動漫資訊

「扭氣球」神人重造漫畫封面   神奇女俠/蜘蛛俠奇妙現身
by / on 22/06/2017 at 7:23 am

「扭氣球」神人重造漫畫封面 神奇女俠/蜘蛛俠奇妙現身

一直好佩服識扭汽球嘅專家,外國嘅Phileas Flash擁有13年經驗,佢最近用汽球重造返經典美國漫畫嘅封面,名為「Balloon Heroes」嘅專輯,有蜘蛛俠、神奇女俠、超人同埋小丑Joker,扭完影相再用埋Photoshop加字扮封面,效果好正,不過點解神奇女俠個樣‥‥‥ 相關資訊降落日本成田空港 蜘蛛俠塞爆飛機 (Jun 21, 2017) 余兒設立「創造會」 年費$100送漫畫+戲飛+Tote bag (Jun 12, 2017)

Read more ›

【連環圖】星之卡比遇溺記 日本網民殘暴實錄
by / on 21/06/2017 at 7:05 am

【連環圖】星之卡比遇溺記 日本網民殘暴實錄

星之卡比喺日本好多fans,所以大家見到佢灰飛煙滅都好傷心。有網民將呢粒卡比棉花糖放入飲品內,之後可怕嘅事發生嘞!卡比被熱融咗,加上個口擘到咁大,好似求救緊咁,好可憐。輯連環圖喺Twitter好多人RT,睇返前兩日樓主嘅貼圖,其實浸融卡比之前都殘暴對待過佢‥‥‥ 相關資訊日本低成本燈箱廣告 只有QR Code引人嘟 (Jun 22, 2017) 廢人煉成陣 日本電腦枱套裝 可以唔郁幾個鐘 (Jun 22, 2017)

Read more ›
書局版送迷你《魔幻集》。
by / on 20/06/2017 at 9:00 am

上官小威添食 復刻精美版送迷你《迷離世界》Or《魔幻集》

  過癮喎又,將睇開嘅傳統港漫Size縮細一半,但又唔係甚麼合訂本精裝版珍藏本,效果究竟會點呢?上官小威復刻特別版《迷離世界》搶購一空,為免其他讀者詐型,所以推出多一個復刻精美版。精美版又細分為書店版同書局版,前者送迷你《迷離世界》一本;後者送迷你《魔幻集》一本,各限量100本,各順序1至100獨立編號。有興趣的話,唔該快啲致電「收藏家港漫專區」或「123漫畫精品專門店」落訂,肯肯定搶手架,有買趁手呀。 相關資訊復刻《迷離世界》重開「讀者天地」 獎品人人有份永不落空 (Jun 6, 2017) 上官小威復刻《迷離世界》 崔成安贈畫鼓勵 (May 30, 2017)

Read more ›
【血案】日本網民自製麵包超人蛋糕 士多啤梨醬太驚嚇
by / on 20/06/2017 at 7:43 am

【血案】日本網民自製麵包超人蛋糕 士多啤梨醬太驚嚇

士多啤梨係幾好味,但真係唔太適合用嚟做餡料。最近又有日本網民親身示範,佢整咗個麵包超人蛋糕,面圓圓都幾可愛,像真度都有7、8成啦,不過入面嘅餡料係士多啤梨醬‥‥‥一切開啲「血」嘔晒出嚟好恐怖,小朋友見到實喊!童年陰影就係咁樣形成架喇。 相關資訊【有片】伯伯打保齡 奇妙起手式太有型 (Jun 22, 2017) 【新片速報】日本水獺仔超貪玩 飼育員用毛巾瘋狂旋轉 (Jun 22, 2017)

Read more ›
【高手在民間】日本衣夾變身戰闘機 一呼百應網民狂出圖
by / on 19/06/2017 at 11:21 am

【高手在民間】日本衣夾變身戰闘機 一呼百應網民狂出圖

喺未有iPhone嘅年代,小朋友乜都可以玩一餐,衣夾都可以變玩具,你有無玩過?最近有日本網民將衣夾砌成唔同款嘅80年代戰機,網民睇完佢嘅作品後一呼百應,大量衣夾戰闘機同機械人出動,勁熱鬧!入嚟有得慢慢睇。 相關資訊【有片】日本耳筒型風扇 有型掛頸暗暗爽 (Jun 21, 2017) 【有片】6分鐘青春小鳥!福原遥賣「Fit’s」制服跳舞 (Jun 21, 2017)

Read more ›
【相集】超正LEGO攝影師上山下海    唔靠PS挑戰高難度
by / on 17/06/2017 at 11:06 am

【相集】超正LEGO攝影師上山下海 唔靠PS挑戰高難度

玩具攝影好考心機同功力,外國呢位LEGO迷Benedek Lampert就用咗兩年時間製作咗呢輯相集。LEGO上山下海,仲玩埋Star Wars同二次大戰。由於絕大部份作品都無經過Photoshop PS,所以好花功夫,不過出嚟嘅效果好正。佢仲分享埋Making of嘅相片,鍾意嘅記住follow埋佢嘅facebook,入嚟有多啲相可以欣賞。 相關資訊【圖集】神級幾何抽象圖案 比卡超/死侍越睇越暈 (Jun 14, 2017) 【相集】日本喵星人「戀足」連環圖 無重力貓腳部大特寫 (Jun 2, 2017)

Read more ›

史萊姆層層叠收納小鉢 女仔裝小飾物啱晒
by / on 17/06/2017 at 10:56 am

史萊姆層層叠收納小鉢 女仔裝小飾物啱晒

《勇者鬥惡龍》嘅史萊姆一直有大量fans,之前出嘅眼藥水賣到斷貨,巨型咕臣都好多人想買。最新有呢個小物收納器,三隻色可以叠高,個蓋仲可以打開,女仔用嚟放飾物仔例如戒指、耳環就最啱嘞。8月5日發售,日本Amazon有得訂,本體呎吋大約係7cm(高)x8cm(闊)x8cm(直),細細隻好可愛! 相關資訊日本超巨型史萊姆攬枕 軟綿綿超好攬 (May 30, 2017) 月尾限量發售 日本樂敦「史萊姆」眼藥水 (May 18, 2017)

Read more ›
日本限定Hello Kitty x Wonder Woman 貓頭繼續有蝴蝶結
by / on 17/06/2017 at 10:51 am

日本限定Hello Kitty x Wonder Woman 貓頭繼續有蝴蝶結

Hello Kitty仲有乜嘢係唔可以crossover嘅?當大家覺得今年萬聖節將會全城都扮Wonder Woman,取代上年嘅小丑女時,Hello Kitty已經率先扮咗,仲要頭頂繼續保留返個招牌蝴蝶結。今次呢個crossover目的係宣傳8月25日先喺日本上映嘅《Wonder Woman》電影,由即日起喺日本訂飛就有機會得到Hello Kitty x Wonder Woman鎖匙扣,預計遲啲應該會有大量精品推出,去開日本嘅Kitty迷記住掃貨嘞。 相關資訊【有片】日本舉行《龍珠》跑 9月千葉、愛知有得玩 (Jun 21, 2017) 日本喵星人x冬甩咕臣 呎吋啱啱好掙脫圖超搞笑 (Jun 21, 2017)

Read more ›
合味道杯麵迷你版模型    日本官方貼圖3分鐘砌好?
by / on 16/06/2017 at 7:50 am

合味道杯麵迷你版模型 日本官方貼圖3分鐘砌好?

日清杯麵嘅日本Twitter成日都有正嘢睇,唔駛等愚人節都大把古怪產品。最新有呢款杯麵模型,官方仲問要砌好佢需唔需要3分鐘時間?睇返個模型,個杯分拆成兩半,再加麵餅一個,仲有支叉仔。最正係啲配料,有蔥、蝦、肉同最頹嘅雞蛋,都預咗佢唔會量產,但見到都好想買。網民仲貼埋多啦A夢嘅圖做回應。BTW,日清最近出咗個名為「Hungry Days」嘅新CM,好正,另外亦有最近嘅整蠱圖回帶,入嚟有得睇。 相關資訊日本喵星人取替剃鬚刀 廣告宣傳照Twitter熱傳 (Jun 21, 2017) 【新片速報】日本喵星人狂野睡姿 零戒備Twitter熱傳 (Jun 20, 2017)

Read more ›
漫畫版《今晚打喪屍》封面曝光 6月23日見街
by / on 15/06/2017 at 11:15 pm

漫畫版《今晚打喪屍》封面曝光 6月23日見街

千呼萬喚始出來,漫畫版《今晚打喪屍》封面曝光,主角揹住個高達盾牌背囊好鬼死型呀喂,余兒喺面書話:「葉Sir今次風格大變,一睇個封面就知有別於以往嘅香港漫畫。」又話:「……之前葉sir同小弟都講過,今次想搞一本唔太港漫嘅港漫,風格同包裝上要求變,但故事同對白就要本土。」對白係點未睇到,但封面用色同構圖係有啲驚喜嘅,感覺有啲似電影海報,而非一般港漫封面。一期完,《今晚打喪屍》場景設定喺油麻地,而非原著小說嘅旺角同富山村,但書中角色用番小說人物,獨立成漫畫睇一樣睇得明,每本$98,6月23日見街。不厭其煩講多次,請支持本土創作,呢一舊水,唔好慳。 相關資訊聽歌:《今晚打喪屍》主題曲《雙截龍》白只原來唱得兩嘴 (Jun 20, 2017) 《今晚打喪屍》終極預告 白只+張繼聰大嗌:雙龍殺! (Jun 7, 2017)

Read more ›
神木《龘虎門》第二期始動 求好友賜圖
by / on 15/06/2017 at 10:45 pm

神木《龘虎門》第二期始動 求好友賜圖

留意番,神木大作《龘虎門》第二期正式開皮,現誠徵各方好友贈畫賀一賀佢。神木面書有謂:「每天叫醒你的不是鬧鐘,而是夢想。」雖然老土,但卻異常啱聽!唔知大家有無興趣幫神木完夢?有的話,唔該立刻拎起紙筆,畫啦老友。 相關資訊新派婦女劇場開動 神木真一《關。海。山》 (Jan 7, 2017)

Read more ›

李偉健搞簽名會 捧《娛樂圈愛回帶》場
by / on 15/06/2017 at 10:15 pm

李偉健搞簽名會 捧《娛樂圈愛回帶》場

小甜健呀,喺《愛‧回家》飾演Terry嗰個李偉健呀,佢演戲掂畫公仔都一樣掂。想捧佢繪本《娛樂圈愛回帶》同《娛樂圈愛回帶又再回帶》場兼搵佢影相簽名留念的話,今個禮拜日可以去「星畫館」走一趟,佢當日會駐場。兩書各售$68,隨書送親筆簽名畫片,計我話叫即場佢畫埋親筆畫都唔過份。

Read more ›
久違了的港漫畫風 畀掌聲謝志榮唔該
by / on 15/06/2017 at 9:45 pm

久違了的港漫畫風 畀掌聲謝志榮唔該

睇完今期復刻《龍虎門》,尤其覺得謝志榮「呢種港式畫風,係幾代承傳下來的精華」呢句說話好啱,Feel就係Feel,Mood就係Mood,始終八九十年嘅港漫畫風先係我杯茶,先有真正睇公仔書嘅快感。於此,謝志榮作畫一幅,喺面書留言曰:「用至簡單的線條,精煉的筆法,便很好看,新一代忘本土,追日韓,但守土有責下,我想天天抽兩小時來畫。」兼問有無Fans鍾意呢種畫風,有的話就落墨加線;結果係留言支持者眾,謝志榮亦找數完成畫作……「守土有責」,嗯,忽然覺得呢四個字好型! 相關資訊網圖分享:《迷離世界》出雙特別版 港漫人贈畫 (Jun 13, 2017) 網圖分享:港漫人出圖 賀阮大勇奪專業精神獎 (Apr 10, 2017)

Read more ›
日本悟空擺設遇大雨 胸口現儲水網民改圖
by / on 15/06/2017 at 7:35 am

日本悟空擺設遇大雨 胸口現儲水網民改圖

呢幾日唔止香港落大雨,日本都係。有日本網民發現放喺東京都台東區駒形Bandai總部外、露天嘅悟空人像經過一場大雨之後,胸部位置居然積滿儲水!效果都幾震憾。之後好快有人改圖,連龜仙人同飲管都出動埋‥‥‥ 相關資訊【有片】日本扭蛋「貝殼少女」 有片有訊息「你太高估我了!」 (Jun 21, 2017) 日本攝影高手玩砂 超有氣勢玩具圖集 (Jun 20, 2017)

Read more ›
李志清裕華開畫展 Sell香港情
by / on 14/06/2017 at 10:15 pm

李志清裕華開畫展 Sell香港情

跟進番早幾日關於李志清開畫展嘅報導,畫展正名為《香港情李志清書畫展》,係繼上次《李志清書畫暨武藝文化精品展》後又一喺佐敦裕華國貨舉辦嘅展覽,上次主題係武俠加兵器,今次Sell香港情。清哥手畫唔使多介紹嘞,有無時間都要捧場,我話嘅。 相關資訊李志清開書畫展 畫畫叻書法一樣掂 (Jun 12, 2017) 李志清出純畫集《人散後一鉤新月天如水》 (May 30, 2017)

Read more ›