玩具資訊

雙一+富江現身手機殼 伊藤潤二Fans留意
by / on 18/06/2018 at 8:15 pm

雙一+富江現身手機殼 伊藤潤二Fans留意

伊藤潤二Fans留意,澳門手機殼品牌Flame Macau推出四款手機殼,分別係「至死不渝的愛」、「雙一恣意的詛咒」、「富江」同「魔之斷片」,iPhone 7/8、iPhone 7+/8+同iPhone X適用,各限量100個。望過吓相,圖案同色水都唔錯,俾我揀會揀雙一嗰款,無他,我Like雙一嘅恐怖邪惡表情。 相關資訊日本超正「烘燶多士」手機殼 加牛油做Wallpaper超美味 (Jun 5, 2018) 台北Coser葉實真 神還原雙一 (Apr 19, 2018)

Read more ›

Blackbrick Toys出張家輝1比6 Figure 每個$780
by / on 18/06/2018 at 5:26 pm

Blackbrick Toys出張家輝1比6 Figure 每個$780

Blackbrick Toys推出1比6張家輝Figure,西裝造型,有把槍有個酒樽揸吓。比例OK嘅,無話夾硬將手腳拉長,五官表情都尚算OK喇,唔算超級像真,但肯肯定一眼就認得出係邊個。不過純個人喜好,我就略嫌件老西唔多夠貼身,同埋膚色好似黑咗啲。每隻$780,價錢唔過份,張家輝Fans應該會收貨。 相關資訊有片:《明日戰紀》預告片 CG強有荷李活大片Feel (Mar 20, 2018) 有片:爆笑!唔驅魔改叫北姑!《陀地驅風油》惡搞《陀地驅魔人》 (Dec 21, 2015)

Read more ›
日本「二足步行貓」粘土重現 超期待實體化
by / on 18/06/2018 at 3:16 pm

日本「二足步行貓」粘土重現 超期待實體化

仲記唔記得日本呢隻「二足步行貓」?望落好似用兩隻腳行,其實只係角度問題,網上有超多改圖,又爆破又復仇者,入嚟有回帶。最新情況係有網民用粘土將佢重現,份霸氣依然保持到,超期待佢商品化,我都好想買返個呀! 相關資訊【有片慎入】日本貓玩醒曱甴 衝去貓奴一聲慘叫 (Jun 21, 2018) 【相集】日本黑喵有朋友 毛公仔狗狗擔住周圍走 (Jun 21, 2018)

Read more ›
日本喵星人扮蝴蠂 呎吋極大一定發嬲
by / on 15/06/2018 at 7:11 am

日本喵星人扮蝴蠂 呎吋極大一定發嬲

日本越嚟越多喵星人嘅服飾買,除咗貓頭套之外,最近Qualia推出呢款蝴蝶扭蛋「ねこのアゲハ蝶」簡直係災難級。喵仔帶咗之後仲好以變成隻蝴蝶咁,一共有六隻顏色,對蝴蝶翼嘅呎吋好大,肯定可以激嬲隻喵星人,唔怕死嘅貓奴可以試吓。 相關資訊【有片】日本熱傳《黑洞》手機遊戲 玩法似《塊魂》 (Jun 21, 2018) 【有片】哥倫比亞球迷侮辱日女球迷 小學雞教講「我是妓女」 (Jun 20, 2018)

Read more ›
日本貓頭套扭蛋      被迫扮「米奇老鼠」超無奈
by / on 15/06/2018 at 7:01 am

日本貓頭套扭蛋 被迫扮「米奇老鼠」超無奈

又嚟?喵星人又有得變裝嘞,今次仲要係米奇老鼠!日本專出貓頭套扭蛋嘅necos最近同Disney合作,繼上次推出鬆弛熊貓頭套,今次仲出動到貓嘅天敵「老鼠」。總共有6個款式,仲正一定係米奇同米妮,如果屋企有兩隻喵就可以一人扮一個,主人超開心。 相關資訊日本扭蛋「柴犬」超可愛 指尖上的肥柴 (Jun 21, 2018) 【有片】日本球迷讚有氣度 哥倫比亞球迷恭賀日球迷再幫手執垃圾 (Jun 20, 2018)

Read more ›
日本扭蛋「貓貓舔毛」系列    反肚照舔超治癒
by / on 14/06/2018 at 7:51 am

日本扭蛋「貓貓舔毛」系列 反肚照舔超治癒

覺唔覺得喵星人舔毛嘅一刻好治癒?EPOCH再推出呢個貓舔毛系列扭蛋,除咗有好優雅嘅一般舔毛姿勢外,仲有個反肚嘅得意版本,超可愛,今個月發售,喵迷記住留意返。 相關資訊日本秋葉原神奇特飲 凍結奇異果屹立不倒 (Jun 20, 2018) 【新片速報】日本超可愛柴犬仔 矇眼笑影片Twitter熱傳 (Jun 20, 2018)

Read more ›

日本「羊毛氈」神人      專整動物「刺猬仔」超像真
by / on 13/06/2018 at 7:26 am

日本「羊毛氈」神人 專整動物「刺猬仔」超像真

又係日本呢位整「羊毛氈」嘅勁人,呢間叫「yucoco cafe」嘅日本教室專門教人製作羊毛氈,除咗刺猬仔,仲有貓呀、狗呀、狐狸呀之類嘅動物。最近佢就收集咗幾款近來好多人RT嘅作品,全部動物都好似真嘅一樣,仲好可愛!入嚟有回帶。 相關資訊三上悠亞著日本波衫 晒長腿撐日本隊 (Jun 19, 2018) 日本網上熱傳相片 未來世界其實係澳門景 (Jun 19, 2018)

Read more ›
【有片】超可愛「紙箱人」揚聲器 左右一個自製環迴立體聲
by / on 13/06/2018 at 7:24 am

【有片】超可愛「紙箱人」揚聲器 左右一個自製環迴立體聲

得意喎!之前紙箱人都出過好多次充電器,又著燈又盛,好多人都買咗吖,最近佢哋有新嘢嘞,就係呢個無線speaker,賣4980円,紙箱人頭頂多咗幾個窿出聲,每個有獨立嘅木紋,官方話買兩個左右放仲可以製造環迴立體聲嘅效果。呎吋70 x 46 x 50毫米,重量105克,可以連續播放7小時,仲可以用平時嘅紙箱人充電器幫佢叉電,好完美。 相關資訊【圖集】摺紙的藝術 超可愛樹人BB/死侍 (Jun 21, 2018) 【新片速報】日本超可愛水瀨仔 瞓覺冚被敷面膜 (Jun 13, 2018)

Read more ›
Fools Paradise出佐敦人偶 有埋牛角好有型
by / on 08/06/2018 at 2:54 pm

Fools Paradise出佐敦人偶 有埋牛角好有型

玩具品牌Fools Paradise出Michael Jordan人偶,名為「XL TWOTHREE」,可換添多對牛角嘅頭顱,50cm高,過癮在「起角」但又起唔晒,衫褲起角,手腳線條起角,眉起角,鬚起角,背脊同蘿柚彎彎哋,對波鞋做得超細緻,膚色做得好自然。限量398隻,358美金加30美金運費,我幾Like,唔知大家點睇? 相關資訊《古惑仔》牛姑唔追究李建興 點解嘅? (Mar 30, 2018) 張君豪友情價 出水晶蛋散人偶+畫Set (Dec 11, 2017)

Read more ›
戴慶賢《秘密武器》角色實體化 只限十套睇咗當買咗
by / on 29/05/2018 at 10:45 pm

戴慶賢《秘密武器》角色實體化 只限十套睇咗當買咗

正呀呵?戴慶賢《秘密武器》角色實體化,超限量人手上色,不過呢,只限十套,兼且已經售罄。而網友Tommy Lin兄喺面書有咁嘅留言:「手快有!手慢唔知有冇!漫畫角色,實體化!正斗!」仲附拆盒相片一大張,斷估佢有份擁有嘞。呢鋪真係唔恨得咁多,惟有睇咗當買咗喇。話時話,戴慶賢有無考慮過量產呢? 相關資訊有著數!早訂《新著鐵拐俠盜》送Postcard! (Jul 14, 2017) 抵到爛!$10一幅畫板!《10大名家傲畫集Boxset》唔買唔得! (Dec 10, 2015)

Read more ›
Tomica x KMB出香港懷舊九巴車仔 玩具展優先發售
by / on 28/05/2018 at 10:15 pm

Tomica x KMB出香港懷舊九巴車仔 玩具展優先發售

鍾意儲Tomica車仔嘅朋友,相信會對呢架聯乘KMB嘅Tomica香港懷舊九巴心心眼,我唔係狂熱巴士迷,但都好Like呢架細細個都搭過嘅七八十年代丹拿/利蘭珍寶型號巴士,車身兩側有「九巴服務 日日進步」Logo,頭尾路線號碼牌、車門側邊嘅「上」、「落」等標緻有齊,內附紀念卡一張,仲有「1號線尖沙咀碼頭」、「5K號線觀塘碼頭」同「101號線堅尼地城」三組貼紙選擇,今屆第四屆香港玩具節會場優先發售。 相關資訊香港SMAP粉絲集資買九巴廣告 傳到日本熱烈討論 (Dec 28, 2016) Devil Toys推出1:6海虎人偶 去香港玩具展睇辦 (Jul 14, 2016)

Read more ›

超可愛《死侍》多士爐USB    彈出彈入手痕專用
by / on 26/05/2018 at 1:43 pm

超可愛《死侍》多士爐USB 彈出彈入手痕專用

睇完《死侍2》有無鍾意咗深情得嚟又麻鬼煩嘅主角?睇見呢款產品就有啲想買,表面睇係一個多士爐,其實係一隻USB手指,記憶體嘅正面就係印咗DEADPOOL字樣嘅多士,最正係可以撳出撳入,手痕攞嚟玩啱晒。由台灣品牌出品,香港都可以訂,16GB價錢HK$244,買嚟做擺設都開心。 相關資訊日本迷你喵星人亂瞓 攝入軟墊隙縫位超可愛 (Jun 12, 2018) 【新片速報】日本Twitter熱傳短片 喵仔與狗超可愛接觸 (Jun 6, 2018)

Read more ›
日本知名設計師新作 腳趾尾都要戴頭盔
by / on 22/05/2018 at 2:35 pm

日本知名設計師新作 腳趾尾都要戴頭盔

安全第一,最細小嘅腳趾尾都應該受到周全嘅保護,日本設計師Yoshida最近整咗呢頂地盤安全帽俾腳趾尾用,喺Twitter好多人RT,佢之前仲設計過秋葵形狀嘅垃圾埇,可以篤穿嘅紙門日曆,全部都好受歡迎,入嚟有回帶。 相關資訊日本女藝人P圖前後 超強對比Twitter熱傳 (Jun 19, 2018) 日本隊聽日出場 18歲大原優乃水著打氣 (Jun 18, 2018)

Read more ›
喵星人夏天新造型     全新水果系列扮菠蘿
by / on 17/05/2018 at 7:11 am

喵星人夏天新造型 全新水果系列扮菠蘿

日本奇譚呢個喵星人系列頭套長出長有,原來已經嚟到第20彈!延續之前出過嘅水果系列,今次有新生果,包括菠蘿、柿、櫻桃、桃、雪梨同檸檬,各有特色,色彩好繽紛,啱晒夏天,快啲同隻喵換吓新造型啦,如果佢肯嘅話。 相關資訊【相集】大量喵星人take嘢實錄 吸食貓草沉淪毒海 (Jun 19, 2018) 好想打機嘅時候請狂撳!日本推出小型手掣扭蛋 (Jun 18, 2018)

Read more ›
日本廁所品牌超強紙模型 免費下載紙樣網民狂玩
by / on 16/05/2018 at 7:12 am

日本廁所品牌超強紙模型 免費下載紙樣網民狂玩

TOTO呢個日本品牌主力做廁所設備,不過佢哋網站原來好好玩,因為有個紙品系列!有齊產品嘅紙樣可以自己print出嚟整迷你版,仲有晒步驟圖可以跟住做。有日本網民砌咗個紙廁所出嚟,超像真。其他人仲提議可以俾屋企嘅模型公仔坐。除咗廁所,網站入面仲有浴室連浴缸設計圖,甚至洗面化妝台嘅紙模型,每個都有標明難度同埋製作時間,超吸引,入嚟有得慢慢睇。 相關資訊日本漫畫網吧有隔音個室 網民:「係咪即係平價情侶酒店?」 (Jun 18, 2018) 大阪地震 動漫迷災區震出「本子」 喜好慘被媽媽發現 (Jun 18, 2018)

Read more ›