動漫資訊

【圖集】日本超治癒插畫 巨型動物與人類Twitter熱傳
by / on 11/02/2018 at 1:51 pm

【圖集】日本超治癒插畫 巨型動物與人類Twitter熱傳

日本插畫家「もの久保」嘅作品喺Twitter一直好高人氣,最出名畫巨大生物。最近佢嘅兩張作品喺Twitter勁多人RT,兩張都好有治癒性,分別係公園嘅大熊貓同埋校園內嘅大白貓,對於工作到好攰嘅人嚟講,真係好想瞓上去抖返陣。入嚟仲有多啲佢嘅其他作品睇,全部都係人類同巨型生物,好有《汪達與巨像》嘅感覺,好正。

Read more ›

《古惑仔》送Q版迷你揮春
by / on 08/02/2018 at 6:45 pm

《古惑仔》送Q版迷你揮春

就嚟過年,牛佬好識做,喺今期第2103期《古惑仔》隨書附送Q版迷你揮春兩大張,分別係Q版梁家仁嘅「家宅平安」同Q版李志高嘅「吉星高招」,仲講到明嚟緊幾期會繼續送添。雖屬小小禮物,但都開心嘅,好意頭吖嘛。最重要係,《古惑仔》係唯一初一嗰個禮拜依然會出書嘅港漫,你知喇,成個禮拜無公仔書睇,好籮籮攣架嘛。 相關資訊《古惑仔》送超靚素描年曆卡 伊文華過唔到狗年? (Feb 15, 2018) 《古惑仔》送財神揮春 陳浩南重遇采妮好有Mood (Feb 14, 2018)

Read more ›
六星報喜特別版《山海逆戰》開訂 限量200每套$280
by / on 08/02/2018 at 10:00 am

六星報喜特別版《山海逆戰》開訂 限量200每套$280

我不嬲都唔多買特別版,因為屋企地方有限,好難收藏,但今次為慶祝Dark成立六週年而推出嘅六星報喜特別版《山海逆戰》,我承認好想好想擁有,因為除包一幅巨型海報、兩本65期新繪封面《山海逆戰》、兩張2018年曆卡之外,仲有一幅超勁3D畫報,構圖係迄今我認為最靚到痴線嘅第48期《山海逆戰》封面〈神魔鬥〉,380mm x 520mm超巨型,可以想像Show出嚟係如何震撼。限量200套,每套$280,依家開訂,有買趁手。

Read more ›
曹志豪x柏原太賀《死角》分享會
by / on 08/02/2018 at 9:00 am

曹志豪x柏原太賀《死角》分享會

如果你未買又心大心細想買曹志豪本圖文小說《死角》,咁大可以參加本周日舉辦嘅《死角》分享會,屆時曹志豪會同跨媒體創作人柏原太賀一齊出席。聽完佢哋點講,或者你會即刻課金都未定。利申,我覺得呢本小說係好正嘅,亦覺得角色發揮未去到最盡,所以有心的話,係絕對可以寫第二部嘅。 相關資訊三聯書店x曹志豪《死角》 即場繪畫分享會 (Jan 25, 2018) 撐《PLAY!香港漫畫巡迴展覽》 曹志豪+何志文+山羯出手 (Jan 15, 2018)

Read more ›
日本最難忘動畫場面 插畫師自製電影海報Twitter熱傳
by / on 08/02/2018 at 7:07 am

日本最難忘動畫場面 插畫師自製電影海報Twitter熱傳

每套動畫都總有啲令人難忘嘅畫面,日本呢位插畫師就用廣告poster嘅風格,畫咗幾個佢最深刻嘅場面。有《One Piece》、《火影忍者》、《我的英雄學院》同埋《鋼之鍊金術師》,睇到人毛管都楝起晒,呢幾幕又係咪你嘅心水? 相關資訊日本人形蘿蔔出頭天 大細攬枕陪你瞓 (Feb 20, 2018) 【有片】再闖日本美術館!尾道市黑貓突破防線? (Feb 19, 2018)

Read more ›
【咬實唔放】超可愛iPhone線保護套    有齊《龍珠》《銀魂》《One Piece》
by / on 08/02/2018 at 7:02 am

【咬實唔放】超可愛iPhone線保護套 有齊《龍珠》《銀魂》《One Piece》

今次呢個Cable Bite系列好正!之前出過動物系列,喺日本火速賣晒,主要用嚟保護iPhone線啦,用家都知條叉電線屈得多好易斷,搵個公仔咬住佢就又得意又有保護作用嘞。今次Cable Bite仲要同Bandai合作,有齊《龍珠》、《銀魂》同《One Piece》合共8個款,最想要梗係菲利啦。雖然近睇手工唔算好靚,不過造型搭夠,好想儲齊晒一齊出招!預計3月底開始發售。

Read more ›

戊戌迎新賀年市集 鵝王Cliffy出迷你揮春好老利
by / on 07/02/2018 at 10:15 pm

戊戌迎新賀年市集 鵝王Cliffy出迷你揮春好老利

之前介紹過嘅「戊戌迎新賀年市集」有好多畫手同插畫家擺Booth,鵝王Cliffy係其一。佢今年推出咗利是封同迷你揮春,個人就鍾意後者多啲,祝賀語句有「抱抱摸頭」、「身心安好」同「食得瞓得」,非常啱聽。A6 size,細細張擺檯頭認真唔錯,紅噹噹好老利,真係擺完波都中多幾場呀。大家有時間的話,2月10日捧吓場喇。 相關資訊戊戌迎新賀年市集 漫畫家駐場寫揮春 (Jan 24, 2018)

Read more ›
DDED年宵搞「旺國冒牌樂園」 即畫獨一無二唔似顏繪
by / on 07/02/2018 at 8:58 pm

DDED年宵搞「旺國冒牌樂園」 即畫獨一無二唔似顏繪

呢壇嘢真係笑到我Gap Gap聲,隆重宣傳全球獨一無二限定別注「Draw住晒貼紙相機」登場。地點,花墟年宵1號檔;時間,梗係行花市期間啦;有乜玩呢?畀$88.8,入代幣,唔知堅定流地聲稱可以自行設定膚色、面形、眼睛、鼻哥同肌肉,之後係等,等坐喺機入面嘅人唔似顏繪貼紙一大張。說穿了即係畫人像畫喇,畫師有Plastic Thing、東尼電機、Nothing Serious同淨係識畫四方頭嘅DDED,而個攤檔名都零舍啜核,叫「旺國冒牌樂園」,問你服未?咁有趣嘅玩意,大家記得捧場。 相關資訊DDED揮春貼紙賣晒 MK公仔好Cute值得入手 (Feb 14, 2018) 阿塗好創意 年宵出摺紙小攢盒+畫揮春 (Feb 12, 2018)

Read more ›
張君豪送賀年Postcard 蛋散變英雄
by / on 07/02/2018 at 11:49 am

張君豪送賀年Postcard 蛋散變英雄

哎,遲咗收風,唔知派晒未呢?話說張君豪兄製作咗批賀年Postcard,準備免費送畀大家,PM佢留低地址就OK,送完即止。佢喺面書留言話:「希望新一年個個做英雄!」Very啱聽,我都望個個收完精美賀卡,齊齊蛋散變英雄。 相關資訊Eric Ng又送年糕畀老人家 畫手繪畫盒面抵讚(二) (Jan 26, 2018) 丟那星賀年揮春+利是封+貼紙 我真係恭喜你呀! (Jan 24, 2018)

Read more ›
「漫事勝意」戊戌年賀卡活動 鬥快搶13畫師賀卡
by / on 06/02/2018 at 12:40 am

「漫事勝意」戊戌年賀卡活動 鬥快搶13畫師賀卡

喂,有遊戲玩呀,是次「漫事勝意」戊戌年賀卡活動,有13個畫師參與,包括……為免遺漏,Copy and paste穩陣,包括Felix Ip、米路沙、Jackson Ng、Adam Pun、姜智傑、謝森龍異、周小某、Wah Kee、卓翹、柳廣成、Tweety包川田、余遠鍠同Pen So,佢哋會喺2月7日到13日送新年賀卡,每人送20幅,當然先留言先得喇。提供埋13位畫師面書資料畀你,大家記得鬥快搶喇。 相關資訊遊戲過關圖賀B仔1歲生日 機迷爹哋乜機都打 (Jan 12, 2014) 黑武士父親節賀卡 「I’m your father!」 (Jun 7, 2013)

Read more ›
英雄所見樂瞳 至Goal Club免費派揮春
by / on 06/02/2018 at 12:00 am

英雄所見樂瞳 至Goal Club免費派揮春

好事呀,樂瞳寫真集《See La Cilla》重新加印上架,早幾日仲去埋「至Goal Club」搞簽名會宣傳,成件事直頭雙贏喇。開心事唔好停,「至Goal Club」老闆決定免費送出「英雄所見樂瞳」賀年揮春,係,唔使幫襯,係直接派,同老闆講聲多謝,順便講多句賀年說話喇,就可以免費擁有嘞。除咗多謝老闆,我哋都好應該多謝神奇小子陳奇源,因為揮春就係出自佢手筆嘞,多謝晒。 相關資訊樂瞳現身「至Goal Club」簽名 寫真集《See La Cilla》重新上架 (Feb 2, 2018) 台灣高手毛筆揮春 紅色渣古「福運三倍」 (Jan 29, 2018)

Read more ›

《龍珠》聯乘Nike超強FF系列 12款波鞋款款都靚
by / on 05/02/2018 at 7:45 am

《龍珠》聯乘Nike超強FF系列 12款波鞋款款都靚

作為一個龍珠迷,應該會好鍾意呢個Nike聯乘系列。之前有傳adidia今年會同龍珠合作出產品,不過英國設計師Walsh Design已經搶先一步自己構思咗再放埋上IG。成個系列有12款,款款都超正,有齊Nike唔同型號,至於角色方面,有悟空、斯路、比達、菲利,連偏啲嘅莊子同魔人布歐都有,入嚟有得睇,作為fans嘅應該好希望佢可以量產,不過機會應該好微,鍾意嘅可以上設計師官網訂返張poster,都正嘅。 相關資訊日本神級寶石畫作 木顏色畫出超強立體感 (Feb 18, 2018) 【有片】《龍珠》「比達」夫婦賣花王清潔劑 「莊子」2代目聲優出聲 (Feb 15, 2018)

Read more ›
【新片速報】日本《龍珠》DB藝人齊集坐巴士    地上最強陣容
by / on 05/02/2018 at 7:01 am

【新片速報】日本《龍珠》DB藝人齊集坐巴士 地上最強陣容

全架巴士都係龍珠DB藝人,難怪被稱之為世界上最強嘅乘客。有齊山本正剛「菲利」、R藤本嘅「比達」、渡部一丁「笛子魔童」等等角色,其他人都唔知俾乜嘢反應好,入嚟有片睇。 相關資訊日本網民DIY襯衫相簿 自由配搭Twitter熱傳 (Feb 19, 2018) 【有片】日本超大膽電視節目 「鼻接觸100%」嘉賓笑到癲 (Feb 19, 2018)

Read more ›
日本「蛋黃哥」5周年慶祝活動    橫濱食買玩冬甩超可愛
by / on 04/02/2018 at 12:31 pm

日本「蛋黃哥」5周年慶祝活動 橫濱食買玩冬甩超可愛

唔講唔覺,蛋黃哥原來已經5周年嘞。除咗今年喺大阪有主題餐廳慶祝之外,嚟緊3月31日一連兩日會喺橫濱嘅紅磚倉庫舉行活動。今次蛋黃哥變咗水手,有大量精品推出,仲有好多主題食物,其中個冬甩同埋白飯都好搞笑,fans而家開始計劃都未遲,不過留意返記住網上預訂入場券。 相關資訊【有片】日本網民睇冬奧玩冰壼 掀起家居清潔熱潮? (Feb 19, 2018) 日本宮崎「立飲」有長腿 網民讚老闆聰明 (Feb 19, 2018)

Read more ›
日本期間限定 《POP TEAM EPIC》主題餐廳設計圖好正
by / on 04/02/2018 at 12:15 pm

日本期間限定 《POP TEAM EPIC》主題餐廳設計圖好正

瘋狂搞笑漫畫《ポプテピピック》(POP TEAM EPIC)自從動畫化之後更多人談論,日日喺Twitter都見到呢兩個學生妹。最近佢哋公佈同連鎖店SWEETS PARADICE合作,開設期間限定cafe,最搶眼應該係竹書房嘅格仔餅嘞,啲設計圖都好正,好配合佢哋嘅風格。地點方面,東京、大阪、名古屋、廣島同福岡都有,東京有3間已經開緊,去開日本嘅fans可以去睇吓,入嚟有多啲資料。 相關資訊日本女高中生迪士尼扮死 網民不滿放Twitter聲討 (Feb 19, 2018) 過年有無食肥咗? 日本熱傳「女性理想體重」算式 (Feb 19, 2018)

Read more ›