潮玩新聞

我就是高達!《機動戰士Gundam第08MS小隊》陸戰型高達盾牌袋
by / on 19/07/2018 at 5:01 pm

我就是高達!《機動戰士Gundam第08MS小隊》陸戰型高達盾牌袋

即係如果你揹埋之前公開嘅嗰個背囊,加埋呢個《機動戦士ガンダム第08MS小隊》「陸戦型ガンダム」嘅盾牌袋,你仲唔係高達?你仲唔毒到飛上天?除咗整喺手咁過份之外,仲可以斜揹嘅,5,800円未連稅,11月中發售。 相關資訊7月26日開戰 PS4《機動戰士Gundam Battle Operation 2》今日事前登錄 (Jul 12, 2018) 真人版來了!《機動戰士Gundam》由《悍戰太平洋》Legendary製作 (Jul 6, 2018)

Read more ›

Kana書展出《打爆真‧三國歷史》 陳某幫手畫封面
by / on 19/07/2018 at 10:00 am

Kana書展出《打爆真‧三國歷史》 陳某幫手畫封面

鍾意睇小說者,睇羅貫中《三國演義》可以睇到通宵達旦;鍾意打機者,亦總玩過以三國為題材嘅Game,但惟有睇小說煲正史兼打機專到一個點,先可以出書寫三國同Game之間嘅真真假假。今個書展,值得留意Kana著作《打爆真‧三國歷史》,三國Game裡面嘅人物角色,有幾多係虛構?有幾多真正符合史實?呢個前Game書編輯就係有本事將之寫成書,都咪話唔厲害。每本$98,唔貴。留意番,連《火鳳燎原》作者陳某都幫佢畫封面,係咪更加要加分先?要撐! 相關資訊輯錄《飛女正傳》 牛佬書展出《洪門女將》 (Jul 17, 2018) 書展幫襯創造館攤位$200 送《我們,在創造。》特刊 (Jul 14, 2018)

Read more ›
費蘭度托利斯加盟鳥棲砂岩 高橋陽一送畫
by / on 19/07/2018 at 9:00 am

費蘭度托利斯加盟鳥棲砂岩 高橋陽一送畫

繼送畫畀巴塞隆拿Icon人物恩尼斯達後,高橋陽一又作畫畀剛剛加盟日職鳥棲砂岩嘅西班牙前鋒費蘭度托利斯。贈畫可以直接提升日職形象,兼提高費蘭度托利斯人氣,高橋陽一應記一功,But,或者我挑剔,幅畫唔係唔靚,但硬係覺得唔多似本尊。 相關資訊有片:高橋陽一東京Gas廣告第二輯 一飛衝天彈跳入樽 (May 25, 2016) 有片:高橋陽一畫盲人足球 日本殘奧Be The Hero (Apr 9, 2016)

Read more ›
【新片速報】日本街貓完全唔怕人 直行直撞超嗲Twitter熱傳
by / on 19/07/2018 at 7:56 am

【新片速報】日本街貓完全唔怕人 直行直撞超嗲Twitter熱傳

可能日本人對貓特別好,所以街邊嘅流浪貓都特別可愛特別親近人類。最近有網民分享咗佢嘅遭遇,隻喵星人離遠見到佢就走埋去,而且中間無停過,一嘢就撞埋去,仲要邊行邊瞇眼,勁親切。佢話每日都會經歷同樣嘅情況,所以佢就拍片同大家分享。而呢隻貓之前係流浪貓,而家就由佢嘅鄰居放養,每日有嘢食又可以自由自在出街玩,難怪佢咁鍾意人類啦。 相關資訊日本小妹妹IG熱傳 超濃密頭髮大爆發 (Jul 20, 2018) 日本熱到癲 太陽伯伯「變樣」網民大改圖 (Jul 20, 2018)

Read more ›
日本小妹妹天才發明 消暑西瓜特飲Twitter熱傳
by / on 19/07/2018 at 7:50 am

日本小妹妹天才發明 消暑西瓜特飲Twitter熱傳

小朋友嘅發明就係無聊得嚟又充滿童真,最近日本天氣勁熱,有網民分享佢囡囡發明嘅「西瓜消暑特飲」,仲形容為天才級嘅發明。加幾粒冰再加啲梳打水,再插多幾支飲筒,飲嘅時候係就係辛苦啲,但係一家人圍埋都幾開心。 相關資訊【有片】狗狗自創消暑大法 瞓水澗順水流漂走 (Jul 20, 2018) 日本超可愛倉鼠 扮雪米滋四腳朝天好啱位 (Jul 20, 2018)

Read more ›
【有片】日本喵星人迫爆紙箱 超痴纏攬實唔放
by / on 19/07/2018 at 7:45 am

【有片】日本喵星人迫爆紙箱 超痴纏攬實唔放

喵星人一向鍾意紙箱多過玩具,而且紙箱最好有咁細得咁細,有咁迫得咁迫,最近呢兩隻日本喵星人喺Twitter好紅,佢哋兩個示範咗乜嘢叫做迫爆紙箱。兩隻喵加兩個大屁股,將個箱徹底塞滿!其實佢哋平時仲好好朋友,經常都攬實晒唔肯分開,勁痴纏,搞到屋企另一隻貓好似路人咁。入嚟有多啲佢哋嘅相同片睇,超可愛! 相關資訊生日賀一賀 日本fans用962,120円預訂718隻新碟 (Jul 19, 2018) 【今日GIF】日本高手製懷舊遊戲GIF 幻想中的遊戲世界 (Jul 18, 2018)

Read more ›

超可愛「無臉男」玩具 一式六款有隱藏版本
by / on 19/07/2018 at 7:04 am

超可愛「無臉男」玩具 一式六款有隱藏版本

一直好鍾意無臉男,自從有台灣小朋友扮完之後,而家每次見到無臉男就諗起佢。講返正題,最近專賣吉卜力商品嘅「橡子共和國」推出一式六款嘅無臉男玩具,每款都有唔同動作,儲埋一齊超可愛,不過仲未知道隱藏款式係點,想知嘅可以去買盒嚟抽吓嘞,每盒780円。 相關資訊日本狗狗瞓晏覺 地下遺留狗印超可愛 (Jul 17, 2018) 日本《Pokémon》電話線保護套 奇異種子/車厘龜超可愛 (Jul 14, 2018)

Read more ›
超正!打破敵對關係 日本連鎖快餐Twitter編輯玩聯手
by / on 18/07/2018 at 11:04 pm

超正!打破敵對關係 日本連鎖快餐Twitter編輯玩聯手

同行如敵國?未必,喺呢個社交平台玩社交嘅年代,有時合作先會有驚喜爆人氣。事源日本吉野家官方Twitter喺7月6日就出咗張圖,話希望「肉関連企業を5社集めてニクレンジャーを結成する」,結集5個品牌組成戰隊玩吓,咁唔同公司會唔會有人理佢呢?首先就有「ガスト」出咗張圖,之後就輪到KFC,再嚟仲有Mos Burger,最後仲有對頭松屋加入!就係咁,就完成咗呢個不可能的任務,誇品牌齊齊宣傳,仲搞到有作曲家幫佢哋襯咗首歌!但其實,仲有Family Mart炸雞出圖,不過佢遲咗一步,入唔到呢隊戰隊……下次反應要快啲喇! 相關資訊【有片】廁紙變子彈 日本高火力水槍月尾發售 (Jul 18, 2018) 日本熱到癲 名古屋39度/ 沖繩變避暑地 (Jul 18, 2018)

Read more ›
有片:Man僧書展出Postcard?
by / on 18/07/2018 at 11:00 pm

有片:Man僧書展出Postcard?

瀏覽Man僧面書,發現佢Post咗好多Product出嚟,無價錢等詳細Description,但又話「書展見」,估計嚟緊書展有得賣。其中有條片,見到好多Postcard以Stop motion形式逐張逐張彈出嚟,平時我好鍾意睇佢啲畫畫Timelapse短片,唔知Postcard複印嘅係咪呢堆畫作呢?係咪都好,我都一樣咁Like!好難忍手唔買。 相關資訊又係要買 李健良書展推出A3油畫 (Jul 13, 2018) 李健良書展 出白海豚書籤+古生命Tee (Jul 9, 2018)

Read more ›
動漫節睇《香港漫畫藝術展》 42幅手稿睇啱買返屋企
by / on 18/07/2018 at 10:15 pm

動漫節睇《香港漫畫藝術展》 42幅手稿睇啱買返屋企

又多一個原因撐嚟緊嘅香港動漫電玩節2018,事關同場加映首屆《香港漫畫藝術展》,展覽由「香港動漫畫聯會」扯頭纜,參展香港漫畫家有25人,作品有42件。留意番,展出嘅係手稿,And,最重要係,睇啱係可以即場購買,拎返屋企作獨一無二私人珍藏嘅。有關方面喺面書登咗部份作品,齋睇相都覺得超正,到時睇真跡肯定嘩嘩聲。 相關資訊【動漫節攻略】睇定啲!PlayStation優惠/試玩/台活動全記錄 (Jul 17, 2018) 八達通正喎! Evangelion香港動漫節限定產品公開 (Jul 9, 2018)

Read more ›
【有片】紙皮版《SoulCalibur VI》Nightmare 原來宣傳快餐店?
by / on 18/07/2018 at 10:00 pm

【有片】紙皮版《SoulCalibur VI》Nightmare 原來宣傳快餐店?

幫《SoulCalibur VI》宣傳就一定,估唔到原來仲係幫Arby’s宣傳,因為製作單位Volpin Props係用咗佢哋嘅外賣紙盒製作呢個7呎8吋高嘅《SoulCalibur VI》Nightmare,喺Anime Expo 2018展出用嘅。 相關資訊新片速報 兵器格鬥《SOULCALIBUR VI》 忍者「吉光」登場 (May 18, 2018) 新片速報 PS4/Xbox One/PC《Soulcalibur VI》公開 兵器格鬥回歸 (Dec 8, 2017)

Read more ›

葉偉青《Robox Sketchbook》打孖買送畫版
by / on 18/07/2018 at 9:44 pm

葉偉青《Robox Sketchbook》打孖買送畫版

相信今年葉偉青推出《香港重機》後,會吸納更多Fans,其實唔只呢本係好嘢,之前漫道出版嘅機械人作品集《Robox Sketchbook》第一及二期都係極品。講明先,係舊書,不過今年書展「今日出版社」攤位有售,各原價$150,書展價$135;如果第一及二期套裝咁買呢,會送埋畫版,售$260。信我,係值得入手嘅。 相關資訊葉偉青《香港重機》商品化 垃圾蟲+垃圾桶曝光 (Jul 13, 2018) 利志達結集漫畫 書展推出《Solar Eclipse日食》 (Jul 9, 2018)

Read more ›
髮型還原度高  真人版《今日から俺は!!》
by / on 18/07/2018 at 6:08 pm

髮型還原度高 真人版《今日から俺は!!》

有賀来賢人演嘅「三橋貴志」,伊藤健太郎演「伊藤真司」,清野菜名演「赤坂理子」,橋本環奈演「早川京子」。呢套西森博之嘅《今日から俺は!!》嚟緊10月會有真人日劇版,啱啱有得睇造型,啲髮型都算係咁咯。 相關資訊戴眼鏡好成熟?19歲橋本環奈似媽媽? (Jul 12, 2018) 可愛無罪?橋本環奈Twitter出睇漫畫圖劇透 (Mar 14, 2018)

Read more ›
風格好唔同 《死亡筆記》最新圖
by / on 18/07/2018 at 5:38 pm

風格好唔同 《死亡筆記》最新圖

之前都報道過官網有《週刊少年Jump》創刊50周年各漫畫家嘅賀圖睇,除此外,少年Jump展覽內都有作者新繪圖睇,當中《死亡筆記》漫畫家小畑健嘅圖就成為網民焦點,當中又係咪最多人望實彌海砂?另外一張係原作者畫嘅,仲有又精選吓啲賀圖睇吓。 相關資訊【有片】西人版《死亡筆記》又有新片 夜神月睇落好蠢 (Jul 22, 2017) 【有片】西人版死神現身!《死亡筆記》8月25日有得睇 (Jun 30, 2017)

Read more ›
【有片】香港特撮角色打到日本 參戰「全日本地區英雄祭2018」
by / on 18/07/2018 at 3:40 pm

【有片】香港特撮角色打到日本 參戰「全日本地區英雄祭2018」

香港都有自己嘅特撮角色,就係守武者夢翔、勇進。嚟緊佢哋仲會飛去日本參加「全日本地區英雄祭2018」,啱啱拍咗條宣傳片,香港特撮迷係咪要支持吓呀!另外,佢哋仲搵咗神奇膠製作嗰首主題曲,喺Red Mr.有得唱。 相關資訊街霸角色You Lose造型USB 香港品牌官網有得訂 (Apr 27, 2018) 法國攝影師捕捉「香港天台」 密集式港人生活 (Apr 26, 2018)

Read more ›