動漫資訊

密集恐懼症者慎看 Mr. Doodle香港搞展覽畫古董的士
by / on 20/11/2017 at 8:00 pm

密集恐懼症者慎看 Mr. Doodle香港搞展覽畫古董的士

Pop Art藝術家Mr. Doodle嘅大作,久唔久就會喺面書碌出嚟,或者密集恐懼症者會好驚,但我個人卻覺得畫得異常靚,係好能夠惹起人嘅衝動,想哄埋去望真佢究竟畫乜。真跡家陣有得睇,Mira Place今年搞咗個「Doo Something This Christmas Mira Place」嘅展覽,阿Mr. Doodle親臨香港,喺一個專登運嚟嘅倫敦古董的士上面塗鴉,圖案一樣有超密集嘅聖誕樹呀、雪人呀、雪花呀等等聖誕元素,打卡又係一流啫。 相關資訊首本寫真推出 日本25歲女的士司機生田佳那 (Nov 6, 2017) 【超型】澳洲清拆大屋變美女圖展覽場 主題有深度 (Aug 2, 2017)

Read more ›

「另類漫畫」專頁出2018年月曆 課金實際支持
by / on 20/11/2017 at 7:00 pm

「另類漫畫」專頁出2018年月曆 課金實際支持

好嘞,支持唔係空口講白話嘅,實際課金先係王道,我好Like嘅面專頁「另類漫畫」出2018年月曆,主題當然係籃球喇。A5 size,每個$120,即日起至12月1日早鳥價開訂一條紅衫魚。我必買當精品儲,支持本地創作,大家未買月曆的話,可以諗諗。 相關資訊Pariz Wong出月曆+年曆卡 大頭靜陪你減肥 (Oct 31, 2017) 廖光祖2018月曆 最後20個每個$160 (Oct 30, 2017)

Read more ›
列車迷必儲 港鐵x熊本熊紀念車票套裝
by / on 20/11/2017 at 5:00 pm

列車迷必儲 港鐵x熊本熊紀念車票套裝

港鐵又推出新精品嘞,最新有MTR X Kumanoto紀念車票套裝,即係熊本熊聯乘港鐵咁囉。套裝有四款,分絢爛篇、繽紛篇、歡欣篇同溫馨篇。最快推出嘅係絢爛篇,11月26日開售,其餘三款依次序一路出到平安夜,叫陪你過聖誕咁囉。每套$150,各包紀念車票、票套同指定熊本熊變身列車各一。另,會推出限量版熊本熊疊疊樂,每個$120。望過吓相,係幾靚嘅,列車迷必儲。 相關資訊【新片速報】熊本熊出trip遊法國馬賽 好守規矩無搞事 (Jul 13, 2017) 【有片】同熊本熊Jam歌不是夢 小樂器撳吓口仔識唱歌 (May 19, 2017)

Read more ›
《古惑仔》出錯? 同一期出兩回〈飛女正傳〉?
by / on 20/11/2017 at 4:36 pm

《古惑仔》出錯? 同一期出兩回〈飛女正傳〉?

一打開今期第2080期《古惑仔》,慣性地先睇連載小說〈飛女正傳〉,故事講到第23回,咦?乜內容咁熟口熟面嘅,樂兒喺天台俾人輪大米吖嘛,好似上星期講過咯喎。之後揭到尾,謎底解開嘞,原來同期出現埋第24回,我仲以為自己咁無記性添。點解同一期會出現兩篇〈飛女正傳〉呢?我估牛佬搞錯咗落錯稿啩?而開頭嘅第23回,原本係諗住登啲乜嘅呢?忽然好想知…… 相關資訊瑞新《火武耀揚》豪華珍藏版 11月22日見街 (Nov 8, 2017) 別矣《古惑仔》Tommy! 促請牛佬交代死因! (Oct 30, 2017)

Read more ›
【理想與現實】迪士尼煙花相崩壞版 日本網民分享失敗作
by / on 20/11/2017 at 7:36 am

【理想與現實】迪士尼煙花相崩壞版 日本網民分享失敗作

香港迪士尼下年1月2日開始就無煙花放嘞,日本方面就繼續放,而且經常有人影煙花相放上Twitter,不過係崩壞版。最新作品有呢款,喺Twitter熱傳緊。樓主話左邊嗰張有米奇嘅相係佢心目中想影到嘅,不過實際完成品就係右邊嗰張,高樓大廈宇宙大爆炸咁款。為咗表明自己嘅攝影技術,佢放咗同一日影嘅其他相,睇得出佢攝影技巧唔錯,不過可能煙花真係太難影‥‥‥之後陸續有網民分享自己嘅失敗作,好壯觀。 相關資訊真正貓仙人!日本白貓最愛曬燈 (Nov 20, 2017) 【有片】北海道錄今季最低氣溫-17.3度 留萌市積雪60cm! (Nov 20, 2017)

Read more ›
日本媽媽刺繡「勇者雷登」機械人咕臣 超有愛Twitter熱傳
by / on 19/11/2017 at 12:37 pm

日本媽媽刺繡「勇者雷登」機械人咕臣 超有愛Twitter熱傳

媽咪嘅影響對小朋友真係好深遠,日本好出名嘅紙機械人製作師「安居智博」最近喺Twitter分享咗呢個咕臣嘅刺繡圖案,原來佢媽咪喺佢好細個嘅時候,就刺繡咗呢個機械人「勇者雷登」嘅咕臣,睇得出佢對囝囝滿滿嘅愛呀!而安居智博由小學開始已經製作紙機械人,有35年經驗,製作數目超過600個。勁在每個紙製品嘅關節都可以活動,被News Week雜誌選為「世界最尊敬嘅100名日本人」,而家佢嘅作品 「カミロボ」喺MoMA Store有得買,入嚟有得回帶睇。 相關資訊日本另類麻雀Twitter熱傳 百潔布/刷膠全部變麻雀 (Nov 20, 2017) 冬天冷衫「去毛粒」秘訣 日本網民分享100円店寶物 (Nov 20, 2017)

Read more ›

日本大阪紀念塔景點 超似動漫「魔鬼塔」
by / on 17/11/2017 at 7:57 am

日本大阪紀念塔景點 超似動漫「魔鬼塔」

呢座位於日本嘅高塔睇落真係好似漫畫或者遊戲入面嘅古怪城堡,入面住咗個惡魔,總之就係好有藝術感。最近有日本媒體去咗探險,其實呢座大平和祈念塔位於大阪富田林市,係宗教團體為咗紀念萬國戰爭犧牲者而喺1970年建成嘅,每朝10點至下午4點免費開放俾公眾入去參觀,去開大阪可以考慮去吓。 相關資訊【新片速報】日本超嗲喵星人又出動 遇天敵「吸塵機」即變靜音 (Nov 20, 2017) 下周推出 日本Lotteria超級牛扒漢堡 (Nov 19, 2017)

Read more ›
日本「雜貨大賞」公佈結果    漫畫傘/宇宙紅茶超強入圍
by / on 17/11/2017 at 7:10 am

日本「雜貨大賞」公佈結果 漫畫傘/宇宙紅茶超強入圍

日本專賣生活雜貨嘅網站Village Vanguard最近搞咗個「雑貨大賞」,全部得獎作品都好正。第一名有我哋之前都介紹過嘅漫畫傘,打開之後即刻好似變咗漫畫入面嘅角色咁,賣4104円。另一款動物公仔都好可愛,有羊、貓同埋熊,特點係洗完之後會變成動物原本嘅顏色,好神奇。之後仲有聲稱有「宇宙之香」嘅罐裝紅茶、扮單車椅上雀糞嘅防盜貼紙,全部都超正,入嚟有得慢慢睇。 相關資訊日日追Deadline 日本話題書名作家格言「護身符」 (Nov 19, 2017) 日本水豚又有溫泉浸 超豪華「蘋果浴」邊食邊浸 (Nov 19, 2017)

Read more ›
劉萬梁x崔成安 出紅酒招紙有舞棍Pose
by / on 15/11/2017 at 1:21 am

劉萬梁x崔成安 出紅酒招紙有舞棍Pose

劉萬梁師傅又有新搞作喇,除推出實牙實齒嘅雙節棍同畫集,最新精品有紅酒。係,你無睇錯我都無寫錯,真係推出紅酒。酒樽本身無乜特別,但正在樽身招紙見到劉師傅型仔舞棍Pose,當然又係出自崔成安手筆喇,用《雙節棍連環圖譜》封面複印而成,好鬼型,預計嚟緊12月推出,價錢未定。我唔多好飲酒,但都好想擁有,當精品儲都正呀喂。 相關資訊崔成安雙節棍連環圖譜Poster 一套四張$200開賣 (Nov 4, 2017) 崔成安雙節棍連環圖譜Postcard 先睹為快 (Nov 1, 2017)

Read more ›
司徒劍僑送Postcard 獨一無二親筆頭像
by / on 14/11/2017 at 10:15 pm

司徒劍僑送Postcard 獨一無二親筆頭像

喺「PLAY香港漫畫巡迴展」即場示範作畫嘅司徒劍僑,話有禮物送畀香港讀者喎。唔多,但絕對係物輕情義重,因為係獨一無二親筆畫呀,佢會送出6張喺展覽期間免費派發嘅Postcard,會喺卡背畫角色頭像,仲喺面書問:「大家喜愛那一位呢?至於何時送出大家密切留意專頁資訊。」俾我揀,女嘅我會揀畫溫柔,男嘅我會揀關七。 相關資訊周少康「畫出彩龍」展覽 送Postcard同畫報 (Oct 26, 2017) 周少康「畫出彩龍」畫展 出Postcard每套$130 (Oct 16, 2017)

Read more ›
Rex Koo《七孔流血》畫展延伸工作坊 DIY放映機
by / on 14/11/2017 at 9:30 pm

Rex Koo《七孔流血》畫展延伸工作坊 DIY放映機

睇咗,我真係睇咗Rex Koo《七孔流血》畫展,啲畫作係幾過癮嘅,睇畫同時有得估埋Rex Koo畫緊邊套港產片,誠孖重娛樂也。如果大家都對展覽裡面嘅Flipbook式放映機有興趣,咁就有必要留意吓呢個「Rex Koo x 手動動畫放映機工作坊」,唔只齋睇與齋聽甚麼鐳射切割齒輪部件咁簡單,係直頭可以落手落腳DIY一部返屋企。參加得工作坊,何可以選擇製作《唐伯虎點秋香》對穿牆一幕,或《旺角卡門》烏蠅中槍一幕,名額10人,報名要快。 相關資訊李健良動漫基地搞《古生命》工作坊 教小朋友畫公仔 (Nov 8, 2017) Rex Koo《七孔流血》畫展 重現港產片經典血腥畫面 (Oct 30, 2017)

Read more ›

睇淡彩靚畫 陳順康《拇指姑娘失蹤探案繪本插畫展》
by / on 14/11/2017 at 8:03 pm

睇淡彩靚畫 陳順康《拇指姑娘失蹤探案繪本插畫展》

或者未必個個死忠港漫迷都超Like呢種色彩淡淡、線條朦朦朧朧嘅畫風,但唔知點解我一睇就愛上了,講緊嘅係陳順康《拇指姑娘失蹤探案繪本插畫展》,改編自安徒生著名童話。插畫展有埋導賞,繪者陳順康同作者Cathy Cow會駐足灣仔動漫基地同大家講解,仲有即場淡彩示範添,我好有興趣,唔知大家點睇。 相關資訊《天使的微笑》展覽移師動漫基地續辦 買畫集做善事 (Sep 8, 2017) 動漫基地Art Jam 八大畫手創作《茂蘿巴屍打聯盟》 (Aug 2, 2017)

Read more ›
新宿東口出現哥斯拉巨頭 識咆哮眼部發藍光
by / on 14/11/2017 at 8:16 am

新宿東口出現哥斯拉巨頭 識咆哮眼部發藍光

話咁快哥斯動畫《GODZILLA 怪獸惑星》仲有幾日就喺日本上畫,最近喺東京嘅JR新宿東口車站就多咗個特別擺設,超巨型嘅哥斯拉頭由今個月13號至19號會擺放喺度,識發出咆哮聲,雙眼仲會射藍光。哥斯拉迷去完記得去埋新宿東寶大樓影埋哥斯拉頭,跟住再去埋Hotel Gracery Shinjuku嘅哥斯拉主題酒店房住返晚,再睇埋套動畫,咁就超完滿嘞! 相關資訊萬物皆可萌 《建築知識》都玩美少女擬人化 (Nov 18, 2017) 日本車站新字體 鴿仔進駐車站Twitter熱傳 (Nov 18, 2017)

Read more ›
有錢就是任性 Cuson作畫「預想馬雲下條預告片」
by / on 13/11/2017 at 7:18 pm

有錢就是任性 Cuson作畫「預想馬雲下條預告片」

有錢就是任性,只要有錢,就可以請得起宇宙最強甄子丹、李連杰、吳京、Tony Jaa等等武打明星,就可以要自己做主角,仲要做最好打嗰個。馬雲《功守道》預告片,我諗大家都睇過,老實,個人認為係拍得幾正嘅,係角色錯配今人頂唔信咁解啫。頂唔順者,算上Cuson一份,佢喺面書作畫一幅,並留言曰:「預想馬雲下條預告片。」但見畫中馬雲單手頂住雷神個槌,背後悟空、超人同一拳超人訓晒喺地,嗯……真係未必無可能喎。 相關資訊【有片】Cuson+CaCa賣廣告 痴漢教你借貸攞iPhone X (Nov 8, 2017) 網圖分享:Cuson的痴漢之日常系列 (Sep 20, 2017)

Read more ›
上官小威復刻《金漫畫》 3+1特別贈品版$98超抵
by / on 13/11/2017 at 3:29 pm

上官小威復刻《金漫畫》 3+1特別贈品版$98超抵

真係好難唔買,因為實在係抵,上官小威復刻《金漫畫》,出3+1特別贈品版,每套$98包《金漫畫》1至3期、特刊一本、滑鼠墊一個、《五兄弟》海報一張、紀念證書一張,限量100套,「123漫畫精品專門店」同「收藏家港漫專區」開訂。上官小威講到明唔會加印,想睇番謝志榮、馮志明同馬榮成成名舊作,真係要搶,亦真係抵搶,我話嘅。 相關資訊日本復刻《Slam Dunk》月曆 20年前產品10月賣街 (Oct 3, 2017) 上官小威復刻《金漫畫》 星級陣容每本$98 (Sep 24, 2017)

Read more ›