潮玩新聞

蘇聯佬Cos:疑似地毯扮胸毛?
by / on 19/05/2013 at 1:55 pm

蘇聯佬Cos:疑似地毯扮胸毛?

Cos蘇聯佬難唔難?兩睇,瘦過碌蔗手短腳幼者扮唔成,六呎高大肥佬一定扮得掂,因為蘇聯佬衫都無件,笠條紅底加對Boot就搞掂,堪稱Easy cos嗰隻。 相關資訊有片:韓國電視版《街頭霸王》 印度佬變和尚/蘇聯佬變肥仔 (May 21, 2018) 【相集】外國大隻cosplayer轉風格 cos美少女戰士fans離棄 (Mar 21, 2018)

Read more ›

網圖分享:相機都頂你唔順呀!
by / on 19/05/2013 at 1:53 pm

網圖分享:相機都頂你唔順呀!

呢個世代乜都要留影開心Share,尤其港女最鍾意自拍,完全漠視自己副尊容,完全唔知個醜字點寫,一對住鏡頭就自我感覺良好,以為豬扒都可以變女神。 相關資訊【相集】自拍喵星人新相特集 繼續selfie肥咗可愛咗 (May 6, 2018) 【有片】同短尾矮袋鼠自拍不是夢 日本出自拍套裝 (Jan 3, 2018)

Read more ›
新片速報 美國任天堂 官方訂製Mario蛋糕
by / on 19/05/2013 at 1:47 pm

新片速報 美國任天堂 官方訂製Mario蛋糕

呢個外國嘅Pinkcakebox頻道,係一個蛋糕店頻道,今次佢介紹呢個Super Mario Bros.蛋糕就勁咯,唔係自己求其整嚟賣,而係美國任天當要求佢哋幫手整嘅,整嚟為咗送比美國電視訪談節目主持人Jimmy Fallon。除咗呢個Mario大叔蛋糕外,仲有NDS蛋糕,扯旗蛋糕…… 相關資訊有片:超像真死侍蛋糕 睇得食得 (May 23, 2018) 佛系蛋糕 日本網民分誕佛誕專用蛋糕 (Apr 10, 2018)

Read more ›
型!內地骷髏coser出戰Harley Davidson賽事
by / on 19/05/2013 at 1:37 pm

型!內地骷髏coser出戰Harley Davidson賽事

強國又揚威海外,不過今次型得多。事發地點喺中國淅江省舉行嘅Harley Davidson五週年賽車活動,其中一個參賽者以骷髏頭cosplay造型上場參賽,型之餘仲可以擋風擋沙,幾實用,襯埋副Ray Ban太陽鏡,簡直型絕全場。講開又講,一架Harley Davidson喺內地閒閒哋賣20萬人仔,即係大概一個普通北京人民嘅四年人工,呢個骷髏頭肯定係富二代。 相關資訊【有片】超強Coser有燈有自動翼 《Warhammer 40K》Saint Celestine (Jun 20, 2018) 【有片】紙製Cosplay服好方便 3.980円變身黑武士 (Jun 14, 2018)

Read more ›
新片速報 日本松鼠剪頭髮 變身偽柴犬!
by / on 19/05/2013 at 1:23 pm

新片速報 日本松鼠剪頭髮 變身偽柴犬!

唔知點解,星期六日特別鍾意寫有關小動物嘅報導!松鼠狗,即係博美犬,其實本身都好得意,但呢個日本主人可能突然好想要一隻柴犬,於是就幫佢隻狗狗剪個新髮型,剪完之後偽裝度極高,唔睇身型真係十足一隻柴犬咁款……唔知各位愛狗之人同唔同意佢嘅做法,不過轉吓形象都幾爽吖。 相關資訊日本扭蛋「柴犬」超可愛 指尖上的肥柴 (Jun 21, 2018) 【新片速報】日本超可愛柴犬仔 矇眼笑影片Twitter熱傳 (Jun 20, 2018)

Read more ›
網絡貓起底 日本Koko潛力爆紅
by / on 18/05/2013 at 4:58 pm

網絡貓起底 日本Koko潛力爆紅

動物明星有好多,尤其日本。近排你有冇喺facebook睇過呢張相,隻貓攬住主人隻手,好似唔俾佢做嘢要同佢玩咁,可愛到核爆。原來呢隻貓係日本貓,蘇格蘭摺耳,叫Koko,而佢主人就叫Shiroro,鍾意rock music同打機,近排成日喺Twitter放自己隻貓嘅得意相,睇嚟有啲潛力做明星貓喎。 相關資訊【有片慎入】日本貓玩醒曱甴 衝去貓奴一聲慘叫 (Jun 21, 2018) 【有片】玩具瘋狂郁 日本高傲的喵擔天望地唔得閒理 (Jun 15, 2018)

Read more ›

菲律賓夾公仔 冇嘴Mario大叔 變樣小飛俠
by / on 18/05/2013 at 4:43 pm

菲律賓夾公仔 冇嘴Mario大叔 變樣小飛俠

自從脅持人質事件之後,我已經睇菲律賓唔順眼,睇埋近日嘅射殺台灣漁民事件,我決定支持台灣,唔去菲律賓旅行,唔請菲傭,要怨就怨你個廢柴政府啦!講番呢單報導,就係有日本傳媒最近就去過菲律賓,見到唔少夾公仔機,而裏頭啲公仔就係Mario大叔,但冇嘴嘅,仲有變咗樣嘅小飛俠,唔駛$1蚊港幣夾一次,佢哋感覺好震驚…… 相關資訊【有片】成功在望 日本網民夾「卡比」慘被玩 (May 5, 2018) 【有片】Google Map又玩嘢 慶祝「Mario之日」大叔導航 (Mar 10, 2018)

Read more ›
新片速報 日本初中生畢業滑板遠征 青春熱血全記錄
by / on 18/05/2013 at 4:15 pm

新片速報 日本初中生畢業滑板遠征 青春熱血全記錄

話遠其實唔係好遠,80km左右,但幾個初中生帶住幾套衫加睡袋再加5,000円出發,嗰份青春同熱血嘅感覺,同你Full gear踩住架幾皮嘢單車入石澳係兩回事。呢班初中畢業生用咗3日2夜由神奈川去到箱根再兜個圈,食就食快餐便利店,夜晚就露宿瞓睡袋,其中一個話:「我哋知道上到高中讀書考試會好辛苦,於是計劃呢個旅程,我都一早講咗,到畢業,我哋就正式實行,因為我哋都同對方有承諾。」嗚!青春呀!汗水呀!唔得,我立刻熄咗個冷氣打開個窗大嗌先!咦?我間房冇窗o架喎。 相關資訊世界盃日本贏波 大阪えびす橋震埋一份 (Jun 22, 2018) 日本流傳「百力滋復活術」 網民氹女兒偷偷調包 (Jun 22, 2018)

Read more ›
築地劏魚的藝術 「山和 解体フィギュア・黒マグロ」真人示範有片睇
by / on 18/05/2013 at 3:02 pm

築地劏魚的藝術 「山和 解体フィギュア・黒マグロ」真人示範有片睇

去東京旅行,總會有一兩個朋友話要去築地魚生,新鮮嘛。咁築地漁市場除咗啲魚新鮮外,當然仲有劏魚嘅高手,呢個擺設就係搵嚟築地嘅劏魚專家教路,再製作出一條金槍魚模型,模型仲包埋把刀兼可以拆開,而拆開嘅唔同部份都係當現實專劏魚時一樣嘅。唔信入嚟睇吓條築地劏魚真人片,再對比番件模型啦!連個包裝盒都扮足海鮮一樣!不過,我想話呢條膠魚都唔平,要29,400円…… 相關資訊梁瑋豪自製模型情景 藍老虎頭+高達身+太空坦克臂 (May 24, 2018) 林祥焜x西九龍中心 出Goodgirl Toy Bus巴士模型 (May 14, 2018)

Read more ›
新片速報《攻殻機動隊Arise border:1 Ghost Pain》預告 上映日PSN配信
by / on 18/05/2013 at 1:46 pm

新片速報《攻殻機動隊Arise border:1 Ghost Pain》預告 上映日PSN配信

日本PSN有個Video頻道,好多動畫可以俾錢睇到,例如呢套喺5月24日上映嘅《攻殻機動隊Arise border:1 Ghost Pain》,喺戲院上映當日就會有得睇。《攻殻機動隊Arise》係1989年士郎正宗嘅漫畫作品,而呢套就係第4部作嘅第1話,香港攻殼迷就唯有睇住預告先喇。 相關資訊【有片】超正!新宿VR設施新遊戲 《攻殻機動隊》玩光學迷彩4 VS 4 (Nov 23, 2017) 【有片】真人版《攻殻機動隊》5片齊發 「北野武」係咪型先? (Sep 22, 2016)

Read more ›
新片速報《Street Fighter》呼拉圈版 狂轉133個出超必
by / on 18/05/2013 at 12:59 pm

新片速報《Street Fighter》呼拉圈版 狂轉133個出超必

除咗瘋癲之外,我真係諗唔到其他形容詞去形容呢條片。片中呢個發晒狂嘅女人,名為Marawa,原來係呼拉圈高高手,最勁可以同時間轉133個呼拉圈,而佢同時又好鍾意玩街霸,於是,就製作咗呢條片……片中佢不停做出奇情嘅動作,打爆飛埋佢身邊嘅水果……最後仲出必招—133個呼拉圈狂轉!K.O.對手。OK,You Win。 相關資訊【有片】《Street Fighter II》Cosplay 聲音似過畫面 (May 13, 2018) 街霸角色You Lose造型USB 香港品牌官網有得訂 (Apr 27, 2018)

Read more ›

日本學生再玩嘢 扮完巨人扮甲蟲
by / on 18/05/2013 at 10:12 am

日本學生再玩嘢 扮完巨人扮甲蟲

繼扮出波爆氣、《進擊之巨人》嘅攝影法之後,呢兩日喺日本Twitter就出現呢組相片,呢幾條高中生趴喺地下,放個結他喺背脊,係,就係扮日本甲蟲獨角仙……呢張相喺Twitter被瘋狂轉載,之後就有其他人加入扮甲蟲嘅行列,而留言嘅日本網民就讚多過彈,多數都係讚佢哋有創意,仲有人話佢哋好聰明……計我話,簡直係天才。 相關資訊【相集】日本黑喵有朋友 毛公仔狗狗擔住周圍走 (Jun 21, 2018) 【有片】日本熱傳《黑洞》手機遊戲 玩法似《塊魂》 (Jun 21, 2018)

Read more ›
有相有片!Yahoo!熱門關鍵字第一  台灣「天氣女郎」長腿攻陷日本
by / on 17/05/2013 at 8:50 pm

有相有片!Yahoo!熱門關鍵字第一 台灣「天氣女郎」長腿攻陷日本

有留意台灣或者日本藝能界嘅,都應該知道台灣有7個長腿正妹之前因為喺電視台報導天氣而紅咗,仲組成「天氣女孩(ウェザーガールズ)」去咗日本發展。佢哋經過日語訓練之後,已經出過細碟,而早前上過日本電視節目《SUKKIRI!!》之後,更加成為日本Yahoo!關鍵字第一名。如果你未睇過佢哋嘅表演或者靚相,入嚟有相有片可以慢慢睇腳;最後講講佢哋嘅近況,除咗嚟緊7月3日會喺日本推出佢哋嘅大碟!仲有就係下年1月佢哋將會參加1994年開始舉辦嘅「National Weather Forecaster Exam」,主要考佢哋嘅天文知識,而舉行咁多年嚟,只有8,843人合格通過,合格率只有5%! 相關資訊【有片】哥倫比亞球迷侮辱日女球迷 小學雞教講「我是妓女」 (Jun 20, 2018) 【有片】日本球迷讚有氣度 哥倫比亞球迷恭賀日球迷再幫手執垃圾 (Jun 20, 2018)

Read more ›
進擊的網頁遊戲 諫山創原稿畫質
by / on 17/05/2013 at 8:45 pm

進擊的網頁遊戲 諫山創原稿畫質

  有睇我Blog的話, 應該知我係遲來的《進擊的巨人》粉絲, 最近俾我0係網上發現非常忠於原著0既網頁小遊戲, 你睇佢0的畫功, 真係媲美諫山創原稿, 真係睇見個遊戲畫面, 我都已未出發先興奮! 遊戲好簡單, 你要用個Mouse控制立體機動裝置, 飛簷走壁、避開巨人, 不過左上角有個氣壓計, 用晒就冇得飛, 等巨人食…… 相關資訊紐約市公園設計圖似足《進擊的巨人》 超高圍牆與世隔絕 (Mar 27, 2016) 【唔係插畫】有片 神級人體彩繪cosplay 菲利/進擊的巨人極像真 (Feb 1, 2016)

Read more ›
製作影片公開 日本咖啡神 動漫咖啡加顏色
by / on 17/05/2013 at 8:31 pm

製作影片公開 日本咖啡神 動漫咖啡加顏色

利用Latte上面o既泡沫o黎整動漫人物,之前都報導過,不過只係得泡沫o既白色同埋咖啡o既啡色,似乎單調o左少少。於是,呢個日本沖咖啡專家Nowtoo Sugi,就利用可食用、有顏色o既糖漿加入咖啡泡沫上面,製作出彩色o既動漫人物咖啡!加咗色之後,Iron Man個感覺返晒o黎,仲有高達、渣古、多啦A夢、魔童叔叔,連《進擊之巨人》都有!入嚟仲可以睇到佢製作咖啡o既片段,呢門手藝確係幾勁。 相關資訊日本秋葉原神奇特飲 凍結奇異果屹立不倒 (Jun 20, 2018) 三上悠亞著日本波衫 晒長腿撐日本隊 (Jun 19, 2018)

Read more ›