倒戴起會唔慌舒服,但如果你想送聖誕禮物比我哋嘅編輯Kali就可以一諗。副眼鏡只限法國著名select shop Colette有得買,不過唔駛驚,有得網購嘅。 相關資訊瑪利奧大叔扮潮童 任天堂Moschino合作出T恤/手袋 (Dec 8, 2015) Ray-Ban變手機尿袋 日間曬太陽叉電 (Nov 14, 2013)

Read more ›

本周Coser 台灣虎牙Vanessa 留學日本代言《女王之刃》
by / on 08/12/2012 at 8:01 pm

本周Coser 台灣虎牙Vanessa 留學日本代言《女王之刃》

  又係台灣Coser,但真係不得不介紹,繼DenKa會喺亞洲遊戲展嚟香港之後,呢個Vanessa Pan仲喺日本做埋《女王之刃》官方代言人,你睇佢個造型幾咁有爆炸性!唔只呀,原來佢以前都Cos過好多角色,《Macross F》雪露女王啦、《銀魂》啦、《草莓100%》啦,入面大量圖,嗚呀,鍾意整嘢食玩Cosplay留學日本,眼大鼻高有虎牙……入嚟睇睇,你就知咩叫神一般的存在。 相關資訊【有片】日本一Coser「えなこ」一日署長 制服比較唱埋歌 (Dec 15, 2017) 創意王 《FGO》「山の翁」Cosplay 用盡全身扮個頭 (Dec 13, 2017)

Read more ›
真嘅一樣 Floppy枱銀色部份打得開
by / on 08/12/2012 at 3:10 pm

真嘅一樣 Floppy枱銀色部份打得開

你有無用過Floppy?無?咁有無聽過?喺呢個連DVD Rom都被淘汰嘅時代,Floppy碟呢啲只得1.44MB嘅儲存碟,應該要鑲起珍藏當古董。外國有設計師相當懷舊,整咗張Floppy餐枱,最過癮嘅地方係銀色部份同真嘅Floppy一樣可以打開,入面可以比你Save,唔係,係放一啲細細件嘅物品。張枱呎吋27.56″(濶)x 25.59(高)x 17.72(深),有興趣自己click入以下網站訂返張緬懷吓啦。

Read more ›
《Star War》賣物王 過百萬收藏變賣
by / on 08/12/2012 at 1:14 pm

《Star War》賣物王 過百萬收藏變賣

古天樂喺唔喺度?有好嘢呀!呢個居於美國Texas Waco嘅星戰迷,最近諗住變賣家當,總值$120,000美元嘅星戰產品,o依家$35,000美元就買到,跌咗都唔覺。咁有啲咩好嘢呢?有1比1嘅急凍Han Solo板一塊,「全線」,係全線第一代接近100隻figure,仲有彈珠機、官方插畫、玩具等等,賣家話佢由1977年儲到o依家,睇佢同我一樣要瞓碌架床,我諗都係迫不得已先出賣佢哋……嗚嗚。 相關資訊【有片】Columbia玩《Star Wars》 聽日開訂Cosplay級數戶外服 (Dec 7, 2017) 【有片】邊砌邊訪問 《星戰》Daisy Ridley砌千歲鷹 (Nov 27, 2017)

Read more ›
新片速報 LEGO神人 砌出遙控蝙蝠車
by / on 07/12/2012 at 7:49 pm

新片速報 LEGO神人 砌出遙控蝙蝠車

Hot Toys嗰隻太貴?太大?嘩!呢隻好嘢呀!又係Lego,但除咗個樣似之外,真係不得不佩服,仲有埋避震系統,仲有LED燈,仲可以遙控!排氣喉仲識「噴火」!呢條片睇到佢嘅結構有幾厲害幾精密,係條天線礙眼少少啫,想跟住砌?嚟自Sariel’s custom LEGO Technic creations,佢有出書,可能跟到啩? 相關資訊日本LEGO迷自製聖誕樹 識閃燈效果超正 (Dec 14, 2017) 【有片】日本DC動畫 《Batman Ninja》蝙蝠俠變武士 (Dec 2, 2017)

Read more ›
完全版《群俠傳》卷廿三$48
by / on 07/12/2012 at 6:22 pm

完全版《群俠傳》卷廿三:最終贏家蘇夢枕

完全版《群俠傳》去到卷廿三正式完結,有丁點兒捨不得,司徒劍橋雕龍雕鳳o既出色畫功、色彩斑斕o既畫面固然應記一功,編劇功力亦係成功關鍵所在,每個角色人物都有血有肉,要我評,我會畀一百零一分。 相關資訊《溫瑞安群俠傳II》完全版 攞簽名啦喂 (Jul 14, 2013) 動漫節情報:《九龍城寨》、《群俠傳》巨型水晶膠畫板曝光 (Jul 6, 2013)

Read more ›

$699一套
by / on 07/12/2012 at 6:00 pm

直升機械人 打鐵甲鋼拳

    估唔到鐵甲鋼拳……竟然係真係其事!仲要同爆漿賴尿牛丸一樣,溝埋直升機嚟玩,不過佢唔會打到嘭嘭聲,因為佢係用發泡膠做機身,不過絕對唔係「外語片」,因為佢喺JC Shop已經有得賣! 相關資訊JC Shop Lollipop今日開張 買 蝦毛Kitty Masks (Feb 9, 2013)

Read more ›
《AKB1/149 恋愛総選挙》打破世界紀錄 + 超驚喜新CM預覽
by / on 07/12/2012 at 4:17 pm

《AKB1/149 恋愛総選挙》打破世界紀錄 + 超驚喜新CM預覽

12月20日出嘅PSP/PS Vita遊戲《AKB1/149 恋愛総選挙》,啱啱噚日(6日)就喺日本舉行咗個「世界記錄認定 + 新CM發佈會」,首先,破咩紀錄呢?就係「最多藝人參與嘅電視遊戲」喇,149個,的確係有排玩!當日活動除咗有AKB48代表高橋みなみ、渡辺麻友、横山由依現身外,仲發佈埋嚟緊12月10日開始播放嘅新CM,就係搵嚟fans試玩遊戲,之後真人偶像現身!雖然之前Justin Bieber隻《Just Dance》都試過,但AKB48喎!見到佢哋靜靜雞喺後面現身搭膞頭,你睇啲Fans,淨係識得傻笑! 相關資訊前AKB「平嶋夏海」出寫真 日本網民:「準備下海?」 (Sep 28, 2016) 【有GIF】日本AKB欺凌影片網上熱傳 超用力一嘢推開隊員 (Sep 10, 2016)

Read more ›
哈比人回到現代 演員列陣玩LEGO
by / on 07/12/2012 at 2:48 pm

哈比人回到現代 演員列陣玩LEGO

好緊張,《哈比人:不思議之旅》下星期(13日)就上,呢啲戲真係要第一日就睇。咁食住個勢,前排出咗《魔戒》LEGO遊戲外,仲會出LEGO,為咗賣廣告,就叫咗一班主角拎住自己隻LEGO玩當宣傳。你睇,仲係灰袍巫師嘅甘道夫都未見過,咦?點解唔見咕嚕?應該叫佢拎住沙聲講My precious…… 相關資訊【有水有WiFi】有片 現代人自建山洞屋 似足哈比人間屋 (Jan 20, 2016) 超大製作 55,000粒LEGO 砌5呎高《哈比人》「Lonely Mountain」 (Apr 10, 2015)

Read more ›
E PLAZA開R2-D2珍藏展 入太空艙格4m激光劍
by / on 07/12/2012 at 11:27 am

E PLAZA開R2-D2珍藏展 入太空艙格4m激光劍

  問《星戰》最鍾意邊個人物?白兵?黑武士?Sky Walker……點都好,有一個唔使講嘢,嘟嘟聲、行行企企,但大家都當佢聖物咁潮拜,佢就係R2-D2!東廣場啱啱搞咗個「星空戰記」活動,打造全港首個以R2-D2為主題的珍藏展,仲撻咗R2-D2收藏家──阿一近百件珍藏品做展覽;超舊超合金,超級限量別注版……未必再買唔到,但唔買都睇吓嘛! 相關資訊超型《Star Wars》白兵酒樽 擺客廳當裝飾品 (Aug 28, 2017) 多咗個嘴漏機油?R2-D2幫你沖咖啡! (Oct 4, 2016)

Read more ›