動漫資訊

史萊姆層層叠收納小鉢 女仔裝小飾物啱晒
by / on 17/06/2017 at 10:56 am

史萊姆層層叠收納小鉢 女仔裝小飾物啱晒

《勇者鬥惡龍》嘅史萊姆一直有大量fans,之前出嘅眼藥水賣到斷貨,巨型咕臣都好多人想買。最新有呢個小物收納器,三隻色可以叠高,個蓋仲可以打開,女仔用嚟放飾物仔例如戒指、耳環就最啱嘞。8月5日發售,日本Amazon有得訂,本體呎吋大約係7cm(高)x8cm(闊)x8cm(直),細細隻好可愛! 相關資訊日本超巨型史萊姆攬枕 軟綿綿超好攬 (May 30, 2017) 月尾限量發售 日本樂敦「史萊姆」眼藥水 (May 18, 2017)

Read more ›

日本限定Hello Kitty x Wonder Woman 貓頭繼續有蝴蝶結
by / on 17/06/2017 at 10:51 am

日本限定Hello Kitty x Wonder Woman 貓頭繼續有蝴蝶結

Hello Kitty仲有乜嘢係唔可以crossover嘅?當大家覺得今年萬聖節將會全城都扮Wonder Woman,取代上年嘅小丑女時,Hello Kitty已經率先扮咗,仲要頭頂繼續保留返個招牌蝴蝶結。今次呢個crossover目的係宣傳8月25日先喺日本上映嘅《Wonder Woman》電影,由即日起喺日本訂飛就有機會得到Hello Kitty x Wonder Woman鎖匙扣,預計遲啲應該會有大量精品推出,去開日本嘅Kitty迷記住掃貨嘞。 相關資訊Converse乘咸超七星俠 加埋150歲 紅銀色帆布鞋有誠意 (Jun 26, 2017) 【新片速報】日本斟生啤新方法 由下至上無乜泡 (Jun 26, 2017)

Read more ›
合味道杯麵迷你版模型    日本官方貼圖3分鐘砌好?
by / on 16/06/2017 at 7:50 am

合味道杯麵迷你版模型 日本官方貼圖3分鐘砌好?

日清杯麵嘅日本Twitter成日都有正嘢睇,唔駛等愚人節都大把古怪產品。最新有呢款杯麵模型,官方仲問要砌好佢需唔需要3分鐘時間?睇返個模型,個杯分拆成兩半,再加麵餅一個,仲有支叉仔。最正係啲配料,有蔥、蝦、肉同最頹嘅雞蛋,都預咗佢唔會量產,但見到都好想買。網民仲貼埋多啦A夢嘅圖做回應。BTW,日清最近出咗個名為「Hungry Days」嘅新CM,好正,另外亦有最近嘅整蠱圖回帶,入嚟有得睇。 相關資訊日本「蛋喵三文治」可食用 舉高手盡情爆瞓 (Jun 26, 2017) 【多圖】日本超迷你梅酒 粘土專家神作Twitter熱傳 (Jun 25, 2017)

Read more ›
漫畫版《今晚打喪屍》封面曝光 6月23日見街
by / on 15/06/2017 at 11:15 pm

漫畫版《今晚打喪屍》封面曝光 6月23日見街

千呼萬喚始出來,漫畫版《今晚打喪屍》封面曝光,主角揹住個高達盾牌背囊好鬼死型呀喂,余兒喺面書話:「葉Sir今次風格大變,一睇個封面就知有別於以往嘅香港漫畫。」又話:「……之前葉sir同小弟都講過,今次想搞一本唔太港漫嘅港漫,風格同包裝上要求變,但故事同對白就要本土。」對白係點未睇到,但封面用色同構圖係有啲驚喜嘅,感覺有啲似電影海報,而非一般港漫封面。一期完,《今晚打喪屍》場景設定喺油麻地,而非原著小說嘅旺角同富山村,但書中角色用番小說人物,獨立成漫畫睇一樣睇得明,每本$98,6月23日見街。不厭其煩講多次,請支持本土創作,呢一舊水,唔好慳。 相關資訊聽歌:《今晚打喪屍》主題曲《雙截龍》白只原來唱得兩嘴 (Jun 20, 2017) 余兒設立「創造會」 年費$100送漫畫+戲飛+Tote bag (Jun 12, 2017)

Read more ›
神木《龘虎門》第二期始動 求好友賜圖
by / on 15/06/2017 at 10:45 pm

神木《龘虎門》第二期始動 求好友賜圖

留意番,神木大作《龘虎門》第二期正式開皮,現誠徵各方好友贈畫賀一賀佢。神木面書有謂:「每天叫醒你的不是鬧鐘,而是夢想。」雖然老土,但卻異常啱聽!唔知大家有無興趣幫神木完夢?有的話,唔該立刻拎起紙筆,畫啦老友。 相關資訊新派婦女劇場開動 神木真一《關。海。山》 (Jan 7, 2017)

Read more ›
李偉健搞簽名會 捧《娛樂圈愛回帶》場
by / on 15/06/2017 at 10:15 pm

李偉健搞簽名會 捧《娛樂圈愛回帶》場

小甜健呀,喺《愛‧回家》飾演Terry嗰個李偉健呀,佢演戲掂畫公仔都一樣掂。想捧佢繪本《娛樂圈愛回帶》同《娛樂圈愛回帶又再回帶》場兼搵佢影相簽名留念的話,今個禮拜日可以去「星畫館」走一趟,佢當日會駐場。兩書各售$68,隨書送親筆簽名畫片,計我話叫即場佢畫埋親筆畫都唔過份。

Read more ›

久違了的港漫畫風 畀掌聲謝志榮唔該
by / on 15/06/2017 at 9:45 pm

久違了的港漫畫風 畀掌聲謝志榮唔該

睇完今期復刻《龍虎門》,尤其覺得謝志榮「呢種港式畫風,係幾代承傳下來的精華」呢句說話好啱,Feel就係Feel,Mood就係Mood,始終八九十年嘅港漫畫風先係我杯茶,先有真正睇公仔書嘅快感。於此,謝志榮作畫一幅,喺面書留言曰:「用至簡單的線條,精煉的筆法,便很好看,新一代忘本土,追日韓,但守土有責下,我想天天抽兩小時來畫。」兼問有無Fans鍾意呢種畫風,有的話就落墨加線;結果係留言支持者眾,謝志榮亦找數完成畫作……「守土有責」,嗯,忽然覺得呢四個字好型! 相關資訊網圖分享:港漫人出圖 賀阮大勇奪專業精神獎 (Apr 10, 2017) 何志文好心機 新年賀圖初一出到初七 (Feb 3, 2017)

Read more ›
日本悟空擺設遇大雨 胸口現儲水網民改圖
by / on 15/06/2017 at 7:35 am

日本悟空擺設遇大雨 胸口現儲水網民改圖

呢幾日唔止香港落大雨,日本都係。有日本網民發現放喺東京都台東區駒形Bandai總部外、露天嘅悟空人像經過一場大雨之後,胸部位置居然積滿儲水!效果都幾震憾。之後好快有人改圖,連龜仙人同飲管都出動埋‥‥‥ 相關資訊日本「熊貓之穴」新扭蛋 玩人臉甜品食慾大減 (Jun 26, 2017) 日本「貓貓拳」攝影師新相 三色貓虛無表情超型 (Jun 25, 2017)

Read more ›
李志清裕華開畫展 Sell香港情
by / on 14/06/2017 at 10:15 pm

李志清裕華開畫展 Sell香港情

跟進番早幾日關於李志清開畫展嘅報導,畫展正名為《香港情李志清書畫展》,係繼上次《李志清書畫暨武藝文化精品展》後又一喺佐敦裕華國貨舉辦嘅展覽,上次主題係武俠加兵器,今次Sell香港情。清哥手畫唔使多介紹嘞,有無時間都要捧場,我話嘅。 相關資訊李志清開書畫展 畫畫叻書法一樣掂 (Jun 12, 2017) 李志清出純畫集《人散後一鉤新月天如水》 (May 30, 2017)

Read more ›
跟進番:請鼓掌 白水《嘔電傳真機》眾籌成功
by / on 14/06/2017 at 8:51 pm

跟進番:請鼓掌 白水《嘔電傳真機》眾籌成功

又拍片又作主題曲《循環不息的宇宙》又盛,《嘔電傳真機》終於眾籌成功,據白水面書透露,總共有339位集資者支持,佢話:「我唔會辜負大家,會努力做好本書!不惜工本,做到最靚!」白水兄,開心還開心,講過要找數呀,支持你呀。 相關資訊有片:白水作《循環不息的宇宙》宣傳眾籌 組埋Band越玩越大 (Jun 6, 2017) 跟進:白水眾籌《嘔電傳真機》 轉賬可以直接科水亦得 (Apr 25, 2017)

Read more ›
【圖集】神級幾何抽象圖案 比卡超/死侍越睇越暈
by / on 14/06/2017 at 7:52 am

【圖集】神級幾何抽象圖案 比卡超/死侍越睇越暈

呢類型嘅幾何抽象圖案睇都覺得好難畫,外國藝術家Evel Maleficent就對呢類型嘅作品情有獨鍾,除咗Marvel嘅死侍(Deadpool)之外,仲有Pokemon嘅比卡超同埋奇異種子,仔細啲睇就會感受到有幾勁,入嚟仲有多啲其他作品可以開吓眼界。 相關資訊【新片速報】日本「比卡超」結婚證書 估吓比卡超講咩? (Jun 24, 2017) 【多圖】神級玩具化妝師 重畫頭雕極像真 (Jun 23, 2017)

Read more ›

【勇氣測試】 IQ博士 X A Bathing Ape    小雲小吉配馬騮仔
by / on 14/06/2017 at 7:07 am

【勇氣測試】 IQ博士 X A Bathing Ape 小雲小吉配馬騮仔

日本時裝品牌A Bathing Ape近年經常同動漫或者遊戲角色做crossover,次次都有可愛嘅Baby Milo份。最近佢哋又公佈同《IQ博士》合作,系列包括好突出嘅紅色連帽衞衣同埋工人褲短袖T,相信要好有勇氣先敢著。另外當然有簡單圖案嘅幾款T恤,相信會吸引到唔少女性Fans。今年月17日號喺日本嘅A Bathing Ape專門店有得買,小雲fans記得留意吓嘞。 相關資訊日本超可愛雀仔唔怕人 硬闖車廂好大膽 (Jun 24, 2017) 水杯後暗藏可愛狗狗臉 效果突出日本Twitter熱傳 (Jun 13, 2017)

Read more ›
恐龍出沒元朗注意 撐李健良首個香港個展
by / on 13/06/2017 at 9:45 pm

恐龍出沒元朗注意 撐李健良首個香港個展

有謂「金筆精鑄火麟現,遠古生命見巨龍」,一見呢兩句Slogan,我知有靚畫睇嘞,無錯,彩稿大師李健良下個月會喺「悠閑藝舍」開《恐龍彩稿漫畫插圖香港首展》,將會展覽過百幅複製原畫,現場有大型恐龍Backdrop畀大家呃Like,睇啱嘅,即場買油畫同精品亦得。喺屋企睇三期《古生命》已經睇到我嘩嘩聲,睇大大幅複製原畫,感覺肯定更加震撼,開心! 相關資訊睇《古生命》複製原畫 李健良開首個香港展覽 (May 27, 2017) 李健良最新水晶畫板 包腳架每幅$120 (Apr 19, 2017)

Read more ›
繼續義賣競投助貓狗 曹志豪+胡紹權+鄺志德出手
by / on 13/06/2017 at 9:15 pm

繼續義賣競投助貓狗 曹志豪+胡紹權+鄺志德出手

「沙律貓狗之家」慈善義賣競投停不了,今次再多四幅,分別係曹志豪《武林傳奇》、胡紹權《風臨城下》、鄺志德《龍影縱橫》同《神之領域》,底價各$500,截止日期6月14日12:00nn。一句到尾,除咗應該畀掌聲鄺志德外,我順便代汪星人同喵星人多謝你。 相關資訊繼續慈善 鄺志德+鄺彬強+胡紹權靚畫競投 (Jun 12, 2017) 鄺志德慈善義賣!公開競投價高者得! (Jun 7, 2017)

Read more ›
網圖分享:《迷離世界》出雙特別版 港漫人贈畫
by / on 13/06/2017 at 8:22 pm

網圖分享:《迷離世界》出雙特別版 港漫人贈畫

勁呀喂,我諗連上官小威都估唔到群情咁洶湧,一話推出各限量100本迷你金版同魔幻金版《迷離世界》啫,三兩日時間200本已經差唔多落晒訂,確實可喜可賀。仲心思思諗緊撐唔撐場?唔知睇完四方八面嘅港漫人賀圖,會唔會增加你購買慾?係,連馬榮成都撥冗贈畫,足見上官小威江湖地位。 相關資訊復刻《迷離世界》重開「讀者天地」 獎品人人有份永不落空 (Jun 6, 2017) 踩住世嘉MegaDrive 《Sonic Mania》日本出超豪華特別版 (May 31, 2017)

Read more ›