動漫資訊

Kent Chu做到嘢 非Dark Club會員都攞到貼紙
by / on 21/09/2017 at 9:00 am

Kent Chu做到嘢 非Dark Club會員都攞到貼紙

做到嘢呀!事關之前報導過嘅《山海逆戰》期數貼紙一事,依家證實就算非Dark Club會員一樣有份,只要手持《山海逆戰》第39期去「至Goal Club」或「收藏家港賣專區」,一經出示即可免費索取,印數有限呀,想攞就快。喺度,容我替讀者向Kent Chu講聲:「多謝!」拍掌唔該! 相關資訊很想要吧 Kent Chu復刻超迷你版《金報》同《生報》 (Sep 12, 2017) 馮志明N呎長《刀劍江湖上海圖》曝光! (Aug 6, 2017)

Read more ›

鄭健和開面書 你哋Add咗未?
by / on 20/09/2017 at 3:00 pm

鄭健和開面書 你哋Add咗未?

嘩,和仔大人開面書呀,你哋Add咗佢未呀?行不改名,坐不改姓,名字就正正用番「鄭健和」三個大字。新開張,裡面除咗大頭貼照之外,暫時係乜都無嘅,莫講話相,連圖畫都無張。咁大家究竟想睇啲乜呢?我呢,就希望除咗《西遊》同《封神紀》等大路宣傳圖外,可以有多啲和仔大人嘅生活照片,好希望佢可以好似福龍咁,多啲分享生活趣事,多啲同讀者互動,咁就Very good嘞。 相關資訊港漫均一價$20 《西遊》113期開始加$1 (Aug 4, 2017) 網圖分享:Cuson親筆畫相贈 讀者感動喊出嚟 (Jul 25, 2017)

Read more ›
周少康《畫出彩龍》畫展 非一般的李小龍
by / on 20/09/2017 at 11:00 am

周少康《畫出彩龍》畫展 非一般的李小龍

一向有追看周少康面書,一向佩服佢畫嘅李小龍,畫風好獨樹一幟,一望就認得係佢手筆。算唔算Q版呢?有少少似;似顏繪?又唔完全係;絕對寫實風格?更加唔係喇,我唔知點形容,但肯定嘅係,李小龍嘅神髓,佢捉得好好。隔住個Mon又點及睇原畫過癮,嚟緊11月佢會開「畫出彩龍」畫展,我好有興趣,唔知大家又點睇? 相關資訊有片:李小龍Figure+Lego人仔+高達模型 Stop-motion動作片 (Aug 8, 2017) 周少康出「畫出彩龍」Tee 黑白二色每件$180 (Apr 11, 2017)

Read more ›
網圖分享:Cuson的痴漢之日常系列
by / on 20/09/2017 at 10:00 am

網圖分享:Cuson的痴漢之日常系列

Cuson啲畫係好過癮嘅,最新有痴漢之日常系列。Chikan有無樣睇呢?至少喺Cuson身上,我哋會發現以下數個特徵──見到靚女會面紅、成日耷低頭扮Loop手機其實鬼祟眼中、對短裙熱褲長腿女生尤其喜愛、無論身處乜環境Including餐廳、巴士、天橋、書局,都唔會放過任何一個女仔嘅嘅機會……以上特徵,唔知大家又中咗幾多瓣呢?另,我仲有一個問題,如果怪叔叔真係咁樣樣,Miss CaCa又唔知嬲唔嬲呢? 相關資訊網圖分享:港漫人出圖望颱風快快走 (Aug 28, 2017) 書展必搶《七十二行》實體書 (Jul 9, 2017)

Read more ›
張君豪義務設計角色 幫社企宣傳抵讚
by / on 20/09/2017 at 9:00 am

張君豪義務設計角色 幫社企宣傳抵讚

好鍾意張君豪呢句Slogan──「英雄是從蛋散開始煉成的」,好喇,家陣「蛋散集結」未出,英雄尚未出現,做個善心人先喇。話說佢義務為社企明途聯繫有限公司設計咗六個粉餅人物,分別係阿朱、阿水、阿糖、阿粉、阿蛋同油油,有機會幫社企即將推出嘅曲奇餅宣傳,佢仲喺面書話:「能用自己雙手畫的畫去幫人是很開心的。」啱聽,係愛呀,如果香港多啲呢類善心人,個社會就無咁亂咯。張君豪兄,支持你,加油。 相關資訊《暗黑指紋》加入第五指 師太畫熊系基佬 (Sep 4, 2017) 蛋散襟章出籠 一套十個$88抵撐 (Aug 10, 2017)

Read more ›
復刻停不了 上官小威復刻《金漫畫》
by / on 19/09/2017 at 10:15 pm

復刻停不了 上官小威復刻《金漫畫》

復刻停不了,上官小威又打算將1976年《金漫畫》復刻,內包馬榮成《五兄弟》、《馬仔世界》同《經典漫畫》、馮志明《擂台振家聲》、謝志榮《記者中》等作品,Total十幾期內容。利申,我未睇過《金漫畫》,對呢堆作品毫無印象,談不上好惡,但都好有興趣睇吓。 相關資訊上官小威添食 復刻馬榮成《小鐵漢》與《風雲徙置區》 (Sep 7, 2017) 如果上官小威復刻《南拳北腿》 你撐唔撐? (Aug 9, 2017)

Read more ›

《山海逆戰》搞Gag? 伯益係首個用髮泥嘅人?
by / on 19/09/2017 at 9:45 pm

《山海逆戰》搞Gag? 伯益係首個用髮泥嘅人?

第一次睇唔覺,今日發睇先發覺呢個笑位,講緊嘅係第42期《山海逆戰》第28頁,話說伯益跌唔死諗住投靠易商貪龍,驚返老還童對方唔認得自己容貌,所以用地下啲泥Jel番招牌「山」字髮型,並有旁白說明曰:「伯益除了是首個吃異獸的人,也是第一個採用髮泥的先驅。」Wow,福龍真Funny,學人搞Gag添喎,或者我笑點低,我真笑咗。 相關資訊邱福龍《鐵將縱橫完全版封面畫集》 唔買係你損失 (Aug 23, 2017) 跟進:自嘲窮鬼+鹹濕鬼+爛賭鬼 福龍唔係撞鬼 (Aug 15, 2017)

Read more ›
做善事買老夫子月餅 你買一盒即捐一盒畀有需要人士
by / on 19/09/2017 at 9:30 pm

做善事買老夫子月餅 你買一盒即捐一盒畀有需要人士

買月餅做善事,唔知大家有無興趣呢?依家買一盒老夫子特色紀念版月餅,有關方面就會送一盒畀有需要人士。另外,如果身份證號碼有「55」相連數字或1963年出生人士,都有機會免費獲得月餅一盒。都係嗰句,個盒咁靚,我好想要,唔知有無人送畀我呢? 相關資訊老夫子月餅靚到唔捨得食 超精緻餅盒值得儲 (Sep 5, 2017) Minions迷應節必備 必儲《迷你兵團》月餅──盒 (Aug 29, 2016)

Read more ›
《小鐵漢》+《風雲徙置區》9月20日獨家開訂
by / on 18/09/2017 at 9:39 pm

《小鐵漢》+《風雲徙置區》9月20日獨家開訂

個零禮拜報導過話上官小威將會復刻馬榮成《小鐵漢》與《風雲徙置區》,依家進一步消息嘞,9月20日正式喺「收藏家港漫專區」獨家開訂。留意番,兩書除普通版外仲有尊貴限量版,限量呀,即係要搶,有買趁手啦老友。 相關資訊《天下》Fans又要破財 聶風雕像不日推出 (Sep 12, 2017) 馬榮成籌備珍藏級風雲雕塑!究竟賣唔賣? (Aug 25, 2017)

Read more ›
李健良買十本《天使的微笑》畫集 做善事免費送書
by / on 18/09/2017 at 9:28 pm

李健良買十本《天使的微笑》畫集 做善事免費送書

人好,心地好,畫公仔好,係我對李健良嘅印象。擒日參觀《天使的微笑》畫展偶遇佢,有幸地佢認得我呢個小小讀者,熱情地打招呼兼握手,感覺好Warm,佢走之後,我聽到工作人員話:「李健良頭先一口氣要咗十本畫集。」嗰時心諗,買咁多畫集做乜?後瀏覽面書,明晒,原來佢話佢「準備」咗十本《天使的微笑》慈善畫集,簽完名打算免費送畀人,呼籲大家踴躍捐款,叫想要畫集嘅讀者PM佢云云。「準備」?但斷估即係自掏腰包真金白銀買喇,係,畫集不過每本$150,十本亦不過$1500,唔係甚麼大數目,但呢份熱心,呢份真關懷,看在眼裡確實有少少感動。 相關資訊《天使的微笑》展覽移師動漫基地續辦 買畫集做善事 (Sep 8, 2017) 睇李健良展覽 免費教小朋友畫恐龍 (Aug 3, 2017)

Read more ›
《山海逆戰》印錯期數 Kent Chu送免費貼紙彌補缺陷
by / on 18/09/2017 at 9:07 pm

《山海逆戰》印錯期數 Kent Chu送免費貼紙彌補缺陷

仲記唔記得福龍俾《山海逆戰》印錯期數一事激到生蛇?老實錯期數,我就覺得好小事,當錯體囉,十年八載後談港漫經,此亦一話題也。不過,Kent Chu就唔係咁講,佢印製咗一批「第39期」貼紙,Fit番位,可以貼番住原本出錯嘅期數,彌補缺陷。可惜吖,雖屬免費,但此乃Dark Club會員專享,其他讀者無份。Anyway,肯咁出心出力,我哋好應該畀啲掌聲Kent Chu;同埋,If,可以公開售賣的話,我諗其他非會員會更加開心。 相關資訊《山海逆戰》超級Fans Edward Yu!添食創作異獸狸力泥塑! (Aug 9, 2017) 【正到極限】日本出「魔法陣」貼紙 夜光亂貼滿足中二病 (Aug 2, 2017)

Read more ›

《雙節棍連環圖譜》新書簽名會 買書抽獎送崔成安原稿
by / on 18/09/2017 at 3:52 pm

《雙節棍連環圖譜》新書簽名會 買書抽獎送崔成安原稿

訂咗崔成安聯乘劉萬梁本大作《雙節棍連環圖譜》未?未訂的話,可以喺10月1日親臨新書發佈會買書,屆時兩人會駐場,影相簽名甚至叫劉師傅耍番兩招都問題。記住嘞,已訂書嘅,到場可以領書,未買書嘅,可以即買,另有特別會場版雙節棍、珍藏版木雙節棍、崔成安李小龍水晶畫版同Poster發售。最最最最最重要係,到場買書仲有可以參加大抽獎,有機會奪得崔安《雙節棍連環圖譜》原稿一張,名額五個,嘩!原稿呀,真係諗吓都興奮,好想要呀喂。 相關資訊有片:崔成安《雙節棍連環圖譜》短片 劉萬梁師傅好像真 (Aug 28, 2017) 《雙節棍連環圖譜》封面曝光 早買送雙節棍袋 (Aug 2, 2017)

Read more ›
【相集】Cosplay無分年齡     超sweet夫妻cos盡動漫/電影角色
by / on 16/09/2017 at 8:32 am

【相集】Cosplay無分年齡 超sweet夫妻cos盡動漫/電影角色

cosplay無分年齡,好似呢對結咗婚27年嘅夫婦Steven同Millie Tani,佢哋3年前開始cosplay唔同造型,而家大小活動都會見到佢哋,每次用3個月時間左右準備造型,雖然年紀唔細,但就成日上Ebay、Etsy呢類網站搵材料,好叻叻。睇返佢哋嘅造型,由反斗奇兵到星戰到迪士尼動畫都有,最重要係佢哋玩得開心,而且可以同另一半一齊搵衫試造型,有共同嘅興趣,真係好sweet!入嚟有得回帶睇返其他長者cosplay,扮湯婆婆嗰位真心勁。 相關資訊本周Coser 日本「真喩」愛高達 (Sep 17, 2017) 【有片】日本《Metroid》Cosplay 四圍走識著燈 (Sep 15, 2017)

Read more ›
網圖分享:笑爆嘴二創 麒麟魔變麒麟球單車
by / on 13/09/2017 at 11:14 pm

網圖分享:笑爆嘴二創 麒麟魔變麒麟球單車

馬榮成剛剛先話推出聶風雕像麒麟魔,好快已經有網友玩二次創作喇。Hoong Moon Goh兄好盞鬼,學足馬榮成喺面書Post出嚟幅解構圖咁,畫咗個「瘋騾、攝封交叉聯乘平行時空特別愛藏版」,聶風變王風雷,麒麟變單車,仲有甚麼「#麒麟球單車」、「#求麟麒異獸」等Hashtag,唔係講笑,我真係笑咗。 相關資訊有片:《風雲》大總結 郭富城+鄭伊健始終最好 (Jul 27, 2017) 步驚雲不敵風吹雨打 絕世好劍斷開兩截 (Jul 25, 2017)

Read more ›
馮志明《兄弟》同《小偷》 上官小威不日復刻
by / on 13/09/2017 at 10:14 pm

馮志明《兄弟》同《小偷》 上官小威不日復刻

利申,我係未睇過馮志明《兄弟》同《小偷》嘅,所以對上官小威打算復刻呢兩本40年前嘅大作,我非常有興趣。兩本打孖一齊買,售$68,唔貴,雖然唔知實際印書數,但講到明限量絕不加印,到時仲會出多個贈品版添,老土都係呢一句,必撐,拭目以待。 相關資訊馮志明出Post有辦你睇 《大漠蒼狼》手繪封面 (Aug 15, 2017) 馮志明《大漠蒼狼》簽名會 睇埋《刀劍江湖上河圖》 (Aug 9, 2017)

Read more ›