玩具資訊

二次創作《復仇者聯盟》玩具 外國大賣斷貨中
by / on 02/05/2018 at 7:37 am

二次創作《復仇者聯盟》玩具 外國大賣斷貨中

放心唔係劇透,《復仇者聯盟3》好多人都睇咗,係時候買吓佢啲產品慢慢回味,不過小心唔好買錯。外國就有呢款老翻復仇者《Revengers》嘅玩具買,認真嚟講係二次創作多啲,因為設計者Jeff Wysaski 專登整成咁,而且啲名好有心思,最重要係大家好鍾意,每隻美金$30但係而家已經賣斷貨。

Read more ›

「熊貓之穴」又出爆笑扭蛋      動物變鞋抽下巴第4彈
by / on 25/04/2018 at 7:33 am

「熊貓之穴」又出爆笑扭蛋 動物變鞋抽下巴第4彈

日本「熊貓之穴」呢個爆笑動物系列「シャクレルプラネット」又有新作嘞,今次嚟到第4彈,全部動物繼續變晒鞋抽下巴,6款動物包括河馬、浣熊、瞪羚、大象、海獺,最估唔到係海龜都有,可愛到癲,好想儲齊一套!5月底推出,鍾意呢個系列嘅記住留意返嘞。 相關資訊日本喵星人「下巴貼地」睡姿熱傳 一人一張分享圖 (Jul 15, 2018) 【有片】15歲繪畫小神童 專畫動物全部比例記入腦 (Jun 22, 2018)

Read more ›
【羨慕】超正可乘坐《龍貓》貓巴士      小朋友專用
by / on 21/04/2018 at 11:38 am

【羨慕】超正可乘坐《龍貓》貓巴士 小朋友專用

有睇過《龍貓》嘅應該都好想試吓坐貓巴士 (唔係貓車呀!)最近見到日本推出咗呢款人坐嘅貓巴士玩具,可惜只係俾1-4歲嘅小朋友坐,不過就唔係坐喺入面,但已經令人覺得好幸福好羨慕!售34560円,即係2500港幣左右,都唔平喎。 相關資訊【新片速報】日本小朋友都識跳《跳舞街》 80年代懷舊舞Twitter熱傳 (Jul 9, 2018) 《龍貓》30週年推出大量精品 18隻跳舞龍貓有排儲 (Jul 7, 2018)

Read more ›
喵星人變晴天公仔 日本扭蛋超可愛
by / on 17/04/2018 at 7:57 am

喵星人變晴天公仔 日本扭蛋超可愛

又嚟到雨季,日本人好興掛晴天公仔祈求唔好落雨,最近扭蛋品牌EPOCH仲推出咗個喵星人版本!總共有6個款式,有啲係晴天娃娃造型,有啲就變咗一把遮,超可愛,今個月推出,貓奴記住買返幾個傍身嘞。 相關資訊本周Coser 日本「かりん」 (Jul 15, 2018) 支援西日本豪雨受災小朋友 《月刊コロコロコミック》7月號免費任睇 (Jul 15, 2018)

Read more ›
睇手機扮睇書    日本超強電話套扮文青
by / on 17/04/2018 at 7:03 am

睇手機扮睇書 日本超強電話套扮文青

喺地鐵個個都拎住部手機嘅時候,點樣可以突出自己?日本有人設計咗呢款電話套,表面睇係一本書,但其實係電話套,拎佢出街即時文青味出晒嚟,仲要係日系文青!書名大概係話停止用智能手機睇多啲書咁。賣2916円,5月底發售,iPhone 6~8同Xperia XZ1 Compact都有,入嚟有得訂。 相關資訊【有片】超強勁「手機airbag」 德國天才學生發明即將集資 (Jun 29, 2018) 【有片】日本熱傳《黑洞》手機遊戲 玩法似《塊魂》 (Jun 21, 2018)

Read more ›
喵星人又有新造型 變成一粒糖甜到漏
by / on 15/04/2018 at 11:17 am

喵星人又有新造型 變成一粒糖甜到漏

究竟喵星人仲可以轉幾多個造型?日本扭蛋公司奇譚又出新款,今次竟然係一粒糖!如果喵星人知道嘅話,應該會做出一個唔L係啩嘅表情‥‥‥之後會諗點解我對耳仔大咗咁多呢?BTW,呢款扭蛋總共有6個款式,4月底發售。 相關資訊【有片】日本人氣喵星人 「握手會」反應超熱烈 (Jul 13, 2018) 日本阿媽試玩「全景相」 喵星人慘變超長貓巴士 (Jul 6, 2018)

Read more ›

Felix Ip聯乘余兒 D2 Place講喪屍
by / on 11/04/2018 at 8:45 pm

Felix Ip聯乘余兒 D2 Place講喪屍

喺D2 Place舉行嘅「Toys Collector Market玩具收藏家販售展」,好似好多瓣數咁喎,有甚麼少女玩具專區喇,又有甚麼馬莎x沙生Gundam cosplay喇,又有珍藏玩具展喇,到時玩具原型師太歲又會接受訪問喇……講到訪問,我最Care嘅當然係余兒聯乘Felix Ip嘅「今晚講喪屍」環節,屆時兩人會大談創作喪屍題材之路,撐開《今晚打喪屍》同《香港感染‧旺角站》嘅我,一定會去捧場。 相關資訊Felix Ip x 人人搬屋 x Tinbot貨車機械人曝光 (Jul 7, 2018) Felix Ip《香港重機》實體化 聯乘《TinBot》出機械人公仔? (Jun 26, 2018)

Read more ›
日本喵星人攬實玩具唔放 三文魚超像真
by / on 11/04/2018 at 8:11 am

日本喵星人攬實玩具唔放 三文魚超像真

見到呢個玩具超想買呀!日本有網民分享咗佢隻喵嘅瞓覺相,重點係攬住嗰件三文魚!造型超像真,仲引到隻喵攬實唔放,超可愛,睇嚟佢發夢都係食緊魚喎。 相關資訊日本7-11有生啤賣 一杯100円超抵飲 (Jul 15, 2018) 日本《Pokémon》電話線保護套 奇異種子/車厘龜超可愛 (Jul 14, 2018)

Read more ›
日本超搶眼背囊 「公共電話」設計邊行邊講
by / on 11/04/2018 at 8:10 am

日本超搶眼背囊 「公共電話」設計邊行邊講

有無經歷過用公共電話嘅年代?日本有網民設計咗呢個背囊,表面睇係一個公共電話,其實係一個背囊,揹住出街,仲有個電話筒可以拎起扮聽,好認真,唔知有無人想整個香港版呢? 相關資訊媽媽自製超正壽司蛋糕 日本網民放閃相Twitter熱傳 (Jul 14, 2018) 日本溫泉旅館邊浸邊唱K 私家K房最多接待6人 (Jul 14, 2018)

Read more ›
【有片】日本Legoland自製櫻花樹 高4米夜晚會發光
by / on 09/04/2018 at 7:53 am

【有片】日本Legoland自製櫻花樹 高4米夜晚會發光

最近好多朋友去日本賞櫻,日本嘅Legoland就諗到整一棵Lego製嘅櫻花樹俾遊客影吓相打吓咭。用咗881,470塊lego砌成,重3333公斤高4.38米,睇片見到製作過程都幾大規模,棵櫻花樹夜晚仲會亮燈,不過同櫻花一樣佢都有觀賞期,去到5月6日就會拆走,想睇嘅記住趁櫻花期去嘞。 相關資訊【有片】日本狗狗想出街 極速飛奔跳入頸圈 (Jul 14, 2018) 日本超強網民DIY 蟹殼最終形態機械人 (Jul 13, 2018)

Read more ›
【有片】日本「あ」(呀)字展覽     觸摸發出不同叫聲
by / on 08/04/2018 at 1:59 pm

【有片】日本「あ」(呀)字展覽 觸摸發出不同叫聲

日本字「あ」係好多人學識嘅第一個日文字,發音係「呀」,最近有日本團隊Team Panai做咗個展覽,入面有呢粒「あ」字可以玩,唔同嘅觸碰方法,粒字會發出唔同嘅「呀」聲,有短促、長嘆等等版本,入嚟有片睇有示範。雖然有啲無聊,但小朋友玩得好開心,唔少大人仲喺Twitter留言問會唔會有女聲版‥‥‥ 相關資訊【新片速報】日本柴犬3兄弟 輪住舔脷超為食Twitter熱傳 (Jul 13, 2018) 【有片】紙包飲品專用 日本出小型冷凍裝置 (Jul 12, 2018)

Read more ›

【相集】廁紙變Barbie白色禮服    星加坡男士IG大量作品
by / on 04/04/2018 at 8:29 am

【相集】廁紙變Barbie白色禮服 星加坡男士IG大量作品

一張廁紙可以做到啲咩?呢位新加坡男士Jian Yang就用佢嚟做出一件件禮服,不過唔係俾真人著,而係俾Barbie著嘅。佢用旅行時住嘅酒店嘅廁紙做材料,設計出一件件超靚嘅白色禮服,唔止Barbie,仲有好多其他公仔,完成品超靚,入嚟有大量回帶。 相關資訊【相集】IG攝影師超大膽鞋履設計 肉類/壽司著上腳 (Jul 7, 2018) 鏡反射陽光燒燶床 日本網民畫圖分享 (Jul 3, 2018)

Read more ›
異形撻上面 超型面罩連呼吸管
by / on 03/04/2018 at 10:30 pm

異形撻上面 超型面罩連呼吸管

純個人感覺,流晒口水嘅異形完全體唔算最恐怖,講核突,應該係最鍾意吸住人類面頰嘅生長形態,點扯都扯唔甩,之後俾佢直鑽入體內,諗吓都毛管戙。呢個潛水用面罩連呼吸管過癮嘞啩,都未使真正潛水,一撻上面肯肯定成為全場焦點,每個$68.99美金。就嚟夏天,鍾意潛水嘅你諗得過喎。不過,呢件產品,係喺4月1日推出嘅。 相關資訊有片:鐵血戰士揸異形電單車 公路飛馳型爆 (Jun 25, 2018) 呈現異形四個生長狀態 藝術品級數啤酒瓷杯 (Mar 19, 2018)

Read more ›
【兒童不宜】日本曳曳「亀甲縛」兔仔   聯乘Journal Standard出產品
by / on 28/03/2018 at 7:11 am

【兒童不宜】日本曳曳「亀甲縛」兔仔 聯乘Journal Standard出產品

日本嘅設計出名有特色,但係呢隻兔仔點睇都有啲古怪喎。個樣好無辜好純潔,不過個身又縛晒紅繩,睇返資料,原來呢種叫「亀甲縛り」,上網Google吓,嘩!返緊工嘅記住唔好search住。講返呢隻兔仔先,佢叫「亀甲縛りのうさぎ」,而家同時裝品牌Journal Standard合作,推出咗一系列產品,有T恤、電話殼,咦?連煙灰缸同打火機都有,都啱嘅,好明顯呢隻曳兔嘅目標對象就唔係小朋友啦。

Read more ›
日本超可愛扭蛋        6款動物摀眼扮瞓覺
by / on 28/03/2018 at 7:07 am

日本超可愛扭蛋 6款動物摀眼扮瞓覺

又係呢個超可愛嘅日本扭蛋「熊貓之穴」瞓覺系列,嚟到第六彈,依然有唔同種類嘅動物表演瞓覺,今次更加搞笑,每隻動都物都用隻手撳實自己雙眼瞓覺!仲要全部四腳朝天,有水獺、貓、狗、獅子、馬騮同海象,勁得意!4月底發售,鍾意呢個系列嘅朋友記住留意吓嘞。 相關資訊【改圖】搭車瞓覺被惡搞 外國網民高質改圖 (Jul 15, 2018) 【有片】係咪真?日本大叔瞬間變美女 (Jul 12, 2018)

Read more ›