玩具資訊

喵星人超爽曬太陽扭蛋 木架合拼好想儲一套
by / on 15/05/2018 at 7:31 am

喵星人超爽曬太陽扭蛋 木架合拼好想儲一套

喵星人最鍾意曬太陽,如果住喺日本傳統房屋,仲可以好似呢幾隻喵咁瞓喺「緣側」(外廊) 曬太陽。由Epoch推出嘅扭蛋,總共有5個款式,每個都包埋「緣側」木架,拼埋一齊好有氣勢,其中一款仲有埋把風扇,好想儲齊一套!扭蛋今個月推出,貓奴記住留意返。 相關資訊日本扭蛋「柴犬」超可愛 指尖上的肥柴 (Jun 21, 2018) 【相集】大量喵星人take嘢實錄 吸食貓草沉淪毒海 (Jun 19, 2018)

Read more ›

【網購】日本網民買錯嘢 獨角獸水泡變巨型浮床
by / on 11/05/2018 at 7:52 am

【網購】日本網民買錯嘢 獨角獸水泡變巨型浮床

又係上網買錯嘢嘅時間,通常都係喺淘寶最常發生,不過今次事發地點係日本嘅amazon。有人買咗個獨角獸Unicorn嘅水泡,明明見model試用都係可以套上身細細隻,點知實物送到嚟到超大張,大到幾個人坐上去都夠,帶出海應該會成為焦點‥‥‥ 相關資訊【有片慎入】日本貓玩醒曱甴 衝去貓奴一聲慘叫 (Jun 21, 2018) 【相集】日本黑喵有朋友 毛公仔狗狗擔住周圍走 (Jun 21, 2018)

Read more ›
日本超創意扭蛋      動物一字排開齊齊小便
by / on 08/05/2018 at 7:30 am

日本超創意扭蛋 動物一字排開齊齊小便

日本插畫大師佐藤邦雄之前都出「招福貓」系列,佢嘅強項係將動物畫得又可愛又治癒,最近呢個同海洋堂合作嘅玩具更加有創意,全部動物都係去緊廁所,每款仲會跟埋個尿兜,超搞笑!儲齊一套排開好正,動物方面有浣熊、豬、北極熊、大猩猩、老鼠同埋野豬,預計6月推出,到時記住留意返嘞。

Read more ›
【多圖】日本靚女同公仔一模一樣   遊歷日本拍攝相集
by / on 05/05/2018 at 9:03 am

【多圖】日本靚女同公仔一模一樣 遊歷日本拍攝相集

親子裝見得多,同公仔打扮成一模一樣就比較少見。呢位日本呢位靚女兼攝影師(@iretaro)就影咗一系列靚相,自己做埋Model,每次都有隻公仔出現,無論髮型同服裝都同佢一模一樣,佢哋去睇櫻花,又去富士山同埋沙灘,啲相好高質,入嚟有得慢慢睇。 相關資訊【有片】日本熱傳《黑洞》手機遊戲 玩法似《塊魂》 (Jun 21, 2018) 【有片】哥倫比亞球迷侮辱日女球迷 小學雞教講「我是妓女」 (Jun 20, 2018)

Read more ›
二次創作《復仇者聯盟》玩具 外國大賣斷貨中
by / on 02/05/2018 at 7:37 am

二次創作《復仇者聯盟》玩具 外國大賣斷貨中

放心唔係劇透,《復仇者聯盟3》好多人都睇咗,係時候買吓佢啲產品慢慢回味,不過小心唔好買錯。外國就有呢款老翻復仇者《Revengers》嘅玩具買,認真嚟講係二次創作多啲,因為設計者Jeff Wysaski 專登整成咁,而且啲名好有心思,最重要係大家好鍾意,每隻美金$30但係而家已經賣斷貨。

Read more ›
「熊貓之穴」又出爆笑扭蛋      動物變鞋抽下巴第4彈
by / on 25/04/2018 at 7:33 am

「熊貓之穴」又出爆笑扭蛋 動物變鞋抽下巴第4彈

日本「熊貓之穴」呢個爆笑動物系列「シャクレルプラネット」又有新作嘞,今次嚟到第4彈,全部動物繼續變晒鞋抽下巴,6款動物包括河馬、浣熊、瞪羚、大象、海獺,最估唔到係海龜都有,可愛到癲,好想儲齊一套!5月底推出,鍾意呢個系列嘅記住留意返嘞。 相關資訊好想打機嘅時候請狂撳!日本推出小型手掣扭蛋 (Jun 18, 2018) 日本貓頭套扭蛋 被迫扮「米奇老鼠」超無奈 (Jun 15, 2018)

Read more ›

【羨慕】超正可乘坐《龍貓》貓巴士      小朋友專用
by / on 21/04/2018 at 11:38 am

【羨慕】超正可乘坐《龍貓》貓巴士 小朋友專用

有睇過《龍貓》嘅應該都好想試吓坐貓巴士 (唔係貓車呀!)最近見到日本推出咗呢款人坐嘅貓巴士玩具,可惜只係俾1-4歲嘅小朋友坐,不過就唔係坐喺入面,但已經令人覺得好幸福好羨慕!售34560円,即係2500港幣左右,都唔平喎。 相關資訊日本GU超突出新褲 拉鍊位唔同色勇士專用 (Jun 1, 2018) 有片:小朋友版《變形金剛》變身 跪低變柯柏文 (May 30, 2018)

Read more ›
喵星人變晴天公仔 日本扭蛋超可愛
by / on 17/04/2018 at 7:57 am

喵星人變晴天公仔 日本扭蛋超可愛

又嚟到雨季,日本人好興掛晴天公仔祈求唔好落雨,最近扭蛋品牌EPOCH仲推出咗個喵星人版本!總共有6個款式,有啲係晴天娃娃造型,有啲就變咗一把遮,超可愛,今個月推出,貓奴記住買返幾個傍身嘞。 相關資訊【有片】日本球迷讚有氣度 哥倫比亞球迷恭賀日球迷再幫手執垃圾 (Jun 20, 2018) 日本秋葉原神奇特飲 凍結奇異果屹立不倒 (Jun 20, 2018)

Read more ›
睇手機扮睇書    日本超強電話套扮文青
by / on 17/04/2018 at 7:03 am

睇手機扮睇書 日本超強電話套扮文青

喺地鐵個個都拎住部手機嘅時候,點樣可以突出自己?日本有人設計咗呢款電話套,表面睇係一本書,但其實係電話套,拎佢出街即時文青味出晒嚟,仲要係日系文青!書名大概係話停止用智能手機睇多啲書咁。賣2916円,5月底發售,iPhone 6~8同Xperia XZ1 Compact都有,入嚟有得訂。 相關資訊集英社推出「漫畫版YouTube」 手機程式免費下載 (May 10, 2018) 日本網民掟手機 攝正天花板隙縫超強身手 (May 1, 2018)

Read more ›
喵星人又有新造型 變成一粒糖甜到漏
by / on 15/04/2018 at 11:17 am

喵星人又有新造型 變成一粒糖甜到漏

究竟喵星人仲可以轉幾多個造型?日本扭蛋公司奇譚又出新款,今次竟然係一粒糖!如果喵星人知道嘅話,應該會做出一個唔L係啩嘅表情‥‥‥之後會諗點解我對耳仔大咗咁多呢?BTW,呢款扭蛋總共有6個款式,4月底發售。 相關資訊【相集】日本喵星人超強「躍動感」 行動迅速充滿喜感 (Jun 18, 2018) 【相集】日本怨念喵星人 被困1小時表情超不滿 (Jun 17, 2018)

Read more ›
Felix Ip聯乘余兒 D2 Place講喪屍
by / on 11/04/2018 at 8:45 pm

Felix Ip聯乘余兒 D2 Place講喪屍

喺D2 Place舉行嘅「Toys Collector Market玩具收藏家販售展」,好似好多瓣數咁喎,有甚麼少女玩具專區喇,又有甚麼馬莎x沙生Gundam cosplay喇,又有珍藏玩具展喇,到時玩具原型師太歲又會接受訪問喇……講到訪問,我最Care嘅當然係余兒聯乘Felix Ip嘅「今晚講喪屍」環節,屆時兩人會大談創作喪屍題材之路,撐開《今晚打喪屍》同《香港感染‧旺角站》嘅我,一定會去捧場。 相關資訊Felix Ip勁呀喂!《香港重機》系列出實體Figure! (Jun 15, 2018) Felix Ip《香港重機》 7月書展推出 (May 23, 2018)

Read more ›

日本喵星人攬實玩具唔放 三文魚超像真
by / on 11/04/2018 at 8:11 am

日本喵星人攬實玩具唔放 三文魚超像真

見到呢個玩具超想買呀!日本有網民分享咗佢隻喵嘅瞓覺相,重點係攬住嗰件三文魚!造型超像真,仲引到隻喵攬實唔放,超可愛,睇嚟佢發夢都係食緊魚喎。 相關資訊【新片速報】日本超可愛柴犬仔 矇眼笑影片Twitter熱傳 (Jun 20, 2018) 三上悠亞著日本波衫 晒長腿撐日本隊 (Jun 19, 2018)

Read more ›
日本超搶眼背囊 「公共電話」設計邊行邊講
by / on 11/04/2018 at 8:10 am

日本超搶眼背囊 「公共電話」設計邊行邊講

有無經歷過用公共電話嘅年代?日本有網民設計咗呢個背囊,表面睇係一個公共電話,其實係一個背囊,揹住出街,仲有個電話筒可以拎起扮聽,好認真,唔知有無人想整個香港版呢? 相關資訊日本網上熱傳相片 未來世界其實係澳門景 (Jun 19, 2018) 日本女藝人P圖前後 超強對比Twitter熱傳 (Jun 19, 2018)

Read more ›
【有片】日本Legoland自製櫻花樹 高4米夜晚會發光
by / on 09/04/2018 at 7:53 am

【有片】日本Legoland自製櫻花樹 高4米夜晚會發光

最近好多朋友去日本賞櫻,日本嘅Legoland就諗到整一棵Lego製嘅櫻花樹俾遊客影吓相打吓咭。用咗881,470塊lego砌成,重3333公斤高4.38米,睇片見到製作過程都幾大規模,棵櫻花樹夜晚仲會亮燈,不過同櫻花一樣佢都有觀賞期,去到5月6日就會拆走,想睇嘅記住趁櫻花期去嘞。 相關資訊日本隊聽日出場 18歲大原優乃水著打氣 (Jun 18, 2018) 日本漫畫網吧有隔音個室 網民:「係咪即係平價情侶酒店?」 (Jun 18, 2018)

Read more ›
【有片】日本「あ」(呀)字展覽     觸摸發出不同叫聲
by / on 08/04/2018 at 1:59 pm

【有片】日本「あ」(呀)字展覽 觸摸發出不同叫聲

日本字「あ」係好多人學識嘅第一個日文字,發音係「呀」,最近有日本團隊Team Panai做咗個展覽,入面有呢粒「あ」字可以玩,唔同嘅觸碰方法,粒字會發出唔同嘅「呀」聲,有短促、長嘆等等版本,入嚟有片睇有示範。雖然有啲無聊,但小朋友玩得好開心,唔少大人仲喺Twitter留言問會唔會有女聲版‥‥‥ 相關資訊大阪地震 動漫迷災區震出「本子」 喜好慘被媽媽發現 (Jun 18, 2018) 日本「二足步行貓」粘土重現 超期待實體化 (Jun 18, 2018)

Read more ›