動漫資訊

網圖分享:不含劇透齋賞畫 港漫人的異形
by / on 16/05/2017 at 3:32 pm

網圖分享:不含劇透齋賞畫 港漫人的異形

死喇,好Out呀,身邊人係咁劇透,我既搭唔到嘴,又唔知應唔應該轉身離開好,咁點算呀?如果你同我都一樣,仲未有時間親身入戲院睇《異形:聖約》,咁不如睇住畫作先喇,邱福龍喺《山海逆戰》已經登過兩幅,仲有一幅依家開心Share,仲有米奇、WaiMan Tsang同廖光祖,加埋最新鮮滾熱辣嘅謝森龍異嘅「無聊一畫」,足夠止住癮先。 相關資訊正呀喂!《香港感染2》5月26日見街! (May 25, 2017) 《山海逆戰》珍藏卡特別版三封面 賣萌雪晴版售罄 (May 24, 2017)

Read more ›

溫定書睇戲 《今晚打喪屍》小說第一、二集$140開賣
by / on 16/05/2017 at 10:00 am

溫定書睇戲 《今晚打喪屍》小說第一、二集$140開賣

合理嘅,話明係小說改編吖嘛,梗係睇完原著小說再入戲院睇戲過癮啲喇。《今晚打喪屍》6月29日上映,想到時睇得投入啲,可以依家先網上訂購番原著小說溫定書,原價第一、二集每本$78,依家優惠價兩本$140,附作者同繪者親筆簽名,余兒仲話到明「可題字、題上款!寫乜都得架」。利申,無收余兒錢,但我真係睇過小說,仲一口氣睇晒兩集添,啲黑色幽默係幾搞笑嘅,值得一撐。 相關資訊最本土!最癲喪!漫畫版《今晚打喪屍》四款海報出齊! (May 22, 2017) 漫畫版《今晚打喪屍》出海報 有身無頭係邊個? (Apr 27, 2017)

Read more ›
網圖分享:連鎖餐廳Icon萌化 麥當勞叔叔溝Wendy
by / on 16/05/2017 at 9:30 am

網圖分享:連鎖餐廳Icon萌化 麥當勞叔叔溝Wendy

是日推介面書專頁「OzumiiWizard」,插畫家Ozmuii手畫唔算靚到絕一絕,但成功將Wendy’s、McDonald’s、Jollibee、KFC、Starbucks同Burger King等連鎖餐廳Icon萌化,卻非常吸引人眼球。我最鍾意麥當奴叔叔明溝Wendy嗰一幅,對白係──麥當勞叔叔:「Where do you wanna go today?」Wendy咁答:「Wendy’s!」都好啜核吓。 相關資訊日本大學生兼職10大 Starbucks排第一Uniqlo包尾 (May 21, 2017) 日本Starbucks超正野餐布 免費贈送火速換晒 (May 17, 2017)

Read more ›
【圖集】「小畫家」神人用10年時間鑽研    新書插畫超高質
by / on 14/05/2017 at 11:11 pm

【圖集】「小畫家」神人用10年時間鑽研 新書插畫超高質

自從進入咗Photoshop年代,好多人都放棄曾經叱吒一時嘅Windows「小畫家」。不過外國嘅Pat Hines就唔同,佢講明唔想用Photoshop,但就用咗超10年時間喺醫院嘅Reception枱度繼續鑽砌小畫家,仲出埋本e-book。本書主要講80年代一班年青人去宿營遇到嘅古怪事,不過最搶眼係入面嘅插畫,全部都係用小畫家製作,每幅都超高質,佢仲叫大家不妨去佢喺Deviantart嘅網頁下載再zoom近啲睇,就會發現解像度同細緻度都極高,入嚟有得慢慢研究,堅勁! 相關資訊日本大師級「夜櫻」靚相 超高質Twitter熱傳 (Apr 16, 2017) 【相集】超高質喵星人趣怪表情 怪招搶鏡專門搞事 (Apr 8, 2017)

Read more ›
《東京喰種》池袋期間限定cafe 超核突食物還原度高
by / on 11/05/2017 at 7:37 am

《東京喰種》池袋期間限定cafe 超核突食物還原度高

《東京喰種》電影就嚟上畫,官方都喺池袋都準備咗呢間主題cafe。以期間限定Cafe嚟講,今次佢哋嘅食物都幾高質,fans應該好想去,日本都有好多fans喺Twitter熱傳。其中金木的獨眼咖喱應該最吸引,但點食好呢?另外當然有嗰啲香腸扮手指,茄汁扮血,整到一撻撻嘅恐怖料理啦,不過好多人反而想試人間最難食嘅雞蛋三文治。到時仲有大量精品賣,5月27日至6月28日喺東京池袋PARCO 7樓嘅THE GUEST cafe&diner有得試,fans快啲準備吓遊日行程嘞。 相關資訊「渋谷PARCO」活用工程圍板 展示河村康輔《亞基拉》作品 (May 17, 2017) 日本狐狸先生蛋糕超無奈 池袋有得買Twitter熱傳 (May 16, 2017)

Read more ›
瑞新玩咁大?一槍啪低道理哥?
by / on 10/05/2017 at 10:13 pm

瑞新玩咁大?一槍啪低道理哥?

非常突然!今期第916期《火武耀揚》書名明明叫〈怒斬嗱B〉,但嗱B無俾汗青斬死走得甩,反而死嗰個係……新記龍頭道理哥?唔係啩,邱瑞新真係咁夠薑整死呢個一線角色?睇到道理哥俾槍指住太陽穴嗰一格,雖然爆晒血,但我都仲係咁諗:「掀起高潮啫,瑞新實有計扭橋,死都可以拗番生嘅。」但再揭多頁睇埋下期預告,書名Exactly就叫〈道理哥之死〉,我completely心寒嘞。唔好喇,我好Like王道良呢個角色架,仲要死得咁求其一槍就俾人啪低,就算要死,都可唔可以死得有型啲?身邊朋友好陰謀論咁話:「無端端整死個咁重要嘅角色,會唔會係瑞新想整個小高潮,然後順便Cut埋《火武耀揚》,叫做有頭有尾咁呀?」吓?唔好喇。 相關資訊《火武耀揚》加價至$20 汗青究竟幾多歲Die? (Jan 26, 2017) 非常突然!《火紅年代黑骨棠》完結So Sad! (Nov 7, 2016)

Read more ›

《古惑仔》派膠 佐敦有燈唔射射燈掣
by / on 10/05/2017 at 9:58 pm

《古惑仔》派膠 佐敦有燈唔射射燈掣

呢排《古惑仔》啲劇情有啲《龍虎門》影子,昔有龍虎群英打甚麼羅剎堡、蓋世堡、電堡,今有佐敦加無常帶三聯同洪興兩大社團打東英堡。今輯古仔叫〈滅東英〉,死得人多預咗,但估唔到牛佬會派膠啫,話說今期第2024期講到佐敦入到東英堡大廳,失去後援成甕中之鱉,情急智生下一槍射熄……唔係直接射熄盞燈,係射爆個燈掣,眼界又唔會好成咁一槍命中燈掣呢下好嘢。先唔講佐敦點知道邊個燈掣屬於邊盞燈,就算知,射爆個燈掣外殼又等唔等於一定射熄盞燈呢?最膠係,點解明明有成盞燈吊喺天花板,咁大目標唔射係要射個目標咁細小嘅燈掣呢?睇完,真係笑咗。 相關資訊喂牛佬!《古惑仔》印歪咗喎! (Apr 24, 2017) 今期必買 《香港電影金像獎特刊》+《我們都是這樣看港漫長大的》 (Apr 11, 2017)

Read more ›
【新片速報】日本Lawson送史萊姆杯蓋   網民自製啫喱變硬膠
by / on 10/05/2017 at 7:00 am

【新片速報】日本Lawson送史萊姆杯蓋 網民自製啫喱變硬膠

呢段片好有動感,雖然震震吓睇得唔清楚,但中間左邊藍色嗰嚿其實係史萊姆啫喱嚟嘅。最近喺Lawson買炸雞有右圖嘅特別版包裝,好多人用個史萊姆蓋嚟整啫喱,據聞仲有人用嚟整巨乳布甸(!)。講返段片,由日本網民製作,不過佢話落得太多魚膠粉,所以完成品膠得滯,佢仲即場用個鐵匙羹搖佢,不過好明顯無水動樂嘅效果。 相關資訊【新片速報】日本喵星人勁似喪屍 攝入門隙片Twitter熱傳 (May 26, 2017) 【多圖】日本「喵星人瞓胸部」寫真 青山裕企貓創作第二彈 (May 26, 2017)

Read more ›
Hot Toys莉亞公主Collectible figure!似到嗌出嚟!
by / on 09/05/2017 at 10:45 pm

Hot Toys莉亞公主Collectible figure!似到嗌出嚟!

又一像真度超高嘅莉亞公主Collectible figure,Hot Toys出品,一比六,武器、地台、指掌等配件固然精美,衣飾造型固然跟到足,最攞命都係五官面相,似到成張真人照片咁,尤其係對大眼睛,好似識得講說話咁,雖然我好憎「炯炯有神」呢個又難讀又惡寫嘅形容詞,但今次都不得不用呢四粒字,好傳神!

Read more ›
唔等七月書展 Cuson出《怪叔叔耆遇記》
by / on 09/05/2017 at 10:00 pm

唔等七月書展 Cuson出《怪叔叔耆遇記》

唔等七月書展,咁心急出新書?講緊嘅係人稱「怪叔叔」嘅Cuson,佢將會喺呢個禮拜尾推出《怪叔叔耆遇記》,有粉紅同橙黃兩個顏色封面版本選擇。出版社用以下文字形容簡介新書──「又再玩命,今次連老婆都唔理,徹底化身怪叔叔,以私密回憶、艷遇、遐想、癖好畫成新書《怪叔叔耆遇記》!一齊進入怪叔叔的FF世界!」究竟係乜私密回憶乜艷遇乜遐想乜癖好呢,咁金魚佬Feel嘅?Anyway,Cuson迷必撐。買完書,記得5月21日仲有簽繪會。 相關資訊網圖分享:永遠懷念哥哥 (Apr 3, 2017) Cuson發現Cuson斷頸!網民估蝗蟲所為! (Mar 29, 2017)

Read more ›
日本神人自製意粉樣 野獸先輩/藪貓超像真
by / on 05/05/2017 at 7:15 am

日本神人自製意粉樣 野獸先輩/藪貓超像真

最近喺Twitter好多日本人分享呢幾張意粉圖,有日本神人用意粉自製人樣,野獸先輩嘅神韻出晒嚟,二次元嘅角色都有,就係近期好紅,《動物朋友》嘅藪貓(サーバル)嘞,睇落都幾似,不過個口似乎大咗啲? 相關資訊日本企鵝爺爺愛上《動物朋友》 動物園抽水出苦戀特飲 (May 21, 2017) 聲優上陣演動物 《動物朋友》都有真人版 (Apr 24, 2017)

Read more ›

【新片速報】日本企鵝爺爺苦戀《動物朋友》唔食嘢    飼育員暖男細心照顧
by / on 04/05/2017 at 7:42 am

【新片速報】日本企鵝爺爺苦戀《動物朋友》唔食嘢 飼育員暖男細心照顧

仲記唔記得日本東武動物公園呢隻20歲嘅企鵝爺爺「グレープ君」?自從佢迷戀咗《動物朋友》嘅企鵝紙牌小姐之後就唔多食嘢。有網民拍到呢段飼育員餵魚仔嘅影片,見到開餐時間「グレープ君」都係企埋一邊唔多合群,不過飼育員好有愛心,排除萬難拎條魚去餵佢,之後企鵝爺爺又行返埋去《動物朋友》個紙牌度痴痴咁望,飼育員可能驚佢唔夠飽,行過去再餵佢,好細心好有暖男feel,入嚟有片睇。 相關資訊【有片】日本超靚混色木顏色筆 紅加黃畫蘋果特別立體 (May 26, 2017) 熱愛運動!日本19歲攀石女選手 網民驚嘆手臂粗壯 (May 25, 2017)

Read more ›
《星之卡比》玻璃杯新玩法   4色飲品超可愛Twitter熱傳
by / on 04/05/2017 at 7:39 am

《星之卡比》玻璃杯新玩法 4色飲品超可愛Twitter熱傳

《星之卡比》呢隻玻璃杯之前配過士多啤梨汁,張相喺Twitter勁多人分享,咁其實配其他汁又得唔得呢?今次就有日本網民親身嘗試,加唔同果汁入呢個玻璃杯,仲放埋實物公仔做對比,顏色跟得好足,好多網民都好好奇點樣溝到隻粉藍色,而4色之中,橙色睇落最易入口‥‥‥BTW變咗色嘅星之卡比一樣咁可愛,似乎作為粉絲呢隻杯真係要有。 相關資訊日本苦瓜又露樣 擘大口搞笑表情Twitter熱傳 (May 25, 2017) 【迷戀屁屁】日本柴犬屁屁粘土產品 超可愛Twitter熱傳 (May 24, 2017)

Read more ›
【圖集】超強玩具攝影師挑戰「實時」 蟻俠疾走有難度
by / on 01/05/2017 at 4:28 pm

【圖集】超強玩具攝影師挑戰「實時」 蟻俠疾走有難度

  呢位玩具攝影師Mitchel Wu之前都介紹過,主打實時(Real Time)攝影,除咗影胡迪之外,其實佢都影好多Marvel角色,而且IG更新得好密。最近就有蟻俠、蜘蛛俠、美國隊長,連星戰同哥斯拉佢都啱,好明顯佢買好多玩具,入嚟有得慢慢睇。 相關資訊【相集】高炒香港樓宇風景 超寫實相集「圍城」 (May 24, 2017) 【係愛呀】超可愛壁虎爸IG大熱 攬實玩具囝囝好滿足 (May 21, 2017)

Read more ›
【新片速報】吉卜力製作感人麵包廣告      10年歷程完滿結局
by / on 01/05/2017 at 12:49 pm

【新片速報】吉卜力製作感人麵包廣告 10年歷程完滿結局

曾經製作過《龍貓》嘅吉卜力動畫師佐藤好春,一直都有幫福岡縣麵包企業「フランソア」拍動畫廣告,不經不覺今年已經係第10年合作,佢哋啱啱製作咗一段長近3分鐘嘅動畫,繼續講男女主角嘅愛情故事,當然唔少得香噴噴嘅麵包不斷出現,全個系列無論場景同人物都好有《魔女宅急便》嗰間麵包舖嘅風格,好正。之後麵包店再出多段30秒嘅廣告片,兩位角色仲結埋婚,入嚟有片睇。 相關資訊【有片】石原さとみ拍廣告 幕後練拳好認真 (May 16, 2017) 【悲劇】日本電車有幾迫? 網民麵包夾到紙咁薄 (May 14, 2017)

Read more ›