動漫資訊

【圖集】日本超靚風景相似海報 網民出手改圖
by / on 27/05/2018 at 2:40 pm

【圖集】日本超靚風景相似海報 網民出手改圖

日本人氣攝影師けーすけ出名影風景相好靚,最近佢喺岐阜縣嘅溪流影咗張靚相,環境靚到似仙境一樣,仲引嚟網民忍唔住幫佢加字變電影/遊戲海報,有人話似《聖劍傳說2》,有人話似《Final Fantasy》,入嚟有回帶,仲精選咗佢其他超靚嘅日本風景相。 相關資訊木村拓哉15歲囡囡曝光 超強基因登日版《ELLE》封面 (May 28, 2018) 日本超為食喵星人斷正 偷食炸雞太大嚿吞唔落 (May 28, 2018)

Read more ›

超可愛《死侍》多士爐USB    彈出彈入手痕專用
by / on 26/05/2018 at 1:43 pm

超可愛《死侍》多士爐USB 彈出彈入手痕專用

睇完《死侍2》有無鍾意咗深情得嚟又麻鬼煩嘅主角?睇見呢款產品就有啲想買,表面睇係一個多士爐,其實係一隻USB手指,記憶體嘅正面就係印咗DEADPOOL字樣嘅多士,最正係可以撳出撳入,手痕攞嚟玩啱晒。由台灣品牌出品,香港都可以訂,16GB價錢HK$244,買嚟做擺設都開心。 相關資訊【有片】死侍日本四圍玩 渋谷搵復仇者挑機 (May 24, 2018) 【有片】超可愛雀仔短片 一齊轉超搞笑Twitter熱傳 (May 19, 2018)

Read more ›
【圖集】日本超強爹哋 用囡囡畫作設計便當
by / on 25/05/2018 at 7:56 am

【圖集】日本超強爹哋 用囡囡畫作設計便當

之前都有外國爹哋幫仔仔嘅畫作加兩筆變神作,今次日本呢位爹哋都超強,用囡囡嘅畫作做便當嘅設計藍圖,全部都好正好可愛,除咗呢啲小朋友畫作系列之外,佢都會自己設計不同嘅小朋友便當,超高質,入嚟有回帶。 相關資訊日本新款車牌有特色圖案 熊本熊/富士山現身車牌 (May 28, 2018) 【新片速報】日本超曳喵星人 紙箱突圍而出嚇親人 (May 28, 2018)

Read more ›
日本網民神級地毯畫 《龍珠》阿樂被爆死
by / on 25/05/2018 at 7:36 am

日本網民神級地毯畫 《龍珠》阿樂被爆死

阿樂近年好有人氣,就算過咗咁多年,被培植人爆死一幕都仍然被大家懷念,官方同uno髮型產品都玩,連好鍾意畫地毯畫嘅呢位Twitter名人都玩埋一份。最近作品有呢幅,好有立體感,離遠都感受到佢被爆死有幾悲慘。 相關資訊【連環圖】日本喵星人瞓覺3式 先側睡後仰睡 (May 27, 2018) 【有片】日本網民睇天氣 睇埋21歲山崎あみ對腳 (May 27, 2018)

Read more ›
梁瑋豪自製模型情景 藍老虎頭+高達身+太空坦克臂
by / on 24/05/2018 at 6:42 pm

梁瑋豪自製模型情景 藍老虎頭+高達身+太空坦克臂

無聊瀏覽梁瑋豪面書,從留言間得悉佢整咗隻獨一無二嘅高達模型……不過,其實仲算唔算係高達呢?皆因模型藍老虎頭,半雷射大砲半高達身,有一條臂胳屬於太空坦克,兼抵死在手執嘅唔係激光劍,而係小雲成日篤住周圍行嘅米田共,加埋後面充滿科幻感嘅地台情景,成品真係好正。有Fans問佢整咗幾耐,佢答:「半生。」並透露已將之還原,厲害。 相關資訊林祥焜x西九龍中心 出Goodgirl Toy Bus巴士模型 (May 14, 2018) 【有片】日本超強中學生作品 自製紙模型《裝甲騎兵》 (Apr 10, 2018)

Read more ›
格子夏日動物市集 買精品+睇原稿
by / on 23/05/2018 at 10:30 pm

格子夏日動物市集 買精品+睇原稿

天氣咁熱,不如行吓工廈市集喇,「格子夏日動物市集」有精品賣,有親筆原稿睇,有嘢食,最重要係有水吹。駐場插畫家有Yoda Factory、林競開、阿柱@OIC親子丼、鵝王Cliffy、肥佬、大Y、小Y、[email protected]賞味期限、熊貓日和等等。個人幾Like林競開嘅籃球主題襟針同貼紙,籃球人豎起中指嗰張貼紙,感覺好招積,又好得意。 相關資訊行「暖暖漫展。冬日市集」買2018月曆 (Nov 28, 2017) 網圖分享:港漫人贈畫 鼓勵雷特氏症小朋友(三) (Apr 24, 2017)

Read more ›

Felix Ip《香港重機》 7月書展推出
by / on 23/05/2018 at 10:00 pm

Felix Ip《香港重機》 7月書展推出

仲記唔記得之前介紹過Felix Ip充滿香港元素嘅可變形機械人系列畫作?家陣又好消息,就係畫作將會輯錄成畫集《香港重機》,喺嚟緊7月推出。正喇喂,隔住Mon得個齋聞同拎上手睇完全係兩回事,逐頁揭逐頁慢慢欣賞先係王道嘛。建議Felix Ip將畫集出得大Size啲,賣貴啲都唔係問題,我話嘅。 相關資訊如果《火鳳燎原》出廁紙 你撐唔撐? (May 18, 2018) 余兒完全版《那年五月他和她遇上了》 書展見街 (Apr 17, 2018)

Read more ›
牛佬《金蒙空》唔出實體書 科月費$65有得睇
by / on 23/05/2018 at 9:45 pm

牛佬《金蒙空》唔出實體書 科月費$65有得睇

有啲失望,又有啲心郁,講咗唔知幾多年嘅《金蒙空》,牛佬終於決定推出,但可惜嘅係並非推出拎得上手翻煲又翻煲嘅實體書,而係網上連載。畀月費$65,就可以「欣賞到由牛佬及倫裕國之獨家日刊連載,外加五套全新週刊式漫畫及30套完整漫畫」,日刊,即係每日更新添。老實講,價錢一啲都唔貴,想睇就肯肯定百分百想睇架嘞,但一諗到要篤住個Mon放大縮細打橫打掂睇,我始終唔慣,所以依家個心仲十五十六中……唔知大家又點睇? 相關資訊《古惑仔》佐維談公道 牛佬談世道 (May 3, 2018) 牛佬搞Gag有啖笑 金正恩+馬雲突入《古惑仔》 (Apr 24, 2018)

Read more ›
文化傳信微電影創作大賽 《可愛惡主》奪金獎
by / on 23/05/2018 at 3:00 pm

文化傳信微電影創作大賽 《可愛惡主》奪金獎

「文化傳信微電影創作大賽」已經塵埃落定,金獎由以《可惡教主》為藍本嘅《可愛惡主》奪得,導演呂珮琳、梁慧賢。之前,我睇晒所有參賽短片,雖然金獎得主唔係我心水,但都算實至名歸。迄今港漫尚係一潭死水,多啲漫畫公司搞呢類周邊搞作,絕對係好事,恭喜晒。 相關資訊文化傳信《微電影創作比賽》 入圍作品出爐 (Mar 30, 2018) 文化傳信搞微電影創作比賽 五部漫畫做藍本 (Nov 24, 2017)

Read more ›
《山海逆戰》一書一立體海報$68 家陣開訂
by / on 22/05/2018 at 7:00 pm

《山海逆戰》一書一立體海報$68 家陣開訂

嚟緊第80期《山海逆戰》要留意,因為有特別版推出,一書一立體海報套裝盛惠$68,有A同B兩款選擇,各限量200本。海報有3D效果,構圖係大大個蚩尤,靚到啪啪聲之作,值得捧福龍場。 相關資訊邱福龍元祖版《鐵將縱橫》6月出版 (May 16, 2018) 福龍出席Toys Collector Market玩具收藏家販售展 談玩具經 (Apr 18, 2018)

Read more ›
網圖分享:白冰的超萌Q版Super Heros
by / on 22/05/2018 at 5:30 pm

網圖分享:白冰的超萌Q版Super Heros

唔係第一次分享白冰嘅插畫,今次佢又獻新猷,畫N咁多個超級英雄,畫風繼續玩Q版化,暫時只畫咗黑寡婦、蜘蛛俠、鐵甲奇俠、雷神、美國隊長、Thanos等人。講番先,未齊人嘅,事關佢喺面書登埋張草稿圖,再畫落去應該會有一幅大堆頭群角圖,熱切期待。白冰,千其唔好中途放棄呀,睇好你呀,掌聲鼓勵。 相關資訊《古惑仔》送Q版迷你揮春 (Feb 8, 2018) 網圖分享:白冰的Q版港漫角色 (Oct 12, 2017)

Read more ›

「獅子山羊」出Tee 出齊十二星座
by / on 22/05/2018 at 4:32 pm

「獅子山羊」出Tee 出齊十二星座

由阿傑多同葉明發扯頭纜嘅「獅子山羊」又有新點子,今次係出Tee,黑底,前幅有大大幅靚畫,後面有個小Logo,雖然講明「coming soon」,暫時只睇到嘅係相而非實物,但整體感覺係型嘅,絕對著得出街唔會嬲嗰隻。阿傑多透露如果搞得成,會出齊十二星座,一套十二件,又係值得珍藏喎,不過唔知賣幾錢呢? 相關資訊阿傑多送小海報 推介面書專頁「獅子山羊」 (May 16, 2018) 面書專頁「獅子山羊」頭砲 阿傑多x葉明發開漫畫班 (May 2, 2018)

Read more ›
《古惑仔》巨星之戰競猜遊戲 估洪興同三聯五比五平手收場
by / on 21/05/2018 at 10:30 pm

《古惑仔》巨星之戰競猜遊戲 估洪興同三聯五比五平手收場

《古惑仔》三聯對洪興嘅巨星之戰正式開打,男一陳浩南戰牛姑,一開波牛姑就處於劣勢。為煲大呢壇大戰,牛佬搞咗個「巨星之戰競猜遊戲」,邊個估中十場對戰勝出者,即送「得奬者本人與陳浩南一起的彩畫一張」,獨一無二親筆畫,正呀喂,截止日期5月27日午夜12時正。我呢,就咁估,頭場陳浩南險勝、第二場李成克慘勝、第三場何小海勝迪文死、第四場甘尚武大勝、第五場北正恩使詐勝、第六場加藤二勝小馬死、第七場郭秀青勝、第八場立花正仁勝天川秀死、第九場佐維極速勝、第十場大梵完勝亞披勒死,結果係五比五打成平手,廃後輪到金尊貴出場執死雞,唔知估唔估得中呢? 相關資訊《古惑仔》新專欄「百戰話當年」 當海報儲 (May 7, 2018) 《古惑仔》標錯名 迪文/世傑調亂咗 (Apr 20, 2018)

Read more ›
有片:韓國電視版《街頭霸王》 印度佬變和尚/蘇聯佬變肥仔
by / on 21/05/2018 at 10:00 pm

有片:韓國電視版《街頭霸王》 印度佬變和尚/蘇聯佬變肥仔

呢條舊片畫質係差咗啲,但無阻我由頭睇到尾嘅興致,皆因此乃韓國真人電視版《街頭霸王》也,搞笑程度達十粒星。成條片都係角色們因應招式走出嚟嗌兩嘢、紮個馬、踢吓腳、推吓手、轉吓圈、打個觔斗咁,即係角色簡介囉。至於造型咯喎,春麗應該尚算OK標緻嘅,Ryu都應該幾靚仔……但Ken個假髮實在太假,亦唔知點解印度佬會變咗少林和尚,軍佬又太過肉騰騰,蘇聯佬變咗肥仔腹肌六合一……總之就唔多掂,純粹有啖笑咁喇。 相關資訊【有片】韓國直播遊戲Super Bunny Man 爆笑死法網上熱傳 (Mar 23, 2018) 韓國Starbucks推出狗狗cupcake 兩款味道超可愛 (Feb 21, 2018)

Read more ›
文嘉宏《退魔傳》第二輯 5月23日見街
by / on 21/05/2018 at 9:30 pm

文嘉宏《退魔傳》第二輯 5月23日見街

文嘉宏《退魔傳》,出過實體書,無記錯的話我肯肯定有課金捧場,但年代實在太久遠了,故事講乜已經唔記得。Anyway,新一輯《退魔傳》鐵定5月23日重啟,喺文嘉宏面書裡面連載,大家記得多多支持,畀個Like呀。 相關資訊網圖分享:港漫人贈畫 鼓勵雷特氏症小朋友 (Mar 8, 2017) 一虎x白狼x小羽x遨雪x悟空x八戒x唐三藏x沙悟淨 文嘉宏送心意卡 (Feb 8, 2017)

Read more ›