潮玩新聞

唐振英個樣,有九成似梁振英,搞笑!
by / on 01/01/2013 at 10:00 am

牛佬又惡搞CY

或者牛佬同黃洋達Friend嘅關係,近朱者赤,所以久唔久都會將政治事件同人物放入《古惑仔》,呢期佢好明顯睇梁特首唔順眼,安排佢做奸角東英五虎之一嘅狄威智囊。 相關資訊《古惑仔》佐維談公道 牛佬談世道 (May 3, 2018) 牛佬搞Gag有啖笑 金正恩+馬雲突入《古惑仔》 (Apr 24, 2018)

Read more ›

2013新年快樂!本周Coser 全球最美不知火舞 台灣藝人Mia
by / on 01/01/2013 at 12:06 am

2013新年快樂!本周Coser 全球最美不知火舞 台灣藝人Mia

如果你又繼續同我一樣,喺屋企倒數完又冇嘢做,梗係要賀一賀佢,最實際就係睇吓靚女Coser相,攞個意頭囉!佢呢個鄧婷,有個藝名叫藍鳳凰,雖然個名風塵味濃郁,但佢個樣就走可愛路線。基本上,佢擔任過TVBS電視主持,又係Model,唔可以算係Coser,但偏偏佢最紅一鑊就係早幾個月Cos咗拳王中嘅不知火舞!紅到去日本,有人喺討論區話佢係全球最靚嘅不知火舞,仲有日本人留言話睇到有反應……佢除咗不知火舞兩套衫之外,仲有白雪公主、仲有兔仔耳、貓耳,仲有眼鏡……仲有兩段唱歌跳舞嘅片,年齡方面,有人話佢79年出世,我係唔會信o架! 相關資訊本周Coser 日本「ゆぃにゃん」 (May 20, 2018) 起角!《盜墓者羅拉》Cosplay還原多邊形胸 (May 16, 2018)

Read more ›
2012世界十大幻像奇景  眼前非事實!
by / on 31/12/2012 at 6:59 pm

2012世界十大幻像奇景 眼前非事實!

仲有幾個鐘就踏入2013,我都趁墟數吓十大先!今次總結2012年最令人嘆為觀止嘅幻像奇景,咩叫幻像?梗係唔係「你睇我唔倒,總之你硬係就睇我唔倒。」嗰啲無聊嘢,而係睇完你會擘大個口得個窿,唔知佢點解,又好想睇完再睇嘅得意幻像。當中有廣告有藝術作品,全部清一色呃倒人,真真假假好難分! 相關資訊超正真人錯覺相 見唔見到隱藏動物? (Apr 19, 2017) 新片速報 眼珠黑定灰? 再玩錯視 湯告魯斯都睇漏眼 (Mar 9, 2015)

Read more ›
香蕉電話筒駁iPhone  型爆MK
by / on 31/12/2012 at 2:43 pm

香蕉電話筒駁iPhone 型爆MK

今年聖誕,你有無收倒大大個聽筒做禮物?即係有條線駁落你部iPhone,比你好似拎住個電話筒傾計嗰啲偉大發明呀!如果真係要我拎住佢傾電話,我寧願拎住隻蕉。唔係講笑,呢款香蕉聽筒Amazon有得賣,開價美金$22,仲有齊8隻色任揀,防埋幅射幾Hi-tech!拎住條蕉落MK,「喂喂,聽唔倒,大聲啲吖!」,嘩,諗起都霸氣!

Read more ›
有片  初音痛單車 駁software隨時轉款
by / on 31/12/2012 at 2:15 pm

有片 初音痛單車 駁software隨時轉款

除咗痛車外,日本都仲有痛單車!今次唔駛將部自転車貼滿貼紙,而係喺車轆位置裝兩條長形LED燈,你鍾意變初音又得、EVA又得,因為呢個ANIPOV嘅裝置有埋software比你接駁電腦,自己設計圖案隨時轉款都無問題,2013年1月正式發售,開價18900円,不過只限16吋車轆,行3A電池,唔防水防洪,落雨天都係唔好晒命嘞。 相關資訊新片速報 初音 X ROHTo眼藥水 憑包裝睇AR Live新曲發表 (Jul 10, 2014) 雨季會歌姬 新款初音雨傘再臨Family Mart (Jun 22, 2014)

Read more ›
感熱餐(木台)凳 座低會留 兩楷印
by / on 31/12/2012 at 1:59 pm

感熱餐(木台)凳 座低會留 兩楷印

新年流流,老竇老母係要換吓啲傢俬先過癮,今日介紹呢張枱凳高科技喇(Thermochromic Table),有感熱留印功能,你放杯熱飲落去會留印、放碟嘢上去會留印,睇介紹相真係相當爆吓,手印固然清楚啦,但你睇凳面嗰「兩楷橙」印,簡直可以用神奇透視眼嚟形容,差唔多一梳梳股肌都睇到,你話如果撞著個天生異稟,十九幾吋、節瓜咁大條……價錢係三千蚊美金,想睇人體奧妙展,係要花啲錢0架!       http://www.jaywatsondesign.com/  

Read more ›

Comic Market 83同人紙袋 拖女大暴露 勇氣的考驗
by / on 31/12/2012 at 12:20 pm

Comic Market 83同人紙袋 拖女大暴露 勇氣的考驗

東京Comic Market 83喺早兩日開始舉行,去過呢啲活動嘅都知,賣嘅嘢吸引之餘,紙袋都係重點。今年就有人好有諗頭,出咗個紙袋有個細蚊女喺上面,你挽住個袋,就好似拖住個女出街咁,喺寒風中可以感受到一絲暖意呀!另外仲有大量女角紙袋,有啲真係暴露意淫到令人唔好意思拎出街,絕對考驗你嘅愛與勇氣! 相關資訊2012年度日本國內 主機/遊戲銷售榜公佈 3DS威晒! (Jan 8, 2013) 新片速報 12分鐘回顧機迷的1年 (Jan 2, 2013)

Read more ›
2012日本10大高票房電影
by / on 31/12/2012 at 11:57 am

2012日本10大高票房電影

噚日睇完2012年單隻最高收視日劇,今日就輪到10大最高票房電影。頭4位都係本土電影,《復仇者聯盟》都係僅僅入到第10位,證明日本電影迷都係撐本地製作啦!嗱講明先,香港戲迷唔係唔想撐本地原創,而係一年都冇一兩套撐得落。講番日本,第1名係《BRAVE HEARTS 海猿》,我唔係好明水馬騮有咩好睇;第2位係我哋都睇咗嘅《羅馬浴場》,至於我最愛嘅《Evangelion新劇場版:Q》就排第4,不過佢係唯一一套未落畫嘅! 相關資訊【日本投選】最想重製的80年代動畫 第1位《山T女福星》 (May 21, 2018) 貓奴要去 日本超正旅館有貓入房陪玩 (May 21, 2018)

Read more ›
神奇keyboard套 保暖滅音冬天必備
by / on 31/12/2012 at 10:37 am

神奇keyboard套 保暖滅音冬天必備

天寒地凍,就算喺屋企上網我都長期披住張被,如果有埋呢個keyboard套就無敵嘞!雖然個款就醜樣咗少少,但最正係你收咗對手入去之後,仲可以喺透明位置睇倒自己打緊咩,而且佢仲有一樣好強勁嘅功能,就係「滅音」嘞!有咗佢,可以暖笠笠靜英英咁打字,係咪好無聊呢?計返港紙300蚊唔駛,買嚟幫個keyboard保暖都抵啦! 相關資訊【新片速報】日本兔仔妨礙工作 keyboard前反肚超可愛 (Apr 21, 2018) 【真正Newtype】好多顏色 Gundam RX-78-2出Keyboard (Nov 18, 2017)

Read more ›
大笨象食iPhone之奇幻漂流
by / on 31/12/2012 at 10:02 am

大笨象食iPhone之奇幻漂流

呢單新聞真係堅好笑,話說有位內地同胞去咗泰國同大笨象玩啦,人哋餵蕉佢就用部iPhone拍片,點知一個唔小心,部iPhone比隻象用鼻捲埋落肚,佢就大呼小叫嗌救命,泰國職員就笑騎騎話:「sorry,eat!」以為事件告一段落,點知劇情原來峰迴路轉,佢哋去到大笨象便便嘅地方,等呀等,仲好聰明叫個朋友打佢手機追踪部電話,結果係點?我唔劇透喇,只可以話,仲精彩過《少年Pi的奇幻漂流》。 相關資訊日本網民出圖 泰國手信好好笑 (Jan 4, 2018) 【係愛呀】雪橇狗狗出走為見好友 攬到實太癡纏 (Jul 14, 2017)

Read more ›
《Evangelion》人類紙皮計劃 初號機識變車!
by / on 30/12/2012 at 8:08 pm

《Evangelion》人類紙皮計劃 初號機識變車!

呢隻日本人自製嘅初號機你可能已經睇過,係,我之前都睇過,不過睇過一張相,啱啱先知原來有多幾張相,而且呢隻紙皮初號機係可以好似變型金剛咁變做一架車!呢個超越原著嘅設計,對EVA迷如我嚟講,可以話係第三次衝擊。 相關資訊使徒再來襲 大阪環球影城「EVA XR Ride」過山車限定復活 (May 17, 2018) 【有片】再見EVA列車 今日最終運行日 1,200人車站集結 (May 13, 2018)

Read more ›

超低胸EVA連身裙 超薄激貼身
by / on 30/12/2012 at 6:04 pm

超低胸EVA連身裙 超薄激貼身

我呢份人無0野好,就係對朋友好!我知錢老闆愛EVA,最近又有新0野返,一於晒佢冷;係過年衫、袋、鞋,我知!係女裝嘛!所以我決定0係度比「武」招親,大家快0的上網訂,著完影張相再EMAIL俾我0地,我就會叫錢老闆揀,絕對係過年前限定!想做錢生女朋友就係呢舖喇!農曆新年時仲有個男朋友陪你見家長,係咪好開心先? 相關資訊又出Tee 記念下月EVA列車運行終了 (Apr 25, 2018) 【最後機會】不能逃避 日本EVA列車5月引退 (Jan 19, 2018)

Read more ›
咕嚕/史麥戈10吋figure 忠奸兩款任揀
by / on 30/12/2012 at 5:45 pm

咕嚕/史麥戈10吋figure 忠奸兩款任揀

我認我重口味,《魔戒》入面我最鐘意嘅角色係咕嚕!呢隻10吋figure真係啱晒fans口味,頭頂幾條毛毛唔多唔少啱啱好,手指都係梱黑邊嘅,而且皮膚做得好細緻,連皺紋同埋偏藍嘅血管位都做埋,仲有25個骨折位比你任扭擺甫。最正係有齊史麥戈同埋咕嚕兩款,一個一臉無辜一個奸到出汁,每隻開價美金$50,兩款都好得意,真係好難揀呀! 相關資訊林祥焜x西九龍中心 出Goodgirl Toy Bus巴士模型 (May 14, 2018) 【有片】超強情景 甘道夫決戰炎魔「You shall not pass!」 (May 11, 2018)

Read more ›
日本2012 10大單集日劇收視 大河劇冇份 晨早最多人
by / on 30/12/2012 at 5:11 pm

日本2012 10大單集日劇收視 大河劇冇份 晨早最多人

聽日返一日半日又放一日,呢排咁多假期,我真係好驚返番工之後唔習慣。到年尾好多乜榜物榜出爐,日本就公佈咗今年最佳單集劇集嘅收視10大,最特別係今年大河劇一集都冇,第二就係頭兩名都係NHK朝早時段嘅連續劇,即係一百幾廿集走唔甩、笑聲笑聲滿載溫馨嗰啲,排第1嘅就係尾野真千子主演嘅《糸子的洋裝店》第97集,第2就係堀北真希嘅《小梅醫生》第114集,木村套《Priceless》都係第7位咋…… 相關資訊【出現了!】真人版《電影少女》女角確定 「乃木坂46」西野七瀬造型公開 (Nov 14, 2017) 【有片】橋本環奈 + 制服 + 大量動物 《警視庁いきもの係》預告下月播 (Jun 27, 2017)

Read more ›
山寨變形啷啷 廣州燈飾展轟立大地
by / on 30/12/2012 at 4:28 pm

山寨變形啷啷 廣州燈飾展轟立大地

山寨Gundam同比卡超,令我明白山寨貨抄到唔似抄嘅威力!竟然可以將好好哋、得意可愛人人鍾意嘅動慢人物,妖魔化到差啲連佢老母都認唔到嘅程度;廣州嗰邊最近又做嘢喇,今次係官方辦嘅2012廣州國際燈光節,喺裡面竟然發現疑似大黃公、痾柏文同麥+燈嘅物體,老點係「廣州市花城廣場以北、黃埔大道以南」,大家如果上開去,可以去睇睇評吓理,佢哋叫呢啲公仔做【环艺光雕】,真係雕佢個老味!入面有佢哋嘅自我簡介,不過係簡體字,我為咗原汁原味,我唔改佢做繁體喇,睇完再雕多次。

Read more ›