動漫資訊

日本可愛人妻自製鬆弛熊蛋糕     崩壞版似拉打
by / on 30/04/2017 at 12:17 pm

日本可愛人妻自製鬆弛熊蛋糕 崩壞版似拉打

日本人妻有時都幾可愛,好似最近有網民返到屋企,就發現左邊呢個崩壞版嘅鬆弛熊蛋糕。事緣佢老婆買咗兩隻味道嘅鬆弛熊蛋糕,為咗同佢分甘同味,就切開兩半開心share,再將兩邊臉還原合二為一。佢見到忍唔住影相放上網,仲話令佢聯想起拉打。網民都忍唔住出圖賀一賀,有人話諗起「アシュラ男爵」,有人話似黑白熊,仲有其他動物,入嚟有得睇。 相關資訊【有片】日本18歲美少女Pro Gamer 打《Street Fighter V》把聲好可愛 (Apr 30, 2017) 【有片】同悟空鬥波 比達藝人「R藤本」試玩《龍珠Z》VR (Apr 30, 2017)

Read more ›

【新片即報】日本遇水即「浮」神奇筆    神隱「千尋」Twitter熱傳
by / on 29/04/2017 at 1:55 pm

【新片即報】日本遇水即「浮」神奇筆 神隱「千尋」Twitter熱傳

之前都有介紹過呢種遇水即「浮」嘅筆,其實即係油性筆啦?上次係火柴人,今次就到「千尋」嘞。呢段片喺Twitter好多人分享,樓主喺白板上寫咗「千尋」兩隻字,之後加少少水,好快一條條黑線就浮起嘞,好得意,仲同千與千尋嘅日文名「千と千尋の神隠し」互相呼應。有人留言讚樓主啲字幾靚,亦有網民發現一開始浮起嘅係「エロ」兩個字,有意思有意思。 相關資訊日本魚子壽司背囊真嘅一樣 仲有三文魚/玉子/蝦背囊 (Apr 30, 2017) 【相集】日本「秋田犬」介紹「秋田縣」 超高質宣傳海報 (Apr 30, 2017)

Read more ›
【有片】《Final Fantasy》 30周年記念活動   東京鐵塔變藍色水晶塔
by / on 29/04/2017 at 1:37 pm

【有片】《Final Fantasy》 30周年記念活動 東京鐵塔變藍色水晶塔

眨吓眼Final Fantasy系列已經推出咗30年,30周年記念咁大件事,Square Enix當然要大肆慶祝。佢哋今次同東京鐵塔合作,噚晚舉行咗「CRYSTAL TOKYO TOWER」亮燈儀式,成座東京鐵塔由紅色變成藍色,呼應返FF3開始嘅水晶塔,FF迷見到應該會好感動,好多網民都喺Twitter分享咗,入嚟有相有片睇。另外由今日至5月7日喺東京鐵塔仲會有「4D Battle Projection」,可以喺2樓嘅大瞭望台睇到配埋東京夜景嘅經典打boss場面,不過有限時段,睇完有明信片送,有興趣嘅記住入嚟睇埋先。最後梗係唔少得買嘢,呢段時間喺東京鐵塔會有期間限定嘅Premium Shop賣精品,買滿2000円仲有個30周年購物袋送,FF迷係時候計劃吓遊返轉東京嘞。   相關資訊還原《Final Fantasy XIV》「ミコッテ」 美國Coser「lyzbrickley」 (Apr 11, 2017) 新片速報 《Final Fantasy XV》新DLC「FFXV EPISODE KENNY」 售價15億円 (Apr 1, 2017)

Read more ›
玉皇朝加價 《新著龍虎門》+《皇朝君臨》下期$20
by / on 29/04/2017 at 9:30 am

玉皇朝加價 《新著龍虎門》+《皇朝君臨》下期$20

黃玉郎喺今期第884期《新著龍虎門》「玉郎信箱」透露:「經詳細分析、慎重考慮後,敲定玉皇朝旗下的《新著龍虎門》及《皇朝君臨》,由下星期開始作溫和調整,象徵式加一元,每本售價二十元正。」都覺得意外架,唔係意外佢加價,而係意外佢居然忍到呢一刻,先同其他港漫睇齊加一個大洋。你問我成壇嘢點睇?繼續睇囉。係,我認我好唔長進,我認我好不滿《新著龍虎門》劇情,唉……蚩尤由戰神變傻仔、石黑龍同王小虎變大茄、王風雷繼續行行企企唔知做乜、出埋晒啲獵神者遲早變《龍珠》、陳傲雲又狗唔搭八出場……但,我實在過唔到無《新著龍虎門》睇嘅禮拜五,呢一蚊,我實豪畀佢。 相關資訊《火武耀揚》加價至$20 汗青究竟幾多歲Die? (Jan 26, 2017) 《皇朝君臨》賀歲孖寶裝 送跨頁海報 (Jan 16, 2017)

Read more ›
支持本地創作 《Comic O》第二期5月3日首賣
by / on 28/04/2017 at 9:59 pm

支持本地創作 《Comic O》第二期5月3日首賣

難得香港仲有班熱血有心人肯出書,作為港漫迷嘅你我他好應份支持,講緊嘅係《Comic O》第二期,鐵定喺「香港原創同人誌即賣會2.5」首賣,望吓封面堆人名,一書可以睇晒白水、Felix Ip、周小某、肥佬W號等15個畫手嘅畫作,斷估總有一個古仔啱睇啩?覺得好睇又之前無買嘅,順便撐埋創號刊喇喂。 相關資訊《Comic O》押後推出第二期 先出第三期公開招稿 (Apr 4, 2017) 香港原創同人誌即賣會 撐《Comic O》一書18個故事 (Sep 30, 2016)

Read more ›
日本「魔法棒」廚房必備 烹調出魔法料理
by / on 28/04/2017 at 7:45 am

日本「魔法棒」廚房必備 烹調出魔法料理

日本動漫迷真係多嘢玩,表面睇呢兩支係魔法棒,其實佢哋係廚房必備嘅調味孖寶。一支鹽一支黑椒啱啱好,可以烹調出魔法料理,樂天市場有得買,1100円一對,唔算貴喎。 相關資訊【有片】日本畫師水溶性作品 《Nier》2B淋濕變半裸 (Apr 30, 2017) 【有片】日本J2球員冇品 推撞球童即紅牌 (Apr 29, 2017)

Read more ›

《山海逆戰》超級Fans Edward Yu!創作神級異獸虎蛟泥塑!
by / on 27/04/2017 at 10:19 pm

《山海逆戰》超級Fans Edward Yu!創作神級異獸虎蛟泥塑!

堪稱強到一個點!有《山海逆戰》讀者Edward Yu君,因為太鍾意異獸虎蛟,居然用精雕油泥捏出一隻虎蛟,用色之栩栩如生、形體之氣勢磅礡,頭角鱗片之精雕細琢,直達神之級數,令人嘆為觀止。佢喺自己面書Post咗創作過程,如何由一舊泥開始變出成品,大家可以慢慢逐格睇。話時話,既然創作得出虎蛟,不如整埋狸力?耳鼠都好Cute啫,逐隻異獸慢慢捏,我諗邱福龍會好開心,捏夠一定數量話唔定可以開展覽添呀,噓,諗吓都興奮。 相關資訊福龍撐神木真一《關。海。山》 親筆畫加持畫異獸蝠㡣 (Apr 12, 2017) 今期必買 《香港電影金像獎特刊》+《我們都是這樣看港漫長大的》 (Apr 11, 2017)

Read more ›
漫畫版《今晚打喪屍》出海報 有身無頭係邊個?
by / on 27/04/2017 at 9:34 pm

漫畫版《今晚打喪屍》出海報 有身無頭係邊個?

張繼聰、白只、顏卓靈等主演嘅電演版《今晚打喪屍》之前出咗海報,啱睇嘛?依家輪到Felix Ip繪畫嘅漫畫版《今晚打喪屍》出Teaser海報,依然用紅色做主調色,搞鬼在海報中人只見身不過頭,余兒喺面書話:「Teaser海報系列共4款,每款不同人物,雖然見唔到樣,但有睇小說一定估到佢係邊個!」你又估唔估到呢? 相關資訊有片:正呀喂!《今晚打喪屍》電影預告喪嗌主角名! (Apr 12, 2017) Felix Ip《香港感染‧旺角站》 4月8日搞簽名會 (Apr 7, 2017)

Read more ›
中國KFC推出「皮卡丘」套餐      比卡超玩具識叫識著燈
by / on 27/04/2017 at 7:54 am

中國KFC推出「皮卡丘」套餐 比卡超玩具識叫識著燈

其實見到皮卡丘個名都係唔慣,最近中國KFC同比卡超合作,推出咗呢個「Pika Pika!春游去」嘅活動,買「皮卡丘套餐」送限量玩具,比卡超識著燈識叫識郁,後面隻瞓緊覺嘅比卡超仲幾可愛添。好多網民買完放咗上網分享,睇片聽到比卡超不停叫Pika Pika,我就幻想好多隻比卡超一齊喺中國KFC入面叫,再加埋嘈吵嘅人聲,應該好震憾! 相關資訊龍貓/比卡超/史諾比/加菲貓 突入梵高畫世界 (Apr 26, 2017) 【有片】鐵漢柔情 巨石強森扮比卡超摶囡囡歡心 (Apr 18, 2017)

Read more ›
日本網民出片出圖狂賀    《星之卡比》25週年紀念
by / on 27/04/2017 at 7:54 am

日本網民出片出圖狂賀 《星之卡比》25週年紀念

今日係《星之卡比》25周年生誕祭,除咗好多人分享嘅《星之卡比》士多啤梨玻璃杯之外,好多日本網民都出圖賀一賀,有圖有片勁熱鬧,好多仲係親手繪製,好有心思。入嚟有得慢慢睇! 相關資訊《星之卡比》X YUMMY MART 超可愛家居服/內衣 (Apr 19, 2017) 融入背景 日本網民影「星之卡比」賞櫻圖 (Apr 4, 2017)

Read more ›
網圖分享:《暗黑指紋》多人撐 未出書睇住賀圖先
by / on 26/04/2017 at 10:45 pm

網圖分享:《暗黑指紋》多人撐 未出書睇住賀圖先

我諗無九個月都有半年,久唔久我就會Click入「暗黑指紋」面書專頁望望,不過當真望到頸都長,甚麼「Bullshit!」、「英雄是從蛋散開始煉成的」已經睇到入晒腦,但本書都仲未出街,張君豪兄,究竟幾時有得睇《暗黑指紋》呀?Fine,未有書睇,惟有睇住各大中小熱愛漫畫朋友嘅賀畫先喇,好多都高水準,值得一望,Save as wallpaper都唔差。

Read more ›

崔成安x劉萬梁 密切期待《雙節棍連環圖譜》
by / on 25/04/2017 at 10:45 pm

崔成安x劉萬梁 密切期待《雙節棍連環圖譜》

唔多,齋睇封面啫,我已經決定捧崔成安《雙節棍連環圖譜》場,原因有二,一,崔成安畫功精湛到一個點,畫乜都咁靚,佢出書點可以唔儲?二,叫得圖譜當然要有人示範,而示範者正是靚仔到叮一聲嘅劉萬梁師傅,劉師傅唔係得個殼,靚仔就梗,功夫亦係實牙實齒揮灑自如嗰隻,唔信可以去YouTube搵佢啲短片睇睇。一個示範,一個畫,誠完美組合也,真心Mode拭目以待。 相關資訊崔成安《龍的傳奇紀念水晶巨型畫板》開訂 一套三款$780 (Apr 5, 2017) 崔成安超巨型海報先睹為快 時鐘變畫框超正 (Feb 5, 2017)

Read more ›
跟進:白水眾籌《嘔電傳真機》 轉賬可以直接科水亦得
by / on 25/04/2017 at 9:04 pm

跟進:白水眾籌《嘔電傳真機》 轉賬可以直接科水亦得

跟進──之前講過話白水打算集資眾籌出《嘔電傳真機》,依家有進一步資料嘞,目標係600之眾,每位盛惠$98。眾籌方法有三,一,透過眾籌網站科水;二,直接轉賬入戶口;三,最原始方法,約出嚟直接畀錢白水,係,Exactly講個信字,有心支持本地創作嘅,呢一舊水唔好慳,衰啲講句,輸場利物浦對水晶宮都喺番度喇。白水,加油呀。 相關資訊課金唔該!白水決定眾籌出《嘔電傳真機》! (Apr 23, 2017) 《P72七十二行》展覽上網有得睇 18張畫作晒冷 (Jan 19, 2017)

Read more ›
網圖分享:港漫人贈畫 鼓勵雷特氏症小朋友(三)
by / on 24/04/2017 at 10:50 pm

網圖分享:港漫人贈畫 鼓勵雷特氏症小朋友(三)

嚟到四月尾,贈畫鼓勵雷特氏症小朋友嘅港漫人未停過,梁偉家有份畫,剛奪第三十六屆香港金像獎專業精神獎嘅阮大勇都有份畫,連一向忙到甩轆嘅邱福龍都不吝時間,賜畫一幅,齊齊支持「愛不罕見」呢個咁有意義嘅活動。Fine,睇靚畫之餘,本網站亦祝患病小朋友早日康復喇。 相關資訊網圖分享:港漫人出圖 賀阮大勇奪專業精神獎 (Apr 10, 2017) 網圖分享:永遠懷念哥哥 (Apr 3, 2017)

Read more ›
喂牛佬!《古惑仔》印歪咗喎!
by / on 24/04/2017 at 9:56 pm

喂牛佬!《古惑仔》印歪咗喎!

雖然我係天字第一號Fans,但今次都要詐詐牛佬型,初頭睇都唔覺嘅,正正喺翻煲第二次今期第2020期《古惑仔》嗰陣,我發現原來成本書都印歪咗,若細心留意每一頁嘅上下的話,就會發覺所有線都唔平衡,有必要同印刷方面反映吓喇。另外,唏,講開唔爭在講埋,《古惑仔》不嬲都畫得好大格,都睇到慣晒,但今期第三十一頁實在大格得過份,喂,李成克雙腳俾二呎四割傷啫,使唔使畫三分二頁咁大呀?我的偶像牛佬,畫番細格啲好喎。 相關資訊《古惑仔》哀傷一期!別矣世飛!別矣趙縈! (Feb 16, 2017) 賀《古惑仔》2000期送海報 悲徐世飛之死 (Feb 14, 2017)

Read more ›